المطني
05-01-2008, 01:14
غزى العقيد المشهور صياح المرتعد اخو جوزاء على الرمال البدو وهم قياض على جبة وكانوا اثناء اخذة صياح
للبل هم كذلك غزو مع العقيد المشهور غزاي بن مظهور من المسلم من الرمال اخو هيا صياح اخذ البل الصبح
صبح العرب واخذ البل ويوم جاء المغرب ياوالله مع جيت الغزو الرمالات يامار البل ماخوذه قال غزاي انا اخو
هيا والله الا ارده بمشيئة الله وغزاي رحمة الله عليه دليل قطاوي على قولة البدو ( ادل من حظاية البيض ) قال
تروهم كود يغدون ويقعون بالمعو ( الجرعا الطويله وله ذرو ينحدر شرق من الجنوب والشمال وهي من الغرب
سد ) اللي هذاك مكانه وبيلشون كل الليله ما يطلعون منه لانه من الغرب سد قالوا تبينا مع جرة البل ولا يم المعو
على طول قال لا يم المعو على طول قالوا انت تدله قال ايه عدي عنده وهم يمشون يم المعو على طول ويم جوه
ياوالله على قول غزاي هم هذولا بالمعو بلشانين الا يمينه الا يساره وعجزوا لا يطلعون من المعو الرمالات حول
الخمس طعش قال غزاي تفرقو بعضكم يجونهم من القبله وبعضكم من الغرب وبعضكم من الشرق وبعضكم من
الشمال ويامنكم سمعتو اول طلقه كلكم ثورو حتى يحسبوننا كثير ويقولون شمر كل اكثره لحقنا ومثل ما قال يوم
ثور غزاي اول طلقه وهم يثورون كلهم وهو يشتبك الرصاص بالسماء وعنزه يغدي الله عليهم والرمالات يطبون
عليهم وهم يرمون وغزاي الله يجيب له صياح وهو على ذلوله وغزاي رجال وهو يقرب منه غزاي يبي يحول
به وهو يقضب رجل صياح يامار صياح معه له مقوار وهو يضرب غزاي بالمقوار مع راسه وهو ينعاق عنه
غزاي شوين وهو يبعد بالليل ياما جاء قطاط الجرعاء وهو يحول عن الذلول وهو يطلع مع الجرعاء على رجليه
ويترك مطيته والعنوز كلهم على هالحاله تركوا ركايبهم وهربوا بعمارهم على رجليهم الرمالات ردوا البل
وكسبوا هاكليلة حول العشرين ذلول . صياح الصبح صبح المطارفه وانقذوه وزملوه وروح لهله وبقية اخوياه
اللي وصل هله على رجليه واللي وصل له عرب وزملوه ياما جاء هله
وتقبلوا / تحيات المطني
للبل هم كذلك غزو مع العقيد المشهور غزاي بن مظهور من المسلم من الرمال اخو هيا صياح اخذ البل الصبح
صبح العرب واخذ البل ويوم جاء المغرب ياوالله مع جيت الغزو الرمالات يامار البل ماخوذه قال غزاي انا اخو
هيا والله الا ارده بمشيئة الله وغزاي رحمة الله عليه دليل قطاوي على قولة البدو ( ادل من حظاية البيض ) قال
تروهم كود يغدون ويقعون بالمعو ( الجرعا الطويله وله ذرو ينحدر شرق من الجنوب والشمال وهي من الغرب
سد ) اللي هذاك مكانه وبيلشون كل الليله ما يطلعون منه لانه من الغرب سد قالوا تبينا مع جرة البل ولا يم المعو
على طول قال لا يم المعو على طول قالوا انت تدله قال ايه عدي عنده وهم يمشون يم المعو على طول ويم جوه
ياوالله على قول غزاي هم هذولا بالمعو بلشانين الا يمينه الا يساره وعجزوا لا يطلعون من المعو الرمالات حول
الخمس طعش قال غزاي تفرقو بعضكم يجونهم من القبله وبعضكم من الغرب وبعضكم من الشرق وبعضكم من
الشمال ويامنكم سمعتو اول طلقه كلكم ثورو حتى يحسبوننا كثير ويقولون شمر كل اكثره لحقنا ومثل ما قال يوم
ثور غزاي اول طلقه وهم يثورون كلهم وهو يشتبك الرصاص بالسماء وعنزه يغدي الله عليهم والرمالات يطبون
عليهم وهم يرمون وغزاي الله يجيب له صياح وهو على ذلوله وغزاي رجال وهو يقرب منه غزاي يبي يحول
به وهو يقضب رجل صياح يامار صياح معه له مقوار وهو يضرب غزاي بالمقوار مع راسه وهو ينعاق عنه
غزاي شوين وهو يبعد بالليل ياما جاء قطاط الجرعاء وهو يحول عن الذلول وهو يطلع مع الجرعاء على رجليه
ويترك مطيته والعنوز كلهم على هالحاله تركوا ركايبهم وهربوا بعمارهم على رجليهم الرمالات ردوا البل
وكسبوا هاكليلة حول العشرين ذلول . صياح الصبح صبح المطارفه وانقذوه وزملوه وروح لهله وبقية اخوياه
اللي وصل هله على رجليه واللي وصل له عرب وزملوه ياما جاء هله
وتقبلوا / تحيات المطني