من يعرف الأبيات هذه من له وما هي كامل الصيدة

[النازح المنسي]

ياحسين والله ما بها سبت رجلين ....... ياحسين شيب بالظمير هكعانه
ياحسين ما يشتك الا الرديين ........ ولا ترا الطيب وسيع البطانه


تحياتي

[محمد الوبير]

بسم الله الرحمن الرحبم


اخي المنسي \ عساك بخير وياهلا ومرحبافيك


القصيده لبن رشيد يوم وصى خويه حسين يوصل مرته

ومنها

ياحسين والله ملها سبت رجلين
......................... يا حسين شيب بضمير هكعانه
ان شلتها ياحسين تر مابها شين
......................... ترى الخوي ياحسين مثل الامانه
ولا يشتشك ياحسين كود الردين
......................... ولا ترى الطيب وسيِ بطانــه



ولك التحيه

[النازح المنسي]

شكرا محمد

ما تعرف كامل القصيدة

[المشرف العام]

أخي / النازح المنسي

القصه موجودة في شبكة شمر/ تاريخ حكام آلـ رشيد

تحت عنوان

عبدالله العلي الرشيد يعود لاخذ زوجته


على الوصله أدناه :

http://www.shammar.org/h_s.htm


ولك تحياتي / المشرف

[ابو عرب]

السلام عليكم ورحمه الله وبركاته

مساء الخير اخواني واريد ان ادلوا بدلوي

كما هو معروف لديكم القصيده للامير عبدالله العلي الرشيد

قالها عندما خرج مع صديقه حسين المصطح وامراته سلمي

وخروجه كان من حائل الى جبه وقال قصيده عندما وصل الى

جبه :

جبه سقاها من اول الوسم رعاد/ ماطالعت خشم ام سلمان تسقيه

حيث انها للمنهزم دار ميعاد / ومن لاذبه كن الحرم لايذن فيه

وبالنسبه لقصيدته الاولى فهي:

ارم النعول لمغيزل العين ياحسيـن
______________________واقطع لها من راس ردنك ليانـه
وجنب حثاث القاع واتبع بها اللين
_____________________واقصر اخطاك اشوي وامش امشيانه
يا حسين والله ما بها سبت رجليـن
_____________________يا حسين شيب بالضمير هكعانه
ان شلتها ياحسين تر مابها شين
_____________________ترى الخوي يا حسين مثل الامانه
مايستشك يا حسين كود الرديين
_____________________والا ترى الطيب وسيع ٍ بطانـه
لابد ما حنا عن الضلع مقفيـن
____________________ولابد ماناطا النفود وليانــــه



وسلامتكم ( وعلى ذمه الشايب)

[ابو مشاري الشمري]

السلام عليكم ورحمة الله وبركاته
هذي القصيدة لعبدالله بن رشيد كان رايح من حائل ومعة زوجته منيرة المسطح وخويه حسين وكانت زوجته حامل في متعب ابو الحنازه
ولاعليها نعول وكانت تعرج مصابه رجلها.فقال الاميرعبدالله

ارم النعول لمغيزل العين ياحسين
وأقطع لها من راس ردنك ليانه

واترك حفاف القاع واتبع به اللين
واقصر خطاك شوي وامش مشيانه

ياحسين والله مابها سبت رجلين
ياحسين شيب بالضمير اهكعانه

ون شلتها ياحسين تر مبها شين
تر الخوي ياحسين مثل الامانه

ياحسين مايشتك كود الرديين
ولا ترى الطيب وسيع ابطانه

لابد ماحنا عن الضلع مقفين
ولابد مانطا النفود وليانه


وهي اطول من كذا .والمعذره ماعرف الباقي
اخوك ابو مشاري