فاقـــــديـن الهـــــويــه

[الشمريه المجهوله]

ترى النخاوي لغير اهلها حسافات
ابــوك ياراســ(ن)مابه حميـه
وترى الهقاوي لغير اهلها حرامـات
غشــيم ياراجي النفوس الــرديه
مابه حــلا .. لاصار وقتي مدارات
وقت الخــوي بالضيق يترك خـويه
وتــرى الردى والطيب بينه مسافات
بعــد البحــر الميت عن الثــريا
والطيــب ماله حــد ولاله مكانات
تلقاه عنــد اضعوف وناس(ن) غنيه
يعشق شجاع(ن) قرم من الرجال نقوات
اللي صــدى علمه نسمــع دويــه
يادار من بعــدك عشــنا ذليــلات
صرنا اغرابــ(ن) فاقــدين الهـويه
كنا انتــذرأ بالطــنايا وعـــزات
وبأسـم شمـــر بكل ضيقه انتفــيا
واليـــوم انا بديار نجــد العذيـات
ويــن اليلبي الصـــوت للشمـريه
ماذللن بطــش العــدو والخيانـات
نفسـي هــواه الموت وعشق المنـيه
عفــنا رفاه الــذل وعـار الملذات
وأرواحــنا للــدار تبقــى وفـيه
وامــزج بدمي مع دموعي شعـارات
وأكتــب بها ابيــوت حــره ابيـه
الين تمطر دمــع لـ حزني السماوات
وتعلــن حـداده الأرض ع الغايـريه
ورجعت ابــدع من جــروحي مقالات
وأعلــن حقايق عنــد غيـري خفـيه
بعــد الكــرامة سـيرونا الأهـانـات
بــس الوعــايــد حملـونا هــديه
وعليك يامتابــع تملــى الفــراغات
صـــرنا عبيد وللأجـــانب رعيـه




وســــلامتكم

بقلم الشمـريه المجهـوله

[((عبدالله بن غيث))]

صح لسانك يالمجهولة ,,,
حس رائع وحرف صادق ,, لولا ان الوزن خانك ...



تحياتي لك اختي اتمنى لك التوفيق بطريقك ...


تقبلي تحيااتي

[أم نــــــــــواف]

هلا بك اختي

بارك الله فيك

وعسى الله يرحم الحال

[نافع بن طواله]

الشمريه

محاوله جميله تحتاج مراجعه للوزن في ابياتها

[الشمريه المجهوله]

كحل المحاجر
حياك اخي الكريم وصح الله بدنك
من فضلك وضح وين الغلط وصحح الوزن مع ان
قصيدتي كتبتها اكثر من عام
وحازت على اعجاب الكثير من الشعراء الكبار والنقاد
ومتذوقين الشعر


تحياتي

[نافع بن طواله]

اختي الشمريه

انتي تكتبين ابيات موزونه ولكن تقعين في بعضها دون الانتباه ودون التدقيق فيها


اعطيك مثال


ابــوك ياراســ(ن)مابه حميـه

لو صار الشطر كذا

ابوك يا راس ٍ ولابه حميّا

كان ماشفنا اي كسر


وهذا مجرد مثال

[الشمريه المجهوله]

هلا بك اختي

بارك الله فيك

وعسى الله يرحم الحال


هلا وغلا
تسلمي عزيزتي
رجاء خاص
امسحي جميع مشاركاتي
لأن الاعضاء الكبار مايرغبون بوجودي هنا
تحياتي لجنابك الكريم

[ريال الفسحه]

مرحبا

قد تبدعين في بحر ولايبدع به غيرك وقد اتقن بحر
وان لم اكن شاعر ..

ملحوظه



ترى النخاوي لغير اهلها حسافات


موزون وعلى المسجوب ...




ابــوك ياراســ(ن)مابه حميـه

فيه خلل ..






وترى الهقاوي لغير اهلها حرامـات
غشــيم ياراجي النفوس الــرديه


موزون




مابه حــلا .. لاصار وقتي مدارات
وقت الخــوي بالضيق يترك خـويه


موزون




وتــرى الردى والطيب بينه مسافات
بعــد البحــر الميت عن الثــريا


به خلل بالشطر الثاني ..



والطيــب ماله حــد ولاله مكانات
تلقاه عنــد اضعوف وناس(ن) غنيه


موزون




يعشق شجاع(ن) قرم من الرجال نقوات
اللي صــدى علمه نسمــع دويــه



به خلل




يادار من بعــدك عشــنا ذليــلات
صرنا اغرابــ(ن) فاقــدين الهـويه


خلل


وهكذا بيت سليم واخر به خلل ..



قد يكون الخلل بفارق اللهجه يمكن ماكتبتي كل ماينطق


الله اعلم



مجرد راي يصيب ويخطي




ع العموم


صح لسانك قصيده مفعمه بالاحساس

[الشمريه المجهوله]

اختي الشمريه

انتي تكتبين ابيات موزونه ولكن تقعين في بعضها دون الانتباه ودون التدقيق فيها


اعطيك مثال


ابــوك ياراســ(ن)مابه حميـه

لو صار الشطر كذا

ابوك يا راس ٍ ولابه حميّا

كان ماشفنا اي كسر


وهذا مجرد مثال


هلا ومرحبا اخي الكريم
بالعكس هلحين صار كسر بالبيت
الافضل كذا
ابوك ياراس ٍ مابه حميه
اتمنى ان ياصلك ديواني الصوتي
وتسمع اداء القصيدة وطريقة اللفظ تختلف عن الكتابه
وعلى كلا ُ كفيتوا ووفيتوا ماقصرتوا يالعزوه استقبال وحفاوة ترحيب
بأختكم الشمــريه
تحياتي لجنابك الكريم

[نافع بن طواله]

لا تعليق

[((عبدالله بن غيث))]

أختي الشمريه وانا اخوك لاتحسبين التعليق او النقد يقلل من جمال القصيدة لا وانا اخوك بالعكس قد يضفي عليها جمال ورقي..

فالشاعر او الشاعره مهما كان لابد ان يتقبل النقد بصدر رحب ,, ولولا النقد ماطلع شعار وانا اخوك , مثال شوفي شاعر المليون وبرامج الشعر ,, لولا النقد ماطلعوا شعار هالبرامج على الساحه الشعرية..
وبالعكس وانا اخوك الاخوان وكلنا والله نستقبلك ونستقبل كتاباتك بصدر رحب لاكن لايمنع وانا اخوك انه يكون هناك تعليق واختلاف في وجهاة الانظار....
وثقي ثقه تامه كلنا من متابعيك ,,, وثقي أيضاً في هالمثل((ماحد ولد من بطن أمه عالم))
كلنا نخطي ونصيب قد يكون في تعليقنا غلط وقد يكون هناك صواب وأبن آدم خطاء ...
أكرر وأقول ,, التعليق والنقد لايقلل جمال القصيدة مهما كان ,, بالعكس ..
ولا نسمح لك وانا اخوك تحذفين مشاركاتك عشان نقد...
وبالعكس نتذوق للقصيدة مهما كانت ولو ماتذوقنا لها كان مانقدناها , أضرب لك مثال على نفسي , انا لا انقد ألا أذا أعجبت بمجمل النص .
أنقد وأبدي وجهة نظري فقط عل وعسى أن يضفي جمالاً أكثر للنص..



تقبلي تحياتي
((عبدالله بن غيث))

[المطنوخه]

صح لسانك

وغصب نقبل القصيده كما أهديتيها لعدم طلبك النقد فيها

الشمريه معارضه مع أخواني الذين سبقوني

تملكين من الاحساس مالا يملكه غيرك

محاوله رائعه ويكفيها احساسك اللذي يتخاج حروفها

وصدقيني لك مستقبل رائع بالشعر

أستمري فأنتي مبدعه

سأبقى حيث تكونين لمتابعة أحاسيس رائعه وكتابات أروع

تقبلي مروري