خالد الشمري
24-12-2007, 22:57
من العايدين الفايزين وكل عام وانتم بخير وصحه وعافيه وسلامه وعساكم من عواده واسأل الله ان يتقبل منا ومنكم صالح الاعمال ..
بمناسبه ايام العيد احببنا ان نأتيكم بقصه فيها نوع من الفكاهه والطرافه وهي جرت على الشاعر الكبير عادي بن محمد بن بشير بن رمال (من الرمال من الغفيله من سنجاره من شمر) وهي انه مر على قطين من الرمال وجلس عندهم فتره وانتم تعرفون ان من عادات الاوليين ـ ولا تزال ـ انهم لاجاهم الضيف مشو به دارّيه الغداء عند واحد والعشاء عند واحد ويوم جاء هاك اليوم وكان الدور على سعود بن سنيد وسعود هذا كان عنده اخت له ماخلق مثله بالجمال والاخلاق (وهي اسمه غزيّه)وكان صيت عادي رحمه الله معروف عند ربعه وهي تسمع الناس يسولفون قال عادي ,, فعل عادي ,, وتسمع بسوالف وقصص عادي وعلومه الطيبه وفعله مع الرجال وزين قصيده وودّه لو تشوف شكله وقالت فرصه مادام ان الدور عندنا اغدي اشوفه المهم يوم تجمعو الرجال وهي تشوفه بدون مايحس احد يمار وش تشوف.. لأن عادي رحمه الله كانت حدى عيونه بيضا وعينه الثانيه به حول وهو رحمه الله عليه اذا تكلم ماودّك يسكت لانه رجال معروف وعلمه غانم وصيته وقدره عند الاوليين معروف ... المهم ان البنت يوم شافته جدعت كلمه على عادي وسمعته مره بجنبه وقالت والله الا اخبر عادي بهالسبّه اللي انتي قلتيه واني لا اخليه يقصد بك المهم فرحت المره وطارت يم عادي بعد العزيمه وعلمته .. عادي فهم ان المسأله غيره من هالمره لان اكثر الحريم كبار وصغار يغارن من غزيه بس اكنّه بقلبه وقال للعجوز خلاص ابي اقصدبه فرحت هالمره على انه يبي يقصد به .. (مادرت وش كان ناوي عادي لانه اعقل واكبر واشرف من هالامور)
بعده بكم يوم كان يتقهوى عادي عند اخوه سعود وكان به رجل بالمجلس من عرض هاللي يتقهوون اسمه البوشي قال له عادي يالبوشي انا عندي شكوى وودى اسنده عليك قال عندي وانا اخو فضى قال عادي :
يالبوشي اشكي لك ولا لك شكيّه=عز الله اني ميقنن بالمماتي
حطّت بي الرمح المشنشل (غزيّه)=صويبٍ اصوب من عطيب الرماتي
العين سودا تقل عين بحرِيه=سهيت وانا محرم ٍ بالصلاتي
جيت الشمال وجيت كل الجويه=ماشفت مثله مع جميع البناتي
ياعل قاعٍ ...........................=.........................من المعثماتي
عشب ٍ بختلي وعشب خطو الشفيه=الديدحان اللي بغض النباتي
ياسعود سلّم إليا وتيتو غزيّه=سلّم عليها وقل لسيد البناتي
تر بنتكم مثل الاصيل العبيه=اللي تسوّر فوق الوف ومياتي
والله مااعرفه ولا ادري وش خفيه=ولا سولفت لي بالعلوم الثباتي
ياكود شوفه بس هلا الفضيه=ياعرّضت مثل خطاة الفتاتي
مالوننا واحد ولا من شديه=انا اقشر وهي مثل عنق المهاتي
بس لياصار انا عند النشاما حضيه=الفين علّق بالوضيحي شماتي
ولهم الرحمه ولكم طوله العمر ....
بمناسبه ايام العيد احببنا ان نأتيكم بقصه فيها نوع من الفكاهه والطرافه وهي جرت على الشاعر الكبير عادي بن محمد بن بشير بن رمال (من الرمال من الغفيله من سنجاره من شمر) وهي انه مر على قطين من الرمال وجلس عندهم فتره وانتم تعرفون ان من عادات الاوليين ـ ولا تزال ـ انهم لاجاهم الضيف مشو به دارّيه الغداء عند واحد والعشاء عند واحد ويوم جاء هاك اليوم وكان الدور على سعود بن سنيد وسعود هذا كان عنده اخت له ماخلق مثله بالجمال والاخلاق (وهي اسمه غزيّه)وكان صيت عادي رحمه الله معروف عند ربعه وهي تسمع الناس يسولفون قال عادي ,, فعل عادي ,, وتسمع بسوالف وقصص عادي وعلومه الطيبه وفعله مع الرجال وزين قصيده وودّه لو تشوف شكله وقالت فرصه مادام ان الدور عندنا اغدي اشوفه المهم يوم تجمعو الرجال وهي تشوفه بدون مايحس احد يمار وش تشوف.. لأن عادي رحمه الله كانت حدى عيونه بيضا وعينه الثانيه به حول وهو رحمه الله عليه اذا تكلم ماودّك يسكت لانه رجال معروف وعلمه غانم وصيته وقدره عند الاوليين معروف ... المهم ان البنت يوم شافته جدعت كلمه على عادي وسمعته مره بجنبه وقالت والله الا اخبر عادي بهالسبّه اللي انتي قلتيه واني لا اخليه يقصد بك المهم فرحت المره وطارت يم عادي بعد العزيمه وعلمته .. عادي فهم ان المسأله غيره من هالمره لان اكثر الحريم كبار وصغار يغارن من غزيه بس اكنّه بقلبه وقال للعجوز خلاص ابي اقصدبه فرحت هالمره على انه يبي يقصد به .. (مادرت وش كان ناوي عادي لانه اعقل واكبر واشرف من هالامور)
بعده بكم يوم كان يتقهوى عادي عند اخوه سعود وكان به رجل بالمجلس من عرض هاللي يتقهوون اسمه البوشي قال له عادي يالبوشي انا عندي شكوى وودى اسنده عليك قال عندي وانا اخو فضى قال عادي :
يالبوشي اشكي لك ولا لك شكيّه=عز الله اني ميقنن بالمماتي
حطّت بي الرمح المشنشل (غزيّه)=صويبٍ اصوب من عطيب الرماتي
العين سودا تقل عين بحرِيه=سهيت وانا محرم ٍ بالصلاتي
جيت الشمال وجيت كل الجويه=ماشفت مثله مع جميع البناتي
ياعل قاعٍ ...........................=.........................من المعثماتي
عشب ٍ بختلي وعشب خطو الشفيه=الديدحان اللي بغض النباتي
ياسعود سلّم إليا وتيتو غزيّه=سلّم عليها وقل لسيد البناتي
تر بنتكم مثل الاصيل العبيه=اللي تسوّر فوق الوف ومياتي
والله مااعرفه ولا ادري وش خفيه=ولا سولفت لي بالعلوم الثباتي
ياكود شوفه بس هلا الفضيه=ياعرّضت مثل خطاة الفتاتي
مالوننا واحد ولا من شديه=انا اقشر وهي مثل عنق المهاتي
بس لياصار انا عند النشاما حضيه=الفين علّق بالوضيحي شماتي
ولهم الرحمه ولكم طوله العمر ....