قلّي شتبي ..؟!

[طلال]

كل عام و الجميع بخير


شـ تبي من الفوتو ، درس ، حركه ، طريقه ، شي شيات :) بودك تعرفه ..؟!

ان شاء الله اقدر اخدمك فيه

البرنامج : Adobe Photoshop

مفتوح للجميع

..

[طلال]

نشوف شغلك ، ماهو تمشي و تخلينا بعد سؤالك

هه :puzzled: !

[شموخ]

اهلا بالاخ طلال


ياليت تشرح لي الختم انا ناسيته اخذت دوره زمان ونسيت طريقته :(

وياليت بعد اضافة حركه كنص متحرك لانهم ماعطونا هالشي في الفتوشوب ..


وشاكره لك :)

[أبو فهد]

قلّي شتبي ..؟!


باللهي 2 شكشوكة و واحد حليب شاهي .... :)






فكرة جميلة جدا



أسأل الله لها التوفيق



لا عدمناك طلال




------------------
أبو فهد الهمزاني

[عبدالرحمن]

قل شتبي وابشر بعزك.....احط في يدينك القمر والثريا
قل شتبي وكلي لكلك.....اطير من الفرح وكلي حميا
ماني مثل طالب الشكشوكة ...مليح الحرف والمحيا!.

تسلم يالغالي على الفكرة ومساعدتك اخوانك.
عذرا
فقد اعترضني صاحب الشكشوكة
فسحبت الشاكوش:)

[ابو فارس]

كلك ذوق يا طلال

يكفيك من المشاركة هذه جبت لنا شموخ اللي ما ادري من وين طلعت



وش رايك نرحب فيها هنا او نفتح لنا مشاركة جديدة

حياك الله ياشموخ





والف شكر لك ياطلال

بصراحة انا طلبي بسيط مو مثل راعي الشكشوكة وخويه


ابغى التذهيب
باقل خطوات



دمت بخير

[طلال]

ياهلا اختي شموخ ، حي الله هالطلّه

سؤال دقيق ولا يعرفه الكثير من المصممين [ Tool Stamp ] بـ إختصار S

هذه الأداة عميقة جداً و حساسة في عملية الدمج و الترقيع

لها نوعين :

1- clone : يقوم النوع الأول بـ عملية " استنساخ " جزء بسيط من الصورة " بـ حجم الفرشاة و مقاساتها "

عن طريق الضغط على زر Alt و النقر بزر الماوس الايسر نأخذ جزء من الصورة " استنساخ ستامب " !!

وش الفائدة ..؟! من استنساخ الختم ..؟!

له فوائد كبيرة و خاصة بالصور الفوتوغرافية !

تستخدم لـ تصفية البشرة بالدرجة الاولى عند أكثر المصورين الفوتوغرافيين

تستخدم لإخفاء عيوب الدمج

تستخدم لـ إضافة تأثيرات عدة على حسب ذوق المصمم

فقط نحتاج لـ التجربه مره واحده للأداة و بعده نتعرف على قدرتها الكبيرة في العمل

2- pattern : هذا النوع من الأداة نستطيع استخدام" الباترين " من خلال أداة الختم

تحتاج الى ذوق عالي لـ المصمم بحيث يختار خامة باترن مناسبه لـ عمله ، يقوم بـ ادراجها بشكل أنيق في عمله لـ اجزاء عميقه في التصميم

قليل استخدام هذا النوع لـ توفر بدائل كثيرة و أفضل من ناحية إتقان العمل لدى المصممين


لم أرفق صور كـ أمثله لعمل الختم ، فقط جربي الأداة و خاصه نوع clone مثلاً في تصفية البشرة و تتعرفين على بعض خصائصه فعلياً


أتمنى إني توفقت في شرح عام لـ Tool Stamp

هذا اللي فهمته من الختم !!

اذا فيه شيء غير اللي فهمته قوليه ، ان شاء الله افيدك فيه :)


..


تحريك النص جاري شرح بشكل سهل ان شاء الله

ياهلا والف هلا شموخ على الحضور المفرح

[طلال]

باكو :315r:

تحريك النص سهل مره ولا يحتاج لـ شرح كثير ، كم خطوه بس لـ معرفة اساس الحركه في الفوتو

ومن هذي الطريقه نستطيع استخراج الف و الف طريقه اخرى لـ دخول النص و خروجه .

بـ اختصار حركة النص : هو عبارة عن ظهور النص و إختفاءه بـ شكل مريح لـ عين المتلقي و المتذوق .

اول شيء نختار صوره من ذوقنا ، انا اخترت عمل لي سابق اخذت منه لقطة لـ العمل اللي نبي نشرحه :)

نختار كلمات توافق الصوره ، او تحاكي اتجاه الحنّيه :)

الكلمات مثلا نختار :

يا كثر ما جاني الضيق و الياس
اسكت و كن مافيني انسان طايح

الكلمات و العمل من أدائي سابقاً

______

بسم الله نبدأ

http://www.shmmr.net/talal/1shmok.jpg

نأخذ لقطه من الصوره

http://www.shmmr.net/talal/1shmok2.jpg

نجزء الكلمات الى طبقات متفرقه بـ حيث نستطيع ان نتحكم بـ الظهور و الاختفاء " تجزئة الشطر الاول "

http://www.shmmr.net/talal/1shmok3.jpg

تجزئة الشطر الثاني

http://www.shmmr.net/talal/1shmok4.jpg

بعد كذا ننتقل الى الأمج ريدي من الفوتو ، يُفضل تحويل النص الى طبقة " لير " يعني ما يكون على هيئة نص

http://www.shmmr.net/talal/1shmok5.jpg

تكون واجهة الامج ريدي بـ هذا الشكل

http://www.shmmr.net/talal/1shmok6.jpg

من مشاهد الحركة ، يوجد خيار صغير " اضافة حركة "

نضغط عليها كل " خطوة ظهور و خطوة اختفاء "

http://www.shmmr.net/talal/1shmok7.jpg

لـ كل خطوة !! " نسوي خطوة تظليل " ، يعني الظهور يكون على ثلاث مراحل !!

30 + 60 + 90 = ظهور لمدة 5 ثواني

الاختفاء !!

60 - 30 - 0 = اختفاء لمدة 5 ثواني


http://www.shmmr.net/talal/1shmok8.jpg

بعد كل الخطوات و الذوق في الظهور و الاختفاء !

تصير الدنيا كذا :)


في النهاية التصدير بـ Gif و الحفظ في كل مرة و سلامتك شموخ


http://www.shmmr.net/talal/end-shmok1.gif


..

[طلال]

ابو فهد ..؟!

مكينه هذا ماهو بطن :)

من يبي ياكل 2 شكشوكه و حليب و شاهي ؟!

هذا البطن ماهو بطني

على شاني ثاني مره ما تعوده هههههه :)

..


ولاعدمتك يابعدهم هههه :)

[طلال]

يابو يوسف والله اني مدري وش اقولك ..

احرجتن قسم :(

ما اقول الا ، الله لا يحرمني وجودك

..

[طلال]

ياهلا والف غلا ابو فارس

من عيوني و فيه بعد اشياء حلوه بـ غير الفوتو و متخصصه في تذهيب النصوص

ابشر ابي انقي لك افضل الموجود في التذهيب

منورنا وربي

..

[ريم شمر]

مرحبا طلال


انا ودي اتقن الدمج باحترافيه وبدون اخطاء

مثلك يااستاذ .... اسم الله عليك :)

فيه امكانيه تعطيني دوره صغيره سريعه بدون تعقيدات تخليني تمام التمام :315r:

اذا ماتبي ترى عادي لأني تلميذه كسوله جداً وبتعبك :qannaj:


تسلم عالفكره النيره والجهد الطيب

[بنت الجبل آخت القصيد]

طلال
كل عام وانت بخير

عااادي كل شيء نبيه نقوله


بدون باند :d:







نفسي بدورة لـ تصميم الـ Mms


دروس خفيفه وسهله وتناسب بداياتنا كمبتدئين :)



قواك الله
.
.

لاهنت

[-------]

طلال فك نفسك وعطنا دورة وريح حالك:d:

حلمي اصير محترفة فوتشوب:148r:

[طلال]

ابو فارس

هذا درس :

http://www.shmmr.net/vb/threads/54112

أفضل الموجود في تذهيب الشعارات و النصوص

المستخدم في أكثر اللوحات و البروشرات الإعلانية

ما جبت لك الرابط من باب الكسل :)

لاوالله !

هذا الأفضل من أي طريقة أخرى لـ تذهيب النصوص و الشعارات !!

والاحترافية في التذهيب !!

تأتي بعد انتاجك لـ العمل عن طريق الفوتو " إضافة تأثيرات عليه غير تأثيرات البرنامج نفسه "

لـ تعطيه ضوء ابداعي أكثر

..

[طلال]

هلا ام طلال :)

دمج مرتن وحده :7ayyoh:

يابنت الحلال استخيري الله ههههه

من عيوني يام طلال انتظريني بـ اقل خطوات بس الله الله بالشغل ماهو عذر الكسل :)

لاهنتِ

..

[طلال]

هلا عطر

وانتِ بخير و صحه و سلامه

ههههه اي عادي :)

بس ..؟! < يعني شوي طلبك :)

من عيوني انتظريني ان شاء الله هاليومين :)

ولاهنتِ

..

[طلال]

هلا ايثار

وانا بعد حلمي اعرف اطبخ بس ما اعرف ياقهر :(

سوو لنا دوره طبخ بس بدون فرن ، لإن النار ماله امان :)

فيه دوره ، في مكتبة الدروس فرفري فيها ان شاء الله تطلعين لنا بـ لوحه ما سوواها بيكاسو بـ عزه :)

[طلال]

هذا الموضوع مرجع لـ كل عضو يبي مني شي :)

دروس ، طرق ، اي خدمه في مجال التصميم

..