اللــغـــز المــطــلــوب

[النسناس]

اخواني الاعزاء اليكم اللغز الذي طلبتموه في مضيف قصة وقصيدة

اللغز يقول :


أنشدك عن رجل كفن ومدفون=ورج الديار بشقته للعباتي
حسبي على ناس خذوا منه مضمون=وباحوا بسره خاربين الصفاتي
دورٍ مضى كل العرب منه يشكون=باسباب مقرودٍ تلقى الشماتي



وسلامتكم / اخوكم النسناس

[عبدالله الجعيثن]

مافيه (بروحه)...

[اليم]

مايكون البركان او الزلزال.

[النسناس]

الاخ الغازي والاخ اليم ............... مالكم لوا

[عبدالله الجعيثن]

النسناس:

ماهو القطب حق بيت الشعر.

[النسناس]

الاخ الغازي مالك لوا ماهو القطب

[ابن جشعم]

اخوي النسناس



ماهو ,,, الثــــــــــــار ,,,

[النسناس]

مالك لوا اخوي ابن جشعم ماهو الثار

[الوبـيـــري]

الأخ النسناس

مهو النفط .. أو البترول

تحياتي،،،،

[شمالي]

اخي النسناس

يمكن يكون (الفقع)

[النسناس]

الاخوة ...... الوبيري + شمالي ......... آسف على التأخير

عموما مالكم لوا

[الوبـيـــري]

الأخ النسناس:


استلم الرمعات

1. الســــر

2. الفتق اللي بالراس

3. كليب التغلبي أو الزير سالم

[النسناس]

الاخ الوبيري ............. ماهي يمهن ......... ومالك لوا

[الوبـيـــري]

اخوي النسناس

استلم هالرمعات

الجنين او الحمل

اللغم

الجراد


تحياتي

[النسناس]

الوبيري هلابك والرمعات سماوي كلهن

[الخاطر]

صح لسانك يالنسناس مشاء الله الغازك كلها ثمينه .

عندي رمعه يمكن تجي ويمكن فيها احراج شرايك في اختبار الثانوي
لانه يجي مغلف من الوزارة والناس تتكلم في سيرته ايام الامتحانات:)
شكرا

[النسناس]

والله كفو يالخاطر وصح لسانك وهو اختبار الوزارة
تـــــــــســـــــــــــــــلــــــم