المساعد الشخصي الرقمي

مشاهدة النسخة كاملة : لغز نادر .... وطويل شوي :)


الوبـيـــري
04-07-2002, 16:31
السلام عليكم ورحمة الله وبركاته

لغز آخر وحضور متجدد



ابنشدك عن حاجةٍ ياعشيري = قديمة وعند العشاشيق له كار
مع الحضر واللي يقود البعيري = من خلقت الدنيا له علم و اذكار
ولا توجد إلا مع صخيف الضميري = اللي بوصف تبدع القاف شعار
ولا تظهر إلا عقب حوس المريري = الدم ينزف والمعاليق حضّار



وتقبلوا تحياتي،،،
ابن جشعم
04-07-2002, 21:50
هلا وغلا براعي اللأغاز المتلولسة

حيالله الوبيري

رمعتي يالغالي هي:

(((((((( القريحة الشعريّة))))))))


تحياتي إلك :D
الوبـيـــري
04-07-2002, 22:44
هلا بالرميع ابن جشعم


مالك لوا يالغالي


تحياتي،،،
ALMROOB
04-07-2002, 23:42
ماهي الشرف (البكاره)

مع خالص تحياتي
حمد العطوني
05-07-2002, 01:31
ابا نشد الصفران والحاضريني *** عن للغزكم الي تقولون له كار
مايخوي الخفرات حدر الزويني *** كود الستر ومعورج الوسم لادار
مايبخصه يكود منهو فطيني *** الي يعرف المعاني بالاذكار
كان الهدف ماصاب عذري سميني*** لاتحملوني كلمتي مابها عار
حنا وياكم يوم دور الهجيني *** لافرعن البيض نرخص بالاعمار
الوبـيـــري
05-07-2002, 13:03
الأخ ALMROOB

حياك الله

وشكرًا لمرورك على اللغز

مهو الشرف ولا البكارة.
________________________

هلا بالشاعر الكبير الرواي

ارفع بندقك شوي :)

مهو على مارميت يالرواي..


تحياتي لكم جميعـًا
النسناس
05-07-2002, 15:37
اخوي الوبيري كان ماهي الدمعة (( دمعة العين ))

تحياتي ........ النسناس
الوبـيـــري
05-07-2002, 15:44
هلا بـ النسناس

مالك لوا يالغالي

تحياتي لك
حمد العطوني
05-07-2002, 15:49
الوبير
اظن لغزك يالوبيري خطيري *** مايظهر الا عند عمسات الاشوار
اللغز وقته يوم وقت القطيني *** لاقيدت (العطفة) على درب الاخطار
مايركبه يكود هاف الضميري *** لعيونها كل العواشيق حضار
وان كاننا عن لغزكم منتحيني *** المعذره وعن الخطا غض الانظار
الوبـيـــري
05-07-2002, 19:14
هلا والله بـ الرواي

تحياتي لك ولردك الغير عادي

اعذرني يـ الرواي مهو على مارميت

بانتظار محاولاتك وردك

لك الود كما تود
الوحيد
05-07-2002, 20:01
السلام عليكم ورحمة الله وبركاتة. الرمعة اللي عندي .ماهي التراكي اللي توضع بالاذن عند الفتيات........... ولكم خالص تحياتي
الوبـيـــري
05-07-2002, 20:38
حياك الله يـ الوحيد

مهي التراكي

حاول من جديد

تقبل تحياتي
ابن جشعم
06-07-2002, 01:10
مدام به حوسن مريري ,,,, ياخوي الغالي الوبيري

فالظاهر والله والعالم انه :

ليـلة الدُّخـــلة


والذبح والسلخ بالخريفات و الناس متجمعة


هاااه بشّر هي ولا نهي :D:D
الخاطر
06-07-2002, 03:22
لغز الوبيري يا جماعه مثيري ### والكل منكم مايحطه على النار
المسك حله كان جاكم نذيري ### يوخذ من ظبي الصحاري لهن كار

المعذره بيتين على السريع ..
والوزن دبروه بدبرتكم

حل اللغز الله اعلم انه المسك وسمعت انه يؤخذ من الغزال
الوبـيـــري
06-07-2002, 07:47
الأخ ابن جشعم

مهي ليلة الدخلة

تحياتي
------------------------------

هلا بـ الخاطر

صح لسانك على هالأبيات

وصح لسانك على الحل

جبته والله يالخاطر


تحياتي للجميع