صـــآلح السكيبي .... مجموعة قصآئد ...

[هلآ الآسلميهـ]

السلام عليكم ورحمة الله وبركآته ..


الشاعر صالح السكيبي ..


شآعر متألق .. رومانسي .. يفيض بلآحساس ..


قمت بكتآبة قصيدتين من قصآئده ..


أحببتهن بعد سمآعهن في شآعر المليون ..


\\

(( ثمــر قلبي ))



هذا ثمر قلبي تدلّى قبل يآتي موسمه \\مدي يدينك وأجمعي فرقاك من عذق العتب
انا ثملت من الفراق اللي خذآ وجهي سمه\\شوفي ملامح غيبتك تقرآ قبل لا تنكتب
في وجهي الشآحب وفي آهات صدري ونسمه\\في ناظر عيونٍ هميل الوجد منها ينسكب
يانور لحظآتٍ غدت من دون وجهك معتمه\\وينك بدآ هذا الحنين بجوف صدري يحتطب
ياحبٍ اجتاح الضلوع وفج قلبي وأقسمه \\ نصفين وازريت أجمع النصفين وغيآبك سبب
حبٍ بقآ لو وآقعه مره بحاليه أصدمه\\عشقٍ حيا رغم العطش في روض روحي معتشب
ليت الغلآ ذنبٍ يتجنآه الخفوق ويندمه\\وليت الصبر جرمٍ اليا طآولت همي يرتكب
إلى متآوانا أهين الوقت وآرجع وآحشمه\\وآنا على رجم الوصآل اشرف وأنادي وأرتقب
يـ آم العيون الفاتنات الناجلآت المغرمه\\يامن رموش عيونهآ تشكي سبب عكش الهدب
يامبسمٍ له ضحكةٍ تنطق بشيٍ تبهمه\\ يانبرةٍ لآمن حكت كل المعآني تنقلب
ياللي خذيتي خآفقي قبل أعرفك وآقدمه \\ ياللي غيآبك لحنٍ تغني به اعواد القصب
عودي على قلبٍ طوآه الهم والشوق أهزمه\\ قلبٍ معك غنايمه ضاعت ولا ادري وش كسب
انا انتهيت وشوقي بصدري بدت له همهمه\\ جمر انتظاري سندت ناره وانا صرت الحطب
حتآ ثمر قلبي تدلّى قبل يآتي موسمه \\ هزّي طرف جذعه تساقط لك من عذوقه عتب..



\\


(( فمـآن الله ))


من أجمل ماسمعت عن الودآع ..




فمآن الله سافر للنصيب وديرة المقسوم\\فمان الله سافر للحنين وحلل اشواقي
فمان دموع عيني والغرام وحبك المرسوم\\مثل نقش الحجر في وسط قلبي له اثر باقي
فمان الله فاتت شرهة الخافق ووقت اللوم \\ لك الله مابقت غير الدموع تباغت احداقي
ولا باقي سوآ جسمٍ نحيل وناظرٍ محروم\\ يراقب شمسٍ أقفت من سماي وشالت اشفاقي
زمن عدآ على ذآك الفرآق اللي تقول اليوم \\وانا (file://\\وانا) ارشف من يمين الجرح نزفي واشكر الساقي
نبت للحلم ريش وقلت اهدّه في سماك يحوم\\ولكن خآنت فجوج الوسآع وضآقت آفآقي
رحلت وكل حرفٍ مالبس منه الكلآم هدو\\تذكر يوم اصافح غيبتك وآمد خفّآقي
أنا للحين مدري هو أنا الظالم أو المظلوم\\ انا مدري واذا تدري تعال وفتش أعماقي
أعرف اني سقيت الليل دمع ولا ظهر به نوم\\عقب مامرني فصل السهاد وحتت اوراقي
فراقٍ مر في حدب المعاني تقل اخيذة قوم\\ضحآ مني نهبك بغفلتي واستسهل وثاقي
يقولون العرب ان الآوادم ماعليها وسوم\\ وآنا لو ادري انك من نصيبي مآنكسر ساقي
يمر الشعر في درب الجديد ولا يجيب علوم\\ بقآ عندي كلامٍ من رحلت يدوّر اعتاقي
فمان الله وجّه للغيآب وخلني موهوم\\ابعصر الحنين في غيبتك وأعتق اشواقي



\\


وسلآمتكم ..rooose2

[سلطااان السويري]

يعطيك العافيه هلا

وصح لسان الشاعر صالح السكيبي

ومن زمان عن قصائده


لاهنتي على النقل

[رهـفـ الشـمـريـ]

يعطيييك العااافيه يآآبعدي

اتمنى اشوووف له قصائد جديدهـ

ودي
,,

[شموخ شمالية]

صح لسان الشاعر

ولاهنتي يابعد حيي على نقلك
وحضورك الحلو

وتشريفك للمنقول

لاعدمت هالطلّه يالغلا

[عبدالله المهيني]

صالح السكيبي




شاعر أكثر من رائع

شاعر يحضر بقوة الشعر



لنا عليه عتب

فهو بخيل في التواجد الإعلامي

أعتقد أنه لم يخرج من نطاق ظهوره عبر شاعر المليون






.
.
.



هلا الأسلمية

إختياراتك دوماً جميلة

الله يعطيك العافيه



لكـٍ الود أختي

[ابو ضاري]

اختيار رائع لشاعر كبير وومتميز

شكرا هلا

[صلفيق]

صح لسانك وسلمت بنانك

يعطيك العافية ياهلا

لاهنتي،،،

[هلآ الآسلميهـ]

يعطيك العافيه هلا

وصح لسان الشاعر صالح السكيبي

ومن زمان عن قصائده


لاهنتي على النقل

الله يعافيك ويسلمك أخوي ..


لاهنت ..

[هلآ الآسلميهـ]

يعطيييك العااافيه يآآبعدي

اتمنى اشوووف له قصائد جديدهـ

ودي
,,


الله يعافيك ويسلمك يالغلا ..


ابشري ان شاء الله ...

[هلآ الآسلميهـ]

صح لسان الشاعر

ولاهنتي يابعد حيي على نقلك
وحضورك الحلو

وتشريفك للمنقول

لاعدمت هالطلّه يالغلا



أيا بعد معاليدز قلبي يالغاليه ..



الله يعافيتس ويسلمتس على المرور ..