تدعيس البطاقات من تحت الأبواب ..!!

[طاب الخاطر]

السلام عليكم ورحمة الله وبركاته
مادعاني للكتابة
أني وجدت قبل قليل ( كومة بطاقات )
مدعسينها من تحت الباب حق المجلس
ومعها بطاقات للعمام وبعض القرايب
طيب أرى أن في هذا تكليف على هذا
المدعو للزواج وفيه تذمر من البعض
وقد سمعت في بعض المجالس أنهم
لا يؤيدون هذا العمل
عن نفسي أرى أن فيها إحراج كبير
إن لم أوصلها مشكلة وإذا بغيت أوصل
كل بطاقة تجيني يبيلي باليوم ( ساعة )
أقل شي للدوران على العمام والقرايب
ممكن تفكونا من هذه العادة
التلفون أحسن من أنك تمد البطاقة
أو تكلف على الناس
هذا الموضوع كتبته على عجل
وآسف أغلبه بالعامي أو كله

في أمان الله

[بنت الجبل آخت القصيد]

فعلا صدقت

عاده انتشرت كثيررررررررر

واغلب الناس مايحضرون الزواجات يقولون ماانعزمنا
وبعد فتره يكتشفون ان بطاقاتهم عند الفلان

المفروض اللي يبي الناس يجونه بنفسه يكلف على نفسه يومين يوزع البطاقات كلهن
بنفسه الله لايهينه

شكرا على هالموضوع

لاهنت ولاتهت
/
\
عطرالمضايف

[((عبدالله بن غيث))]

أأيدك بهذا الرأي أخي الغالي ....!
أرى فيها كلافه ...

لك تحياتي

[حمـود]

كلام صحيح اخي طاب الخاطر

كثير من الناس يقول لماذا لا افعل

(وش زود الناس عني)

اخي هل تعلم انها صارت ظاهرة (مفاخر)

شكرا لك على هذه كلمات

دمت بخير

[ولد غامد]

السلام عليكم ورحمة الله وبركاته
صار العريس زي العروسه قاعد ويتدلع الى ليلة عرسه ليه؟؟؟
المفروض يقوم هو واخوانه الله لا يهينهم يوزعون الكروت للمعازيم
اما يوهق الناس في كروت عرسه مالها داعي
اما اللي عايشين في قراهم هذولي مرتاحين اخر جمعه قبل العرس يقوم شيخهم ويقول اليوم الفلاني عرس فلان على بنت فلان وانتهينا
مشكور اخوي على هالموضوع

[ابن السيافا]

أأيدك بهذا الرأي أخي الغالي ....!
أرى فيها كلافه ...

لك تحياتي

[ريتاج]

اي والله انك صاادق....

بس وش يبي يفكنا من النااس<< ليش ما ارسلو بطااقاات او ليش ماسوو


ومشكوور اخووي ومااقصرت

[مقبل الضوي]

ظاهر للاسف انتشرت والمشكله محد راضي يوزع الدعوات
كل الناس تعبانين هههههههههههه

[غالب]

عزاالله انك صاج

[الصايح الزلفاوي]

كلامك صحيح
ولدي إضافة إن أذنت
أقول إن الكروت اللي تطبع قديمة ومتعبة فلما يكون عندي زواج بحايل وعندي دعوات مطبوعة راح أوزعها على الناس اللي في الديرة
وربما لي أقارب بالرياض أو الشرقية فما راح أرسلها لهم سأتصل عليهم تلفون أو رسالة جوال
فليش ما نخليها كلها تلفون ورسايل جوال ، بدل من التكليف على فلان وعلان
والآن في النت مواقع رسايل بأقل من 100 ريال يرسل للي تبي ما عليك إلا تدخل الأرقام اللي تبي
وتصلهم بإسمك
موضوع جميل الله يعافيك