عطر القصيد في ورطه أفزعولي ياموظفين التعليم ؟؟!! [الأرشيف]

مشاهدة النسخة كاملة : عطر القصيد في ورطه أفزعولي ياموظفين التعليم ؟؟!!

بنت الجبل آخت القصيد

17-06-2008, 04:21

السلام عليكم ورحمة الله ...
من يشتغل بالوزارة ياليت يفزع لي
الحين حطو تسجيل وظائف الخدمه المدنيه بالنت قلنا اسهل واسهلين

ثاني شيء :
الموقع ثقيل بشكل ماتوقعته كذا لدرجه اجلس بالساعه والساعتين
انتتظر مايحمل معي والى الان ماكملت تسجيلي
من سجل وكمل تسجيله يفيدنا ياليت

ثالث شيء :
اذاا وصلت للمرحله المكانيه
يطلب مني
1- مركز التقديم الذي تقيمين فيه وترغبين التقديم عليه:
اختار مركز واحد فقط
2- الرغبات المكانية للوظائف التعليمية :
مطلوب عشر رغبات وشلون اختارهم
يعني اختار الرغبه الاولى واضغط على التالي لاني حاولت وتعبببببببببببت

ثالث شيء :
الاحتياج مانزل وشلون نسجل على عمانا مانعرف كل منطقه اش محتاجين ؟!!

رابع شيء والاهم :
انا سجلت بالخدمه المدنيه من تخرجي الى الان مره واحده فقط فهل تحسب لي
نقطه او لا
يعني الحين اقدر اسجل بمدينه ثانيه انا مو ساكنه فيها بس
تخصصي مطلوب عندهم يعني بكليتهم مايدرسون تخصصي
واقول انشاء الله انقبل و
او مايصلح لازم اكون من سكان هذه المدينه
واذا سجلت تروح نقاطي المحتسبه لي بالتسجيل السابق

ياليت من عنده خبرة او معرفه ينصحني
اسجل بمدينتي الاولى او بالمدينه الثانيه

هاه وش رايكم تنصحوني بأيش؟!!!

/
\
عطرالقصيد

عبدالله المهيني

17-06-2008, 04:41

طبعاً في البداية لا تتوقعين انه بيكون التقديم على النت أسهل من غيره
خصوصاً من طرف وزارة التربية والتعليم

لان مواقعهم دائماً غبيه

حتى إحنا لما نجي نسجل بالدورات التدريبية وإحنا نعمل في الميدان
نواجه صعوبات كبيرة مع انه المفروض الشغله سهله

الرغبات المكانية تختارينهم واحد تلو الثاني
إلى أن تكملي العدد المطلوب طبعاً لو بغيتي
لانه حتى لو بغيتي تحطين رغبة واحدة عادي أو أي عدد بس الأفضل إنك تكملي الرغبات كامله

الاحتياج
شيء طبيعي انه ما ينزل الاحتياج
عشان تحطون رغباتكم .. واذا ماتوافقت مع الاحتياج
تكونون صرتوا تحت تصرف الوزارة وتعينكم على حسب الاحتياج لا على حسب الرغبة

يعني شغله إستغباء مع الأسف

هذا اللي عندي وأقدر أفيد فيه
وأدري إني ماوضحت لك كامل أسئلتك بس البقية ماعندي عنها خلفية

والله يكتب لك التوفيق

نافع بن طواله

17-06-2008, 04:47

بنت الجبل آخت القصيد

17-06-2008, 04:53

نافع ياخيي انا بالكويت
وسجلت ولاطبنا ولاغدا الشر

المشكله محتاجين تخصصي بالحيييييل بس الشكوى لله على الظالم والمفتري
بكل ديره لازم فيتامين واو معك قبل تدخل الامتحان

قلت بسجل بالخفجي يمكن ربي يحنن قلبهم علي

/
\
عطر القصيد

بنت الجبل آخت القصيد

17-06-2008, 04:57

عبدالله المهيني

اسفه ماانتبهت لردك قبل الاخ نافع الماوس يتحرك بسرعه

اعذرني

الحمد لله كملت التسجيل هذي عادتي بس اطلب مساعده احل مشكلتي بروحي
بس السؤال المهم

ركز على رابع شيء محتارة اسجل باي منطقه اللي سبق وسجلت بها او منطقه ثانيه
لانهم قالو يلغى تقديمي اذا غيرت المدينه
/
\

بالمختصر..

17-06-2008, 13:57

أنا ماعندي خبره بهالأمور ..!!

بس اللي أعرفه إن باقي أسبوعين قبل لايوقف التسجيل

إنتي هدي بالك يمكن ضغط عالموقع ..

وحاولي تدخلينه الفجر بهالوقت أعتقد يخف الضغط ..

الله يوفقك .. و بشريني إذا جد شي :)

.
.

((عبدالله بن غيث))

17-06-2008, 14:05

يا جماعه تعالوا للكويت

الكويت اقرب من نجران

وراتب الرجال = 8500 ريال
وراتب البنت = 7700 ريال

والبنت اللي تبي تسافر للجنوب او 200 كيلو هذا اذا كانت قريبه عند اهلها راح تكون محتاجه انها تنقل للعيش عند مدرستها هي ومحرمها

يعني لا راتب يستاهل ولا المكان قريب

اقول تعالوا للكويت خلوه يتعاقدون مع الصين الشعبيه

يعينون المعلمات باقصى الشمال والمدرسه اللي عند بيت المعلمه فيها نقص لنفس التخصص

وصلوا هالكلمه للوزير ( انت ما تخاف الله )

تبون الصدق انا مع أخوي نافع ...

والله يوفقك اخت عطر القصيد أنشالله يساعدونك الأخوة ,,
الله يفرجها بس الناس تخلص تبي ترتاح بالأخير تلقى قدامها ألفين مشكله منها مشاكل التسجيل الله يعين الكل...

تحياتي للجميع,,

عبدالله المهيني

18-06-2008, 02:19

بس السؤال المهم

ركز على رابع شيء محتارة اسجل باي منطقه اللي سبق وسجلت بها او منطقه ثانيه
لانهم قالو يلغى تقديمي اذا غيرت المدينه
/
\

التسجيل في الخدمة المدنية
كل سنة بـ سنتها

يعني انتي سجلتي السنة الماضية بالخفجي مثلاً
والسنة هذه حابه تسجلي في الدمام

فـ على حسب معرفتي ما فيه أي مشكلة
لأن تسجيل العام الماضي خااص بالعام الماضي
وتسجيل السنة هذه خاااص بالتسجيل بالسنة هذه

ويمكن قياس هذا على تسجيلك للرغبات
إنتي العام الماضي سجلتي رغبات والسنة هذه بتسجلي رغبات جديدة
ليه ماأعتمدوا لك رغبات العام الماضي ؟

لأنها خاصة بالعام الماضي ولا لها علاقة بالسنة الجديدة
كذلك التسجيل بالخدمة المدنية نفس الحكاية

والله يكتب لك التوفيق أختي

نافع بن طواله

18-06-2008, 03:00

عطر القصيد

اكيد تقديرك مقبول

وغير كذا انا مستعد ادابك لك فيها وخلي اي واحد من اهلك يواصلني وانا مستعد امشي بها

بنت الجبل آخت القصيد

18-06-2008, 05:19

بالمختصر

مشكورة على الاهتمام
وابشرك سجلت الحمد لله

/
\

بنت الجبل آخت القصيد

18-06-2008, 05:32

عبد الله المهيني

شكراً على الاهتمام اخوي

اللي اقصده اننا كل سنه نسجل بالديوان تحسب لنا نقاط وبكذا كل سنه تزيد فرصة التعيين لنا

يعني العام سجلت ومعي دوره يحسب لي نقطتين
والسنه هذي سجلت ومعي دورتين مثلا وخبرة يحسب لي نقاط اكثر وكذا

واذا سجلت بمدينه ثانيه تلغى كل النقاط اللي جمعتهم ويحسب لي من جديد
لو كان معي 6 نقاط مثلا

يحسب لي هالسنه 3 مثلا

وانا مابي اخسر نقاطي
وبنفس الوقت ابي اتوظف لو كان بمدينه ثانيه...

اللي عام سجلت بس متوفر التخصص
وابي اسجل بمدينه ثانيه الحين لان مافيه تخصصي عندهم
واخاف تروح علي نقاطي

/
\
ومشكور اخوي

بنت الجبل آخت القصيد

18-06-2008, 05:52

عطر القصيد

اكيد تقديرك مقبول

وغير كذا انا مستعد ادابك لك فيها وخلي اي واحد من اهلك يواصلني وانا مستعد امشي بها

تسلم والله ماقصرت
ذكرتني ببيت يقول :
الجود ماهو جود من عند بابه "*** " مليون سيارة ومليون سواق
الجودجوداللي قليل(ن) زهابه"*** " واليا عطى يعطيك من كل الاعماق

بس انا تقديري جيدجداً وتخصصي علمي
المشكله ماهي فينا المشكله باللجنه اللي يمتحنونا

لدرجه مدرسه اعتذرت من التدريس وكملت ماجستير وصارت استاذه بالجامعه لفترة مدري سنه او سنتين بعدين غيرو نظام دوامها لبعد الظهر ماناسبها لانها متزوجه وعندها اطفال ومسؤليات
جت بترجع للتدريس قالو لها لازم امتحان وامتحنت 3 مرات ومانجحت ومدري الحين اذا توفقت او لا

ومدرسه احياء لمده 8 سنين وبعدين حولت اداريه وقالت برجع اخبرها بسادس امتحان ولانجحت

يعني مدري وش يبون

قالو لازم فيتامين واو

ومع هذا جبنا واسطه ومو حي الله واسطه الا عضو بالمجلس
ولاطبنا ولاغداء الشر

واخر شيء قالت جارتنا ولايهمك ابو فلان بس ينجح بالانتخابات ابشري
وكلمته عندنا قال ابشري بس انجح انشاء الله خير
وتفائلت ومسكت الكتب وهات يامذاكره
بس للاسف اول سنه ماينجح هالسنه <<<على وجهي
المهم رحت الامتحان
يوم طلعت من الامتحان كنت مبسوطه وابشرهم تروني ناجحه
ويوم طلعت النتائج من بكرى قالو مانجحتي
قلت حسبي الله ونعم الوكيل

ومع هذا كله براسي حبن ماطحن
والى الان بسجل وبنجح غصبن عنهم

مافيه الى اني ارفع يديني لعزيز الجلالي وادعي
والله يستجيب دعائي

/
\

اذا تعينت بقلب المضايف قلب من الفرحه

بس انتظروني مدري هالسنه او السنه الجايه

/
\
عطر القصيد

بنت الجبل آخت القصيد

18-06-2008, 06:01

تبون الصدق انا مع أخوي نافع ...

والله يوفقك اخت عطر القصيد أنشالله يساعدونك الأخوة ,,
الله يفرجها بس الناس تخلص تبي ترتاح بالأخير تلقى قدامها ألفين مشكله منها مشاكل التسجيل الله يعين الكل...

تحياتي للجميع,,

مشكور اخوي كحل المحاجر

مشكور على المواساة
صحيح التقديم بالنت شوي مو واضح ببعض الحاجات مثل الرغبات المكانيه
ماعرفت اختارها الا بالصدفه
يعني اللي ماعنده خبره بيتوهق فيها
وكل سنه يقولون بيتوظف 15 الف وكل سنه تطلع اشاعه
كل بيت تلقى فيه اقل شيء بنتين او ثلاثه متخرجات لو اتوظفو كل الخريجات
انحلت ازمه كبيرة للشعب
اقل حاجه تشيل مصروفها بنفسها وتساهم مع اهلهاوتعوض امها وابوها

هذا اقل هديه نقدمه لهم جزاء تعبهم وسهرهم علينا
/
\

اعذرني ماشفت ردك الا بعد مانزلت ردي حسبت ردك بعد اخوي نافع
/
\
عطر

نافع بن طواله

18-06-2008, 07:16

عطر وش امتحانه ؟؟

انا اتكلم عن الكويت ترى

على العموم

خلي اي واحد من اهلك يكلمني وانا حاضر

بنت الجبل آخت القصيد

18-06-2008, 08:28

اخوي نافع
فيه امتحان و مقابله
امتحان تحريري ومقابله شخصيه
هذا النظام ينطبق على الكويتيات والخليجيات والمصريات والسوريات
صحيح اول الكويتيات بس يقدمون وتنزل وظائفهم اما السنه الماضيه فيه مقابلات
قمة الغباء انهم يحددون مستوانا من خلال كم سوال

اعرف مدرسه نجحت بعد 4 امتحان والحين هي مدرسه اولى ماشاء الله

لكن أرجع وأقول

رزقي مقسوم وقدري محتوم واحوال الدنيا لاتستحق الهموم
وجعل الله في كل تاخيرة خيرة

ووكلت امري لرب الارباب ومسبب الاسباب
القادر على كل شيء

/
\
عطر

نافع بن طواله

19-06-2008, 16:55

اقول المقابله اعتبري امرها منتهي

عندي

هاني العجل

19-06-2008, 17:22

.

الله يوفقك أختي

** كفو كفو نافع **

من أهله

.

..طيف الأمل..

25-07-2008, 11:25

عطر
الحين وشلون ما فهمت
انتي كويتية والتقديم بالنت بالسعودية وشلون يصير؟؟

بنت الجبل آخت القصيد

27-07-2008, 04:49

نافع

لاهنت اخوي

بنت الجبل آخت القصيد

27-07-2008, 04:51

هاني العجل

شكرا لمرورك

بنت الجبل آخت القصيد

27-07-2008, 04:55

عطر
الحين وشلون ما فهمت
انتي كويتية والتقديم بالنت بالسعودية وشلون يصير؟؟

سعوديه تجميع كويتي هههههههه

الا انا سعوديه بس ساكنه بالكويت
وعادي مفتوح لي المجال بالتقديم على الاثنين
الحين قدمت وخلص الامر كنت اسال عن تقديم الخدمه المدنيه بالسعوديه
وانتهيت

شكرا لمرورك واهتمامك

/
\
عطرالقصيد

..طيف الأمل..

27-07-2008, 10:19

أجل بالتوفيق ياوخيتي

ريتاج

28-07-2008, 07:26

ياليت اقدر اساعدك....

بس والله ما أعرف شي...

اللي اعرفه اني ابي اجلس بالبيت زي بأيت الخلق

بس مالك الا انك تفرشين سجاادتك ... وادعي ربك

ربك مارااح يضيعك.....

والله يوفقك......