المساعد الشخصي الرقمي

مشاهدة النسخة كاملة : اسواق نسائيه



هتون
11-10-2001, 12:00
مرحبا
اكيد ان اكثركم سمع عن الاسواق النسائيه
انا بصراحه اروح لها كثير وهي عاديه جدا بس الفرق بينها وبين الاسواق الثانيه ان البياعات حريم
بس ماكان احد يجبرنا اننا نرمي عبايتنا بس المهم انك تكشفي وجهك عند الباب علشان بس يتاكدون انك حرمه
بس الغريب الحين ان في سوق نسائي في الرياض تبع المملكه اكيد تعرفونها الي بجنب الفيصليه المهم هذا السوق في حريم عند الباب يخلون الحرمه ترمي عبايتها خير شر وممنوع تدخل فيها لهذا السوق انا استغربت يومسمعت انه كذا والي يزيد الطين بله ان البس هناك شي
من جد ماتصدق انك في السعوديه يعني زين اذا لقيت وحده لابسه تنوره طويله كلوا بلاوي حتى في حادثه سارت فيه من فتره قريبه مره ان في بنات من بنات العز الي اهاليهم رامينهم يوم جوا يطلعوا تاخرت الي مامنه على العبايات عليهم علشان تعطيهم عباياتهم والبنات قاموا نزلوا من السوق من غير عبايات واكيد لازم يمرون من الدور التحتي تبع العماره وكانت مليانه شباب ومو معقوله ان الشباب يشوفون هذيك الاشكال ويجلسون يتفرجون بس لا كل واحد ركب سيارته ولحق ذولا البنات والمعروف ان هناكمافي هيئه
انا بصراحه سمعت هذا ماشفته وبيني وبينكم انا شكيت في هذا السوق وقلت مو معقوله بيتعذرون بان الوحده ترمي عبايتها علشان ترتاح وتتسوق براحتها اكيد في سبب ثاني
انا ماابي اظلم احد
بس مااقول غير الله يستر علينا دنيا واخره ويثبتنا على الدين
آآآآآآآآآآآآآآآمين

مع تحياتي

سفير رفحاء
11-10-2001, 16:12
السلام عليكم ورحمة اللة وبركاتة
مشكوووووووووووووووووووورة اخت هتون على هذا الموضوع
بس صراحة هذا العمل مايرضي اللة ولا الرسول
ان مجتمعنا بدى يتغير بسسب تقليدهم للغرب
وش الي يخليك تنقهر ان هذة الاشياء موجودة عندنا واللة يكفينا شر الفتن
وانااااااااااا ما الوم الشباب يوم يلاحقون البنات بسبب لبسهن

مشاري الشمري
12-10-2001, 00:35
الاخت هتون وكذلك سفير رفحاء وجميع من يقراء الان
طابت اوقاتكم .
الدنيا ماتغيرت هي الدنيا ولاكن البشر هو الي تغير
والمشكله الوحيده هي ان من تردى عقله يفكر بأن البس
الغربي هوالحضاره وماعملوه الغرب يعتبر قمة الحضاره
للاسف الشديدفي جميع التصرفات ولاكن الله يحمينا ويحمي
جميع المسلمين من كل شي غريب وغربي يدخل المجتمع ويغير
نهجنا الذي نحن فيه.

موج البحر
12-10-2001, 01:53
الاخت العزيزه هتون,,,,,,,
تسلمين علي هذا الموضوع المهم ........
بصراحه الاعلام من مجلات والقنوات التلفزيونيه
كلها تتبع الغرب , وبناتنا الله يهديهن مع الخيل
يشقراء.
المجمعات النسائيه اوجدتت للتتسوق المراة بحريه
وبعيدا" عن مضايقات الشباب.
السوق الي قلتي والله غريب شوي ,الهدف شي ثاني اكيد
الله تستر.
الدنيا مافيها امان.
------------------------------------
الله يعطيكي مليون عافيه بس علي هذا الموضوع المهم.
n لاتحرمين من طرحك للمواضيع.

بني ان البر شي هينا
وجهنا طليق وكلام لينا

الهجير.
14-10-2001, 03:02
اللي اعرفة ان السوق نسائي . وان اللي تبي الحشمة ماتروح مثل ها الأسواق على العموم .


الله من شي بين والله من اشياء خفية ...



موضوعك مهم جداً




الهجير

سنجاريه
14-10-2001, 13:16
هتون يابعدي ..... :)

لاتصدقين كل شي ينقالتس ... اول الشي السوق مليان أمن ...

وبعدين زي مانتوا عارفين الرياض مابه مكان الا بوه هيئه ...

انا مستغربه السالفه من جد :confused::confused:


بس لو انه صايره حسافه ليتني فيه عشان السعهن بخيزرانه وابرد حرتي :) :) :)

أبو فيصل
25-05-2002, 01:50
اختي الفاضلة
اللة يخارجنا اللة يخارجنا اللة يخارجنا اللة يخارجنا
البنات يقولن ضايقونا الشباب ضايقونا الشباب ضايقونا الشباب
وانا اجزم بان ليس هناك أمرآة تعرضت لمضايقة الآوهناك سبب فنحن الشباب بصفة عامة لآيمكن ان ننظر بنظرة سؤ الى من احترمت نفسها في كل الآمور ولا نلقى لها بالآ
اما اذا اتتك من طيبها يذكرك بليلة العرس او كانت العبائة مخصرة او تحت العبائة جينز ضيق اوالتنورة فوووووووق الساق وخصوصا اذا كان يلمع
يولللللللللللللللللي الرجل تولالالالالالاة اللة يستر منها
عاد تقولين حريم بسوق وفاتشات ولاعبا ئة ولا نقاب والعطر فواح وعند المشفح
اللى يفرون على عبائة على الحبل معلقة تخيلي وش يسووووووون مجرد تخيل
لاكن اقول اللة يخارجنا اللة يخارجنا اللة يخارجنا
تقبلي تحيات ابـــــــو فــــيــــصـــــل

ريانة العود
25-05-2002, 09:01
هلا وغلا بك هتون

شاكره لك اختي لطرحك للموضوع

حبيبتي السنع سنع لو مهما صار

انا بصراحه مااستغرب شي

بس مثل ماقالت الاخت سنجاريه لاتصدقين اي شي،، مايصدق الواحد الين يشوف بعينه

وبصراحه انا بالنسبه لي اروح سوق عام ولا اروح سوق نسائي

لانه وبصراحه كله بلاوي

سمعنا كثير وشافت عيوننا الاكثر والافضع

وعندنا بالشرقيه تسكر السوق اكثر من مره ورجع انتفتح مره ثانيه

ياعمري الخافي اعم

على العموم يعطيك العافيه

تحياتي لكـــــ ،،،،،،،،، ريانة العود

بنت ابوي
30-05-2002, 12:40
اختي هتون
انا امس كنت في سوق النساء الي بالمملكه
واقسم بربي اني بعبايتي ولا ا وحده تكلمت
ومهي اول مره اروح لهذا السوق
الموضفات ما عليهن لبس يلفت النظر
اعتقد الي نقلت لك هذه الاخبار
منقوله لها والانسان يا عزيزتي
اذا ما شاف بعينه لالالالالالالالالالالالالا يصدق
الله يستر على بنات المسلمين يارب 0

وميض
31-05-2002, 00:37
الأخت الغالية هتون ..
أشكر لك حرصك على أخواتك ..
ولكن ..
الكلام اللي سمعتيه ماهو صحيح ..
أنا قبل اسبوع كنت في سوق المملكة ..
ومثل ما قالت الأخت : بنت ابوي ..
كل شي ماشي حسب العادات والتقاليد وخصوصاً قسم ( مملكة المرأة ) الرجال ما يدخلون .. والنساء كل وحده على كيفها .. تبغي تشيل عبايتها أو تخليها أو تتغطى كلها .. ماعليهم منها ..
صحيح إن فيه قسم لحفظ العبايات .. لكن هذا اختياري ..
حتى البائعات متحشمات في لبسهن.. والأمن اللي فيه نسائي ..
والحواجز اللي تطل على الصالة الرئيسية مظللة .. يعني سواءً لبست المرأة عبايتها أو شالتها .. مافيه رجال يشوفونها ..
وبالعكس .. الأسواق النسائية اللي في المملكة من أروع الأسواق .. لأنك تملكين الحرية في الشراء وترتاحين وأنتِ تسألين عن مواصفات ما تريدينه .. وخصوصاً الأشياء الخاصة اللي تنحرجين تسألين عنها الرجال .

وأحب أذكرك بقوله تعالى ( يا أيها الذين آمنوا إن جاءكم فاسق بنبأٍ فتبيوا أن تصيبوا قوماً بجهالةٍ فتصبحوا على ما فعلتم نادمين )

هذا والله الموفق ..
r
أختك وميض .