حرب النجوم [الأرشيف]

مشاهدة النسخة كاملة : حرب النجوم

الأصيل

26-10-2007, 13:50

.
.

السلام على ربعي وربعاتي

والسلام على اللي مهم ربعي وربعاتي:315r:

والسلام على مجموعة عدم الانحياز ( المتفرجون )

والشاعر يقول : اللي مايشتري .. يتفرج:d:

.
.

حانت ساعة الصفر ..

ودق ناقوس الخطر

وثار إعصار الموت

وهاج بحر الهلاك

وانفجر بركان المنايا

إذا لم يكن إلا الأسنة مركب=فما حيلة المضطر إلا ركوبها
.
.
.

لبيك ياصراخ المستضعفين

لبيك يافلة الأحرار

لبيك أيها الطفل اليتيم

لبيك أيها المضطهد المستضعف

لبيك يامطعم نبع العصير ( عندهم فلافل ماحصلتششش ):good1:

.
.

الشعاع ..

النور ..

الأمل

( يالربع ،، ياحليل فيدين : فيض المشاعر ):thumb:

رقيقيييييين مررره وقلوبهم بيضاااااااا

ماتلقى عندهم ألا ..

شمعة تضيء

وشعاع شمس وردي

وزهرة كلتها النعجه :d:

وأحلام صفراء مثل وجه الوغد اللي بوه ( أبوصفار )

وقطرة ماء من أعلى قمة إيفرست !!

صراحه ،،

اللي يشعر بأرق ويبي ينام ،، يسير عليهم

.
.

نعود لموضوعنا ،،،،

.
.
الويل للمتغطرسين والمتغطرسات

أيها الفتى البرجوازي

أيتها الحرمة النرجسية :148r:

أين تنحاشون مني؟

الموت لكم ياللي ماتستحون على وجيهكم !!:c:

وين تولون وتولولون !!

هيهات ..

لو تستنجدون بأهل الشرق والغرب .. فلن ينجدوكم

فقد استنجد بهم أقوام منذ حرب 47 .. وماعندك أحد

والتجربه خير برهان !!!:a:

على عجاله ،،

فالبارح كان عندي عشا بالبر ،، بمخيمي ،،

مخيم ( الأصيل ) لمواد البنا وأعمال النجاره والعماله :315r:

وكنت عازم رجال شروا هالوجيه

هاللي تأخرت مانزلت قصيدتي ألا عقب صلاة الجمعه

( اللهم صل على عبدك ورسولك محمد وآله وصحبه أجمعين )

.
.

الأصيل ليا قصد .. طارت خفافيش الظلام=والغصون ليا ذبل عوده.. يقص أشجارها

جاهزين(ن) بالبنادق ،، والفشق ملْي الحزام=والعدا يوم اشتعل ناره .. نطفّي نارها

ماعلينا لو تصيح ،، وتنتخي شرق(ن) وشام=باذن ربي .. ديرة الظالم ندك اسوارها

جيت (للمطنوخ) ونحدّه على الموت الزؤام=(والعجوز) الحية الرقطا .. تبث اشرارها

(وأبوعارف).. شايب(ن) ضاع من كثر الزحام=عقب حلو العيش بالدار ذاق أمرارها

ياحلا تخضيب الاعناق من ضرب الحسام=علة الفله تفشّت .. ونا بيطارها

باليماني ،، واليماني يبي قص العظام=لاسطا بالعظم كنه فعل منشارها

ياذلول الخير سيري .. بيمناي الخطام=كود يطرخ بيرق العز فوق اكوارها

فزّت المهره بخيال طوّح باللجام=فازع(ن) .. والبنت تنخاو ياخذ ثارها

هلهلي يابنت من يوم طير النصر حام=حر .. من حر(ن) سكن فوق روس اوكارها

شامت الفله (لبوثوب ) والخيّال شام=واقطفت له من ربيع الغلا نوّارها

إن نويتو للمعارك فانا الليث الهمام=والقصايد ماتبي غيرنا ... شعّارها

.
.

أما

الراس التسبير

أما المشرف العام !!

فسوف أقدم مذكرة شكوى واحتجاج :135r:

لدي المضيف(الإسلامي)

متضمنةً ..محاولته تقديم ((( رشوه ))) لي للتخلي عن المستضعفين

وذلك بالعرض المغري بمنحي حصانة دبلماسيه

وتوقيع شهري جديد

وزيادة حرف( الواو ) في (أبوثوووب )

وعندها سنرى حكم المشايخ والمطاوعه

وربما سيصدر قرار بالإجماع بوجوب

عزلك عن تولي منصب الإشراف على المضايف !!!!!!:d:

المطاوعه .. يقولون الحق

ولا يداهنون ،، ويحكمون بالعدل

وعندها .. لن تجد المضايف شخصاً أو شخصتاً

أكفأ مني على إدارة المضايف كلها !!!!:315r:

نعم ..

الأصيل .. أبوثوب

هو القادم الجديد

وعندها ستعود المياه إلى مجاريها

وسيقوم نصاب الحق

والله أكبر

اللي لهم نيه بالمناصب الجديده ،،

يقدمون معروض عند منصورالغايب

أو ريالوووه المذهوب :eek:

فـ اللي ماعليه قيود جنائية وأمنيه ضدنا .. راح نعطيه منصب كويس

واللي ثبتت خيانتوه .. يكتب معروض استرحام ،، :359r:

ونبتّ في أمره لاحقاً ...

يالربع تعبت من كثر التعديل

ذبحتن القصيده ،، عرييييضه خذت الصفحه كله:a:

.
.
.
.

خلف:d:

يالله

كل واحد على مضيفوه ،، يالله

ماأحب الدوجه بالمضايف

واللي ماعندوه شغل .. يروح ينام:315r:

أبوطروق

26-10-2007, 14:25

ريال الفسحه

26-10-2007, 14:43

ابو ثوب

صح لسانك :good1:

اذن العصر مايمديني ارد :)

ناكس لك :luvlove:

ابو عارف

26-10-2007, 14:44

لا هذا كلام خطير وأمر جلل كود نقعد المطنوخ وعجايب من سباتهما العميق ونخبرهما بأن الأخبار التي جتنا هذا الصباح حول موضوع إستسلام الطغمة الإنقلابية على الشرعية غير صحيحه ونأخذ توجيهاتهما حول مسألة إعلان الحرب أو التفاوض والصلح والصلح خير أشوا فيها تخيير بقول الشاعر الأصيل إن نويتوا للمعارك فانا الليث الهمام والنعم مجرب يالأصيل. لا والله المعارك مهالك مافيها خير...

"يدور له مخرج ولو جحر ضب"

ماشفتوا المطنوخ أو عجايب؟

صح لسانك خيال الشعبتين راع اللحيسة على هالكلام الحلو كفو لاهنت.

أم نــــــــــواف

26-10-2007, 14:50

ياربّــــي

الغبره ثايره قبل تبدأ الحرب :)

اخوي شرايك تصير معنا يالشعّار ونعطيك اللي تبي

( إنت مكسب طال عمرك :) )

هنــــا إبداع نظمي فكري

منصور الغايب

26-10-2007, 19:30

صح لسانك يازعيم ابو ثوووب

وها قد حانت ساعة النصر الأكبر ...

وإني أرى أدمغة انتفخت وحان بطها :)

ولن ينفعهم اليوم الفرار ....

خابوا وخسروا ....

وثكلتهم امهاتهم :)

ناقص كم شتيمه نسيتهن ..... :)

يبدأ التقديم للمناصب من يوم الاحد القادم ....

واللي يبي مكان عجايب يجيب شهادة تثبت انه مابه طب :)

المطنوخ

26-10-2007, 20:56

نعم نعم عليكم بعجايب فأقطعوا دابرها وارجموها بالقواطي

نعم يابوعارف أن لحزب الظلام ان ينقشع

معك قلبا وقالبا ايها الاصيل

<--جحد ربعه قليل الخاتمه:)

مرقووووووووووع فوق

ابو عارف

26-10-2007, 21:17

نعم أيها الهجان المزدوج العدل عدل والعوج عوج الكذب ظلام والصدق أبلج.

وأبو عارف وين يودي وجهه وبماذا يحتج أيها الغادر الأهوج وهقتنا مع ربعنا فأين نهج.

لاحول ولاقوة إلا بالله العلي العظيم.

ماشفتوا عشيري أبوطروق؟ أبي البد عنده.

أبوطروق

26-10-2007, 22:05

حياك الله يابوعارف

ماعليك عندي مزرعة بحايل (بنقبين) وبه بويت على كيف كيفك تقدر من اليوم تعتبره محلك (والله يا به زيتون على كيفك)

&ما قلت لك خلك منهم والتحق بجيش أبوثوب المعظم&

:

ريال الفسحه

26-10-2007, 22:28

سبحان الله ما ان يغيب نور الحق فتره حتى يعود
لينبلج <-- هي هاللون :goooood:

الاصيل

لله درك من قائد ولله درك من شاعر ولله درك من رجل :7ayyoh:

ابوثووووب

اذا وفق الله وصرت مشرف عام بدال بعض
الناس <= جاب العيد يحسبهم عشره :)

ابي لوحة التحكم لمدة خمس ثواني وهي مده
اعطاء باند للشليويح :good1:

الاصيل سر ونحن من خلفك ونتذرى بطرف ثوبك :)

صح لسااااااااانك يابطل :thumb:

وننتظر الغنايم :d:

بسمة العز

27-10-2007, 02:39

مرحبا الاصيل

صح لسانك يا مهجدهمroooose

احلى يالقوي:thumb:

اختك/ بسمة العز

احتــراامــي لــكrooose2rooose2

ريم شمر

27-10-2007, 07:18

والسلام على مجموعة عدم الانحياز ( المتفرجون )

وعليكم السلام ورحمة الله وبركاته n)

عجايب بنت الشايب

27-10-2007, 08:10

8
8

مالفت أنتباهي ان ردي بعد رد هالغاليه فقــــــــــــط ..

:) >> بنت عز ماتنهز .. ياروحي ياعجبجب :)

طحياتي ....’’

متعجب

27-10-2007, 10:49

^
^^
^^^

حسبي الله عليك على هالتوقيع

الله ينصرك << على شان توقيعك بس:)

منصور الغايب

27-10-2007, 12:53

^
^
^
^

يبدو ان الصورة اللي بتوقيع عجايب ...

صورته أيام الدورة ...

وكان وزنها ناقص 5 كغ ... :)

أبوطروق

27-10-2007, 13:22

منصور أي دورة خخخخخ

هذي جت من بطن امه ومعه قديمي وبارود

(بس صراحة التوقيع شييييي)

:

منصور الغايب

27-10-2007, 13:42

ابوطرووووق ....

شف الله يعزك (حذيانه) الظاهر انه ماركة اديدااااس خخخخ :)

ريتاج

27-10-2007, 15:26

الأصيل

29-10-2007, 09:49

هههههههههههههههههههههههههههههههههه

أحلا أبوثوب البطل (ماتقل خربته) ماعلينا حنا بايعناك وبايعينه معك على الخير والشر(طمعان بمنصب) ولا للإضتهاد لا للطنخانية ونعم للحرية نعم للديمقراطية.

يعيش أبوثوب الأبي (أقول وين احط معروضي)

:

حطوه بالبريد الالكتروني الهتميل:good1:

هلا أبوطروق

ابشر بالمنصب ،، ونا بنيتي أحطك بمنصب وزير الدفاع والمواصلات:good1:

بسررررعه .. فصل لك بدله ،، ولازم : القميص أحمر والبنطلون وردي:good1:

الأصيل

29-10-2007, 09:52

الأصيل

29-10-2007, 09:55

ياربّــــي

الغبره ثايره قبل تبدأ الحرب :)

اخوي شرايك تصير معنا يالشعّار ونعطيك اللي تبي

كان غيرتس أشطر ،،:thumb:

أنا عمله نادره غير قابل للمساومه أو الاحتباس الحراري:d:

( إنت مكسب طال عمرك :) )

ماعليتس زود ياخاله:good1:

هنــــا إبداع نظمي فكري

شهادة أعتز بها

.
.
.

إذا ماوراتس شغل أو طبخ ،،

ترا الفله مستمرة الحروب ،،

افتحي لتس جبهة مع حدا العجز أو الشيبان :thumb:

والنتيجة ..

النصر أو الشهادة:)

الأصيل

29-10-2007, 09:59

صح لسانك يازعيم ابو ثوووب

وها قد حانت ساعة النصر الأكبر ...

وإني أرى أدمغة انتفخت وحان بطها :)

بطها يابطل:thumb:

ولن ينفعهم اليوم الفرار ....

خابوا وخسروا ....

وثكلتهم امهاتهم :)

صح ،، ثكلتهم أمهاتهم وربعهم:d:

ناقص كم شتيمه نسيتهن ..... :)

تباً لهم :a:

و

تربت يداك:thumb:

و

لا أم لك:d:

يبدأ التقديم للمناصب من يوم الاحد القادم ....

واللي يبي مكان عجايب يجيب شهادة تثبت انه مابه طب :)

تراك بمحلي ،،

أنا مسافر لعقد صفقات دبلماسية

اللي منطبدزه عليه الشروط .. وقع لوه

واللي ماهي منطبدزه عليه الشروط ... وقع راسوه:a:

ويسلمووووووووووووو

الأصيل

29-10-2007, 10:02

نعم نعم عليكم بعجايب فأقطعوا دابرها وارجموها بالقواطي

ماشفت فلم : ( أبوالمعاطي في طريقة الرجم بالقواطي ):148r:

نعم يابوعارف أن لحزب الظلام ان ينقشع

معك قلبا وقالبا ايها الاصيل <--جحد ربعه قليل الخاتمه:)

مالك مذهب:d:

مرقووووووووووع فوق

شكرا على الرقع :thumb:

متى مسابقة المليون

تراني مفلسسسسسس:d:

الأصيل

29-10-2007, 10:08

سبحان الله ما ان يغيب نور الحق فتره حتى يعود
لينبلج <-- هي هاللون :goooood:

هاللون يابعدي ،،، منين لك هاللغة:good1:

الاصيل

لله درك من قائد ولله درك من شاعر ولله درك من رجل :7ayyoh:

لله درك إنت ... :148r:

عسى ماهي مسبه :a:

ابوثووووب

اذا وفق الله وصرت مشرف عام بدال بعض
الناس <= جاب العيد يحسبهم عشره :)

ابي لوحة التحكم لمدة خمس ثواني وهي مده
اعطاء باند للشليويح :good1:

ليه ياشين ،، ترا شليويح حبيب ومنازينوه ،، :hala1:

الاصيل سر ونحن من خلفك ونتذرى بطرف ثوبك :)

صح لسااااااااانك يابطل :thumb:

صح بدنك ياسيناتور:thumb:

وننتظر الغنايم :d:

اسمع

بوه مزرعة لعجايب ،، وارثته من جدته ( ترفه ):good1:

المزرعه 2 كيلو × 2 كيلو

خوذه لك ،، عطيه مامن وراها جزيه:hala1:

الأصيل

29-10-2007, 10:12

مرحبا الاصيل

صح لسانك يا مهجدهمroooose

احلى يالقوي:thumb:

اختك/ بسمة العز

احتــراامــي لــكrooose2rooose2

صح بدنتس يابسمة العز

إنتي مع فيدين عدم الانحياز؟:good1:

نصيحتي ..

إلتحقي بركب النصر في كتيبة النصر في يوم النصر :d:

وتحصلين على :

1 ـ قصر المطنوخ ( 4000 متر مربع )

2 ـ ناقه لعجايب ،، كانت تبي تشارك به بمزاين قحطان:good1:

3 ـ مكنسه كهربائية:d:

الأصيل

29-10-2007, 10:18

وعليكم السلام ورحمة الله وبركاته n)

أرجو من الأخت أم طلال اختصار الرد والاقتصار على ما لايزيد عن 67 سطراً:good1:

كما نرجو التركيز على نقطة واحدة ومحور واحد ،، وعدم التشتت في مواضيع متعدده:a:

.

.

.

سوف اقوم بإعداد مذكرة للرد على الأخت ريم شمر بعد قراءة متأنية لردها:d:

يابوثوب ،،

أختك ريم شمر ... ردّت السلام ،، ونت كليته بالحتسي:goooood:

الأصيل

29-10-2007, 10:22

8
8

مالفت أنتباهي ان ردي بعد رد هالغاليه فقــــــــــــط ..

هاه .. وصلتي ياشمطاء قريش:good1:

:) >> بنت عز ماتنهز .. ياروحي ياعجبجب :)

إيه هيّن ..

أنا أصدرت أوامري للعجز اللي بمعسكر القوات المجولقة بالقبض عليتس

وإرسالتس إلى الدلاّله أم مدحت ،، لبيعتس في سوق النخاسه :a:

طحياتي ....’’

أو تدرين ،،

راح أرسلتس هديه لأم نواف ،، عل وعسى أن تنضم لكتيبتنا المجحفلة:good1:

أما توقيتس وهالكلاش والجوتي الأديداس :good1:

فـ ... روووووووووووووووووعه:d:

خ

ل

ف:d:

الأصيل

29-10-2007, 10:26

^
^^
^^^

حسبي الله عليك على هالتوقيع

الله ينصرك << على شان توقيعك بس:)

ينصر من ؟؟؟؟:148r::148r::148r:

أفا يامتعجب ،،

ماهقيتها منك :a:

تبيعنا بتوقيع هالعجوز:d:

راح أعتبرها ... زله وعند صديدز:thumb:

الأصيل

29-10-2007, 10:28

صرااااااااااااااااااااااحه شي موضووووعك
اما على عجاااااااله خياااااااااال هههههههههههههههههههههههههههههههههههههههه هههههههههههههههههههههههههههههههههههههههه هههههههههههههه*****ضحكه من قلب

بااااااااااااااااااااياااااااااااااااااا اااااااات

أهليييين وسهلييين:good1:

ترا مواضيع الفله كله تخلي الواحد يضحك لدرجة الغثيان:a:

مما قد يسبب انهيار في عمل الجهاز السمبثاوي :goooood:

لذا

ننصحتس بزيارة الفله مره في اسبوع:d:

ابو عارف

29-10-2007, 12:47

هلا وغلا بحبيب الكل ،، عدو بعض الناس:good1:

ياخي إنت ذهب عيار 24:thumb:

وعلى قولتك ،، الحرب دمار وخراب ديار

والمعارك مهالك

وراح نحطك مندوب سامي للعلاقات الدوليه للإصلاح الاجتماعي :)

وتحيه لك

------------------------------------------------------------

لقد قبلت العرض يالأصيل أبا ثوب بشرط يكون المشتشار القانوني للمفوضية للعلاقات الدولية هو الإستاذ/عشيري العزيز أبو طروق والراتب كل 15 يوم ويوفر لنا طائرة خاصة رياضية للتجوال حول العالم مرة في الإسبوع على الأقل.

Sport aircraft in order to tour the world at least once a week for the best relationship

أبوطروق

29-10-2007, 13:41

أهلا بسعادة المندوب السامي الشيخ أبوعارف باشا

السلام الأصيلي:-

_ثوبنا ياثوب عز الفلتي
_أصفرا لكنه لا يبهتي
_درعنا ويقينا شر الطامعي
_دفئنا من برد ليلن أصقعي

خمسين طلقة بالهوا

قصيدة شعرية بعنوان: أصبت أباعارف

تسليم الدروع التذكارية

كلمة ترحيبية بالمندوب

حياك الله يابوعارف ومبروك المنصب

مع تحيات اللجنة الإعلامية والترحيبية بوزارة الدفاع والمواصلات

:

ابو عارف

29-10-2007, 15:26

رحب باقي أبو طروق

شكراً على الحفاوة والترحيب الحارين أيها المستشار القوي و الخلوق لاعدمناك.

شوف لنا المواضيع والملفات العاجلة و الهامة اللتي تحتاج إلى تدخل سريع للنظر فيها

هذا وبلغ موظفي المفوضية بأن يعتمدوا الزي الرسمي هو الثوب واللون المعتمد هو الأصفر

ورشح لنا عدد إثنان من المساعدين المؤهلين و الأكفاء من الناطقين في معظم اللغات مثل لغة المراوغة والمصارعة والمناورة والمخادعة والدبلوماسية و الطنخانية و لغة الطرحي و العركي ونطٌح الصياح صياح تسلم و لغة شقلة ولغة الإنسحاب والذلة الخفية ولغة عجايب بنت الشايب و لغة المشرف العام والإدارة العليا بالإضافة إلى بعض اللغات المحلية والإقليمية والدولية.

وتقبل تحياتي وتقديري

Over

بالمختصر..

29-10-2007, 16:02

المطنوخ

29-10-2007, 18:40

^
^
^
يعني اقدر اقول انتس راح تنهين حزب الثوب وتصيرين انتي زعيمته؟

ابو عارف

29-10-2007, 21:06

ههههههههههههههه

حلو الزي الرسمي الجديد .. ( حروب وثياب جدد من وراي .. هيـّن )

بس عندي سؤال / الحريم وش يلبسن ؟؟ n)

وألا مالهن مكان هنــا !! :a:

يعني أطلع برا المتصفح ؟؟ <- متحديه تبي الهواش :)

:

الله ينصركم ويثبت أقدامكم .. وأفطنوا لـ نعولكم ( وانتم بكرامه )

يالله مع السلاااامه ..

تبـــــــــون شي ؟؟

.
.

--------------------------------------------

نحيل هذا السؤال الصعب اللي ماخذينا حسابه وتفاجأنا فيه إلى الزعيم الكبير المتخصص بالأزياء والموضه ابو ثوب ونقول:

إلا يابو ثوب الحريم ويش يلبسن ؟

أبو طروق ماشفت حذياني تكرم؟
Over

إظني لبست نعولك أربشتنا بالمختصر بهالسعال ، هالبنية هذي خابرها من مجموعة عدم الإنحياز .

.

ابو عارف

29-10-2007, 22:30

أسماء ووظائف جديدة
يا أيها الشباب والشبابات والكهول والكهلات من أراد أن يأمن على حياته من شر الحروب الطاحنة والمتوقع إندلاعها في أية لحظة فليعلن البيعة والولاء والطاعة في المنشط والمكره بغير معصية الله للإستاذ الركن أبو زاوية اللواء المهيب الأصيل ابو ثوب أصفر ، فليدون إسمه أدناه والوظيفة التي يرغب في شغلها هاكذا.

1- أبو عارف ... الوظيفة المطلوبة تحت إدارة الأصيل أبو ثوب أصفر هي ... مرٌاس ... مايعرفونه لكن بكيفهم.

مهاجرة باحساس

29-10-2007, 23:56

فزّت المهره بخيال طوّح باللجام=فازع(ن) .. والبنت تنخاو ياخذ ثارها

هلهلي يابنت من يوم طير النصر حام=حر .. من حر(ن) سكن فوق روس اوكارها

[font=Simplified Arabic][size=5][align=center][B]
.:315r:

هذا اللي عجبني

لولوليييييييييش

..

على فكرهـ

فيه شي غريب

منصور وريال يهاوشون وهم بتساييين

تدرون وشلون عرفت :) شوفوا الصور الرمزيه حقتهم

يقولون ...البدو....المتفلت مايهوش ..

الله لايبلانا .....

..

أنا للحين مدري مع منو

لا صح انا مع ابو عارف وبس :)

ابو عارف

30-10-2007, 07:30

حياك الله يامهاجرة بإحساس على الرحب والسعه ، لكن أبو عارف مايدري منهو معه في ضوء هالفوضة العارمه في الفلة وفي ظل غياب عجايب بنت الشايب وتوجيهاتها وخيانة المطنوخ أصبحت الأوضاع مفلوته وكل من إيده إله.

أبو طروق الغالي شف لك وظيفة ممتازة تليق في مقام إختنا مهاجرة حتى تستقر الحال ويركد الرمي ونعرف رأسنا من رجلينا.

البارحة حكني رأسي رحت أحك رجلي الله يدفع البلاء.

شكراً لك مهاجرة الظاهر إننا تبع أبو ثوب قرب الشتاء والناس تحتاج لثياب.

أبو طرووق عد الجنود الجدد وكل خمسة من الجنس الواحد أربطهم مع بعض حتى يسهل علينا عدهم بعدين .

شكراً لك لاهنت

أبوطروق

30-10-2007, 08:05

ابو عارف

30-10-2007, 09:08

أبوعارف

لقيت وظيفة شاغرة تصلح لمهاجرة وهي وظيفة جاسوسة

ولها حوافز وبدلات كثيرة وبرتبة ملازمة أوله
_______________________________

ههههههههههه أبوعارف ربطت كل خمس جنود مع بعض وصاروا تقل مساويك

متى تبينا نجلبهم؟

:
-----------------------

أنشهد إنك ذيب ولاتنوصى أبو طروق

تعلم ياعشيري أن هذه الوظيفة حساسة جداً ومهاجرة بإحساس تستطيع أن تتحسس حركات الأعداء بإحساسها العالي وأحاسيسها المتميزة بشكل غير محسوس من قبل العدو الغاشم.

أما من ناحية جلب الجنود فهذه نعتبرها كبوة الحصان وغلطة الشاطر ، إستمر في التجنيد وكثف التدريب وزيد الحوافز لهم وإذا وصل العدد إلى 50 حزمة من المجندين والمجندات أوقف التجنيد و خبرني حفظك الله هذا سر من أسرار الحرب والأمن القومي لاتسأل عنه بارك الله فيك.

من أفشى سراً دفع ثمنه دماً.

ملاحظة

إذا نقصة عنك الحبال إربط الرجال في عقلهم والنساء في عصايبهن وإذا إنتقدم لك رجل مع زوجاته الأربع إربطهم مع بعض.

شكراً لك

الأصيل

30-10-2007, 12:36

يالربع ،، هذه المعركة محسومه سلفاً ( سلفاً ماهو سلفه يالفقارى ):good1:

وأكبر مكسب هو انضمام أبوعارف إلى منظومة الدرع الصاروخي:d:

وهالرجال عليه بيانات تروع وتخرع وتصيب العدو بإسهال في وقت حرج:thumb:

لذا ..

قررأت أنا بالإجماع ،،:good1:

وبعد استشارت روحي ( أيا الدكتاتور الجديد ):a:

قررت أن أمنحه منصب وزير الإعلام والمراسم الأصيلية:)

ياعيال ..

جهزو الفشق ..

عندي سجه على مضيف جديد اسموه : الركن الهادي :good1:

هكا اليوم جيت أبي أخش ،، قالو : والله ماتخش:148r:

قلت ..

إن ماخشيت بمروة .. أخش بقوّه :d:

واللي ماهو عاجبوه ،، يروح للبحر الأحمر ،، وياخذ لوه طاسه ، ويشرب منوه:hala1:

الأصيل

30-10-2007, 12:41

هذا اللي عجبني

لولوليييييييييش

..

على فكرهـ

فيه شي غريب

منصور وريال يهاوشون وهم بتساييين

تدرون وشلون عرفت :) شوفوا الصور الرمزيه حقتهم

يقولون ...البدو....المتفلت مايهوش ..

الله لايبلانا .....

..

أنا للحين مدري مع منو

لا صح انا مع ابو عارف وبس :)

ابشري بالخير تسانتس مع أبوعارف :thumb:

هالحين أبوعارف عندوه ثلاث مناصب وزاريه:good1:

ونا ناوي أعطيه منصب آخر علشان يسدد ديونوه:d:

وسعدنا بمشاركتتس :goooood:

لا لا

ماسعدنا بمشاركتتس :a:

هكا اليوم جيت الركن الهادي أبي أعلق على موضوع لتس

وهم يطردوني ،، ليييييه؟؟:148r:

فـ تحقيقاً للعدل ومبدأ المساواة بين شعوب العالم الثالث ،،

ماراح نسمح لتس بالتعليق هنا ،، يما تسمحون لي بالتعليق هناك:thumb:

أو نسحب سفيرنا ونسكر السفاره بالشمع الأزرق:d:

ابو عارف

30-10-2007, 13:45

فارسنا الأصيل أبو ثوب شكراً لسعادة روحك على هالمناصب إلى ما إجتمعت إلا عند وليد المرحوم.

ثانياً لا يافارس أبو ثوب لاتطرد ضيوفنا وربعنا وأصحابنا من ركننا أحلم ياطويل العمر يمكن كان ركنهم بالمغسلة ذاك اليوم أو نائم لإنه يحب الهدو ولاقدرو يزعجونه .

حاول مرة ثانيه يمكن يسمحون لك.

وحنا ياطويل الثوب أقصد العمر ماجانا إلا بالمختصر كل من أواق علينا وشافن أنا وأبو طروق خرج ولم يعد .

فلاتطرد أحد أبد لا وأوعدهم في حوافز حتى لو تسذب.

شكراً لتفهمك لوضعنا المتردي والنطيح والعوراء والمنكسرة.

فياهلا بكم لدينا حفلة ليلة الخميس ماتحصلش شرفونا.

عجايب بنت الشايب

30-10-2007, 22:40

سقا الله = سئا الله

اشوفكم يا اهل الله الفله .. مجتمعين وتقهوون ومعينين من الله خير

من يوم ربي بلاني بكم وبلاكم بي :) >> ياروحي يالعدل

وانتم من شطه لشطه

تقل محلوف عليكم ماتشدون الأرض وترتاحون

تقل والدين انتم والحجر والنبيطات بيوم واحد

تقل . كل واحدن كأن الشيطان تافلن بأذنه

تعوذوا من الشيطان

فضحتونا في خلق الله

هالأعضاء اللي توهم طالعين من البيضه

الحياة بيضا بوجيههم والمستقبل قدامهم

علمتهم الطبوع الشينه

صاروا ينشدون عن النبيطات والحرووب

مير علمن ياصلكم ويتعداكم

شفت أو سمعت بهوشه أو حرب

يجيكم علمن ماهو ذا ..

لا ارحم الله من لا يخافه ..

ذرن .. غاديتن مالها والي

اخت أخوي اخته ... :(

بعدين يا كبير المهبل

يابو ثويب

توقيعي .. ينم عن الحقيقه التي نعيشها وهي اني اكتفشت :)

أن حتى الربع مافيهم خير وخصوصاً اهل الفله

يمكن في نفس اللحظه اللي يمد لك كوب ماء بيد

يصفقك بوجهك بالبيد الثانيه :)

لذا قلت

لا صار ربعك ابو ثوب وطنخان
لابد ماتقضي لزومك بيمناك

وأمحق زمان وياعيشة الشر

طحياتي ......,, :(

المطنوخ

30-10-2007, 22:42

اما سمعتم بالكر والفر؟

بالمختصر..

31-10-2007, 00:14

^
^

بلى سمعنا واطعنا :) ههههههههههههههه

اما انت أيها الدكتاتور الحقّاني الشرير بس قلبك طيب :)

لدي [ عـــــرض خـــــاص ] لــك :7ayyoh:

إذا تبي مساطر أو فرجارات ( جمع فرجار :) ) راح أهرّب لك من المضيف تبعي

بس لاتعلم ابو سلطـ ... <- تسني خايفه أقول الإسم !!

بس بشرط .. تحذف ردود مهاجره بإحساس كلهن من يوم ماانولدت بالفله n)
وعقب شهر ترجعهن .. بس ابي اخرشه :tongue:

امزح :(

ومنصــووره يالفلّه ..

.
.

منصور الغايب

31-10-2007, 00:29

تراني موجود وكل اللي ما اثبت ولاؤه للمعارضة راح يضاف لقسم الخونة ...

لذلك بالمختصر + المهاجرة = بلاك لست .......

وانتظروا .... راجمة الصواريخ في مدح المناضلين وذم المطانيخ .... قريبا على الفلة ...

بالمختصر..

31-10-2007, 00:36

:g:

منصـــــــوووور والله ماني مع أحد بس بما أن مطنوخ أفندي زميلي بالمهنه

قلت أعرض عليه هالعرض <- صافطتن لوه :)

وإن رفض أعرض عليك أنت وخوياك :)

يعني ماني مع الخونه أسحــــــب كلمتك ..

.
.

المطنوخ

31-10-2007, 00:37

بالمختصر ايتها الحليفه

مهاجره هذي قلبها فضيخ لو تطيرين عيونتس عليها تشنجت :)

اخاف احذف ردودها تفطس علي عاد بليا اعدائي يتربصون بي:)

بالمختصر..

31-10-2007, 00:50

بالمختصر ايتها الحليفه

مهاجره هذي قلبها فضيخ لو تطيرين عيونتس عليها تشنجت :)

اخاف احذف ردودها تفطس علي عاد بليا اعدائي يتربصون بي:)

خلاص خلاص .. أصلاً أنا قلبي طييييييب ماأقــدر :g:

it's OVER

.
.

مهاجرة باحساس

31-10-2007, 02:16

بالمختصر ايتها الحليفه

مهاجره هذي قلبها فضيخ لو تطيرين عيونتس عليها تشنجت :)

اخاف احذف ردودها تفطس علي عاد بليا اعدائي يتربصون بي:)

............

الحليفه :a:

يملى يتربص بعدوك أبليس قل أمين :148r:

هييييييين أوريكم :408r:

..

مهاجرة باحساس

31-10-2007, 02:20

^
^

بس بشرط .. تحذف ردود مهاجره بإحساس كلهن من يوم ماانولدت بالفله n)
وعقب شهر ترجعهن .. بس ابي اخرشه :tongue:

.

هيييييييييين أوريتس

طبتس عندي

ابو عارف

31-10-2007, 14:21

أبو طروق عد الجند وانا أخيكا = تر مالنا بعد الولي من سواكا
الحرب ستعلن بوقت وشيكا = بس ننتظر ثوب الأصيل يتحاكا
حرب ضروس ماتقلد امريكا = جهز جنود الجيش دون ارتباكا
جهز لنا القوات دون تحريكا = خمسين حزمه عدها مايخفاكا
حتى تفاصيل المعارك تجيكا = يالطيب اللي كل ربعك وراكا
طيبك قديم وارثه من ابيكا = نطلب من الله يالعشير يحماكا
يالله يالواحد ولالك شريكا = تسقي ديار المملة من عطاكا

أبوطروق

31-10-2007, 14:40

صح لسانك يالحكيم وابشر بالسعد وانا اخوك

والجيش جاهز بس باقي حزمتين وماهن ضروري واللي معنا يكفون

ننتظر رجعة جاسوستنا بآخر أخبار القوات المعادية (مهاجرة) وبعده سنهاجم بكل قوة وشراسة حتى نقطع دابرهم ونحقق النصر.

انتهى
أبوطروق/وزير الدفاع والمواصلات

:

ابو عارف

31-10-2007, 15:31

أحسنت يالطيب وهذا العشم فيك ياتاج رأس اللي نصاك وتحراك
بغيت اسويها قصيده وهونت وإلا أنت تستأهل جزيل القصايد.

بالمختصر..

31-10-2007, 20:08

انتم وجاسوستكم .. مهاجره !! من الإسم مبين انه شجاعه :)

أقول :

هي وش سوت لكم ؟؟

كه كه كه ( ضحكة الواثــقــه )

[ ترى ماني مع أحد ] بس أسوي صفقات وهميه :)

.
.

ابو عارف

31-10-2007, 22:13

الحرب هذي مافيها ماني مع أحد ، أما معنا أو ضدنا نحن جند الأصيل أحسن لك تنضمين لواحدة من هالحزم قبل أبو طروق يسكر باب التجنيد.

شوري عليك تعلنين موقفك وتحددين حزبك من الآن .

ولن يكون لأحد خيار هذه حرب القطبين الكبار الأصيل أبو ثوب والزعيم المطنوخ

ولن يسمح لأحد أن يقف موقف المتفرج .

:148r::148r: Over

ريتاج

01-11-2007, 05:53

ياااااااااااااااااعااااااااااااااااااااا اااااااالم

وين وظيفتي رااااااااااااااااااااااحت لا يكوون نسيتوني

ياااويلكم ان نسيتوووني

ابو عارف

01-11-2007, 09:12

هلا بريتاج حايل ومرحبا الف

فبالإصالة عن نفسي ونيابة عن الزعيم المطنوخ وعجايب بنت الشايب يسرني ويشرفني بأن اوجه لشخصك الكريم هذه الدعوة الصادقة والنابعة من القلب بأن تنضمي إلى الفرقة المنصورة الفرقة الشرعية فرقة مشرفي الفلة الرسميين والشرعيين والقويين والمنتصرين بإذن الله لإن الله عز وجل مع الحق وضد العدوان الغاشم الظالم.

وإذا قبلتي هذه الدعوة الصادقة فبإمكانك إختيار الوظيفة اللتي ترغبين ممارستها وتتناسب مع وضعك وقدراتك وتأكدي ياريتاج بأنكي لن تندمي إنشاء الله هذا ونشجعكي بأن تدعين من يعز عليك للإنضمام لهذه الفرقة الظافرة والمدعومة من قبل المشرف العام وأعضاء الإدارة جميعاً.

حياك الله ونتطلع إلى خطاب وافقتك موضحتاً به مسمى وظيفتك قريباً وقبل موعد بدء العمليات العسكرية واللتي تشير الدلائل بأن ساعة الصفر ستعلن من قبل الزعيم المطنوخ في مدة أقصاها 24 ساعة من الآن.

الله أكبر وليخساء شارون ودولة صهيون الملعون.

ملاحظة هامه نرجومن الجميع تحديد مواقفهم وإنتمآتهم خلال ال 12 ساعة القادمه للأهمية والفرصة متاحة للجميع حتى للمنشقين والمخدوعين والمغرر بهم من قبل منصور الغايب ولاعدوان إلا على الظالمين.

القائد العام لقوات الزعيم الأطنخي الباسلة
الركن المهيب والزاوية العجيبة لكل القطاعات الجوية والبحرية والصاروخية والدروع والمشات الراجلة والزاحفة .

وزير الحربية المشير ابو عارف

ريتاج

01-11-2007, 12:55

اي وظيفه انا حاااااااااااااااااااظره من اعيوووني

بس متى الحرب لا يكوووون اليوووم لانه مااااأقدر

اذا كان اليوم اقدرمن السااعه وحده لانه بطلع

مهاجرة باحساس

01-11-2007, 20:53

هيييييييين أوريتس يابالمختصر...

ماعلينا من هالمتعاليه <<< من صارت مشرفه n)

لا تخافون يالمطانيخ ...كل علومهم عندي

شوف عيني الاصيل راتسب ددسن ورايح لافغانستان يجيب أسلحه

أيه هين :puzzled:

الا رايح يجيب قماش :tongue: يبي يفصل للشباب زي باكستاني <<< شلون تجي :)

يقول خطه :d: عشان نخدعهم

على مين يابابا

على ابو عارف :a:

المهم تدرون ان ريال مربع بماكدونلز وكل ما دق عليه منصور يقول افزع

يقول استنى خلني اخلص السندويشه ( سندويشتوه كبر راس الكنبيوتر ) :)

ماكدونلز مسوين خصم على وجبات الاطفال :goooood:

ومنصور المسكين جحدوه .....يقولون ماتسنك استعجلت بالحرب :(

..

أما العله بالمختصر

تلعب دور المرجفين ( تزعزع الصفوف وتهج للمضيف التعليمي ) n)

...

كونوا على ثقه نحن المنتصرون <<< منهم أنتم :puzzled:

..

علومهم عندي ماتخفوش :)

..

ابو عارف

01-11-2007, 23:35

بارك الله فيك مهاجرة ياصاحبة الحس والفراسه لقد أصبتي بماقلتي وبجهودك وجهود الخيرين أمثالك إنتصرنا عليهم بسبب إختراقنا لمواقعهم وكشف خططهم والله يحفظ الجميع.

لقد إنتهت الحرب وكانت الخسائر لدينا جزئية وبسيطه فقط فقد عدد 3 سياكل أطفال وجوال عجايب يعتقد أن منصور والغايب والشاهري العبيدي قد سرقوهم لإستخدام هذه الدراجات في الدورية والموبايل لكشف الاسرار العسكرية للحرب وهذا الشيء الذي جعلنا نغير خططنا ونبادر بالهجوم المفاجيء والكاسح.

هذا وقد عممنا عن المفقودات لدي البوليس الدولي Enterpol

سرحــان

02-11-2007, 02:09

الأصيل ليا قصد .. طارت خفافيـش الظـلام
والغصون ليا ذبل عوده.. يقـص أشجارهـا
جاهزين(ن) بالبنادق ،، والفشق ملْي الحـزام
والعدا يوم اشتعـل نـاره .. نطفّـي نارهـا
ماعلينا لو تصيح ،، وتنتخي شرق(ن) وشـام
باذن ربي .. ديـرة الظالـم نـدك اسوارهـا
جيت (للمطنوخ) ونحدّه على المـوت الـزؤام
(والعجوز) الحية الرقطـا .. تبـث اشرارهـا
(وأبوعارف).. شايب(ن) ضاع من كثر الزحام
عقـب حلـو العيـش بالـدار ذاق أمرارهـا
ياحلا تخضيب الاعناق مـن ضـرب الحسـام
علـة الفلـه تفشّـت .. ونــا بيطـارهـا
باليمانـي ،، واليمانـي يبـي قـص العظـام
لاسطـا بالعظـم كـنـه فـعـل منشـارهـا
ياذلول الخيـر سيـري .. بيمنـاي الخطـام
كـود يطـرخ بيـرق العـز فـوق اكوارهـا
فـزّت المهـره بخـيـال طــوّح باللـجـام
فـازع(ن) .. والبنـت تنخـاو ياخـذ ثارهـا
هلهلي يابنت مـن يـوم طيـر النصـر حـام
حر .. من حر(ن) سكن فوق روس اوكارهـا
شامـت الفلـه (لبوثـوب ) والخيّـال شـام
واقطفـت لـه مـن ربيـع الغـلا نـوّارهـا
إن نويتـو للمعـارك فانـا الليـث الهـمـام
والقصايـد ماتبـي غيـرنـا ... شعّـارهـا

صـــــــــــــــــــــــــــــــــــح لـــــــــــســـــــــــــانـــــــــــك