حصريا لمضايف شمر : المدرب الجديد للمنتخب الاماراتي

[محارش]

تشير مصادري الخاصه :) الى قرب إستقالة برونو ميتسو من تدريب منتخب الامارات الشقيق .

ويعود سبب الاستقالة نتيجة الضغوط الكبيرة التي يعانيها ميتسو من الاعلام والجمهور الاماراتي .


هذا وكان الجمهور الاماراتي يمني النفس بالوصول الثاني الى نهائيات كأس العالم بعد وصوله الاول سنة 1990 م في ايطاليا, الا ان آماله بدأت بالتقلص عقب خسارتيه الموجعتين وعلى ارضه من كوريا الشماليه والمملكة العربية السعوديه على التوالي وبنفس النتيجه 2-1 .

ولم تشر المصادر الخاصة بي الى اسم معين للمدرب القادم للمنتخب الاماراتي, إلا ان حدسي الرياضي يشير الى ان سيريزو البرازيلي سيكون الاقرب لخلافته .


اخوكم الشيخ متقاعد محارش :)

مع اطيب واعنف التحايا المحارشيه .

دبي ام القوين :)

[عبدالله الجعيثن]

^
^
ماعندك سالفه:148r:



انا سمعت ان المفاوضات جاريه على قدم وركبه مع عبدالله بالخيرshlwee7...بس طالب مبلغ جامد:puzzled:

مراسلكم خوي ام الهكيn)



ابوظبي الفجيره:)

[حمـود]

اخوي محارش توقعك يمكن يكون بمحله

اما المدرب تمت استقالته منذ يوميين

اما الجديد لا نعلم لانه لم يصرح الاتحاد الاماراتي لكرة

القدم

اخوي محارش هذا الي توقعته منك يا
السنافي

شكرا لك على الاخبار والتوقعات

دمت بخير

[محارش]

عبدالله الجعيثن


والله يانت ما عندك سالفه مررررره , تسيف تمزح بالمضيف الرياضي , ماشفت ردودي انا ومصيول محيوسه بموضوع نور , يقول اخونا سالم اللي هو المشرف خارجه عن الموضوع خخخخخخخخخخ

الا صحيح هي وين هي ام الهكي :)


حمود الناصر


برونو ميتسو لم يستقل حتى هذه اللحظه ومصادري تؤكد ذلك :)

قد يستقيل اليوم او غدا .



مع اعنف واشرس التحايا المحارشيه :)

[مصيول]

8
8

استقال مبطي :)


لا الغريب ان برونو ميتسو لمح للجزيره بعرض سعودي له :(

صحيح افضل من الجوهر بس ياخي ماهضمته احسه متعالي حيل على دول الخليج :)



اما البديل قاله اللي معه بالمؤتمر الصحفي مدري وش منصبه بس ماهو رئيس الاتحاد الاماراتي !


قال بهالفتره مانقدر نجيب مدرب من برا نبي نستعين بمدربين احد الانديه وخص العين والشباب ونسيت الثالث :):) لأقدميتهم بالدوري :)



عزيز حنكوف الصليبخات :) <<<< او هذي بالكويت :):)




وش الطاري مسكت الاخبر عن الامارات :):)


عادتك ماتخلي هالفول :)

[محارش]

مصيول



فيه ناس تقرا وفيه ناس ما تقرا :) المفروض انك من اللي يقرون او هذي هقوتي :)

المهم وش رايك بمصادري انا قلت سيريزو اللي هو مدرب الشباب وهنا المصداقيه في المصادر عزيزي مصيول :)

وفيه خبر حصري عن مدرب السعوديه الجديد بس المشكله ان سلطان مأمنن :)

[مصيول]

8
8

كل قسم :):)


لا ماعليك ترن اعجبك لا واقرا بعد اللي بين السطور واحيان اخربه واقرا الكف :):)



السعوديه ماهقوتي يبي يجيبون مدرب :(


بالعربي لو جاء رابع العيد وهم ما اعلنو شي خلاص انس انهم بيتعاقدون لان الوقت قصير :(



وش صار على الهلال وموبايلي :):)


ابوجعيثن عن ريال الفسحه يقول كسر شريحة الموج الازرق :):) !

[محارش]

طيّب علمن وش اللي بين السطور وابعترف لك :)

ترك حول الدعوى :)




بالنسبه للهلال وموبايلي هذي سلمك الله سالفته سالفه


توقعي الشخصي ان الهلال يبي يستمر مع موبايلي .

كذلك رأي الامير عبدالله بن مساعد بأن موبايلي اوفق لكن عرض الاتصالات مغري .

لكن حسب مصادر خااااااااااصه جدا بي داخل ادارة نادي الهلال يقولون ان فيه ضغوووط قويه لمصلحة الاتصالات وهالكلام جد .


مشكلة موبايلي انهم ما يبون يلزمون انفسهم بمبلغ ثابت للهلال , يعني نسبه ما عندهم مشكله :)
ايضا موبايلي اذا خسرت الهلال فأتوقع شيئين :

يما انهم يطالبون الهلال بالمحاكم وبكذا يطلعون من سالفة الاستثمار بالرياضه لانهم راح يخسرون الهلال واذا نووا يستثمرون فمالهم مجال الا انهم يرجعون للهلال او الثلاث انديه مجتمعه النصر والاتحاد والاهلي . لكن الثلاث انديه راح يكون مكلف جدا عليهم .

الشئ الثاني انه تقوم بمناورات وشد وجذب علشان تشوف وش تاليته وبعدين ترفع قضيه وتجمده علشان ما تخسر الجمهور الهلالي وبنفس الوقت تخلي له خط رجعه .


طبعا الهلال راح يتضرر ماديا اذا استمر مع موبايلي لكنه ربحان من جميع الجوانب الاخرى ولعل ابرزها التفرد عن البقيه بالدعايه وهذه في غاية الاهميه.

اما ضرره مع الاتصالات فستكون كارثيه جدا فلاعبيه المميزين سيكون ضمن كوكبه من نجوم الاتصالات ولا يخفى على احد ان ميول الاتصالات نصراويه :)
وسيكون نجوم الزعيم كأي نجم آخر رغم بعد المسافات الفنيه.


المسألة متشعبه ويبي له شرح طويل


ارجع واقول ان توقعي وامنيتي هي الاستمرار مع موبايلي لكن اذا ان عبدالله بن مساعد توبك العقد مع الاتصالات واعطوا الهلال حقه من كل النواحي فما نقول الا الله يقويه .

[غالب]

<<<جاي بهاذا علشان يزود مشاركاته :)
شكراً على المعلومه يامحارش:)

[محارش]

زود مشاركاتك يابعدهم


بس تر الاحوال ما يحسبونه :)

[مصيول]

8
8

الا بالدعوى ماهو حوله :):)




بالنسبه للهلال وموبايلي بصراحه وبكل امانه الهلال مستثنى عن غيره من الانديه !


الهلال سبق والغى عقده مع الاتصالات ووقع مع موبايلي واللحين نفس الحركه يسويها !!


ولا استبعد يسويها مع الاتصالات لزين !!



طيب النصر له سنه يبي يلغي عقد ماسا والاتحاد السعودي رافض :) مع ان ماسا ماهي الراعي الرسمي !




بجانب بعيد كل البعد عن هالجانب بن مساعد عبدالله نحسبه مطوع والله حسيبه !


وينه عن الايه { يا أيها الذين آمنوا أوفوا بالعقود }


والهلال يسرح ويمرح على كيفه وللمره الثانيه على التوالي لايوفي بالعقود !




موبايلي ماقصرت مع الهلال صرفت ربع مليون للدعايه للهلال !!


اما عن جمعه للثلاث الانديه فهذي اشاعات هلاليه يوهمون انفسهم بأن الهلال عن ثلاث نوادي وماراح اخوض بهالمسأله :)





الا تتفق معي بكل امانه بأنه مايجوز للهلال لايجوز لغيره :) وهذا واقع ملموس !!



ولعل اخره قناتهم اللي اجبرو جماهير الانديه الاخرى الدفع لقناتهم ومن فوق خشومهم !!


انا نصراوي ادفع علشان اشوف مباريات فريقي وماني ملزوم بغيره !


لكن ان مبلغ يخصص للهلال من جيبي فأنا ارفض :)





فعلا الهلال يجوز له مالايجوز لغيره :( والتاريخ شاهد وراصد !


ماني ضد الهلال بس ضد التفرقه بين الانديه من اتحاد يدعي الشفافيه والمصداقيه !!




وصدقني بيجي يوم للهلال ورجالاته بيطيحون بسوء اعمالهم :(



بلحظته بسألك وش تشجع لاني اجزم بان الهلاليين مشجعين لم يصلو مرحلة العشق بعد :) !!

[ابو خلوف]

عندي لكم سوأل يا جماعه




ليش الواحد لا قام يحتسي بالرياضه يحتسي فصحه؟؟؟:232r:


سناعيس عجلن على اول الف


و داخلن مضيف الترحيب وقام يرحب بالعالم كله الي قديم والي جديد وكل من شاف موضوعه رحبوه

[محارش]

مصيول
^
^
مسألة العشق والهيام خله على جنب ياقيس :)



عزيزي مصيول


العقود مجرد اتفاقيه وبها شروط جزائيه , يعني بالعربي مثل ما توقعون مع مدرب ثلاث سنوات وتحطون شرط جزائي للعقد ثمن تطردونه بعد شهرين :) هذي المسأله ببساطه ياعزوتي .


عقد ماسا انا غير ملم بجوانبه ولا اعرف خفاياه بكل امانه حتى استطيع الاجابة عليه , لكن ما اعرفه عن ماسا انها للامير ممدوح بن عبدالرحمن ( ريس النصر السابق ) , يعني المسأله منكم بكم يالغالي :)

نحن لا نوهم احدا بشئ , لكنكم تعودتم الانكار سياسة متبعه .

الاستفتاء جاء بطلب من كحيلانكم وللا انا غلطان :)

الاستفتاء فرحتوا بوه قبل النتيجه وتوعدتوا وازبدتوا وارعدتوا :) احسن بعد قل اني اتبلاكم :)

الاستفتاء اقتنع بوه كحيلانكم يالعزوه ماجبت شين من راسي .


عاد تسانكم ما تقنعون بالعلم فهذي مشكلتكم .


بالنسبه للقناه يابعدي

المسأله عرض وطلب يعني الكثره تفرض نفسه .

قد تفرض الاقليات نفسها اعلاميا لأن المسألة كلام في كلام :) <<< الاعلام البلوووووشي طبعا :)

لكن اقتصاديا لا يا حبيب قلبي والارتي اتحادية الميول ولا شك في ذلك لكن الخمسميات يحتسن , يعني مهو معقوله يفرطون باربعين بالميه علشان عشره بالميه :)

[محارش]

ابو خلوف


هو يدرى؟
ليل وخير :)

[ابو خلوف]

الا ياجماعه مهب مخالفه انك ترد على موضوعن قديم


لايروح خوينا الصغير سناعيس يعلقون بوه مخالفتن بين اذانوه

[غالب]

والله يامحارش أنا ماأعرف بالرياضه الخارجيه حيل
أنا حدي الهلال
إنت ياأبوخلوف ول رثعت بي الله يرثع بك
وينهن مشاركاتي القديمات

[محارش]

ابو خلوف


طابن الفيضه مابه حتسي :)


سناعيسو


ما ذابحن الا انك هلالي :)

[مصيول]

سناعيسو من افضل المشجعين الهلاليين :):) ويعتبر نموذج يحتذى به :)



محارش تو مادريت ان ماسا لممدوح :) بس على ما اعتقد هالمعلومه ماهي صحيحه !!


لأن ممدوح اذكر له مداخله بكل الرياضه بأزمة عقد ماسا كان يطالب الاتحاد السعودي بالموافقه على فسخ العقد اسوه بالهلال وموبايلي !


فكيف اذا هي له يطالب بكذا :( !!




وانا اختلف معك بتشبيه عقود الرعايه بمثل عقد المدرب !!



عقد الرعايه يدعم النادي ماديا في مقابل دعايه يقدمها النادي للشركه مع العلم ان النادي يتسلم كامل المبلغ مسبقا !!


وعليه تقوم الشركه بتسجيل اعلانات للفريق كما حال موبايلي !

وبعد كذا يجي النادي ويفسخ العقد :( !!



بتصير كارثه للشركات :) لانه بتكون غير مبلغ الرعايه صرفت مبالغ على الدعايه وغيره وبكذا تفقد ملايين !!


ولا استغرب بكرا عزوف شركات الاتصالات عن دعم الانديه والسبب الهلال وعدم الوفاء !!



ولا استغرب رجعة الـ art لرعاية الهلال كما كانت تفعل :) !


واللحين تجي وتقول ال ار تي اتحاديه :) خافو ربكم ياشينين :)



ولا يمكن رعة الهلال علشان الاكثر جماهيريه :)





اول ماوقعت موبايلي مع الهلال قالو قيمة العقد الاغلى بين الانديه وقالو 60 مليون !

واللحين طلع الصدز قالو عقد موبايلي 40 مليون :) بعد مارفعة الاتصالات عقده مع النصر لـ 50 مليون :) !




ياكثر مشاكل الهلال :) ويمكن علشان كثرة مشجعينه :)



الله يوفق الانديه كله ويبعدنا عن القيل والقال :)

[عبدالله المهيني]

محارش تو مادريت ان ماسا لممدوح :) بس على ما اعتقد هالمعلومه ماهي صحيحه !!


لأن ممدوح اذكر له مداخله بكل الرياضه بأزمة عقد ماسا كان يطالب الاتحاد السعودي بالموافقه على فسخ العقد اسوه بالهلال وموبايلي !


فكيف اذا هي له يطالب بكذا :( !!









بعد تسبدي مصيول
أجل ماتدري إن ماسا لـ ممدوح :)


وصاجنا ولاجنا وآخرتها ماتدري إنه له
لاحول ولا قوة إلا بالله


حتى أذكر إنه كاد يوقف حفل إعتزال ماجد عبدالله
بسبب إن الحفل ما تم من خلال شركته

حتى إحنا كـ هلاليين كنا خايفين يوقف حفل ماجد
لأننا نشوف إنه حق مشروع لماجد عبدالله
ولنا كجماهير كرة بالسعودية


بس الحمد لله عدت على خير


:)

[محارش]

مصيول و عبدالله المهيني

شكرا لكم ولكني

سأقفل النقاش في هذا الموضوع مجبرا وبإنتظار مضيف الهلاليين الجديد بإذن الله .

الاخ سالم اعطاني مخالفه لسبب تافه جدا وأظنه سيلحقها بالثانيه لمجرد اعتبارات شخصيه .

لذلك اعتذر لكما وحتى ان يصبح المضيف للجميع سأقوم بالمشاركه .