من يأتيني بهذه القصيدة

[السلطان]

السلام عليكم ورحمة الله وبركاته

من يأتيني بهذه القصيدة كاملة ومن هي له

من قفار لحائل سرينا


وأكون له من الشاكرين

السلطان

[الوردة الطائفية]

كنت اتمنى افيدك بس ماعرفت

[ريال الفسحه]

لا اعلم هي اللي تبي او لا

القائل هو الامير الفارس المرحوم: عبيد العلي الرشيد
المناسبة : غزوة الجوف

هذه القصيدة كاملة:-


كان رب الســموات امـرنا=ونستعينه مـدير الهبايب

نطلبه مايخـــيب ســفرنا=ياكـريم جـزيل الوهـايب

كان ســيًر سـببناوســرنا=واعتلينا ظـهور النجايب

من قفـار وحــايل ظهـرنا=مانفاكر بوقـت الحـرايب

كماصـديقك يطـيح بنحـرنا=والدخن مثل صفق الهبايب

كم صـبيٍ لقلبـه جــمـرنا=نجـدعه بين عوج النصايب

كم خـصــيم لجمـعه دمرنا=نجـعله للهـنادي ضـرايب

يانـويـديس مارد ثغــرنا=ماينقصـه بقضـب القضايب

كان امرناالولي واحتزمنا=فـزعةٍ به نســر القـرايب

مانـخــلي لحــيٍ مــدرنا=كذبكم من كبار العـجايب

نعجـب اللي بعيـنه نظرنا=بالوغى دون شقر الذوايب

كان عـن عضـد حرب وسـرنا=واحتـزم كل صـبيٍ وشـايب

نحمـد اللي عليكم نصـرنا=ماتشوف الديار الخـرايب

تايه الراي ياللي حقـرنا=كـم حــلالٍ نحـطه نهـايب
ماسـمعتوا سـوالف بقـرنا=يامـحارب على غـير صايب

باب دخـنه منازل خـبـرنا=طيـب ولا على غـير طـايب

والوعـد خامس مـن شـهرنا=يامـدور لعـوج الطــلايب

[السلطان]

مشكورة يالوردة الطائفية والله يجعل كل ايامك ورد وسعادة

تحياااتي

[السلطان]

ريال فسحة

نعم هذه القصيدة اللي أدورها


الله لايهينك يالغالي ويطول في عمرك

وفيت وكفيت

كل الشكر لك يا عزيزي

[ريال الفسحه]

ريال فسحة

نعم هذه القصيدة اللي أدورها


الله لايهينك يالغالي ويطول في عمرك

وفيت وكفيت

كل الشكر لك يا عزيزي


ماسوينا شي ومتى مابغيت شي تامر امر يالعزوه

[فواز الغسلان]

عاداتك يالغالي لافزعت تبرد الكبد يالطربه000


تحياتي ياريالوه000

[ريال الفسحه]

8

ايابعد حيي يابوفهد تسلم يالعزوة