تكفون افزعوا لي

[بلهان]

السلام عليكم ورحمة الله وبركاته

مبارك عليكم الشهر الكريم

اخوكم يسير على المضايف حسب تياسير الله ولكن اول مرة أسجل مشاركه

السالفه يالربع كنا بمجلس فيه ناس واجد من عدة قبايل والهرج حول وحدة من هالقبايل
وسأل واحد من الحاضرين الموجودين من هالقبيلة عن لقبهم أونخوتهم وش معناها ومااحد منهم عطا علم وكاد
عاد انا يوم شفت الناس ورطانه خفت ياصل الدور عندي ويصير لي ماصار لهم

قلت ياولد ازبن المضايف وابشر بسعدك

وابيكم تعلمون اخوكم عن :

الطنايا

السناعيس

غلبا
وش معانيها
ومن هي له
وابي اعرف الفرق بين
(غلبا) شمر و (الغلبا) سبيع

تكفو ن لايبطي ردكم علي

والسلام عليكم

[شموخ]

وعليكم السلام


الطنايا

السناعيس

غلبا

معروفه لشمر ،،، ولها قصص وخاصة السناعيس والطنايا ان شاء الله الاخوان مايقصرون يجيبون روابط المواضيع اللي تتكلم عن احداث التسميه ..


وابي اعرف الفرق بين
(غلبا) شمر و (الغلبا) سبيع


غلبا شمر ماخوذه من الغلبه حسب ماقرأت لأن شمر اشتهروا بالغلبه اثناء الحروب ..

والغلبا لسبيع وحسب ماسمعت انها ترجع الى خيول عندهم قديما


وان شاء الله الاخوان مايقصرون وخاصه الراوي واصحاب المعرفه ...

تحياتي
شموخ

[بلهان]

أختي الكريمة أشكر لك إهتمامك ومرورك


والحقيقة أنني بحثت كثيرا عن تلك المعلومات ولم أجد أغنى من المضايف


إلا أن المعلومات فيها تكرار كثير وخلط بين الألقاب والعزاوي

إلا أنني لم أجد حتى الآن مايفيد بخصوص


غلبا


والغلبا