المساعد الشخصي الرقمي

مشاهدة النسخة كاملة : الحلم جزء من ماذا !!؟



الجازي
16-05-2011, 08:18
قبل فترة حلمت إني أطير طيران مظلي (( باراشوت ))


بس عاد باراشوتي كان مميز :)


كان عبارة عن كيسة :7ayyoh:


ولا هي أي كيسة !!؟


كيسة أسواق العثيم :315r:


وأطير في العالي على قولتهم وكنت مستمتعة بالطيران بقوة لولا خوفي من هالكيسة لاتنشق وتنكبني :)


وأنا أطير مريت على نيويورك <<< رحلات مكوكية :)


ووصلت جنب مبنى كأني أقول لنفسي هذا (( الامباير ستيت )) <<< وفعلاً لما قوقلت عليه بعد ماصحصحت لقيته نفس شكله :)


وتعديت نيويورك وشفت مدينة تحتي وقررت أهبط فيها وأنا أنزل نزلت جنب عربة تسوق <<< العثيم وعربة صارت دعايات :)


العربة كانت كبيرة مرة بحجم مبنى صغير تقريباً


نزلت من هنا وصحيت من حلمي من هنا :7ayyoh:


الشاهد بعدها بكم أسبوع رحنا لقطر ومرينا مجمع الحياة بلازا وأنا أشهق وأصرخ : هذي هي !!


روّعت اللي في السيارة وبغينا نصدم :)


قالوا من هي !!؟


قلت : العربة !! هذي اللي شفتها في حلمي


بغيت أتسطر بس ربي رحمني إننا كنا بوسط السيارة :7ayyoh:


معقولة حلمي تحقق !!؟


طيب ونيويورك والامباير ستيت !!؟


تهقون يتحقق باقي حلمي وأروح لهم :hala1:


أو يمكن العثيم يرسلوني في بعثة على حسابهم بما إني طرت بكيستهم :)


لو بعثة مندوبة مبيعات :7ayyoh:


الله أعلم


السؤال اللي يراودني الحين :


هل الأحلام جزء من الحقيقة أم من الخيال !!؟

-------
16-05-2011, 09:56
...اليوم عاد صايبني ملل ماهو طبيعي
وموضوع مللني اكثر << طويل<< ترانا في عصر السرعة << اختصروا ياناس:d:

لي عودة للاجابة

الجازي
16-05-2011, 17:01
الله يهديك

ليه تغصبين نفسك على التصفح وأنت تحسين بملل !! :7ayyoh:


خصوصاً مواضيعي لاتدخلينها إلا وأنت قمة في الروقان عشان تكتبين رد سنع يبرد القلب

نورتيني يالغلا ولو إنك ماجاوبتي على السؤال :)

بسمة العز
16-05-2011, 18:40
حلمـك ونآآآسه : )


بصراحه انا قد صار لي كذا .. اني اشوف شي بالحلم ويتحقق نفسه بالظبط ..


حتى اني حلمت مرآ اتمشى بساحة مدرسه ومريت من عند جدار كان فيه رسمة ورده وقفت عنده شوي ومشيت

وبعد سنه انتقلت لمدرسه جديده وحصل لي نفس الموقف بالحلم وجاء ببالي ع طول مو كأنه من سنه..


واذكر زمان كان عندي اختبار علوم نهائي وجالسه اذاكر ونمت من التعب.. وحلمت اني اقرأ ورقت الاسئله..
.. وبوقت الاختبار اخذت ورقت الاسئله الا نفس الحلم وربي>> انا انصدمت لما شفتها ماصدقت :a:


وامثله كثير تصير لي حتى سوآلفنا مع اخواتي وطريقة الجلسه وايش كنا ناكل تتحقق نفسها ..


شي يخووف هذا مو حلم اعتقد يالجازي فينا شي :d: .. خصوصا لو اتحقق حلم نيويورك حقك .. :)


يعطيك العافيـه


احتراامي لك

الجازي
16-05-2011, 20:26
هلا وغلا بسومة

أما وناسة مايحتاج

أنواع الفلة وأنتي طايرة في السماء والهواء المنعش :)

معنى كلامك وبناء على أحلامك اللي تحققت إنك تشوفين الحلم جزء من الحقيقة !!؟

أجل أجهز شنطة السفر لأمريكا :)

منورة يالغلا شرفتيني

جمران
16-05-2011, 23:49
الاحلام عالم آخر


احيان تكون دلالات لاشياء

واحيان تكون ضغوطات على النفس والعقل


واحيان يكون البال مشغولا في شي ويستمر العقل مشغولا به حتى وقت النوم




ليس لي علم بتفسير الاحلام لامن قريب ولا من بعيد


ولكن اتمنى ان لاتؤول الاحلام من اي احد كان ولاتُعبّر لا مزاحا ولا حقا الا من عالم



لان الرؤيا على جناح طائر كما ورد في الحديث الشريف

حَدَّثَنَا أَحْمَدُ بْنُ حَنْبَلٍ حَدَّثَنَا هُشَيْمٌ أَخْبَرَنَا يَعْلَى بْنُ عَطَاءٍ عَنْ وَكِيعِ بْنِ عُدُسٍ عَنْ عَمِّهِ أَبِي رَزِينٍ قَالَ
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ ((الرُّؤْيَا عَلَى رِجْلِ طَائِرٍ مَا لَمْ تُعَبَّرْ فَإِذَا عُبِّرَتْ وَقَعَتْ قَالَ وَأَحْسِبُهُ قَالَ وَلَا تَقُصَّهَا إِلَّا عَلَى وَادٍّ أَوْ ذِي رَأْيٍ)) رواه أبوداود والترمذي وابن ماجه ومسند احمد وقال الحاكم (هذا حديث صحيح الإسناد ولم يخرجاه بالزيادة)


له شاهد من حديث طويل لأبي هريرة عند الترمذي (2280) ، والدارمي 2/126، ولفظه عند الترمذي "لا تقصوا الرؤيا إلا على عالم أو ناصح" وقال: هذا حديث حسن صحيح، قلنا: وسيأتي بنحو هذا اللفظ في الرواية رقم (16183)


هذا ماأردت اضافته

-------
17-05-2011, 04:24
بصراحة
كل مااحدث نفسي بشي او اتذكر شي في اليقضة
الاقيه في منامي
يعني مثلا انا احب سطح بيتنا كثير واتواجد فيه بأستمرار
خاصة بالليل او عند الغروب
اطالع بالسماء او النجوم او القمر...
وبالنوم احلم بسطح بيتنا وفيه طيور او بحر
ودائما مايتكرر هذا الحلم معاي








وأنا أطير مريت على نيويورك <<< رحلات مكوكية :)

ووصلت جنب مبنى كأني أقول لنفسي هذا (( الامباير ستيت ))
<<< وفعلاً لما قوقلت عليه بعد ماصحصحت لقيته نفس شكله :)وتعديت نيويورك وشفت مدينة تحتي وقررت أهبط فيها




بصراحة حلمك هذا من وجهة نظري
غير منطقي ولايقبله عقلي ابد
وعشوائي:)
واعتمدتي ع قوة خيالك الواسع


او يمكن اتوقع انه مجرد اضطرابات
يمكن قبل ماتنامين مرتفع ضغطك
او عندك اضطرابات بالهضم:thumb:
او
او
قدرتك الواسعة ع التخيل
او يمكن يمكن تكون رغبتك النفسية
لم تكوني قادرة ع تحقيقها
وتتحقق عندك بالحلم


شكرا الجازي
احب مواضيع هيك
وهو من اجمل مواضيعك

الجازي لك roooose

هند القاضي
17-05-2011, 04:55
يا هيك الأحلام والا فلا :d:



اوووما لو يتحقق حلمي البارحه مثل ما تحقق معاج بالعربه يا سلام :a:



\



بصراحه :wallah_hoo: ماقد حلمت بشيء حلوو وتحقق



الا الاحلام الشينه سبحان الله احلم بناس يصير لهم شيء يصير نفس الشيء بس مع ناس ثانين < وجه نكبه :(



هذي ما دري شـ تفسيرها حليها عاد :)




\



بليز اذا تحقق حلمج لأمريكا لا تنسين خيتج هند < تمسكن :d:

قـــوت
17-05-2011, 05:39
بعضه كذا وبعضه كذا :)



يمكن انه حديث نفس وهواجيس



اما بخصوص

يعني مثلا انا احب سطح بيتنا كثير واتواجد فيه بأستمرار
خاصة بالليل او عند الغروب

طرت علي فتون علف هههههههههه

الجازي
18-05-2011, 00:26
الاحلام عالم آخر


احيان تكون دلالات لاشياء

واحيان تكون ضغوطات على النفس والعقل


واحيان يكون البال مشغولا في شي ويستمر العقل مشغولا به حتى وقت النوم




ليس لي علم بتفسير الاحلام لامن قريب ولا من بعيد


ولكن اتمنى ان لاتؤول الاحلام من اي احد كان ولاتُعبّر لا مزاحا ولا حقا الا من عالم



لان الرؤيا على جناح طائر كما ورد في الحديث الشريف

حَدَّثَنَا أَحْمَدُ بْنُ حَنْبَلٍ حَدَّثَنَا هُشَيْمٌ أَخْبَرَنَا يَعْلَى بْنُ عَطَاءٍ عَنْ وَكِيعِ بْنِ عُدُسٍ عَنْ عَمِّهِ أَبِي رَزِينٍ قَالَ
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ ((الرُّؤْيَا عَلَى رِجْلِ طَائِرٍ مَا لَمْ تُعَبَّرْ فَإِذَا عُبِّرَتْ وَقَعَتْ قَالَ وَأَحْسِبُهُ قَالَ وَلَا تَقُصَّهَا إِلَّا عَلَى وَادٍّ أَوْ ذِي رَأْيٍ)) رواه أبوداود والترمذي وابن ماجه ومسند احمد وقال الحاكم (هذا حديث صحيح الإسناد ولم يخرجاه بالزيادة)


له شاهد من حديث طويل لأبي هريرة عند الترمذي (2280) ، والدارمي 2/126، ولفظه عند الترمذي "لا تقصوا الرؤيا إلا على عالم أو ناصح" وقال: هذا حديث حسن صحيح، قلنا: وسيأتي بنحو هذا اللفظ في الرواية رقم (16183)


هذا ماأردت اضافته

هلا بك أخوي جمران

فعلاً المفروض اتباع الهدي النبوي في التعامل مع الأحلام وتأويلها !!

لكن أنا كلامي هنا عن الأحلام لما تتحقق زي مانشوفها في المنام فهل نعتبرها جزء من الحقيقة !!

بارك الله فيك أخوي

الجازي
18-05-2011, 00:31
بصراحة

كل مااحدث نفسي بشي او اتذكر شي في اليقضة
الاقيه في منامي
يعني مثلا انا احب سطح بيتنا كثير واتواجد فيه بأستمرار
خاصة بالليل او عند الغروب
اطالع بالسماء او النجوم او القمر...
وبالنوم احلم بسطح بيتنا وفيه طيور او بحر
ودائما مايتكرر هذا الحلم معاي









بصراحة حلمك هذا من وجهة نظري
غير منطقي ولايقبله عقلي ابد
وعشوائي:)
واعتمدتي ع قوة خيالك الواسع


او يمكن اتوقع انه مجرد اضطرابات
يمكن قبل ماتنامين مرتفع ضغطك
او عندك اضطرابات بالهضم:thumb:
او
او
قدرتك الواسعة ع التخيل
او يمكن يمكن تكون رغبتك النفسية
لم تكوني قادرة ع تحقيقها
وتتحقق عندك بالحلم


شكرا الجازي
احب مواضيع هيك
وهو من اجمل مواضيعك


الجازي لك roooose




هلا وغلا

هاه عساك روقتي وراح الملل ! :)

تصدقين نبهتيني لشغلة !!؟

سالفة الخيال

فعلاً ليش ما أطبقها وأجرب قانون الجذب يمكن يضبط معي :7ayyoh: <<< شكراً على التنبيه :)

يسلمو عالمرور ياعسل

الجازي
18-05-2011, 00:34
يا هيك الأحلام والا فلا :d:



اوووما لو يتحقق حلمي البارحه مثل ما تحقق معاج بالعربه يا سلام :a:


\


بصراحه :wallah_hoo: ماقد حلمت بشيء حلوو وتحقق


الا الاحلام الشينه سبحان الله احلم بناس يصير لهم شيء يصير نفس الشيء بس مع ناس ثانين < وجه نكبه :(


هذي ما دري شـ تفسيرها حليها عاد :)



\



بليز اذا تحقق حلمج لأمريكا لا تنسين خيتج هند < تمسكن :d:



يابعد قلبي والله

فديت هالطلة الحلوة هنودة :d:

شوفي

أنا وجهي وجه السعد << أبو الهياط :)

لذلك اعتمدي حلمتس من الحين تراه بيتحقق بس عاد لاتنسيني من الحلاوة :)

وإذا أنا تحقق حلمي أبشري باللي تبين

وش توصين عليه بس من أمريكا يقولون نيويورك هي مركز تسوق مشاهير هوليوود :7ayyoh:

نورتيني يالغلا

الجازي
18-05-2011, 00:39
بعضه كذا وبعضه كذا :)



يمكن انه حديث نفس وهواجيس



اما بخصوص


طرت علي فتون علف هههههههههه



هههههههههههههههههههاي

يخرب عئلك منين جبتيها فتون علف :)

أجل نص هيك ونص هيك !!

تهقين حلمي يعني نصه هيك ونصه هيك بعد !!؟ :wallah_hoo:

لاتكفين خليه كله هيك واحد :)

هالمرة حلمي هيك الحقيقة تحققت العربة باقي عاد الامبايرستيت :7ayyoh:

ياحبي لك ياشيخة

شرفتيني

عبدالرحمن
18-05-2011, 00:41
حقيقة ان اللي مرك على سيادتك دائما مايمر علي !
فعلا مرات كثيرة احلم بشي فأراه يحدث لي كما رأيته!
لكن انا بطبعي لا اوقف عند الاحلام واحاول امسح الجزء المحفوظ منها وبسرعة!
نعم محاولة حفظ الحلم لها تبعات غير مفيدة ومن الافضل التخلص من عنده هذه العادة!.
لك تقديري اختي القديرة الجازي

الجازي
18-05-2011, 01:51
طيب وإذا الحلم حلو ليه تتخلص منه !!؟

احتفظ به لما يتحقق أو أنت حققه غصب :)

عموما أنتم يالرجال نادراً ماتؤمنون بالأحلام

الظاهر مافي روسكم صندوق لها :)

شكراً لمرورك أخوي عبدالرحمن

سالم الظفيري
18-05-2011, 10:46
بس انا احس ان حلمك في شوي

نوع من الهياط

تحتاجين مفسر للاحلام يمكن يعطيك الزبدة

وعلى على قولة الشيخ على المالكي يفسرون الحلم 50 ريال


الله يحقق احلامك

لك تحياتي

الجازي
18-05-2011, 11:06
أفا !!

ليه الله يسامحك !!؟

إلا الأحلام

غير قابلة للهياط بتاتاً البتة :7ayyoh:

لأنه مايجوز الكذب فيها أبداً

تفسيرها أحب أنا أفسرها عشان أتفاءل بالخير وأحطها على اللي يعجبني :)

تسلم على الدعوة الحلوة

تشرفت بحضورك أخوي سالم

أبو فهد
26-05-2011, 10:40
وش وقع هالناس كل واحدن يقص لنا حلمن حلم بوه



بعدين الحلم خيال



ما تسمعون بأضغاث الأحلام



يعني موب شرط يتحقق أو يكون صار لاجل تشوفوه




:)




------------------
أبو فهد الهمزاني

الجازي
26-05-2011, 16:36
بس أنا حلمي صدز :7ayyoh:

بعدين تحقق نصفه

باقي نصفه الثاني :)

حياك الله يابو فهد

أبو فهد
26-05-2011, 22:03
يا بنت الحلال صدفة



يا حبكم يالخالات لتفسير الأحلام



:)



-------------------
أبو فهد الهمزاني

الجازي
26-05-2011, 22:14
رب صدفة حلم خير من ألف تخطيط واقع :)

متفاائل
27-05-2011, 00:19
ياخيتي عجزنا نلحق على سوالفك وانتي صاحيه

صرتي تجيبين سوالفك وانتي نيمه:)الله المستعان

الجازي
27-05-2011, 01:35
بالله وش يقرب لك أبو خالد الاصمعي :)

وش دعوى يعني وقفت على حلمي !! :7ayyoh:

لوليتا
27-05-2011, 08:05
*
*

بعض الاحلام قد تكون عبارة عن رؤى مستقبلية
او حاضر تأخر قليلا
وطبعا الرؤية تتحقق اما جزء منها او كلها على حسب الاسباب والمسببات
واحيان تكون الاحلام شئ نريده بشدة فيتجسد حلم و ويبقى في العقل الباطن كنوع من الدافع اوالطموح يدفع بكل الظروف والاسباب في اتجاهه الى ان يتحقق
وياليت تكون احلامنا من هالنوع اعتقد انها الافضل


هذا ليس تفسير للاحلام او يستند على نظرية علمية
هو رأي ورؤية شخصية لكن وانا صاحية


الريم

الله يحقق لك باقي الحلم
ويحقق لنا كل ما نحلم ونتمنى


ربنا يسعدك

*
*

الاصمعي
27-05-2011, 11:08
بالله وش يقرب لك أبو خالد الاصمعي :)
:7ayyoh:
ما يقرب له شين أبو خالد حاول وعجز بس أبو عمر ما تثور بندقة الا بلحم :thumb:

مار تسان شفتي نفسك تبين تكتبين ولنتي قادرة تماكني رشيد العنزي قبل العطلة من تعطل المدارس يوقف عن القراءة :)

تحياتي

الجازي
27-05-2011, 12:57
*
*

بعض الاحلام قد تكون عبارة عن رؤى مستقبلية
او حاضر تأخر قليلا
وطبعا الرؤية تتحقق اما جزء منها او كلها على حسب الاسباب والمسببات
واحيان تكون الاحلام شئ نريده بشدة فيتجسد حلم و ويبقى في العقل الباطن كنوع من الدافع اوالطموح يدفع بكل الظروف والاسباب في اتجاهه الى ان يتحقق
وياليت تكون احلامنا من هالنوع اعتقد انها الافضل


هذا ليس تفسير للاحلام او يستند على نظرية علمية
هو رأي ورؤية شخصية لكن وانا صاحية


الريم

الله يحقق لك باقي الحلم
ويحقق لنا كل ما نحلم ونتمنى


ربنا يسعدك

*
*

هلا وغلا والله بهالطلة

ياقلبي يالوليتا

ايه هذا الكلام اللي يشرح الصدر ويزيدني تفاؤل :)

تسلمين ياقلبي

الله يحقق لك كل مافيه خير لك ويسعدك ويرضيك ويرضى عليك

نورتي متصفحي حبيبتي

الجازي
27-05-2011, 13:03
ما يقرب له شين أبو خالد حاول وعجز بس أبو عمر ما تثور بندقة الا بلحم :thumb:

مار تسان شفتي نفسك تبين تكتبين ولنتي قادرة تماكني رشيد العنزي قبل العطلة من تعطل المدارس يوقف عن القراءة :)

تحياتي

يمه :7ayyoh:

إلا أنتم وش حاجتكم :)

تتوضون الله لايهينكم وترسلونه لي وحدة بوحدة وعلى طول ينفك عوقي الله لايعوقني :)

أروح لرشيد العنزي وأخلي أهلي اللي مثورين في !!

مايصحش ياعم :)

ســـعود
30-05-2011, 22:41
حسب خبرتي في علم النباتات :) <<< وشدخل

اعتقد ان الحلم جزء من الواقع وخاصة اذا كان الحلم مفرحااااا فهو من واقعك الجميل اما اذا كان الحلم مرعب ( يخرع ) فهو من واقعك التعيس

واحيانا يأتيك كا دلاله على شي لكي يخبرك بأنك نسيت امر او وعدا ما


اممممش يا انا طلعت منا بسيط :)

راعي الوقيد
31-05-2011, 00:13
ياخيتي عجزنا نلحق على سوالفك وانتي صاحيه

صرتي تجيبين سوالفك وانتي نيمه:)الله المستعان

:solh:

عليك طلعات ماهي على البال:thumb:

الجازي !!

اكيد كان الحلم يوم خمس وعشرين:)

حسبي الله على بليسك يابوعمر

الجازي
31-05-2011, 16:35
حسب خبرتي في علم النباتات :) <<< وشدخل

اعتقد ان الحلم جزء من الواقع وخاصة اذا كان الحلم مفرحااااا فهو من واقعك الجميل اما اذا كان الحلم مرعب ( يخرع ) فهو من واقعك التعيس

واحيانا يأتيك كا دلاله على شي لكي يخبرك بأنك نسيت امر او وعدا ما


اممممش يا انا طلعت منا بسيط :)

لا والله منت سهل ياسعود

خبرتك في علم النباتات ماراحت عبث :)

أجل تهقى عشان واقعي جميل

يعني شلون ؟؟

مافيه سفرة لأمريكا !! :7ayyoh:




حياك الله أخوي سعود شرفتني

الجازي
31-05-2011, 16:40
:solh:

عليك طلعات ماهي على البال:thumb:

الجازي !!

اكيد كان الحلم يوم خمس وعشرين:)

حسبي الله على بليسك يابوعمر

الظاهر كان يوم المكرمة !!

شكراً لمرورك أخوي راعي الوقيد