ياصاحبي شفت أمس شف حالنا اليوم

[زهور الياسمين]

السلام عليكم و رحمة الله و بركاته
***

ياصاحبي الدنيا حكايات وعلوم.. قصص عجيبة تذهل الي قراها..

الدنيا لو تضحك معك دايم الدوم.. خلك فطين ولايهمك رضاها..

كم واحد تبنى له أمال وحلوم.. يفني وغيره يهتني في بناها..

ياما أفرحت قوم وأحزنت قوم.. وكم أعشقت عين وخانت غلاها..

ياصاحبي شفت أمس شف حالنا اليوم. . دنيا تقلب يكفي الله بلاها..

اليوم لامنه بغت عيني النوم.. تنكدت روحي وعافت كراها..

ماكل من علا بالأصوات مفهوم.. وماكل روح تلتقي في مناها..

وماكل من يشكي معذب ومحروم.. وماكل من يضحك همومه نساها..

بحرالحياه إن صرت ماتعـرف العوم .. يرميك في غبه بعيده مداها..

من راح يستسلم من أحزان وهموم.. يموت حي وحاجته ماقضاها..

واجه هبوب الوقت بإيمان وعزوم .. لابدماربك يهدي هواها..

وأصبر إذا شمسك حجب نورها غيوم.. الغيم بتفرق ويشرق سناها...


***

[جمران]

قصيده معبره جدا ومليئه بالنصائح والحكم


صح لسان شاعرها


وصح نقلتس زهور


دمتي وسلمتي

[متفاائل]

صح نقلك سلم ذوقك واختيارك

صح لسان الشاعر

تحياتي

[شمعه]

صح لسان الشاعر

وتسلم يدينك على النقل الروعه

[سالم الظفيري]

وماكل من يشكي معذب ومحروم.. وماكل من يضحك همومه نساها.


صح لسانك اختي زهور

ونقلك وذوقك

لك تحياتي

[زهور الياسمين]

قصيده معبره جدا ومليئه بالنصائح والحكم


صح لسان شاعرها


وصح نقلتس زهور


دمتي وسلمتي


شاكرة لك مرورك الكريم

اسعدني تواجدك

[زهور الياسمين]

صح نقلك سلم ذوقك واختيارك

صح لسان الشاعر

تحياتي

شاكرة لك مرورك الكريم

اسعدني تواجدك

[زهور الياسمين]

صح لسان الشاعر

وتسلم يدينك على النقل الروعه


شاكرة لكِ مروركِ الكريم

اسعدني تواجدكِ

[زهور الياسمين]

صح لسانك اختي زهور

ونقلك وذوقك

لك تحياتي


شاكرة لك مرورك الكريم

اسعدني تواجدك