عواد العلي
11-03-2008, 17:59
(( لم يكتمل التنسيق ) ساعود بعد الصلاه
فواز الغسلان
ســلام بـه ســيـنــن ولام ومــيــمــي=تـلـفـي عـلـى عــواد راع الـتــاجـي
عـواد ضـعـنـا فـي رمـوش الـريـمـي=وحـبـه غـدى بـيـن الـضـمـايـر لاجي
انـا اشـهـد ان الجـفـن مـاهـو نـيــمـي=يـاويـل حـالـي بـالــظــلام الـداجـي
ومثلك رفـيـق الـعـمـر يرفـض ضيـمي=ولك فـزعـتـن تـقـدر تجـيـب عـلاجي
مـن دون مـعـروضـن يـبـي تـقـديـمـي=عـوايــدك تـفـزع مــع الـمـحـتـاجـي
ارجـوك تـصـدر حـولـهـا تـعـمـيـمـي=ان شـفـت راوي نـجـد مـاهــو نـاجـي
دام الـغـلا تـسـعـى تـبـي تـحـطـيـمـي=او يـخـتـلـف عـنـد الـعـرب مـنهـاجي
من شـان قبل الـسـيـن تـسـمـع جـيـمـي=تـامـر وهـي مـن فـوق بـرجـن عـاجي
واخـاف تـذبـحـنـي عـقـب تـصـمـيـمـي=لـو كـنـت مـع ربـعـي مـثـل هـداجـي
بـرمـوشــهـا تـقــدر عـلـى تـنـويــمـي=في لـيـلـتـن ظـلـمـاء بـدون سـراجـي
ان شـفـت رمـش الـزيـن تحت الـديـمـي=والـبـرق بـمـزون الـسـمـاء لـعـاجـي
وقـامــت تـغــنــج لابـغــت تـكـلـيــمـي=وش حـيـلـتـي بـمـصـادم الامـواجـي
وان حـاولـت عـقـب الـغـنـج تـرقـيـمـي=والـلـه فـلا اقـوى قـفـلـة الـمـزلاجي
وشـلـون اجـي من يـتـبـع الـتـنـجـيــمـي=والـعـــام رايــح لـلـحـرم حـجــاجـي
ارجـوك حــاول بـالـهــوى تـعــلـيــمـي=وشـلـون اقـاوم خـفــرتـن مـغـنـاجـي
لـك خـبـرتـن تـعـلا علـى الـتـقـيــيـمـي=ضـد الـعــذارى لـو تـجــيـك افـواجي
وانا اجـهـل الـتـخـطـيـط والـتـنـظـيـمـي=وهـذا سـبـايـب ضـيـقـتـي وازعـاجي
صارت سـبـايـك ضـامـري تـرهــيــمـي=مـن خـفــرتـن تـوضـي بـلا مـكـيـاجـي
وش ظـنــتـك مـالـلـهـوى تـطـعــيــمـي=لـو هـو خـبـيـثـن مـثـل طــعـم الـزاجي
واقـروا عـلـي الـكـهـف مـع حـامـيـمـي=وآخــر ثـمــان بـســورة الـمـعـراجـي
والا لـحـقـنـي بـالـهــوى تـســمــيــمـي=ان طـحـت فـي سـجـنـن بـلا مـخـراجي
-----** * * -------- عواد العلي -*
يامرحبا والجو برد وغيمي=والبحر هايج ثم زاد هياجي
صاغ الآوامر قايد التنظيمي=اجتاز حاجز رهبة الاحراجي
ان مافهمنا مانبي تفهيمي=ان ضعت ضاعو بعدي الافواجي
حتى ولو قالوا غشيم عليمي=ان خربت الطبخه نزيد الماجي
الفتل مبنين على التبهيمي=والنقض بابآ مؤصدآ بسياجي
مايفرق التشميت والتشتيمي=ياكود حرفن عن خويه لاجي
انا خبير بلعبة التوهيمي=شيدت من معنى القصيد ابراجي
من قبل يعلن صاحبي تكتيمي=والناس بعده قاطعو انتاجي
لكن معاالراوي نويت اهيمي=واعيش في واد المحبه لاجي
آخر حلول الطب للتنسيمي=كيه ويمكن يعثم الافجاجي
الحل بالتكبير والتسليمي=كثر السجود يعجل الافراجي
قال تعالى بسورة التحريمي=خاطب رسوله راعي المعراجي
ماهو تخلي ولا تحطيمي=ولكن راي لصالح الازواجي
يالجنة الانصاف والتحكيمي=ماكل نوتن يجيها عواجي
الراوي الشاعر يبي تنويمي=في غرفتآ ظلما بدون سراجي
حتى اكمل باقي التصميمي=ويبقى لي التنفيذ والاخراجي
ماني بشيعي يكثر التلطيمي=آخذلك المطلب بدون ازعاجي
الياوعدتك نفذ التخريمي=ترى الحلق موجود بالادراجي
صبرك علينا وانتظر ياعميمي=وشبك تلفلف كنك الحواجي
اركد وراقب لوحة التقويمي=بام القرى التقويم يالحجاجي
اول يناير موعد التسليمي=جهز مكان يعجب المغناجي
وان ماامسكت يمناك يمنى الريمي=ولم لي العجرى مع الكرباجي
فواز الغسلان
عــــواد فـكــن مـــن مـغــــثــة غــاده=صـبـري عـلـى عـيـن الـمـهـا مـافـادي
لـه عـــام يـقـــدح بـالـخـفـــوق زنـاده=وظــلـم الـغــلا لـلـقـلـب مـاهــو قـادي
مــدري عــلامـــه زايـــدن بـعــنـــاده=ويـكـثــر عــنــاده كـان قـلـنـا غــادي
يـاعــد ويـخـلــف بـالـهـوى مـيــعــاده=وهـو يـحـسـب ان الـحـال هــذا عـادي
وكـثـر الـمــعـاتـب والـزعــل مـافــاده=دامــه ربــط رجـــلــي بـدرب الــوادي
رجـلــي يابـوصـالــح وقــع بـقــيـاده=كـنـي غـريـقــن بـالـمـحـيــط الـهـادي
تـرفـض تـطـيــع الـقـــلــب والـلـي راده=فـي شـوف عـيـنــه ثـالــث الاعـيـادي
صـابـر وكــبــدي مــن جـفــاهــا بـاده=عـافــت مـشـاريــب الـهـنـى والـزادي
وان شـفــت هـجـران الـحـبــايـب عـاده=مـشــيـت خـلــف الـبــرق والـرعـادي
اتـبــع ظـــعـــون الـــبــاديــه واذواده=مـن شـرق عــرعــر لـيـن اجـي بـغـدادي
تـســري ذلــولــي وارتـكــي بـشــداده=وانـسـى الــديـار ودفــتـر الـمــيــلادي
والـطـعــس رمـلــه بـالــمـنــام وســاده=الـصـبـح صـدر وبـالـمـسـاء مـيـرادي
وابـــدع مــن الـقــيــفــان شـــد بـلاده=مـانـي لــقــيــفــان الـعــرب صـيــادي
الــقـــاف عــدة خــافــقــي وعــتـــاده=صـار لـقــواصـيــد الــهــوى جــلادي
انـه حـــرم عــيـــنــي لــذيـــذ رقـــاده=واصـبـح سـبـايــب عـلــتـي وانـكـادي
عـــــواد لاتـتــرك ظــــــلايــم غــــاده=والا يـمـــــــوت الــــراوي الـقــــصادي
--- \\ عواد العلي
هذي اصول الشعر يانقاده=خلك مثل فواز ياعوادي
من مصدر الغسلان جاب جداده=والرد من عواد شد بلادي
من قبل نبدا ردنا ياساده=اشرح لكم شكواه اول بادي
فواز قلبه في يد الصياده=الوضع يالاجواد ماهو عادي
ماللمهمه غير قايد قاده=مار ابشر اني عسكري وقيادي
ماني بسيفن يندثر بغماده=لاوالله الا جيت له متفادي
انا حليفه وضد اضداده=عدوه ابغض من الموسادي
الله حسيبي على ام قلاده=من حب غاده عن طريقه غادي
ابطلب العالم بحال عباده=يعين راوينا على مارادي
اللي جروحه دايم بزياده=ومحبوبته في هجرها تزدادي
الله عليها ماتكب عناده=ماتدري اني زايدآ بعنادي
حلفت لااقف على ميراده=واخيره بالطيب قبل زنادي
اما رضت فواز ابو اولاده=تلبس على غيره ثياب حدادي
ياهاجسي صوت عليه وناده=ورسالتي لبيه ياللي تنادي
ياابو فهد ريح وهاك وساده=عسى عيونك تألف المرقادي
--------- فواز الغسلان
ياحـمـود قـلـبـي من جفى الـزيـن مـهـمـوم=قـلـبـن على هجـر الحـبـايب ضعـيـفي
جـرح الـهـوى فـعـلـه بـالاجـواد مـعـلـوم=كـم واحـدن خــلا ربـيــعــه خـريـفـي
لاداج طـيـفـه بـالـخـفـى يـطـرد الـنــوم=ثـم يـتــهــشــم حـجـرهـا بـالــذريـفـي
لامــن لـمـحـت الـبـاب يـاحـمـود مـردوم=من عـقـب مـاكـانـت حـيـاتـي وريـفـي
والـقـلـب عـقـب الجرح مـايـنـفـعـه لـوم=ونار الـهـوى بالجـوف مـثـل الصريفي
قـلـبـن قـبـل ظـلـمـه من الوقـت مـظـلـوم=كـنـه طـريحـن مـن جـنـود الـشـريـفـي
ودنـيـاك مـاتـصـفـي لـنـا دايــم الــدوم=وزمـل الـفـرح ترجـع ظـعـونـه نـكـيـفـي
غـديـت مـثـل الـلـي قـلـب راسـه الحـوم=من عـقـب مـاهـو بالـحـبـاري يـحـيـفـي
باسـبـاب مـجـدولـن على الـمـتـن مـلـمــوم=لاطـاح مـن فـوق الـردايـف صفـيـفـي
وجـسـمـن سـقـاه الزين بالوصف مـبـروم=كـتـفـن وردفـن والـمخـصر صخـيـفـي
تجـمـع عـيـون الـفرس مـع بـشـرة الروم=وعـيـون شـامـيـه وهـرج الـقـطـيـفــي
خـشـفـن بزين الطـبـع والـعـيـن مـوسـوم=كـنـه عـروســن فـي لـيـال الـزفـيــفـي
خـــــده تـــلالا بـالـحــلا تـقــل مـخـتـوم=والـقــلــب مــع زيـن الحـلايا رهـيـفـي
والـلـه فـلا زيـنـه مـكـايـــيــج وهــدوم=يـكـفـيـك رمـشـن مـع سـواده نـظـيــفـي
خلت خفوقي عن حـلا الـبـيـض مـعـصوم=عن غـيـر زولـه بـالـعـذارى كـفـيــفـي
لولاي اخـاف الـلـه وعـادات وســلـوم=خـطـفـتـهـا مـثـل الـعـقـاب الـمـخـــيـفـي
في لـيـلـتـن نـور الـقـمـر طـاح بـغـيـوم=مـع ضـوح بـرقـن بـالـسـمـاء له رفـيـفي
والا كـمـا ذيـبــن عـلـى راس مـزمـوم=مـن نـار جـوعـه لـه قـنـــيـب وهـريـفـي
والا كما جـيـبـن عـلـى الـدرب مـنـهـوم=فـيـه الـدبـل جـاهـز ثـقـيـل وخـفـيـــفـي
فوقه شجـاعـن شـب فـي جـوفـه الـزوم=كـنـه لابـوصـــالح بـطـيـبـه وصـيــفـي
عواد شـوق الـلـي مـن الـزيـن مـوشـوم=الـلـي يـدوس الـــدرب لـو هــو كـلـيـفـي
نـسـل الـرجـال الـلـي لـهـا مـجـد وعـلـوم=الـلـي لـيـــاكــادت تـشـيــل الـرديــفـي
مـزبـان مـضـهـودن مـن الـقـوم مـضيـوم=الـلـي وقــع سـاقـه كــسـيـرن سـعـيـفـي
مـاهـو بـطـول الـدرب ضـايـع ومـنـجـوم=يـصـلـح لـمـن سـاق الـمـواتـر عريـفـي
يـفـزع لـمـن كـنـه عـن الـديـــد مـفـطــوم=لـه مـاقـفـن بـالـطـيـب مـاهـو طـريـفـي
الـشـاعـر الـلـي حـضـرتـه تـرهـب الـقـوم=ولالـي قـبـالـه غـيـر ربع الـنـصـيـفـي
مــار ان وقــت الـيـوم حـاكــم ومـحـكـوم=وراحــت بـحـمــد الله وقـوت الـزحـيـفي
وقـتـن مـضـى عـنــد الاجـاويــد مـذمــوم=كــان الـعـرب بـالـسـيـف دمــه نـزيـفـي
دخـلـت بـامـواج الـهـوى جـاهــل الـعــوم=واجـهـل طـبـايـع كـل جـنـســن لـطـيـفـي
والـيـوم قـلــبــي مـن هـوى الـبـال محروم=ونـتـيـجـتــه جـسـمـن عـلـيـلـن نـحـيـفـي
والادمــي رزقـــه مــقـــدر ومـقــســـوم=والـصـبــر مـلــجــأ كـل رجـلـن عـفـيـفـي
--------- عواد العلي
ياحمود تسمحلي وانا ابفرق السوم=نويت اشيل الحمل لوهو كليفي
ياحمود لك سرآ بالابيات مبهوم=فواز لاسمك كل يومآ يضيفي
ماهو حسد لكن ترى الوضع ملغوم=راكب شداد العز حطك رديفي
ليتك تبادلني وانا اقول مخدوم=ابنتحل طيفك وابعطيك طيفي
وازودك عقدآ من الشعر منظوم=لولا المعزه ماطمرت الرصيفي
هذا ولد ليثآ عسى ابوه مرحوم=ابن حمد بالطيب ماله وصيفي
يقول قل الهيل بالكيف مذموم=الهون مابه يافتى الجود كيفي
هذاك ماجوب النشاما ومعلوم=ياهل المكارم والمقام المنيفي
الجيب ماعاقه تغاريز وعقوم=قدام ياسواق بالك تقيفي
بالواجب الرسمي تزهلت اباقوم=هذا جوابي وانقله من مضيفي
مطلبك يافواز واضح ومفهوم=من دون خلك مانويت النكيفي
راع الهوى ماهو مواخذ ومليوم=كم واحدآ قبلك بحالآ كسيفي
ابشر بعزك ويهبا كل مشؤوم=ياللي سبا قلبك غرام الوليفي
لاصرت رجالآ مقدر ومحشوم=لك سمعتآ بيضا ورجلآ عريفي
دام العرب حطو قوانين وسلوم=نمشي على الدرب السليم الشريفي
قلي وانا رهن الاشاره من اليوم=ماعندي اللي اسمي وبشتآ نظيفي
وان كان شفنا الحل غامض ومعدوم=ابدل الخطه بحلآ عنيفي
حرآ شلع من ماكره وابعد الحوم=على ديار معذبك له رفيفي
من قوة اليتمان مرسل ومدعوم=مهمته تشبه ليوم الصريفي
شره على الظالم لياجاه مظلوم=لاحان وقت الجد ماهو ضعيفي
نمشي على خطآ لفواز مرسوم=هو راعي المطلب وانا له حليفي
ثور بي اعرامي وانا انسان معروم=حسبي على الجنس الخطير اللطيفي
كم طوعن شيخن وفارس وزيزوم=وخضع لهن حتى العقيد المخيفي
قويآ على الفارس ويدبهن البوم=تمشي مع الصعلوك مثل العسيفي
بيديهن الحاكم على الناس محكوم=تنام كالجندي وتصبح عريفي
هذا انطباع ويمكن اكون موهوم=ولا اظلم العرض الشريف العفيفي
تجسيد للواقع ولاهو بمزعوم=ماقصدي اسيء لرفيقة قطيفي
يبقن شقايقنا ويفداهن رخوم=رجال مايسوى فتات الرغيفي
ماودي ابالغ اخاف اجرح الصوم=ودي اجنب كل هرجآ سخيفي
وعن الخطا ماني وانا اخوك معصوم=هذا سلامي واقبله ياحليفي
عواد
انت يافواز شاعر تشد الانتباه=يوم سيرت القوافي لفتك مدرهمه
من هجوسن طاع وقته ولابيح خفاه=لايزال البحث جاري عن اللي يفهمه
لاجل عيني تنظره عكس ماكانت تراه=والصراحه لابغيت الصراحه مؤلمه
يكمن الاحراج في قول ضده او معاه=والمجامل مثلنا صعب امره يحسمه
ياعنا عواد ياشوق قلبه ياشقاه=يااصدق شعور الهواوي ويا دمع قلمه
انتي اغرب ماصدفني وشفته بالحياه=كل ماشيدت جسر المحبه تهدمه
يا رساله عنونتها يخالف محتواه=الكتابه بينه والمعاني مبهمه
ياجريمه ضد مجهول مدري من جناه=ياقضيه ضايعه في دروج المحكمه
الظليمه لونها غير بقياس القضاه=مايحس بنارها الا النفوس المرغمه
ياحروفن تايهه تاه معها من قراه=لو يفسر بعضها مايفسر معظمه0
فواز
راكـب الـلـي فـي مـسـاريـه يـطـرب مـن شـراه=وان بـغـى دربــن عـسـيـرن يـهــوم ويــدحــمــه
اشـهــبـن بـطـعـوس عـذفـاء عـرفـنـا مـسـتـواه=ظـالــمـن حـظــه بـالاوصـاف رجــلـن يـزحــمـه
مــن يـحــده عــن طـريـقـه على الـرفـرف طواه=قـبــل يـقــطــع واســط الــدرب لـــده واعــدمــه
شـل مـن الـراوي حـروفــن كـتـبـهـا مـن هــواه=صـوب رجـلـن بـالـمــلازيــم غــصـبـن نـزهــمـه
صوب ابوصالح عـضيـدي وعـضـد اللي نـخـاه=اشـقـرن يـنــثـر مــن الـصـيـد ريـشــه ولـحـمــه
شـاعـرن يـمــشــي لـه الـقــاف لا مـنــه دعــاه=يـفـهــم عـروض الـقـوافـي جــمـيــع ويـنــظــمـه
سـار مـــع درب الـقــوافــي وحــدد مـنــتــهــاه=وصـار بـيــطــار الـقــوافـي وعـنــده مـنـجــمــه
وقــتــنـا يـامـــا شـكـيــنــا وذقــنــا مــن غـثــاه=بــس نـضـحــك والـمــغــثــه تــزود ونـكــتــمـه
ومـن ظــلـم مــن شـان دنـيــا جـهـنــم مــن وراه=وكل رجـلــن جـاه حـقــه مــن الـلــي يـظــلـمــه
مـن فـلـت مــن شــر جــوره ولا نـالــه جــزاه=فـيـه يـومـن يـلـعــن الـقــرش ويـلــعــن درهــمـه
عواد
ابخبرالغسلان بالسر الخطير=شاعرومتفرغ وراعي ثرثره
عيني اليمنى ترفرف وألنظريم العشير=شغل الخط الخصوصي والحروف مشفره
استلم تقريرسري واعتبرسري ببير= تكشف السرالمره والمره سرالمره
خذلهاصوره وصوره وأعتبرني لك خشير=نحيي الذكرآالجميله كل عام ونذكره
بكرتي بوصوفهاعن وصوف الذودغير=صدمتي فيهاكبيره ماتوقعت اخسره
فيه بيت قايله ماهو جرير=حكمه ومن حق الجميع يكرره
عين الصغيرتكبرالذنب الصغير=وعيني الكبيرأكبرخطا تستصغره
الشك يوجدداخل القلب الحقير=وعندالكرام يسدمد المعذره
وش قول راوينا وشاعرناألكبير=فيماسبق ذكره وماسنذكره
انصى صليب الراي لاجيت استشير=علي ابصر شي ماكنت ابصره
لو قستها بالعقل فعلآ ماتصير=احيانآ الواقع يولد مصخره
الكلمه اللي غيرت مليون امير=منواا بها والضيغمي يستحقره
لانه ورثها من هل المجد الشهير=اخطائهم نستنكره وافعالهم ماننكره
ناخذ الصف الامامي لادخلنا بالمسير=عاليين ولا نتعالا سرنا مثل جهره
ميزت خبال الطنايا خبلهم فعله يثير=عن طبوعه ماتخلا دام عنده مقدره
بعض ماضيهم غراابه تجعل العاقل يحير=ممكن اتابع معاي ومثل ماانظر تنظره
وش شعور اخوان سعدا لاتناخو بالحمير=ظاهر المعنى مسبه كيف صارت مفخره
لاانهم غير الاوآدم لاحصل يومن عسير=كن واحدهم فدائي يعطي الموت نحره
الـقـوافـي داخـل الـجـاش قـامـت تـســتــديـر=مـاتـبـي مـن ســوق الاشـعـار ســعـي وسـمــسـره
من ضمـيـرن صار بالـقـاف واوزانه خـبـيــر=رتـبــتــه بـالـشــعــر جــراح مـاهــي بــيــطــره
لا طـفـح جـاشـه بالاشـعـار جــت مثل الـغدير=ومــن بـغــاهــا بالـفـواتـيــر غــيــر مـفــوتــره
لـلـرفـاقـه كـنــهـا الـورد وسـلـوك الـحـريـر=صوب مـن جــر الـقــوافــي بـطـيــبــه جــرجــره
صالت الـقـيـفـان صـوبـي لها رمحـن شـطـيـر=يـشـتـكـي وقـتـن ظــهــر فـيــه خــرط وبـربــره
يابـوصـالـح ياذرى الـراس يـاعـز الـقـصـيـر=لـك مـقــامــن بـالـقــبـــايـل وفــعــل ومــقـــدره
الـعـلــي تـاريـخ وامـجــاد وورود وعــبــيــر=عـنــد ويــــلان الـمـكـارم وطــيــبـــة شـــمـــره
لابـتـن صـارت للامـجـاد مــنــدوب وسـفــيــر=كـان بـعـض الـنـاس بـالـكــون غـصـبــن دحــدره
تـر سـيــوف الـمـجـد تـنـهـاب لـو هي بالجـفير=وصـعـب تخـفـي شـمـس الاكـوان وانـوار قــمــره
من جـحـد طـيــب الـنـشــامـى بـلا ديـن وضمير=وبـالـمـجـالــس فــوق كـذبــه خـــراط وكــركــره
والـسـلـوقـي بـالـفـراغـات يـظـهـر لـه هــديـر=وان لـمـح ذيــب الـبـراري زبــن تـحــت شـجــره
مثل مـن ظـن الـمـراجـل فـطـايــر مـع عـصـيـر=كـل هــمـــه زيــن ثــوبــه وتـســريــح شــعــره
يحـسـب انــه يـكـســب الـنـاس بالرمـش النظير=وبـالـشـجــاعــه يـطــرح الـزيــر والا عـنـــتــره
ماحـداه الـوقـت جـايـع عـلـى خـبــز الـشـعــيـر=ومن ديـونـه يحــســب الـوقــت يـومــه وشــهــره
اترك هـروج الـحـواسـد عـسـى عـيـدك عـطـيـر=والضحـيــه طــلــعــة الـشـمــس عـجـل واجــزره
فواز
فواز الغسلان
انا صــحــت ياعــواد مــن شــدة الـــضـــيــقــه=ابي مــنــك ترشــدنــي لــدربــي ونـبـــراسي
خـذت خـافـقـي والـيـوم تـنــوي مــعـالــيـقــه=عـنــــودن تـحـــاربـنـــي بـزيــنــات الاوراســي
وهـي حـاجـتــن لـلـريــم تـسـعـى لـتـحـقـيـقـه=وتـحـقـيـقـهــا يعــنـي لـنــا قــطــع الارمــاســي
وانـا كـيـف احـارب مــن سلاحــه حـلا ريـقــه=وجـسـمـــن مــعـازيـلـه زهــت زيـن الالـبــاســي
فـسـاتـيـنـهـا تفــضــح ردوفــه تــلاصـيقــه=ولـون الـنــحـر يوضي مـثـل عـقــــد الالـمــاسـي
وصــدرن بـه الـتـــفـاح بـلـــواه مـااطــيـقــه=ومـجــدولـهــا بـمــتــونـــهــا مــثـــل الادمــاسـي
غـنـوجــن تـفــنــن يابــوصـالــح بتـشـويـــقــه=عـيـــونـه مـفـاتـيـــح الـمـــغـــثــه والاونـاسـي
تـمـنـيـت مــرقـاد الــدفــى فــي مــشــاريـقــه=دواء حــضـنـهــا يــدفــع غــثــاء كل وسـواسـي
خــذت تـاج شـيـخـات الــحــلا مع تـلاحـيـقــه=ولااحــدن قـــبــالــه شـال درعــن ولا كـــاســي
لـك الـلـه فــلا تـحـتـاج مـــدحــه وتـسـويــقــه=هـــي الـريــم لاذعــذع لــهــا كــل نـســنـاســي
هـي الــريــم فــي روضــن تـمـايـل زمـالــيـقـه=تـخـالــط بــهــا حــواء وربــلــه وبـــسـبـاســي
تـتـالا عــلـيــهـا الـغــيــم تـلــمــع بــواريــقــه=تـشوف الـطـخـى يـوضي مـثـل نـورالاعـراسي
عــلــوم الـمـطــر تـلـفـي لـهـم مــع طـواريــقـه=وراع الـخــلا يـســري عـلـى كـل عـرمـــاســي
ويـطــرب لـهــا طــيـرن سـعـيـدن بـتـحـلـيـقـه=ونـصف الـشهـــر تـخـضر بـها حـمـر الاطـعـاسي
وتـنـازا جـيـوب اهـل الـقـنـص فـي سـواويـقـه=والاربـاع تــرقــى فــي نــبــى كـل مــرواســي
غدى الـجـيـب يـشــكي يابوصالح مـطـافـيـقـــه=تـخـالــط مـعـه صـوت الـمـسـجـل والاتـراســي
يـعـاف الـسـهـل كـلـه ويـرقـى مــطـــابــيــقــه=طـريـقـه مــن الـسـرعــه غـدى مـثـل الاقـواسـي
يـحــده عـلـى مـرقـاء الــوعــر مـع مـصالـيـقـه=لـفـيــح الـهــواء مــثـل الـعـواصـف الـيـا داسـي
تـسـابـق عـلــى ذبـح الـذبــيــحــه وتـعـلـيــقــه=ولا خـاف مـن كــثـر الخـسـايـر والافــــلاســي
مـثـل هـرجـهـم يـفـتــح لـقـلـبـي مـــغـالــيـقـــه=رجـالــن كـرامــن مــاوطــوا درب الادنـاســـي
ولاحــولـــهــم ثــورن يـعــفــــج خــثــاريــقــه=ولا رافــقــوا رجــلــن هــــذورن وبــلاســــي
عـن هــمــوم غـنــدورن فـقــدنــا مـخــانـيــقــه=مـن الـغـيـظ صـبـيـت الـقــوافــي بـالاطـراسـي
وجــودي عــلــيـهــا وجـــد مــن غـاب تـوفــيـقــه=سـجــيـنـن وعـنـد الـبـاب خـمـسـيـن حـبـاسـي
صـدر حـكـــم تــقـــويــده وزادوا بــتــوثــيــقـــه=دقــايـق ويــصـبـح جــثــتــن مـابــهــا راسـي
وله طــفـلـتــن تــشـــبــه حـــلايــا غــرانــيــقــه=وحــيــده وتـرســـم وردتــن فـــوق كـراســي
وحـكـمــه مــن الـتـمـيــيـز زادوا بــتــصــديــقــه=وجــروه بـشــداد الــكــلــبــشــه والامــراسـي
وقـال اصـبـروا بـنـتــي انـا اخــاف تــعــويــقــه=واخـاف انـهـا تـشـكـي مــن الـضـيـم والـبـاسـي
انـا خـايـفـن تـلـقــى الــغــثـى مــن مـخــالــيـقــه=وعـقـبـي تــصـالـيـهـا الـمـصـايـب والاتـعـاسـي
تـعــيـســن وزاد بـوســط جـوفـــه تــخــافــيــقــه=مـثـل خـافـقـي يـشــكـي شــطـيـرات الامـواسـي
رمـاح الـغـــلا زادت طــعــونــه وتــشــلـــيــقــه=ولااحـدن رحـم قــلـبــن شـكـى الضيم واحـتـاسي
عـنـودن رمـتـنــي مــن عــوالــي شـواهـــيــقـــه=عـلـى خـافـقــن يـشـكـي غـثــى كــل هـوجــاسـي
طـيـوفـه سـبـب جـرح الـضـمـايـر وتـفــتــيــقــه=طـيــوفــن تــدوج بـوســط فــكري وانـا نـاســي
وانـا خـايــفــن غــدر الـلــيــالــي وتــفــريــقـــه=مــمــاتـي فــراق الـلـي تـقــل عـيــن قـرنـاســي
هــل الحــسـد شـغـلـتـهـا الــسـوالــف وتـذويـقــه=وتـرمــي بــدرب اهــل الـهــوى كـل لــولاســـي
وانـا سـقــت ياعـــواد صــافــي مــواثـيــقــه=اراجــي وفــى زيــن الــوصايــف والاجــناســي
عواد
هلا باللي سقى شعره ضما لهفة مشاويقه=سبكها من ذهب خالص لهو فضه ولاالماسي
يقود الشعر ويسوقه ليا قلوا سواويقه=وانا بآخذ مع ابياته على ماقيل مرواسي
مجاراتي على نصه بعد فحصه وتدقيقه=لقيته حيل متضايق يشابه حال ابو دباسي
سبايب مهرت(ن)شقرا ضحاياها عشاشيقه=ولاترحم ولاتاوي عنيده مابها احساسي
عسى يفداه من وجهه يعاني من مساحيقه=حسب ماقال صاحبنا ولاني لوصفها ناسي
وصفها الشاعر الراوي حسب عرفه وتبديقه=رسم صوره خياليه على حرف(ن) بقرطاسي
انا وجدي مثل وجده وجودن صعب تفريقه=تسابق وجده ووجدي تنافسنا بالاتعاسي
وجود الي بدا يومه بعد صلى تشاريقه=طرت له فكرة راجت واهلها ربحو اكياسي
بعد مافكر وخطط عليها زاد تشويقه=بدا بالبيت والموتر عجول وصك الاضراسي
مؤشر شاشة الاسهم ركب بعده بزحليقه=من اعلى مستوى حول الين اقبل على الساسي
انا حالي مثل حاله ليا شفتو سماحيقه=من الصدمه فقد عقله ولاكنه مع الناسي
لااني بس متضامن مع الراوي وعشيقه=اجل وشلون لو اني ببحر الحب غطاسي
انا توه صفى جوي لفواز وطواريقه=ولاني لايمن شعري لو اعلن عنده افلاسي
انا ماارضى على شعري يجيب ابيات تلفيقه=ولكن حدني حظي على شاعر قوي باسي
مجارات لمثل هذي تبيله جو ترويقه=طموحي دايمآ عالي ولاارضى غير بالكاسي
الا ياشيب ابو صالح من الشاعر وعشيقه=قضية صاحب(ن)غالي شكالي خله القاسي
اعرفه شاعر وعاقل ولاهو من مطافيقه=ولكن حالته صعبه بها عقده ولولاسي
اوجهها على ربي ولاابغى غير توفيقه=يساعدني على الظالم وانا من جد محتاسي
اشوف ان الهدف عالي وانا باسعى لتحقيقه=وصوله صعب بالمره والاصعب منه منكاسي
سفينةشعري الهادي على متنه زواريقه=مادام ان الامر عندي انا ربان وسياسي
فهمتو مقصد الشاعر حداثه ضد تعتيقه=على الثنتين يالناقد نبي نظره مع قياسي
اكيد تشوفها سهله ولكن صعب تطبيقه=تمعن وامعن النظره تشوف الميل متواسي
تبون الرد تقليدي وانا التقليد مااطيقه=انا شاعر ومتطور وحطه بين الاقواسي
ظروري يتقن الشاعر لغة عصره وتنميقه=وانا حر بعباراتي على حبري وقرطاسي
ولاانسى حق للقارء يخالفني بتعليقه=غرور كليب بن تغلب يبرر غدر جساسي
انا مااحب جمهور يجاملني بتصيقه=مادام اني على عرش الزعامه ثابت وراسي
بقالي كم يالراوي قبل ختمه وتغليقه=نويت اشكي على زامل يحدد معك مجلاسي
انا ماعاد باقي لي سوى ادراجه وتنسيقه=عريب الساس يعفيني ولاينشد عن طفاسي
عواد
خمسة ملاييـن يافـواز راحـن هـدر=الظاهر ان السبب مصدر حلال وحرام
مرة سنه يازميلـي والمؤشـر حـدر=يا خوفي ان انحداره باقيآ كـم عـام
فواز
زمل العرب ياعضيدي بالعرب لو هدر=عقب الفضاء الزين مدخاله لدار الظلام
هذي مكاسب توالف كل رجلن غـدر=وراع الصراحه يعاف اليوم زين المنام
عواد
مانعتذر بالظروف نقـول هـذا قـدر=العذر حلآ ضعيف ومن رضابه يظـام
شيخ الهوامير يافواز وامـره صـدر=من يوم بوش اللعين اعلن سقوط النظام
فواز
ان كان شربك عقب صافيه شان وكدر=كم واحدن ذاق هجر الزين عقب الغرام
وشقران عقب النتاج الزين طاح وفدر=ومن قبل الاسهم وقع منا خوال وعمام
عواد
احسبك وجهآ رضي واثرك وجهآ ودر=يبدولي انك تمـر بوعكـة الانفصـام
انا بري وانت ظالع بأغتيال الصـدر=والا اغتيال الحريري قبل عدة عـوام
فواز
راع اللجاجات يالغالي يجيب السدر=والقصر لو زان بعيونك مصيره هدام
والشعر لولاي ياعواد كـان انجـدر=وقلنا على الشعر بالتالي عليه السلام
عواد
ماانته بقايد (حنين) ولا انت حاضر بدر=كثر من الشجب والتنديـد والاعتصـام
عز الله انك هزمت الشاعـر المقتـدر=احلى تحية لشخصك قبل مسك الختـام
فواز
اسلم وسلم مدام القاف شاب وخـدر=واشعاركم يابوصالح بالمجالس وسام
تنزل بروس العوالي ماتجي منحدر=ومن رافقك ياعضيدي بالعرب مايلام
------ عواد
سلام تسليمآ يكرر ليـن بالـراوي يليـق=على الوفي راع الوفا تسلم يمينك ياوفـي
اليالقيت ابو فهد ينوب عن ميـة صديـق=باسم الله امطر ياجزيل الشعر والمعنى خفي
فواز
عواد عبر الذبذبه يرسل سلامات الرفيـق=والياحصل عواد صرت عن الخلايق مكتفي
يالشاعر اللي بالمثل وافي وصدره مايضيق=لاشفت قيفانه يجي في بالنا راعـي نفـي
عواد
هذي خيوط السالفه من طرقيآ ماله طريق=((الحب)) طبعآ مشكله والهم يصحي ويغفي
اللي بوسط السجن يحسد كل رجالآ طليـق=واللي يطاوله المرض يشوف تاجك ياعفي
فواز
عواد وش بك يالغلا جتنا صواريخك حريق=وش تستفيد اليا لعنت القاف كله وجدفـي
انا تراني ناعمن بالحيل والخافـق رقيـق=وان كان برسيمك كسركم ليش يمي ترجفي
عواد
هذي سمات العارفه يلخس بعينه مايويق=ولا يحدد موقفه ياليـن احـدد موقفـي
لاوهنيك ياغلا جبتي له الوصف الدقيق=لوكان عندي جرأتك يمديني آصل لهدفي
فواز
عواد تر راوي الجبل في ساعة الهوشه سبيق=تلقان طاير بالهواء يومي طوارف شرشفي
انا نشيطن للصحن والعيش قدامي بريق=وان شفت قيفانك هربت وجيت اقابل منسفي
فواز الغسلان
ســلام بـه ســيـنــن ولام ومــيــمــي=تـلـفـي عـلـى عــواد راع الـتــاجـي
عـواد ضـعـنـا فـي رمـوش الـريـمـي=وحـبـه غـدى بـيـن الـضـمـايـر لاجي
انـا اشـهـد ان الجـفـن مـاهـو نـيــمـي=يـاويـل حـالـي بـالــظــلام الـداجـي
ومثلك رفـيـق الـعـمـر يرفـض ضيـمي=ولك فـزعـتـن تـقـدر تجـيـب عـلاجي
مـن دون مـعـروضـن يـبـي تـقـديـمـي=عـوايــدك تـفـزع مــع الـمـحـتـاجـي
ارجـوك تـصـدر حـولـهـا تـعـمـيـمـي=ان شـفـت راوي نـجـد مـاهــو نـاجـي
دام الـغـلا تـسـعـى تـبـي تـحـطـيـمـي=او يـخـتـلـف عـنـد الـعـرب مـنهـاجي
من شـان قبل الـسـيـن تـسـمـع جـيـمـي=تـامـر وهـي مـن فـوق بـرجـن عـاجي
واخـاف تـذبـحـنـي عـقـب تـصـمـيـمـي=لـو كـنـت مـع ربـعـي مـثـل هـداجـي
بـرمـوشــهـا تـقــدر عـلـى تـنـويــمـي=في لـيـلـتـن ظـلـمـاء بـدون سـراجـي
ان شـفـت رمـش الـزيـن تحت الـديـمـي=والـبـرق بـمـزون الـسـمـاء لـعـاجـي
وقـامــت تـغــنــج لابـغــت تـكـلـيــمـي=وش حـيـلـتـي بـمـصـادم الامـواجـي
وان حـاولـت عـقـب الـغـنـج تـرقـيـمـي=والـلـه فـلا اقـوى قـفـلـة الـمـزلاجي
وشـلـون اجـي من يـتـبـع الـتـنـجـيــمـي=والـعـــام رايــح لـلـحـرم حـجــاجـي
ارجـوك حــاول بـالـهــوى تـعــلـيــمـي=وشـلـون اقـاوم خـفــرتـن مـغـنـاجـي
لـك خـبـرتـن تـعـلا علـى الـتـقـيــيـمـي=ضـد الـعــذارى لـو تـجــيـك افـواجي
وانا اجـهـل الـتـخـطـيـط والـتـنـظـيـمـي=وهـذا سـبـايـب ضـيـقـتـي وازعـاجي
صارت سـبـايـك ضـامـري تـرهــيــمـي=مـن خـفــرتـن تـوضـي بـلا مـكـيـاجـي
وش ظـنــتـك مـالـلـهـوى تـطـعــيــمـي=لـو هـو خـبـيـثـن مـثـل طــعـم الـزاجي
واقـروا عـلـي الـكـهـف مـع حـامـيـمـي=وآخــر ثـمــان بـســورة الـمـعـراجـي
والا لـحـقـنـي بـالـهــوى تـســمــيــمـي=ان طـحـت فـي سـجـنـن بـلا مـخـراجي
-----** * * -------- عواد العلي -*
يامرحبا والجو برد وغيمي=والبحر هايج ثم زاد هياجي
صاغ الآوامر قايد التنظيمي=اجتاز حاجز رهبة الاحراجي
ان مافهمنا مانبي تفهيمي=ان ضعت ضاعو بعدي الافواجي
حتى ولو قالوا غشيم عليمي=ان خربت الطبخه نزيد الماجي
الفتل مبنين على التبهيمي=والنقض بابآ مؤصدآ بسياجي
مايفرق التشميت والتشتيمي=ياكود حرفن عن خويه لاجي
انا خبير بلعبة التوهيمي=شيدت من معنى القصيد ابراجي
من قبل يعلن صاحبي تكتيمي=والناس بعده قاطعو انتاجي
لكن معاالراوي نويت اهيمي=واعيش في واد المحبه لاجي
آخر حلول الطب للتنسيمي=كيه ويمكن يعثم الافجاجي
الحل بالتكبير والتسليمي=كثر السجود يعجل الافراجي
قال تعالى بسورة التحريمي=خاطب رسوله راعي المعراجي
ماهو تخلي ولا تحطيمي=ولكن راي لصالح الازواجي
يالجنة الانصاف والتحكيمي=ماكل نوتن يجيها عواجي
الراوي الشاعر يبي تنويمي=في غرفتآ ظلما بدون سراجي
حتى اكمل باقي التصميمي=ويبقى لي التنفيذ والاخراجي
ماني بشيعي يكثر التلطيمي=آخذلك المطلب بدون ازعاجي
الياوعدتك نفذ التخريمي=ترى الحلق موجود بالادراجي
صبرك علينا وانتظر ياعميمي=وشبك تلفلف كنك الحواجي
اركد وراقب لوحة التقويمي=بام القرى التقويم يالحجاجي
اول يناير موعد التسليمي=جهز مكان يعجب المغناجي
وان ماامسكت يمناك يمنى الريمي=ولم لي العجرى مع الكرباجي
فواز الغسلان
عــــواد فـكــن مـــن مـغــــثــة غــاده=صـبـري عـلـى عـيـن الـمـهـا مـافـادي
لـه عـــام يـقـــدح بـالـخـفـــوق زنـاده=وظــلـم الـغــلا لـلـقـلـب مـاهــو قـادي
مــدري عــلامـــه زايـــدن بـعــنـــاده=ويـكـثــر عــنــاده كـان قـلـنـا غــادي
يـاعــد ويـخـلــف بـالـهـوى مـيــعــاده=وهـو يـحـسـب ان الـحـال هــذا عـادي
وكـثـر الـمــعـاتـب والـزعــل مـافــاده=دامــه ربــط رجـــلــي بـدرب الــوادي
رجـلــي يابـوصـالــح وقــع بـقــيـاده=كـنـي غـريـقــن بـالـمـحـيــط الـهـادي
تـرفـض تـطـيــع الـقـــلــب والـلـي راده=فـي شـوف عـيـنــه ثـالــث الاعـيـادي
صـابـر وكــبــدي مــن جـفــاهــا بـاده=عـافــت مـشـاريــب الـهـنـى والـزادي
وان شـفــت هـجـران الـحـبــايـب عـاده=مـشــيـت خـلــف الـبــرق والـرعـادي
اتـبــع ظـــعـــون الـــبــاديــه واذواده=مـن شـرق عــرعــر لـيـن اجـي بـغـدادي
تـســري ذلــولــي وارتـكــي بـشــداده=وانـسـى الــديـار ودفــتـر الـمــيــلادي
والـطـعــس رمـلــه بـالــمـنــام وســاده=الـصـبـح صـدر وبـالـمـسـاء مـيـرادي
وابـــدع مــن الـقــيــفــان شـــد بـلاده=مـانـي لــقــيــفــان الـعــرب صـيــادي
الــقـــاف عــدة خــافــقــي وعــتـــاده=صـار لـقــواصـيــد الــهــوى جــلادي
انـه حـــرم عــيـــنــي لــذيـــذ رقـــاده=واصـبـح سـبـايــب عـلــتـي وانـكـادي
عـــــواد لاتـتــرك ظــــــلايــم غــــاده=والا يـمـــــــوت الــــراوي الـقــــصادي
--- \\ عواد العلي
هذي اصول الشعر يانقاده=خلك مثل فواز ياعوادي
من مصدر الغسلان جاب جداده=والرد من عواد شد بلادي
من قبل نبدا ردنا ياساده=اشرح لكم شكواه اول بادي
فواز قلبه في يد الصياده=الوضع يالاجواد ماهو عادي
ماللمهمه غير قايد قاده=مار ابشر اني عسكري وقيادي
ماني بسيفن يندثر بغماده=لاوالله الا جيت له متفادي
انا حليفه وضد اضداده=عدوه ابغض من الموسادي
الله حسيبي على ام قلاده=من حب غاده عن طريقه غادي
ابطلب العالم بحال عباده=يعين راوينا على مارادي
اللي جروحه دايم بزياده=ومحبوبته في هجرها تزدادي
الله عليها ماتكب عناده=ماتدري اني زايدآ بعنادي
حلفت لااقف على ميراده=واخيره بالطيب قبل زنادي
اما رضت فواز ابو اولاده=تلبس على غيره ثياب حدادي
ياهاجسي صوت عليه وناده=ورسالتي لبيه ياللي تنادي
ياابو فهد ريح وهاك وساده=عسى عيونك تألف المرقادي
--------- فواز الغسلان
ياحـمـود قـلـبـي من جفى الـزيـن مـهـمـوم=قـلـبـن على هجـر الحـبـايب ضعـيـفي
جـرح الـهـوى فـعـلـه بـالاجـواد مـعـلـوم=كـم واحـدن خــلا ربـيــعــه خـريـفـي
لاداج طـيـفـه بـالـخـفـى يـطـرد الـنــوم=ثـم يـتــهــشــم حـجـرهـا بـالــذريـفـي
لامــن لـمـحـت الـبـاب يـاحـمـود مـردوم=من عـقـب مـاكـانـت حـيـاتـي وريـفـي
والـقـلـب عـقـب الجرح مـايـنـفـعـه لـوم=ونار الـهـوى بالجـوف مـثـل الصريفي
قـلـبـن قـبـل ظـلـمـه من الوقـت مـظـلـوم=كـنـه طـريحـن مـن جـنـود الـشـريـفـي
ودنـيـاك مـاتـصـفـي لـنـا دايــم الــدوم=وزمـل الـفـرح ترجـع ظـعـونـه نـكـيـفـي
غـديـت مـثـل الـلـي قـلـب راسـه الحـوم=من عـقـب مـاهـو بالـحـبـاري يـحـيـفـي
باسـبـاب مـجـدولـن على الـمـتـن مـلـمــوم=لاطـاح مـن فـوق الـردايـف صفـيـفـي
وجـسـمـن سـقـاه الزين بالوصف مـبـروم=كـتـفـن وردفـن والـمخـصر صخـيـفـي
تجـمـع عـيـون الـفرس مـع بـشـرة الروم=وعـيـون شـامـيـه وهـرج الـقـطـيـفــي
خـشـفـن بزين الطـبـع والـعـيـن مـوسـوم=كـنـه عـروســن فـي لـيـال الـزفـيــفـي
خـــــده تـــلالا بـالـحــلا تـقــل مـخـتـوم=والـقــلــب مــع زيـن الحـلايا رهـيـفـي
والـلـه فـلا زيـنـه مـكـايـــيــج وهــدوم=يـكـفـيـك رمـشـن مـع سـواده نـظـيــفـي
خلت خفوقي عن حـلا الـبـيـض مـعـصوم=عن غـيـر زولـه بـالـعـذارى كـفـيــفـي
لولاي اخـاف الـلـه وعـادات وســلـوم=خـطـفـتـهـا مـثـل الـعـقـاب الـمـخـــيـفـي
في لـيـلـتـن نـور الـقـمـر طـاح بـغـيـوم=مـع ضـوح بـرقـن بـالـسـمـاء له رفـيـفي
والا كـمـا ذيـبــن عـلـى راس مـزمـوم=مـن نـار جـوعـه لـه قـنـــيـب وهـريـفـي
والا كما جـيـبـن عـلـى الـدرب مـنـهـوم=فـيـه الـدبـل جـاهـز ثـقـيـل وخـفـيـــفـي
فوقه شجـاعـن شـب فـي جـوفـه الـزوم=كـنـه لابـوصـــالح بـطـيـبـه وصـيــفـي
عواد شـوق الـلـي مـن الـزيـن مـوشـوم=الـلـي يـدوس الـــدرب لـو هــو كـلـيـفـي
نـسـل الـرجـال الـلـي لـهـا مـجـد وعـلـوم=الـلـي لـيـــاكــادت تـشـيــل الـرديــفـي
مـزبـان مـضـهـودن مـن الـقـوم مـضيـوم=الـلـي وقــع سـاقـه كــسـيـرن سـعـيـفـي
مـاهـو بـطـول الـدرب ضـايـع ومـنـجـوم=يـصـلـح لـمـن سـاق الـمـواتـر عريـفـي
يـفـزع لـمـن كـنـه عـن الـديـــد مـفـطــوم=لـه مـاقـفـن بـالـطـيـب مـاهـو طـريـفـي
الـشـاعـر الـلـي حـضـرتـه تـرهـب الـقـوم=ولالـي قـبـالـه غـيـر ربع الـنـصـيـفـي
مــار ان وقــت الـيـوم حـاكــم ومـحـكـوم=وراحــت بـحـمــد الله وقـوت الـزحـيـفي
وقـتـن مـضـى عـنــد الاجـاويــد مـذمــوم=كــان الـعـرب بـالـسـيـف دمــه نـزيـفـي
دخـلـت بـامـواج الـهـوى جـاهــل الـعــوم=واجـهـل طـبـايـع كـل جـنـســن لـطـيـفـي
والـيـوم قـلــبــي مـن هـوى الـبـال محروم=ونـتـيـجـتــه جـسـمـن عـلـيـلـن نـحـيـفـي
والادمــي رزقـــه مــقـــدر ومـقــســـوم=والـصـبــر مـلــجــأ كـل رجـلـن عـفـيـفـي
--------- عواد العلي
ياحمود تسمحلي وانا ابفرق السوم=نويت اشيل الحمل لوهو كليفي
ياحمود لك سرآ بالابيات مبهوم=فواز لاسمك كل يومآ يضيفي
ماهو حسد لكن ترى الوضع ملغوم=راكب شداد العز حطك رديفي
ليتك تبادلني وانا اقول مخدوم=ابنتحل طيفك وابعطيك طيفي
وازودك عقدآ من الشعر منظوم=لولا المعزه ماطمرت الرصيفي
هذا ولد ليثآ عسى ابوه مرحوم=ابن حمد بالطيب ماله وصيفي
يقول قل الهيل بالكيف مذموم=الهون مابه يافتى الجود كيفي
هذاك ماجوب النشاما ومعلوم=ياهل المكارم والمقام المنيفي
الجيب ماعاقه تغاريز وعقوم=قدام ياسواق بالك تقيفي
بالواجب الرسمي تزهلت اباقوم=هذا جوابي وانقله من مضيفي
مطلبك يافواز واضح ومفهوم=من دون خلك مانويت النكيفي
راع الهوى ماهو مواخذ ومليوم=كم واحدآ قبلك بحالآ كسيفي
ابشر بعزك ويهبا كل مشؤوم=ياللي سبا قلبك غرام الوليفي
لاصرت رجالآ مقدر ومحشوم=لك سمعتآ بيضا ورجلآ عريفي
دام العرب حطو قوانين وسلوم=نمشي على الدرب السليم الشريفي
قلي وانا رهن الاشاره من اليوم=ماعندي اللي اسمي وبشتآ نظيفي
وان كان شفنا الحل غامض ومعدوم=ابدل الخطه بحلآ عنيفي
حرآ شلع من ماكره وابعد الحوم=على ديار معذبك له رفيفي
من قوة اليتمان مرسل ومدعوم=مهمته تشبه ليوم الصريفي
شره على الظالم لياجاه مظلوم=لاحان وقت الجد ماهو ضعيفي
نمشي على خطآ لفواز مرسوم=هو راعي المطلب وانا له حليفي
ثور بي اعرامي وانا انسان معروم=حسبي على الجنس الخطير اللطيفي
كم طوعن شيخن وفارس وزيزوم=وخضع لهن حتى العقيد المخيفي
قويآ على الفارس ويدبهن البوم=تمشي مع الصعلوك مثل العسيفي
بيديهن الحاكم على الناس محكوم=تنام كالجندي وتصبح عريفي
هذا انطباع ويمكن اكون موهوم=ولا اظلم العرض الشريف العفيفي
تجسيد للواقع ولاهو بمزعوم=ماقصدي اسيء لرفيقة قطيفي
يبقن شقايقنا ويفداهن رخوم=رجال مايسوى فتات الرغيفي
ماودي ابالغ اخاف اجرح الصوم=ودي اجنب كل هرجآ سخيفي
وعن الخطا ماني وانا اخوك معصوم=هذا سلامي واقبله ياحليفي
عواد
انت يافواز شاعر تشد الانتباه=يوم سيرت القوافي لفتك مدرهمه
من هجوسن طاع وقته ولابيح خفاه=لايزال البحث جاري عن اللي يفهمه
لاجل عيني تنظره عكس ماكانت تراه=والصراحه لابغيت الصراحه مؤلمه
يكمن الاحراج في قول ضده او معاه=والمجامل مثلنا صعب امره يحسمه
ياعنا عواد ياشوق قلبه ياشقاه=يااصدق شعور الهواوي ويا دمع قلمه
انتي اغرب ماصدفني وشفته بالحياه=كل ماشيدت جسر المحبه تهدمه
يا رساله عنونتها يخالف محتواه=الكتابه بينه والمعاني مبهمه
ياجريمه ضد مجهول مدري من جناه=ياقضيه ضايعه في دروج المحكمه
الظليمه لونها غير بقياس القضاه=مايحس بنارها الا النفوس المرغمه
ياحروفن تايهه تاه معها من قراه=لو يفسر بعضها مايفسر معظمه0
فواز
راكـب الـلـي فـي مـسـاريـه يـطـرب مـن شـراه=وان بـغـى دربــن عـسـيـرن يـهــوم ويــدحــمــه
اشـهــبـن بـطـعـوس عـذفـاء عـرفـنـا مـسـتـواه=ظـالــمـن حـظــه بـالاوصـاف رجــلـن يـزحــمـه
مــن يـحــده عــن طـريـقـه على الـرفـرف طواه=قـبــل يـقــطــع واســط الــدرب لـــده واعــدمــه
شـل مـن الـراوي حـروفــن كـتـبـهـا مـن هــواه=صـوب رجـلـن بـالـمــلازيــم غــصـبـن نـزهــمـه
صوب ابوصالح عـضيـدي وعـضـد اللي نـخـاه=اشـقـرن يـنــثـر مــن الـصـيـد ريـشــه ولـحـمــه
شـاعـرن يـمــشــي لـه الـقــاف لا مـنــه دعــاه=يـفـهــم عـروض الـقـوافـي جــمـيــع ويـنــظــمـه
سـار مـــع درب الـقــوافــي وحــدد مـنــتــهــاه=وصـار بـيــطــار الـقــوافـي وعـنــده مـنـجــمــه
وقــتــنـا يـامـــا شـكـيــنــا وذقــنــا مــن غـثــاه=بــس نـضـحــك والـمــغــثــه تــزود ونـكــتــمـه
ومـن ظــلـم مــن شـان دنـيــا جـهـنــم مــن وراه=وكل رجـلــن جـاه حـقــه مــن الـلــي يـظــلـمــه
مـن فـلـت مــن شــر جــوره ولا نـالــه جــزاه=فـيـه يـومـن يـلـعــن الـقــرش ويـلــعــن درهــمـه
عواد
ابخبرالغسلان بالسر الخطير=شاعرومتفرغ وراعي ثرثره
عيني اليمنى ترفرف وألنظريم العشير=شغل الخط الخصوصي والحروف مشفره
استلم تقريرسري واعتبرسري ببير= تكشف السرالمره والمره سرالمره
خذلهاصوره وصوره وأعتبرني لك خشير=نحيي الذكرآالجميله كل عام ونذكره
بكرتي بوصوفهاعن وصوف الذودغير=صدمتي فيهاكبيره ماتوقعت اخسره
فيه بيت قايله ماهو جرير=حكمه ومن حق الجميع يكرره
عين الصغيرتكبرالذنب الصغير=وعيني الكبيرأكبرخطا تستصغره
الشك يوجدداخل القلب الحقير=وعندالكرام يسدمد المعذره
وش قول راوينا وشاعرناألكبير=فيماسبق ذكره وماسنذكره
انصى صليب الراي لاجيت استشير=علي ابصر شي ماكنت ابصره
لو قستها بالعقل فعلآ ماتصير=احيانآ الواقع يولد مصخره
الكلمه اللي غيرت مليون امير=منواا بها والضيغمي يستحقره
لانه ورثها من هل المجد الشهير=اخطائهم نستنكره وافعالهم ماننكره
ناخذ الصف الامامي لادخلنا بالمسير=عاليين ولا نتعالا سرنا مثل جهره
ميزت خبال الطنايا خبلهم فعله يثير=عن طبوعه ماتخلا دام عنده مقدره
بعض ماضيهم غراابه تجعل العاقل يحير=ممكن اتابع معاي ومثل ماانظر تنظره
وش شعور اخوان سعدا لاتناخو بالحمير=ظاهر المعنى مسبه كيف صارت مفخره
لاانهم غير الاوآدم لاحصل يومن عسير=كن واحدهم فدائي يعطي الموت نحره
الـقـوافـي داخـل الـجـاش قـامـت تـســتــديـر=مـاتـبـي مـن ســوق الاشـعـار ســعـي وسـمــسـره
من ضمـيـرن صار بالـقـاف واوزانه خـبـيــر=رتـبــتــه بـالـشــعــر جــراح مـاهــي بــيــطــره
لا طـفـح جـاشـه بالاشـعـار جــت مثل الـغدير=ومــن بـغــاهــا بالـفـواتـيــر غــيــر مـفــوتــره
لـلـرفـاقـه كـنــهـا الـورد وسـلـوك الـحـريـر=صوب مـن جــر الـقــوافــي بـطـيــبــه جــرجــره
صالت الـقـيـفـان صـوبـي لها رمحـن شـطـيـر=يـشـتـكـي وقـتـن ظــهــر فـيــه خــرط وبـربــره
يابـوصـالـح ياذرى الـراس يـاعـز الـقـصـيـر=لـك مـقــامــن بـالـقــبـــايـل وفــعــل ومــقـــدره
الـعـلــي تـاريـخ وامـجــاد وورود وعــبــيــر=عـنــد ويــــلان الـمـكـارم وطــيــبـــة شـــمـــره
لابـتـن صـارت للامـجـاد مــنــدوب وسـفــيــر=كـان بـعـض الـنـاس بـالـكــون غـصـبــن دحــدره
تـر سـيــوف الـمـجـد تـنـهـاب لـو هي بالجـفير=وصـعـب تخـفـي شـمـس الاكـوان وانـوار قــمــره
من جـحـد طـيــب الـنـشــامـى بـلا ديـن وضمير=وبـالـمـجـالــس فــوق كـذبــه خـــراط وكــركــره
والـسـلـوقـي بـالـفـراغـات يـظـهـر لـه هــديـر=وان لـمـح ذيــب الـبـراري زبــن تـحــت شـجــره
مثل مـن ظـن الـمـراجـل فـطـايــر مـع عـصـيـر=كـل هــمـــه زيــن ثــوبــه وتـســريــح شــعــره
يحـسـب انــه يـكـســب الـنـاس بالرمـش النظير=وبـالـشـجــاعــه يـطــرح الـزيــر والا عـنـــتــره
ماحـداه الـوقـت جـايـع عـلـى خـبــز الـشـعــيـر=ومن ديـونـه يحــســب الـوقــت يـومــه وشــهــره
اترك هـروج الـحـواسـد عـسـى عـيـدك عـطـيـر=والضحـيــه طــلــعــة الـشـمــس عـجـل واجــزره
فواز
فواز الغسلان
انا صــحــت ياعــواد مــن شــدة الـــضـــيــقــه=ابي مــنــك ترشــدنــي لــدربــي ونـبـــراسي
خـذت خـافـقـي والـيـوم تـنــوي مــعـالــيـقــه=عـنــــودن تـحـــاربـنـــي بـزيــنــات الاوراســي
وهـي حـاجـتــن لـلـريــم تـسـعـى لـتـحـقـيـقـه=وتـحـقـيـقـهــا يعــنـي لـنــا قــطــع الارمــاســي
وانـا كـيـف احـارب مــن سلاحــه حـلا ريـقــه=وجـسـمـــن مــعـازيـلـه زهــت زيـن الالـبــاســي
فـسـاتـيـنـهـا تفــضــح ردوفــه تــلاصـيقــه=ولـون الـنــحـر يوضي مـثـل عـقــــد الالـمــاسـي
وصــدرن بـه الـتـــفـاح بـلـــواه مـااطــيـقــه=ومـجــدولـهــا بـمــتــونـــهــا مــثـــل الادمــاسـي
غـنـوجــن تـفــنــن يابــوصـالــح بتـشـويـــقــه=عـيـــونـه مـفـاتـيـــح الـمـــغـــثــه والاونـاسـي
تـمـنـيـت مــرقـاد الــدفــى فــي مــشــاريـقــه=دواء حــضـنـهــا يــدفــع غــثــاء كل وسـواسـي
خــذت تـاج شـيـخـات الــحــلا مع تـلاحـيـقــه=ولااحــدن قـــبــالــه شـال درعــن ولا كـــاســي
لـك الـلـه فــلا تـحـتـاج مـــدحــه وتـسـويــقــه=هـــي الـريــم لاذعــذع لــهــا كــل نـســنـاســي
هـي الــريــم فــي روضــن تـمـايـل زمـالــيـقـه=تـخـالــط بــهــا حــواء وربــلــه وبـــسـبـاســي
تـتـالا عــلـيــهـا الـغــيــم تـلــمــع بــواريــقــه=تـشوف الـطـخـى يـوضي مـثـل نـورالاعـراسي
عــلــوم الـمـطــر تـلـفـي لـهـم مــع طـواريــقـه=وراع الـخــلا يـســري عـلـى كـل عـرمـــاســي
ويـطــرب لـهــا طــيـرن سـعـيـدن بـتـحـلـيـقـه=ونـصف الـشهـــر تـخـضر بـها حـمـر الاطـعـاسي
وتـنـازا جـيـوب اهـل الـقـنـص فـي سـواويـقـه=والاربـاع تــرقــى فــي نــبــى كـل مــرواســي
غدى الـجـيـب يـشــكي يابوصالح مـطـافـيـقـــه=تـخـالــط مـعـه صـوت الـمـسـجـل والاتـراســي
يـعـاف الـسـهـل كـلـه ويـرقـى مــطـــابــيــقــه=طـريـقـه مــن الـسـرعــه غـدى مـثـل الاقـواسـي
يـحــده عـلـى مـرقـاء الــوعــر مـع مـصالـيـقـه=لـفـيــح الـهــواء مــثـل الـعـواصـف الـيـا داسـي
تـسـابـق عـلــى ذبـح الـذبــيــحــه وتـعـلـيــقــه=ولا خـاف مـن كــثـر الخـسـايـر والافــــلاســي
مـثـل هـرجـهـم يـفـتــح لـقـلـبـي مـــغـالــيـقـــه=رجـالــن كـرامــن مــاوطــوا درب الادنـاســـي
ولاحــولـــهــم ثــورن يـعــفــــج خــثــاريــقــه=ولا رافــقــوا رجــلــن هــــذورن وبــلاســــي
عـن هــمــوم غـنــدورن فـقــدنــا مـخــانـيــقــه=مـن الـغـيـظ صـبـيـت الـقــوافــي بـالاطـراسـي
وجــودي عــلــيـهــا وجـــد مــن غـاب تـوفــيـقــه=سـجــيـنـن وعـنـد الـبـاب خـمـسـيـن حـبـاسـي
صـدر حـكـــم تــقـــويــده وزادوا بــتــوثــيــقـــه=دقــايـق ويــصـبـح جــثــتــن مـابــهــا راسـي
وله طــفـلـتــن تــشـــبــه حـــلايــا غــرانــيــقــه=وحــيــده وتـرســـم وردتــن فـــوق كـراســي
وحـكـمــه مــن الـتـمـيــيـز زادوا بــتــصــديــقــه=وجــروه بـشــداد الــكــلــبــشــه والامــراسـي
وقـال اصـبـروا بـنـتــي انـا اخــاف تــعــويــقــه=واخـاف انـهـا تـشـكـي مــن الـضـيـم والـبـاسـي
انـا خـايـفـن تـلـقــى الــغــثـى مــن مـخــالــيـقــه=وعـقـبـي تــصـالـيـهـا الـمـصـايـب والاتـعـاسـي
تـعــيـســن وزاد بـوســط جـوفـــه تــخــافــيــقــه=مـثـل خـافـقـي يـشــكـي شــطـيـرات الامـواسـي
رمـاح الـغـــلا زادت طــعــونــه وتــشــلـــيــقــه=ولااحـدن رحـم قــلـبــن شـكـى الضيم واحـتـاسي
عـنـودن رمـتـنــي مــن عــوالــي شـواهـــيــقـــه=عـلـى خـافـقــن يـشـكـي غـثــى كــل هـوجــاسـي
طـيـوفـه سـبـب جـرح الـضـمـايـر وتـفــتــيــقــه=طـيــوفــن تــدوج بـوســط فــكري وانـا نـاســي
وانـا خـايــفــن غــدر الـلــيــالــي وتــفــريــقـــه=مــمــاتـي فــراق الـلـي تـقــل عـيــن قـرنـاســي
هــل الحــسـد شـغـلـتـهـا الــسـوالــف وتـذويـقــه=وتـرمــي بــدرب اهــل الـهــوى كـل لــولاســـي
وانـا سـقــت ياعـــواد صــافــي مــواثـيــقــه=اراجــي وفــى زيــن الــوصايــف والاجــناســي
عواد
هلا باللي سقى شعره ضما لهفة مشاويقه=سبكها من ذهب خالص لهو فضه ولاالماسي
يقود الشعر ويسوقه ليا قلوا سواويقه=وانا بآخذ مع ابياته على ماقيل مرواسي
مجاراتي على نصه بعد فحصه وتدقيقه=لقيته حيل متضايق يشابه حال ابو دباسي
سبايب مهرت(ن)شقرا ضحاياها عشاشيقه=ولاترحم ولاتاوي عنيده مابها احساسي
عسى يفداه من وجهه يعاني من مساحيقه=حسب ماقال صاحبنا ولاني لوصفها ناسي
وصفها الشاعر الراوي حسب عرفه وتبديقه=رسم صوره خياليه على حرف(ن) بقرطاسي
انا وجدي مثل وجده وجودن صعب تفريقه=تسابق وجده ووجدي تنافسنا بالاتعاسي
وجود الي بدا يومه بعد صلى تشاريقه=طرت له فكرة راجت واهلها ربحو اكياسي
بعد مافكر وخطط عليها زاد تشويقه=بدا بالبيت والموتر عجول وصك الاضراسي
مؤشر شاشة الاسهم ركب بعده بزحليقه=من اعلى مستوى حول الين اقبل على الساسي
انا حالي مثل حاله ليا شفتو سماحيقه=من الصدمه فقد عقله ولاكنه مع الناسي
لااني بس متضامن مع الراوي وعشيقه=اجل وشلون لو اني ببحر الحب غطاسي
انا توه صفى جوي لفواز وطواريقه=ولاني لايمن شعري لو اعلن عنده افلاسي
انا ماارضى على شعري يجيب ابيات تلفيقه=ولكن حدني حظي على شاعر قوي باسي
مجارات لمثل هذي تبيله جو ترويقه=طموحي دايمآ عالي ولاارضى غير بالكاسي
الا ياشيب ابو صالح من الشاعر وعشيقه=قضية صاحب(ن)غالي شكالي خله القاسي
اعرفه شاعر وعاقل ولاهو من مطافيقه=ولكن حالته صعبه بها عقده ولولاسي
اوجهها على ربي ولاابغى غير توفيقه=يساعدني على الظالم وانا من جد محتاسي
اشوف ان الهدف عالي وانا باسعى لتحقيقه=وصوله صعب بالمره والاصعب منه منكاسي
سفينةشعري الهادي على متنه زواريقه=مادام ان الامر عندي انا ربان وسياسي
فهمتو مقصد الشاعر حداثه ضد تعتيقه=على الثنتين يالناقد نبي نظره مع قياسي
اكيد تشوفها سهله ولكن صعب تطبيقه=تمعن وامعن النظره تشوف الميل متواسي
تبون الرد تقليدي وانا التقليد مااطيقه=انا شاعر ومتطور وحطه بين الاقواسي
ظروري يتقن الشاعر لغة عصره وتنميقه=وانا حر بعباراتي على حبري وقرطاسي
ولاانسى حق للقارء يخالفني بتعليقه=غرور كليب بن تغلب يبرر غدر جساسي
انا مااحب جمهور يجاملني بتصيقه=مادام اني على عرش الزعامه ثابت وراسي
بقالي كم يالراوي قبل ختمه وتغليقه=نويت اشكي على زامل يحدد معك مجلاسي
انا ماعاد باقي لي سوى ادراجه وتنسيقه=عريب الساس يعفيني ولاينشد عن طفاسي
عواد
خمسة ملاييـن يافـواز راحـن هـدر=الظاهر ان السبب مصدر حلال وحرام
مرة سنه يازميلـي والمؤشـر حـدر=يا خوفي ان انحداره باقيآ كـم عـام
فواز
زمل العرب ياعضيدي بالعرب لو هدر=عقب الفضاء الزين مدخاله لدار الظلام
هذي مكاسب توالف كل رجلن غـدر=وراع الصراحه يعاف اليوم زين المنام
عواد
مانعتذر بالظروف نقـول هـذا قـدر=العذر حلآ ضعيف ومن رضابه يظـام
شيخ الهوامير يافواز وامـره صـدر=من يوم بوش اللعين اعلن سقوط النظام
فواز
ان كان شربك عقب صافيه شان وكدر=كم واحدن ذاق هجر الزين عقب الغرام
وشقران عقب النتاج الزين طاح وفدر=ومن قبل الاسهم وقع منا خوال وعمام
عواد
احسبك وجهآ رضي واثرك وجهآ ودر=يبدولي انك تمـر بوعكـة الانفصـام
انا بري وانت ظالع بأغتيال الصـدر=والا اغتيال الحريري قبل عدة عـوام
فواز
راع اللجاجات يالغالي يجيب السدر=والقصر لو زان بعيونك مصيره هدام
والشعر لولاي ياعواد كـان انجـدر=وقلنا على الشعر بالتالي عليه السلام
عواد
ماانته بقايد (حنين) ولا انت حاضر بدر=كثر من الشجب والتنديـد والاعتصـام
عز الله انك هزمت الشاعـر المقتـدر=احلى تحية لشخصك قبل مسك الختـام
فواز
اسلم وسلم مدام القاف شاب وخـدر=واشعاركم يابوصالح بالمجالس وسام
تنزل بروس العوالي ماتجي منحدر=ومن رافقك ياعضيدي بالعرب مايلام
------ عواد
سلام تسليمآ يكرر ليـن بالـراوي يليـق=على الوفي راع الوفا تسلم يمينك ياوفـي
اليالقيت ابو فهد ينوب عن ميـة صديـق=باسم الله امطر ياجزيل الشعر والمعنى خفي
فواز
عواد عبر الذبذبه يرسل سلامات الرفيـق=والياحصل عواد صرت عن الخلايق مكتفي
يالشاعر اللي بالمثل وافي وصدره مايضيق=لاشفت قيفانه يجي في بالنا راعـي نفـي
عواد
هذي خيوط السالفه من طرقيآ ماله طريق=((الحب)) طبعآ مشكله والهم يصحي ويغفي
اللي بوسط السجن يحسد كل رجالآ طليـق=واللي يطاوله المرض يشوف تاجك ياعفي
فواز
عواد وش بك يالغلا جتنا صواريخك حريق=وش تستفيد اليا لعنت القاف كله وجدفـي
انا تراني ناعمن بالحيل والخافـق رقيـق=وان كان برسيمك كسركم ليش يمي ترجفي
عواد
هذي سمات العارفه يلخس بعينه مايويق=ولا يحدد موقفه ياليـن احـدد موقفـي
لاوهنيك ياغلا جبتي له الوصف الدقيق=لوكان عندي جرأتك يمديني آصل لهدفي
فواز
عواد تر راوي الجبل في ساعة الهوشه سبيق=تلقان طاير بالهواء يومي طوارف شرشفي
انا نشيطن للصحن والعيش قدامي بريق=وان شفت قيفانك هربت وجيت اقابل منسفي