الشيخ محمد الحدب

[باجي]

اسوال ياخوني انني حصلت واحد يقول ان محمد الحدب شيخ الثابت نه خال شيخ الشرارت اللحاوي 0000كيف حصل هذ النسب

[المطني]

باجي مساك صبحك بالخير

محمدالحدب ماهو جد اللحاوي الحدب جد ابن دعيجا جوز ابو خلف بنته وجابت

خلف الفارس والشاعروالكريم المعروف وله قصه اذا تبيه نجيبه لك كامله .

[فواز الغسلان]

الحقيقه ان هذه القصه سبق ان بحثتها بتعمق مع رواة الثابت

ورواة الشرارات على حد سواء لكنهم لم يتفقوا على روايه واحده بل اختلفوا في الروايه كالتالي:


الاولى: ان محمد الشراري مر على والد دعيجاء في سنة قحط وكانت احوال الثابتي ضعيفه فقام واعطاه الشراري

خمس زوامل وقال شل عليهن وابحث عن الربيع مع جماعتك وبعد ثلاثة اعوام مر الشراري على الثابتي

وكانت زوجة الشراري قد توفيت فقال الثابتي لبناته الثلاث ايكن تاخذه لكي ارد جميله فرضيت دعيجاء به

وهي الصغرى فزوجها له 00

الثانيه: انه في اعقاب صباح حرب من الاعداء على الثابت حصل هروب فسقطت الطفله دعيجاء من الخرج وعمرها

ستة اشهر فظنها ابوها قد ماتت لكون السقوط من البعير ليس سهلا على طفل بعمرها ولذلك لم يبحث عنها بجديه

فظن ان الوحوش اكلت جثتها 00

وقد وجدتها امراه شراريه فربتها وبحثوا عن اهلها فلم يتوصلوا لهم حتى بلغت سن الزواج فتعاشقت مع محمد

الشراري وتزوجها وبعد ان انجبت طفل وطفله عرفتها جدتها ذات يوم من كية نار كانت على طرف نهدها

واخبرت والدها الذي اخذها منهم علما انهم لم يجحدوا ذلك الاجواد وانما قالوا وصينا لكل القبائل بمن ضاعت

له طفله 0 فقال والدها لم اتوقع انها تعيش بعد سقوطها من البعير ولذلك لم اهتم بالبحث عنها 0

وان كنت اميل الى الروايه الثانيه اكثر من الاولى والله اعلم

[راعي الوقيد]

ماقصرتوا على التوضيح يالعزوة

واشوف الشايب يحورف بهذا يمكن عنده رواية اخرى:)

لكم التحية

[مشــــعل]

ماقصرو الاخوان

ويمكن اللي سمعناه من كبار السن فيه اختلاف شوي عن رواية ابوفهد


اللي نسمع بوه ان دعيجاء كانت مسيكينه

وهي الاخت الصغيره لثلاث بنات

ابوهن راح للعراق يبي الرزق وعلى انه ماهو مطول
لكن صارت عليه ظروف وابطى عليهن ودشرن

ومرهن الشراري وخلاهن يخاونوه
اليا رحل رحلن واليا نزل نزلن

الى ان جاء والدهن
وقال وش بوه نكافيك يالشراري
قال مرتي ماتت وابيك تزوجن

الثنتين الكبار عيّن وزوجوه دعيجاء
وجابت منوه خلف وعقبه ماطولت عندوه نكست لاهله

هذا والله اعلم

[مقبل الضوي]

مشكورين على المعلومات القيمه

[المطني]

الروايه اللي عندي وسمعته من الشرارات وشمر

ان محمد الحدب نزل لحاله حول هالحماد وجماعته يم سوري وهاكلديار وجته له ليلة باردة يتقطع ثلجه

واباعره ضعاف وبه خوى( جوع) والضعيف ياصارت جيعانه ما تحمل البرد ويوم جاء الصبح ياوالله كله موتتن عنده وهو يجلد ما يدري وشو يعمل اجلد

بالمراح له يوم او يومين وهو يمره ابو خلف وكان رجل غني له ذودين قال وشبلاك ياشمري قال هاللي

تشوف قال لحدى رعيانه روح على الشمري يوم جاء الصبح رحل الحدب على اباعر الشراري يوالله ما

يدري وش يجزى الشراري به قال مالى الا اجوزه حدى هالبنات واللي انا سمعت انهن بنتين الكبيره ما اعرف

اسمه والصغيره اسمه هند طلب الكبيره وعيت وطلب هند واطاعت ابوه وجوزه الشراري وجابت خلف وبيوم

من الايام رحل الحدب وراح لجماعته ويوم ابعدوا ياولله هند تفلي رجله الشراري يوالله يوم وقعت دمعته على

رجله قال وش علمك قالت ابي هلي وهو يركبه على هاكلجمل وهو معه ياما الحقه هله وهو يطلقه وخلف يبقى

عند جدته ام ابوه وسمه دعيجا هي اللي غذته وقعدوا يسمونه ولد دعيجا وين دوى ولد دعيجا وين راح ولد

دعيجا وسمي بهالاسم .

طبعا ً الحدب رجع الذود على الشراري ورحل على الزوامل بس

وسلامتكم

[خلف الرويتع]

الروايه اللي عندي وسمعته من الشرارات وشمر

ان محمد الحدب نزل لحاله حول هالحماد وجماعته يم سوري وهاكلديار وجته له ليلة باردة يتقطع ثلجه

واباعره ضعاف وبه خوى( جوع) والضعيف ياصارت جيعانه ما تحمل البرد ويوم جاء الصبح ياوالله كله موتتن عنده وهو يجلد ما يدري وشو يعمل اجلد

بالمراح له يوم او يومين وهو يمره ابو خلف وكان رجل غني له ذودين قال وشبلاك ياشمري قال هاللي

تشوف قال لحدى رعيانه روح على الشمري يوم جاء الصبح رحل الحدب على اباعر الشراري يوالله ما

يدري وش يجزى الشراري به قال مالى الا اجوزه حدى هالبنات واللي انا سمعت انهن بنتين الكبيره ما اعرف

اسمه والصغيره اسمه هند طلب الكبيره وعيت وطلب هند واطاعت ابوه وجوزه الشراري وجابت خلف وبيوم

من الايام رحل الحدب وراح لجماعته ويوم ابعدوا ياولله هند تفلي رجله الشراري يوالله يوم وقعت دمعته على

رجله قال وش علمك قالت ابي هلي وهو يركبه على هاكلجمل وهو معه ياما الحقه هله وهو يطلقه وخلف يبقى

عند جدته ام ابوه وسمه دعيجا هي اللي غذته وقعدوا يسمونه ولد دعيجا وين دوى ولد دعيجا وين راح ولد

دعيجا وسمي بهالاسم .

طبعا ً الحدب رجع الذود على الشراري ورحل على الزوامل بس

وسلامتكم

كل الشباب اجادو في النقل وانا مع المطني سمعت مثل ماسمع المطني اما اسم البنت لااعرفه بس التبس علي موضوع الدمعه مادام تفليه كيف تقع دمعته على رجله قلى صابره اذنه جبهته هي المناطق القريبه لراس واذا كانت الدمعه سقطه على رجله اكيد معناه تفرص رجليه

[باجي]

الروايه اللي عندي وسمعته من الشرارات وشمر

ان محمد الحدب نزل لحاله حول هالحماد وجماعته يم سوري وهاكلديار وجته له ليلة باردة يتقطع ثلجه

واباعره ضعاف وبه خوى( جوع) والضعيف ياصارت جيعانه ما تحمل البرد ويوم جاء الصبح ياوالله كله موتتن عنده وهو يجلد ما يدري وشو يعمل اجلد

بالمراح له يوم او يومين وهو يمره ابو خلف وكان رجل غني له ذودين قال وشبلاك ياشمري قال هاللي

تشوف قال لحدى رعيانه روح على الشمري يوم جاء الصبح رحل الحدب على اباعر الشراري يوالله ما

يدري وش يجزى الشراري به قال مالى الا اجوزه حدى هالبنات واللي انا سمعت انهن بنتين الكبيره ما اعرف

اسمه والصغيره اسمه هند طلب الكبيره وعيت وطلب هند واطاعت ابوه وجوزه الشراري وجابت خلف وبيوم

من الايام رحل الحدب وراح لجماعته ويوم ابعدوا ياولله هند تفلي رجله الشراري يوالله يوم وقعت دمعته على

رجله قال وش علمك قالت ابي هلي وهو يركبه على هاكلجمل وهو معه ياما الحقه هله وهو يطلقه وخلف يبقى

عند جدته ام ابوه وسمه دعيجا هي اللي غذته وقعدوا يسمونه ولد دعيجا وين دوى ولد دعيجا وين راح ولد

دعيجا وسمي بهالاسم .

طبعا ً الحدب رجع الذود على الشراري ورحل على الزوامل بس

وسلامتكم مشكور اخوي المطني وانا اتصلت على صديق شمري وسالته وبصدفه كان عنده الاديب رضا طارف وقال نفس الكلام الذي قالته وشكرا

[باجي]

مشكور يابو فهد على المعلومه ونا من المتابعين لك يبو فهد وراك من منتدى لى منتدي بس ودي نك ماتروح من مضايف شمر ترك اتعبتنا ورك

[المطني]

كل الشباب اجادو في النقل وانا مع المطني سمعت مثل ماسمع المطني اما اسم البنت لااعرفه بس التبس علي موضوع الدمعه مادام تفليه كيف تقع دمعته على رجله قلى صابره اذنه جبهته هي المناطق القريبه لراس واذا كانت الدمعه سقطه على رجله اكيد معناه تفرص رجليه

اولا اشكرك يابو عتيق انك معي بالروايه وهذا يدعم روايتي

لكن يابو عتيق الظاهران الكبر بين عليك انا اقصد بكلمة (رجله ) يعني زوجه ما

اقصد رجل الزوج ولا وشلون تفليه وتقع دمعته على رجله

[خلف الرويتع]

اولا اشكرك يابو عتيق انك معي بالروايه وهذا يدعم روايتي

لكن يابو عتيق الظاهران الكبر بين عليك انا اقصد بكلمة (رجله ) يعني زوجه ما

اقصد رجل الزوج ولا وشلون تفليه وتقع دمعته على رجله


هلا العزوه المطني نعم الكبر شين وزين جت على هاذي والله استغربت الموضوع بس زين توضيحك انا اسف يالعزوه فهمته خطاء

[سالفه]

مشكور على الطرح

[عبيد الحدب]

السلام عليكم ورحمة الله وبركاته
أنا عبيد الحدب , قريت الموضوع هذا وأنا مستغرب وسألت عنه والكثير فندو الترهات هذي , وصراحه أنا ماعندي إلا أن أقول إن الكلام هذا إما أن يكون لحدب غير الحدب إلي من شمر من سنجارة إلي هو شيخ الثابت أو إنها قصه لا أساس لها من الصحه . وإلي يبي يقول غير الكلام هذا يحط إسم الراوي مو يقول سمعت من الرواة .
أما أن تقولون إن الحدب شيخ الثابت زوج حدا بناته لواحد من قبيلة الشرارات فهذا كلام مردود عليه ولا أقبل فيه سواء هنا أو بأي مكان ثاني .
وإلي يبي يناقش يناقش بموضوعيه ويحط أسم الشخص إلي إستسقا منه المعلومات علشان نعرف كيف نرد عليه ونرد على الراوي سواء هنا أو بشكل شخصي

عبيد الحدب شيخ الثابت

[المفضلي11]

والله ما يندرى عن الصز لكن نتحرى اللي عنجه معلومة موكدة
الرجال يبي معلومه موكده
اللي متفقين عليه الاعضا ان خلف الدعيجا الشراري الكريم المشهور واللي صارت له القصه مع الجربا ان خواله شمر بس مختلفين على وشلون .

[عبدالله الجعيثن]

اللي نسمعه من كل الرواه ان الحدب زوجه بنته


ولاهي عيب.......بالعكس هذا طيب



ورد جميل

[عبيد الحدب]

أنا الحين بنشد إلي حاطين القصص هذا , من وين جابو العلم الفاسد هذا , ومن ذا الي عطاهم الكلام ذا , وهل صاحي أو مجنون
أبيهم يردون على بمنطق مو يقول كم كلمه ويحط سمعت من الرواة
ولا لي رد عليهم ثاني إذا ماعرفو يتكلمون
أبي كلام يجمد على الشارب , مو سوالف جهال ماتعرف شي


الشيخ : عبيد الحدب

[عبيد الحدب]

ياعبدالله الجعيثن , بطلو الكلام هذا إلي حق الرعيان , الرعيان دوم يقولون هذا الي نسمعه ويقولون سمعناها من الاولين ويقولون كل الناس تقول الكلام هذا , وبالأخير تطلع السالفه سوالف حريم.

كرم الرجال , وأنا كل إلي طلبته إنكم تتكلمون بكلام منطقي له اساس نقدر نرجع له , أما سوالف الحريم بطلوها لإن هذا مو مكانها , مكانها كل واحد منكم يعرفه.

الحين أبي من كل واحد منكم قال إن الحدب زوج بنته لصلبي يجيب لي المعلومات هذا
1 - يجيب لنا المرجع لقصته
2 - يسمي محمد الحدب بإسمة الكامل
3 - ويعطنا متى توفى إذا قدر
4 - وين صارت القصه هذي
علشان أقدر أبين لكم إن هذا كذب وتدليس وكلام حريم
يالله ياشمر يالله يالرواة يالله يالي كذبتو علينا هن أربعه أسأله ردو عليهن .

أنا الحين أبي إلي حطو القصص هذي يردون على الأسئله هذي أو يقدمون إعتذار واضح وصريح عن كذبهم على شيخ الثابت



الشيخ : عبيد الحدب شيخ الثابت

[عبدالرحمن]

بطلو الكلام هذا إلي حق الرعيان , الرعيان دوم يقولون هذا الي نسمعه ويقولون سمعناها من الاولين ويقولون كل الناس تقول الكلام هذا , وبالأخير تطلع السالفه سوالف حريم.



الاخ عبيد لا تناقش الامور بهذه الطريقة
فأذا عندك نفي ضعه بدون ان تخطي بحق
ابناء عمومتك و-الرعيان- حسب كلامك
هي مهنة الانبياء عليه الصلاة والسلام!
ولا فرق بين المسلمين إلا بالتقوى
واطاعة الله سبحانه وتعالى
وع عنك هذا الحماس الذي
يغضب الاخرين ويثبت هذه القصة
حتى لو لم تكن حقيقية!
وتأكد ان اللون الاحمر لا يخيف احد!
وتأكد مرة اخرى انه لا يوجد شيخ
يطلق على نفسه لقب شيخ !
انما الاخرين هم من يطلقونه!
وتأكد في الاخر ان الحدبان ابناء عمنا
والف نعم فيهم ولا يوجد من بيننا
من يرضى بالاساءة لهم.
لك تقديري.

[عبدالله الجعيثن]

.


محمد الحدب....



هد اعصابك وناقش بهدوء وعقلاميّه


قصص الجربان وقصص الرشيد والقصص القديمه لشمر وغير شمر


مامنّا ولا انت حضر هاك العصور....لكن تجينا عن طريق الرواة


وجميع الرواة متفقين ان الحدب خال ابن دعيجا...


انا ماجبت شي من عندي...



وحتى اللي سأل هالسؤال ماجابه من السماء...سأل هالسؤال لانه سمع من الرواة...

[المفضلي11]

يا الحدب ليه بزعمك تبي تحتقر او تصغر الناس وتقول رعيان وما رعيان
الرعي كل الانبياء عليهم السلام رعو الغنم والرسول محمد اللي اشرف منك ومني رعا الغنم

وبعدين على اي اساس تسمي نفسك شيخ هات لنا دليل قاطع والا تلقب روحك الللقب

وبعدين ان تنفي القصه المذكوره .طيب هات لنا القصه الصحيح بالادله وبالاجابه على الاسئلة اللي حطيتها الاربعه وشكرن

[عبيد الحدب]

السلام عليكم ورحمة الله وبركاته
يسألوني عن القصه الحقيقية للموضوع , وأنا أقول إنها تلفيق والأمر هذا مو صحيح .
ويسألوني جيب الأدلة وأنا أقول إن إسم محمد ماتسمو فيه إلا قله وهم محمد متعب الحدب وتوفي قبل سنين قليلة وهو جدي , و محمد اللوفان وهو ولد عم أبوي , و محمد جاسم الحدب وهو ولد عمي , و محمد أحمد الحدب وهو ولد عمي , ولا فيهم واحد زوج بنته لواحد شراري.
أنا الحين أسأل إلي جابو القصص ذي على اي واحد من ذولي إلي ذكرتهم , وإذا كان مو منهم خلوهم يذكرون نسب محمد الحدب ذا إلي طالعين فيه .
بعض الأخوان يقول عن التجريح وبدون زعل , وأنا أقول لي حق إذا أحد يبي يحرف أو يحط شي غلط عن أهلي وجماعتي .
الحين أنا أطلب من إلي حطو القصص الملفقه ذي إنهم يوضحون ويردون على من محمد الحدب إلي حطو عليه القصص ذي أو إنهم يقدمون إعتذار لي هنا عن تدليسهم علينا .
هذا الموقع يعتبر أحد الموارد لقبيلة شمر للوصول إلي تاريخهم فلا يجوز أن يجي واحد ويحط شي بتاريخ شمر غير صحيح .
أنا ذكرت بردودي أربعة اسأله , وأتمنى من إلي حطو القصص ذي عن محمد الحدب إنهم يردون على أسألتي أو إنهم يعتذرون عن الخطا إلي سقطو فيه , وهذه نهايه القصه , أما إن يجي واحد توه قرا الموضوع ويرد عليه , أنا اشوف إنه ماله دخل بالموضوع .

قد يزعل البعض عن ردودي وقد يشوف البعض هذا الموضوع ويحط رايه على ردودي , وأنا اشوف إنهم مالهم دخل ولا يتدخلون لا بقريب ولا ببعيد , الأمر ذا خاص بيني وبين إلي حطو القصص ذي .

أما الشيخه فالحدب هو شيخ الثابت وهذا الأمر معروف من زمان , وإلي يشك بالأمر فأقول له يروح يسأل كبار السن وهم يردون عليه .

أما بالنسبة لوضعي لقب الشيخ عبيد الحدب , فأنا ماحطيته إلا علشان يعرفون إلي حطو القصص ذي , إنهم يعرفون إني شيخ الثابت وإني مأتكلم من دون معرفه مثل ماتكلمو هم وجابو قصص واهيه مالها اساس من الصحه .

أنا أعتذر للي شاهدو موضوعي إذا كنت أخطيت , أما إلي حطو القصص فأقول لهم لاتغيرو الموضوع وخلونا بالقصص إلي جبتوها , علموني يمكن استفيد منكم إذا كان الأمر هذا صحيح مع إني مثل ماقلت وعديت الأشخاص إلي اساميهم محمد الحدب , وهم أشخاص انا اعرفهم معرفه شخصيه مو قصص مثل ماتكرمو فيها الأخوان مانعرف مرجعها أو صحتها .


أما بالنسبة للون , فأنا أختر اللون الأحمر لما فيه من الجديه بالموضوع حسب رايي أنا , وليس مثل ماقال أحد الأخوان إني بخوف أحد , بالعكس أنا حطيت اللون هذا علشان يعرف إلي جابو القصص الواهيه هذي إني جاد بالموضوع وأبي اساس قصصهم أو الإعتذار عن تدليسهم علينا .


إلي الأخوان إلي حطو القصص الواهيه , لاتأخذكم العزة بالإثم , إما إن تكوني عارفين بقصص الأباء و الأجداد وتكتبون بعلم أو أن تتعلمو من كبار السن وتتأكدو من كل خبر يصل إليكم مع البراهين علشان تعرفون تردون وتناقشون إذا أحد رد عليكم وعلشان ماتكتبون شي فيه تدليس على قبيلة شمر , هذا الموقع اعتبره من المواقع المهمه عندي للأخذ بتاريخ شمر بعد سؤال كبار السن و معرفه التاريخ عن طريق المواضيع الموثقه بالقصائد .

أخوكم الصغير : عبيد الحدب


ملاحظة : إلي الأن لم يتم الرد على اسألتي الأربعه إلي حطيتها بأحد ردودي على الموضوع , أتمنى من إلي جابو القصص إنهم يردون على اسألتي بكل وضوح.

[عبيد الحدب]

سؤال إلي المطني و فواز الغسلان ومشعل :
1 - يجيب لنا المرجع لقصته
2 - يسمي محمد الحدب بإسمة الكامل
3 - ويعطنا متى توفى إذا قدر
4 - وين صارت القصه هذي
لكي توضح لي أولا ولنا جميعا الحقيقة.

إذا لم يستطيعو الإجابه عن هذه الأسئلة أو أخذ الإجابه من الرواة (على قولهم إنهم أخذو القصه من الرواة) , فأنا أطلب منهم تقديم تصحيح للموضوع وإعتذار وهذا أنا أعتبر إنه حق من حقوقي للي صار وحق لنا كقبيلة شمر للتدليس بتاريخ القبيلة .

أخوكم الصغير : عبيد الحدب

[المطني]

الأخ والشيخ / عبيد الحدب
اولا / انت بإذن الله كبير مانت صغير


ثانيا/ هد اعصابك الله يجزاك خير وناقش بهدؤ


ثاالثا / يعلم الله لا انا ولا ابو فهد ولا مشعل نتعمد الإساءة للحدبان ولا الثابت عموم فهم عيال عم ولهم تاريخ مشرف .ما عاش من يسيء لهم

رابعا / بارك الله فيك القصة مشهوره ومتداولة عند شمر والشرارات والمشهور ان اسمه محمد الحدب اما كامل الاسم ما عرفه ومتى مات ما عرف الا ان خلف بن دعيجا كان على زمن الإمام ( فيصل بن تركي ) يعني القصة قديمة والقصة صارت حسب ما سمعت بالحماد وجميع رواة شمر يذكرونه ماهو واحد دون واحد اذا تبي تناقشهم رح ناقشهم .


ولو قريت كلام فواز الغسلان زين كان ما شنيت كل هالهجوم يقول ابو فهد انه بحثه مع الثابت انفسهم يعني انتم يالثابت تعرفونه الا اذا انتم تألفون بتاريخكم . يعني حنا ما جبنا شيء من عندنا .

وبعدين تر ماهو عيب ان الواحد يرد الثنا وهذا رد ثنا بارك الله فيك هذا طيب من الحدب انه رد ثنا الشراري

تقبل تحيات اخوك / المطني

[نايف حزوم]

مجالس شمر كله تقول السالفه هذي وبالنسبه للدليل اللي يبيه يدوره ويحقق من جميع الجهات ويجيب شهود وبعدين يعلن النتيجه .وحنا مايلزمنا نجيب شهود على سوالف الاباء والاجداد لانهم عندنا عدول ومايكذبون ولانهم يحطون الله بين عيونهم وهذي من السوالف المشهوره.وهل جزاء الاحسان الاَ الاحسان .وبعدين وشلون صار الشراري صلبي وانا اطالب المشرفين بحذف الموضوع لانه راح يسبب فتنه.

[الحيمري]

اتغو الله ياجماعه هذي سالفه دعايات
انا سامعن هالقصه قبل سنين ان ابو خلف سوى وفعل وكذا وكذا
وان دعيجاء شمريه هذا خرطي

شمر تذبح اللي ياخذ حرمه من عوج دخان كيف تبونهم يزوجونهم هذا كلام ماهو صحيح ابد
واتغو الله لاتجمعون الحابل بالنابل

الثابت من رؤس شمر كيف يزوجون لهم هتيمي هذا حكي بالله لعنبوكم الحدب من شيوخ شمر ومن فريس شمر

انا اقول اللي يقول القصه عقله ناقص صرنا خواجات

الاخ/ عبيد الحدب
ابي توجه لهم سؤال هل يقدرون واحد منهم يزوج اخته او بنته او يتزوجون من عوج دخان وهو شمري بالنسب و احذر من يتهاون بالانساب جريمه+لامبالات

[عبيد الحدب]

إلي الأن الأخوان ماجاوبو على أسألتي الأربع , ماغير إنهم يقولون إنها من روايات الأقدمين أو هذا موجود بالمنتديات , وأنا أقول لهم إن السالفه مو صحيح , حتى إني عديت إلي أساميهم محمد إلي بالحدبان , بس محد منهم مصدق .



أنا الحين بسألهم كيف تبوني أقنعكم ياعيال عمي , علموني كيف وأنا مستعد , طبعا مابي أحد منكم يقول لي جيب اساس القصة لإني من الحين بقول لهم القصه مالها اساس وغير صحيحه وهي كلام فاضي لا يقدم ولا يأخر .



أنا عبيد الحدب الثابتي السنجاري الشمري , أعلن لكم إن القصه هذي غير صحيحه ولقد سألت شيبانا (الدكتور جاسم محمد الحدب , عبدالرزاق الحدب , أحمد الحدب , سليمان الحدب , على الحدب , على الحدب ) وكلهم عمامي أو عيال عم ابوي وقالو إن القصه مالها اساس وغير صحيحه .



ياعيال عمي إنشدو إلي قال لكم القصه من ذا محمد الحدب إلي يسولفون عنه وهل له عيال أم خلفته كلها بنات . خلونا نوصل لعياله أو لخلفت بناته علشان أبين لكم إن القصه مو صحيح .



أما بالي قول بحذف الموضوع , أنا أقول في إفتراء على قبيلة شمر وإذا ماكان هذا المكان لتصحيحه فقلي بالله وين !!!!؟؟؟؟



هذا تاريخ ولازم نناقشه هنا , وإذا كان فيه خطا نعدله هنا وإذا كان فيه شائبه فهنا نتناقش فيه ونسأل شيباننا ونقل المعرفه للجميع هنا .



إلي الأخ نايف حزوم , أنا الحدب وأقول إن القصه مالها اساس , سألت شيباني , وهم إلي عديتهم , وأنكرو السالفه وقالو مو صحيح , والحين تقولي حنا سألنا شيبانا , معقولة شيبانكم يعرفون تاريخنا أكثر مني ومن شيباني !!؟؟



أخوكم : عبيد الحدب

[نايف حزوم]

إلي الأخ نايف حزوم , أنا الحدب وأقول إن القصه مالها اساس , سألت شيباني , وهم إلي عديتهم , وأنكرو السالفه وقالو مو صحيح , والحين تقولي حنا سألنا شيبانا , معقولة شيبانكم يعرفون تاريخنا أكثر مني ومن شيباني !!؟؟


السلام عليكم ورحمة الله وبركاته
الاخ عبيد تحيه طيبه وبعد/لاشك ان اهلك ابخص بسوالفهم ولكن انت ماوفقت لعرض الموضوع بصوره جيده
المفروض يكون عرضك للموضوع عباره عن تنويه واعلان انك يالحدب تقصيت من الشيبان عن الموضوع وطلع غير صحيح وبذلك نقول حنا من جانبنا اذا سولفنا السالفه ان الحدب ينفي الحادثه جمله وتفصيلا .وبذالك نسلم من الفتنه.
وانا من الان راح اقول اليا جاء طاري للسالفه ان الحدب عبيد ينفيها جمله وتفصيل.ولكنك يا اخي تعديت بالكلام شوي وهذا راح يسبب فتنه .
وتر يا اخ عبيد السالفه اذا صحت فهي حدثت بظروف غير طبيعيه وتكاد تكون خارقه لذلك الحدب ماعليه لوم ولا عار اذا ثبتت بل من وجهت نظري يقال له جزا المعروف بالمعروف.وحنا ندري انه بالحاله الطبيعيه مستحيل يتقدم الطرف الاول لخطبه بنت الحدب حسب عادات االباديه وان فعل فمن سابع المستحيلات ان يعطيه الحدب طلبه وهذا لا خلاف عليه ولكن الحاله كما قلت لا تنطبق عليها مقاييس الظروف الطبيعيه لانها اذا صحت السالفه فظروفها غير طبيعيه بالمره ولذلك لا يلام الحدب بل يشكر عليها .وحنا انشالله مع اخواني لك حق علينا اننا نورد مقولتك بنفي السالفه في كل مره تسولف به في مجالسنا.
والحمد لله رب العالمين و السلام عليكم ورحمة الله وبركاته

[ولد البدو]

الله يكثر من امثالكم
شامخين بعلومكم الطيبه

[المطني]

الثابت من رؤس شمر كيف يزوجون لهم هتيمي هذا حكي بالله لعنبوكم الحدب من شيوخ شمر ومن فريس شمر

انا اقول اللي يقول القصه عقله ناقص صرنا خواجات ( الحيمري )


اخي العزيز / الحيمري

لم اتوقع منك هذا الكلام ابدا ً لأن منذ عرفتك في هذا المنتدى الشامخ وانت نعم الرجل ولا زلت قد تكون اخذتك الحمية لكن ليس بهذه الطريقة فند كلامنا وروايتنا لكن بغير هذا الإسلوب بارك الله فيك وحماك ورعاك وحفظك بحفظه .




الأخ العزيز والشيخ / عبيد الحدب مادام انك انت الحدب وتنفي القصة جملة ً وتفصيلا ً فأنا اخوك ( المطني ) وهذا عهد علي انني عندما اسمع احد يتكلم بهذه الرواية سوف انقل له كلامك واقول ان الشيخ عبيد الحدب يقول ان هذه القصة كذب وليس لها اساس من الصحة .




الأخ العزيز / نايف حزوم اشكرك على خلقك الرفيع وعقلك المتزن واسلوبك الراقي وتفهمك وتقبلك للنقاش والطرف الاخر .


تقبلوا تحيات اخوكم / المطني

[خلف الرويتع]

الاخ العزيز والشيخ عبيد الحدب في الحقيقه هذا مانسمعه ان خلف ابن دعيجاء خواله الثابت وماهو شرط يكون خاله محمد الحدب وقد يكون من رعيان الثابت هذه القصه نسمع به وانت اسئل عمامك مره ثانيه هل خلف ابن دعيجا خواله الثابت ام لا قد لايكون ذلك صحيح وهذا مايسرنا نحن نبي العلم الوكاد اخي عبيد الحدب والله لوعندي الصلاحيه لحذفت الموضوع كاملاً هذه مضايف شمر لجميع شمر نحن نبحث عن علوم شمر الغانمه واي شي يزعل اي شمري وهو غير صحيح فمن الافضل بتره من التاريخ نحن هنا لحفظ تاريخ شمر واي موضوع غير صحيح يجب حذفه
وانتم يالحدبا معنيي بالموضوع فعندم ينفي الحدب هذا الموضوع فمن الواجب حذف الموضوع والاعتذار منه ونحن نسمع والحين جاء العلم الاكيد من الاخ عبيد الحدب وهو ينفي هذا الموضوع فمن حقك على ان اعتذر منك واقول انا اسف على تاييد سالفه المطني وهذا ماكنت اعتقده سابقاً وهذا مانسمعه في كثير من المجالس ولايمنع ان تتناقل الروات بعض القصص الغير صحيحه ولكن عندم اتضحه لي الحقيقه منك
فمن حقك علي الاعتذار والاسف لنقل الخاطئ ولو لي الصلاحيه لحذفت الموضوع برمته وهذا مايجب على الجميع عندم يشاهدون بعض المواضيع في مضايف شمر انها غير صحيحه يجب تصحيح الاخطاء الاخوان في مضايف شمر مجتهدين في نقل مايسمعونه وليس كل مجتهد مصيب وقد يكون مايسمعونه غير صحيح فيجب التدخل وتصحيح الخطاء ارجو من الجميع ان لايحمل الاخوان في المضايف اخطاء التاريخ بعض من الرواه ينقل مايسمعه في المجلس وقد يكون مايسمعه غير صحيح وعند اتضاح الحقيقه لايمنع من الاعتذار وتصحيح الوضع اخي عبيد اذا اكتفيت بالاعتذار واذا لك طلب اخر واستطيع ان افعله لك انا مستعد تقبل احترامي

[باجي]

شمر تذبح اللي ياخذ حرمه من عوج دخان كيف تبونهم يزوجونهم هذا كلام ماهو صحيح ابد
واتغو الله لاتجمعون الحابل بالنابل



مرحبا يا الحيمري بس ابي ارد عليك ليه مذبحتو بن رمال يوم زوج بنت ابوتايه 00000وشمر معليهم من واحد جوز بنته لضروف خاصه بل شمر هم الى اضهرو بن دعيجاء وابو تايه وشكرا

[عبدالرحمن]

الاخ العزيز ابو عتيق السلام عليك وعساك دائما بخير وسعادة
حقيقة انت من الاخوين الذين نعتز ونفتخر بهم وبدماثة اخلاقهم.
اتفق معك على مطلبك بحذف الموضوع حيث انه لا فائدة ترتجى منه!
نعم لا يوجد به إلا الاساءة فهذا العضو فلان يسيء الى القبيلة الفلانية
وذاك العضو علان يسيء الى القبيلة صاد!
الشمري هو من احتفظ بأخلاق شمر التي ترفض الاساءة الى الاخرين
سواء اكانوا اشخاص او قبائل لذلك اتفقك معك على قبر الموضوع!.


الحقيقه هذا مانسمعه ان خلف ابن دعيجاء خواله الثابت
وماهو شرط يكون خاله محمد الحدب
وقد يكون من رعيان الثابت

هل تقصد برعيان الثابت انه غير شمري
ام انه شمري ولكنه ليس ثابتي؟.
لك تقديري اخي العزيز.

[خلف الرويتع]

الاخ العزيز ابو عتيق السلام عليك وعساك دائما بخير وسعادة
حقيقة انت من الاخوين الذين نعتز ونفتخر بهم وبدماثة اخلاقهم.
اتفق معك على مطلبك بحذف الموضوع حيث انه لا فائدة ترتجى منه!
نعم لا يوجد به إلا الاساءة فهذا العضو فلان يسيء الى القبيلة الفلانية
وذاك العضو علان يسيء الى القبيلة صاد!
الشمري هو من احتفظ بأخلاق شمر التي ترفض الاساءة الى الاخرين
سواء اكانوا اشخاص او قبائل لذلك اتفقك معك على قبر الموضوع!.

هل تقصد برعيان الثابت انه غير شمري
ام انه شمري ولكنه ليس ثابتي؟.
لك تقديري اخي العزيز.

هلا باخوي عبد الرحمن اشكرك على هذا الاطراء اخي عبد الرحمن راعي يقصد بها اي واحد ماهو شيخ هو من نفس الفخذ ولكنه ليس شيخ ربعه فكل فخذ بها شيخ والباقي يندرجون تحت مسمى راعيان وهي ليس مسبه هو مصطلح عند كثير من القبائل فلان راعي من رعيان الفلان فهو لاينقصه حسب او نسب ولكنه غير مشهور بالمشيخه والرعي مهنه شريفه لاتنقص من قدرك تقبل احترامي

[عبيد الحدب]

السلام عليكم ورحمة الله وبركاته
سمعت إنه من الرويشد من الزرعه , وأنا ماني متأكد من الموضوع هذا , إذا في أحد من هذا الفخذ يقدر يأكد لنا الموضوع هذا أكون شاكر لكم

عبيد الحدب

[أبو روز]

الشيخ عبيد الحدب شن هجومه على من قال ان الحدب خال خلف ابن دعيجا وردوا عليه بأنهم سمعوا بهذه القصة وجميعنا سمع بهذا ربما تكون السالفة ليست صحيحة ولكن يأتِ الشيخ وطويل العمر عبيد الحدب ويقول سمعت ان خواله من الرويشد ولاهو متأكد .
إذاً لماذا تهجمت وتلفظت بألفاظ غير لائقة بحق من قالوا بأننا سمعنا إن الحدب خال خلف ابن دعيجا .

أراك تناقض نفسك بنفسك وجئت بشيء عكس ما كنت تطالب به وهو المصدر .

[خلف الرويتع]

هلا ابو روز انا في الحقيقه اسمع ان خوال خلف ابن دعيجا الثابت فقط والم اسمع ان الحدب هو خال خلف ابن دعيجا وعندم قلت للمطني انني سمعت مثل ماسمع اقصد سمعت بالسالفه بدون تحديد اسم و ان خواله الثابت وليس محمد الحدب بنفسه لذلك انا اتسف واعتذر عن الفهم الخاطي حيث انني لااقصد ان محمد الحدب هو خال ابن دعيجا انا سمعت ان ابن دعيجا خواله الثابت وعبيد الحدب لم ينفي اعتقادنا ان الثابت خوال ابن دعيجا ولكنه ينفي ان محمد الحدب هو خال ابن دعيجا اخي ابو روز ليس هناك تناقض في الموضوع ولا شي يعني انا شخصياً اتفق مع عبيد الحدب ان خال ابن دعيجا ليس محمد الحدب وليس من الحدبان ولكنه قد يكون ثابتي فقط ولانعلم ماسمه ومن اي الثابت هذا مافهمت من الموضوع وامل ان يتوقف النقاش عند هذا احد وتصحيح الاخطاء واجب نحن نريد الحقيقه وعندم يتضح الحق فمن الواجب الاعتراف بالخطاء والاعتذار حتي لايتم النقل الخاطي وهذا نسب وكل ماأبتعدنا عن الخوض في الانساب كان افضل واحسن وعبيد الحدب معه حق في توضيح الحقيقه حيث انه معني بالموضوع والاخوان في مضايف شمر مثل المطني و خالد ومشعل والراوي الغسلان كلهم يبحثون عن الحقيقه ولايمنع التراجع عن بعض النقل اذا اتضح خطاء النقل وهذه شجاعه ادبيه وواجب اخلاقي يمتاز به اعضاء مضايف شمر في الاخير اشكر جميع المتحاورين في هذا الموضوع وامل في المستقبل ان يكون النقل نقل صحيح بعيد عن الاخطاء تقبلو احترامي

[نايف حزوم]

مرحبا يا الحيمري بس ابي ارد عليك ليه مذبحتو بن رمال يوم زوج بنت ابوتايه 00000وشمر معليهم من واحد جوز بنته لضروف خاصه بل شمر هم الى اضهرو بن دعيجاء وابو تايه وشكرا
باجي والحيمري يابعد راسي انت وياه الموضوع انتهى على خير . ولكن الظروف لها اكبر دور فيي حدوث هالقصص والسوالف الخارجه عن طبيعه الباديه والا كان ما صارت ومحد مجبور يجوز لشخص لا يرغب به .فمثلا المرأه الذي تزوجه الشراري .لقاه بالخلا واخذاه بدل ما تاكله الذيابه واكرمه ودور اهله ونشد ويوم ايس تزوجه وجابت خلف طير شلوى.اذن ما عليه لوم لا هي ولا اهله ومع ذلك يشكر للشراري صنيعه.
بالنسبه لابن رمال ما زوج عوده ابو تايه من فراغ والكل يعرف عوده ابو تايه تاريخ رهيب لا يشق له غبار سواء ضدشمر اوضد الدوله العثمانيه وعمل له الانجليز فيلم تكريما لجهوده .
المهم ان ابن رمال استعان به بعد ما ضاع حقه واغتصب من ابن رشيد واعطاه لخواله الجرذان وهي عباره عن ديره او جو حسب ما سمعت.لذلك لجأ الى ابو تايه و طلب النصره والفزعه فما كان من ابو تايه الذي هو عدو لابن رمال ان اجابه وفزع له وما زال يشن الغارات تلو الغارات حتى ارجعوا لابن رمال حقه غصب مقابل وقف الغارات.وبعد هالفعل خطب ابو تايه من ابن رمال ومن المستحيل ان يرده ولكنه قاله ما عندي من البنات الا بنت اخي وهي عقيم وما هي صاحيه قال ابو تايه انا
راضي به وفعلا زوجه اياه.فمن اللي يقدر يلوم ابن رمال او يتكلم عليه الا واحد مايخاف الله .فالاوليين اللي حاضرين السوالف هذي ماذكر عنهم اي كلام او عتاب سواء للثابتي او لابن رمال بل بالعكس عيال الحمايل يتسابقون لخطبه بنات الثابت وال رمال.ولكن الظروف يا اخي والفعل اقوى من العادات والتقاليد بهالسالفتين.وتقبلا مودتي وتقديري انتما وجميع الاخوان.وليكن دائما طرحنا بهدوء وعقلانيه.
المطني, مرحبا بك يالغالي وكثر الله من امثالك مع الاخوان الواقفين عند الحق ولا يتعدونه.
والسلام عليكم ورحمة الله وبركاته .

[المطني]

نايف حزوم

نعم كما قلت قصة غضبان بن رمال بسبب مساعدة عودة ابو تايه له واسترجاع حقه الذي سلب منه فجزاه عندما خطب منه ابنت اخيه زوجها له رد جميل . وكذلك الثابتي

[الحيمري]

باجي والحيمري يابعد راسي انت وياه الموضوع انتهى على خير . ولكن الظروف لها اكبر دور فيي حدوث هالقصص والسوالف الخارجه عن طبيعه الباديه والا كان ما صارت ومحد مجبور يجوز لشخص لا يرغب به .فمثلا المرأه الذي تزوجه الشراري .لقاه بالخلا واخذاه بدل ما تاكله الذيابه واكرمه ودور اهله ونشد ويوم ايس تزوجه وجابت خلف طير شلوى.اذن ما عليه لوم لا هي ولا اهله ومع ذلك يشكر للشراري صنيعه.
بالنسبه لابن رمال ما زوج عوده ابو تايه من فراغ والكل يعرف عوده ابو تايه تاريخ رهيب لا يشق له غبار سواء ضدشمر اوضد الدوله العثمانيه وعمل له الانجليز فيلم تكريما لجهوده .
المهم ان ابن رمال استعان به بعد ما ضاع حقه واغتصب من ابن رشيد واعطاه لخواله الجرذان وهي عباره عن ديره او جو حسب ما سمعت.لذلك لجأ الى ابو تايه و طلب النصره والفزعه فما كان من ابو تايه الذي هو عدو لابن رمال ان اجابه وفزع له وما زال يشن الغارات تلو الغارات حتى ارجعوا لابن رمال حقه غصب مقابل وقف الغارات.وبعد هالفعل خطب ابو تايه من ابن رمال ومن المستحيل ان يرده ولكنه قاله ما عندي من البنات الا بنت اخي وهي عقيم وما هي صاحيه قال ابو تايه انا
راضي به وفعلا زوجه اياه.فمن اللي يقدر يلوم ابن رمال او يتكلم عليه الا واحد مايخاف الله .فالاوليين اللي حاضرين السوالف هذي ماذكر عنهم اي كلام او عتاب سواء للثابتي او لابن رمال بل بالعكس عيال الحمايل يتسابقون لخطبه بنات الثابت وال رمال.ولكن الظروف يا اخي والفعل اقوى من العادات والتقاليد بهالسالفتين.وتقبلا مودتي وتقديري انتما وجميع الاخوان.وليكن دائما طرحنا بهدوء وعقلانيه.
المطني, مرحبا بك يالغالي وكثر الله من امثالك مع الاخوان الواقفين عند الحق ولا يتعدونه.
والسلام عليكم ورحمة الله وبركاته .


الاخ/نايف حزوم تشكر وتسلم

انا تراني مارديت على الاخ باجي على شان بن رمال اللي يقدر يرد عليه اللي عنده اكيد من السالفه

بعدين هذا الموضوع كله من اصله ماينفع

[نايف حزوم]

الاخ/نايف حزوم تشكر وتسلم

انا تراني مارديت على الاخ باجي على شان بن رمال اللي يقدر يرد عليه اللي عنده اكيد من السالفه

بعدين هذا الموضوع كله من اصله ماينفع
_______

هلا بك يالحيمري الموضوع انا استفدت منه فايده وهي ان الطيب والنوماس والمرجله ماله اصل .اللي يفعل الخير والطيب نقوله ونعم ايش ماكان اصله واللي يجيب الردى نعرض عنه وندور له حسنه من حساناته نذكره به لان المسلم لا يعدم الخير ولازم له فعل خير كالصلاه والصدقه وغيرها.واذا اخذنا بهالطريقه نكون رجعنا لاصل الاسلام لا فضل لعربي على اعجمي ولا لابيض على اسود الا بالتقوى وبذلك يصلح المجتمع .ولا هنت انت ومن يقرأ

[عبيد الحدب]

بسم الله الرحمن الرحيم

إلي الأخ أبو روز , أنا بموضوعي إلي حطيه , أعتقد إني وضحت فيه , وحطيت التوضيح باللون الأحمر علشان محد يقول مثل كلامك , بس الظاهر إنك ما إنتبهت , أنا على العموم قلت هذا الكلام مو أكيد وطلبت أحد من هذا الفخذ يوضح كلامي إذا فيه غلط , مو حطيت قصص ونشرتها ولا بعد حطيت عدة رواة مثل ماقالو بعض الناس بدون توضيح أو أي حاجه أو طلب المساعده من أحد .

أخوكم : عبيد الحدب

ملاحظة : أنا أعتقد إني وضحت وبينت إن القصه هذي غير صحيحه ولا لها أساس , وعلشان كذا ببطل دخولي على الموضوع هذا

[خلف الرويتع]

هلا اخوي عبيد وهلا اختي ريوف

اخواني الاعضاء نحن في مضايف شمر نريد ان نوثق جميع القصص والراوايات الصحيحه فقط ونحن قد نخطي في النقل ولكن عندم تتضح لنا الحقيقه لايمنع ان نصحح الخطاء ونتراجع عن اعتقادنا السابق ونعتذر اذا كان الموضوع يستحق الاعتذار ونحن بحسن نيه ننقل بعض القصص المتوارثه وقد يكون النقل خاطي او غير صحيح فيجب من صاحب الشان ان يعترض على تلك المعلومه ويصححها وهذا هو المطلوب لايجب ان يزعل ويسب ويشتم دون ان يقول لنا مالذي ازعله وماهي القصه الحقيقيه واين يوجد الخطاء اخواني نحن نضيع الوقت والمال لتصحيح التاريخ فا قبيله شمر مثل غيرها من القبائل يوجد لهم مواقع قبليه تهتم بالقصص والتاريخ وهذا المضيف احد تلك المواقع اخواني الاعضاء احسنو اظن بنا فنحن نريد ان نفيد ونستفيد وباب النقاش مفتوح ولكن بدون تجريح او الغاء التهم جزافاً قبل معرفه السبب في النهايه احب اشكر جميع المتحاورين ونخرج من هذا الموضوع بمعلومه مهمه جداً وهي (( ان محمد الحدب ليس جد خلف ابن دعيجا وانا خلف ابن دعيجا خواله من الثابت فقط وليس الحدباً )) يجب على من ينقل في المستقبل من مضايف شمر ان يوضح ان خوال ابن دعيجا هم الثابت فقط حتى يعرف خاله من اي فخوذ الثابت وعند ذلك يوضح ويعتبر هذا الموضوع منتهي على هذه الخلاصه تقبلو تحياتي

[أبو روز]

ما قصرت يا ابو عتيق

[اركان الملحم]

السلام عليكم ورحمة الله وبركاته
والله والنعم من الخال والبناخي لكن لتعذروني اخواني اني سمعت ان خلف الدعيجه خواله الجربا وخاله فارس ولد صفوق الجربا والله اعلم بس تصوري الشخصي ان شمر ما تعطي الشرارات او الحوازم او غيرها من بعض القبائل للاختلاف في الطبع والعادات وليس من المنطق والعقل تعطي واحد حتى لو كان طيب وكريم وشجاع بس نسبه ما يكافئ النسبك وخلف فارس وشجاع وكريم لك عندي شك بالروايه لمعرفتي بقبيلة شمر

[اركان الملحم]

وبعدين اخوي عبيد الحدب انا معك ومعك حق تثور ومعك حق بكل الي قلته لان هذا تشكيك في اهلك وهذا غير مقبول من المطني او مشعل او الرواي هم يرضون يزوجون خواتهم لرشايده اكيد لا في قاعده تقول عامل الناس كما تحب ان يعاملوك وبعض سالفه مثل هذي مهي زينه بحق شمر كلها ان شمر يصرون خوال الشرارات والنعم بالشرارات ماهي مسبه لهم ولكن في اختلاف بالعادات والتقاليد وانا من اكثر اناس اقدر الشرارات وطيبهم وكرمهم والله رجال غانمين لكن النسب شي ثاني

وانا معك اخوي عبيد انهم لزم يجبون دليل البينه على من ادعى واليمين على من انكر

اخوك اركان الملحم

[ثابتي وافتخر]

بسم الله الرحمن الرحيم

اخوي باجي بنسبه لسوالك لا الحدب ما ناسب احد من الشرارت

والاخوان الي يقولون انهعم سامعين السالفه خلهم يذكرون اسماء

مايقولون سمعنا الكلام هذ غير صحيح الموضوع مو بس مجرد مشاركه

لازم الواحد يشارك فيها الي ما عنده دليل لا يتكلم ويشارك في الموضوع

اتحدا اي واحد يجيب ثابتي واحد يوافق علي الكلام هذ الغير صحيح

الحدبان هم شيوخ الثابت وتفتخر فيهم كل شمر ويجب علينا ان لا

نسكت علي الكلام هذ وانا ما استحقر الشرارت ونعم فيهم