ثااني حووار ريااضي مع المشرف المبدع : الضااري11 [الأرشيف]

منصور الـ ع ـطآوي

13-05-2009, 20:05

مسائكم معطر بروح الصفـاء ~

تتلألأ فيه نجوم السماء

وتتهاتف نسماته بالأخـاء

مساء زهــراَ ينثر شذاه

في ربوع مضايف شمر

ضيفنا لهذا المره انسان متميز

له بدايـة قوية

وضع نصب عينيه :

الفــائدة + الصــــدق

صاحب رصيد جميل حافل بالمشاركات الجميله

(( مشرف مبدع )) بـ جدارة كبيـرة وبشهادة الجميع ..

متوآجد في كل زاوية من زوايآ المنتدى

هو ..

الضااري11

مرحبآ بك في حوار ريااضي الثااني

نتمنى لك قضاء أسعد الأوقات معنآ

منصور الـ ع ـطآوي

13-05-2009, 20:08

ولي الفخر ان اكون اول من يبداء معاك الحوار

و بسم الله نبداء

1 - ما هي الرياضه الي تمارسها

2 - ما هو ناديك المفضل

3 - من افضل لاعب بالدوري السعودي حاليا

4 - من اللاعب السعودي المحبوب ليدك

5 - ماهو رايك بالدوري السعودي

6 - من افضل حارس و دفاع و وسط و مهاجم بالدوري السعودي حاليا

7 - من افضل مدرب بالدوري السعودي حاليا

8 - ما رايك بالتحكيم السعودي

9 - ما رايك بالدوري السعودي

10 - ما هي السلبيات و الايجابيات بالدوري السعودي بوجهة نظرك

11 - من هو افضل اجنبي محترف بالدوري السعودي

12 - من هو افضل حكم سعودي

13 - من هو افضل محترف اسيوي بعد تطبيق النظام الجديد وهو ان يكون المحترف الرابع من اسياء

14 - من هو افضل رئيس نادي

15 - من هو افضل لاعب واعد بالدوري السعودي

ابو ضاري

13-05-2009, 23:21

[quote=منصور العطاوي;752267]
مسائكم معطر بروح الصفـاء ~

تتلألأ فيه نجوم السماء

وتتهاتف نسماته بالأخـاء

مساء زهــراَ ينثر شذاه

في ربوع مضايف شمر

هلا وغلا بمشرفنا منصور الغالي

ضيفنا لهذا المره انسان متميز

له بدايـة قوية

وضع نصب عينيه :

الفــائدة + الصــــدق

صاحب رصيد جميل حافل بالمشاركات الجميله

(( مشرف مبدع )) بـ جدارة كبيـرة وبشهادة الجميع ..

متوآجد في كل زاوية من زوايآ المنتدى

لاهنت يامنصور وهذا ان دل على طيبك واصلك الكريم يابعد راسي

هو ..

الضااري11

مرحبآ بك في حوار ريااضي الثااني

ويشرفني ان اكون معك هنا في هذا الحوار

نتمنى لك قضاء أسعد الأوقات معنآ

وانا بعد بس لا تجيبون اهداف الشباب الخيره تراني ماشفتها

ابو ضاري

13-05-2009, 23:56

ولي الفخر ان اكون اول من يبداء معاك الحوار
ولي الفخر ان اجاوب معك هذا الحوار

و بسم الله نبداء
بسم الله

1 - ما هي الرياضه الي تمارسها
المشي +مسك الشوش

2 - ما هو ناديك المفضل
وهل يخفى القمر ( الهلال )

3 - من افضل لاعب بالدوري السعودي حاليا
محمد نور

4 - من اللاعب السعودي المحبوب ليدك
محمد الشلهوب

5 - ماهو رايك بالدوري السعودي
احسبنك تسال عن الدوري الاسباني ...الدوري السعودي محصور بين انديه معروفه

6 - من افضل حارس و دفاع و وسط و مهاجم بالدوري السعودي حاليا
الدعيع......البحري......محمد نور ....ياسر والهزازي

7 - من افضل مدرب بالدوري السعودي حاليا
كالديرون

8 - ما رايك بالتحكيم السعودي
ناقصته الثقه وايضا مثل التحكيم الاجنبي فيه اخطاء

9 - ما رايك بالدوري السعودي
الجواب فوق

10 - ما هي السلبيات و الايجابيات بالدوري السعودي بوجهة نظرك
السلبيات ياكثرهن لكن الجمهور غطى على كل شي

11 - من هو افضل اجنبي محترف بالدوري السعودي
طارق التائب +التون

12 - من هو افضل حكم سعودي
منصور الشمري واحد متعصب ...خليل جلال

13 - من هو افضل محترف اسيوي بعد تطبيق النظام الجديد وهو ان يكون المحترف الرابع من اسياء
ربيع ماقدم مستوى لكن احمد عجب لاعب الشباب قدم نوعا ما المطلوب

14 - من هو افضل رئيس نادي
الامير عبدالرحمن بن مساعد

15 - من هو افضل لاعب واعد بالدوري السعودي
الدوسري لاعب الهلال لكن حاليا هزازي وان شاء الله يقدم الاحسن لناديه وللمنتخب

واحد شقردي

14-05-2009, 01:13

يا الله حي الضاري 11

وش رايك بدوري السوداني ؟؟؟

و دائم لعبتك المفضله قضب الشوش (( من هو قدوتك الاعلى بمسك الشوش )) ؟؟

ولا هنت وش فريقك المفضل اوربي ؟؟

ويا بعد حيي الهلال كيف تنظره في مسابقاته الخارجيه ؟؟؟

وش لعبه لي تحس مالها داعي ؟؟

وش الدوري لي يشدك بعد السعوديه ؟؟؟

اي المنتخبات تشجع غير السعوديه ؟؟

وشلونك بشرني عنك وشلون غاليك ؟؟؟

وكيف تشوف النصر في الموسم القادم ؟؟؟؟

دمت بود

ابو ضاري

14-05-2009, 01:40

[quote=واحد شقردي;752395]يا الله حي الضاري 11

الله يحييك ياواحد شقردي

وش رايك بدوري السوداني ؟؟؟

ينافس الدوري البحريني

و دائم لعبتك المفضله قضب الشوش (( من هو قدوتك الاعلى بمسك الشوش )) ؟؟

هل يخفى القمر طبعا شبيثان

ولا هنت وش فريقك المفضل اوربي ؟؟

برشلونه

ويا بعد حيي الهلال كيف تنظره في مسابقاته الخارجيه ؟؟؟

السنوات الاخيره يخوف صراحه وان شاء الله يحقق البطوله السنه

وش لعبه لي تحس مالها داعي ؟؟
السله

وش الدوري لي يشدك بعد السعوديه ؟؟؟

عربيا القطري والامارتي دور الاربعه بس

اي المنتخبات تشجع غير السعوديه ؟؟
عربيا تونس وعالميا ايطاليا

وشلونك بشرني عنك وشلون غاليك ؟؟؟

الحمد لله........... الله يخلي غاليك

وكيف تشوف النصر في الموسم القادم ؟؟؟؟

قادم بقوه وينافس على البطولات واعتقد ياخذ بطوله

دمت بود

لاهنت يالغالي

عبدالله المهيني

14-05-2009, 02:06

منصور

ضيفك من العيار الثقيل

الضاري

لو كنت من صناع القرار في الاتحاد السعودي

شنو القرار اللي راح تطبقه على طول ؟

أنت كنت مشجع هلالي وتحولت للنصر والحين أشوفك تقول هلالي

وش السالفة أو أنا غلطان بواحد غيرك

:)

ابو ضاري

14-05-2009, 03:06

[quote=عبدالله المهيني;752444]
منصور
ضيفك من العيار الثقيل

لاهنت يالمهيني تراني من العيار الوسط مثل خالي

الضاري

لو كنت من صناع القرار في الاتحاد السعودي

شنو القرار اللي راح تطبقه على طول ؟

اشيل الحكم الاجنبي

أنت كنت مشجع هلالي وتحولت للنصر والحين أشوفك تقول هلالي

وش السالفة أو أنا غلطان بواحد غيرك

لا منت غلطان انا هلالي وسوف اظل هلالي

لكن موضوعي التحول مجرد موضوع لانعاش القسم لاغير

وانتم على طول تصدقون

:)

شرهه

14-05-2009, 03:19

منصور الله يلبسك العافيه
على هالصيده

ابو ضاري
يا هلا والله بالقائد البرمائي ...

نبي نبدا دغري بالاسعله

تخيل دق جوالك بتال الليل وانت بسابع نومه
يمار هذا
سلطان بن فهد
يقول إطلع عند الباب الحين لا نتلك من فريشك
نبيك تصير مدرب السعوديه هالشهر

وش بتكون ردة فعلك ؟؟؟

يوم إنك وغد >> يالعبتوا كوره إنت و اخوياك وش يكون مركزك دايم ؟

سروال خط البلده>> اللي يجي أخضر وبه خطين بيض على الجوانب >>هل شريته يوم إنت وغد أو مراهق ؟؟

برأيك ليه الكوره طغت على كل الرياضات ؟؟

وشكرا

عجايب بنت الشايب

14-05-2009, 03:30

سؤال بريء :) على مااجهز لك اسئله .. هنا وهناك :) >> ههههههههه

سؤالي

يوم كنت تبي تحول للنصر هل كنت شارب شيء مثلا او كنت ماخذ رشوه او هل كان بك بلا ؟

عفوا السؤال البريء حقا

وش رايك بالتشجيع للينات ؟

:)

>> البراءه هناااااااااااك وانتي هنا عيني خير

طحياتي ..

بسمة العز

14-05-2009, 03:36

مابي شي يابوضاري
بس حبيت اسلم^_^

يعطيك العافيه منــصور

ابو ضاري

14-05-2009, 04:16

[quote=شرهــه;752485]منصور الله يلبسك العافيه
على هالصيده

ماسالتيه وشلون صادني لاني برمائي

ابو ضاري
يا هلا والله بالقائد البرمائي ...

هلا فيتس

نبي نبدا دغري بالاسعله

ابدي ياشرهه

تخيل دق جوالك بتال الليل وانت بسابع نومه
يمار هذا
سلطان بن فهد
يقول إطلع عند الباب الحين لا نتلك من فريشك
نبيك تصير مدرب السعوديه هالشهر

وش بتكون ردة فعلك ؟؟؟

اشوى ان جوالي اغفله ........اصير مدرب غصبن عني يعني باكيتا احسن منا

يوم إنك وغد >> يالعبتوا كوره إنت و اخوياك وش يكون مركزك دايم ؟

باك ايسر

سروال خط البلده>> اللي يجي أخضر وبه خطين بيض على الجوانب >>هل شريته يوم إنت وغد أو مراهق ؟؟
صراحه هذا خارج الحوار بس امون على الغالي منصور واجاوب

ايه شريته يوم اني وغد

برأيك ليه الكوره طغت على كل الرياضات ؟؟
لانها الاحسن والاقوى وانها اثاره

وشكرا

عفوا

ابو ضاري

14-05-2009, 04:25

[quote=عجايب بنت الشايب;752489]سؤال بريء :) على مااجهز لك اسئله .. هنا وهناك :) >> ههههههههه

تفضلي ...خايف من البساس

سؤالي

يوم كنت تبي تحول للنصر هل كنت شارب شيء مثلا او كنت ماخذ رشوه او هل كان بك بلا ؟

صراحه كنت شارب خليط عصير توت مع بربيكان بالتفاح وخذيت رشوه بس رديتها

وكان ملتمس حدى الانوار

عفوا السؤال البريء حقا

وينه السعال

وش رايك بالتشجيع للينات ؟

اذا كان التشجيع بالملعب هذا مرفوض ولا ينبغي لهن اما بالبيت بكيفهن
رائي الشخصي ..ماينفع تشجيعهن احسن لهن بدون تشجيع

:)

>> البراءه هناااااااااااك وانتي هنا عيني خير

البراءه وانتي جايبه بببسسسسس

طحياتي .

شكرا

ابو ضاري

14-05-2009, 04:27

مابي شي يابوضاري
بس حبيت اسلم^_^

يعطيك العافيه منــصور

الله يسلمك يابسمه العز
لاهنتي على مرورك

منصور الـ ع ـطآوي

14-05-2009, 06:52

الضاااري

رجعت لك و اساله من الرياض غير الاساله وانا ببريده

السوال الاول :

وش تتوقع النتيجه اليوم في مباراة الهلال و الحزم ؟

السوال الثاني :

هل تتوقع مصير هزازي و السعران مثل مصير العنبر يعني العنبر سجل كم هدف حاسمه و طيره بالعجه
و اللحين ما ينفع ابد

و لي رجعه بكم سوال

ابو ضاري

14-05-2009, 16:47

[quote=منصور العطاوي;752585]الضاااري

نعم

رجعت لك و اساله من الرياض غير الاساله وانا ببريده

ياحلوهن

السوال الاول :

وش تتوقع النتيجه اليوم في مباراة الهلال و الحزم ؟

2\1 للهلال

السوال الثاني :

هل تتوقع مصير هزازي و السعران مثل مصير العنبر يعني العنبر سجل كم هدف حاسمه و طيره بالعجه
و اللحين ما ينفع ابد

هزازي انا متوقع انه يطلع اما السعران فزه ددسن

و لي رجعه بكم سوال

انتظرك مع اسئلتك الحلوه

منيف الوبيري

14-05-2009, 19:22

الضاري ..

ابي انام واذا قعدت ان شاء الله اسألك ..

به له كم سؤال حافرت تسبدي ..

بس اني متعاجس اكتبهن الحين ...

بالعربي الغير فصيح ... لي رجعه عشان انشدك ..

ابو ضاري

15-05-2009, 00:53

الضاري ..

ابي انام واذا قعدت ان شاء الله اسألك ..

به له كم سؤال حافرت تسبدي ..

بس اني متعاجس اكتبهن الحين ...

بالعربي الغير فصيح ... لي رجعه عشان انشدك ..

لا تبطي يامنيف

ترا اخوي منصور حط ثلاث ايام ويغفل الحوار

انتظرك

الشبث

15-05-2009, 01:38

يااازين هالضيف

عضيدي ابو ضاااري

يالله حيووووووووووووه

عندي لك سؤال واحد اخوي ابو ضاري

شخصيات لها الفضل بعد الله في تطور الكوره السعوديه ؟

ولي رجعه

وتقلد تحيتي

أحمد

15-05-2009, 01:40

ياهلا بخالي الضاري الشكر لاخوي منصور على اختيارك لاني ابي حلقك يالخال

على الاسئلة على طول ماعندي وقت :

1- وشهي اول مباراة اثرة عليك نفسياً ؟

2- ليه قلت انا ابشجع النصر قبل فتره ؟

3- وين يلعب قوانزالو هقوين في اي فريق ووش خانته ؟

4- وشو افضل ملعب كرة قدم بالعالم بنظرتك ؟

5- وشي المباراة اللي ماتفوتك وتفضي نفسك عشانه ؟

6- وش يحتاج ريال مدريد بنظرك عشان يتوج ببطولة التشامبينز ليق السنه الجايه ؟

7- ولدك ضاري اذا لازم يلعب كوره في اي نادي تبيه وليه ؟

8- عطنا فريق من اعضاء المضايف يلعب ضد مشرفين المضايف وكم تتوقع النتيجه ؟

9- من هو الاسطوره ماجد او سامي او ابراهيم السويد ؟

10- أسئلتي مناسبه او لا ؟

ابو ضاري

15-05-2009, 04:32

[quote=الشبث;752982]يااازين هالضيف

يازينك يابو ماجد

عضيدي ابو ضاااري

هلا وغلا فيك ياقائدنا

يالله حيووووووووووووه

الله يحييك

عندي لك سؤال واحد اخوي ابو ضاري
تفضل

شخصيات لها الفضل بعد الله في تطور الكوره السعوديه ؟
الامير سلطان ابن فهد

يمكن نسيت الكثير بس هذا اولهم

ولي رجعه

انتظرك يالغالي

وتقلد تحيتي

اتقلده وشعندنا غيرها

ابو ضاري

15-05-2009, 04:47

[quote=الجثري;752984]ياهلا بخالي الضاري الشكر لاخوي منصور على اختيارك لاني ابي حلقك يالخال
هلا بالبناخي الجثري افا تبي حلق خالك

على الاسئلة على طول ماعندي وقت :
ماشاء الله عليك

1- وشهي اول مباراة اثرة عليك نفسياً ؟

بالنادي صراحه مباراه النصر يوم ثلاثه صفر على الهلال كوبري الموينع

المنتخب كاس اسيا يوم يفوز اليابان واحد صفر شكلها باليابان كنت غايب من المدرسه

2- ليه قلت انا ابشجع النصر قبل فتره ؟
مجرد موضوع وكلمت الشبث قلت انا حطيت موضوع لانتعاش القسم لاغير ياخالي

3- وين يلعب قوانزالو هقوين في اي فريق ووش خانته ؟

خلن انطق اسمه ...ابي اسل ريال الفسحه واعطين الجواب

4- وشو افضل ملعب كرة قدم بالعالم بنظرتك ؟
سدني .....المانيا نسيت اسمه .....واستاد الملك فهد

5- وشي المباراة اللي ماتفوتك وتفضي نفسك عشانه ؟

الحين عادي بس اول تلقاني متعصب هلالي وين الهلال ندوره دوره

6- وش يحتاج ريال مدريد بنظرك عشان يتوج ببطولة التشامبينز ليق السنه الجايه ؟

بكيفهم اهم شي المنتخب يصعد لكاس العالم

7- ولدك ضاري اذا لازم يلعب كوره في اي نادي تبيه وليه ؟

انا اختار الهلال بس هو يبي الاتحاد ثم النصر ذبحن الليد

8- عطنا فريق من اعضاء المضايف يلعب ضد مشرفين المضايف وكم تتوقع النتيجه ؟
الحارس حمود الناصر ...الدفاع الستوبر حيل حليل وفتى البيداء الظهير الايسر الجثري لانه سريع والظهير الايمن واحد شقردي ...الوسط سناعيسو ريال الفسحه يوسف فواز الغسلان
الهجوم ابو عارف والجعيثن ..............والمدرب صلفيق
9- من هو الاسطوره ماجد او سامي او ابراهيم السويد ؟
بدون منافسه ابو عبدالله ماجد وان احد عشاقه
10- أسئلتي مناسبه او لا ؟

يازينه مثل صاحبه

منصور الـ ع ـطآوي

15-05-2009, 15:51

و نرجع و نعطيك اساله قبل اودع الرياااض

ودااعية الرياااض تقولك :

اولا : وين موقعك بالفريق مهاجم او مدافع او وسط او حارس

الثاني : تكلم عن مهاراتك بالكوره

الثالث : توقعااتك من يستمر الى نهائي كاس اسياء الهلال او الاتحاد او الشباب او الاتفااق

الرابع : توقعااتك الى نهائي اليوم بين الشباب و الاتحااد من تتمنى و من تتوقع

و انتظر اسئله دخولي بريده

عبسي

15-05-2009, 18:52

يالله حي الضاري ’’’’’’’’’

أبدخل بالأسئله على طوول ...

وش رايك بالتعصب الأعمى عند بعض المشجعين ؟؟

وش رايك باللاعب عبده برناوي لاعب النصر من جميع النواحي ؟؟ وهل هو ظلم بالاعب بالدوري السعودي ؟؟

وش رايك بالظهير العجيب محمد نامي وهل مكانه الحقيقي مع الهلال ؟؟

ماريك بالإعتزال نواف التمياط ؟؟ وهل توقيت الإعتزال كان مناسب ؟؟ وأبيك تخمن سبب الإعتزال وشو ؟؟

من هو أفضل مهاجم بالوقت الحالي ؟؟

وأفضل لاعب وسط ؟؟

وأفضل مدافع ؟؟

وأفضل محور ؟؟

وأفضل حارس ؟؟

أبيك تخيل أنك مدرب المنتخب وش راح تكون التشكيله المثاليه بالنسبه لك ؟؟؟

الله يعينك على الأسئله ..

لي نكسه إن شاء الله .. أبحظر كم سؤال على السريع ..

ابو ضاري

15-05-2009, 22:39

[quote=منصور العطاوي;753270]و نرجع و نعطيك اساله قبل اودع الرياااض

الله يستر عليك

ودااعية الرياااض تقولك :

وش تقول

اولا : وين موقعك بالفريق مهاجم او مدافع او وسط او حارس

مدافع

الثاني : تكلم عن مهاراتك بالكوره

المدافع قشاش واللي يقرب ياويله بعدين الفاولات عندي باي مكان ( عليه شوت ) ملقب بالصاروخ ههههههههه

الثالث : توقعااتك من يستمر الى نهائي كاس اسياء الهلال او الاتحاد او الشباب او الاتفااق
الاتحاد والشباب

الرابع : توقعااتك الى نهائي اليوم بين الشباب و الاتحااد من تتمنى و من تتوقع

ودي الشباب لانه يلعب بحماس 2/0

و انتظر اسئله دخولي بريده

ينتظارك دائما

ابو ضاري

15-05-2009, 22:47

[quote=العمدهـ;753333]يالله حي الضاري ’’’’’’’’’
الله يحييك

أبدخل بالأسئله على طوول ...

تفضل

وش رايك بالتعصب الأعمى عند بعض المشجعين ؟؟

صراحه ماله داعي ولا ياتي بنتيجه اذا كنت تحاور مع شخص ثاني غير ميولك

وش رايك باللاعب عبده برناوي لاعب النصر من جميع النواحي ؟؟ وهل هو ظلم بالاعب بالدوري السعودي ؟؟
صراحه ماتابعت لعبه

وش رايك بالظهير العجيب محمد نامي وهل مكانه الحقيقي مع الهلال ؟؟
دهورنا قبل مايدهور الهلال مايصلح

ماريك بالإعتزال نواف التمياط ؟؟ وهل توقيت الإعتزال كان مناسب ؟؟ وأبيك تخمن سبب الإعتزال وشو ؟؟
بدري عليه الاعتزال وتوقيت الاعتزال غير مكانه
السبب الله يسامح من تسبب باعتزاله

من هو أفضل مهاجم بالوقت الحالي ؟؟

ياسر ////هزازي///الشمراني

وأفضل لاعب وسط ؟؟
محمد نور

وأفضل مدافع ؟؟
البحري

وأفضل محور ؟؟
خالد عزيز

وأفضل حارس ؟؟
الدعيع

أبيك تخيل أنك مدرب المنتخب وش راح تكون التشكيله المثاليه بالنسبه لك ؟؟؟
وليد عبدالله ...البحري نايف القاضي الشهيل حسن فلاته ...خالد عزيز محمد نور عبدوه عطيف واخوه
الشمراني هزازي

الله يعينك على الأسئله ..
مستعدين

لي نكسه إن شاء الله .. أبحظر كم سؤال على السريع ..

انتظرك

القعيطي

16-05-2009, 00:35

انا عندي سوال من زمان ابي اسالك وش تعني بي 11 بعد اسمك؟؟؟؟

عاااد الشباب ماقصرو في الاسئله

تحياتي
القعيطي

ابو ضاري

16-05-2009, 00:56

[quote=القعيطي;753546]انا عندي سوال من زمان ابي اسالك وش تعني بي 11 بعد اسمك؟؟؟؟

ليه غاثك الرقم ................او هي الشفايه

عاااد الشباب ماقصرو في الاسئله

يعني تمر بدون اسئله خلاص ماني معلمك بالرقم خخخخخخخخخخخخخ

تحياتي
القعيطي

شكرا يالقعيطي

منصور الـ ع ـطآوي

16-05-2009, 02:12

الضااري توي داخل بريده و جايب لك كم سواال معاي

الاول : وش رايك بالمباااره

الثاني : الخشونه بالملاعب و كثيره و خااصه مبااراة اليوم بين الشباب و الاتحاد << المباراه ما شفتها بس سمعت ان الاتحاد لعب اليوم و بخشونه و الدليل الكروة الحمراء
المهم وش رايك بالخشونه

الثالث : النصر بالتعقداات الجديده مع المحترفين و المحلين الي يفوضنهم اللحين هل يكون له بصمه بالموسم الجاي

يـــوسف

16-05-2009, 02:54

يااااااااااااااااااحيالله خالي الضاري والله يامنصور عرفت تختار الضيف اللي نبي نمغطه بالأسعله :)

خالي بما إنك هلالي أو هلالي سابق :)
وولدك ذيبان الله يخليه لك أبو عقاب يشجع الأتحاد .. وأنت ضد انه يشجع الأتحاد

عطن سبب مقنع ياخالي ولا ترن أبعلم ابو عقاب وننحاش انا وياه لجده عنادن لك :)

وش رايك بجمهور الشمس [ النصر ] :)

وش يعني لك الهلال سابقا وحاليا :)

ولي نكسة <_ جنيته ناكستن له يبي ينزل موضوع بالفلة مستعجل:)

ابو ضاري

16-05-2009, 03:10

[quote=منصور العطاوي;753653]الضااري توي داخل بريده و جايب لك كم سواال معاي

الحمد لله على السلامه

الاول : وش رايك بالمباااره
انا شفت الشوط الاول صراحه قمه الشباب وبدون منافسه من الاتحاد والشباب لاعبين متفاهمين ويستاهلون الكاس

الثاني : الخشونه بالملاعب و كثيره و خااصه مبااراة اليوم بين الشباب و الاتحاد << المباراه ما شفتها بس سمعت ان الاتحاد لعب اليوم و بخشونه و الدليل الكروة الحمراء
المهم وش رايك بالخشونه
صراحه الخشونه بالملاعب مالها داعي انت لو تشوف الدوري الاوربي والاسباني
يمكن فيه خشونه بس مو مثلنا هذه صارت ذبح ومذابح المفروض اللي يخشن ينطرد طوال العام مايلعب ..والاتحاد اذا كانوا منهزمين الله يعمي عيونهم ويخشنون شفت ايام يوسف الثنيان ( وقفه للاعلان ههههه)

الثالث : النصر بالتعقداات الجديده مع المحترفين و المحلين الي يفوضنهم اللحين هل يكون له بصمه بالموسم الجاي
تصدق عندي اعتقاد انه ينافس على البطولات بقوه وياخذ بطوله

ابو ضاري

16-05-2009, 03:24

[quote=يـــوسف;753680]يااااااااااااااااااحيالله خالي الضاري والله يامنصور عرفت تختار الضيف اللي نبي نمغطه بالأسعله :)

امغطن يازينه على تسبدي

خالي بما إنك هلالي أو هلالي سابق :)
وولدك ذيبان الله يخليه لك أبو عقاب يشجع الأتحاد .. وأنت ضد انه يشجع الأتحاد

عطن سبب مقنع ياخالي ولا ترن أبعلم ابو عقاب وننحاش انا وياه لجده عنادن لك :)

تصدق ياخالي امذرحبه واشريله كل شي ابيه يشجع الهلال يقول يبه انا ماحبهم ..انصدمت قال انا اتحادي واذا تزعل انا نصراوي ....السبب مافيه سبب مقنع بس ابيه يشجع الهلال

وش رايك بجمهور الشمس [ النصر ] :)
عظيم ولا ينسون ناديهم

وش يعني لك الهلال سابقا وحاليا :)
الهلال اول قمه والحين ينزل تدريجيا

ولي نكسة <_ جنيته ناكستن له يبي ينزل موضوع بالفلة مستعجل:)
وانا انتظرك لي ايام نزله مشتاقين

يـــوسف

16-05-2009, 04:49

خالي أبو ضاري انت دكتاتوري تجبر وغدك يشجع نادي مايبيه :(

طيب مايبي يتدهن بنيفا تغصبه ؟؟ خله يتدهن بفازلين وش المشكلة :)

خالي / متابع للدوري الأوربي ؟؟ إذا ايه علمن ابنشدك :)

وش الشبه بين الدوري السعودي والدوري الإيطالي :(

شموخ شمالية

16-05-2009, 05:21

السلام عليكم

اهلين بالضيف الكريم

والله ماعندي شي بس حبيت اسلم عليك يالضاري انت ومشرفنا القدير منصور

لان مالي بالريااااااااضه كثير ,,,

وازداد احتراااااااااامي لك انك هلالي
وابقى على كذا لايغرونك ,,,,

تحياتي لك ,,وللاخ العطاوي

منيف الوبيري

16-05-2009, 06:00

هلا بالضاري :: تووي قعدت من النوووم ..

سؤالي الأول : وش رايك بليفربول الأنجليزي ؟

وابي تشكيله لمنتخب العالم حاليا ...

والله يالضاري .. مفطر لي فوول ودلخت ..

ادور لي سؤال عجست لاألقى ؟؟

ايه ايه .. تووي تفطنت !!

لاعب تتمنى وجوده في الهلال بصراحه ..

وابشرك مالي رجعه لله !!!

منصور الـ ع ـطآوي

16-05-2009, 13:05

بعد اذنك يالضاري

الحوار يستمر اسبوع كامل

اذا انت موافق طال عمرك

عبسي

16-05-2009, 16:45

مساء الخير يالظاري شلونك يالغالي ،،،،

عندي بعد كم سؤال إذا ماعندك مانع ودي تجاوب عليهن !!

هل أنت مع أو ضد ترشح أبن همام للإتحاد الأسيوي ؟؟ أذكر السبب ؟؟

فيه رؤساء بالإتحاد السعودي محنطين بكراسيهم صارلهم أكثر من عشرين سنه وش رايك بهم ؟؟

هل المثاليه تنفع بالدوري السعودي ؟؟؟ مثل مانشوف عبد الرحمن بن مساعد محسن الظن بجميع الأنديه وهم ماهم مخلصين معه ؟؟

مارأيك بالكاتب المتعصب لناديه ويجحف حق الأنديه الثانيه ويؤثر قول الحقيقه ؟؟

وش رايك باللاعب ياسر القحطاني داخل الملعب وخارجه ؟؟

قناة إرتي هل نجحت في تغطية الدوري السعودي ؟؟ وهل تؤيد دخول قنوات أخرى لتغطية الدوري السعودي ...؟

أيهما أفضل معلق خليجيا فارس عوض أم عبدالله الحربي ؟؟

وعربيا الشوالي أم رؤوف خليف ؟؟

هل أنت مع عقوبة كوزمين أم القرار كان خاطئ ؟؟

حظوظ الأنديه السعودي في البطوله الأسيويه كيف تراه ؟؟؟ وهل تتوقع أن يلعب ناديين سعوديين في النهائي ؟؟

أذكرلي أفضل كاتبين سعوديين ؟؟

آخيرآ وليس آخرآ أتمنى إني ماثقلت علييك >>>> واضح ..

إن شاء الله لي رجعة ببعض الأسئله بعد ماتجاوب عليهن ...

ابو ضاري

16-05-2009, 23:21

[quote=يـــوسف;753717]خالي أبو ضاري انت دكتاتوري تجبر وغدك يشجع نادي مايبيه :(

بس صار يعاندن ويشجع الاتحاد وطفشن يوم يفوز الاتحاد 2/1 يقولي يبه وشرايك بالهزيمه

طيب مايبي يتدهن بنيفا تغصبه ؟؟ خله يتدهن بفازلين وش المشكلة :)

خليته على كيفه

خالي / متابع للدوري الأوربي ؟؟ إذا ايه علمن ابنشدك :)

نص ونص مامن وقت

وش الشبه بين الدوري السعودي والدوري الإيطالي :([

اسم كلمه الدوري ههههههههههههههههه بس هذا الشبه

ابو ضاري

16-05-2009, 23:33

[quote=شمـــــوخ شمــاليــــــه;753741]السلام عليكم

وعليكم السلام ورحمه الله وبركاته

اهلين بالضيف الكريم

اهلين فيك

والله ماعندي شي بس حبيت اسلم عليك يالضاري انت ومشرفنا القدير منصور

لان مالي بالريااااااااضه كثير ,,,
لاهنتي على مرورك وتشريفك الحوار

وازداد احتراااااااااامي لك انك هلالي

ليه لو اني نصراوي مايزداد الاحترام .....امزح لاهنتي
وابقى على كذا لايغرونك ,,,,

الموج الازرق مايتغير بدمنا

تحياتي لك ,,وللاخ العطاوي

الله يعطيك عاغيه وبيض الله وجه اخوي منصور العطاوي

ابو ضاري

16-05-2009, 23:53

[quote=منيف الوبيري;753763]هلا بالضاري :: تووي قعدت من النوووم ..
ماشاء الله عليك دبقت كبسه ماصحيت الا الحين
وينك عن فريق الصخره تعرف ابو سلطان الغاطي

سؤالي الأول : وش رايك بليفربول الأنجليزي ؟
اول اسمع فيه من اقوى النوادي لكن الحين تعداه مانشستر يونايتد

وابي تشكيله لمنتخب العالم حاليا ...
الحارس:كاسياس...الدفاع: ريو فيردناندكارليس بويولزامبروتاغابريال هاينزالوسط:خوان ريكيلمي لامباردمايكل بالاكروبينيوابـلال ريبيركرستيانو رونالدو ليونيل ميسي الهجوم ديديه دروجبا ايمانويل بس نسيت ايتو نسيت مركزه ولا يهون هزازي المنتخب

والله يالضاري .. مفطر لي فوول ودلخت ..
لاصحيت قولي

ادور لي سؤال عجست لاألقى ؟؟

ايه ايه .. تووي تفطنت !!

ماشاء الله عليك

لاعب تتمنى وجوده في الهلال بصراحه ..

وابشرك مالي رجعه لله !!!

محمد نور وعبده عطيف وسعد الحارثي

اتمنى انك ترجع

ابو ضاري

16-05-2009, 23:54

بعد اذنك يالضاري

الحوار يستمر اسبوع كامل

اذا انت موافق طال عمرك

لو تبي شهر واحد طماع

قلتلك من اول ان تامر امر

ابو ضاري

17-05-2009, 00:07

[quote=العمدهـ;753972]مساء الخير يالظاري شلونك يالغالي ،،،،
مساء النور يالغالي

عندي بعد كم سؤال إذا ماعندك مانع ودي تجاوب عليهن !!
تفضل

هل أنت مع أو ضد ترشح أبن همام للإتحاد الأسيوي ؟؟ أذكر السبب ؟؟
ضده يااخي لانه مايستاهل مره غش ولا اعطى افضل لاعب للشلهوب واعطاه واحد لاعب قطري له صله معه فاشل بمعنى اصح

فيه رؤساء بالإتحاد السعودي محنطين بكراسيهم صارلهم أكثر من عشرين سنه وش رايك بهم ؟؟
المفروض عليهم يدعون كراسبهم وتركها لمن هو اجدر بها

هل المثاليه تنفع بالدوري السعودي ؟؟؟ مثل مانشوف عبد الرحمن بن مساعد محسن الظن بجميع الأنديه وهم ماهم مخلصين معه ؟؟
المثاليه باي موضوع بعدين تبي الانديه تعطيه الفوز علشان ياخذ الكاس هذا ليس منطق
المثاليه في قول الحق مثلا اتى على الهواء مباشره وقال هذا الهدف ليس هدف او ضربه جزاء
لا اعتقد وجود المثاليه

مارأيك بالكاتب المتعصب لناديه ويجحف حق الأنديه الثانيه ويؤثر قول الحقيقه ؟؟

هذا مو كاتب بنظري لانه ظلم الخصم

وش رايك باللاعب ياسر القحطاني داخل الملعب وخارجه ؟؟
داخل الملعب منتاز ولاعب خطير بس اخر المباريات صراحه هبط مستواه واخلاقه تغيرت

اما خارج الملعب مااعرفه

قناة إرتي هل نجحت في تغطية الدوري السعودي ؟؟ وهل تؤيد دخول قنوات أخرى لتغطية الدوري السعودي ...؟
نوعا ما نجحت ..لا اويد القنوات الاخرى

أيهما أفضل معلق خليجيا فارس عوض أم عبدالله الحربي ؟؟
انا عندي خليجيا صراحه الاحمد ويوسف سيف

وعربيا الشوالي أم رؤوف خليف ؟؟
مااحط المباره عليهم

هل أنت مع عقوبة كوزمين أم القرار كان خاطئ ؟؟
المفروض يكون اكبر من كذا كوزمين ..والقرار ليس خاطي

حظوظ الأنديه السعودي في البطوله الأسيويه كيف تراه ؟؟؟ وهل تتوقع أن يلعب ناديين سعوديين في النهائي ؟؟

الحظوظ موجوده واتمنى انهم يلعبون على النهائي

أذكرلي أفضل كاتبين سعوديين ؟؟
المصيبيح...الحمادي مدير تحرير جريده الرياضيه

آخيرآ وليس آخرآ أتمنى إني ماثقلت علييك >>>> واضح ..

لا انت تامر امر

إن شاء الله لي رجعة ببعض الأسئله بعد ماتجاوب عليهن ...

انتظرك يالعمده

منيف الوبيري

17-05-2009, 06:01

وهذا انا رجعت يالضاري ,,

وانا اذاكر طرا على بالي سؤال ,,

وانا على طول اقمز للابتوب .. وافتحه ,, ايوووه وبعدين ,,, المهم !!

السؤال :: بكل صراحجه وشفافيه ..

ماهو الفرق بين فريق الصخره وفريق ليفربول ,, حنا قلنا بصراحه !!!

وابيك تذكر لي افضل ثلاث لاعبين مرو على تاريخ فريق الصخره .. أيضا بصراحه

وشفافيه يااخ العرب ..

ومادام منصور مدد النشده لأسبوع يمكن انكس لك ,,

شرهه

17-05-2009, 06:08

أبو ضاري ...

ما رأيك بكرة القدم بشكل عام ؟؟؟؟
هل معشوقة الملايين لها أضرار على شبابنا ؟؟؟؟؟؟ هل صار ضررها أكثر من نفعها هذا اذا كانت تنفع ؟؟؟؟؟
وش رايك بتشجيع عيال هالوقت

مع التحيه

منصور الـ ع ـطآوي

17-05-2009, 16:48

الضاااري

سؤال واحد

هل تتوقع ان يستمر وليد الجيزاني و احمد مناور في المنتخب السعودي

عبسي

17-05-2009, 21:32

شكرآ الضاري على سعة صدرك ،،،،،،

والله يالضاري أنك بطران أقصد دوبلوماسي >>> يالله طلعت الكلمه ...

الظاري11 عندي كم سؤال طرن عليّ ..

هل تتمنى أن أحمد الدوخي يرجع للهلال ؟؟؟

من برأيك من اللاعبين الذي يستطيعون ملئ هذا الفراغ أقصد الضهير الأيمن بالهلال ؟؟

فهد الشمري وش رايك به هل تتوقع أن يخلف محمد الدعيع في حراسة الهلال ؟؟

مارأيك بالمشرف العام بالنصر طلال الرشيد ؟؟

نواف التمياط هل نجح بالتحليل الرياضي ؟؟

اللاعب المظلوم إعلاميا بالسعوديه من هو ؟؟

أفضل البرامج الرياضيه اللتي تحرص على متابعتها ؟؟؟

يمكن لي رجعه أبتفطن على الأسئله .

ابو ضاري

17-05-2009, 23:15

وهذا انا رجعت يالضاري ,,

هلابك

وانا اذاكر طرا على بالي سؤال ,,
الله يوفقك وتنجح بعد

وانا على طول اقمز للابتوب .. وافتحه ,, ايوووه وبعدين ,,, المهم !!

عسى ماانخثعت

السؤال :: بكل صراحجه وشفافيه ..
صراحه الله يعين

ماهو الفرق بين فريق الصخره وفريق ليفربول ,, حنا قلنا بصراحه !!!
كلهم انديه بس هذا يلعب على ملعب حواري وهذا يلعب معلب نادي خانه التعبير

وابيك تذكر لي افضل ثلاث لاعبين مرو على تاريخ فريق الصخره .. أيضا بصراحه

وشفافيه يااخ العرب ..
مسلم المحروت ....عياده سيف....سعد طايس الله يرحمه ...الراوي ....واذا تبي بعد حاضرين للطيبين

ومادام منصور مدد النشده لأسبوع يمكن انكس لك ,,

حياك الله وانا انتظرك

ابو ضاري

17-05-2009, 23:28

أبو ضاري ...

نعم

ما رأيك بكرة القدم بشكل عام ؟؟؟؟
منتازه جدا
هل معشوقة الملايين لها أضرار على شبابنا ؟؟؟؟؟؟ هل صار ضررها أكثر من نفعها هذا اذا كانت تنفع ؟؟؟؟؟
اضرارها اذا فاز المنتخب او ناديهم يجعلون من المسيرات والتفحيط مالا يحمد عقباه
وش رايك بتشجيع عيال هالوقت
لا يعجبني

مع التحيه

مع السلامه

ابو ضاري

17-05-2009, 23:29

[quote=منصور العطاوي;754749]الضاااري

هلا

سؤال واحد

تفضل يالغالي

هل تتوقع ان يستمر وليد الجيزاني و احمد مناور في المنتخب السعودي

مااتوقع وانهم يرجعون ولا يكونون لهم مكان في المنتخب

ابو ضاري

17-05-2009, 23:34

[quote=العمدهـ;754851]شكرآ الضاري على سعة صدرك ،،،،،،
الله لا يهينك

والله يالضاري أنك بطران أقصد دوبلوماسي >>> يالله طلعت الكلمه ...
تسلم يالعزوه

الظاري11 عندي كم سؤال طرن عليّ ..
هاتهن

هل تتمنى أن أحمد الدوخي يرجع للهلال ؟؟؟
اتمنى بس لا يرجع الدوخي اللي نعرفه اول

من برأيك من اللاعبين الذي يستطيعون ملئ هذا الفراغ أقصد الضهير الأيمن بالهلال ؟؟
لاعب الشباب

فهد الشمري وش رايك به هل تتوقع أن يخلف محمد الدعيع في حراسة الهلال ؟؟
اتوقع بس يبيله وقت

مارأيك بالمشرف العام بالنصر طلال الرشيد ؟؟
يترك المكان للافضل

نواف التمياط هل نجح بالتحليل الرياضي ؟؟
نوعا ما

اللاعب المظلوم إعلاميا بالسعوديه من هو ؟؟
؟؟؟؟ الشلهوب

أفضل البرامج الرياضيه اللتي تحرص على متابعتها ؟؟؟
كل الرياضه ....الكاس القطريه

يمكن لي رجعه أبتفطن على الأسئله .
انتظرك يالغالي وكثرهن

شرهه

18-05-2009, 04:24

لو جوك الفيفا وتلوك مع ثويبك
وقالوا نبي نحط مسابقه على لقب
( ملك الكره)
و نبيك ترشح لنا ثلاث لاعبين من كل لاعبين العالم من ترشح بكل مصداقيه ؟؟

ابو ضاري

18-05-2009, 04:32

لو جوك الفيفا وتلوك مع ثويبك

مايقدرون لاني ابو ضاري وقائدي شبيثان وخالي يوسف
وقالوا نبي نحط مسابقه على لقب
( ملك الكره)

طيب وان وش دخلني
و نبيك ترشح لنا ثلاث لاعبين من كل لاعبين العالم من ترشح بكل مصداقيه ؟؟

شبيثان والجثري وخالي يوسف

ميسي ......رونالدو البرتغالي ...ايتو

منصور الـ ع ـطآوي

19-05-2009, 12:47

سوالي الاخير في هذا الحووار

ما توقعاتك للانديه السعوديه في مباريات اليوم و بكرى في كاس اسياء

ملاحظه الحوار مع ابو ضاري ينتهي بنهااية اليوم

ابو ضاري

20-05-2009, 14:50

سوالي الاخير في هذا الحووار

ما توقعاتك للانديه السعوديه في مباريات اليوم و بكرى في كاس اسياء

ملاحظه الحوار مع ابو ضاري ينتهي بنهااية اليوم

اتمنى لها التوفيق

واشكرك اخي الغالي منصور لهذا الحوار الشيق
وبيض الله وجهك على هذا المجهود الممتاز يامشرفنا الغالي

حمـود

20-05-2009, 16:19

ابا ضاري

سؤالي هل تتابع بطولاته كرة الطائرة والا اليد والا السله

ولماذا نحن مهمليها

مع انها فيها من الحماس الشي الكثير

ابو ضاري

20-05-2009, 16:42

ابا ضاري

سؤالي هل تتابع بطولاته كرة الطائرة والا اليد والا السله

ولماذا نحن مهمليها

مع انها فيها من الحماس الشي الكثير

مااردك بعد اذنك اخوي منصور

صراحه اتابه اذا كانت مباراه بين الهلال والاهلي

مهمله لان مافيه اهتمام مثل اهتمام كوره القدم

صراحه المفروض يهتمون لها

شفت منتخب الكويت اليد ومصر صراحه مثل منتخب القدم

ان شاء يكونون مهتمين اكثر