** سلة بوحي ** عبدالله الجعيثن [الأرشيف]

عبدالله الجعيثن

21-05-2009, 10:17

http://www.m5zn.com/uploads/2010/11/22/photo/gif/112210141147n12lhwn0.gif (http://games.m5zn.com/cooking_games.html)

.

دار الفلك وافراحنا صارت احزان && وحنّا على موال كنّا وكانــــــّا
بالاندلس كنا وبالصين قد كان && تاريخنا لاخوات (كانا) تفانا
صحيح كنا..بس هالحين والان && في دفتر التهميش نبني حمانا
بعض الدول شعبه من الفقر عريان && لاشك اسمه له حضور ومكانا
وحنا على استغلال الاشيا من ازمان && صرنا ورا التقليد نتعب خطانا
حنا نصدق.. كان لوجودنا شان && بس المصيبه جيل ياتي ورانا
جيلن يشوف الغرب في كل ميدان && والشرق الاوسط مابناله كيانا

.

عبدالله الجعيثن

21-05-2009, 10:37

الشمس بانت وانجلى عنها الغيم && والليل طرّف وابتدت حرب نجله

الزين يجهر لو تزيد الملاثيم && كن الحلا لاضاع راح ونهجله

يخرب عيون الريم وش سوّت الريم && قلب العنى بسكات مني عرجله

في ذمتي والله..علّي الملازيم && لو الهوى مخلوق لاجيب اجله

.

عبدالله الجعيثن

21-05-2009, 10:39

.

لاتحسبني مبعد عنك مابيك && والله لولا العيب لاسكن بدارك

ياسيدي بالليل صك الشبابيك && لاتجرح عيون الظلام بنهارك

اروح وارجع وابعد احيان وآجيك && وانهي مسافة رحلتي في مطارك

يكفيني اني لا تمعنت عينيك && اشوف شي مالقته الجمارك

http://shmmr.net/upload/up/up/alghazi1.jpg

عبدالله الجعيثن

21-05-2009, 10:58

.

حوا.. خلقها رب ادم من اضلاع

........ضلعن عوج واصبح..فتاة بديعه

.

عبدالله الجعيثن

21-05-2009, 12:05

.

الشوق سافر يابوهدله ** لدياركم روّح مسيّر
/
ان كان قدلي فهو قدله ** قدله زمانين متغيّر
/
احب ميله على عدله ** وازعل اذا قالوا صغيّر
/
احطب من الشعر واوقدله ** واتوق لملاكش منيّر

.

[CENTER]لبّا..........قلبها

عبدالله الجعيثن

22-05-2009, 15:52

.

ماجيت ادوّر في قصيدي بطوله && ولا ادوّر الشهره على جيوب جمهور

دامي بدوله ... والتحدي بدوله && ماني على بعض المشاوير مجبور

استحقر التصويت لو صفقوا له && واعيش بالضلمه ولا اصف طابور

معقول..من يرثي بشعره رسوله && يركن على التصويت ويجاز مكسور

.

عبدالله الجعيثن

28-05-2009, 16:04

http://shmmr.net/upload/up/up/abullah27_11.gif

عبدالله الجعيثن

01-06-2009, 22:30

.

ان كان مالي مع هل العرف قيمه ** عقبني الفنجال واسفه كلامي

الجمهريه طيب ماهي شتيمه ** تاجن تشيله بالمواقف عضامي

وان كان وصلت بيننا شداد ريمه ** منت بكفو واعطيك زبدة كلامي

.

عبدالله الجعيثن

02-06-2009, 13:22

طولب مني بيتين ترحيب توضع على مدخل المضايف

فقلت

الاول

انت المعزب والمضايف هي الضيف=درسن قديم وحافظته الطنايا

الثاني

يامرحبا.. شفها على جبال حايل=لو تنطق الاموات.. ينطق جبلنا

عبدالله الجعيثن

08-06-2009, 21:48

ارحل عن انفاس المدينه واهاجر && واترك شوارع من غيابي عرايا

قبلي رحل عن بادية نجد ساجر && يوم انها شامت لذيب السرايا

لاحارت الدمعه بوسط المحاجر && وشفته بنفسي في عيون المرايا

غبن الرجال يفوق طعن الخناجر && كيد النسا يشبه فحيح الحيايا

والقريه اللي تحكمه بنت تاجر && مالي بها لو كان فيها عشايا

عبدالله الجعيثن

10-06-2009, 23:38

.

علمان سمّه في حلاوة كلامه && يدعوا لجحر الضب عبر القنوات
/
البنت .. ود الغرب ينزع لثامه &&من باب تحقيق العدل والمساوات

عبدالله الجعيثن

20-06-2009, 23:00

ياما على درب المحبه تنيتك=امنّي العين الشقيه بلقياك

عبدالله الجعيثن

20-06-2009, 23:02

ان كنت لاهي يوم..ماني على طول=مرت سنه ماجيت بآحلام لاهي

عبدالله الجعيثن

21-06-2009, 15:02

في ذمتي ماشفت زيـــــّك مع الناس && لو درت كل الكون مافيه زيــــــــّك

ياكامل الاوصاف ياذوق و احســــــــاس && متى يديي تنشبك في يديـــــّك

عبدالله الجعيثن

23-06-2009, 21:07

يابو ونس بالشرق حرب العصابات=والغرب تمطر والفساد انتشريا

دام الحسد بقلوبنا له سفارات=كلّن يقول لصاحبه قطع طريا

الناس يوم القل خير ووناسات=حبل التواصل بين الارحام جريا

يبني قصيرك مع قصيره علاقات=مايلتفت لو جارته شبه عريا

اليوم قفى واغتنى راعي الشاة=خلا الجماعه واكتفى واحتضريا

عبدالله الجعيثن

23-06-2009, 21:13

بعض البشر ودك بريموت تشغيل

____لامن عجن بعض السواليف طفّه

واللحيه اللي ماتجيب المحاصيل

_____اعدل على الحلاق خله يحفّه

عبدالله الجعيثن

25-06-2009, 18:21

rooose2rooose2

لا مر جنبي يبتليني بشره
_______السوق في صوبن وانا منه في صوب

يفك صدره ثم يرجع يزره
____________متحملين ذنوب وافعاله ذنوب

عبدالله الجعيثن

05-07-2009, 13:02

ايوالله انه موت...ومخايله موت=صبت بقلب الجمهري كاس سمّه

عبدالله الجعيثن

05-07-2009, 13:20

يامالكه مفتاح قلبي على وين && تو الجروح اللي تداوين نيّه

البلسم اللي في كفوفك تشيلين && اذا انقطع زاورت حوض المنيّه

عبدالله الجعيثن

05-07-2009, 22:05

.

ماعذبن شعري فطافيط بيروت && وجوّي مهو بالشام والله ذمّه

يسعد مسا برزان ياسحر هاروت && انشهد ان الزين بأطراف كمّه

.

عبدالله الجعيثن

14-07-2009, 22:31

ارحل بمان الله..وارجع على خير

_______الشوق مع طول المسافات يغلي

عبدالله الجعيثن

16-07-2009, 01:28

طبيت سوقه يوم غيري يباريه=سقت القدم مابين عفشه وزلّه
مبطي ابهر دلتي من قوافيه=يومك تحرى صورتك بالمجلّه
اذا اندلج ليله دعا القلب داعيه=خشم القلم يدفق على الطرس ملّه

عبدالله الجعيثن

16-07-2009, 02:04

الموت شفته في عيوني وانا حي=والله ثم والله بالعين شفته
بنتن بسن الغي مامثله زي=ولاظنتي في يوم مثله عرفته
وسط "الريسبشن" تشتغل ب "CLINIC" بي=بعيادة الظهران صدفه صدفته
لولا الكفر لا قول ماجابها حي=الله خلق له شمس والبنت بنته
بعيونها لوهي تناظر جبل طي=في ضرف لحظه في ثواني تفته
قالوا تمنى قلت آقف انا وهي=عيني بعينه والحواجز هدمته
واقول
واقول

واقول لها جمله ولا غيرها شي=ياسعد رجل صرتي اليوم بخته

عبدالله الجعيثن

18-07-2009, 22:24

لا والله الا الوقت شانت خطاويه=واصبح سحاب الغيث يحمل ترابه

صار الغراب يصيد من فرسة يديه=والحر الاشقر مختفي في هضابه

تلقى كثير المال كلن يخاويه=كلن يقول اليوم هذا قرابه

وتلقى قليل المال ماحدن يدانيه=لوهو عزيز النفس ماله صحابه

عبدالله الجعيثن

18-07-2009, 22:30

العنوســـــه

بنات جيله فارقتهن نحوسه && كلن عدلها جالها مرخي الجيب
لا جالها الكرت المزخرف تدوسه && افراح غيره في عيونه مشاهيب
لين الذبول ارخى على الخد بوسه && وخالط شعرها ياهله ابيض الشيب
مرّت مسافات الزمان وطقوسه && وصار الهرم بالوجه سيد المعازيب

عبدالله الجعيثن

20-07-2009, 13:30

الدين للضايع مفاتيح وعلاج
___درب التكاتف هو طريق السعاده
عاداتنا من بعدها ويش نحتاج
___وشبابنا محتاج درس وافاده
شبابنا واقف على سلك ديباج
_____بذره..ندّور بالنهايه حصاده

...

الغرب صبوا سمهم بين الازواج
____كلن نسى دينه وحتى بلاده
اسم الحداثه صار مبدأ ومنهاج
____والعولمه ارخت علينا سواده

عبدالله الجعيثن

20-07-2009, 13:34

قيثارتي والناي واطراف كمّه && وبنات فكري في حضوره معازيم
كن الحكي لادغدغ شفاه فمّه && صوت البلابل في حديثه ترانيم
انسى جميع الناس لاصرت يمّه && واقطع مسافات العنى فيه وآهيم

عبدالله الجعيثن

20-07-2009, 13:36

.

الشرف يابنت ياحلو الشرف

......الشريفه يرزقه ربي شريف

وقتنا زادت به انواع الترف

.....زوجوهن تنكسر عين الضعيف

مجتمعنا مجتمع دين وعفف

.......نشري الاول وخلينا الوصيف

عبدالله الجعيثن

31-08-2009, 10:07

http://www.youtube.com/watch?v=eeCOviYEiTo (http://www.youtube.com/watch?v=eeCOviYEiTo)

عبدالله الجعيثن

01-09-2009, 10:51

غطت على وجه الحداثه حداثه && وتغيّرت اسماء معها مفاهيم

يامن يبشرني بعودت ثلاثه && وحده عجايب وام يوسف مع الريم

اخوات...بكل ماتحمله الكلمه

عبدالله الجعيثن

11-09-2009, 15:59

حال الهواوي حال والليل غربال=ومسامر النجمات قرّب افوله

بعد المسافه صب والحب قتال=والود. حلقه. طول ليلي اغوله

عبدالله الجعيثن

13-09-2009, 22:59

شفني الي هالحين ناطر مراسيل=عطني اشاره وانتظرني واجيلك

خل الثقل ياباهي الخد بالحيل=طال انتظار القلب تكفى دخيلك

عبدالله الجعيثن

14-09-2009, 23:59

لبى حظن جو القصايد والاوراق=القى بها تفريغ شحنات همي

لو يسهر الهوجاس عيني والاحداق=كان اشتكى القرطاس من نزف دمي

وحيد من فرقى المحبين واشتاق=اشتاق افضفض وادفق بعيد سمي

عبدالله الجعيثن

15-09-2009, 23:07

تبطي عظم يالمنتخب تاصل هناك

****دام الخطط ترسم على لسان سلطان

عبدالله الجعيثن

18-09-2009, 20:25

وش موقفك لاجاك من زعلك امس
ّّّّّّّّّّّّّاقفى وخلا الهم ياكل معك عيش

بعده ندم ثم عاد ..قدّم لك الخمس
ّّّّّّّّّّّّّّاتسامحه؟ ولا بتعطيه تطنيش؟

عبدالله الجعيثن

18-09-2009, 23:53

من بوتقت تحريف بعض السواليف
ّّّّّّّّّّّّّّّّّّّّوحربن مابين ثنين خذها وذقها
تشتت الجمهور بأسباب تحريف
ّّّّّّّّّّّّّّّّّّّّكلن يقول الحرب جدي شعقها
والشمس ماغطى سناها تخاريف
ّّّّّّّّّّّّّّّّّّّّّالقافله تمشي وتنبح سلقها
ارض المضايف لو وطتها ملاقيف
ّّّّّّّّّّّّّّّّّتبقى الحقايق تحتظن من عشقها

عبدالله الجعيثن

19-09-2009, 22:00

انتي وانا قلبين في جال سيفين

ّّّّّّّّّّّّّّّّّمن بيننا الامواج دايم تلاطم

عبدالله الجعيثن

25-09-2009, 01:28

اتركوا التقليد....!!!

فــــــ .... بـــركـــــــــــــــــــــــات

ظاهره لم تأخذ حقها!!!

تابع طريقك واترك التبجيل

ّّّّّّّّّتاصل نجوم الشعر بالساحه

عبدالله الجعيثن

25-09-2009, 22:12

لكن تنبّه لا تزوّد تغليك

ّّّّّّّّّّيمكن مع الايام اترك مدارك

عبدالله الجعيثن

26-09-2009, 21:46

http://www.shmmr.net/vb/images/statusicon/wol_error.gifإضغط على هذا الشريط هنا لعرض الصورة بحجمها الطبيعي.
http://www12.0zz0.com/2009/01/20/08/698499820.jpg

[COLOR=yellow]الله يمد بعمر ابوك......يامحسن!!!

ويشوفك.....

ساعتها بيقول........الله يرحم قصيداتي:315r:

[FONT="Arial Narrow"][CENTER]

كان الشعر بالوراثه ياكبر حظك
ّّّّّّّّّّّانا اشهد انك على تيما تبي تطلع

اتخظ هداجها مايقدر يخظك
ّّّّّّّّّّّحتى الشوارد على سجادتك تركع

عبدالله الجعيثن

27-09-2009, 22:50

من كثر ماحبك..عجز قلب مغليك
ّّّّّّّّّّّّّّّّينام ليله ما يقبّل جدارك

عبدالله الجعيثن

28-09-2009, 20:42

حررررررام

وش غيّرك

صدمتني...يافاتن القلب بأوهام
ّّّّّّّّّّّّّّّوانا احسب انك تنتظرني اجيلك

صكيت دربي والجوارح بك هيام
ّّّّّّّّّّّّّّّّّوحرمتني باحلام نومي اشيلك

عبدالله الجعيثن

29-09-2009, 19:24

انسان..والنسيان نعمه للانسان && بكرا تعرف اني على الغير شاريك

عبدالله الجعيثن

03-10-2009, 22:52

حتى الرسايل عفتها ياغناتي
ّّّّّّّّّّّّماعاد له ياغايبه اي تأثير

عبدالله الجعيثن

04-10-2009, 22:12

""" يريدون ان يطفؤا نور الله بأفواههم...."""

مافيه نورن غير نورك يالاسلام&&ياللي نسخت اديان رب السموات

لو حاولوا يطفون نورك بالاعلام&&تقضي عليهم جند تحفظ للايات

والجاهله لو سلحّوها بالاقلام&&تموت ماهزت للايمان رايات

عبدالله الجعيثن

05-10-2009, 22:02

علمتها وشلون تعزف على الناي
ّّّّّّّّّّّّّّوصارت تعلّم في غيابي صديقه

اقفت معه وانا على جال مركاي
ّّّّّّّّّّّّّّّّمالي جدا غير القصايد رفيقه

عبدالله الجعيثن

10-10-2009, 09:30

برنامج 99...

مايحدث في مواقع الشات

ماتتعرض له حواء

هذا كلّه بسبب.....حواء نفسها

جيتي هذاك الباب..وانتي فتحتيه

ّّّّّّّّّّّّّّّّّّّّّماحدن غصب يمناك لاتفتحينه

والحين قلتي ليه .. وشلون او ليه

ّّّّّّّّّّّّّّّّّّّّّّّواللعبّه اللي عفتيّه تلعنينه

عبدالله الجعيثن

10-10-2009, 20:47

ترى طريق الشوك ماينمشي به = الا ان بغيت الموت عجّل بممشاك
معذور من يهواك لو شق جيبه=اما انا مليت شوفك وجمعاك
لا جلك على نفسي رضيت الغليبه=وابغضت اعز الناس ابحث عن رضاك

مسكين لاتغتّر غيرك لقينا=طفلن ينسينا عذابك ونهواه
لاتنتظر منا الرجوع انتهينا=والقلب من عقبك بتايد غسلناه

كتبها "بشير شنان" ........قبل اكثر من 20 سنه

وكأنه يراني ويعيشني

عبدالله الجعيثن

11-10-2009, 21:16

عادت وانا في نفسي عتاب وعتاب

ّّّّّّّّّّّّساح الجليد وتشتش الجمر بالجوف

عبدالله الجعيثن

19-10-2009, 22:46

قلبي وطن مفتوح وانتي هجرتيه
ّّّّّّّّّّّّّّّّّواذا رجعتي فيه كلّه يهلي

ليه القساوه منك .. يالغاليه ليه
ّّّّّّّّّّّّّّّّولا كذا طبعك تبين التسلي

عبدالله الجعيثن

20-10-2009, 23:27

ياشينها لا صرت عني بعيدي

ّّّّّّّّّّّّّواقرب وسيلة نقل تبغى تذاكر

عبدالله الجعيثن

20-10-2009, 23:33

انتي مثل طشت مطر لو تمرين

ّّّّّّّّّّّّّاورق غصن قلبن له سنين عطشان

عبدالله الجعيثن

02-11-2009, 22:12

اسكب على بعض السواليف بنزين

ّّّّّّّّّّّّّّّواحرق بها وادفن بقاياه بتراب

عبدالله الجعيثن

08-11-2009, 21:43

لبى عيونك ياسهير القيسي

ّّّّّّّّّّّّّّّّّّّّّّانا اشهد ان الزين حطّك آيه

عبدالله الجعيثن

09-11-2009, 13:29

ابشرك ماني على خبرك العام

ّّّّّّّّّّّّّّّّّّّّّعديت كبوه وانتهت بي سليمه

همّك اسرني فيك تقريبا ايام

ّّّّّّّّّّّّّّّّّّّّّّّازمه وخاط الجرح اصبع حليمه

في دفتر الماضي سردتك يالاحلام

ّّّّّّّّّّّّّّّّّّّّّّّيكفيني اني عدت يمي غنيمه

لقيت غيرك جم ياخوخة الشام

ّّّّّّّّّّّّّّّّّّّّّّّّالخوخ واجد بس انتي غشيمه

عبدالله الجعيثن

10-11-2009, 22:22

سوالفك مثل النساوين يافلان
ّّّّّّّّّّّّّّّّّّجتني علومك والحقايق لقيته

ضحكت لين الدمع غورق بالاعيان
ّّّّّّّّّّّّّّّّّّّوعرفت انك في طريقي رميته

كلك على بعضك مثل زول نعمان
ّّّّّّّّّّّّّّّّّّلامن لقى ملسون في باب بيته

انا على وضح النقا ما اظلم انسان
ّّّّّّّّّّّّّّّّّّوان قلت لك بأنساه والله نسيته

اتوق لمصافح كريمين الايمان
ّّّّّّّّّّّّّّّّّواللي شرا شرواي مبطي شريته

صدري فضا ماضيّقه قول غلطان
ّّّّّّّّّّّّّّّّّّّانشد وتلقى العلم كانك بغيته

عبدالله الجعيثن

14-11-2009, 22:50

ليتي بجنبك والمسافه قريبه

ّّّّّّّّّّّّّّوان قلتلي طفشان آتي واسليك

اصير لايامك دواه وطبيبه
ّّّّّّّّّّّّّّّواقطف من الازهار وازرع باياديك

عبدالله الجعيثن

14-11-2009, 22:59

قولولها تكفون اني لها مشتاق
قولولها قلبه تلعب به الاشواق

...

قولولها عن حالتي.......واللي جرا من بعدها
قولولها ياصحبتي.........اسهر اناجي طيفها

...

قولوا ولا تخبوا ابد...يمكن تجي وتحس بي
قولوا حياته في جهد...ولغير شوفك مايبي

قولو لـــــــــــــها

منقوووول

عبدالله الجعيثن

15-11-2009, 23:17

يابو يزيد السالفه ماهي اعجاب=مابه قصيده قلتها ماعجبتها
دقّت على قلبي وشرّع لها الباب=الجادل اللي "هه" طول رقبتها
ريميّة لو رحبّت بالصخر ذاب=ياخوك والله ياحلو مرحبتها
جتني يطشطش ديمها في شهر آب=من زينها حتى الفصول قلبتها
قالت معايه كلمتن مالها اعراب=قلت اكتبيها بالهوا وكتبتها

كلمه

كلمه

كلمه ولكن عن ثلاثميّة كتاب=مالومها ياخوك لو ماعربتها

السالفه متعديّه حد الاعجاب=واكبر دليل ان صورتي في كبتها

خلف المشعان

عبدالله الجعيثن

16-11-2009, 15:13

http://www.shmmr.net/vb/images/statusicon/wol_error.gifإضغط على هذا الشريط هنا لعرض الصورة بحجمها الطبيعي.
http://thumbs.bc.jncdn.com/512405acab885b9f132ebe5046e1bf95_lm.jpg

اهداء...وعلى لسان الاخ العزيز

عبدالله المهيني

اليوم.. بس اليوم شفته وشلته=ياكن قلبي في يديني واشوفه

عبدالله الجعيثن

17-11-2009, 14:36

يمكن حسبتك غير...وانك معي غير && لكن لقيتك مثلهن .. ليه مدري

يكفي جروووح اللي احبه وانا صغير && عيّا مع الايام .. يمحاه دهري

عبدالله الجعيثن

17-11-2009, 20:43

هلا باللي نوى يسيّر..امانه لا تردونه

ّّّّّّّّّّّّّّياحظ الشاطي الشرقي وكرنيشه واسواقه

عبدالله الجعيثن

18-11-2009, 13:04

شيمة بدو صعبن عليك تعرفها
ّّّّّّّّّّّّّّّّّفيني من جذور البداوه محاصيل

لو ان بنك الوقت فيني صرفه
ّّّّّّّّّّّّّّّّّّاطلب من الايام "محتاج تبديل"

لو ان حب الطفل عيني غرفها
ّّّّّّّّّّّّّّّّّاشوم عنها ليه؟ من دون تحليل

عبدالله الجعيثن

19-11-2009, 23:46

عندي امل القى على الدين مخلوق
ّّّّّّّّّّّّّّان مرّته عوجاي قام وعدلها

ان جيت له مدلاه..وان رحت صندوق
ّّّّّّّّّّّّّّّذيبن يميّز جدها من هزلها

عبدالله الجعيثن

05-12-2009, 21:26

ياللي سرقتي من عيوني نظرها

ّّّّّّّّّّّّّفي ذمتي ماشوف غيرك من البيض

عبدالله الجعيثن

13-12-2009, 21:50

انتي فتاة غلاف..لالا تغشيّن

ّّّّّّّّّّّّّّّلا تدفنين الشمس حدر الغطاوي

عبدالله الجعيثن

13-12-2009, 22:25

لمن احرقتني دمعتها!!!!!!!

تكفين لا تبكين ياباشة الزين
ّّّّّّّّّّّّّّّّّّّكفي دموعك لاتزيدين همّي

ياليتني جنبك واناظرك بالعين
ّّّّّّّّّّّّّّّّّّوامسح دموعك لو تبلّين كمّي

واعللّك وآدللّك واطرد الشين
ّّّّّّّّّّّّّّّّّّواقرا عليك من القصايد واسمّي

عبدالله الجعيثن

13-12-2009, 23:17

ااااااه يابعد المسافه

............ليه ما شوفك حساااافه

الصوت شي..وشوفتك شي ثاني=عمر السوالف ماتكفي عن الشوف

عبدالله الجعيثن

14-12-2009, 21:12

البارحه ليل الشقا طال يابخيت=مالي جدا غير القصيده والابيات

ياما على ترتيب الابيات مريت=ياما على القافين صغت العبارات

ينزل علّي عفريت ويطير عفريت=ياكن فكري صار مدرج مطارات

اكتب شطر من بيت واشطب شطر بيت=تشربكت بالجو اربع مسارت

عبدالله الجعيثن

15-12-2009, 14:40

اللي مهو ممكن..نخلّيه يمكن=واللي ماهوب يصير لعيونك يصير
ادوخ وآتضايق..واذاجيتي اسكن=انتي معاك الغير..جده مهي غير
دام العيون بسكرة الليل يحكن=حنا نهيم بصمت يالاقيت خير

عبدالله الجعيثن

16-12-2009, 23:02

ماقد مسكنا الصف نستعطي اقزام=تاريخنا مليان عز ورجوله
حكام عز وناسب العز حكام=حتى الملك حنا لنا فيه خوله

عبدالله الجعيثن

16-12-2009, 23:05

الجمهريّه طيب ماهي شتيمه=تاجن تشيله بالمواقف عظامي

شفني كسبت النايفه والغنيمه=اجبر مطانيخ الطنا لاحترامي

ان كان وصلت بيننا شداد ريمه=مانت بكفو واعطيك زبدة كلامي

عبدالله الجعيثن

16-12-2009, 23:25

ابيك وارجي منك .. مبطي وانا ارجيك
_______________وانطر متى الاقدار يمي تجيبك

عبدالله الجعيثن

17-12-2009, 21:17

البارحه بالليل جاني آلمـــــــــــها=عبر الموبايل وشرحتلي ضروفه
ماشفتها لا شك فكري رسمها=على جدار الصمت داخل كهوفه

عبدالله الجعيثن

18-12-2009, 00:22

خل الخجل والخوف مال الثقل داع
~~~~~~~~~~~~دامك تبيني في شواطيك مينا
حبك يسّل الحال يامحنّي اصباع
~~~~~~~~~~~~~~~ياهيه سرّك بالحنايا دفينا

عبدالله الجعيثن

19-12-2009, 14:47

نواااف التمياط...

خساره...ولكن هي الحياه

مع السلامه يابطل!!!

نواف قرر يعتزل واحد ثنين=عزالله ان الفن خسران خسران

شاعر كره تعزف قصيده ميادين=اطلق عليه الشعب فنان فنان

جمهوره اكثر لو تعدد ملايين=حتى خصومه تحتفي فيه يافلان

عبدالله الجعيثن

21-12-2009, 20:47

بعض الطواريق تثملني وانا اثملها
ّّّّّّّّّّّّّّّّّما آفكر الا عقب مادوس عمياها

اشره علي..كان جمهوري تمثلها
ّّّّّّّّّّّّّّّّّّاو شفت الاعلام يكتبها ويقراها

وان شفتها مايله..قللي وآعدلها
ّّّّّّّّّّّّّّّّّّآخذ نصايح فحول الشعر وانصاها

عبدالله الجعيثن

22-12-2009, 13:31

كانت حياته صمت..روتين روتين=اضحكتها..وهي ملتلي حياتي

اسعدتها..وانا معه حول شهرين=ولا درا مخلوق فيها سواتي

تصحى على دمعة الم بين جفنين=كانت مابين هموم وقته تباتي

من بيننا تفصل مسافات هالحين=ودّه تفضفضلي وانا آقول هاتي

على النقا..مانخلط الزين بالشين=في كل ليله انتظرها وتاتي

عبدالله الجعيثن

24-12-2009, 12:51

قصيده........في طور الاكتمال

وسترى النور قريبا!!!

ياحظ عينك تنام الليل ياهادي=مازار عينك بنص الليل جلاده

انا عيوني مخاصم جفنه نوادي=يحرم عليها المنام وتكره وساده

باسباب منهي تبسّم داخل فوادي=اللي على الغيد زينه يقدح زناده

لا زارني طيفها مع لذة رقادي=سريت للكوكب اللي ترغبه غاده

ازور وادي واغض الطرف عن وادي=واهيم في وادي العشاق وأرتاده

عبدالله الجعيثن

26-12-2009, 15:05

يالعاهره..يالفاهره..يكفي الحاد
ّّّّّّّّّّّّّّّّحتى اليهودي ما يسوّي سواتك

صديقتك بالشرك طاحت ولافاد
ّّّّّّّّّّّّّّّّّدمعاتها .. ماغيّرت لك حياتك؟؟

عبدالله الجعيثن

29-12-2009, 21:05

اطويلي الصفحه ترا العمر محسوب=قطي همومك بالبحر واحتويني

انتي بصوب وباقي البيض في صوب=دامك تبيني قولي انك تبيني

والله لا شيل الثوب وألبسّك ثوب=وافتح جفوني وازرعك وسط عيني

عبدالله الجعيثن

29-12-2009, 23:28

سعادتك..لوهي على حساب فرقاي

ّّّّّّّّّّّّّّّّّّّّّوالله مازعل دام عينك سعيده

صحيح احبك ياغلا القلب ومناي
ّّّّّّّّّّّّّّّّّّّّّّّلكن اعذرك..دام قلبك يريده

عبدالله الجعيثن

05-01-2010, 22:29

هنا شعر!!!!

http://www.youtube.com/watch?v=8Dlsfz-A8as&feature=related

عبدالله الجعيثن

05-01-2010, 22:39

انا هنا موجود مارحت للغير
ّّّّّّّّّّّّّّّقصايدي للنت في نت شمر

عبدالله الجعيثن

06-01-2010, 22:23

يادفتري وش فيك جافيت الاقلام
ّّّّّّّّّّّّّّلو قابلك حبر القلم ماكتب حرف

مدري انا والشعر عشنا بالاحلام
ّّّّّّّّّّّّّّّّولا عيون الملهمه زايغه صرف

هذي 8 ايام مااكتب ولا انام
ّّّّّّّّّّّّّّلاقلت حرف ولاهجع داخلي طرف

عبدالله الجعيثن

06-01-2010, 23:45

شوف الربيع وهدة الطير والصيد
ّّّّّّّّّّّّّّّّّاذا انتهى برده وزان المراحي

فللت تنك الجيب..مسّكته السيد
ّّّّّّّّّّّّحطيت رجلي..قلت ياعيسى باحي

يطري علي مبسم نجاح المساعيد
ّّّّّّّّّّّّّّلاشفت وجه الجيب راع الجناحي

عن المصانع والبحر بالي بعيد
ّّّّّّّّّّّّّّّّعشرين ليله كل ابوها مزاحي

عبدالله الجعيثن

17-01-2010, 15:42

ان شفتها خربت مع انسان .. واغليه
طلعت لين الوضع..يرجع طبيعي

عبدالله الجعيثن

18-01-2010, 18:23

ياصاحبي لا تمسح العنوان=ارجوك خلّن على كيفي
للملهمه زورق وانا ربّان=تلقاه راسي على سيفي
قصايدي تحكمه قيفان=واوزان شعري هي الضيفي
ابيك بس الوكاد احيان=اخاف تكسر مجاديفي
حبك بقلبي تقل ادمان=يابرد عمري وياصيفي

عبدالله الجعيثن

18-01-2010, 21:35

باقي سنه..يالله الخيره=وانا احسب الوقت وانتظره
حبه بقلبي بنى ديره=ودي اشوفه ولو نظره
اخاف لا يغيّر السيره=وتروح كل السنه حسره

عبدالله الجعيثن

23-01-2010, 22:01

لا تحد القلب يالترف الجفول=تدري اني في غرامك منتهي
المسافه ياعيوني لك تطول=والله اني للمصافح مشتهي

عبدالله الجعيثن

24-01-2010, 14:10

يقول الجثري

الادغم فقيده...............!!!!

اذا جينا للصدق بهالزمن....هناك فقيدتين وغيرهم..اسمحولي

صدام اخو هدلا ....

و

طلال الرشيد

هم اللي غميضه وقهر وغبينه بقلوب شمر!!!!

عبدالله الجعيثن

24-01-2010, 14:23

ياللي حرثتي قصيدي واستثرتيني
.................قبلك جنون الغزل ماداهم ابياتي

لاتقطعين الهــــروج اللي تغـذيني
................لاتحرمين المعنى عذب الاصواتي

قبلك.. وانا ذابله فيني بساتيني
...............واليوم اشوف السنابل تحيي امواتي

عبدالله الجعيثن

25-01-2010, 21:17

ان جيتي اثمل..واثملك لا نهجتي
.....كني على ماقيل للشمس تبــّاع

لبا عيونك يوم فيها دعجتي
.....كحلن يخلي اخضر القلب يلتـــاع

ابسألك بالله..يومك بلجتي
......بدرن فهق ليلن نثرتيه للقــــــاع

؟؟؟؟

؟؟؟

عبدالله الجعيثن

26-01-2010, 18:25

دولة طنا..تعرف طنا يابن الاكرام
...لا دقّ لطمه..مايفكّ بسهوله
ماللكرم بوجودنا كف واقدام
...الطيب لوهو صعب..نقدر ننوله

الطيب لوهو صعب..نقدر ننوله
الطيب لوهو صعب..نقدر ننوله
الطيب لوهو صعب..نقدر ننوله

عبدالله الجعيثن

26-01-2010, 21:43

ياشوق شفني على بابك...من طلعة الشمس للغيبه
ابيات شـعري تغنّـــــــابك...وان مر طيفــك اهليـبــــه
لــو يزعــل الورد عنــــّابك...احرّم الــورد واســيبـــــــه

عبدالله الجعيثن

27-01-2010, 19:06

ياقلب قل له يمكن تكون خيره
واقسم لهم ياقلب ماخنت عهدك

كل الذي بالبير..يبقى ببيره
انا بشهدي وانت خلك بشهدك

عبدالله الجعيثن

31-01-2010, 08:17

لا تبدي اسرارك..ترا الليل ستـــّار
....واللي يحب الليل .. تلقـــاه عاشق

عبدالله الجعيثن

31-01-2010, 14:01

ارحل عن انظار المخاليق..وأرتاد

....دايم بحظن الصمت القى جنابي

عبدالله الجعيثن

31-01-2010, 14:06

كل البشر..تنظر عيوني تدوّرك

____مادريوا انك تحت الاهداب نايم

سبحان منهو ياحياتي مصوّرك

____درّة بحر والفرق عنها قوايم

عبدالله الجعيثن

01-02-2010, 09:01

جيتي ورحتي..ياليتك قبل ماجيتي
______اطيابك اللي نثرتي دوك لميّها

ولا تعالي بنفس الوقت حييتي
______ابنتظر جيّتك .. لا لا تعديها

عبدالله الجعيثن

02-02-2010, 13:08

انا الفرح في دنيتك ياحياتي
__واللي براسك يالغلا حفنة اوهام

هاتي جروحك وادفنيها بذاتي
__هذا خفوقي زارعه شيح وخزام

ياهيه بجمع مع شتاتك شتاتي
__وآعللك والنجم صاحي ولا نام

عبدالله الجعيثن

03-02-2010, 08:31

ان كنت لاهي يوم..ماني على طول && مرّت سنه.. ماجيت باحلام لاهي

تــمرّني ذكــراك وآقـول..لاحـــــوول && ويش الذي جاب الشقى..لاتجاهي

عبدالله الجعيثن

04-02-2010, 15:17

عمر الدواير ماتجي مستقيمه && والصح قد قاله رشيد الزلامي

حكي القفا..فيه العواقب وخيمه && ان كان عندك هرج صبّه امامي

ماجمّل الرديان قول النميمه && ولا يثمر المعروف بأبن الحرامي

عبدالله الجعيثن

06-02-2010, 11:49

عمري ما احسب لفارق السن قيمه && واللي يراعي للمعالي اخاويه
اشري رجل ..وابيع شروى البهيمه && والثور اكبر مابجسمه علابيه

عبدالله الجعيثن

06-02-2010, 22:53

يابخيله ليه جيتي ثم رجعتي ثم رحتي && وانتي عطورك يعج بها المكان اللي وطيتي

انتظرك بكل لحظه ليه ماقلتي وبحتي && والله انك من لفيتي بالشعر قلبي مليتي

عبدالله الجعيثن

07-02-2010, 12:17

لــــو يـــودك ود .. مثل اللي اودك && خالك وعمك وابوك وجد جدك

كان في يسراك حطوا عرش كسرى && وفي يمينك حطوا الدنيا بيدك

خالد بن يزيد

عبدالله الجعيثن

08-02-2010, 11:07

من روائع الشعر

للشاعر عبدالله علوش

http://www.youtube.com/watch?v=EXL1xd23jec

عبدالله الجعيثن

08-02-2010, 13:56

:za3lan: && :za3lan:

راحت وانا للحين واقف محلي && اراجع الاحداث لا عسعس الليل

غيري يقــول انساه خله يولي && وانا انـاظر وانتــظر للــمراسيل

عبدالله الجعيثن

09-02-2010, 09:40

امل!!!!

تركت بيع الزهور!!!

يابايع الورد .. بلّ الورد من شاني && مادام امل سافرت يومين للضيعه
عينه غذاهن..وكفّه حوض بستاني&&والورد يمه يراعي كنّه يطيعه
واليوم ذابل ورودك زوّد اشجاني && خلا خفوقي يجر الصوت ويبيعه

عبدالله الجعيثن

09-02-2010, 12:57

والله انك مــلاذي.. والدفــا والعبير ** وانتي اللي بقلبي غير حبك فلا
انتي انفاس حرفي والشهيق وزفير ** وانتي اللي احبه من جميع الملا

عبدالله الجعيثن

11-02-2010, 18:15

وشنوح ماني على بالك && من دونك ايامي شهوري

القلب وده..ويسعالك && شاريك ياوردة الجوري

ان كان ماودك ومالك && ارجوك قلل..i am sorry

!!!!!!!!!!!

عبدالله الجعيثن

12-02-2010, 01:14

والله وعاد النور والخل عوّد && مل انتظاري منك ياسكر الشام

من غيبتك والشوق بالقلب دوّد && اعيش مع ذكراك واعد الايام

عبدالله الجعيثن

13-02-2010, 13:29

هجينيّــــــــــــــات اشيلها لا صرت ماسك خط!!!

يابنت قلبي رجح يمك && يبي سوالفك وعلومتس

لاواهني من نقل همك && شرى شراياتس وهدومتس

____________

لو ندّي اليوم واليومين && قضيّتهن والقوي الله

مار البلا دمعتي بالعين && تبكي على بنت خلق الله

_____

عبدالله الجعيثن

13-02-2010, 13:52

مفصلن جسمه على الثوب تفصيل && تحلف تقول الثوب مولود معها

طلعـه ونـزله .. وانحنـاءه وتمييـل && اية جمال وجلّ منهو جمعها

عبدالله الجعيثن

15-02-2010, 08:23

هلا...بك!!!

نوّر...جوالي!!!!!

النور نورك..وانت في قلبي النور
____ياهوه..وينك كنّــك سنين غادي

صوتك تعب وان جيت اوصف على الفور
____يشبه دنين اوتار.. ريشة عبادي

عبدالله الجعيثن

15-02-2010, 08:55

كان ابن عمي يدوّر زلتي ** ما ألوم اللي طعني بالظهر

عبدالله الجعيثن

15-02-2010, 13:13

كان انت مثلي في غرامي مولي
___قدّر ضروفي واخلق لنفسك اعذار

والله ابيك ولا قصدت التسلي
___ماهي اماني والاماني ترا قصار

في وسط قلبي لك مكان ومحلي
___متى يزين الوقت وتزين الاقدار

عبدالله الجعيثن

15-02-2010, 21:25

ودي آكابر وابتعد واتحاشاك

مدام حبك فايزن فيه غيـري

لكن غلآك بداخل الروح خلاك

تنام في حظني وتبقى عبيري

عبدالله الجعيثن

16-02-2010, 13:42

اااااه..ياهايس

ياليت قلبي من حديده ياهايس && ماهو بدمن كله عروق وشعور

ياليتني قبل اصل السيف قايس && بحرن عميق وعكسي الموج والهور

عبدالله الجعيثن

16-02-2010, 14:17

الرجاء...من الجميع

99% مما يكتب هنا ... خيال وهذرة شاعر

غلطتي...حب الاثاره فقط

والرجاء عدم التأويل!!!!!

عبدالله الجعيثن

16-02-2010, 14:31

سلام .. للحشمه وروس المطاليق..واللي يقدر عكف الاشناب رجال

من حط نفسه فوق في قمة طويق.عزالله انه.. مانزل يم الانذال

اضيق بعض ايام .. وايام ماضيق..واميل لكن ..عندي العز مامال

ودي اتل الجيب من مدخل بقيق..قبل خيوط الشمس تبدا بالاشعال

واشيل صوتي فوق واسكر ولا افيق..الا بأرضن صايبه آمس همّال

وانثر تعب شغل المصانع ياتوفيق..في روضن اخضر مابه ارسال جوال

عبدالله الجعيثن

16-02-2010, 21:10

ابعتذر عن كلامن قلته بنفسي
___دفاشتي بالسوالف ماتخلينيِ

عبدالله الجعيثن

17-02-2010, 08:03

احس عندك كلام..ونفسك تصارح
____او اني آنسج سوالف مالها داعي

ياهوووه صوتك دفا..ماودّه يبارح
____على المخده خيالك يمّي يراعي

عبدالله الجعيثن

17-02-2010, 12:40

ياكبرها عند ربك يابو مشاري && لا صار خلك يبي غيرك ويلعب بك

تموت عنده وهو عنّك مهو داري && يدرا عيون الحبيب وعنده يسبّك

عبدالله الجعيثن

17-02-2010, 14:17

تعال فضفض مالك ومال دنياك
___عش لحظتك خل الضروف العصيبه

سكر نباتك ليه خالط شفاياك
___نبرات صوتك ياحياتي قريبه

رحله على سطح القمر ليل وياك
___تسوى ذهب قارون وابن الغصيبه

عبدالله الجعيثن

17-02-2010, 21:53

تعال قلب الشقاوي ذاب && شفني على الدرب وحداني

ان كان طبع الهوى غلاب && افتح عيونك وتلقاني

القلب ماسكّر الابواب && يبغاك كانك تمنّاني

عبدالله الجعيثن

18-02-2010, 10:55

ابيك ياصاحبي واغليك && ياللي عن الكل تغنيني

اقوم من مرقدي واتيك && وافرش لك الورد بيديني

واسمّعك ماكتبته فيك && واقصد واشوفك تغنّيني

والموت لامن مسكت ايديك && كنك على الجمر تشويني

متى يجي موعدك واجيك && واعرف وش قد تغليني

عبدالله الجعيثن

18-02-2010, 17:17

مثل الفراش ليا تجمّع على تريك

_______ يمّك بنات الفكر راحن فراشات

عبدالله الجعيثن

19-02-2010, 13:21

الشعر.....

طبيت سوقه يوم غيري يباريه && سقت القدم مابين عفشه وزلّه

مبطي ابهّر دلتي من قهاويه && يومك تناظر صورتك بالمجلّه

عبدالله الجعيثن

20-02-2010, 19:07

لاباس يمّه طهور وترجع البسمه && دنياي دونك ظلام ومالها داعي

عبدالله الجعيثن

21-02-2010, 14:37

لبا قلبك

يالهلال..

يالزعيم..

زعيم نصف الارض واللي ورا الارض && والمشتري .. ولا تهون المجرّه
الله خلقنا اسياد .. ماناخذه قرض && نحك .. بالملعب ثلاثين فرّه
اسلوبنا يوفرض على غيرنا فرض && موجن بلع من حاول يجيب درّه
جمهورنا.. دك المـــدرج ولا يرض && الا بطوله ..والبطوله مسّرّه

عبدالله الجعيثن

24-02-2010, 09:17

شكرا من القلب

لاخواني واخواتي هنا

من كتب...من ارسل...من اتصل

مالومهن والدار دون الحبيبه
....حتى خواتي سافرن واتركني

البيت مظلم والزوايا كئيبه
....والهم نايه كل لحظه يغني

عبدالله الجعيثن

24-02-2010, 09:54

طريقتي بالمنتدى عشرة سنين && لقيتها بالعرف احسن طريقه

اركي على المجهول حتى لي يبين && والقى بعدها وش مكان الحقيقه

الله ولا غيره احد مانتظر شين && وانا صديق العز واشري صديقه

ارقى على المشراف واسمعني الحين && والله نجحت وصرت حامل وثيقه

عبدالله الجعيثن

25-02-2010, 22:07

حاولت لكن غموضك مايخليني && ودي اوصف وياقف دوني حجابك

مدري تبيني او انك بس تلهيني && ولا تبيني اجيلك واطرق ابوابك

عبدالله الجعيثن

26-02-2010, 10:19

لا لاح برق ولا سقى الارض ماطر && وان جف بيري زروعي مات تاليها

تعال وانشر ربيعك واسمح الخاطر && تعال بل السنابل واجن مافيها

ابيك..شفني على درب الهوى ناطر && لا يبعدك زخرف الدنيا وحاليها

عبدالله الجعيثن

27-02-2010, 18:26

قلبي وطن وانت الحكومه والافراد && من وين ما وجهّت تلقى خيالك

عبدالله الجعيثن

27-02-2010, 22:19

رح علم الملتاع من غيبة احباب && اني انا ملجاه لاشاف همه

اشري له الفرحه واحطه بالاهداب && وامسح زعله ويم صدري اضمه

عبدالله الجعيثن

28-02-2010, 08:44

صدري وسيع وصدرها صدر نمله
________على الزعل نفسه تقل عود شخاط
احيان ودي اقصعه.. تقل قمله
_____________وأشبهه يالربع.. لزويل شلحاط

^

^

بنتي الصغيره:)

عبدالله الجعيثن

28-02-2010, 21:42

اكذب عليك ان قلت لك حيل مشتاق && واكذب على نفسي اذا قلت مابيك

مابين تلك وتلك ..مــتلــخبط اوراق && ارقى على حد المجرّه واناجيك

اقول يمكن عنده ضروف وانعاق && او انه اصلا مايبي تلك..او ذيك

عبدالله الجعيثن

28-02-2010, 22:22

الذين يشاهدون الموضوع الآن: 2 (1 من الأعضاء و 1 زائر)

يشرفني.........حتى لو كنت زائر

الليل عتمه والزياره تشرّف && مجرد انك جيت هذا وسامي

عبدالله الجعيثن

01-03-2010, 13:34

المنطعج..........

يوسف..ترى يبطون ماحصّلوا شي && لو فبركوا بعض الكلام لطمعهم

لو سولفوا بالظل تبقى لي الفي && يبطي مرضهم ويتكاود وجعهم

تبقى اخو..وابوك مع والدي خي && تبقى شرف وانا معك ضد معهم

عبدالله الجعيثن

01-03-2010, 20:17

مرت كذا يومين مابان لك زول && مدري زعل ولا علينا تغلا

عبدالله الجعيثن

01-03-2010, 20:22

ياصاحبي فريت قبلك عربسات
___شفت المرض وهموم قلب ومضرّه

اضغط على الريموت..تطلع قنوات
___مابه من الامتاع مثقال ذرّه

عبدالله الجعيثن

03-03-2010, 10:45

ماهيب لا واقفه عندك ولا عندي && ولا سولفوا بالكرم..هذا كرم قاضي

يقدر على الطيّبه من رتبته جندي && ماهي سوالف وجمخاتن على الفاضي

عبدالله الجعيثن

03-03-2010, 21:32

الحظ جابك لعيني ثم عيّابك
_____واصبحت اعد الدقايق مع ثوانيها

متى تجيني وتكسر موجة غيابك
_____وابيات شعري على شانك معنيّها

عبدالله الجعيثن

04-03-2010, 13:33

يوم ان اخوك اللي سميي يبكيك && هو ذنبي اني صرت مثله سميّه

عبدالله الجعيثن

04-03-2010, 13:52

شيّعت جثمان المسايير للغير && وقصرت رجلي غصب ماهو بكيفي

حمّلت نفسي فوق مايحمل النير && لوهو بظهر هديب عيّا يقيفي

ام وخوات وعود ومقابل صغير && كدّاد .. والكدّاد عمره كليفي

ياليتني طيرن مع الجو واطير && ببقيق اشتّي وجنب الاحباب صيفي

عبدالله الجعيثن

04-03-2010, 13:57

الذين يشاهدون الموضوع الآن: 4 (1 من الأعضاء و 3 زائر)

عبدالله الجعيثن

هلا بالزوار

لكلن منكم ورده

عبدالله الجعيثن

04-03-2010, 14:02

لا جاني العاني وانا مامعي شي && ودي تجيني قبل ياتي وفاتي

...للمرحوم منصور الرمالي

عبدالله الجعيثن

05-03-2010, 09:19

قيثارتي والناي واطراف كمّه && وبنات فكري في حضوره معازيم

كن الحكي لا دغدغ شفاه فمّه && صوت البلابل في حديث الترانيم