عبدالله معيوف المويس
22-03-2008, 16:46
السلام عليكم ورحمة الله وبركاته
الجزء الرابع : راعي الريشا
غزت سنجاره بقيادة غضبان بن رمال وبرجس بن عردان شمال نواحي الحويطات وبني صخر والشرارات واللي حولهم . وقبل مايصلونهم بلهم وقت شافهم عوده ابو تايه وهو يجرد اهل الشمال كله الحويطات وبني صخر والشرارات والروله واللي حولهم بهكالمنطقه.ويوم قربوا منهم يمار اهل الشمال كله بوجيههم متولمة لهم . قال برجس بن عردان لغضبان ابن رمال وش الراي . قال غضبان: الراي انعزلوا الزميل وحد والغفيله وحد واقفوا عنهم.وحطوا دخيل للي يبي ينحاش تذبح ذلوله رجل قدامهم للي يبي ينير, اول مايرمي هو واخر مايمشي هو ويابغى ينحاش الرجل ثور بذلوله, ومناخ لنا ومناخ لكم ونبي هوش ساق . ولاحنا والله معطين جيشنا وركابنا وحنا حيين,ومثل ماقال, هذولاء هوشية الرمال: محمد بن عنقا وقماع الطبق هذولاء هم اخر مايثور واول مايضرب من الغفيله .وهوشية الزميل ثنين محمد المويس ودخان المخيمر, هالهوشية الاربع فرضلهم وجب باول كسب يجي ,ويوم انهم عدو عنهم الحويطات هذولاك ينوخون وهذولاء يضربون وليامنهم نوخوا هذولاء , هذولاك ضربوهم ياما يتعدون ونوخوا وهالون شغلتهم لياما بغت تغيب الشمس . وهو يصوت ابن رمال : لعودة ابو تايه : قال ياعوده , الحق. وهم يوقفون الرمي بين الطرفين وهو يجيه عوده ابو تايه.قال ياعوده حنا ماحنا معطينن جيشنا وحنا حيين , مار رح انت وربعك وش الفايده من المذابح لانتم اخذين ولانعدا والله بمكاننا مار فكونا والله من شركم , ناس ماعنده الا ارقابه وجيشه ولاهم والله معطينكم مار انكسوا .وهو يقوم عوده ينكسهم يهذب على الحويطات وينكسهم ويهذب على الروله وينكسهم وعلى بني صخر وينكسهم وهم ينكسون كلهم.
محمد بالمعركه اصيب بيده , جته لوه طلقة بيده وهو يرمي عليهم.
هذه ثالث وجب يفرض لمحمد . لكن هالمره ماخذاه بنفس المعركه لانه فك نفس وفك حلال ماهي كسب . لكن فرض له باول كسب يكسبونه . وخذوه باول كسب كسبوه.
التحايا للجميع واعتذر مرة اخرى على التاخير في الاتيان بهالقصص.
الجزء الرابع : راعي الريشا
غزت سنجاره بقيادة غضبان بن رمال وبرجس بن عردان شمال نواحي الحويطات وبني صخر والشرارات واللي حولهم . وقبل مايصلونهم بلهم وقت شافهم عوده ابو تايه وهو يجرد اهل الشمال كله الحويطات وبني صخر والشرارات والروله واللي حولهم بهكالمنطقه.ويوم قربوا منهم يمار اهل الشمال كله بوجيههم متولمة لهم . قال برجس بن عردان لغضبان ابن رمال وش الراي . قال غضبان: الراي انعزلوا الزميل وحد والغفيله وحد واقفوا عنهم.وحطوا دخيل للي يبي ينحاش تذبح ذلوله رجل قدامهم للي يبي ينير, اول مايرمي هو واخر مايمشي هو ويابغى ينحاش الرجل ثور بذلوله, ومناخ لنا ومناخ لكم ونبي هوش ساق . ولاحنا والله معطين جيشنا وركابنا وحنا حيين,ومثل ماقال, هذولاء هوشية الرمال: محمد بن عنقا وقماع الطبق هذولاء هم اخر مايثور واول مايضرب من الغفيله .وهوشية الزميل ثنين محمد المويس ودخان المخيمر, هالهوشية الاربع فرضلهم وجب باول كسب يجي ,ويوم انهم عدو عنهم الحويطات هذولاك ينوخون وهذولاء يضربون وليامنهم نوخوا هذولاء , هذولاك ضربوهم ياما يتعدون ونوخوا وهالون شغلتهم لياما بغت تغيب الشمس . وهو يصوت ابن رمال : لعودة ابو تايه : قال ياعوده , الحق. وهم يوقفون الرمي بين الطرفين وهو يجيه عوده ابو تايه.قال ياعوده حنا ماحنا معطينن جيشنا وحنا حيين , مار رح انت وربعك وش الفايده من المذابح لانتم اخذين ولانعدا والله بمكاننا مار فكونا والله من شركم , ناس ماعنده الا ارقابه وجيشه ولاهم والله معطينكم مار انكسوا .وهو يقوم عوده ينكسهم يهذب على الحويطات وينكسهم ويهذب على الروله وينكسهم وعلى بني صخر وينكسهم وهم ينكسون كلهم.
محمد بالمعركه اصيب بيده , جته لوه طلقة بيده وهو يرمي عليهم.
هذه ثالث وجب يفرض لمحمد . لكن هالمره ماخذاه بنفس المعركه لانه فك نفس وفك حلال ماهي كسب . لكن فرض له باول كسب يكسبونه . وخذوه باول كسب كسبوه.
التحايا للجميع واعتذر مرة اخرى على التاخير في الاتيان بهالقصص.