من الأرض تطلع لا شجر............؟؟؟؟؟

[الاعصار]

السلام عليكم ورحمة الله وبركاته


اليكم لغز من العيار المتوسط


..................


من الارض تطلــع يـــالربع..........وتشوفــها بعالي الســــبـع
تنــزل تعــــــــــود ترتــفـع..........ذا ســـلمــــهـا شـي أكــيــد
....
من الأرض تطلــع لا شـجر..........لو هي تفــــوق بالثـــــمـر
لكـن ثمـــــــــاره تــــــدخـر..........ليومٍ على العاصــي شـديد
....
اعْــظُم سَبعْ جاءْ ذ ِكْــرهِن..........سِيدْ البِشَرْ هــــــو قالِـهِـنْ
جَـتْ بِنتِنــا بِعْـــــــــلوهِـن..........من خصِـــــته ربحـه يزيـد
...........................


تحيتي وتقديري للجميع

[ريال الفسحه]

السنبلات السبع ؟

[الاعصار]

اخوي ريال الفسحه
مرحبا بك
السنبلات السبع مالك لوى
تحيتي لك

[صلفيق]

الأعصار ... مساك الله بالخير دائما


وشرايك بحصوات رمي الجمرات بالحج

ودي أصير أحسن من رمعة أخوي سلمان ..!

[الاعصار]

اخوي صلفيق
صباح الخير
الرمعه مالك لوى
تحيتي لك وتقديري

[راعي البيرق]

اليكم لغز من العيار المتوسط


هلا بالإعصار .. هذا اليعار المتوسط .. كيف العيار الثقيل :d:
الله يستر ..

لكن عندي رمعه .. وشرايك بـ ( العدالة ) ..
يقول الرسول صلى الله عليه وسلم سبعة يظلهم الله في ظله يوم لا ظل إلا ظله .. وذكر أولهم .. إمام عادل ...
والعداله نازله من فوق سبع سموات من الله .. وصاعده وتكون من البشر .. ولها ثمار ومن ثمارها في الدنيا والأخره .. وهي من السبع التي ذكر الرسول ، ومن أولهن .

<ــــ غصب يبها صح :d:

[الاعصار]

اخوي راعي البيرق
مرحبا بك يالغالي
واللغز كنت اذا ماقدمته اعتبره من العيار الثقيل ولكن بوجودك ووجود اخوي صلفيق قيمته متوسط الله يزيدكم
الرمعه مالك لوى واللغز محتاج تمعن وتمحيص اكثر من الالغاز السابقه وان شاء الله تصلون للحل
واللغز يسأل عن حاجه لاتخفى الجميع
تحيتي لك وتقديري

[صلفيق]

الأعصار ..
مساك الله بالخير

شرايك " بالشمس " ، لو أعتبرنا شروقها مجازا خروج من الأرض . ومغيبها كذلك في الأرض !
ويمكن تخزينه الأشعة الضوئية كطاقة في مجالات كثيرة ..!


رمعة ثانية

ليش ماتكون " السحابة " ..! فهي عبارة عن أبخره من البحار والمحيطات على الأرض ، وتنزل المطر على الأرض . ولا يخفى على الكل فوائد الماء ..!

تحياتي لك

[الاعصار]

اخوي صلفيق


مالك لوى يالغالي


ولاتنسى البيت التالي


من الأرض تطلــع لا شـجر..........لو هي تفــــوق بالثـــــمـر
لكـن ثمـــــــــاره تــــــدخـر..........ليومٍ على العاصــي شـديد

[العَـــروب]

يمكن التهليل ؟؟

[الاعصار]

يمكن التهليل ؟؟

مرحبا فيك
التهليل مالك لوى وما اسأل عنها مشاهده بالعين
تحيتي لك

[راعي البيرق]

رمــعه يالاعصار ..
وشرايك .. بـ بئر ماء زمزم ..
هي تأتي من باطن سبع الأرضين التي ذكرها الرسول الكريم صلى الله عليه وسلم ..
وهي تطلع من الأرض وليست شجر ، كذلك يدخر ثمرها لليوم الأخر ..
كما قال صلى الله عليه وسلم ماء زمزم لما شرب له ..
فقال الصحابي لما شرب اللهم أنه لعطش ذاك اليوم ..

وشرايك ..

[العَـــروب]

^
^
^


والله يجوز

بس شنو السبع اللي ماي زمزم افضل منهم ؟ :232r:

[الاعصار]

راعي البيرق
هلابك يالغلا
الرمعه ماصادت الحل
لاتنسى
تنزل تعود ترتفع....ذا سلمها شي اكيد
انتظر مرماعك القادم

[الاعصار]

بريئهـ ولكنـ..
هلا بك يظهر انك فهمتي علي غير ماقصدت انا ماقلت هي الافضل ولكن قلت هي بعلوهن اي فوقهن
وقولي اعظُم سبع المقصود فيه السبع جميعاً
تحيتي لك

[العَـــروب]

مو سورة الفاتحة \ السبع المثاني ؟

[راعي البيرق]

هلا يالإعصار .. :)


.. وشرايك بعلامة السجود على الجبين من الآرض
وهي سابع عضم يسجد عليه .. وفيها ارتفاع .. ونزول ..
ومدخره لذاك اليوم .. الله يجعلنا من السالمين فيه ..

[الاعصار]

بريئه ولكنـ..
مالك لوى
تحيتي لك

[العَـــروب]

جابها راعي البيرق :thumb:
اشوفه ساكت قاعد بالموضوع ساعة كاملة توقعت بيجيب الحل وجابه

ما شاء الله تبارك الله

[الاعصار]

راعي البيرق
صح لسانك وعلا شانك وسلم فكرك يالغلا
ماشاء الله عليك بيض الله وجهك
نعم علامة السجود
هي باعلى اعضاء السجود السبعه
ومن الارض تطلع اي بسبة الارض عن طريق الاحتكاك
واعظُم سبع بضم الظاد كماورد بالحديث ( امرت ان اسجد على سبعة اعظم)
بارك الله فيك اللغز فيه من الصعوبه ولكن مايصعب عليك الله يزيدك

[الاعصار]

جابها راعي البيرق :thumb:
اشوفه ساكت قاعد بالموضوع ساعة كاملة توقعت بيجيب الحل وجابه

ما شاء الله تبارك الله
تأييدك للرمعه دليل تفهمك للغز بارك الله فيك

[راعي البيرق]

صحت أبدانكم .. الاعصار .. أم يوسف ..
والله جالسه معي خفت منه ، كانت له محاولات جاده ..
ويعطيك العافيه أخوي الإعصار على مثل هذه الألغاز ..
التي تنشط الفكر ..وتزيد من سعة الإدراك .. وتحمل على التحليل ..
وأخذ كل المعطيات بعين الإعتبار أثناء التفكر ..

لا شك مدرسة يالإعصار .. الله يعطيك العافيه ..

[وافي الزنيدي]

السلام عليكم ورحمة الله وبركاته

مساكم الله بالخير جميع
كل يوم اكتشف قسم جديد بهالمنتدى ماشاء الله :3ajebni:

[صلفيق]

أخوي الأعصار ..
صح لسانك ،، وأنشهد انه لغز فعلا له قيمته [كماهي ألغازك دائما] .


أخوي راعي البيرق ..
ضح لسانك وبيص الله وجهك _ ماشاالله عليك _ سلمت وسلم تفكيرك يالغالي .
أيه خلنا نشوف لغز جديد ..!

أم يوسف ..
والله إنك تخمشتي الحل _ ولو أسعفنا الوقت .. أتوقع تجيبين الحل ! بس راعي البيرق ماشاالله عليه ماعطى فرصة .
بس بصراحة _ صح لسانك أم يوسف ، وخيرها بغيرها ..!

[ثامر]

راعي البرق تسلم وصح لسانك ولسان الاعصار