جوالي والأسماء مدوا يد العون لي

[شموخ]

السلام عليكم ورحمة الله وبركاته

خرب جوالي :( لاتقولون صلحيه :( والله ماهمنى خرابه ماهمنى غير الأرقام الموجوده فيه :106r::106r: وبصراحه انا مااقدر اوديه محل يسترجع لي الأسماء اللي فيه هذا ان كان ترجع :106r: لأن فيه صور عائليه من ضمنها صور وضحى والله تذبحني لو تدري ان صورها منتشره بلوتوث :g: تكفون اللي عنده طريقه استرجع فيها الاسماء يقول لي ...

مع العلم ان سبب تعطله علق معي الجهاز قمت قفلته ورجعت اشغله الا الشاشه مثل شاشة الالعاب اللي تظهر كانها تميل الى اللون الاسود المنقط بالوان ( اكثر من كذا وصف مااعتقد فيه ) :)


تكفون ارقام مهمه فيه والله :g:


تحياتي
شموخ

[هند القاضي]

قوه أختي شموخ

وين حافظتهم في البطاقه أو الجهاز ..؟!


وشنو نوع جهازج ..!!




إنزين جربي أطلعي نفس الشريحه ورديها إن شاء الله يزبط .. وإذا الأسماء ع البطاقه جربي تحطيها في جهاز ثاني وسوي لهم نسخ من البطاقه للجهاز .. اتمنى قدرت أفيدج وردي لنا ننتظرج

[شام]

شموخة ...

شو عملتي بالجهاز

على كل حال يلزمك وصلة كمبيوتر

و تفتحي الجهاز و من ثم تقومين بنسخ أو نقل المحتويات على CD

و بعدها يمكنك تعملي فورمات للجهاز و تنزلي البرامج التي تلزمك

و الصور و الارقام ..

وصلة الكمبيوتر أو الكبل جهاز ملحق مع الجهاز إذا لم يكن موجوداً

اشتري أي كبل من اي محل اكسسورار جوال

و عسى خير

[شموخ]

قوه أختي شموخ

وين حافظتهم في البطاقه أو الجهاز ..؟!


وشنو نوع جهازج ..!!




إنزين جربي أطلعي نفس الشريحه ورديها إن شاء الله يزبط .. وإذا الأسماء ع البطاقه جربي تحطيها في جهاز ثاني وسوي لهم نسخ من البطاقه للجهاز .. اتمنى قدرت أفيدج وردي لنا ننتظرج


هلا بالاخت هند

حافظتهم على الجهاز وهذه المشكله :(

والله جربت كل الطرق مافاد طلعت الشريحه وحطيت شريحه ثانيه ماشتغل وطلعت البطاقه بجهاز آخر ايضا مافيه فايده لأن الاسماء محفوظه بالجهاز :( وانا ابي الاسماء على هذا الجهاز لأن أغلب الاسماء بهذا الجهاز :(


شاكره لك عزيزتي
شموخ

[شموخ]

شموخة ...

شو عملتي بالجهاز

على كل حال يلزمك وصلة كمبيوتر

و تفتحي الجهاز و من ثم تقومين بنسخ أو نقل المحتويات على CD

و بعدها يمكنك تعملي فورمات للجهاز و تنزلي البرامج التي تلزمك

و الصور و الارقام ..

وصلة الكمبيوتر أو الكبل جهاز ملحق مع الجهاز إذا لم يكن موجوداً

اشتري أي كبل من اي محل اكسسورار جوال

و عسى خير


والله مدري وش عملت :surprised


يووووووووووووووه الجهاز ماينفتح لو انفتح كان مافي مشكله ..

عندى الوصله :( بس كيف افتحه :(

شاكره لك ايمان

[المشرف العام]

شموخة ...


شو عملتي بالجهاز





عنّي .. إنّه طايح بصحن فول ، هذي الحجازيه شموخ .. ليا شافت صحن الفول رمت اللي بيدها



لاهنتِ اختي هند و أختي شام .. على المتابعه

[شام]

شموخة هناك منفذ في جهاز الجوال

تضعي وصلة الكمبيوتر فيه

ومن ثم تلحقيه بالكمبيوتر

و إذا نوع جهازك نوكيا في برامج مخصوصة

يفتح لك الجهاز و تنسخي الملفات اللازمة

الى الكمبيوتر ..

و اذا كان جهازك فيه مشكلة من الاتصالات

شوفي خدمة الزبائن خليهم يعطوك رقم BUK

للجهاز .

واذا مشكلتك من الجهاز نفسه يلزمك نقل الملفات مثل ماقلت لك بالبداية

و نتنهي مشكلتك

و خبرينا شو بيصير معك

[شام]

على فكرة برامج اي جهاز تكون موجودة على CD

مع الجوال عندما يشترى من المحل

[شموخ]

8
8
8
8

ههههههههههههه ياليته طايح بصحن الفول يابو سلطان كان ارحم صحن الفول مايضر يفيد :)


تحياتي
شموخ

[المشرف العام]

وشنو نوع جهازج ..!!




تقول وش نوع جهازك


لا تقولين نوكيا وبس ، لازم موديله يعني مثلا برج العرب او الفيصليه :)

[شموخ]

بجرب ولو انى مافهمت زين والله يعين :(

[شموخ]

تقول وش نوع جهازك


لا تقولين نوكيا وبس ، لازم موديله يعني مثلا برج العرب او الفيصليه :)

نوكيا :tongue: آه يازين الفيصليه :) ولا تهون المملكه ولا يهون برج الخرج :tongue:


n70 جوالي

[هند القاضي]

شكلـج مستقبله فايروس :(


الله يستر لا يكون أحمر < إذا هذا اهو تخلفي الله ع جهازج


< تحطيم :d:


وطيعي شوري قفلي البلوتوث :148r:

[شام]

8
8
شموخة شلون مافهمتي

يا بنتي اسمعي

عندك وصلة كمبيوتر

اذن ضعي الوصلة قرب الجهاز أو بالمنفذ

شوفي الكتالوج

و بعدين افتحي برنامج الجوال من الـ CD اللي مع الجوال

و نسخ و لصق

وبس

واذا بدك تمسحي كل شيء على الجهاز فهذا متاح من خلال برامجه

وبعدين اعملي تنصيب للبرامج من نفس القرص

خبرينا شو بيصير معك

[شام]

N70

يا شموخة ..

و عملتي فيه كذا ..

مافيها شي مشكلتك ولو كان فيروس

بس اغلقي البلوثوث و اعملي فورمات وبدونها الملفات قد تكون

مصابة

[هند القاضي]

مافيها شي مشكلتك ولو كان فيروس


الفايروس يعدم الجهاز وجوالي سابقا n70 وصاده فايروس و لا 100 محل ماصلحه وآخرتها في الزباله :d:

[شموخ]

هند

والله ماشغلت بلوتوث :) يعنى من وين يجيني فايروس :(

[هند القاضي]

هند

والله ماشغلت بلوتوث :) يعنى من وين يجيني فايروس :(



أجل أقري عليه ومعافى إن شاء الله :d:

[شموخ]

ايمان بحاول اسوي طريقتك :(

هند

انا ماهمنى الجوال يروح الى الزباله او غيرها والله ماهمنى غير الاسماء ببكي عليها :g:

[هند القاضي]

ايمان بحاول اسوي طريقتك :(

هند

انا ماهمنى الجوال يروح الى الزباله او غيرها والله ماهمنى غير الاسماء ببكي عليها :g:



إنزين لا تبجين :g:


وربي ماعرف الي اعرفه قلته لج وتوقعتج طحتي طيحتي بالفيروسات ورديت عليج من واقع تجربه
:(

بس إن شاء الله دامه مو فايروس بتنحل :d:

[المشرف العام]

تغلق جهازك ثم تخرج جميع البطاقات
وبعدها تضغط على هذه الأزار مره واحدة وباستخدام عدة أصابع وهي
1) زر تشغيل الجهاز
2) الرقم 3
3) زر الأتصال
4) زر النجمة *
وبعد الضغط باستمرار على هذه الأزارا سوف تلاحظ ظهور ملاحظة تقول لك فورمات باللغة الانجليزية وظهور شاشة سوداء وبيضاء وسوف تستمر الى أن ينتهى البرنامج من عمل فور مات لجاهزك مع ملاحظة بانه سوف يمسح الجهاز كل ماهو مخزن على الجهاز واقصد بذلك قائمة الأسماء ، وبعض البرامج التي قمت بحفظها على الجهاز فقط وسوف يرجع الجهاز بعد ذلك كأنك توك مشترية

[شموخ]

هند :)

عاد من زين جهازي احد بينضله :)


ابو سلطان

والله فرحت يوم شفت طريقتك قلت سهله وميسره اتبعها بس بالأخر قلت وش الفايده دامه بيمسح كل شي :(

[شام]

شموخة مالك الا عملية نسخ الاسماء و الملفات الى CD

شوفي أحد من العائلة عنده خبرة أو تعالي عندي

أصلحه لك واعطيك CD من عندي مجاني هدية

و خبرينا شو بيصير معك

[الكنبيوتر]

أختي المشكله على ما أعتقد من الشاشه يعني الجهاز مافيه شي الشاشه بس اللي خربانه عشان كذا ماتشوفينه يشتغل

حاولي تشغلينه عن طريق الكمبيوتر يعني زي ما قالت أخت شام :7ayyoh:

أو أنك تعطينه أحد أخوانك يوديه محل ثقه يغير الشاشه بس

[ابن جشعم]

مراااحب

هناك عدة طرق لنسخ الأسماء من الجوال.

ولكن بما ان جوالك شاشته راحت فـــيها مالك الا انّك تغيري الشاشة:tongue:

هناك طرق لنسخ الأسماء ومحتويات الجهاز ومنها..

الإشتراك في برنامج تسختى من الجوال ...موبايلي ماعندي خبر!!

هناك بعض البرامج تنسخ كل مافي الجهاز وحتى المكالمات الصادرة والوارده والمفقوده وتحفظها بسيدي:)

طبعا كل هذا مايصير اذا الشاشة معتمه !!

صلحي الشاشة وطبعا خوذي الميموري كارد والبطاقة وماراح تتأثر محتوايات الجهاز ولا راح يشوفون منه شي ...

شركة الحداد يصلحون الأجهزة حتى لو الجهاز مو من عندهم.<<< هذا اذا عندكم بالطايف حدّاد:)

[بالمختصر..]

هاذي مشكلة اللي مايحفظ الأسماء بالجهاز + البطاقه :puzzled:


والله ماأتشمت يالغاليه .. بس انتي المفروض تكونين محتفظه بنسخه من الأسماء بالبطاقه ..



وبعدين أعتقد الأسماء والأرقام راح تعرفينها بعدين .. مافيه احد يعرفهن غيرتس ؟؟!!


وشكراً << تخفف عليتس :d:




.
.

[طلال الاسلمي]

الحل الاولى / اخذي الذااكرة وانقلي الاسماء عليهاا اذا كانت مخزنة بالذاكرة .

الحل الثاني / فيه مع كل جوال جديد سي دي صح ؟؟!!
افتح السيدي بالجهاز ونزلي برنامج اسمه Nokia PC Suite ( بزر الفارة الايمن ثم فتح )

وبعدها وصلي الجهاز بالجوال عن طريق اليو اس بي وادخلي على الارقام واعملي لها حفظ على الجهاز
وبعدها شوفي جوال جديد نوكيا ونزلي النسخة المحفوظة عليه . وتلقين الارقام :)






http://www.m5zn.com/uploads/fb4e290b05.bmp (http://www.nua3m.net/vb/)
هذه صورة للبرنامج الموجود بالسيدي اللي يجي مع الجوال الجديد .

[الفيتو]

:puzzled::puzzled::puzzled:


خلااااااااااااااااااااااص وصل ابن جشعم وقال اللى بقوله بالظبط

<==== نعنبو حيه نصاب :):):)

[leonel messi]

ـآلسلآم عليكم و رحمة ـآلله و بركـآته :7ayyoh:

ـآخت شموخ ـآلجمآعة مآقصروـآ بس مآ ووفوـآ :goooood:

ـآلحل عندي :thumb:

بس يبي لتس تصبرين على وصفتي بس بآلصور و بآلحرف :a:

و ـآن شآء ـآلله تدعين لي ـآذـآ خلصتي صح

ـآبحثي بقوقل ( Nokia PC Suite 6.6.18 )

و حمليه و ـآذـآ خلــّص ثبتيه و ـآذـآ ثبتيه

و لآ تركبين ـآلجوـآل طول ـآلفترة هذي لين ـآقول لتس:)

هذـآ شكل ـآلرنآمج ـآول مآ تشغلينوه

http://parsab.persiangig.com/image/Nokia%20PC%20Suite%206.jpg

تشوفين ـآللي بآلزـآوية ـآللي تحت :) ( Get Connected )

ـآضغطي عليه بعده تطلع لتس صورة لآبتوب وجوـآل ووصلآت

مآ علينآ ـآضغطي Next [س]

بعدين ـآول ـآختيآر Cable Connection بعدين Next

طبعآ للحين مآ ركبتي ـآلجوـآل بآلوصلة حقتوه

بعدين تطلع لتس صورة ـآلوصلة و هي تركب بآلجوـآل

ـآلحين ركبي ـآلجوـآل حقتس بـآلوصلة

بعد دقآيق تطلع ـآخر صورة و به مكتوب جوـآلتس

تضغطين ضغطه على شآن يتحدد و ـآضغطي Finish

هنآ ترجعين لآول صورة

http://parsab.persiangig.com/image/Nokia%20PC%20Suite%206.jpg

ـآضغطي على ـآلسهمين ـآلآزرق و ـآلآخضر ـآللي مكتوب تحتهن File manager

يطلع لتس مجلد موجود بوه مجلد ـآسموه Nokia N70

ـآفتحيه و بعدين ـآفتحي مجلد Contacts

بعدين يطلع لتس مجلد فآضي

ـآضغطي على ـآلمكآن ـآلمحدد بآلصورة

http://www.7mmml.com/uploads/84a3d21373.gif

تطلع لتس صورة به لآبتوب و جوـآل و يتم تبآدل ـآلبيآنآت

شوي و تلقين كل ـآلآسمآء بـآلمجلد قدـآمتس

حددي كل شيء و ـآحفظيه بآلكمبيوتر ـآو بفلآش ميموري

و ـآذـآ تبين مقآطع ـآلصوت و ـآلصور و ـآلفيديو قولي لي عندي ـآلوصفة بعد

ـآلحين سوي فورمـآت و ينمسح كل شي و ـآرسليه لآي محل جوـآل

و ـآذـآ خلص شغليه و ركبيه بآلكمبيوتر على طول يتعرف عليه ـآلكمبيوتر

ـآفتحي ـآلبرنآمج و روحي من جديد على File manager و نفس ـآلمكآن ـآللي رحنآ

لوه Nokia N70 بعدين Contacts

ـآذـآ لقيتي ـآلآسمآء موجودة

ـآضغطي على ـآلزر ـآللي بآلصورة مرة ثآنية

http://www.7mmml.com/uploads/84a3d21373.gif

و ـآمـآ ـآذـآ مآلقيتيهن جيبيهن بآلمجلد و بعدين ـآضغطي ـآلزر

و ـآفتحي ـآلجوـآل تلقين ـآلآسمآء موجودة بمكآنه

تمت .. و ـآحمدي ربتس ـآني لحقت عليتس قبل لآ تسوين فورمآت

سلآم .. roooose

[المطنوخ]

منهي وضحى؟

[شموخ]

ايمان

الجوال مايفتح معي :(

الكنبيوتر

مابيه يطلع لاي محل مااثق في المحلات :(


ابن جشعم

اقول ماينفتح الجوال تقول سوي نسخ للاسماء :(

بالمختصر

لا تشمتين :) ايه اغلب الاسماء محد يعرفها غيري وخاصه ارقام صديقاتي :(


طلال الاسلمي

ماقصرت والله بجرب انزل هالبرنامج ..


ابو مرزوق
ريحك ابن جشعم وفر عليك الشرح :)


leonel messi

شكرا على الشرح الكافي والوافي بجربه بكره الطريقه على رواقه واوافيكم بالاخبار :) ان شاء الله يضبط ..


المطنوخ
منهي وضحى؟

زوجة نمر بن عدوان :tongue: منهي يعني :) أمي :)

اشكر جميع الاخوان والاخوات

[leonel messi]

leonel messi

شكرا على الشرح الكافي والوافي بجربه بكره الطريقه على رواقه واوافيكم بالاخبار ان شاء الله يضبط ..



ـآلعفو و ـآنآ حآضر لآي عضو و بآي وقت ـآكون موجود

[leonel messi]

يآ ـآلربع وش صآر على شموخ ؟؟

[عبدالواحد]

طبعا ,, تاريخ الموضوع ونوع الردود ماشفتها >>مستعجل


المهم .,.,,بقولك الحل
تروحين للشركه نفسها , وتدفعين رسم ؟ويعطونك شريحه جديده
وطلبي منهم الارقام المخزنه فيه ,,حتي الارقام المخزنه عليها رسم
اضافي ..




:7ayyoh:>>>مدري اجابي هي اللي تبحثين عنها والا لا:puzzled:

[الفاضي]

طااااااااااااط


انا جيت وانا فض فض

هييييييييييه شموخ انتي يالحولا يالعرجا

جيت وجبت طب جهازتس معي

شوفي ياحيي مشكله جهازتس بالعربي لكاعه فقط لا غير

الحل كالتالي:

اولا. امحطي بالجهاز باقرب جدار بحما حيلتس يعني بكل قوتس وجربي تشغلينه

واذا ما اشتغل نروح للخطه B <====اخس والله متطور فض فض

تاخذين اقرب بلكه والا مطرقه وتكسرين الجهاز ومعه الشريحه بعد :goooood:

ياحيي وش لتس بوجع هالراس وخير يا طير عاد هالاسماء
بالعكس انا اعتبره فايده قولي ليه

عشان تعرفين من الي دايم يتصل عليتس ومن الي بس مخزن رقمتس وما يدق :3ajebni:
فمهتي والا اجيب السبوره واشرح :@

لذلك ريحي راستس وعيني من الله خيرررر والاسامي بداله اسامي :) <====الفاضي وش بلاك ياحيي من تالي صايرن تجدع سوالف ماله وجه ولا قفا خخخخخخ


هذا طبعا الحل الاكيد ولو تروحين لنوكيا يقولون لتس نفس كلامي وانتي بكيفتس

سررت بالمرور من هاهنا والتفحيط خخخخخخخخ


طاااو

[شموخ]

يآ ـآلربع وش صآر على شموخ ؟؟




ماصار شي جيت ابي احمل البرنامج قالوا لي لازم يكون الجوال يشتغل عشان تظهر لك الاسماء :( قلت اجل ليش احمله :( هل هذه المعلومه صحيحه لازم جوالي يشتغل والا تكفي شاشة الكمبيوتر عن شاشة جوالي المعدومه :(

[شموخ]

طبعا ,, تاريخ الموضوع ونوع الردود ماشفتها >>مستعجل


المهم .,.,,بقولك الحل
تروحين للشركه نفسها , وتدفعين رسم ؟ويعطونك شريحه جديده
وطلبي منهم الارقام المخزنه فيه ,,حتي الارقام المخزنه عليها رسم
اضافي ..




:7ayyoh:>>>مدري اجابي هي اللي تبحثين عنها والا لا:puzzled:
ماعتقد عندنا كذا لان اللي محروقه شاشة الجوال مو الشريحه لو الشريحه اقدر استبدلها لكن الجهاز ماظنتي عندهم حل للجهاز .

[شموخ]

طااااااااااااط


انا جيت وانا فض فض

هييييييييييه شموخ انتي يالحولا يالعرجا

جيت وجبت طب جهازتس معي

شوفي ياحيي مشكله جهازتس بالعربي لكاعه فقط لا غير

الحل كالتالي:

اولا. امحطي بالجهاز باقرب جدار بحما حيلتس يعني بكل قوتس وجربي تشغلينه

واذا ما اشتغل نروح للخطه B <====اخس والله متطور فض فض

تاخذين اقرب بلكه والا مطرقه وتكسرين الجهاز ومعه الشريحه بعد :goooood:

ياحيي وش لتس بوجع هالراس وخير يا طير عاد هالاسماء
بالعكس انا اعتبره فايده قولي ليه

عشان تعرفين من الي دايم يتصل عليتس ومن الي بس مخزن رقمتس وما يدق :3ajebni:
فمهتي والا اجيب السبوره واشرح :@

لذلك ريحي راستس وعيني من الله خيرررر والاسامي بداله اسامي :) <====الفاضي وش بلاك ياحيي من تالي صايرن تجدع سوالف ماله وجه ولا قفا خخخخخخ


هذا طبعا الحل الاكيد ولو تروحين لنوكيا يقولون لتس نفس كلامي وانتي بكيفتس

سررت بالمرور من هاهنا والتفحيط خخخخخخخخ


طاااو

ياهلاااااااااااااااااااااا بالاخ الفاضي ياخوي انت حيي :) ويييييييييينك :)

بعدين الله يقطع ابليسك توقيعك ماغيرته :) فجعتني يوم دخلت الموضوع اسمع التفحيط قلت ارهابيين حول بيتنا :)

حل كذا منتاز :thumb:

سررت بمرورك اخي الكريم .

[leonel messi]

ماصار شي جيت ابي احمل البرنامج قالوا لي لازم يكون الجوال يشتغل عشان تظهر لك الاسماء قلت اجل ليش احمله هل هذه المعلومه صحيحه لازم جوالي يشتغل والا تكفي شاشة الكمبيوتر عن شاشة جوالي المعدومه

ـآول شيء ـآسف عآلتآخير

ثآنيآ جوـآلكـ يشتغل و ـآلشآشة طآفية

مآلتس شغل بآلشآشة حقت ـآلجوـآل ـآهم شيء يكون شغآل و بس !!

و ـآلبآقي نفس مآ قلت لتس ـآول ـآوكـيه :thumb:؟

[شموخ]

كيف يشتغل والشاشه طافيه :( انا اجي بفتحه مايفتح يعنى اذا ضغطت على زر الفتح يظهر لي لون الشاشه منقط بالوان تهبل :) فبصراحه ماعرف هو شغال او لا بهذه الحاله لان اول مره تمر زي كذا علي :(

[leonel messi]

سهلة ـآذـآ تبين تعرفين ـآذـآ ـآلجوـآل شغآل و ـآلآ لآ

ـآفصلي ـآلبطآرية و ركبيه و ـآشحنيه نص سآعة و بعدين شغليه

و سوي ـآلبآقي