المساعد الشخصي الرقمي

مشاهدة النسخة كاملة : ليلة القدر ( بقلم : محمد سنجر )



محمد سنجر
16-09-2009, 19:18
ـ هي ليلة القدر النهاردة ؟
( قالها زميلي ( هاني جرجس ) بينما يسحب الكرسي ليجلس )
ـ الله أعلم .
ـ يعني إيه ؟ هي مش ليلة سبعة و عشرين ؟
ـ مش لازم سبعة و عشرين ، ممكن واحد و عشرين ، تلاتة و عشرين ، خمسة و عشرين ، تسعة و عشرين ، على حسب .
ـ طيب لو رمضان في مصر سبعة و عشرين و في السعودية تمانية و عشرين ؟
ـ إزاي ؟ مش فاهم .
ـ مش انتم و السعودية أحيانا يقولوا بكرة رمضان و انتم تقولوا لأ مش بكرة ده بعد بكره ؟ صح ؟
ـ أيوة بيحصل أحيانا .
ـ طيب ما هو ساعتها ها تبقى في السعودية ليلة سبعة و عشرين
و عندنا في مصر ها تبقى ليلة ستة و عشرين ، و لما تبقى سبعة و عشرين عندنا ها تبقى ليلة تمانية و عشرين في السعودية .
ـ فهمت ، و اسمح لي أرد عليك ،
لو أنا قلت لك ها نروح للدكتور النهاردة الساعة سبعة و بالفعل على الساعة سبعة بالثانية أنا رحت و كشفت حسب الميعاد ،
و لكن ساعة حضرتك كانت مأخرة ساعة كاملة ، و جيت على الساعة تمانية و أكيد طبعا الكشف راح عليك ،
هل وقتها تقول لا لازم أكشف لأن الساعة معايا سبعة ؟
ـ يبقى ممكن تكون ليلة القدر في ليلة عشرين أو اتنين و عشرين أو أربعة و عشرين أو ستة و عشرين أو تمانية و عشرين أو حتى تلاتين عند المخطئين في رؤية الهلال ؟
ـ ممكن ، ليه لأ ؟
ـ يعني مش لازم تلتمسوها في الليالي الفردية بس ؟
ـ لا طبعا ، بص أنا ها أريحك ،
ليلة القدر ليلة معلومة عند رب العالمين و لكنه لم يخبرنا بها عشان كل واحد يجتهد و يحرص على أن يكون من المقبولين فيها ،
و لكن من يركز على ليلة بعينها عشان يجتهد فيها و يسيب بقية الليالي فربنا مش ها يقبل منه طبعا ،
عارف زي إيه ؟
ـ زي إيه ؟
ـ زي ما البعض سأل الرسول عليه الصلاة و السلام ( متى الساعة ؟ ) تعرف الرسول رد عليه و قاله إيه ؟ ( و ماذا أعددت لها ؟ ) ،
يعني المهم إني أكون باعمل ليوم القيامة مش مهم أبدا هي ها تقوم إمتى ، برضه المهم اني أجتهد في رمضان و في غير رمضان كمان ،
لكن بقى أحاول أعمل نفسي ( بُرم ) و ما أصليش و لا أجتهد في صلاتي إلا ليلة سبعة و عشرين أو أي ليلة بعينها فعمري ما ها شوف ليلة القدر و لو شفت حلمة ودني ،
يعني ممكن نكون بنصلي أنا و ياسر أخويا مثلا جنب بعض ، و هوه ربنا يجعله من أهلها و أنا لأ ،
و ممكن أكون من أهلها في ليلة تانية و هوه لأ .
ـ هو في ليلة و انته في ليلة تانية ؟
ـ عادي .
ـ طب إزاي و هي أصلا ليلة واحدة بس ؟
ـ ليلة واحدة في السنة أيوة ،
لكنها ستين أو حاجة و سبعين أو تمانين ليلة طول عمري ،
فممكن يبقى أخويا من أهلها السنة دي و أنا أبقى من أهلها السنة الجاية أو اللي بعد اللي بعدها .
ـ طيب و بتعرف إزاي انك من أهلها أو لأ ؟
ـ لو لقيت نفسي إتغيرت بعدها و ماشي بما يرضي الله يبقى أنا من أهلها .
ـ و إذا لقيت نفسك ما اتغيرتش ؟
ـ يبقى لازم أقعد أبكي ليل و نهار و أدعي ربنا إنه يمد في عمري و أشوفها تاني .

شام
16-09-2009, 22:22
جزاك الله خيراً كاتبنا الراقي محمد سنجر
اقصوصة مفيدة و تخاطب العقول و الافئدة
بارك الله بك وحفظك ..
وتقبل منك الطاعة و العبادة

لوليتا
17-09-2009, 09:32
*|||*



كما قلت
ان نعمل لرضا الله سبحانه وتعالى
فى رمضان وبعد رمضان
فى اوله واخره
ان نظهر التقوى والاهم ان نبطنها
والله سبحانه وتعالى مطلع على الافئدة ويرى ما نسرى وما نعلن
وهو شاهد علينا



محمد سنجر

احسنت والسرد
واوضحت المقصود
رزقنا الله واياك القبول وتلمس ليلة القدر


بارك الله فيك
وكل عام وانت بكل خير


*|||*

سهو الليل
17-09-2009, 13:33
شـكــ وبارك الله فيك ـــرا لك ... لك مني أجمل تحية .

محمد سنجر
17-09-2009, 14:54
جزاك الله خيراً كاتبنا الراقي محمد سنجر
اقصوصة مفيدة و تخاطب العقول و الافئدة
بارك الله بك وحفظك ..
وتقبل منك الطاعة و العبادة

و جزاكم الله خيرا
شام
ربنا يتقبل منا و منكم إن شاء الله

دمتم بحفظ الله

محمد سنجر
17-09-2009, 14:57
*|||*



كما قلت
ان نعمل لرضا الله سبحانه وتعالى
فى رمضان وبعد رمضان
فى اوله واخره
ان نظهر التقوى والاهم ان نبطنها
والله سبحانه وتعالى مطلع على الافئدة ويرى ما نسرى وما نعلن
وهو شاهد علينا



محمد سنجر

احسنت والسرد
واوضحت المقصود
رزقنا الله واياك القبول وتلمس ليلة القدر


بارك الله فيك
وكل عام وانت بكل خير


*|||*



نعم معك كل الحق
أختنا الفاضلة
لوليتا
المهم أن نعمل
لا أن نتحرى ليلة واحدة فقط بعينها لنعمل فيها دون غيرها
و إلا كان أخبر الله رسوله صلى الله عليه و سلم بوقتها

دمتم بحفظ الرحمن
و تقبل الله منكم صالح الأعمال

محمد سنجر
17-09-2009, 14:59
شـكــ وبارك الله فيك ـــرا لك ... لك مني أجمل تحية .


و بارك الله فيكم و لكم
سهو الليل

دمتم بحفظ الله

و تقبل الله منكم صالح الأعمال