الرد على عتيبه (( يهمك اخوي الغالي ابن غسلان))

[ر11عي اللقيه]

مساك الله بالخير اخوي العزيز فواز الغسلان

اخوي فواز الغسلان لاحظت منك انك جعلت عتيبه ند لشمر وجعلت اغلب الوقعات لهم وانا لاالومك بذلك فقد

تكون تاثرت بعتباااااان بقعاء وايضا تاثرت بالرواي العلياني واخواله عتيبه وعاش عندهم فمن الطبيعي ان

ياخذ عنهم وانا لاانتقص من عتيبه الهيلاااااااااااا وهم اكثر قبيله خاضت معارك مع المهاااد حتى يقال انه

صبحهم اربعين صباح ويقال ان امير الرياض السبهان خاض معهم ثلاثين غزوه حيث يقول شاعرهم


يالله طلبتك يامقل الطير بالجنحان
مقله بالهواء يلفح بزينات الجناحينا

كما انك قادرن تنجي من اللي ياخذ العربان
اخو نوره محمد لاظهر بالحضر ناصينا

(( ألايامير توبه لك الله مـانطرد السبهان ))
عسـاك بالعز وانت اللي تـزكينا

الا لا عدت يايومن جرالي بأيمن البرقان
اشوف البيرق الجاير عن الحلـه معدينا

الا واشيب عيني من منازى الخيل بالتومان
اذا قلت ادبرت خيلن اذا خيلـن تناحينا

خذونا في لهيب القيض لامزهب ولاصملان
عسى ربن كتـب هـذا علينا مايخلينا

ذبح تركي ذبح متروك مع شبابة النيـران
يحسبون (( الضياغم )) نجع صلاحن تبارينا

غدينا عقب ماحنا عرب نمشي مع السيدان
على قطعة حميرن يقـدع اولنا لتالينا
ويقول مخلد القثامي العتيبي

والله يالولا شيخ ٍ وطتنا زكاياه
ماناخذ العمله من الحاربيني

شيخ تجي له سبق الخيل مهداه
ابن رشيد امروّع الغافليني

اليا مشى جمعه وذروات تبراه
من كثرهم يا ارحم الراحميني

مثل الجراد اليا تقافت رحاياه
امسلطه ربي على الظالميني

وقال الشاعر القعود كما اورد اسمه بن خميس في كتابه من القايل الجزء الثاني

ص 378 وقال عنه انه راعي الدوادمي قال قصيدة يمتدح فيها شمر وبن رشيد يقول فيها

الا ياسعد عيني ساعة ان العلم لافاني000وانا في بيت بن هندي على السلم متحرله

نزع من ماكره ولاتوانا طير حوراني000 على وعد النحايا واصبحن ذروات يبرن له

غطاء حيد الردامي من عسام الخيل عكناني000 واهل جوبه وضاخ ارجف بهم قاع الوطى كله

تقنعت السبايا بالطنايا قصر فيحاني000 واخذ طرش الطلوح وورد البيرق على الحله

تهزا بالطنايا ياسمي ال*** سدحاني000 تهزا بالطنايا والطنايا للعدو علـه

تراكم ياعتيبه لابو متعب ورث جـداني000 تحت رجله ولا يخطيكم البيرق الى فـلـه

تعين ياعبيله في مفاصخ نجل الاعياني000 الى جنك فتيخ يم قصرك وزبنن ظـلـه
ويظن البعض ان معارك شمر مع عتيبه بدات فقط مع المهاد وهذا خطاااااااااااااااااااا لان هناك

معركه مع شمر بقياده عبيد العلي الرشيد الصطام والمهذب للقبائل
وشيوخها ومنهم عتيبه

ويقول الامير الفارس الشاعر عبيد العلي الرشيد:

الفود الاقشر صار فودك يابن روق = أشوف تالي زودكم صار نقصان
عادة ولي العرش يرمي هل البوق = سبحان من لا قال للأمر كن كان
شلنا على ذروات من كل أهل سوق = ناتي جموع والوعد قصر برزان
يمشون اليا نادى شريده بمرزوق = مثل الدبا بالصيف اليا صار كتفان
جينا كما مزن من الغرب مسبوق = يمطر بصبيان(ن) وخيل(ن)وتفقان
يوم ارتميناكم على النير بلحوق = شرك لحق طقة دحيم(ن) وسلطان
من عقب ماهو زاهيا" صدرها الطوق = ومفاصل بعقود حص ومرجان
من فعل ربعي مرويه كل مذلوق = يوم الوغى يفرح بهم كل بلشان
أشرب هماج الما ولو كان مطروق = وأصبر على صكات بقعا والاكوان
تمرح وكنك من على راس خازوق = من همنا مايدخل النوم الاجفان
نهجت من درب السعه تدخل الضوق = أطعت حكي أبليس وعلوم شقحان
ومذاقنا مر(ن) اليا جرب الذوق = مثل الشري ما تكهمه كل مصران
شابت عوارضنا بزارق ومزروق = وصوايح(ن) بظهور طوعات الارسان
واليا فتق فتق(ن) رفيناه بفتوق = نصبح على اللي فاتقه قبل الاذان
رفقاتنا تشرى اليا كنت مرفوق = ومن باعنا يبشر بذل(ن) وخسران
يوم أستحق العرف والديك مفهوق = رقعت خشمه عن ((عقاب بن شبنان))
بخماسي(ن) لي وافقت رفه الموق = نقضي الغرض به عند روغات الاذهان
شكر لمن قاضى على الحق بحقوق = قدنا السبب والفعل من والي الاحسان
وابن أدم لوقال سويت مخلوق = سبحان من يرفع وياضع ببرهان
على النبي أفضل صلاة ومنطوق = اللي لنا يشفع بعفو(ن) وغفران

دحيم وسلطان : هم أبناء هندي بن حمد بن حميد شيخ عتيبه
عقاب بن شبنان : هو ولد حمد بن حميد وهو من تولى المشيخه بعد تركي بن حميد سنه 1280هــ
وسوف أختصر بالموضوع ولكن بعد سكتت عتيبه سنين لين حكم المهاد محمد
العبدالله الرشيد فبدأو يرافقون السعود بمغازيهم وزعل الامير محمد العبدالله وحمود العبيد وحرموا النوم لين يردعوا
عتيبه ومن معهم فقال الامير حمود العبيد الرشيد :


]يوم أن عبدالله جفانا = وأختار أبن هندي وزير
فلا نبي من لا بغانا = لو كان هو شيخ وأميرالى أن قال :


هذاك منكم هو جزانا = عاداتكم كفر العشير
فأن كان هو غصب بلانا = للنار ولبئس المصير
نعصاه يوم أنه عصانا = ونغير يوم أنه يغير
واللي يبي شقة عصانا = نشق بطنه لو كبير

وبعد أن أستنجدوا أهل المجمعه بالأمير محمد العبدالله والامير أبو ماجد حمود العبيد ساروا لعبدالله ال سعود وعتيبه
هم جنده ولم يكن معه غير عتيبه ..
فقال الامير حمود العبيد:


من الجبل جينا نخاف اللوم = من حايل(ن) سرنا غباب العيد
نتلي محمد نصير المظيوم = شيخ الشيوخ الصيرم الصنديد
حارب لذيذ النوم والمطعوم = وارسل كثير الجيش للتجريد
لعل عود(ن) خلفه مرحوم = حيثه محل المجد والتمجيد
والشاعر اللي ولف المنظوم = اللوم ماهو له ولا التسويد
يلام عبدالله كبير القوم = بحرابته ربعه وقطع الغيد
ويعاون الظالم على المظلوم = ويجنب المشروع والتوحيد
خلوه بالعارض قليل النوم = هجوا (عتيبه) مثل جفل الصيد

وبعد أنتصار شمر وطردهم لعتيبه وذبحهم لفرسانه وعندما راوا بعض الاصدقاء للأمير محمد الرشيد ماحصل لعتيبه وكان
الامير يطاردهم والقصد هو أنهائهم عن الوجود فهذه هي الفرصه وفلول عتيبه جافله كما جفيل الصيد عن الامير محمد
المهاد تدخل بعض الاصدقاء للرشيد وشمر فحبوا خشم الامير محمد العبدالله وقالوا نريدك أن تعفوا عنهم فقد أسرفت
في القتل فقال الامير حمود العبيد:

عزالله أنك دارع باللوم = أنته وربعك مهو أبن بسام
لو لا أبن بسام خذتك القوم = وطير المنايا فوق راسك حام
خلوا برقا بحب خشوم = ذلوا من اللي فصخوك العام
أن ساعف الباري تهب الزوم = ويفتل لخشمك من ذنبك أخزام
ياخبيل حنا نصرة المضيوم = حنا وأهلنا نصرة الاسلام

ومع الاسف لم تتب عتيبه وقد تدخلت ببعض القبائل التابعه لبن رشيد فأرسل لهم مرسال يطلب منهم الكف عن مضايقة
القبائل الداخله ضمن مملكة شمر فردوا أننا سوف نغزيك ببرزان فزعل عليهم فقال هالبدوا يبوننا ببرزان وضحك وقال
يابوماجد جهز ذروات وعلم شمر وسير الحلفاء نبي عتيبه بديارهم وفعلن سير شمر والحلفاء وكانت عروه المبروكه
بعام 1300هــ
وبعد أن أنتصرة شمر بهذه الحرب قال حمود العبيد الرشيد:

يا ناصر(ن) موسى على قوم هامـان = تجعل من التقوى لنفسـي ذخيـرة
يا مل قلبن بيـن زود(ن) ونقصـان =وسوالف(ن) كافـ(ن) طويلـة قصيـرة
الحرب نبني له تقل وصف ضلعـان = ولا نستطير إن جاء مع الناس طيرة
بعنا بربح(ن) يوم بعتـوا بخسـران =والبوق والافلاس صرتـوا محيـرة
بقتوا أجال الله بكم يا بن سلطـان =أخزاكم الله يا خبيث السريرة
الله حسيب اللي يبوقـون الايمـان =سبحان منهو مـا يغـادر صغيـرة
ثلاث مراتـن يبوقـون الاخـوان =وهاذي بوجهك شامتـن مستديـرة
صرتوا لعطبين التفافيـق نيشـان =وخليتـوا لعطفـة يتخـم بعـيـرة
يوم اشتهيتوا حربنا مـع غـزالان =ماحربنا للي بغـى الحـرب خيـرة
اغداه رقصـات الشيابيـن بـوران = وتجديعهـم علقانهـم بالسعـيـرة
فأن كان يبغانا وحنا ببرزان =فحنا قصرنـا عنوته من مسيـرة
من الجبل جينا علـى كـل مقـران = شهرين والثالـث ربحنـا وزيـرة
هذا جزا من باعنا بـردا الأثمـان = للطيـر خلينـاه بهـاك الجـريـرة
حنا هل الطولات كسابت الاوطـان =لـولا طعـنـا ماسكـنـا بـديـرة
عاداتنا من مقدمن فـرق الاقـران = يا ما فرقنا عن عشيـرن عشيـرة
نتلي شبوب الحرب مسطور الاكوان = اللي أحمر مـن عـود البلنـزا طريـرة
سنوله الموتـا دروبـن وميـدان = ومحمـد عـدا وراهـم بسـيـرة
من عادته مع الاجاويـد الاحسـان = لا جـاه بداي(ن) لفـابـة بخـيـرة
عساه عد(ن) يشربه كـل عطشـان = محاسنـة مــا تنـعـدد كثـيـرة
قلتة وانا مانـا بهرجـات ديـوان =قولـن بـلا فعلـن علينـا معيـرة
احصاة الصمدة الي يذكر صنيتـان = زولـن بـلا فعلـن علـوم كبيـرة
إن شيف بالعرضة إلى تقل سكران = يفزع بسيفة وسلته مـن جفيـرة
وإن حل ضرب مخلصن مثل ماكان = ما ينجهر غاد الجـدا عـن منيـرة
يوم اشتهيتو حربنا مـع غـزالان = ما حربنا للي نوى الحـرب خيـره
فن كان هو من غارة العام زعلان =عن ضيقة الخاطر ترانـا نجيـرة
برقا لها مع فجت الفجر غنـوان = تفهق ملازيمـة عقـاب المغيـرة
جينا على وضح النقى عقب الاذان = وذبحـت قـواد الجمـل بالمريـرة
جينا على ذروات عجلات الأقـران = مستجنبينـن كـل قبـا ظهـيـرة
من مات له منهم حريمـن وغـدان = ما فيلعـن لأبـن هنـدي حشيـرة
جاب(( العتيبيات))مـن جـو سقمـان = لكرامتـن بالعـون ماطـار طيـرة
سقف عليهم بشنق العرض دخـان = وخلوا محارمهم بعـروى حظيـرة
((اللي سلم منهـم شتاتـن ونجـران)) = واللي ذبح للنار وبيـس المصيـرة
يالليل انا بوصيك وان جيت راكـان = سلم علـى زيـزوم يـام ٍ واميـرة
قل افعالنا شافـه حزامـن وفـاران = وان كان ابو فـلاح منـا بشيـرة
اليوم صاروا بالعرب تقـل جيـران = ومنين مـا وجهـة قفـوا نشيـرة
واذكر لهم بالكون طيحت غـزالان = ثـلاث مراتـن بوجـه المغـيـرة
يومن حضرنا فيه لليـلٍ وفـوران = يوم(ن) على عـروى تقطـع غثيـرة

وهذا منقول للكاتب المتميز راكاان المعجل الغيثي



وامااااااااااااا معركة الانصر فالقياده حسب ماسمعت من رواة الاسلم كانت بقيادة الامير برغش بن طواله وكان الامير محمد بن عبدالله المهاد حاضرااااااااااااااااا

وقد انتصرت شمررررررر

ومما يتناقله العتبان انهم قتلواااا نمر بن برغش بن طواله وهذا غير صحيح لان نمر ماااااااااااات بالمرض وهذا معروف ونحن نعترف بالحق فالي قتل ضاري بن طواله حربي قتله غدراااااا ونحن نعترف ولكن نمررررررر لم يقتل ابدا بل هو من التزوير الواضح حتى وصل بهم الامر ان يقولوا ان ابن حميد لبس جوخة نمرررررررر قدام محمد بن رشيد وقدام شيوخ شمر فمع احترامي للحميد شمر ثارت علشان هذذلول الشويهري وهل ابن رشيد ضعيف او خاضع لاسمح الله او ان شمر ناقصه

وهذي قصيدتهم المزوره

وهذه هي القصيدة المقولة او المزيفة اليكم

مزنً نشا من روس عالـي جبالـه... .خيل على الا نصر وهاك الا راضين
خيل على الا نصر حقوقً خيـا لـه ....وأمطر على ابن حميدهووالشيابيـن
وعقب أد بحو جا فزعةً من شمالـه ....أو لاد روق مرجحين المـو ازيـن
مـا لـو علينـا ميلـة بحتمالـه .......حنا سنا عيسً وجو نا سـلا طيـن
جونا كما سيـلٍ حـدر بجتـو الـه .....يقد و نهم فو ق الجيـاد الرباعيـن
الخيل جا ها مـن سنعهـم جفالـه .....مقا ود الهيجا صعوط المجـا نيـن
ومن ضرب أهل عمهوج رحنا د باله.....مير أقمحن يالا بسـات السباهيـن
لا كن ضربه في جما هـي رجالـه .....قنيب ذيبً فـي طويـل الضلاعيـن
وابـن محيـا ضـا يقونـا عيالـه ......من فوق قبً كنهـن الشيـا هيـن
جونا هل الحـرد ا بحيلـه وحالـه .....ما هابوالصـا بورخلـوه قسميـن
بشلفً مضا ربها سوا ت الد حالـه .....منها جيادالخيل راحـت حـراذ يـن
وشبت شبا يبهـا وراحـت شعالـه ....وعارض حرايقهامها ر و متا قيـن
ورجنا وراجو فوقنـا بـا لعمالـه ....والهوش طال وتالي الفعل جاشيـن
اولا د رو ق اهل الفخـر والجمالـه ....عجلين باالرد ات مثل الشيـا طيـن
كلً ينا دي بـا لقشـر مـن قبالـه ......لين ادبحو شمر وراحـو مطيعيـن
واللي رجع معنا توامـا حبـا لـه .....غير القلا يع فوق خمس وثلا ثيـن
والحرب عقب اليوم ويـش نعبالـه ....أن كا ن ماها د وترانا مهيـد يـن
عقب ابلجً يا عبيـد سمـحً قبالـه .....عا قوه فرسانً على الموت جسرين
فهل من المعقول ان لايذكر برغش مقتل ابنه بالقصيده وهي حاااااااااااااادث جلل عظيم وفقد الابن ليس بالامر الهين ليقعد يمدح عتيبه وينسى امر ابنه


واما القصيده فهي قصيدة خضير الصعيليك التي اثبت النصر حيث قال


مزنٍ نشا مـن ريبتـه ورتهابـه .....من ريبته كل الخلايـق مريبيـن
مخايلٍ شرب الخضر من سحابـه ....كمع من الصافي على مشربٍ زين
سم شراشيـح الحريشـا شرايـه ......من الغزيز اسقاه نشحة عزاريـن
البرق يبرق والرعد لـه ضبابـه ......هله على ابن حميد هو والشيابين
صبة ولا بقة مطرهـا انصبابـه ......على مغاتيـر الشيـوخ القديميـن
قالوا اهل العوجا عن الشيخ مابـه ......وراحن بهم غر المذاود معيفيـن
ولا قلتها بك يابن فيصـل سبابـه .....حسن وتدبير الولي فيه راضيـن
يوم الولي هـب لهبوبـك ذرابـه .....وانتم لكم كل الخلايـق مطيعيـن
ويوم الولي سكن هبوبـك وعابـه ....الله حريبه مهـزلٍ يـا مساكيـن
نجدٍ من الموالى قضبنـا نصابـه .....لمحمدٍ وحمـود مابـه تضانيـن
في جاه رافع بابـةٍ فـوق بابـه ......الواحد المعبود عـدل الموازيـن
منزل من السبع العوالـي كتابـه .....على الرسول وصدقوه المصليـن
ادعـوا لعمـر محمـدٍ بالبقابـه .......يدفع بعمرك يا ربيـع الضعافيـن
محمد بنـى صيوانكـم ورتكابـه .....مثل الفهد صكوا عليـه الغلاميـن
محمد بضرب السيف ما ينحكا به .....عليه ابـا زيـدٍ يلحـن تلاحيـن
الضاري الضرغام ون عض نابه ....مدمي المخالب من ثنادي المعادين
دين علي مابـه مـن الله عتابـه ........انه فلا غابت على مثلكـم شيـن
للي بنى بيت الشعر فـي قطابـه ......وللي بنى بيت المساجد هل الطين


واما قصة موت الشيخ نمر بن برغش بن طواله

انه ذهب الي الكويت اي الشيخ نمر ومعه مجموعه من الاسلم ومنهم صاهود ابن زياد-- -- ومن الكويت وزع الشيخ نمر الذي معه من اموال علي الاشخاص الذين كانو معه ولم يبغى معه الى اربعين روبيه قال ابشتريبه زهاب الى وبروح الابن سعود بالرياض ومن هناك ذهب الى الرياض وبعد مده وصل الخبر انه مات بالرياض بسب مرض الجدري

ومن المعروف ان برغش ليس بشاعر وكان من ااولى ان يقصد بانتصاراته على غزلان وغيره


والسلاااااااااااام

[فواز الغسلان]

مشكور اخي راع اللقيه على موضوعك الجميل الذي استفدت




منه كثيرا يالغالي والعاقل يستفيد كل يوم فائده سواء من صديق او محاور او مخالف000




تحياتي العطره لك يالغالي الراوي00

[اخو نوير 1]

اخي راعي اللقيه بيض الله وجهك على الموضوع الرااائع والمفيد لا هنت يبعدي

[حمود الباتع]

راع اللقية

تسلم على ما أوضحت


وماكتبته وخاصة قصايد العتبان هي الدليل الفصل في هذا الموضوع

يعجبني احترامك للقبايل وهذا دليل اخلاقك




لكم كل التقدير والأحترام

[ر11عي اللقيه]

اشكركم اخوااااااااااني على الردود .. ويعطيكم العافيه


لكم كل الاحترام والتقدير

[سعد الشمرى]

اعى اللقية لاهنت وزنت عتيبة من اكبر واقوى قبائل نجد وهى تستحق بان تكون ندن لشمر لاتستهين باى قبيلة يا بعدى

ونعم بكل قبائل العرب بهم رجال ترفع الراس ونعم يهم اجمعين ولاهنت على الموضوع الطيب

اخوك الرطاب

[السفاعي]

مشكور اخوي ر11عي اللقيه على ها الموضوع الي يمكن قد رث عداوة بينا يا شمر ويا عتيبة بس اظن ان المضوع دخل هنا بكشف الحقائق ولي اكثر

[بدر الروقي]

مزنً نشا من روس عالـي جبالـه... .خيل على الا نصر وهاك الا راضين
خيل على الا نصر حقوقً خيـا لـه ....وأمطر على ابن حميدهووالشيابيـن
وعقب أد بحو جا فزعةً من شمالـه ....أو لاد روق مرجحين المـو ازيـن
مـا لـو علينـا ميلـة بحتمالـه .......حنا سنا عيسً وجو نا سـلا طيـن
جونا كما سيـلٍ حـدر بجتـو الـه .....يقد و نهم فو ق الجيـاد الرباعيـن
الخيل جا ها مـن سنعهـم جفالـه .....مقا ود الهيجا صعوط المجـا نيـن
ومن ضرب أهل عمهوج رحنا د باله.....مير أقمحن يالا بسـات السباهيـن
لا كن ضربه في جما هـي رجالـه .....قنيب ذيبً فـي طويـل الضلاعيـن
وابـن محيـا ضـا يقونـا عيالـه ......من فوق قبً كنهـن الشيـا هيـن
جونا هل الحـرد ا بحيلـه وحالـه .....ما هابوالصـا بورخلـوه قسميـن
بشلفً مضا ربها سوا ت الد حالـه .....منها جيادالخيل راحـت حـراذ يـن
وشبت شبا يبهـا وراحـت شعالـه ....وعارض حرايقهامها ر و متا قيـن
ورجنا وراجو فوقنـا بـا لعمالـه ....والهوش طال وتالي الفعل جاشيـن
اولا د رو ق اهل الفخـر والجمالـه ....عجلين باالرد ات مثل الشيـا طيـن
كلً ينا دي بـا لقشـر مـن قبالـه ......لين ادبحو شمر وراحـو مطيعيـن
واللي رجع معنا توامـا حبـا لـه .....غير القلا يع فوق خمس وثلا ثيـن
والحرب عقب اليوم ويـش نعبالـه ....أن كا ن ماها د وترانا مهيـد يـن
عقب ابلجً يا عبيـد سمـحً قبالـه .....عا قوه فرسانً على الموت جسرين





اخوي الله يجزاك خير انت قلت ان القصيده مزوره ومزيفه

هذي برواية رواة شـمر وهم:
1- ســالــم الطــوالــه
2- مطلق بن سعيد الشـمري

و انا لا امانعك انت تفخر بقبيلتك

وكل القبايل فيها الخير والزمن اللي حنا فيه يابعد راسي كلنا اخون راح وقت التعصب والقبيله



واذا انت تقو القصيده مزوره انشد الرواه ويفيدونك


سلااااااااااااااااااااااام

[فواز الغسلان]

هلا اخوي الروقي وطبعا الموضوع بقلم راع اللقيه وهو اللي يرد عليك ان كان


فيه شي يستوجب الرد لكن انا عندي مداخله وهي:



ان شمر مثلا كما سمعت ينكرون القصيده ويقولون انها مزوره وكذلك عتيبه ينكرون ابيات واجد بقصيدة راعي


ابرقيه اللي منها ( الا يالله طلبتك يامقل الطير بالجنحان)) ويقولون ان الابيات اللي فيها اعتراف بالهزيمه غير


صحيحه فعلى هذا نبقى بدوامه يالغالي 0 اما من ناحية الابيات اللي ذكرت انت يالغالي فأنا قاعد احقق


بهن مع كثير من الرواة الثقات من عتيبه وشمر بمافيهم الرواة اللي ذكرت انت ويشهد الله الذي لااله الا هو


ياللي يتضح لي صدقه وثبوته الا اسطره على صفحات المنتدى هذا انشالله والاخوان كلهم يعرفون حياديتي


وانصافي واستعدادي للرجوع عن الخطأ اذا تأكدت منه00


لكن مثل ابيات راعي ابرقيه مادام ان المؤرخين ذكروا المواقع اللي مالت الكفه فيهن لصالح عتيبه وقالوا انهن


الانصر والرحى ونطاق وهن ثلاث فمافيهم احد ذكر ان ابرقيه كانت من صالح عتيبه فكيف تكون الابيات اللي


متداوله عند عتيبه كلها فيها نصر لعتيبه وهزيمه لابن رشيد مع انه كماذكرت لك لم تذكر ابرقيه بالتواريخ


اللي كتبها غير شمر لم تذكر انها من صالح عتيبه00


هذا يدعوا المنصف حتى من عتيبه للتوقف والتفكير بالامر طبعا اذا كان ممن يهتم بالصحيح سواء له او عليه


واذا كان هناك كتاب مؤرخ قديم يذكر ان الانتصار في ابرقيه لعتيبه فسيكون الحق معك 0 واذا لم يوجد فهذا


يعني ان الابيات مضافه مؤخرا 000


ارجوا ان يكون الحوار معك علميا وبعيدا عن الحساسيات القبليه كماذكرت انت


لنستفيد جميعا وتقبل تحياتي العطره00 الراوي00

[ر11عي اللقيه]

اولا ونعم بك وبعتيبه اخوي بدر الروقي


واما القصيده فنحن قد بيناااااا لكم بانها مزوره ومن المعروف عند شمر ان الشيخ برغش بن طواله ليس بشاعر


وكان من الاولى ان يقصد في انتصاراته على غزلاااااااان وغيره واتحدا أي شخص يذكر لبرغش قصيده اخرى

فهل نزلت موهبة الشعر على برغش فقط عند هزيمته من قبل عتيبه وانتم تقولون انكم قتلتم نمر ابنه فلماذا

لم يتطرق الى ذلك بالقصيده وقد جرت العاده ان يرثي الشخص ابنه او على الاقل يذكره بالقصيده ففقد الابن

ليس بالشي الهين !!!!!! على العموم بامكاااااااااااانك الطلاع على شجرة نسب النعيس من الطواله ولتجد اسم

نمر بن برغش وانه ماااااااااااات مريضا وليس مقتولااااااا ولكن هذا من التزوير الحاصل واعتقد ان امجاد

عتيبه غنيه عن التزوير !!!!!!!!!!!


وكان العتبان يقولون قصيدة الشيخ برغش بن طواله !!!! ويوم اكتشفوا انه ماهو شاعر قال قيلت على لسانه


وانا راح اثبت تزوير القصيده ومن ابيات القصيده

((لين ادبحوا شمر وراحوا مطيعين ؟؟!!))

وهذا معناه انه ليس شمري ويخاطب جهة مقابلة

ولوكان شمري مستحيل يقول لين ادبحوا شمر

ولو فرضنا انه يبي يعترف في الحقيقة

كان قال لين ادبحنا ورحنا مطيعين اليس كذلك

وكذلك ورد في احد ابيات القصيده

((غير القلايع فوق خمس وثلاثين))

والقلايع هي الخيول الماخوذه من العدو ومن المعلوم عندنا ان من ياخخذ القلايع هو المنتصر !!!!!! فكيف

تصبح شمر خسرانه وهم رابحين القلايع !!!!!!!!!!!!!!!!!!!!!!!!!!!!!!!1

فانا صراحه عجزت افهم هل برغش بن طواله خاسر ولا منتصر !!!!!!!!!!!!!!!!

هذه قصيده مزوره وليست على لسان ابن طواله وحنا لسنا ننكر لانه عيب فالرجال تنتصر وتكسب

ولكن مانرضى التزوير والكلام الفاضي وكان برغش لم يقل غير هذه القصيده في حياته !!!!!!!!!!

واوضحنا لك غير مفهومه فلسنا نعرف المنتصر من الخسران !!!! واما الاسامي الي ذكرته

فصراحه هذه حجه ضعيفه فانا اقدر مثلا اجيك واقول ان عتيبه تقول انه مزوره واجيبلك اسم من الحميد ولا الربيعان !!

فماااادري انا من هو سالم بن طواله !! يالليت تخبرنا باسمه كامل وانا مااخبر احد من رواة الاسلم باسم سالم بن طواله !!! واما الاسم الثاني فااعتقد انه علياني وهذا خواله عتيبه واعلب حياته بالدوادمي واخذ القصه من طرفكم

وهو ليس باسلمي خذ العلم من اهل القصه وهم الاسلم !!!!!!!!!!!


وانا اتحدى اخواننا العتباااااان يجيبون قصيده اخرى لبــــــــــــــــــــــــــــــــــــــ ــــرغش بن طواله !!!!!!!

[طيرة شلوا]

السلام عليكم ورحمة الله وبركانه
أولا حبيت أقولكم إني سعيدة بالدخول لهذا المنتدى الرااااااااااااااااااااااااااااائع


وأكثر مالفت انتباهي هو دخولكم عامة بطيبة قلب والتقبل الواااااااااضح للراي الآخر

الله يتمم عالجميع ومن حسن لأحسن ان شاء الله
أختكم طيرة شلوا

[سيف الشرق]

تسلم يابعد حيي ياراعي اللقيه



عسا عمرك يطووول بعز ومعزه



اما بالنسبه للعتبان ونعم وكل القبايل ماعليهم قصووور


وحنا اذا ذكرنا معارك وانتصارات قبيلة شمر ماننقص من حق الاخرين

ومثل ماقال بداح العنقري

الطيب قسم بين الوجيه المفاليح



تحيااااااااتي للجميع ولابن غسلان اللي زاد غلاه وتقديره بعد ماقرئت ردوده

[عقاب الأسلمي]

الأخوان زوار المنتدى : السلام عليكم ورحمة الله وبركاته بخصوص القصيدة المذكورة واللتي منها هذا البيت : راجو علينا روجة باأحتمالة 0000000اولاد روق مرجحين الموازين فالقصيدة ملفقة والدلايل والشواهد كثيرة 0اول: هذه الشواهد أن النعيس الشيوخ كلهم لا يقولون الشعر ثانيا :في نفس هذا الكون ثلات مرات يعفون شمر عن غزالان وهو الأمير محمد بن سعود فهذا امير المعركة يعفون عنه شمر ولذلك يقول الأمير حمود العبيد الرشيد من عرض قصيدة طويلة : وأذكر لهم بالكون طيحة غزالان 000000ثلاث مرات بوجه المغيرة 0 ثالثا : اعتراف الشاعر كديميس العصيمي وهو احد اكبر شعراء عتيبة في الوقت الحاضر في احد اشرطة التسجيل وهو عندي موجود بأن القصيدة المنسوبة الى الشيخ برغش بن طوالة ملفقة من قبل احد شعراء عتيبة 0

[فواز الغسلان]

للفائده للجميع بخصوص هذا الموضوع00


اتصلت هذا اليوم بالشيخ سالم ابن طواله ( ابوكريزي ) وسألته عن موضوع نمر وقال قبل اجاوبك راح

اتأكد من شيباننا وبعد اربع ساعات اتصل علي وقال الاقوال كلها صحيحه 00

نمر قتل في الانصر وولد لبرغش ولد وسماه نمر ومات صغيرا بالجدري 00 هذا ماقاله الشيخ ابوكريزي

عن شيبان الاسلم والسلام000


ابن غسلان00

[الـعـتـيـبـي]

كاتب الموضوع صدر موضوعه بعنوان :
الرد على عتيبه

وحنا نقول ياراعي اللقيه :
وهذا ردنا عليك خاصة ولا نعم كل شمر
فحنا نعرف الحق والصحيح ونعده لو على انفسنا ولا نبخس قبايل الجزيزة حقها
مثل ما سويت في موضوعك على الرغم من تنقيحه

وعلى كل حال انت تقول نقلا عن واحدن ثاني :
ونحن نعترف ولكن نمررررررر لم يقتل ابدا بل هو من التزوير الواضح
وتقول :
ولكن مانرضى التزوير والكلام الفاضي

وحنا نقول الكلام الفاضي والتزوير ماهوب عندنا
وسالم بن طواله علمه عند فواز الغسلان
ولا هو ذنبنا انك جاهلن بهالامور ولعلك معذور لصغر سنك

وان عودت للمصادر وعد الحقايق فهذا ردنا واللي جاك فيض من غيض


وتحيتي لفواز ومشرفي المضايف وشمر الكريمة






____________

(((اخي العتيبي مرحبا بك بين اخوانك في مضايف شمر وضع ماعنك من نقاش وردود هنا وليس عن طريق الروابط لان سياسه المنتدى تمنع وضع الروابط وحيّاك الله اولا واخيرا اخ عزيز من قبيله كريمه لنا فيها نسب وصله رحم وقربى)))

اخوك المشرف خالد الشمري

[فواز الغسلان]

كاتب الموضوع صدر موضوعه بعنوان :
الرد على عتيبه

وحنا نقول ياراعي اللقيه :
وهذا ردنا عليك خاصة ولا نعم كل شمر
فحنا نعرف الحق والصحيح ونعده لو على انفسنا ولا نبخس قبايل الجزيزة حقها
مثل ما سويت في موضوعك على الرغم من تنقيحه

وعلى كل حال انت تقول نقلا عن واحدن ثاني :
ونحن نعترف ولكن نمررررررر لم يقتل ابدا بل هو من التزوير الواضح
وتقول :
ولكن مانرضى التزوير والكلام الفاضي

وحنا نقول الكلام الفاضي والتزوير ماهوب عندنا
وسالم بن طواله علمه عند فواز الغسلان
ولا هو ذنبنا انك جاهلن بهالامور ولعلك معذور لصغر سنك

وان عودت للمصادر وعد الحقايق فهذا ردنا واللي جاك فيض من غيض


وتحيتي لفواز ومشرفي المضايف وشمر الكريمة






____________

(((اخي العتيبي مرحبا بك بين اخوانك في مضايف شمر وضع ماعنك من نقاش وردود هنا وليس عن طريق الروابط لان سياسه المنتدى تمنع وضع الروابط وحيّاك الله اولا واخيرا اخ عزيز من قبيله كريمه لنا فيها نسب وصله رحم وقربى)))

اخوك المشرف خالد الشمري






اهلا وسهلا بكل من شارك في هذا الموضوع ولاسيما اخونا العتيبي


واللي ذكره الاخ راع اللقيه في موضوعه كان صحيحا ولم يأت من فراغ لانه ذكر ان نمر توفي في الرياض

وهذا شي صحيح كما ذكر الشيخ سالم بن طواله الا انه ربما خفي علينا جميعا في البدايه انهما اخوان

بهذا الاسم حتى وضح الامر من هم اقرب الناس اليه 0

ولايخفاك ان مثل هذا الامر يخفى كثيرا ويلتبس عندما يكونا شخصين باسم واحد 0 والمهم لدينا ان الاخ

راع اللقيه كان يجادل بدليل واضح ولم يكن متعنتا يرفض الحقيقه او يكابر عليها00

والاهم من ذلك انك من النادر ان تجد منتدى رسمي لقبيله مثل هذا المنتدى ويثبتون مااثبتناه بعيدا عن

التعصب الذي لايقوم على دليل 0 وقد دخلت المنتديات ووجدت العجب من التطبيل والتزمير وراء القبيله

في الصحيح والمدسوس دون ان تسمع منهم واحدا يقول هذا غير صحيح وكأن التصحيح من المحرمات0


وختاما نشكر الاخ راع اللقيه والاخ العزيز العتيبي وجميع من شارك00


ابن غسلان00