سعودي تجميع كويتي .... [صور]

[العَـــروب]

صبحكم الله بالخير




هذي طريقة لطبخ الربيان بالصور
لذيييييييييذة لا تطوفونها
اللي يطوفها ما عنده سالفة بتاتا البتة <-- باقت العبارة من واحد نفر :)



اول شي يتنظف الربيان عدل وينحط بالجدر على نار قوية
بروحة ما معاه شي لا ماي ولا ملح ولا شي ابدا بس الربيان





http://www.x88x.com/2009/H6T62514.jpg (http://www.x88x.com/)





بعد اقل من نص ساعة يتحول شكله نفس الصورة
هني يكون استوا خلاص فترفعونه عن النار





http://www.x88x.com/2009/Nnr62644.jpg (http://www.x88x.com/)





الحين تسوون حمسة على النار تتكون من:

ثوم - بصل مفروم - كزبرة مفرومة - اشبنت - فليفلة باردة مقطعة مكعبات صغار - طماطم مكعبات صغيرة - فلفل احمر اي نوع تحبونه




http://www.x88x.com/2009/s9j63708.jpg (http://www.x88x.com/)




بعد ما تستوي ينضاف الربيان

طبعا ينضاف للحمسة هالبهارات:

كمون - ملح - فلفل - بهارات سمج - كاري




بعدين تسوون عيش مشخول عادي
لما يقرب يستوي تحطون الحمسة فوقه بالجدر




http://www.x88x.com/2009/uBK63921.jpg (http://www.x88x.com/)




تخلونه نص ساعة مغطى
طريقة النجاب (السكب) ان تشيلون طبقة الربيان اللي فوق نفس هالصورة





http://www.x88x.com/2009/Per63998.jpg (http://www.x88x.com/)




تنجبون العيش بصحن التقديم وبعدين تضيفون طبقة الربيان من جديد





http://www.x88x.com/2009/b6L64060.jpg (http://www.x88x.com/)




يتقدم مع صلصة خضراء حارة

عبارة عن:

بقدونس (شدّة وحدة) - حبتين طماط - فلفل اخضر حار حسب الرغبة - فلفل بارد اخضر - ملح

ينضرب بالخلاط ويتقدم



http://www.x88x.com/2009/G5z64112.jpg (http://www.x88x.com/)









وهني وعافية rooose2

[شام]

يمي يمي يمي
شكله لذيذ
سأجربه
تسلم ايدك جود
ويعطيك العافية يا كلي

[ابو ضاري]

ماشاء الله عليك ياجود ...تسلمين

[العَـــروب]

الله يعافيج شام

جربيه وما تخسرين


حياج الله rooose2

[العَـــروب]

الضاري

الله يسلمك

عليك بالعافية


حياك rooose2

[أبوطروق]

امتلا افمي ماء من شفت الصور


(عاد الحين منين لي احد يسويلي ربيان)


مشكورة ياجود وبكرا مسوينه مسوينه



سوعال : هل جود = بريئة ولكن او ام يوسف

:

[العَـــروب]

هلا ابو طروق
عاش من شافك

والله كسرت خاطري
جربه باجر واذا ما ضبط اسويه بايديني وادز لك اياه لبيتكم



اي انا بريئة / ام يوسف :)

[أبوطروق]

مشكورة يام يوسف ولتس علي قدركم مايرجع فاضي (اعبيه كبسة حايلية)


الا شلون تغيرين اسمتس بدون ماتذبحين ذبيحة

:

[العَـــروب]

^
^
^


عليك بالف عافية


وترى ذبحنا وعزمنا وسوينا حفلة بملفي
انت اللي غاط مادري وين كنت : )

يالله اعتبر الربيان حلاوة الاسم الجديد :)


حياك الله rooose2

[منيف الوبيري]

ذبحن الجوع ياجود

[بـنـت النـور]

صباااااااااااااااح الطبخ والمطبخ
وش هذا ياام يوسف والله مجرمه هههههههههههه :)
انا وش جابني هنا من صباح ربي
طبخ مميز ورووووووووووووووعه
يعطيك العافيه وننتظر المزيد يامميزه


دمتي بنور

[((عبدالله بن غيث))]

يا ام يوسف الله يهديك يعني مالقيتي تنزلينها الا بيوم الأثنين ,,..!
لان أيام الأسبوع مقسمينها بالبيت كل يوم شكل , والأكل البحري بس يوم الجمعه ..
الحين وش بيصبرني ليوم الجمعه.
خخخخخخخخخخخخخخ

مشكورة أختي لاهنتي ..

تقبلي تحياتي

[ضي الحروف]

يووووه عاد انا ميتة من الجوع توي صااحية

يعطيك العافية يالغالية

بروح ادور لي عيشة

:)

[قمر اللــيل]

جود تسلمي ياقلبي على النفس الحلو مرة حلوة الطبخه


طيب ابي اطبق وارد لك الخبر

تقبلي

[العَـــروب]

ذبحن الجوع ياجود


يخسى الجوع :)

[العَـــروب]

بنت النور الله يعافيج يالغالية

هذا وانتي ما شميتي الريحة ولا ذقتيه <-- إجرام :)

حياج الله يالغلا منورة يا نور rooose2

[العَـــروب]

كحل المحاجر

لا تنطر للجمعة
غيّر الجدول تغدّاه اليوم :)


بالعافية

[العَـــروب]

مضاوي العلي


جربيها ما تخسرين
ادري اجرمت فيكم ذابحكم الجوع :)


عوافي على قلبووو rooose2

[العَـــروب]

قمر الليل

حلت دنياج يا قلبي كلج ذوووق

طيب عطيني خبر اذا جربتيها


وعوافي rooose2