(( ( بنات ... وش آخر سواليف الهوى معكم ...؟!!

[فوووز]

مما رآق لي



من قصائد الشاعر (زيد روما - عبد الكريم المهنا)
عاشق سلمى..


بعد أذن غاليتنا شموخ شماليه..


فهذه القصيدة الثانية التي أنقلها هنا لنفس الشاعر
فلمعزوفاته الشعرية .. طابع خاص.. يعجبني كثيراً


أحببت أن تستمتعوا معي فيها..









بنات
... أنا جيت
وكلي سواليف ... وغلا
حبيت ...
ورب السماء حبيت
الحين أنا بـ (سكة سفر ...!!)
و يمكن تطول ...!!


الله ... يا حلو السفر ... بالذات إذا هو في هواه ...!!
الله على دموع البنات إذا عشقوا ...
أحسها ماهي دموع ...
أحسها حبة مطر ... كله طهر ...
حتى سوالفهم غير ...
ويبدون في يومٍ جديد
وحلمٍ جديد
ونظراتهم من جد تتغير كثير ...
تصير مرة جارحة
واحيان تبقى سارحة
يا ربي وش حلو البناااات


يجننون
فيهم غلا ... وملح ... وحلا ...
ما حطه الله فـ أحدٍ غيرهم
إذا ضحكوا
وإذا بكوا
وإذا عشقوا
وإذا مشوا
وإذا وقفوا
وإذا زعلوا
وإذا رضوا
وذا بدأ فيهم غنج


وحتى إذا انقهروااااا بعد ياربي عليهم


سبحان من سوى البنات ...!!


ويااااه لو تدرون عن حلمٍ حلمته ... البارحة
والله خطير
والبارحة ماهي مجرد حلم ...
البارحه ميلاد ...!!
والبارحة سكة سفر ... ودربٍ طويل
شوفوا فديت عيونكم ...
وش رايكم في غرتي ...؟!
وفستاني ...؟! وعطري بعد ...؟!
كله جديد ... كله


كل شي تغير في عهود
كل القديم اللي احبه ... اليوم أنا صرت أكرهه
اليوم انا ماني عهود
اليوم انا فيني هوى وعشقٍ جديد
حتى اسمي غيرته بعد
اليوم انا إسمي عهد
وقطعت لعيون الهوى وعد ... وعهد
إني ما اخون
وابقى على دربي الجديد
وعشقي الجديد
وعطري وفساتيني الجديده


وأنتم ... وش آخر سواليف الهوى معكم ...؟!
تدرون ...؟!


أنا عشقت البارحة
والبارحة ياصار شيء ...!!
البارحة بس ( انا ضحكت )
والبارحة بس ( انا بكيت )
والبارحة بس ( سهرة لين الصبح )


اثر الهوى مجنون ...؟!


سمعت من وحدة تقول
( إن الهوى مثل الربيع ينبت على شفاه البنات
وإذا ضحكوا طاح الكرز )


وسمعت من وحدة تقول
( إن الهوى مثل العطر يفوح بانفاس البنات
وإذا حكوا فاح العطر )


وسمعت من وحدة تقول
( إن الهوى ملعون ابو
وهو سبب موت البنات
وإذا عشقوا ماتوا قهر )


و وحدة تقول
وأُخرى تقول
والحين أنا فعلاً عشقت
وانا اللي خلوني أقول
تدرون وش معنى الهوى ...؟!


( موت وحياة ...
وانا عمري القديم ... وقلبي القديم ماتوا جميع البارحة
والبارحة انا حييت ... بعمرٍ جديد ... وقلبٍ جديد
وعشقٍ مثل طعم العسل ...!!
وأثر الهوى عين العقل
وهم يقولون الهوى دايم جنون ...!!
وحتى إذا عشقي جنون ... يبقى الجنون عين العقل ...!!
واثر الهوى كله عبث ...
لكن يجي منه فنون )


الله على العشق النظيف ...!!
عشقت لي قطعة قمر ...!!
رجال ... مو رجال بس ...!!
وربي يـ هو كل الرجال ...


كله احاسيس ... وغلا
كله وله...
زرع على شفاهي الدلال
إذا ضحكت ... يبكي وله
ياربي عليه
وإذا بكيت ... يموت
وعساي انا قبله أموت ...!!
وإذا لمس كفي بعض كفه شهق ...


بسم الله عليه
وقام يهذي ...!!
ويقول لي أحلى قصيد
وإذا انتهى ... يرجع يعيد
إلييييين أنام ...!!
تدرون البارحة وش قال لي ...؟!
البارحة قال
( تكفين ودي تزعلين ...!!
وإذا انا غالي عليك لعيوني تكفين ازعلي ...!!
تدرين ليش ...؟! )
بصراحة خفت ... وقلت...
( ليش!..؟! )


يقول


( ابا اتلذذ وانا اطلب رضاك ...
وربي لـ سوي كل شيء ... إلين ماترضى علي ...!!
وحتى إذا صار ورضيتي ...
بـ ارجع بعد وازاعلك ...
واعود أطلب لك رضاك ...!!
واسوي كل اللي تبين ... بس ازعلي
خليني انعم بـ الزعل ... وانعم إذا ترضين ... )


وربي جنون ...!!
شفتوا الهوى وشلون ...؟!
حتى في وقت الزعل يحلى الهوى ...
ويحلى بعد إذا رضيت ...!!
ياربي وش هالحظ الحلو ...؟!
احس انا فعلاً حييت ...!!


كان الزهر اسود ...
والليل هم ...


وكانت سواليفي حكي ...
واحلامي شتات


الله على عشق البنات ... موت وحياة ...!!
يا الله نوموا يا بنات
بروح أنا في غرفتي
أجلس انا وقلبي جميع ... بلحالنا
نقراء دواوين الشعر
ونضحك سوى ... ونبكي سوى ...
ونـ ناااااام ونتغطى باحاسيس البنات إذا عشقوا ...!!


.


.

[ريتاج]

يا الله نوموا يا بنات


يالله تمسو على خير بروح انآآم:)


من جد قصيـــــــــــــــــده روووعه ..


ووه ياابعد الدنيا يالبنات ..


وش هي الحياة بدون بنات ..



صح لسان قايلها وصح لسان ناقلها



تسلمين فووز



شيييييييييع

[عبدالله الجعيثن]

كني اقرا قصيدة عبدالرحمن رفيع




شكرا فوز...نقل رائع




لاهنتي

[الشمـــ نور ــــري]

رووعه...

صح لساان الشاعر...

تسلمين فووز

[فوووز]

يالله تمسو على خير بروح انآآم:)


من جد قصيـــــــــــــــــده روووعه ..


ووه ياابعد الدنيا يالبنات ..


وش هي الحياة بدون بنات ..



صح لسان قايلها وصح لسان ناقلها



تسلمين فووز



شيييييييييع


صدقتي يارتوج :)


حياك ربي يالغالية..

وصح بدنك..

[فوووز]

كني اقرا قصيدة عبدالرحمن رفيع




شكرا فوز...نقل رائع




لاهنتي


العفو يا بو غازي

للأسف ماأعرف عبد الرحمن رفيع..

راح أبحث عن قصائدة.. دامها بروعه قصائد زيد روما..



حياك الله..


..

[فوووز]

حضوركم هو مااضفى على المتصفح الروعه


حياك الله يانور ..



..

[قمر اللــيل]

تسلم يمينك يافوز

نقل مميز

لاهنت

[فوووز]

..


حياك الله ياقمر الليل


تشرفت بحضورك يالغالية..


..

[شموخ شمالية]

ياهلا والله بالغالية / فوووز
وتسلمين يالرائعة على نقلك

والشرف لنا حضور أسمك هنا وتنوير الصفحات بهذه الروائع

لاعدمت هالطلة الحلوة

لكِ الحب

[فوووز]

هلا بك ياشموخ شمالية


شرف لي ان اكون من المارين هنا في مضيفكم


لكِ مني كل التحية والتقدير



..

[بلا عنوان]

شكرا فووووز على القصيده الرائعه


ونقل موفق وجميل غير مستغرب

[فوووز]

العفو يا بلا عنوان

حياك الله..

أشكر لك حضورك..


..

[ليلى بنت عبدالعزيز]

الله يا فوووز

كل شي الا زيد روما روعه

يسلم يدينك

[فوووز]

..

الأقحوان..

الله ياحلو.. البنات........!!


إذا كتب فيهم زيد روما قصايد

:)


حياك ربي يالغالية ..



..

[شام]

قصيدة ذات مذاق فريد
أول مرة اقرأ قصيدة بهذا الاحساس العميق
و المفردة السهلة الجميلة و المعنى الرقيق
تسلم الأنامل فوزززنا
ننتظر جديدك دائماً
مودتي

[فوووز]

اهلين ياشام

تعجبني قصائد هذا الشاعر.. أتابع جديده..

ماعليك الا تبحثين عن قصائد زيد روما ..
وراح تلاقين النوع الفريد فعلاً..


..