المساعد الشخصي الرقمي

مشاهدة النسخة كاملة : ‏​‏​‏​محاوره بين علي صالح والقذافي !!!!


الونش
21-04-2011, 05:20
محاوره بين علي صالح والقذافي








(علي صالح)


سلام يامعمر زبون المناعير...
سلام ياراس السطر والظفاره...

اهل اليمن صارو بوجهي طوابير....

بغيت منك ياالعقيد استشاره...











(معمر القذافي)


يامرحبا بك ياعلي واقطع السير...
الحر مثلك يكتفي بالاشاره...

لاتلتفت للشعب لو قال تغيير..

شف حسني مبارك حياته خساره...









(علي صالح)


شعبي مخزن قات واوضاعهم غير..

زودن على التغيير فيهم نعاره..

لبيه يامعمر عسى الخاتمه خير..
اما عمار الدار والا دماره..









(معمر القذافي)


لاضاعت الاريا فلا يمكن احير...

طاردتهم في كل زنقه وحاره...

راسي كما ترسي كبار البوابير...
صاحبك لولا الغرب شفت انتصاره








:):):)



-
جمران
21-04-2011, 13:45
الونش


سلمت وسلم قلصك :)

أأقصد نقلك


محاوره حلوه ومعبره عن واقع ملموس



لاخلى ولاعدم
عبدالرحمن
21-04-2011, 14:01
محاورة ناقطة بلسان المخرب والخارب!
تسلم اخي العزيز الونش.


البوابير..

يعني البوابير مثل الكعكوع:)
ريم شمر
21-04-2011, 15:50
شي :)

تسلم يالونش
الونش
21-04-2011, 19:56
هلا بالغالي جمران

القلص انقطم على المدخل :)

بس بوه قلصن اَخر بالهوك :)

تسلم يالغالي
الونش
21-04-2011, 20:24
هلا باخي عبد الرحمن

وشو الكعكوع على شان أعلمك بالبوابير:)

نبي خالتنا الجازي تجي وتفسر لنا البوابير :)

انا سمعت الكلمه هذي في محاوره شعريه أظن بين حبيب العازمي وسلطان الهاجري أو شاعر اَخر لكن من سياق المعنى باخره أو ناقله كبيره في البحر
وعند الشوام والاتراك البابور هو الدافور :)


وربما له معاني أخرى


تسلم على الحضور الجميل


-
الونش
21-04-2011, 20:27
ريم شمر :7ayyoh:

شي ولاهو شي لاصخيل ولاهو طلي ان مسكتوه مات وان تركتوه حي ..وشو :)

سلمتي ياأم طلال

-
سالم الظفيري
21-04-2011, 21:11
تسلم وتدوم اخوي الونش

على النقل الرائع

لك تحياتي
عباد العولقي
21-04-2011, 22:02
محاوره رائعه
هههههههههههه
والله مالهم عذر غير الرحيل

بالنسبه لمعنى

بوابير
معناها عندنا سيارات
بابور
سياره
للتوضيح

وللجميع أرقى تحياتي
الونش
21-04-2011, 22:58
سالم الظفيري

ومن قال سالم يالغالي

ولاهنت
الونش
21-04-2011, 23:02
الأخ عباد

الله يكتب اللي فيه خير للاسلام والمسلمين وعسى الله ان يحقن دمائهم

تقول ان معناها سياره .. كيف ترسي السياره :)

أجل لها معاني كثيره ننتظر ونشوف أغرب المعاني :)

تحياتي
ابو ضاري
22-04-2011, 09:21
لاهنت يالغالي


على هذا النقل
شموخ شمالية
23-04-2011, 00:10
.
.
.

تسلم يمينك عمو




ياليتهم يرحلون ويفكون شعبهم من هالدمار
بعد وجيه زي بعضهم :)
الونش
23-04-2011, 04:32
لاهنت يالغالي


على هذا النقل


ولا انت يابو ضاري

تسلم على الحضور
الونش
23-04-2011, 04:34
.
.
.
تسلم يمينك عمو
ياليتهم يرحلون ويفكون شعبهم من هالدمار
بعد وجيه زي بعضهم :)

ومن قال سالم ياجده :)

الله يكتب اللي فيه خير للأسلام والمسلمين وينصره

والوجيه تحالا :)

-
متفاائل
23-04-2011, 09:17
هذي منذو متى وانت تنتبله بالهوك :)

سلمت الونش على المحاوره الحاره

تحياتي لك