ياقصيــدي ..لــ فهيـد البقعاوي

[شموخ شمالية]

لـ شعر فهيد البقعاوي نكهه خاصة ..

ووجود أسمه هنـا شرفٍ لنــا .. أترككم مع أبداع الشاعـر الحايلي المحترم..






.............




ياقصيدي.. حظي العاثر قوي
إن عدلته يوم يرجعلي يميل
.
الجروح تزود والهم يعوي
والعنا باقي معي عمره طويل
.
والخوي... هناك ماكنه خوي
مايحس بدمعة قشرى تسيل
.
أشهد أن الحظ ناويني نوي
ماعطاني شي بأحساسه قليل
.
انشويت بحر هاجوسي شوي
وانكويت وهدني قلب عليل
.
إيه أبي لحظه من الفرح ارتوي
وين أبلقاها وانا حظي بخيل
.
بس فيني قلب واحساس بدوي
ما أهز الراس لو ضاع الدليل
.
هالزمن قاسي وانا فيه انكوي
و ماقول إلا .. عسى صبر جميل
.
والله إن الهم راويني روي
بين هم الياس وأيام الرحيل
.
ليه ماأدري كيف فيني مهتوي
الظلام اللي مع الغربة ثقيل
.
ارتجي وارجي عسى حظي قوي
وإن عدلته يوم مايرجع يميل




.







http://www.shmoooa.com/up/uploads/images/shmooooa-fdc63d421b.gif (http://www.shmoooa.com/up/uploads/images/shmooooa-fdc63d421b.gif)

[جمران]

يعطيتس العافيه مشرفتنا


حضور مميز بقصيده لشاعر متميز




صح لسان الشاعر


وصح بدنتس

[ابو ضاري]

اختيار مميز وابداع في النقل

شكرا مشرفتنا الفاضله

[صلفيق]

مشكووورة شموخ شمالية

دائما لك ذائقة متميزة

نقل رائع واختيار راقي



كل الشكر

[شموخ شمالية]

يعطيتس العافيه مشرفتنا


حضور مميز بقصيده لشاعر متميز




صح لسان الشاعر


وصح بدنتس


هلا بــ أخوي سلطان

وأهلآ بــ حضورك ...شرفتني الله يحفظك

[شموخ شمالية]

اختيار مميز وابداع في النقل

شكرا مشرفتنا الفاضله


هلا بـ الطيب

شرفتني بــ حضورك العطر الله يحفظك