..//.. كـــذب ( تسذب ) خمــــس نجـــوم ***** ..//..

[فارس الصحراء]

بسم الله الرحمن الرحيم


..


السلام عليكم ورحمة الله وبركاته



..








كذب خمس نجوم .. والله من جد .. كذب راااااااااااااايق وحلووو ..

..

الكذب انواع .. فيه كذب على المشاعر .. وهذا خطييييييييييييييييير ..

..

وفيه كذب لقصد التسليه .. وهذا حليل .. على قولتهم .. التسذب ملح الرجال خخخخخ

..

وفيه تسذب .. على شعوب .. وهذا من اخطر انواع التسذب ..

..

وفيه انواع ثانيه كثيره .. بس .. ما لي خلق .. اذكرها :allah_ye3een:

..


الوكاد وراعي الوكاد صامل ..

..

واحد سوا عشى .. وعزم له شباب ..

..

وهم بالطريق ..

..

سأل واحد مو من اهل الجبيل ..

..

الحين وين البحر ؟

..

رد عليه خويه .. البحر .. خلص .. :3ajeeb:

..

هاه ..

..

وشلون خلص ..

..

قال راح كله .. مرقه لعشا الرجال اللي حنا رايحين له ..

..

قال .. هذاك ..

..

والله البلشه بالخبز .............................. تسذب خمس نجوم ..


..


تذكرون الصحاف .. ايام حرب العراق .. اقسم بالله .. لو لي سلطه ..

..

لأسوي مدرسه .. خاصه له ولطريقة تسذبه .. واخليه يعلم ..

..

بعض هالناس التسذب الزين .. اللي مثل تسذبه .......................... تسذب خمس نجوم .


..


لا يا جماعة الخير ..

..

يسولف مره واحد .. ويقرقر .. ويحتسي .. ويهايط .. ويخابط ..

..

وسعابيله .. تقااااااااااااطر .. ذبحنا ... ويدق جواااااااااااااااااله ..

..

ويرد الو ..

..

قال هذاك انت داق علي قبل يومين ..

..

قال المهايطي .. ايه .. وش تبي ..

..

قال المسكين .. ما ابي شي بس من معي ..

..

قال معك رحمة سعد ( الله يرحمه ) .. ويكشر بسنونه ..

..

هذاك اندبلت تسبده وسكر بوجه المهايطي ............................. تسذب خمس نجوم



..

..



اما عاد ريسك بالعمل ويكذب عليك .. هذي مصيبه ...............

..


ريس بالدوام عندنا .. جاه كورس ( دوره تدريبيه ) مدة اسبوع في دبي ..

..

الرجال يوم وصل دبي .. وهم .. يلقون القبض عليه ...

..

تشابه اسماء .. بواحد ارهابي .. الوكاد .. انهم .. رجعوه للسعوديه باول طياره ..

..

ويكلم ريسه اللي فوق منه .. قال له ريسه .. خلاص خذ اجازه اسبوع وكأنك .. رحت للكورس

,,


بعد اسبوع جانا الرجال ..

..

ونسلم عليه .. الحمد لله على السلامه .. ياالله حيه ..

..

ووهو يجلس قدامنا .. وحنا نفتح افواهنا .. ونسمع وش يقول ..

..

ما نعرف دبي مساكين ... ويقعد يتسذب .. ويقول ..

..

وانا اروح .. للفندق الفلاني .. وانام فيه ليلتين ..

..

وازعجني البنات .. كل ما اروح .. تعلقن بي .. والله لو تشوفون وجهه .. تقل عالتسته عنز..

..

يعني اذا فيه وحده بتعطيه وجه .. فيد .. زرف ..........

..

ويتسذب وحنا .. مصدقين ..

..

يقول عندهم ... نظام .. وناس مثقفين .. وكلام واجد ..

..

الوكاد كأن الرجال .. قطع دبي شارع شارع >> وهو ما تعدا المطار ..

..

والله وحنا .. يجينا العلم .. انه مطرود ( متسحوت ) والله وندعيه .. وقلنا له سولف لنا ..

..

ويقعد قر قر قر قر قر قر ..

..

وحنا نطالع لبعض .. ونضحك .. وهو مستانس ..

..

شوي ويدخل خوي لنا .. من مصنع ثاني ..

..

ما يدري ان الريس يتسذب ..

..

وهو يسلم عليه ..

..

وقدامنا يقوله .. سلامات ابو فلان .. وشلون رجعوك ..

..

حنا انواااااااااااااااااااااع الضحك ..

..

الريس حط رجله ...

..

بس فعلا ............................ تسذب خمس نجوم ..


..

ليه نروح بعيد ..... تسذب الاسهم ...

..
انا متهول .. يالربع .. وشلون تشتري سهم .. بميه ..

..

وشوي يصر بميتين .. ........................ تسذب خمس نجوم ..

..




مره سألني واحد .. مو سعودي .. عن الشعب السعودي .. ليه هم كذا ..

..

قلت وش فيهم .. زي البخت ما فيه شي .. قال لا احس ما عندهم عقول ..

..

قلت ايييييييييييييه << اشتهيت اتسذب ههههههههههه


قلت سالفة العقول اللي يحيك .. هذي سالفتها سالفه ..

..

قال علمني .. قلت لا ما راح اعلمك .. قال ليه ..

..

قلت هذا سر خطير .. ومشكله بعدين اذا عرفت ..

..

اخاف بعدين تقول يا ليتني سعودي ..

..

بعد الاصرار ..

..
وانا ارتسي ( ارتكي ) وانا اعطيه اياها ههههههههههه

..


قلت هذا سلمك الله ..

..

جمعوا الشعب السعودي كله .. انتم يا هذولاك فيدين .. الفضاء وما ادري وشو

,,

الشعب جاك يركض .. يبي يشوف وش السالفه ..

..

قالوا .. يا جماعه .. الخير يالشعب السعودي ..

..
بما انكم شعب .. كريم وفاضل ومعطاء ..

..

حنا عندنا اكتشاف خطير وحلو ..

..

قالوا وشو .. قالوا ..

..

نقدر نخليكم كلكم تروحون للقمر .. مره وحده ..

..

قالوا وشلون ..

..

قالوا ناخذ عقولككم .. ونحطها .. بمركبه .. ونشلع بها للقمر ..

..

والعقل .. اذا شاف .. وخلص ..

..

نرجعه لكم .. وراح العقل يوريكم .. وش شاف ..

..

وكأنك .. انت شااايف ..

..

الرجال فاتح فمه .. وانا داخل جو بالتسذبه ..

..

الوكاد اقتنع الشعب السعودي ..

..

والمركبه صارت زحمه ..

..


ورجعوا عشره بالميه من العقول .. ما لها مكان ..

..

الوكاد هم شلعوا من هنا ..

..

والوجه من الوجه ابيض راحت العقول .. ولا رجعت ..

..

وهاللي تشوف اكثر الشعب السعودي اربع وعشرين ساعه فاااااااااااصل ..

..

ومنتهي .. والعقول اللي ما راحت هي المثقفه والعاقله بالمجتمع ..

..

وانا اسولف .. الرجال .. عطاني ظهره ..

..

انا سكت .. ومشيت ................................ تسذب خمس نجوم ..


..


فيه واحد يسووولف.. ويقول .. انه شاف الطياره مغرزه بالغيم ..

..

وما معاهم .. شيول ( مسحاه ) .. على يحفرون للكفرات ..

..

وهو كان جالس بالحوش الضحا .. يا مار هم فوقه ولهم .. لجه ازعجوه ..

..

وهو يشر لهم .. ويفهم ان ما عندهم شيول .. ويشر لهم قال عندي شيول ..

..

يقول .. وهم ينزلون .. حبل .. لين وصلني بالحوش ..

..

وانا اربط الشيول .. بالحبل .. وهم يا خذووونه ..

..

وتطلع طياراتهم ..

..

ويقعد يكمل .. جلسته ...................... تسذب خمس نجوم ..




















..


تلولسوا بتحيتي ليس بلحيتي ..

..

..

..

بقلم // فارس الصحراء11

[ابو ضاري]

مارتن عليم التسذبات كلهن ههههههههههههههههههههههههههههه

شوف الريس لا تحتسي عليه مايقصر معي

وينهم التسذبان


تسيف به واحد يقول ان الفيل يبيض وشاف بيضتوه >>>>>>>>>>>>>غطى على الخمس نجوم

[فارس الصحراء]

^
^

يا هلا بالشيخ طوط طوط ............. >> تشفير خخخخخخخ

..


منهو هذا ابو بيضه فيل ... هاااااااااااه لا يكون ,, لا ما اتوقع استغفر الله

[أحمد]

مرحبا


فيه مكافئة راتب شهرين لكل موضف بمناسبة شفاء ولي العهد

^
^
^

هذي من اي الانواع






تري مكاسي

[هلآ الآسلميهـ]

الناس اللي كذا مساكين



مثل اللي يقول....



ويوم اصبحت الا قطعة هاك الليل نايمة تحت له نخله .... وانا امسجه بالشوحط يالليل الحق ليلك .. ياما لحقت بادزي الليل ...






يعني ماشاء الله عليه كيف فكر ان الليل بوه قطع..؟؟؟









وسبحااااااااااااااانوه قدروووووو عليه....

















صح السانك فارس...























الا اقول يالجثري...


وش معنى صورتك الرمزيه ...؟؟؟

[غالب]

ههههههههه

فيه واحد يسووولف.. ويقول .. انه شاف الطياره مغرزه بالغيم ..

خخخخخخخخخخخخخخخخخخخخخخخخخخخ هاذي 7نجوووم



واستلم سلامي

[شنقل]

مهي مشكله التسذب خمس نجوم

بس انه يوصل مرحلة يتسذب ويصدق تسذبته؟؟؟

هذي اللي مالها حل







الا ماتعلمن ياللي تقهيت عنده بالحفر

<<< تفرك بتسبدي

[فتى البيداء]

أجل الي يقول البنك الأهلي لأمي !!!

8


8

8



وكبره عند ربي

[واحد شقردي]

اما عاد ريسك بالعمل ويكذب عليك .. هذي مصيبه ...............


تقدر تقوله كذااااااااب ههههههههههههههههه



فيه عطله برمضان من 15

هذي من اي نوع هههههههههههههه


عليك سولف الله يرجك هههههههههههههه

[الشبث]

عزالله انك جبت انواع التسذب يالذيب


ههههههههههههههههههه




اعجبتني سالفة المهايطي هههههههههه






الله يونسك بالعافيه يالعشير




ولاهنت





وتقلد تحيتي

[يـــوسف]

والله الأصلـي :)






فآرس ياحلـو التسرخات البروديه اللي مابه وذا :)









أما سالفة العشاء ياكبره عند الله هههههههههههههههههههههههههههههههه













لآهنت يالغالي والله يعطيك آلف عآفيه







تـوسد إحترامي

[شرهه]

ههههههههههههههه


التسذب كلوه ماهو زين


فيه حديث شريف بما معناوه

<<ويل للذي يحدث فيكذب ليضحك به القوم ويل له



الله يتوووووووووووب علينا




عاد انا اكبر تسذوب بالكره الارضيه و كل انواع التسذب اللي ذكرت واللي لم تذكر بي






مره وحده سألتن تقول صددز انتم خوال الملك عبد اله قلت ايه و انا يا محاتسيتتس ما اتغشى عنوووه محرم لي و يا جيناهم بالقصور الملكيه ينطحن و يحب راسي




و طيرت عيونه الخبله وصدقت




دايم يالفارس وانت مبدع



لا هنت

[فارس الصحراء]

مرحبا

هلا بالجثري .. هلا بالغالي ..




فيه مكافئة راتب شهرين لكل موضف بمناسبة شفاء ولي العهد

صحيح .. متى ؟؟؟


^
^
^

هذي من اي الانواع

طلعت تسذبه ههههههههههههههههههههههههههه ما ادري من اي نوع .. لا تنشبنا مع الحكومه






تري مكاسي


ادري ..







منورني

[فارس الصحراء]

ويوم اصبحت الا قطعة هاك الليل نايمة تحت له نخله .... وانا امسجه بالشوحط يالليل الحق ليلك .. ياما لحقت بادزي الليل ...


هههههههههههههههههههههههههههههههههههههههه ههههههههههههههههههه


اما قطعة ليل .. ههههههههههههههه

..

يخرب بيته على هيك .. تسذبه ..

..

منوره .. اختي .. بيرل

[فارس الصحراء]

هاذي 7نجوووم


خخخخخخخخخخخخخخخخخخخخخ انت صادز ..

..

منورني يا سناعيسووووووووووووو مرااااااااااااحب

[فارس الصحراء]

مهي مشكله التسذب خمس نجوم

بس انه يوصل مرحلة يتسذب ويصدق تسذبته؟؟؟

هذي اللي مالها حل


لا فض فوك ..

عز الله عداك العيب .. حتسي ما وراه .. حتسي ..







الا ماتعلمن ياللي تقهيت عنده بالحفر

<<< تفرك بتسبدي




لا معصي .. وابشرك الجمعه .. بأروح للحفر .. وابي احضر لي عرس بعد ..

خله الشفاوه تزود .. خخخخخخخخخخخخ


منورني يا شنقل .. لا عدمتك يالغالي

[فارس الصحراء]

أجل الي يقول البنك الأهلي لأمي !!!

8


8

8



وكبره عند ربي



فتى البيداء .. هذا ما ينلحق .. سلم لي عليه خخخخخخخخخخ

..


شرفتني يالغالي .. لا هنت ..

[فارس الصحراء]

تقدر تقوله كذااااااااب ههههههههههههههههه

خخخخخخخخخخخخخخخخ

هذا متعدي التسذب .. صواريخ يا دافع البلا .. ههههههههه





فيه عطله برمضان من 15

هذي من اي نوع هههههههههههههه

هذي من نوع التسذب التونيسي .. يعني الشعب يونس عمره .. بمثل هالتسذب .. خخخخخ



عليك سولف الله يرجك هههههههههههههه

تسيف الله يرجني .. على الخير ان شاء الله .. هههههههههههههههههه

..


منورني يالغالي .. بالحيل .. بالحيل .. بالحيل .. يا الشقردي

[فارس الصحراء]

الله يونسك بالعافيه يالعشير

شف يا عمي .. اهم شي انك تونست .. يالغالي ..

..

منورني .. وربي ..

..

انت لك معزه خاصه ..

..


ثانكيو يا عمي ..

[فارس الصحراء]

والله الأصلـي :)

هذا وشو الاصلي .. أنت وين ترمي . . خخخخخخخخخخخخخخخخ








فآرس ياحلـو التسرخات البروديه اللي مابه وذا :)

اي والله .. ما غير يونسون بعض بهالتسذب .. وبعضهم .. يتعمد هالتسذب ..
وبكل ثقه بعد ..










أما سالفة العشاء ياكبره عند الله هههههههههههههههههههههههههههههههه

هذا اكبر صاروخ .. وربي يوم قاله اني انبطحت من الضحك ..














لآهنت يالغالي والله يعطيك آلف عآفيه







تـوسد إحترامي


يوسف .. منور .. وربي .. وتحياتك .. يسعدني ان اتوسدها ههههههههههه

منور يا الـ king ..

[فارس الصحراء]

ههههههههههههههه

داخله بضحكه .. سكري بلهوثك ..




التسذب كلوه ماهو زين

^
^

حكمه .. الله عليك ..



فيه حديث شريف بما معناوه

<<ويل للذي يحدث فيكذب ليضحك به القوم ويل له



الله يتوووووووووووب علينا


الله يجزاك خير بتذكيرنا .. لا حرمك الله الاجر ..




عاد انا اكبر تسذوب بالكره الارضيه و كل انواع التسذب اللي ذكرت واللي لم تذكر بي



صحيح والله ؟؟ >> مستغرب ..





مره وحده سألتن تقول صددز انتم خوال الملك عبد اله قلت ايه و انا يا محاتسيتتس ما اتغشى عنوووه محرم لي و يا جيناهم بالقصور الملكيه ينطحن و يحب راسي





استر عليتس .. فضختي عيون الحقيقه انتي . هههههههههه



و طيرت عيونه الخبله وصدقت

شوفي ما دامه صدقت .. هذي مو تسذبه .. ما عليتس وضعك سليم ..





دايم يالفارس وانت مبدع



لا هنت



الابداع نستمد نوره منكم >> ادعس يالحتسي ههههههه

..

منورتي يا شرهه .. ثانكيو ..