المساعد الشخصي الرقمي

مشاهدة النسخة كاملة : ,, هجينيــات ,,



مشــــعل
04-03-2009, 23:17
بسم الله الرحمن الرحيم


الهجيني : بحر من بحور الشعر يتصف بالقصر ويسمى ( غناء العامه)
او ( غناء الركبان)


وطبعا سمي بالهجيني نسبة الى (الهجن) لانه غالبا ماينشد فوق ظهور الابل


اشتهرت فيه المنطقه الشماليه وشمر بالخصوص


ولابناء شمر طريقتهم الخاصه في اداءه ..


موضوعي هذا سيكون مرجع لاشهر هجينيات الشمال او شمر خاصه


اتمنى قدر الامكان ذكر الهجينيه كامله بالاضافه مع توضيح بعض المفردات
والمناسبه
وذكر اسم الشاعر اذا امكن


ولو انه اغلبية شعر الهجيني مجهول الهويه يعني لايعرف قائله..
وهناك من يقول ان اغلبية شعر الهجيني نسائي لذلك لم يعرفو القائل في اغلب الاوقات


لانه قديما موضوع ( الغزل ) هو الدارج او خل نقول هو المسيطر قديما
لذلك خصوصية المرأه تجعلها غالبا ماتمتنع عن ذكر اسمها


فتشتهر الهجينيه دون شاعرها


انا محضّر العديد من الهجينيات سأضيفها ان شاء الله
وكذلك الباب مفتوح للاخوان


لكن اتمنى التقيد في النقاط اللي ذكرته حتى يكون الموضوع مرتب


تحياتي

منيف الوبيري
05-03-2009, 06:44
وحنا بأنتظااااارك يامشعل ...

لاهنت يااخ العرب ..

ابو ضاري
05-03-2009, 11:54
لاهنت ياخي مشعل على بذل مجهودك

ننتظرك ابداعك

مشــــعل
05-03-2009, 13:07
منيف + الضاري


الله يعافيكم على التواجد


...........


( 1 )
احد الفرسان من ( عنزه ) كان اعور
فيخاطب احد النساء:

لواحلولات ياعيونك=وانطيك عينٍ خلاويه
عينٍ توريك مضنونك=ولانتي على الرجم منخيه
ماقهقهر الجيش يتنونك=مقيلك الظهر بالفيه



( يقول عطيني عيونك واعطيك عيني .. انتي ماتريدين الا ان ترين محبوبك والعين الوحده تكفيك.. لكن انا فارس وينخوني الرجال واحتاجهن اكثر منك )


.............


( 2 )
احد الشعراء يتغنى بالشيخ الفارس درويش المايق في احد مغازيه
ويقال انه عندما اخذ الحويطات :

ياطير ياموميٍ بالريش=سلم على داعج عيونه
قولو ترى صلهن درويش=على الدبش والجنب دونه
من رجم عليّه حرفنا الجيش=وتفيحت كل مجنونه




.............


( 3 )
هجينيه للشاعر طراد بن حطيحط الجساري
عندما عشق فتاة ( عوراء ) :

ياراكب اللي تكب الكور=ساجت حباله مع الغزوي
الله بلاني بحب العور=من جوف لباسة المزوي



...........


( 4 )
هجينيه لابن مديفر بخضير المعكلي في احد المغازي :

الهجن هجن بنا بعصير= متنحراتن ديرتهن
الهجن كتن شعيب ضمير=بعصير من عقب سروتهن
هات الركايب وناد خضير=ناد المعكلي دليلتهن



............


( 5 )
هجينيه لعبدالله بن جحفل بزوجته كنّه :

فات الشتا مع خبيث القيض=وحنا ماوقنا على كنّه
من فوق حيلٍ لهن تجويض=ذود المعادي يشلنّه




.............


( 6 )
وكذلك هجينيه كنّه الرماليه بزوجها عبدالله :

باق الملا موتهم تخفيف =مار البلا موت عبدالله
مرحوم يامهلي بالضيف=يامكثر الهيل بالدله
ياما صفقهن وراحن عيف=وياما حمى كل منتله
واليامسك زينة التوصيف=الدم من مضربه شلّه




...........


( 7 )

نشيت انا نشت الدغلوب=ينش يانشت الخبرا
يابو نهودٍ يشلن الثوب=عيت مكاويك لاتبرا




...........


اي استفسار او سؤال او تعديل مرحب به


( يتبــــــــــع )

نافع بن طواله
05-03-2009, 16:23
مشعل بس لو تكمل طيبك وتعطينا صوتيات بعد


بيّض الله وجهك

أبو روز
05-03-2009, 17:19
بيض الله وجهك يا مشعل


موضوع أكثر من رائع


متابع بقوة

الحيمري
06-03-2009, 00:30
ياركبن فوق مايدلي * لو يسهج العشب مايذوقه


له مركبن كنه الزلي * يشره على الطير بالحوقه


اسلم وسلم على خلي * ترني بحضه عن البوقه


يتبع



يشوق فرع وقض الراس * خل الازارير دلاعه


كل شرب بالهوى له كاس * وانا معك حيلتي ضاعه


يتبع



يصبر قلبي على ماجاه * اصبر من القاع للواطي


اصبر من اللي تجر رشاه * قبيطها بالحلم ساطي


يتبع


يابنت وبي معك بالثوب * ماطول ماحولنا والي


رد
اجلي منت حاج يالمذهوب * لاتخرب الحج من شاني
رد


يابنت قبلك على ذنوب * وبلحق الاول التالي
رد


طق الزميم وذب الثوب والعب على النهد يالغالي



((تروها هجينيات بريه))






اشكرك اخي مشعل

مشــــعل
06-03-2009, 06:01
هلا ابو طواله انت تامر امر


ابو روز هلابك وهلا بمتابعتك


الحيمري الف شكر لك انت على هالاضافه


.................



( 8 )
من الهجينيات المشهورات عند شمر بالخصوص ( موجوده بمقطع فيديو)

يابكرتي وان جفاك منيف=تردين عذفا على ليله
وجهك على مكرمين الضيف=شمر الياقلّت الحيله
عند الجبيلي يطيب الكيف=وانتي تريحين ياشعيله




للتحميل http://www.shy22.com/dldkoC90445.mp4.html (http://www.shy22.com/dldkoC90445.mp4.html)

مشــــعل
06-03-2009, 06:26
( 9 )
هجينيه للامير عبيد الرشيد:

ياحمود انا عارضي شابي=طرد الهوى جزت انا منّه
ياكود وضّاح الانيابي=هذاك مني وانا منّه
ياماحلا جدع الاسلابي =واركات سني على سنّه




................



( 10 )
يقول ذايد الدحيلاني رحمه الله
ايام ماكان يعمل بالفوج في نجران .. ويهني من يحصل على رخصه من عمله
لزيارة الاهل في الشمال

ونيت انا ونة المقروص=بين الاصابيع وابهامه
هنيت من بالعمل مرخوص=ريح الهوى الزين قدامه
وجدي على متعبين العوص=هل المراحيل والقامه




............



( 11 )
يقول احدهم :


ياشوق لاتلبس الجبّه=كان انت للناس عراضي
صرتي علينا ضمى لبّه=بالقيض والبرق ماناضي





............



( 12 )


يقول حرّان المختاري بالشيخ الهاب المعكلي

المستوي والدليل الهاب=يقدى الركايب عن العيله
ابوه قبله دليل ركاب=من غالطه وغرابيله




..............



( 13 )


يقول التبيناوي وكانو شمر اكاالسنه على زبالا

واويلكم يالمواليفي=كان زبالا قضى ماها
اللي نحر يمة السيفي=واللي يبي نجد ينصاها




..........



( 14)


يقول احد الشعراء بالشيخين عبكلي الشلاقي وابن عايش من التومان


الهجن خذن بنا طاروق=يتلن عبكلي وابن عايش
كم خفرة فدعت بالطوق=قالوا عشيره ماهو هايش





...........



( 15 )
من طرائف الهجينيات
احد الشعراء وجه قصيده للمفوض البريطاني قلوب باشا ( ابو حنيك)
يقول:

ياقلوب هذا دورٍ لك=وحنا ترى دورنا فاتي
كل النشاما عبيدٍ لك=حطو على العقل نجماتي



يقولون بعده ارسل قلوب باشا بطلبه .. ( فجحد الابيات )
فقال:

ياقلوب ماقلتها ياقلوب=وحياة خلاّق الانفاسي
لاالبس زبونك واجر الثوب=واحط تاجك على الراسي





..........




( 16 )
كذلك يقول احدهم من الهجينيات المعاصره بطريق الجوف بعد مازفلتوه :

توك تجي ياطريق الجوف=من عقب ماصرت انا شايب
مالك جماله ولا معروف=اقفيت من حبهم تايب




اي سؤال او استفسار او تعديل حاضرين



( يتبــــــــــع )

منيف الوبيري
06-03-2009, 14:15
الله لايهينك يامشعل ,,,


والله انهن يونسن هالهجينيات ...

السنعوووسيه
06-03-2009, 17:05
توك تجي ياطريق الجـوف



من عقب ماصرت انا شايب



مالك جماله ولا معـروف



اقفيت مـن حبهـم تايـب





:)


صح لسانوه


ماقاله الا من الضيم


الف شكر اخوي مشعل


عاطر ودي

ابو فروه
06-03-2009, 18:43
عشت والله اخ مشعل

بيض الله وجهك



متابع حيل

صعوة فسفورية
06-03-2009, 19:07
لا حظت انو اكثر اشعر عن العوران والحول < يابخت حيل حليل

اخوي صراحة اول مرة اسمع بالهجيني بس معلومة رائعة بالنسبه ليه وتضيفلي الكثير

شكراا لك

مشــــعل
07-03-2009, 00:22
هلا (بمنيف) .. لاهنت يهالوجه وحضورك هو اللي يونس

هلا (بالسنعوسيه) .. ماينلام اخو بدوى يوم هو شباب ذبحنوه هالنوازي ويوم شيّب حطو الخط :)

هلا (بأبو فروه) .. تعيش ونفتخر بمتابعتك لاتقاطعنا

هلا بصعوه .. والحمدالله انا اضفنا لك شي عموما هو تبقى الخصوصيه في المفرده او اللهجه فقط ولكن كبحر هو مستخدم عند اهل الحجاز ويسمى بالكسره

مشــــعل
07-03-2009, 00:26
طبعا هي مشاركه قديمه بمضيف الصوتيات


لكن نورده هنا للترابط



.............



( 17 )
هجينيه وجدتها باليوتيوب .. ومن الهجينيات المشهورات :

نبي فريق شمال البيب=ولاقطينٍ على لوقه
فوق اشهب مثل لون الذيب=ياحلوو قطع الفرج فوقه



http://www.youtube.com/watch?v=lP00F9N1wuQ

مشــــعل
07-03-2009, 04:24
( 18 )


هجينيه للجنده يوم اهزمو جزاع بن مجلاد :

حنا السناعيس ماغلبنا=على العدو مخطرٍ حامي
جزاع ماعاد يطلبنا =دب الليالي والايامي
كم ارجحٍ من سبايبنا=عليه طير الهوى حامي
بالخيل بانت مضاربنا=لعيون من نهدها زامي
ماعاد نعطي ركايبنا=وش عذرنا عند بن لامي



.................



( 19 )


يقول احدهم :

العصر ياساجت الرجلي=دلّت تنط المراقيبي
امسٍ ماغير يهرجّ لي=واليوم دونه عواقيبي




.............



( 20 )


هجينيه لكنّه الرماليه بزوجها عبدالله :

يارجم ماشفت عبدالله=او مارقبك وقت الادماسي
يارجم انا سايلك بالله=اي المراجا ولاياسي
حلفت من دون خلق الله=ارجيه لو تحشرّ الناسي



............


( 21 )


تقول الشريهيه :


ماترحم الحال ياوطبان=قلبي غدابه هواويبي
حبك بقلبي كبر برزان=قصرٍ تجيه المراكيبي
قصرٍ تخضعّ له الشيخان=من فوق مثل العياسيبي
حنا انتحينا ورا عرنان=نتلي هوى شمخّ النيبي





...............



( 21 )


يقول احدهم :


الله على البنت ياغديرّ=ياليتني من قرايبها
تاخذ من العقل وتطيّر=وقلبي غدا من سبايبها
عذروبها نهيدها صغيّر=ومغطياته ذوايبها




( يتبـــــــع )

صعوة فسفورية
07-03-2009, 04:42
هلا بصعوه .. والحمدالله انا اضفنا لك شي عموما هو تبقى الخصوصيه في المفرده او اللهجه فقط ولكن كبحر هو مستخدم عند اهل الحجاز ويسمى بالكسره



اخي صح لاحظت انها كسرات ..ودايماا الكسرات اللي تعجبني الساخره او تكون هجاء ههههه

مشــــعل
08-03-2009, 05:45
اهلا ياصعوه .. واهلا بعودتك


..................


( 22 )


يقول سالم بن عيد الهمزاني بطفلته بعد ماغاب عنه :

حلمت حلمٍ وانا غافي=ليتن تهنيت به ساعه
ماهمني ناب الاردافي=ولاهمتن نجد واطماعه
وجدي على صغيرٍ هافي=اللي اليا شافتن فاعه



...............


( 23 )
يقول صالح بن غازي وهو مريض:

يالله ياللي تبوج النور=يافارجه عقب ماضاقه
ياحمود ماينفع الدكتور=مار اعرضوني على علاقه
ياماحلا زمة المظهور=يتلي مطر كل براقه



...............


( 24 )
تقول احد الشاعرات :

متى على الله يهب الهيف=يومي بعشب الزماليقي
واليا اجتمعنا ليال الصيف=يملا النظر شوف عشيّقي
لو يذبحوني هلي بالسيف=حلفت لاسقيه من ريقي



..............


( 25 )
يقول احدهم :

ياونتي ونة الجالي=اللي جلى عن بني عمّه
من اولٍ عندهم غالي=واليوم مطلوبهم دمّه



..............


( 26 )
ويقول اخر :

يافاطري لاتحنيني= تري حنينك به الغيره
حنينك يبي البعاريني=وانا حنيني على منيره



.............


( 27 )


يقول مسامح بن مسطح :


العصر حامن علي طيرين=طير الهوى تقل باغيني
شربت انا الدم شرب لبين=من واهج القيض حاديني
انا منيــع لابو ........... = ياعشقتي لاتخليني



............


( 29 )
وتقول كنّه الرماليه بزوجه عبدالله :

ياطير ياناحرٍ مشهاه=ياقاطع الدو بالريشي
دور عشيري عسى تلقاه=قله ترى ربّع الجيشي
كم عقلةٍ وردوهن ماه=ماهي زمايل حواشيشي
ياحر قلبي على لاماه=ياناقضات العكاريشي

المطني
08-03-2009, 22:42
الله عليك يامشعل ما خليت لنا شين يوم شفت الهجيني تحمست ابي اضيف اللي عندي يامار ما انت مخلين شين يا ملا العافيه ايو الله .

بس ابي اعدل لك ولا تهون ولا تزعل علي مار لو يحصل لنا التعديل ذكر اللي يقول ( فود عوجان )


( 29 )
وتقول كنّه الرماليه بزوجه عبدالله :




ياطير ياناحـرٍ مشهـاه
ياقاطع الدو بالريشـي



دور عشيري عسى تلقاه
قله ترى ربّع الجيشـي




كم عقلةٍ وردوهن مـاه
ماهي زمايل حواشيشي



ياحر قلبي على لامـاه
ياناقضات العكاريشـي





هذي لمرة المايق تقصدبه ماهي لكنّه بس ما ادري اي الميّاق لكن الوكاد انه لمرة المايق




( 1 )


احد الفرسان من ( عنزه ) كان اعور

فيخاطب احد النساء:








لواحلـولات ياعيـونـك
وانطيك عيـنٍ خلاويـه





عينٍ توريـك مضنونـك
ولانتي على الرجم منخيه





ماقهقهر الجيش يتنونـك
مقيلـك الظهـر بالفيـه







هذي لابن زقيحان الحربي ماهي لعنزي






( 6 )



وكذلك هجينيه كنّه الرماليه بزوجها عبدالله :








باق الملا موتهم تخفيـف

مار البلا مـوت عبـدالله






مرحوم يامهلي بالضيـف

يامكثـر الهيـل بالدلـه





ياما صفقهن وراحن عيف

وياما حمى كـل منتلـه






واليامسك زينة التوصيف

الدم من مضربـه شلّـه











هذي ماهي لكنّه هذي لواحدن من الرمال يقاله حرّان الرهيلي لكن اشتهرت انه لكنّه

المطني
08-03-2009, 22:54
يقول حماد المضيبري


يابكرتي درهمي بي غرب = واخاف شمر يلوموني
والله مالبي لموتى حرب= لو يقطع الراس وامتوني
لو يسربون البني لي سرب= واللي وراهم يجيبوني

مشــــعل
08-03-2009, 23:11
هلا بالمطني

حياك الله
وهذي الفايده اللي ننشده وندوره
ولابه شين يزعل

وحنا وانا اخوك نجتهد
ان اصبنا الحمدلله هذا اللي نبيه
وان اخطينا اليامار عندنا اللي مثلك وشرواك نستفيد منوه

اما المعلومات اللي ذكرته للاامانه جدد علي

قصيدة ( باقي الملا موتهم تخفيف ) يهيجنونه هالشيبان
واليا ينشدناهم قالو لكنّه

اما قصيدة ( لواحلولات ياعيونك) سمعت قولين
الاول يقول لابن معجل من عنزه والثاني لحدا المرتعد فقلت احد فرسان عنزه

الله يعافيك يالمطني
على هالحضور والاضافه

وترنا طماعين ونبي نبلشك .. نبي المزيد منك :)

الله لايهينك

منيف الوبيري
09-03-2009, 00:30
لاهنت يامشعل ..


وحنا متابعين لما تكتب من الهجينيات ..

مشــــعل
09-03-2009, 12:52
هلا بمنيف

نعتز بتواجدك ومتابعتك يالذيب

الله يطول بعمرك

ريم شمر
09-03-2009, 17:33
الله يعطيك العافيه اخوي مشعل

جهد اكثر من رائع ..لاهنت

لوليتا
09-03-2009, 18:48
*
*

مشعل

شرح للهجينات وتعريف به راائع استفدت به جدا
وما وضعت هنا منها جميل ايضا

اتمنى فقط تزيد الجهد وتضع بعض توضيحات للكلمات بعد كل هجينيه
<< لمن استعصى عليه فهم الكثير مثلى

لكن الحقيقة احب اعرف

شكر لجهدك المميز

تقديرى

*
*

مشــــعل
09-03-2009, 20:39
اهلا ام طلال

جزاكي الله خير على هالمرور

احترامي

مشــــعل
09-03-2009, 20:41
اهلا بلوليتا

حياكي الله

وانا فتحت المتصفح هذا لكم لاي سؤل او استفسار

لذلك خوذي راحتك بالسؤال عن اي شي

لو تبيني اعطيك كورس باللهجه الشمريه ماعندي مانع :)

بأنتظارك

شام
10-03-2009, 03:10
يعطيك العافية مشرفنا القدير
جهد جميل و عطاء لا يقابل الا بالوفاء
تقدير يليق فاضلي

لوليتا
10-03-2009, 13:29
*
*

ابن اجواد واصول مشعل

وفى كثرة كرمك انا طمعت


وفتحت على نفسك باب ما بيتقفل

واظن عليك تعطينى الكورس

مكثف وفورى فى اللهجة الشمرية والا بتجلس تفسر هنا كل كلمة


واشرح لى وعلى سبيل المثال





ياطير ياناحـرٍ مشهـاه =

ياقاطع الدو بالريشـي

دور عشيري عسى تلقاه =

قله ترى ربّع الجيشـي

كم عقلةٍ وردوهن مـاه =

ماهي زمايل حواشيشي

ياحر قلبي على لامـاه =

ياناقضات العكاريشـي







الريشى .. والجيشى..حواشيشى... عكاريشى


هل هى اسماء ام صفات ام ماذااااااا



وبانتظارك

تحياااتى

*
*

المطني
10-03-2009, 22:46
الريشى .. والجيشى..حواشيشى... عكاريشى

لويتا لا تبلشين مشعل وانا ابي انوب عنه هالنوبه .. طبعا ً ماهي خطمة ٍ عليك يامشعل بس مونه

الريشي = ريش الطير واظن هذي ما تبي تفسير يالويتا

الجيشي = الركاب اللي يركبونهن البدو اول ويغزون عليهن

الحواشيشي = الحضر اول يطلعون للبر ويحشون على معاويدهم علف لهن حتى يسمنن ويسنون عليهن يحشون ( صبط ونصي ) نوع من الحشيش

العكاريشي = شعر الحريم يسمونه نوب عكاريش

يقول الشاعر :
ياطير ياخافق الريش ... بلغ سلامي وثنّه

سلم على ابو عكاريش ... اللي سبا العقل فنّه

مشــــعل
10-03-2009, 23:25
شام

حياكي الله

والف شكر على مرورك الكريم

مشــــعل
10-03-2009, 23:30
المطني تمون على الرقبه
ماقصرت يالذيب

لوليتا
اخونا المطني ماقصر وضّح المعنى

بس ابي اشير الى حاجه

الياء اختي لوليتا كانت زائده لزوم اللحن

ولا بالاساس الكلمات هي
الريش والجيش والحواشيش والعكاريش

واي توضيح اخر متواجدين


وممكن اننا نطمع انا والمطني وناخذ ريال على كل كلمه :)

طبعا بالمستقبل

حاليا نخطط على استدراجكم للمضيف :)

لوليتا
11-03-2009, 08:46
*
*


المطنى


ما قصرت والله كنت الاكرم

وشرح ولا اوضح

الريش طبعا كنت عارفاها بس قلت يمكن يكون لها معنى ثانى

المهم انك افدتنى فائدة كبيرة جدااااااا

بارك الله فيك وابقى قريب حتى اى سؤال مستقبلا

الله يعطيك العافية يارب




مشعل


اشكرك جداااااااااا على اهتمامك ومزيد من توضيح مفيد
ولكن لتنشيط وكسب الاعضاء انصح لا تجيب طارى الريالات
لا حاليا ولا مستقبلا حتى لا تطفش الناس
ههههههههههه

متصفح عامر بالجمال والتراث والتاريخ
ممتع جدا بالفعل


امتنانى لك اخى

*
*

واحد شقردي
19-04-2009, 18:12
مساء الخير هذي هجينية (( يامل قلب تقل ملهود )) الشاعر صالح الضبعان
يامــــل قلـب تقــــــل ملهـود ====== عذلت أنا القلـب واوذانـي
صادق نزل بيت ابن مرشود ====== يا حيف منـزل اكحـــيلانـي
بيت الصخا والكرم والجـود ====== يا ما نصا البيت من عانـي
اللـــي بعيــد عـن المنقـــود ====== ياما ذبـح جـل وسمـــانـي
كان انت عايز عليك شهود ====== يا بعد واحـد عـن الثـانـــي
واليوم باب الكـرم مـــردود ====== من عقب ذربين الايمانـي
عقب النشامى وريح العـود ====== الــيـوم ثــــوم ودخــانـــي
حتى المنازل بهن مقـــرود ====== يبنى على العـز ويهانـي
من يوم صار البديل هنـــود ====== تجـمعـــت كـــل الأديــاني
مثل قطيــع الحمير الســود ====== شيعي وبوذي ونصرانــي
من جابهـم مايجيـب الفــود ====== صارو عوض طير حوراني

و قد انشدها ابنه حامد الضبعان

اتمنى اكون حطيت القصيده في موقعها الصحيح

ابو ضاري
20-04-2009, 00:10
جبتلكم هجينيه بعد الاذن من اخوي مشعل
الشيخ محمد مدان الواطي العطيفي العنزي عشق زوجته قبل اخذه لها فقال هجينيه على سبيل المزاح.
ياعين ولي شقصك خلال......................لامرك الزول قزيتي
اشهد بربي تقول هلال.......................مقبوله لو ما تزهيتي
جتني اتغريف مال الفلال........................واشوفها من ورا البيتي