(( الشـ أبو ماجد ـبث ))

[الشبث]

صباح الخير للجميع





وتقلدوا تحيتي

[الشبث]

حتى الكلاب انواع



فيه منها كلاب بوليسيه



وفيه كلاب حراسة



وفيه كلاب منظر بس :)




وفيه كلاب بس تنبح :)




فأنت منهم



لكن ميزتك ان نبحك مضحك :)






فلا تطالبني بالرد على نبحك



لاني اجيد العواء بدلا عنه


واعلم انك لا تفهمه




لانك من الاخر كلب :)


وتقلدوا تحيتي

[الشبث]

لا تزال تلك القصه متحجره بنحري


فلا انا استطعت ان ارويها لكم واتخلص منها



ولا انا طويتها ورميتها في غياهب النسيان




اتردد كثيراً في سردها




لاني احتفظ بها للنهايات




فأنا ممن يهتمون بالنهايه قبل البدايه







وتقلدوا تحيتي

[الشبث]

مبروك شهر الخير على الجميع



واسئل الله العلي القدير ان يعيننا واياكم على صيامه وقيامه



وتقلدوا تحيتي

[الشبث]

يووووووه يالعطش


يبس وجهي يا سعادة الزقرت << اعذرووه يقط خيط وخيط






وتقلدوا تحيتي

[الشبث]

كل عام والجميع بخير



وتقلدوا تحيتي

[الشبث]

اليوم من الصبح تقمصت شخصية الباحث التاريخي


ورحت لاماكن تراثيه




لكن المشكله اذا الواحد ما يدري منين هي هابه


ومسوي فيها باحث



ويقوم يراعي يمين ويسار ولا يدري وش السالفه


بالتالي حطيت حيلي على حمامه لقيته بدزليب وقمت اتقرطه :)



انا الحين محتاج لمرشد سياحي يعلمني هالقصر التاريخي هذا منهو له







وتقلدوا تحيتي

[الشبث]

يا وجهاً يعبق مثل حقول الورد ويركض نحوي كحصان




وتقلدوا تحيتي

[الشبث]

نحتاج احياناً لسماع بعض الكلمات اكثر من قراءتها



ربما الحركات والسكنات تغير بعض المعاني




اعلم ان بعض الجمل تفهم من السياق بدون الحاجه للحركات





وتقلدوا تحيتي

[الشبث]

عندي قصه :)






هذا يقولكم كان يا ما كان في زمان مهو قديم حيل :)




كان فيه اثنين اخوان



الكبير اسمه راجي


والصغير اسمه ناجي



الكبير متزوج وزوجته اسمها سحر



وناجي اللي هو الصغير زوجته اسمها عايشه





سحر اللي هي زوجة راجي الكبير

كانت مدرسه

وراعية اتيكيت وموضه وحركات



اما عايشه فما كانت لا موظفه ولاهم يحزنون


كانت بس بالبيت

تطبخ وتنفخ وتهتم بعياله



وكانت سحر تحتقر عايشه كثير وانه جاهله وانه ما تعرف بالحركات


وتعتبرها بعد مقصره بحق زوجها





وبيوم من الايام كانت سحر بالمدرسه مجتمعه مع زميلاته المدرسات


ويسولفن




طبعاً حريم ويسولفن اكييييد يحشن :)


وبدت سحر بالحش


قالت تصدقن ان عندي زوجة حماي اخو زوجي مقرفه لابعد حد


قالن زميلاته شلووون ؟


قالت تصدقن انه تطبخ ومهمله زوجه واذا جاء زوجه من الدوام ولا ريحته كله بصل ومعفنه



قالت وحده ووووتسبدي بالله اسكتي حومتي تسبدي :)



قالت الثانيه


تصدقين يا سحر لو كنت انا زوجة حماتس كان نسيته امه وابوووووه


كان كل يوم البس شي


وكل دقيقه اغير وجهي :)


اخليه يعيش احلى عيشه




طلعن من الدوام وراحت سحر للبيت وهي تفكر بكلام زميلته


وجت فكره براسه انه تبي تزوج حماه لزميلته :a:



على طووول جلست مع زوجه راجي وقالت اسمع


انت معجبك الوضع اللي عايش فيه اخوك ناجي مدري ماجي :)


قال لا والله كل يوم وهو مودي سيارته للورشات وحالته حاله


قالت ياخي عليك دلاخه مدري منين جايبه


ياخي مقصد سيارته


اقصد زوجته



قال راجي وش فيها ؟



قالت بالله معجبك انه كل يوم مقابله وريحته بصل وحالته حاله


قال طيب والحل


نروح نروشه مثلاً



قالت علي بالطلاق لو ما تخلي الغباء عنك لا احوسك :)


الحل عندي وانا ام هندي :)


قال وشو ؟



قالت فيه وحده زميلتي بالدوام مزيوووونه تطيح الطياره من زينه مهو بس الطير

والبنت ريحته فل

وشكله ورده مهي بشر

وثيابه وملابسه اتيكيت


شرايك نزوجه اخوك ؟


بس ابيك تقنعه



قال طيب انا ابي اقوله لين يوافق






وهو يتصل راجي على ناجي قاله تعال ابيك الحين ضرووووووري اضر شي :)

شوي ولا هذا ناجي محضّر عنده

قال سم يا اخوي وش تبي ؟



قال اسمع يا نويجي


انت بالله ما تبي زوجتك تكون نظيفه وريحته شي ومزيووونه

ما تبي تعيش حياتك بدال زوجتك هاللي ما تعرف الا الطبخ


قال ناجي شلووون ؟




قال اسمع وانا اخوك


فيه بنيه مزيوونه خوية مرتي بالمدرسه مابيه تروح عليك تكفى يا نويجي



قال ناجي بسس...



وهو يقاطعوه راجي


قال بلا بس بلا خرابيط


تقل ذال من زوجتك



قال ناجي لا ماني ذال بس ياخي مهي مقصره معي


قال راجي ادري مهي مقصره بس انت بعد من حقك تعيش حياتك ياخي

مهو كل شوي جايك حرقان كل ما تشوف هالمذيعات اللي بالتلفزيون :)




المهم ان ناجي وافق



وهي تروح سحر زوجة راجي لخويته وتشاوره


طبعاً اعطته الموافقه




واتصل راجي على الرجال وخذا منهم موعد الملكه




بهالوقت عايشه زوجة ناجي كانت تضبط مقلوبه مهي يم الناااس ولا تدري بشي


وهو يجيه زوجه ناجي


قال اممم عايشه


قالت نعمين يا تاج راس عايشه



قال احم ببب....


ابيك تجهزين لي ملابسي بكرى والبشت عندي زياره مهممممه ابي اطلع المغرب


قالت ابشر


وبعد انا ابي استأذنك ابروح لعرس عند جيراننا دقايق بس اسلم وارجع


قال مافيه مشكله




يوم جاء من بكرى ولا عيوشه مجهزتن ملابس زوجه اللي يبي يروح يتزوج عليه وهي ما تدري يا حبة عيني



لبس ثيابه الاخ ولبس البشت والجزمه ( الله يعزكم ) الجديده




وهي تجي عايشه ولا لابستن فستانه اللي ما تطلعوه الا بوقت المناسبات


قال وين ؟


قالت ابروح لزواج جيراننا وارجع ابي اسوي لك العشاء لا تتعشى عندهم


قال خير ان شاء الله


وهو طالع ناجي صار على جزمته ( الله يعزكم ) غبار


قال يا حووول وش اسوي الحين ؟



قالت وش فيه ؟


قال غبار صار على جزمتي



وهي تنزل لجزمته وتمسك طرف فستانه وتمسح جزمتوه :a:


وهو يراعي له مستغرب


قال تمسحين جزمتي بفستانتس اللي ما عندتس اغلى منوه ؟


قالت وه بس يابعضهم ما يعرف غلااااتوه

يا شين لا تخليني امسح جزمتك بوجهي من غلاك :)



وهو يطلع جواله ويتصل على اخوه راجي

قال اسمع انا ماني رايح معك



قال راجي شلوووووون نواعدين الرجال



قال ناجي والله لو مواعد الملك ما رحت :a:


قال راجي وش فيه ياخي


قال ناجي زوجتي وماني متزوج عليه


وهو يسكر الخط






راح راجي للرجال وخطب العروسه



لكنه خطبها لنفسه



وتزوجها بدون علم زوجته



وبعد ما رجعت زميلة سحر من شهر العسل اللي هي ضرتها الحين


سألتها سحر هاااه شخبار حماي معتس


قالت الا قولي شخبار زوجتس معي :)






وتقلدوا تحيتي

[الشبث]

الحمد لله على كل شيء




ازعجني كثيراً خبر تعرض احد اصدقائي العزيزين جداً على قلبي لحادث مروري


وهو في غيبوبه



اسأل الله العلي القدير ان يشفيه




لا تنسونه من دعائكم يا اخوان




وتقلدوا تحيتي

[الشبث]

6285


سبحان الله يالهليل نفس مواصفات جوالي انا وابو خالد الاصمعي وابو يوسف



بس الفرق انهم شيبان وجوالاتهم مهي حلوه



وانا مركب بوه برنامج :)









صباح الخير





وتقلدوا تحيتي

[الشبث]

اليوم مدري وش افطر


احب الكبده



بس ماراح اكله



واحب الفول


بس ما ابيه



واحب النواشف :)



بس ما ابيهن









اخيراً قررت اكل المعصوبه :)






وتقلدوا تحيتي

[الشبث]

على كثر الهموم





الا انها تنتهي بمجرد قدوم حروفك يا سيدي





وتقلدوا تحيتي

[الشبث]

الحمد لله على سلامة اخونا الغالي ابو فارس








واللهم اشف مرضانا ومرضى المسلمين يا حي يا قيوم



وتقلدوا تحيتي

[الشبث]

رأيت سوسه في احد اسنان صاحبي


واخبرته عنها


فقال لي ادري :)




وبدلاً من الذهاب لطبيب الاسنان لعلاجها قال انه سوف يعطيها فرصه ممكن تروح من كيفه :)


وايضاً قال لي


اذا ما كان منها مضره ليش اروح واشيل سني



قلت ياخي هذي سوسه وما يجي منه شي زين


حتى لو ما سوت شي الحين راح تسوي بعدين انتبه






انتظر متى تبداء السوسه في مضايقته



وانا قريب لخشته علشان ابقسه بالفرّه اذا اوجعته سنه :)


واطيرّه هي والسن






وتقلدوا تحيتي

[الشبث]

حسبي الله على من ابتدع هذا العيد الوثني




وتقلدوا تحيتي

[الشبث]

بعضهم يأتي بأسمه الحقيقي من باب التمويه





ممكن من باب كاد المريب ان يقول خذوني :)





وتقلدوا تحيتي

[الشبث]

احدهم كان يكيل السب والشتم للشيخ محمد العريفي بدون سبب







واليوم قرأت له وهو يخاطب احدهم ويقول تسلم يا شيخ جمال !



استغربت



منهو الشيخ جمال :puzzled:


وبعد البحث والتحري طلع جمال خاشقجي وانتم كرامه :)



حلو وجهوه وهو شيخ خخخخخخخخخخخخخخخخ


طرا علي الشيخ فؤاد










فعلاً شر البلية ما يضحك :)



وتقلدوا تحيتي

[الشبث]

مع مرور الوقت اعتقد انه لابد من تغيير بعض القناعات



فلا دوام الا للواحد القهار




وتقلدوا تحيتي

[الشبث]

عند زيارة اي شخص منا لمريض في المستشفى يعتقد انه يزور شخص قريب الى الموت


ولا يعي هذا المسكين انه ربما يكون الاقرب من ذلك المريض



اللهم احسن خواتيمنا




وتقلدوا تحيتي

[الشبث]

بأذن الله الجاي احسن في مضايف شمر




وتقلدوا تحيتي

[الشبث]

( هبه سليم )


اعتقد مر هالاسم على كثيرين منا ونعرف قصتها


بشكل مختصر ابي اقول هالقصه وبأسلوبي يعني خوذ وخل :)



هبه سليم عاشت في عائله غنيه

يعني دلعوها اهلها بزياده



وكانت لا تختلط الا بالطبقه الارجوازيه المخمليه

بعد ما خلصت دراستها الثانويه قررت والحّت على والدها انها تكمل دراستها في فرنسا

رضخ والدها لطلب ابنته الدلوعه


راحت البنت تدرس في باريس


اعجبتها الحياة في باريس


رسمت في مخيلتها صوره رائعه عن الغرب

وفي المقابل رسمت صوره بالغة السوء عن المجتمعات العربيه ومنها بلدها مصر


كانت هالاحداث في فترة الحرب العربيه مع الكيان الصهيوني ( اسرائيل )



هالفكره اللي صارت براس البنت كانت كفيله بأن تعتقد ان العرب من المستحيل ان ينتصرون على اسرائيل في حربهم

وما ساعد على هذا انها تعرفت على بنت يهوديه من اصل ايرلندي


اخذتها هالبنت ولحست مخها

وكانت تجتمع كثير مع طلاب يهود بحكم صداقتها مع البنت اليهوديه

وكان من ضمن هالمجموعه الطلابيه افراد من الموساد

اللي قرروا انهم يجندونها كـ جاسوسه يستفيدون منها في حربهم على مصر بالذات لانها كانت القوه الابرز في تلك الحرب


وافقة هبه على العرض والغريب انها وافقت بدون مقابل فقط لانها احبة العيشه الغربيه ممثله في اسرائيل

وكرهت العقليه الرجعيه ( كما فهمت هي ) والمتخلفه عند العرب والمسلمين



جندت هبه خطيبها النقيب والذي خان بلده وعمل كجاسوس اسرائيلي



حتى تم اكتشافهما من المخابرات المصريه


واعدمت هبه شنقاً

واعدم خطيبها رمباً بالرصاص








هذه القصه للاسف اراها تتكرر مع كثير من ابنائناً وبناتنا في افكارهم

نرى كثيراً الاعجاب بحياة الغرب وتمجيدهم وانهم امه متقدمه

ننسى اننا افضل منهم بديننا الحق

وننسى او نتناسا ان ما نحن فيه من هوان وضعف ماهو الا نتيجة ابتعادنا عن ديننا وتعاليمه

وما الفكر الليبرالي الا مجتمع صغير من عينة هبه





وتقلدوا تحيتي

[الشبث]

النكته ناتج معاناة شعب



هكذا علمنا الشعب المصري



وهكذا اكدها الشعب السعودي




وتقلدوا تحيتي

[الشبث]

كل البحور اللي تلاطم به الموج // صدري لك اعمق لو تحبين موجه

عيش بضلوعي لا يهمك به العوج // اغلب كلام الناس به اليوم عوجه






وتقلدوا تحيتي

[الشبث]

يكمن سر جمال الماضي الى استحالة عودته





وتقلدوا تحيتي

[الشبث]

هو عالم مجهول بالنسبه لي


وانا كتاب مفتوح بالنسبه له



لكني لا اخشى الذهاب الى الاماكن المظلمه




وتقلدوا تحيتي

[الشبث]

والله يا فيه ناس للحين ما تغدت :)


ما باقي الا روووسهم من الجوووع :)





وتقلدوا تحيتي

[الشبث]

قال لي احد الاخوان معلومه


ما ادري عن صحته بصراحه



يقول الاخ


( ان ذاكرة الذباب مدتها ربع ثانيه )



عاد تعال احسب ربع الثانيه كم :)




وانا اشوووف الذباب تصفقوه ويروح ويرجع لك اثريه ينسى :)





يذكرني هالشي ببعض الاطفال



يوم امس ضربت ولد اخوي كف وبكا



وبعد نص ساعه جاني يلعب معي ويضحك


شيء جميل ان ينسى الاخرون اساءتك لهم



النسيان نعمه من نعم الخالق جل في علاه





وتقلدوا تحيتي

[الشبث]

كل عام وانتم بخير



وتقلدوا تحيتي

[الشبث]

عندي قصه <<< ياملا البعد ابلشهم كل يوم عندي قصه :)











كان فيه طائره تبغى تطير :)


ركبوا الركاب


وكل واحد راح يم مقغده وجلس فيه


وكان فيه سيده كبيره بالعمر شيوووي بس :)


كانت جنتل شوي :)


دورت كرسيه


وحصلته


وللاسف ان اللي كان جالس بجنبه رجل ذو بشره سمرا

هي طبعاً بيضا



وبما ان هالطايره لاحد الدول الغربيه


فما كان هالوضع كويس بالنسبه للمدموزيل :)

لان عندهم تفرقه عنصريه عجيبه



فجلست وصارت كل شوي تراعي للاخ اللي جالس بجنبه بقرررف

وبس تتأفف وتصد وهي مادتن بوزه :)


شوي وهي تضغط الزر وتطلب المضيفه


يوم جته المضيفه قالت بالله عاجبتس هالوضع ؟


قالت المضيفه اي وضع



قالت اني جالستن بهالكرسي هنا وهذا بجنبي ؟


شلووون كذا ما يصير لازم هالاشكال هذولا تخلونهم اخر شي ولا تحطونهم بجنبنا



قالت المضيفه والله انا مالي شغل ولا اقدر اسوي شي


انا بس اخدم الركاب

بس ابي اروح للكابتن وابلغه مشكلتس




وراحت للكابتن








طبعاً كل هالمشكله وهالهواش والاخ ساااااكت ما تكلم :)





ورجعت المضيفه


قالت الكابتن يقول


( نحن في طيراننا نحترم الركاب ونعتذر عن هالخطأ الغير مقصود من قبلنا وتصحيحاً لهالخطأ سوف يتم نقل المتضرر الى الدرجه الاولى )



واخذت المضيفه اغراض الاخ وقالت له تفضل معي


قالت السيده هذولي اغراضه هو مو اغراضي


قالت المضيفه


اعرف

الكلام موجه له هو وليس لكي انتي


والاعتذار موجه له هو وليس لكي انتي


فتم نقل الاخ الى الدرجه الاولى اعتذاراً له عما بدر من هالعجوز الشمطاء








التفرقه العنصريه


من بعض ما مميز ديننا انه لا يفرق بين ابيض ولا اسود الا بالتقوى


ولا فرق بين اعجمي ولا عربي الا بالتقوى



فهذا رسول الله صلى الله عليه وسلم يوم الفتح يدخل مكه وعن يمينه بلال بن رباح وعن يساره اسامه ابن زيد

كلهم سمر البشره بيض القلوب






نعوذ بالله من الكبر




قال رسول الله صلى الله عليه وسلم

( لا يدخل الجنه من كان في قلبه مثقال ذرة من كبر )


او كما قال عليه الصلاة والسلام






وتقلدوا تحيتي

[الشبث]

لا اعلم لماذا كلما نظرت الى الخلف رغبت في التوقف


في كل شيء





وتقلدوا تحيتي

[الشبث]

ابو غازي و ريال


بيض الله وجيهكم على هالزياره



ونستونا الله يونسكم بالعافيه





وتقلدوا تحيتي

[الشبث]

ان سارت الامور كما هي


غداً ان كنت من الاحياء سوف لن يكون عادياً بالنسبه لي









سينتهي كل شيء بالنسبه لي



وتقلدوا تحيتي

[الشبث]

game over