غدااا البدىء فى الانسحاب الاسرائيلى والامريكى من القدس وغزه والعراق و العمل ب الدرهم

[اميره مصريه]

النهارده الساعه 3 العصر وانا فى طريقى للبيت والدنيا زحمه وقفت فى اشاره مش عاوزه تفتح ابدا
زهقت قلت اطفى العربيه اصلها بتسخن واسمع الراديو اهى حاجه تسلينى
فتحت الراديو لاقت المذيعه بتقول اسيبكم مع اغنيه رزان مغربى الجديده قلت مش مشكله اى حاجه
ولاقيت حد بيغنى بس الظاهر انه عيان عنده برد
طفيت الراديو وقلت اغمض عنيه لحد ما الاشاره تفتح
غمضت عينى لاقيت حد بيخبط على الايزاز فتحت لاقيت عسكرى مرور طيب و كبير فى السن قلتله نعم؟
قالى انتى رابطه الحزام كده ليه وشكلك مخنوق
قلتله اعمل ايه ياعمو ما انت عارف المخالفات ومخنوقه من الى بيحصل
قالى انتى مجنونه انتى مش عارفه بالى حصل ولا ايه
قلتله حصل ايه يعنى

قالى افتحى الراديو بسرعه قلتله خير ايه قالى افتحى بس يابنتى
قلتله حاضر ياعمو
سمعنا المذيع بيقول:
بيان القمة العربيه رقم واحدتم توجيه ضربات قويه وعنيفه للعدو الاسرائيلى والامريكى ولقد تفاجا العدو بعدة هجمات متفرقه واضطر للاستجابه لمطالب الوطن العربى
بالانسحاب من القدس وغزه والعراق وتسليم الجولان لسوريا
انا مش مصدقه قالى على الراديو يابنتى
عليته على الاخر اهو ياعمو
بيان رقم اتنين
تم توحيد العملات العربيه الى عملة الدرهم العربى وفتح الاسواق العربيه والغاء الحدود بين الدول وسيتم العمل بهذا باكرا
بيان رقم ثلاثه
فى حالة توجيه اى مساعدات من الدول الاوروبيه لامريكا او لاسرائيل يتم منع تصدير البترول الى هذه الدول
انتهى ........انا مش عارفه اتكلم
ولا مصدقه معقووووووله قلت انا بحبك اوى ياعمو
انت مصدق ؟ قالى صدقى يابنتى خلاص ولى عهد الظلم ولى عهد الخزى والعار
ولاقيت الناس حواليه فرحانين وكانه عيد
قالى عمو صدقتى بقى فكى الحزام ده انتى بتمشى على سرعة 20 كيلو بالكتير فرحت ونزلت قلتله احكيلى بقى الى حصل ده
قعدت على العربيه وهو قعد يحكيلى

قالى امبارح بليل القوات الامريكيه فى العراق فؤجئت بهجمات عليها من الجيش العربى
ولاقت الصورايخ الايرانيه متوجهه ناحيه اسرائيل وقواعد امريكيه
اما بقى مصر فادمرت كل البارجات البحريه وحاملات الطائرات الى فى المياه الاقليميه بتاعتها
والخليج يابنتى وقف انتاجه من البترول والغرب قلبهم هايوقف خايفين مننا لحسن مش نديهم بترول تانى
امريكا واسرائيل لموا الدور وعند طلوع الفجر مش هتلاقى لا اسرائيلى ولا امريكى فى الوطن العربى
قلتله عند طلوع الفجر؟
قالى اه ادخلى بقى عربيتك من الشمس بكره الحاجات ترخص وتصلحى التكيف ده
انا من الفجر رايح ادور على ابنى فى العراق
دخلت وانا هاموت من الفرحه
وعماله اقول عند طلوع الفجر
شغلت الراديو لاقيت اغنية وطنى حبيبى الوطن الاكبر يوم ورا يوم امجاده بتكبر وانتصاراته ماليا حياته وطنى بيكبر وبيتحرر وطنى وطنى
غمضت عنيه وانا بحلم امتى الفجر يطلع يااه
ده انا اول حاجه هاعملها هاطلع على القدس اصلى ركعتين شكر لربنا
ايوه ماهو خلاص هاقدر اخد الباص وكام ساعه وابقى هناك
وهاقدر اروح العراق اسلم على اخواتى الى اعرفهم من المنتدى واساعدهم يبنوا بلدهم تانى
ده انا كمان هاروح سوريا اسلم على احبابى الى هناك اكيد هايقللوا سعر الطيران ماهو بقى خلاص طيران داخلى جو الوطن العربى
فضلت مغمضه وانا عماله اسمع اغنيه الوطن العربى
لحد ما لاقيت تخبيط جامد على الايزار ببص لاقيت ظابط
قلتله ايوه وانا مبتسمه قالى
صباح الخير ياستى
ضحكت قلتله لا انا ماكنتش نايمه حضرتك
قالى الاشاره فتحت من سنه وانتى نايمه؟
قلتله معلش فرحه تحرير القدس خلينى اسرح
قالى تحرير ايه ياختى ؟
قلتله ايه ده انت ماسمعتش البيان بتاع القمه العربيه
عند طلوع الفجر امريكا هاتخرج من العراق كمان
قالى والله؟
طب انزليلى بقى واركنى على جنب لما نشوف حكايتك ايه
استغربت اوى هو بيكلمنى كده ليه
قالى ايه ده الفانوس ده ماله مكسور ليه
قلتله مش انا الى كسرته ده اتوبيس نقل عام بس انا جبته ولزقته كده لحد ما السوق العربيه المشتركه تشتغل والحاجات ترخص
قالى كمان سوق مشتركه؟
بصيتله باستغراب جداا
قالى هاتيلى رخصك بقى
جبتهاله ولاقيته بيسحبها وبيدينى وصل قلتله لييييييه
قالى امن ومتانه
متانه ايه وامن ايه انت شايفنى ماشيه ب 3 عجلات ايه يعنى فانوس ملزوق ماهو بينور برده تفرق معاك ايه الشكل حرام عليك
قالى القانون كده
وسياتك بقى مش رابطه الحزام لييييه
قلتله ده انا فى اشاره والشارع اصلا واقف
قالى ادفعى غرامه فوريه
قلتله طب هاتقبل الجنيه المصرى
قالى ليه بتمشى بدولار حضرتك
قلتله لاء بس خلاص الدرهم العربى هايشتغل من بكره
قالى اااه درهم
انت بقى شربتى ايه النهارده
قلتله عيب حضرتك صدقنى القمه عملت كل ده
حتى اسال عمو الى كان هنا هو الى قالى خلاص عهد الظلم والخزى والعار هاينتهى عند طلوع الفجر
قالى وعمو ده كان لابس ابيض فى ابيض
قلتله لا كان لابس اسود فى اسود
قالى انتى هاتشتغليلى
قمة ايه الى عملت كل ده
ده الشمس هى الى عملت كده فى دماغك
ايدك على الغرامه والرخص
اديته الفلوس والرخص وانا مذهوله
هو فى ايه؟
هو انا كنت بحلم كل ده
يعنى اسرائيل لسه فى فلسطين
والامريكان فى العراق
والجولان مش رجعت لسوريا
ايه ده وفين عمو بتاع المرور الى كان بيكلمنى انا اتجننت ولا ايه ياربى
بركب العربيه وماشيه لاقيت عمو عسكرى المرور قاعد بيبع مناديل وهدومه مقطعه وحالته صعبه
قلتله عمو عمو انت فيييين
مش انت قلتلى عند طلوع الفجر امريكا واسرائيل هاتمشى والدرهم العربى بدل الجنيه ساكت ليه
راح بصلى من فوق لتحت وقالى امشى يابت من هنا
ركبت العربيه وشغلت الراديو تانى يمكن اسمع حاجه تاكد انى مش مجنونه
لاقيت اغنية بحبك يا****
سكت وعرفت انى كنت بحلم ومشييييت فى الزحمه والحر وانا بسمع بحبك يا**** و رابطه الحزااااااااام




يارب يجى اليوم الى ما يبقاش حلم
يارب تعجكم قصتى الى رسمتها بامانى مستحيله وواقع مرير لازم نرضى بيه
ولا ايه رائيكم

[الشاهري العبيدي]

هذه احلام النصر


ولتحقيق نصر لا بد من الاتيان باسبابه

وهى معروفة

ولا اقل من التوبة الفرية والاستغفار

وترك الذنوب والمعاصي


وحمل هم الاسلام والدعوة





احلام نتمنا ان نرى ولو مقدمات لها


كل الشكر لك اختى الكريمة

[جاسم الدندشي]

اميرتي


اكيد يا اميرتي اما انك في حلم او انها كذبة نيسان

تأكدي

ان ما قراته حلما يدغدغ مشاعرنا
فتأكدي رجاء

حلم اكيد

لااااااااااااااااااااااااااااااااااااااا ااااااااااا كذبة نيسان
الكذب الجميل اذا حقق عروبتنا ولو للحظة صرنا نشعر انه بهاء ورضينا فيه

ليت كل ايامنا واحد نيسان تبدأ السنة من 1 \ نيسان \ 2008 الى اخر العمر
عسا تعيد الينا عيوننا المسروقة
وتنثر الفرح


هل تعلمي يا اميرتي ان العرب هم الاعضاء الدائمون في مجلس الامن لقد صدر قرارا في واحد
نيسان اعتبارهم ذلك ارضاء لعيون بوش الذي يحبنا وكم كانت فرحة قبيلتي فرقصوا وقالوا الاناشيد
الوطنية الا ان فرحتهم لن تطول ...


كذبة نيسان قد تعيد الينا احلامنا



rooose2rooose2

[أبوطروق]

"حلم الضبعة"


أميرة مصرية لك كل الشكر على ماكتب قلمك من كلام استمتعت بقرائته

ياليت يتحقق هالحلم (حلم كل العرب)



شكرا أميرة وأحلام سعيدة

:

[ريم شمر]

حلم جميل .........لاندري قد يتحقق ...



اهلا بك اميره مصريه

اسلوبك جميل جدا وبسيط ويدخل القلب

والفكرة اكثر من رائعه


شكرا لك ..واتمنى ان يتكرر هذا الحضور المذهل

[منصور الغايب]

حلم جميل ... بجمال ماخطت اناملك ...

اهلا وسهلا بك بيننا ...

بداية تبشر بخير ...


وحلم نتمنى ان يتحقق ... ولكن .... ؟!!


تقبلي الاحترام ..

[سلمان النبهان]

شكرا اميرة مصرية وسلمي على عمووووووو
حضور للحلم العربي بقالب فكاهي ساخر
قلمك مميز ياميرة فلا تبخلي علينا بجديده ...

[اميره مصريه]

هذه احلام النصر


ولتحقيق نصر لا بد من الاتيان باسبابه

وهى معروفة

ولا اقل من التوبة الفرية والاستغفار

وترك الذنوب والمعاصي


وحمل هم الاسلام والدعوة


احلام نتمنا ان نرى ولو مقدمات لها


كل الشكر لك اختى الكريمة

اخى الشاهرى
اكيد ما نحن فيه من ابتلاء ماهو الا نتاج اعمالنا
الله يهدينا جميعا ويهدى .....
ونعيش لحد مانشوف ولو مقدمه واحده لامل جديد
مرورك اسعدنى جدااا يااخى
دمت باخير

[اميره مصريه]

الكذب الجميل اذا حقق عروبتنا ولو للحظة صرنا نشعر انه بهاء ورضينا فيه

ليت كل ايامنا واحد نيسان تبدأ السنة من 1 \ نيسان \ 2008 الى اخر العمر
عسا تعيد الينا عيوننا المسروقة
وتنثر الفرح



اخى الكريم جاسم
سعادتى ليس لمرورك المتميز فحسب بل لانك فهمت ما كان يدور بمخيلتى وانا اكتب هذه القصه الساخره
لقد كان هدفها الاول ان اظهر عروبتنا التى اشتاق اليها
عروبتنا التى تعمدوا ان ينزعوها مننا
ليكون لكل واحد منا وطن
وننشغل بخلافاتنا
لقد رسمت هموم مواطن بسيط
يؤلمه مايحدث ولا يستطيع ان يصرخ ليقول انا معكم
فقررت ان اصرخ بدلا عنه صرخة ترسمها ابتسامه بائسه وحلم رائع
لو تحقق سيتوقف قلبى عن النبض ل لحظات
وينبض مره ثانيه وكان نبضاته هى طبول الفرح وبشائر الخير

لكن .....
شكرا اخى عن مرورك الذى اسعدنى
فى امان الله

[اميره مصريه]

حلم الضبعة"


أميرة مصرية لك كل الشكر على ماكتب قلمك من كلام استمتعت بقرائته

ياليت يتحقق هالحلم (حلم كل العرب)



شكرا أميرة وأحلام سعيدة

ابو طروق اسعدنى ان كلماتى اسعدتك كنت خائفه ان لا يعجبكم الاسلوب العامى باللغه المصريه الحديثه :)
واكيد هذا الحلم هو حلم كل عربى لاننا جسد واحد لن يهنأ عضو وعضو اخر يتألم ويصرخ
يارب يتحقق :za3lan:
واحلام سعيده جدااا لكن بدون شرطى المرور وسحب الرخص والغرامه :315r:
تحيااتى

[اميره مصريه]

حلم جميل .........لاندري قد يتحقق ...



اهلا بك اميره مصريه

اسلوبك جميل جدا وبسيط ويدخل القلب

والفكرة اكثر من رائعه


شكرا لك ..واتمنى ان يتكرر هذا الحضور المذهل
لا تسالينى كيف يتحقق هذا الحلم :za3lan:
ولا تسألى غيرى ايضا
والله انا فرحانه انه الحمد لله دخل قلبك لانه كان خارج من جوه قلبى
وبجد فى لحظه نسيت انى بكتب قصه وسرحت فى الحلم الجميل ده وانه لو حصل ولو ليوم واحد
اسعدنى مرورك وردك الى دخل قلبى
ودمتى بخير

[اميره مصريه]

حلم جميل ... بجمال ماخطت اناملك ...

اهلا وسهلا بك بيننا ...

بداية تبشر بخير ...


وحلم نتمنى ان يتحقق ... ولكن .... ؟!!


تقبلي الاحترام

اخى منصور الغايب
اشكرك على مرورك اخى الكريم
اعجبتى كلمة ولكن....
فهى تحملها خلفها اسوار وقيود واغلال تمنع هذا الحلم
تحياتى الك

[اميره مصريه]

شكرا اميرة مصرية وسلمي على عمووووووو
حضور للحلم العربي بقالب فكاهي ساخر
قلمك مميز ياميرة فلا تبخلي علينا بجديده ...

اخى سلمان النبهانى
عمو لو شافنى تانى هايقتلنى هههههههههههه
ساعات الهم الى مش بنقدر عليه بنضحك عليه :za3lan:
واخجلت تواضعى ده من ذوقك بس
اسعدنى مرورك الجميل
دمت بالف خير

[لوليتا]

*
*


ويبقى حلما !!!



اميرة مصرية roooose


كم الاحلام جميلة امنيات نصيغها بشكل الحلم نعيشه ونصدقه احيانا كما لو كان حقيقة

واعتقد سر تاخرنا الى هذا الوقت للان لحل تلك القضايا العربية وتلك المهانات المستمرة

هو اننا نعيش الحلم

يعنى كل شئ تمام وعال العال ومش محتاج احلام ولا كفاح ولا جهاد :)

والا كنا تحركنا لمحاولة تحقيق الامنيات :za3lan:




اختى العزيزة

سرد طيب واسلوب جميل وبسيط يدخل القلب

سلم قلمك


لك ارق تحياااتى

roooose

*

*

[اميره مصريه]

ويبقى حلما !!!



اميرة مصرية roooose


كم الاحلام جميلة امنيات نصيغها بشكل الحلم نعيشه ونصدقه احيانا كما لو كان حقيقة

واعتقد سر تاخرنا الى هذا الوقت للان لحل تلك القضايا العربية وتلك المهانات المستمرة

هو اننا نعيش الحلم

يعنى كل شئ تمام وعال العال ومش محتاج احلام ولا كفاح ولا جهاد :)

والا كنا تحركنا لمحاولة تحقيق الامنيات :za3lan:




اختى العزيزة

سرد طيب واسلوب جميل وبسيط يدخل القلب

سلم قلمك


لك ارق تحياااتى

roooose

*


اختى عذرا لتاخرى فى الرد عليكى
لكن صدقينى ردك هو الى يدخل القلب rooose2
لن نتوقف عن الحلم حتى وان تحقق لاحفاد احفادنا :za3lan:
شكرا على مرورك ونورتى الموضوع

[ابو راكــــــــان]

اميره حلم جميل وتواجد اجمل

ويارب يتحقق

وينصرهم يارب

[جبل شمر]

الصنف مضروب ياستي

[اميره مصريه]

الصنف مضروب ياستي


اخى جبل شمر بالرغم من ان الموضوع طواه النسيان الا اننى لم اقرا هذا الرد الا الان لتغيبى فتره
لكننى لم اتمالك نفسى من الضحك :solh:
تقريبا كان مضروب فعلا مش هاعمل كده تانى هههههههه
شكرا على مرورك



اميره حلم جميل وتواجد اجمل

ويارب يتحقق

وينصرهم يارب

اخى ضيدان التومي شكرا على ردك وعذرا للتاخير
وياااارب يتحقق ولو انه مش باين للاسف

[اسامه السنعوسي]

اميره اميره اميره انشالله انك صحيتي من النوم


صحصحي يابنتاخيي ابيك بسالفه


فلسطين والعراق


ماتحقق باحلام الطعميه ...........والملوخيه بالارانب................وطبق كوشري


يابنتي


تحرر فلسطين ..........والعراق

بثلاثه اشياء

الاولى الجهاد وسواعد رجال عاهدوا الله عزوجل على اثنتين

1\ النصر
2\ الشهاده

الثانيه

رجال عاهدوا الله عزوجل وصدقوا معه..........

وضرب الجبخان مثل يوم العيد عندهم

الثالثه


حينما تكون جموع المصلين في صلاة الفجر ...مثل جموع المصلين يوم الجمعه

حينها والله لنصلي بالقدس

ونزور ربوعنا بربيعه والموصل


اما الاحلااام فدعيها


لان الامه تحلم

الا من هؤلاء الذين ذكرتهم عاليا
____________________________________________________________________________

على فكره يااميره

الكوشري وشو والله مااعرفه

عمري يتلمس الخمسينات وانا مااعرف هالكشري الي مزعجيننا به بهالتلفزيون

وانا اتوقع انه مايتعدى ثلاثه الكشري

1\ اما انه شاهي
2\ او اكتنه مرق
3\ او طير يشبه للقطاة ولهو قطاة

الوكاد الي يعرفه لايخلينا

ربعي ياهلي

راح عمري وانا مااعرف الكشري

انا مانخيتكم على كايده ........نخيتكم على الكشري

ولا انتم ابيكم للكبيره

تحيات محبكم اسامه السنعوسي