ديربي الرياض ينتهي هلاليآ .. ويتأجل التتويج الى المباراه القادمه.. [الأرشيف]

بسمة العز

24-04-2011, 23:12

بسم الله الرحمن الرحيم

السلام عليكم ورحمة الله وبركاته

صباح / مساء.. البرود كـ مستوى الديربي..

التقى قبل قليل النـصر والهلال فـي اياب دوري زين
السعودي للمحترفين..

و انتهت بفوز الهلال بهدف نظيف من اقدآم الدوسري
بالدقيقه 39 من زمن شوط المباراه الاول..

المبآراه لم ترتقي للمستوى المطلوب وكان الرتم
بارد وبطئ << يمكن ياسر يأكد كلامي بعد تصريحه..

صرآحه توقعنا اثاره وحماس اكبـر .. لكن
ممكن نعذرهم على الظروف اللي قبل المباراه
خصوصآ ان كل الفريقين مشغولين بالمشآركه الاسيويه
غير ضغوطآت الدوري ..

الشي اللي كان مميز اعتقد تبديلات الهلال
كانت سليمه وكلها صح..
اما النصـر العكس كل تبديلاته كانت سبب بنزول
المستوى << بالذات الدوخي ولاكوره عملها صح..

اعجبني تصريحات لاعيبة الهلال بعد المباراه
وخصوصا تصريح الهوسآوي :thumb:

آما ياسر يبي اجازه ههههههههههههههههههه

آن شاءالله يعطونه اجازه :315r:

الجدير بالذكر : تأجل تتويج الهلال بالدوري الى المباراة القادمه وذلك بعد فوز الاتحاد اليوم..
الهلال يحتاج الى نقطه فقط حتى يتم تتويجه رسميآ..

الف مبروووك :mabrook:

وهآردلك النـصر..

احتراامي لكم

عبدالله المهيني

24-04-2011, 23:25

مباراة باردة جداً

المهم فيها النقاط الثلاث هلالية

.
.
.

حسين عبدالغني

تؤكد يوماً بعد يوم بأنك لاعب جميل ولكن بلا أخلاق

الله يعطيك العافيه أختي بسمه

بسمة العز

24-04-2011, 23:37

^
^

حياك المهيني

الله يحفظك مانبي هالسوالف لان لو بندقق بنلاقي حركات كثير بلا اخلاق..

لكن يكفيك تصريح اسامه هوساوي لما قال قبل شوي اننا زملاء ونشتم ونسب بعض فمابالك بمتنافسين....!

لايمكن اننا نسكت ونضحك لازم نكون متحمسين وهالشي حاصل..!!

المطلوب منكم طال عمـرك بخصـوص وضعـك هنا بالمضآيف المسآنده لنا بإدآرة القسم..

والف مبروووك الفوز roooose

والف شكر على مرورك

احتراامي لك

عبدالرحمن

24-04-2011, 23:39

الف مبروك للهلال فوزه.
حقيقة انا طلقت الرياضة منذ زمن
واحمد الله على هذا الطلاق كلما اشاهد حوار رياضي !.
الف شكر لك اختنا القديرة بسمة العز.

بسمة العز

24-04-2011, 23:42

حياك اخوي عبدالرحمن

ههههههههههههه طلاق بالثلاث اجل :d:

والله بيني وبينك انت ريّحت راسك : )

الف شكر لك لحـضورك الكريـم ومع انك مطلقها الا انك حضرت
انا ابآرك لنـفسي حضـورك وتشريفك الغالي ..roooose

احتراامي لك

ابو فارس

24-04-2011, 23:50

وه وا كبدي

جتكم غربتي مستعجلة

-----------
قال ايش قال النصر
ياعمي استريحوا بس

ذبحتوا بناديكم من اول الموسم حنا وحنا وحنا
وطلع ما عندك احد

اتناقش مع اخوي اللي ودي اتوطى ببطنه
قلت له قبل المباراة اصلا مابقى لكم شئ الا المباراة هذه لذلك انا متوقع يفوز النصر----كذا بس علشان ارفع من معنوياته
قال لا باقي لنا الاسوية وكاس الملك

قلت استريييييييييييح--- اخوي وامون عليه
الاسوية مالكم امل
وكاس الملك معكم الهلال والاتحاد اغسلوا يديكم

بجد مباراة باردة جدا
وتغييرات النصر قتلت المباراة
الدوخي شكله بدا يحن للهلال كل تمريراته فاشلة

شكرا بسمة
دمت بخير

عبدالرحمن

25-04-2011, 00:05

اتناقش مع اخوي اللي ودي اتوطى ببطنه
اخوك وودك تدوس ببطنه اجل غيره وش تسوي فيه !
شفت ان طلاقي للرياضة كان طلاق صائب !
طلق يابوفارس وتجوز القضية احسنلك:)

ابو فارس

25-04-2011, 00:09

انا ناوي بصراحة يا ابو يوسف
بس لين النصر ينزل الدرجة الاولى ويطلع دوري المحترفين
بعدها راح اعلن اعتزالي

-----------------
مشكلة اخوي انه ولد امي وابوي وخايف على ذوقه

حاولت معه بس مو راضي يتراجع

اما غيره من تقصد انت بالضبط؟

بسمة العز

25-04-2011, 00:20

ابوفارس لا مو بس النصـر الا الاهلي وبعدها اذا هبطو انت اعتزل عشان ترتاح نفسيآ هههههههه

شوف يآعبدالرحمن كونك اعتزلت فـ مانبغى نخسر عضو ثاني بمثل روح ابوفارس هههههههههههههههههه

ترا ها المخالفه ماجربتها على احد وودي اسوي بروفات لها : )

آبوفآرس..عبدالرحمن

الله يحفظكم اسعدتـوني جدآ بحوآركم roooose

احتراامي لكم

ابو فارس

25-04-2011, 00:23

عاشت حكم الساحة بسمة---خايف منها

بسمة بسمة

هالحين اعتبر معي كرت اصفر مثلا؟

يعني المباراة الجاية ممكن اروح لابو زعبل؟

موعدنا بكرى مع الشباب والاهلي
يارباه على ناصر الشمراني وكماتشو

راح ياكلون الاهلي حبة حبة

بسمة العز

25-04-2011, 00:26

ماهو لك يآحظي ههههههههه

هذا النصر اثر على راسك : )

شوف لاتجلس تتكلم على الاهلي والشباب هنا وتطلع برا الموضوع << عاد هنا تجيك المخالفه ههههههههه

يلا اكتب لك موضوع بماانك الشبابي بالمباراه .. استناك ولاتهرب ترا بنربطك ههههههههههه

متعجب

25-04-2011, 00:26

أمّا عليكم ديربي يجيب الهم

مدري ليه كنت اشوف الملعب كبير على اللعيبة

يا عبدالرحمن يالحبيب تصدق لو لاعبين معهم كان لك قولين ولي قولين وشوته جنب الخشبه

|/
/
/

نرجع للأسباني أبرك

ابو فارس

25-04-2011, 00:28

متعجب

احلى يا الكتلوني

اجل ماتعجبك مباراة الهلال والنصر؟

ايه مشكلتك ان نصر عمرك قضيته باسبانيا وزغد من الزيتون

خلك بقادسيتك وسالميتك

متعجب

25-04-2011, 00:32

ابو فارس حتّه وحده !!

يا اخي

رأيت ديربي ,,ولم أر مباراة

وندمت ندامة الكسْعي

بسمة العز

25-04-2011, 00:32

أمّا عليكم ديربي يجيب الهم

مدري ليه كنت اشوف الملعب كبير على اللعيبة

هههههههههههههههه

يا عبدالرحمن يالحبيب تصدق لو لاعبين معهم كان لك قولين ولي قولين وشوته جنب الخشبه

|/
/
/

نرجع للأسباني أبرك

اسباني ومانشوفك هنا :a:

لا لا مالك حق وربي .. يعني ذووق عآلي بالمتابعه آكيد آحنا خسرنآك الفتره المآضيه..

حيآك متعجب .. شرفت الريآضي بحضـورك roooose

احتراامي لك

عبدالرحمن

25-04-2011, 00:32

^
نعم لو لاعبين دخلنا اهداف بس حسافة اعتزلنا بعصرنا الذهبي:)
عذرا القديرة بسمة ماني عارف العدد المسموح به من المشاركات هنا>عنده ردود كثيرة :)

بسمة العز

25-04-2011, 00:39

^
^

اخوي عبدالرحمن

خذ راحتك الموضوع والرياضي كله تحت امرك وزين بعد مريتنا هذا اكبر شرف لنا وخصوصا انك من العصر الذهبي

تــــركــــي

25-04-2011, 00:40

صراحه مستوى النصر بالشوط الأول كان أفضل

و لو سجّل سعود حمود الكرة كان كلام ثاني

و اعتقد ان الكرة اول المباراة فيها شك ضربة جزاء ( المرشدي مع سعود )

و مستوى متميز من الدوسري و عباس

و النتيجة المنطقية التعادل

و الشوط الثاني وضح انخفاض مستوى بدران و الزيلعي

و مدرب النصر أخطأ بتفييراته

على العموم فوز بأقل مجهوود

شكراا اختي بسمة

بسمة العز

25-04-2011, 00:44

اهلا بأمير الهلاليين آخوي ( تـركي)

كلام وتحليل منطقي ورآئــع وآسجل اعجـآبي بفكرك العقلاني

شكرآ لحـضورك الممـيز roooose

احتراامي لك

عبدالرحمن

25-04-2011, 00:44

وخصوصا انك من العصر الذهبي

انتي بكلامك هذا راح تحيين فيني الروح الرياضية الميتة من زمن:)
واخاف ان حيت هذه الروح اذبح اقراني من رياضيين اليوم كمتعجب وابوفارس:)
تسلمين ااختي لقديرة بسمة والرياضي منور بوجودك وبقية الاعزاء.

متعجب

25-04-2011, 00:45

شكراً للظهير الايسر بسمة العز

والمضيف الرياضي بيتنا الأول

زمان عن الدوري السعودي واليوم قلت خل أتابع المباراة ودّي أعرف هالتعصّب اللي واصل لمستويات خطرة ليييه !!!

في شي يسوى ؟؟

ما لقيت إلاّ مباراة لا تُظاهيها رتابة إلاّ مباراة القادسية والعربي عندنا

/
/

عبدالرحمن بجد تبي نحترف بنادي العلمين...من قريب نتقهوى ونروح للتدريب

ا

تــــركــــي

25-04-2011, 00:50

الظاهر بنسوي ماراثون للشيبان هههههههه

بس شكل ابوفارس بيفوووووز لياقتة عالية

بسمة العز

25-04-2011, 00:51

نآدي العلمين وين صآير.. :)

..

عبدالرحمن آمآ ذبح ههههههههههه

هي من غير ذبح والوضع متوتر هنا .. بس مثل ماقال متعجب الوضع فعلا مومستاهل هالتعصب لكن الدور الكبير للاعلام
اللي يحآول بكل وسيله رفع الشحن والاحتقاء الجماهيري بين المراهقين والشباب..

بصراحه ياليت لو يرجعون اهل العصر الذهبي بكل امانه الحوآر
والنقاش الرياضي ممتع معهم اكثر من جيلنا اللي مآدري ايش يبغى ههههههههههه

بسمة العز

25-04-2011, 00:55

الظاهر بنسوي ماراثون للشيبان هههههههه

ههههههههههههههههههههههه

بس شكل ابوفارس بيفوووووز لياقتة عالية

بالعكس اللياقه مع عبدالرحمن اكثر خصوصآ الوزن افضل من بوفارس :315r:

متعجب

25-04-2011, 00:59

سوا لنا اختبار حنّا الثلاثة

دبل كيك

اللي يجيبها صح

يفوز

وش قلتوا معاشر السكاريب

متعجب

25-04-2011, 01:00

الله يصلحني

قعدت اضحك على تعليقي

كني اشوف عبدالرحمن ركبتوه ضاربه خشموه ويرعف

عبدالرحمن

25-04-2011, 01:04

انا متحدي الجميع شيبانهم وشبابهم:)
لاني وان تركت اللعب بس لازلت امارس الرياضية
مو مثل اهل العيوش والكبسة والمكبوس:thumb:
وانت تدري ياسيد متعجب بكرا عندي
تتقييم لياقة لك ولابوفارس وعبدالله رويشد:)

مطلق الثنيان

25-04-2011, 01:05

كان الهلال ضاغط أغلب فترات المبارة حتى بعد الهدف؟!
عموماً المباراة كانت باردة جداً من كلا الطرفين ولم ترقى لمبارة ديربي العاصمة (أقوى دوري عربي)؟!

وين الهلال والنصر أيام زمان أيام يوسف الثنيان وسامي الجابر وفيصل أبوثنين في (الهلال)
وماجد عبدالله وفهد الهريفي ومحيسن الجمعان وصالح المطلق ويوسف خميس(خماسي الرعب في النصر) !؟
أقسم بالله أيامها كنت أضع يدي على قلبي أغلب فترات المباراة لإني أعرف نتيجتها مسبقاً وهي (هزيمة الفريق الذي أشجعه (الموج الأزرق) وحتى تنتهي المبارة وغالباً ماتنتهي نصراوية (حزن ومأساة بالنسبة لي) !؟
أذكر أني كنت أيامها أغسل يدي وأجففها بعد من إمكانية أن يفوز الهلال خاصة إذا شفت ماجد عبدالله والهريفي وصالح المطلق ومحيسن الجمعان في الملعب مجتمعين في مبارة ديربي العاصمة؟!

بسمة .. لن يتأخر تتويج الهلال بطلاً ورايح أذكرك بحول الله تعالى لإن الهلال ببساطة شديدة فريق كبير وقدر الكبار أن يضلوا كباراً :315r:

بسمة العز

25-04-2011, 01:08

خلاص ان شاءالله بنسويلكم اختبار انتو الثلاثه هنا بالرياضي قريبآ .. الى الامام لارجوع قولو تم ههههههههه

الله يسعـدكم..roooose

احتراامي لكم

متعجب

25-04-2011, 01:09

يا خوي انا على الاقل لاعب نادي سابق

بس انت ما تترقع كل ما ودّك تلعب كوره يجونك الشيبان يدورون شبّه << وراح عمرك شبّه ورا شبّه

متعجب

25-04-2011, 01:11

معلش كابتن بسمه

حنا فلّيناها شوي << تذكرنا زمان مضى:za3lan:

بسمة العز

25-04-2011, 01:12

اهلا بحضـورك آستآذنا الكبيـر مطلق الثنيان.. واكيد لكل زمان دوله ورجال..

والهلال اليوم اكثر فريق يتمتع بمستويات عاليه ويمكن ماابالغ لو قلت يعيش عصره الذهبي..

وانا على فكره باركت للهلاليين من قبل كذا جوله بالدوري يعني لاتتوقع بالعنوان حاجه ثانيه غير عمل آكشن فقط لااكثر :d:

حيآك الله نورت الرياضي بطلّتـك

احتراامي لك

بسمة العز

25-04-2011, 01:18

ماشاءالله لاعب سابق .. بأي نآدي.. ؟

معلش كابتن بسمه

حنا فلّيناها شوي << تذكرنا زمان مضى:za3lan:

وانتو فيها : )

بصرآحه اليوم كسبت حضورك الرآئع وانت وآخوآني عبدالرحمن وبوفارس وماشاءالله عليكم ثقآفتكم الرياضيه حلوه..

حيآكم الله بأي وقت والمكآن مكآنكم..

شموخ شمالية

25-04-2011, 03:30

.
.
.

مبروك فوز الهلال

الصراحة ماشفت المباراة كانت عندي جمّعة بنات :)

تصدقين كنت متوقعة فوز النصر علشان كذا مااهتميّت بالمتابعة ..

يسلموا بسومة وكلك ذووق

ابو فارس

25-04-2011, 07:25

بسمة
لو خسران الهلال بعشرة صفر
بتكون اهون علي من كلامك

نآدي العلمين وين صآير.. :)

بعطيك مخالفة واحتمال باند
كيف تتجاهلين نادي العلمين العريق

هذا طال عمرك يقع في محافظة الخفجي
مدينة الهدوء والبترول
والصمود والتحدي
ومدينة الزهور
ودرة الخليج
ولؤلؤ الساحل
-------------------------
نادي فيه كل شئ الا الاعبين-- وش نسوي مالقينا الا متعجب وربعه

دمتم بخير

ابو ضاري

25-04-2011, 07:43

بسمة العز

25-04-2011, 08:28

اهليين حبيبتي شمـوخ

والله جمعات البنات ماتتفوت:d:

الف مبرووك الفوز..

والف شكـر لك على الطــله الحلوه ياقمـر roooose

احتراامي لك

بسمة العز

25-04-2011, 08:33

ابو فارس .. بالله عاد هذا اسم نادي (علمين) طيب مآدآم اسمه علمين اجل كيف بيكون شعار النادي : )

لا ومافيه لاعيبه وتبغى تعطيني باند عشان ماعرفته ..:3ajeeb:

والا عشانه من الخفجي صار نادي عريق :7ayyoh:

طيب مآدآم تعرفه نبغى منك معلومآت عشان نتعرف على هالنادي ^_^

بسمة العز

25-04-2011, 08:37

الف الف مبروك للزعماء

وهاردلك ياشبيثان

المباراه بااقل مستوى خاصه من الهلال نظرا للضغط المتواصل مع المشاركات

اهم شي بالمباراه انهم تبادلوا القمصان وهذا نادرا يحصل بين الفريقين

الزعيم زعيم

اما امير الهلاليين هنا بالمضايف بعد اذنكم هو منصور العطاوي

مع احترامي الشديد للاخ تركي الذي احترمه واقدره

انت تصبح شيخ الهلاليين

حياك استآذي بوضاري

والف مبرووك الفوز .. وطبعآ كان في ضغط كبير
على الهلال لكن استطآع الفوز بأقل جهـد..

بالنسبه لتركي ومنـصور ..فهـم عيـنين في راس..
ويستآهلون الطيب..

آلف شكر لك آخوي بوضاري على حضـورك وتشريفك

احتراامي لك

أحمد

25-04-2011, 10:14

الف مبروك للهلاليين الفوز بالديربي والثلاث نقاط ..

وهاردلك لجماهير النصر

إستنتاجي الشخصي يقول :

1- مباراة البارح بينت مدى قدرة الاداره الهلاليه على ضبط لاعبيها وبالاخص الرائع ميريل رادوي.

2- في النصر مواهب واعده من الضلم ان تبقى بلا مدرب يطورها.

تري مكاسي بسمة الرياضي

عبدالله الجعيثن

25-04-2011, 12:12

هاردلك للنصر

واعتقد من هزم النصر هو المدرب او من وضع التشكيله

ظلم بدر المطوع بالموقع وتأخر نزول ريان بلال ( وهو في رايي احسن مهاجمي النصر لو اعطي الفرصه ) وتنزيل الدوخي الفاشل

ياسر في رايي يحتاج اجازه مؤقته ...

وسعد الحارثي يحتاج اجازه على طول لانه برايي انتهى والتركيز يجب ان يكون على السهلاوي وحمود حتى يكتسبوا الخبره لاني اراهم واعدين اذا ابتعدوا عن مقبرة اللاعبين (الغرور)

شكرا بسمه

أحمد

25-04-2011, 12:31

^
^

تصدق يابو غازي اني كنت اتمنى لو وقف جمهور الفريقين لتحية سعد عند نزوله لرض الملعب

سعد ثروه وطنيه يجب المحافضة عليها

والله اذا تذكرت هدفه في الكويت .. وشفت تجاهل النصراويين له اني انقهر

اللي مثل سعد يجب ان تتاح له كل سبل العوده كما فعل الهلاليين مع ياسر والشلهوب

وكما يفعل الاهلاويين مع مالك

الف مبوك للهلال وبالتوفيق للجميع

دلع الاتي8

25-04-2011, 14:49

يسسلموو بسسمـهٌ ع آلموضووع آلرآئع كـ روع ــتــكِ

وهـآردلـك لـ آلنصـر http://www.up.rabe7.com/get-2-2009-rabe7_com_fm3r9666.gif

ومـو مبرووك لـ آلهلآلـيين >> بـكـيـفــي :242r:

مميزهـ دوومـآ يآعسسل :ع3:

آلف شكر من آلقلب rooose2

سـ you ــي

جمران

25-04-2011, 18:12

من اللي فاز ياجماعه

سالم الظفيري

25-04-2011, 19:48

الف الف مبروك للهلاليين وهاردلك لنصر

تسلمين اختي بسمة على الموضوع الرائع

كلمة مميزه لاتكفي لك اختي

وتسلمين

على النقاش الاجمل

انتي :thumb:

لك تحياتي

اهلاويه ذوق

25-04-2011, 19:52

8

هههههههههههههآآي

أنا

هاردلك للنصر

ومبروك للهلال وعقبال الاهلي اليوم

عوآفــي حوبي "بسوم" rooose2

بسمة العز

26-04-2011, 06:10

حياك الجثري

والف مبرووك لك الفوز

يعطيك العافيـه على الحضـور الرآئع.. roooose

احتراامي لك

بسمة العز

26-04-2011, 06:16

هاردلك للنصر

واعتقد من هزم النصر هو المدرب او من وضع التشكيله

فعلآ مآزآل مدرب النصـر يوآصل تخبطآته
والمدرب من اهم اسباب الخساره..
خصوصآ مع تبديلاته اللي مااتوفق فيها..

ظلم بدر المطوع بالموقع وتأخر نزول ريان بلال ( وهو في رايي احسن مهاجمي النصر لو اعطي الفرصه ) وتنزيل الدوخي الفاشل

ياسر في رايي يحتاج اجازه مؤقته ...

ليه..؟
ياسر حتى وان نزل الشوط الثاني كانت له لمحات
رائعه..
لكن عاد هو يبغى اجازه ويستاهل يرتاح شوي :315r:

وسعد الحارثي يحتاج اجازه على طول لانه برايي انتهى والتركيز يجب ان يكون على السهلاوي وحمود حتى يكتسبوا الخبره لاني اراهم واعدين اذا ابتعدوا عن مقبرة اللاعبين (الغرور)

اعتقد سعد لاعب مميز وعنده الكثير واتمنى يجدد مع النـصر

شكرا بسمه

حياك الجعيثن

منـور الرياضي بحضـورك المميـز

لاعدمنـآ هالطــله roooose

احتراامي لك