مسـج شعر ،، من ارسله ولماذا ....... نتمى المشاركة

[شامان]

بسم الله الرحمن الرحيم

بحثت عن موضوع شيـّق وجميل في نفس الوقت ومحبب للجميع وتكون هناك رغبة للجميع في المشاركه الا وهو ( المســـج الشعــري)
لما في هذا المسج من رسائل معبره ومختصره عن كثير من الاتصالات اللا محدوده وأضفت بعض الاسئله اللتي تساعد في ابداء اسباب ارسال هذا المسج من قبل اي شخص كان ولماذا

اتمنى المشاركة من الجميــــــــع ،،،،،،،،،،،
اخوكــــــم شـــــامـــــــــــــان
سوف اكون اول من سوف يبدأ

المسج من : الاخ عيد المطيري
السبب :انقطاعي عنه فترة لا تقل عن ثلاث شهور بسبب طبعا ارتاباطي في دورة ،،وفاجأني بهذا المسج ،،،

فتشت أساميهم وانا ضايق البــــــــــال @@@ ما غير انا والنوكيا والرسايــل

ما فيهم اللي دق ينشد عن الحـــــــال @@@ ماني عليهم يشهد الله بعايل

مره اقول المنطقه ما بها ارســـــــــــــال @@@ ومره اقول ان البلا بالموبايــــل

ودمتـــــــــــم ،،،،

[شامان]

الظاهر محد له خلق يعلم عن المسجات اللي تجيه،، خلاص راح ندفع 5 ريال لكل مشاركه في هالموضوع يعني نص ديناااااااار ،، هذي فيها ثنين شاورما وبيبسي نعمه :thumb: :thumb:

[أم نــــــــــواف]

أهلا بك

فكرة حلوة اخي شامان


والرسائل التي شاركت بها مناسبه جدا


كمشاركة منّي :

هذه رسالة وصلتني بالأمس من صديقة عزيزة جمعتني بها الأيام وفرّقتنا الأيام

فرقا جسد ولكنا نتواصل هاتفياً ومعنويا ولله الحمد ..


ياسلامي على اللي صحبته حلوه = واحدٍ لاذكرته ينشرح بالي

صاحبٍ مايبيع الملح والخوّه = له مكانٍ على كل البشر عالي

شوفته ياعرب هي غاية المنوه = أشهد إنه ولو طال الزمن غالي


اتمنى التفاعل من بقية الأعضاء الأكارم


شكرا جزيلا لك-

[احمد الويباري]

هذي الرساله وصلتني وانا اقرا موضوعك:)
مو بالظبط وانا اقراه
قبل يومين تقريبا:a:

ماشكيت من الوله بين المحاني******* ماجزعت من الفراق وكبر غله

ماتحس انك فقدت انسان غالي******* مايمل القرب منـــك وماتمله

كان تذكرني مع الغربه ثواني******* انـــــت في بالي العـمر كله

فكره اكثر من رائعه اخوي شامان:thumb:

كل التحيه
احمد

[بتول آل علي]

بصراحه هذا المسج اللي وصلني مو شعر

لكنه متعلّق بالشعر و بـ موضوع الساحة حاليا على وجه الخصوص /

،


دعاء الشعراء في شاعر المليون:
اللهم أبعد عني فلسفة المسعودي
واجعله سندا لي في درب صعودي
و حبب أشعاري إلى تركي المريخي
واجعله يكف عن لومي و توبيخي
واجعل ( كسيدتي) عند الدكتور أنيقة
مليئة بالمعاني و الصور العميقة
وهب لي ابتسامة حمد السعيد الحنون
واجعل من نصيبي جملة (فالك المليون)
و عطل عند العميمي الرادار
وابعد عنا صيداته يا غفار

،



:)

و فالك المليون وما فيك حيله يا شامان
:)



الدهور

[عجايب بنت الشايب]

أرسلت رساله لختي وردت علي برساله تقول فيها

يـــــامرحبــا الفين تقسيم عشرة
وعشرة نقسمها على أس خمسين
نضرب لك المليون فتحة وكســره
لأن الغلا في منزلك بالملايين


:)


طحياتي ...,,

[عبدالله المهيني]

فكرة موضوع جميلة

مع أني أشاهدها للمرهـ الأولى
(( جديدة ))



رسالة وصلتني من


حبيب قلبي أخوي

بركات الشمري

وكانت بوقتها وكأنها كانت تحكي عني




تدري وش أقسى ما يمرك ..
يالإنسان !؟
إنك تشوف الناس تبكي ..
عشانك !!




مؤلم ذلك البركات


.
.
.

[سيف الدولة]

المرّه هذي أنا اللي بارسل مسج


المشكله رقم تلفونه مو معي


المسج

يمديك تعرف وش سبايب فراقي

............................ما علّمك ون قلت قلت الحقيقة

[سيف الدولة]

مسج جاني قريب ما أدري منو منه بس الكلمات من قصيده لي ( ودّي بقربك) الديوان


أحب كل شيء فيك واعشق ترابك
.................................... واعشق جميع اللي على كل دربك
إن جيتني حييت يا مرحبـا بك
................................. وإن عفتني يصير ذنبـك بجنبـك
حيثك نسيت أهلا..هلا..يا هلا بك
................................ تقولها لاجيـت حولـك وقربـك
يضحك حجاجك بينه في جنابـك
................................... تقولها لي صدق من كـل قلبـك

[حمود الباتع]

آخر مسج وصلني يقول الشاعر

عزيزي العميل نأمل ان تحوزخدماتنا على رضاكم ونبلغم أنه قد
تم أصدار فاتورتك للجوال رقم ............مبلغ ....
حساب ............


فبما أنهم أصدقاء وافين ويراسلوني كل شهرين فلهم حق ارد وأقول

جتني رسالة وفزالقلب بوصوله=من واحدن كل ماطولت يرسل لي
وافي وطبع الوفاء جابه على اصوله=شهرين يرسل يقول اسرع وحول لي
حبي لهم ماعرف عرضه ولاطوله=من كثرماحبهم من شفته اهلي
ياماتمنالهم حاجات مجهوله=علمه بقلبي مثل ماقيل متجلي



---------------------------------------
اماالرسالة اللي أحتفظت فيها من سنين فهي

هلايامعطرن جوي=وش أخبارك وش مسوي
أفكرفيك أناتوي=ترى الطيب على الطاري



والطيب على الطاري تحية على الطاري

[سيف الدولة]

آخر مسج جاءني من الرياض من غالي

يوم ألأثنين24/6/ 1428

يقول

عينن بلا شوفك تسمى سقيمه***وسمعن بلاصوتك مسامعه نقصان

والصبر في بعدك ضياع وهزيمه***لو(بكسب) العالم (وبفقدك )خسان

هكذا كتبه

[مـنــــــاااال]

بالصراحة أنا من زمان ماتجيني مسجات حلوة

مدري عاد السبب من مين

جوالي دايم سايلنت

<<<<<< أدري فيني .. قطوعة

المهم ودي أرسل مسج مني لكم


تقبلوه بكل ود وشوق


لا تسألوني وش جرى في حياتي
خلو همومي بالحشا مستقره
الصمت ثوبي والمواجع عباتي
والحزن كله بوسط قلبي مقره
لو أعيد بواقعي ذكرياتي
أحيا وأموت بالثانيه الف مره

[الجازي]

رسالة وصلتني من إحدى العزيزات تقول :


أمانة يوم توصل هالرسالة تبتسم لاجلي = ترى منهو فقد مثلك تعب من كثر هوجاسه
وش الدنيا بدون أصحاب مثلك فكر وقل لي = تراها في نظر منهو يعزك حيل منداسه


تصدقون ماانتبهت لطلبها إلا يوم كتبتها عندكم :)


تبيني أبتسم ياعلها بعد الابتسامات كلها




وهذي ابتسامة لعيونها
7
7
7
7
7
:)
:)<<<< ياعلي ماابتسيك قل آمين :)

[نافع بن طواله]

وصلني هذا المسج من / عبدالله شلاش آل حبيش العجمي

هو صديق عزيز وغالي من الناس اللي ربحتهم من خلال دراستي في الكلية ويعلم الله أني أتشرف بالأصدقاء على شاكلته


الذيب لامنه رقى بالمراقيب = يطري عليه أهل القلوب النظافي



يطري عليه اللي يعرف المواجيب = شرواك ياللي طول الأيام وافي



لابد ماتصفي عدود المشاريب = ونشرب أنا وياك من عد صافي


وشرفني أن أرد على هذا المسج




الطيب شرواكم ومثلك ترى ذيب = يستاهل اللي تنخضع له قوافي



وإن قصرت بعض القوافي بترحيب = مثلك يغفر القاصره وانت وافي



وإن خيروني بالرفاقه معاريب = يامعرب الجدين مثلك وكافي



أبو طواله

[الغفل ضيغم]

أخوي شااماان

فكرة موضوعك جميلة

أما مايتلعق بالرسائل أنا اخر رساله وصلتني هي :

من : Call ME فضلا إتصل بي علي ........

هاهاهاهاها

لكن الرساله اللي قبله

أصعب عذاب < الشوق > لاصار صامت "
مثل الطفل : يفهم ولا يعرف " البـــــوح "





الغفل ضيغم

[الضيغمي 11]

شخص(ن) اشوفه الف مره ومره

لكن مكانه داخل القلب عادي

وشخص(ن) يغيب شهور ولله دره

لا من طرا في داخل القلب سادي

للشاعر // عطا الله العقيل (( المضيوم ))

[شامان]

سلام ...


أخــر مسج ....


نصيحه ....

من صديق ......



ممشاك مع رجل عزيز يثمنك
ينفعك لا جا في السنين إختباصي

في واجبك يمشي ولاهو بهاينك
يكمل مطاليبك لا جيت ناصي

يعجبك لا حطيت مثله على ايمنك
قرم يحل المعضلات العواصي

[حفيدة الأسلم]

تسلم اخوووي شامان على هالفكره الحلوووه


هذا مسج جاني بنص الليل من اعز واحب واغلى مخلوووق بالهوجوود


أدري غثا أرسلت لك تالي الليل ..!

ويمكن بعد نايم وسببت لك إزعاج..؟

<نوم العوافي>للعيون المظاليل .

إللي لناظرهم أنا حيل محتاج ..؟

قلبي ""ذبحه الشوووووق"" يا صاحبي حيــــــــــــــــــــل ...!

وأرسلت

<<وأرجو ما حصل اي ازعاج>>


حبي وودي لكم يا غالييني


تحياتيــ...

[شامان]

وصلني مسج وصراحه اثر فيني ، وكان من احد الاصدقاء اللي قصرت بحقهم بحكم العمل صراحه لا اكثر ولا اقل :


اشوفك بعيني مع غياب وطلوع النور
ذكرني خيالك يوم طيفك تناساني . . .

تذكرت يوم اني معك راضين مسرور
وسجيت مدري هاجسي وين وداني . . .

تخيلتك وفزيت طولي بدون شعور
اثاريه طيفك صارله وقت ما جاني . . .


بالتوفيق : يا فيصل اللويش