عنزي خواله شمر
07-12-2006, 03:18
بسم الله والصلاة والسلام على رسول الله وعلى من اتبعه ومن والاه ..
المقدمه :
من سلومنا وعاداتنا اذا قمنا من اي وليمه ان ندعي لصاحبها ونثني عليه
اذا كان المعزب شخص واحد وهو اللي متكفل بالمناسبه يكون الدعاء له و لوالديه مثلا ً
مثل ( كثر الله خيرك , جاد الله عليك من زوايد فضله , رحم الله والديك ... الخ )
طبعا ً هذا الدعاء اللي يذكرونه الضيوف بعد فروغهم من الوليمه وبالعاده راح يكون رد من المعزب على هذه الادعيه مثل جعله عافيه او صحه وعافيه
اذا كان المعزب اكثر من شخص . كالمناسبات الكبيره والافراح تكون مماثله في الادعيه ولكن بصيغة الجمع
كثر الله خيركم وجاد الله عليكم وهكذا والرد بالمقابل .
اذكر قصه فكاهيه سمعت عنها ,,,
سمعت ان في مصري قالط مع الرجال وصار يسمعهم بعد ماقضى الضيف وشكرلهم صاروا يشكرون للمعزب, طبعا ً المسكين مو عارف وش يقولون ؟؟
حاول يلقط اي كلمه من اللي يسمعها ولا قدر كل واحد يقول كلمه غير الثاني بس اللي فهمه ان بداية كلامهم فيه الله
واحد يقول الله يرحم والديك والثاني يقول الله يجود عليكم والثالث يقول كثر الله خيركم .. احتار المصري وقام وقال وهو متحمس وبسرعه قال:
( الله الله ؟؟؟؟؟؟؟ ) طبعا ً في هالموقف قلبت صالة الطعام إلى مسرح ضحك ههههههههههه
طبعا ً هذي كلها نتحفظ بها في المناسبات الرسميه وبعض المناسبات ,,
اذا كنا صحبه وطالعين برا وصلحنا الغدى او العشى بعد من نخلص نقول دام خواكم او كثر الله خيركم او او .. الخ
طبعا ً دام خواكم معناتها الله يديم علي وعليكم الخوه والاخوه ,,, طبعا ً الرد مايكون من المعزب لأن جميعهم راح يردون عليك بكلمه وهي دام خواك
لكن اذا حدد وقال الله يعين من تكلف راح يرد عليه من تكلفوا بالوليمه من طبخ وغيره ... الخ
^
^
^
الا ماتلاحظون المقدمه صارت قصه اضنها كذا تكفي ههههههه
القصه ماحبيت اذكرها الا لمى طلبت مني اني احكيها لكم بالمنتدى وهي
تقريبا ً الاحد اللي بعد اليوم الوطني آخر اسبوع قبل رمضان الصبح صحيت من النوم الساعه 8 الصبح طبعا ً الدوام الساعه 8 يعني متأخر وبقوه بعد
طيب في مشكله انا ماني موجود بالرياض (كنت) بمدينة االمزاحميه والمزاحميه تبعد عن بداية مدخل الرياض تقريبا بحدود الثلاثين كيلو
يعني ياعسى التأخيره فيها خيره << والله ماضنيت
صحيت من الفراش وناظرت بالساعه الا هي ثمان ياهلا والله انقز ياولد وخذ الثوب والبسه وانت نازل مع الدرج وشغل الموتر ودز للرياض,,,,
أول إشاره على أول شارع وخذها وهي حمرا ... ياسلام
ما امداني استوي على الطريق بعد المديور الا وذاك الفورد اللي عليه سفتي معترض بوجهي !!!
انا حمدت ربي على العافيه وقالت لي نفسي يارجال اقصر الشر ووقف وشف العسكري وش يبي يقولك يمكن يسمح لك اذا درى انك متأخر عن الدوام ؟؟
على طول من غير اي محاوله للهروب وقفت على اليمين ونزلت وأوراقي معي
قلت للعسكري صباح الخير طال عمرك وقال لي بنفس شينه ليش تقطع الاشاره ولا من زين وجهك تقطعها قدامي يعني مافي احترام !!
انا فهمتها وعرفت انها مراح تعدي على خير قلت ياخوي انا ماشفت ولو انا شايفك قبل لا اقطعها ماقطعتها ابد !! قال امش قدامي للمركز
اوووه عاد هينا شفت العلم الصامل وتذكرت الدوام وأول يوم بعد اليوم الوطني وقلت يابن الحلال انا عندي دوام ومشاكل اذا غبت يعني الله يرضى عليك مالها داعي المرمطه تحطني بالتوقيف
عطني مخالفه وخلني اروح لدوامي الله يرضى عليك قال يالله الحين قدامي على المركز ونزل العسكري الثاني اللي معاه وركب جنبي قال رح يارجال وعد مني مراح يوقفك بس اكيد بيسوي استعلام على السياره
ممكن تكون عليها بلاغات ومن هالكلام !! قلت لا يارجال انا ادري انه بيوقفني ميه بالميه الرجال ذا ناوي شر قال لا ماعليك ترا شنبي موب على رجال اذا وقفك قلت يصيرر خير
انا والله صدقت وقلت الرجال فكاك ارقاب وطلع فكاك ارانب يعني مهايطي على دجه وطلع دجاجه,, انا ماعندي مشكله خلاص قفلت الاخلاق وصار اللي صار ومع انها أول مره بدخل التوقيف بحياتي لكن قلت تجربه ونشوف وش آخرتها
انا واقف داخل المركز و انتظر ما ادري وش بيصير الا ذاك العسكري الشايب اللي واقف بالشمس وينادي وين سعد وين سعد رحت لمه وقلت انا سعد قال تعال وانا ابوك ؟؟ قلت سم وين تبي ؟؟
خذاني بيدي وقفني عند باب ابيض وفيه قفل كبر راسي بصراحه انا كنت شاك واقول بنفسي هذا هو التوقيف ولا ايش ؟؟
الا يوم فتح الباب الا الخير قدام مافي الا سيب صغير وابواب بصراحه شكلها معتقلات مو توقيف !
قلت للعسكري ياخي انت من جدك بتدخلني بالتوقيف الحين ؟؟ قال اقول خلك ساكت وارفع يدك خلني افتشك !!!
رفعت يدي وفتشني وحصل بكت مارلبورو احمر توني شاريه بالليل ومابعد جربته ههههههه خذاه ونطله بالارض وطلع جوالي وقالي قفله !!
قلت لا خله معي قال لا قفله ممنوع قلت وش اللي ممنوع الله يرحم والدينك الحين الشباب بالدوام بيكلموني قال قفله وهاته قلت انت وش يضرك اذا خليته معي!! قال ممنوع انت ماتفهم قلت بخليه على الصامت هههههههههه على بالي انه عادي اخليه معي
خذا الجوال مني وقفله وبلمحة بصر مادريت الا باب التوقيف مفتوح ويدفني معه تقل مجرم حرب مو قاطع اشاره !!
انا يوم دخلت التوقيف الا ذيك الغرفه الصغيره اللي تقريبا ً 4 في 6 وفيها 13 نسمه ونايمين وكل واحد فوق الثاني ؟؟
بصراحه انصدمت وقلت ياكثر اللي مقطعين الاشارات اجل موب انا لحالي ياربي لك الحمد ؟؟
كلهم صحوا على صوت دخولي التوقيف وتوجهة انظارهم علي وكأن لهم عشر سنين ماشافوا آدمي مدني مايشوفون غير العسكر ؟؟
قلت السلام عليكم
وردوا كلهم بصوت واحد وعليكم السلام ورحمة الله
انا انحرجة وصرت اناظر في الغرفه ووين بجلس بس ماشاء الله كلهم مغطين الاماكن كلها ..
واحد منهم كف رجوله وقال تعال هينا يالحبيب !رحت لمه وانا منحرج وربي مالها داعي هالمواقف
وجلست عنده الا وذاك ابو شنب يوم طمر علي وقال وش قضيتك يالحبيب !! طبعا ً يقولها وهو مستانس ويتبسم !!
قلت له لا ابد بس قاطع إشاره قدام الدوريات ... انا على بالي مسوي جريمه وأقولها وكلي ثقه ومسوي فيها عربجي عليهم
ناظر فيني نظره حاقده وبعدين ناظر في اللي جالسين اخوياه وتبسم شوي وقال انثبر !!!!!
انا عرفت اني ولا شي عنده . صحيح ارتفع ضغطي منه وقلت لازم اعرف من كل واحد وش قضيته !!
أول واحد يقول انه موقف على شان مضاربه ؟؟ طيب كم لك بالتوقيف قال لي 60 يوم يعني شهرين يعني معقوله شهرين على شان مضاربه
الثاني يقول مسكوني وانا سكران ومعي حبوب وحشيش ...< عيني عليه بارده
الثالث مدمن مخدرات رايح في خبر كان هذاك الآدمي ماشفت بحياتي مثله اكيد مخه مافيه ولا فيوز سليم كلها ضاربه من الادمان الله لا يبلانا
حتى لدرجة انه قذر ومريض انا من يوم شفته جزمت ان فيه ايدز عسى الله يعفي عننا ..
الرابع سميته العاشق الولهان ,, الرابع قضيته كان مسوي موعد غرامي مع خويته ولمى صار الموعد طب عليها من فوق سور البيت الا اخوانها جالسين بالحوش وشافوه ومسكوه وعلى طول سلموه للشرطه
كان محترم جداً وشكله خايف الله يعينه ويستر عليه
الخامس مسوي جرايم لا تعد ولا تحصى والمشكله انه ساحب معاه اثنين اللي هم السادس والسابع
الثامن متهم بسرقة كيابل كهرباء وسرقة علك وبييبسي وضرب هندي صاحب بقاله ؟؟؟ طبعا ً هذا جريمته غريبه وغامضه ؟؟؟
التاسع ما ادري وش مسوي بس المهم انهم خذوه من عندنا وبعد ساعه تقريبا ً جابوه لنا وقال انهم خذوا له كم صوره ويمكن يودونه لسجن الحاير !! طبعا ً هو فرحان ويقول والله ودي انسجن مره وحده وارتاح !!
العاشر باكستاني قضيته مستأجر سياره وصدم عليها ولا عليها تامين ومطالبته الشركه بالتسديد والمسكين ماعنده وله اكثر من شهر وهو بالتوقيف !!! لامتى ما ادري الله يعينه المشكله ان هالشله الفاسده خربوه !!
الحادي عشر كان نام من يوم دخلت التوقيف الين طلعت وهو نايم ؟؟ اتوقع ان جريمته النوم ؟؟؟
الثاني عشر والثالث عشر جرايمهم غامضه ولا حبوا انهم يردون علي انا واسألتي !! تحفظات شخصيه
هذي المصايب اللي شفتها بعيوني وفعلا ً كل واحد يقول قضيته اللي عليه انا اكش منه واستغرب وهو يقولها وعادي وبالعكس فرحان مسكين على باله هذي المرجله ,, انا قطعة الاشاره وحقدت على نفسي
المشكله داخل التوقيف مافي اعاشه حكومية . كل واحد يصرف على نفسه وكلهم يعرفون هالشي . الا انا على نياتي .
الحلوه اني دخلت التوقيف ولا اذكر ان بمخباتي الا خمس ريال ومعاي بطاقة الصراف ولا كنت عامل حسابي اني بتوقف هاليوم ولا كان اخذت لي بطنيه ومريت صراف وسحبت فلوس ورحت لمهم
يعني اخوي قارء الموضوع اذا بغيت تقطع اشاره اعمل حسابك لكل هذا ,, واذا بغيت نصيحتي وتبي تعز نفسك على طول لا تخالف قوانين المرور لأن وربي يجيك عسكري ماعنده الا سادس ابتدائي ولا يعرف يكتب اسمه حتى ويتكلم عليك
وربي الشغله ماتسوى .
جابوا الفطور ( فول وعدس - ياربي لك الحمد والشكر ) انا طبعا ً صاكني الجوع توني قايم ولا اكلت شي قلطت معهم وافطرت وعلى بالي انه اعاشه حكوميه واثاري الحكومه مادرت عننا ..
المستغرب في الموضوع انهم كل ما قام واحد يقول (((( دام خواكم )))) يعني كل واحد معجب بالثاني ووده تطول المده معاه ؟؟
انا كل ما قام واحد وقال دام خواكم اقول لا انشاء الله ما يدوم خخخخخخخخخ
بصراحه عالم غريب وامورر كثيره ملخبطه وحوسه
اقول للعسكري بعد ماطلعوني الساعه اثنين الظهر ليش ماقلت لي على شان اصرف فلوس وانا جاي .. ويناظر فيني بطرف عين ويقول يعني ماتدري ؟؟؟
لعنبو حيك وش يدريني شايفني خريج سجون تقولي الكلام هذا والله تخلف لأبعد الحدود ....
اتمنى الفائده لجميع القراء
وانصح اخواني الشباب بعدم قطع الاشاره وعدم مخالفة انظمة المرور ابدا ً
ودااام خواكم
اخوكم السجين
سعد العنزي
المقدمه :
من سلومنا وعاداتنا اذا قمنا من اي وليمه ان ندعي لصاحبها ونثني عليه
اذا كان المعزب شخص واحد وهو اللي متكفل بالمناسبه يكون الدعاء له و لوالديه مثلا ً
مثل ( كثر الله خيرك , جاد الله عليك من زوايد فضله , رحم الله والديك ... الخ )
طبعا ً هذا الدعاء اللي يذكرونه الضيوف بعد فروغهم من الوليمه وبالعاده راح يكون رد من المعزب على هذه الادعيه مثل جعله عافيه او صحه وعافيه
اذا كان المعزب اكثر من شخص . كالمناسبات الكبيره والافراح تكون مماثله في الادعيه ولكن بصيغة الجمع
كثر الله خيركم وجاد الله عليكم وهكذا والرد بالمقابل .
اذكر قصه فكاهيه سمعت عنها ,,,
سمعت ان في مصري قالط مع الرجال وصار يسمعهم بعد ماقضى الضيف وشكرلهم صاروا يشكرون للمعزب, طبعا ً المسكين مو عارف وش يقولون ؟؟
حاول يلقط اي كلمه من اللي يسمعها ولا قدر كل واحد يقول كلمه غير الثاني بس اللي فهمه ان بداية كلامهم فيه الله
واحد يقول الله يرحم والديك والثاني يقول الله يجود عليكم والثالث يقول كثر الله خيركم .. احتار المصري وقام وقال وهو متحمس وبسرعه قال:
( الله الله ؟؟؟؟؟؟؟ ) طبعا ً في هالموقف قلبت صالة الطعام إلى مسرح ضحك ههههههههههه
طبعا ً هذي كلها نتحفظ بها في المناسبات الرسميه وبعض المناسبات ,,
اذا كنا صحبه وطالعين برا وصلحنا الغدى او العشى بعد من نخلص نقول دام خواكم او كثر الله خيركم او او .. الخ
طبعا ً دام خواكم معناتها الله يديم علي وعليكم الخوه والاخوه ,,, طبعا ً الرد مايكون من المعزب لأن جميعهم راح يردون عليك بكلمه وهي دام خواك
لكن اذا حدد وقال الله يعين من تكلف راح يرد عليه من تكلفوا بالوليمه من طبخ وغيره ... الخ
^
^
^
الا ماتلاحظون المقدمه صارت قصه اضنها كذا تكفي ههههههه
القصه ماحبيت اذكرها الا لمى طلبت مني اني احكيها لكم بالمنتدى وهي
تقريبا ً الاحد اللي بعد اليوم الوطني آخر اسبوع قبل رمضان الصبح صحيت من النوم الساعه 8 الصبح طبعا ً الدوام الساعه 8 يعني متأخر وبقوه بعد
طيب في مشكله انا ماني موجود بالرياض (كنت) بمدينة االمزاحميه والمزاحميه تبعد عن بداية مدخل الرياض تقريبا بحدود الثلاثين كيلو
يعني ياعسى التأخيره فيها خيره << والله ماضنيت
صحيت من الفراش وناظرت بالساعه الا هي ثمان ياهلا والله انقز ياولد وخذ الثوب والبسه وانت نازل مع الدرج وشغل الموتر ودز للرياض,,,,
أول إشاره على أول شارع وخذها وهي حمرا ... ياسلام
ما امداني استوي على الطريق بعد المديور الا وذاك الفورد اللي عليه سفتي معترض بوجهي !!!
انا حمدت ربي على العافيه وقالت لي نفسي يارجال اقصر الشر ووقف وشف العسكري وش يبي يقولك يمكن يسمح لك اذا درى انك متأخر عن الدوام ؟؟
على طول من غير اي محاوله للهروب وقفت على اليمين ونزلت وأوراقي معي
قلت للعسكري صباح الخير طال عمرك وقال لي بنفس شينه ليش تقطع الاشاره ولا من زين وجهك تقطعها قدامي يعني مافي احترام !!
انا فهمتها وعرفت انها مراح تعدي على خير قلت ياخوي انا ماشفت ولو انا شايفك قبل لا اقطعها ماقطعتها ابد !! قال امش قدامي للمركز
اوووه عاد هينا شفت العلم الصامل وتذكرت الدوام وأول يوم بعد اليوم الوطني وقلت يابن الحلال انا عندي دوام ومشاكل اذا غبت يعني الله يرضى عليك مالها داعي المرمطه تحطني بالتوقيف
عطني مخالفه وخلني اروح لدوامي الله يرضى عليك قال يالله الحين قدامي على المركز ونزل العسكري الثاني اللي معاه وركب جنبي قال رح يارجال وعد مني مراح يوقفك بس اكيد بيسوي استعلام على السياره
ممكن تكون عليها بلاغات ومن هالكلام !! قلت لا يارجال انا ادري انه بيوقفني ميه بالميه الرجال ذا ناوي شر قال لا ماعليك ترا شنبي موب على رجال اذا وقفك قلت يصيرر خير
انا والله صدقت وقلت الرجال فكاك ارقاب وطلع فكاك ارانب يعني مهايطي على دجه وطلع دجاجه,, انا ماعندي مشكله خلاص قفلت الاخلاق وصار اللي صار ومع انها أول مره بدخل التوقيف بحياتي لكن قلت تجربه ونشوف وش آخرتها
انا واقف داخل المركز و انتظر ما ادري وش بيصير الا ذاك العسكري الشايب اللي واقف بالشمس وينادي وين سعد وين سعد رحت لمه وقلت انا سعد قال تعال وانا ابوك ؟؟ قلت سم وين تبي ؟؟
خذاني بيدي وقفني عند باب ابيض وفيه قفل كبر راسي بصراحه انا كنت شاك واقول بنفسي هذا هو التوقيف ولا ايش ؟؟
الا يوم فتح الباب الا الخير قدام مافي الا سيب صغير وابواب بصراحه شكلها معتقلات مو توقيف !
قلت للعسكري ياخي انت من جدك بتدخلني بالتوقيف الحين ؟؟ قال اقول خلك ساكت وارفع يدك خلني افتشك !!!
رفعت يدي وفتشني وحصل بكت مارلبورو احمر توني شاريه بالليل ومابعد جربته ههههههه خذاه ونطله بالارض وطلع جوالي وقالي قفله !!
قلت لا خله معي قال لا قفله ممنوع قلت وش اللي ممنوع الله يرحم والدينك الحين الشباب بالدوام بيكلموني قال قفله وهاته قلت انت وش يضرك اذا خليته معي!! قال ممنوع انت ماتفهم قلت بخليه على الصامت هههههههههه على بالي انه عادي اخليه معي
خذا الجوال مني وقفله وبلمحة بصر مادريت الا باب التوقيف مفتوح ويدفني معه تقل مجرم حرب مو قاطع اشاره !!
انا يوم دخلت التوقيف الا ذيك الغرفه الصغيره اللي تقريبا ً 4 في 6 وفيها 13 نسمه ونايمين وكل واحد فوق الثاني ؟؟
بصراحه انصدمت وقلت ياكثر اللي مقطعين الاشارات اجل موب انا لحالي ياربي لك الحمد ؟؟
كلهم صحوا على صوت دخولي التوقيف وتوجهة انظارهم علي وكأن لهم عشر سنين ماشافوا آدمي مدني مايشوفون غير العسكر ؟؟
قلت السلام عليكم
وردوا كلهم بصوت واحد وعليكم السلام ورحمة الله
انا انحرجة وصرت اناظر في الغرفه ووين بجلس بس ماشاء الله كلهم مغطين الاماكن كلها ..
واحد منهم كف رجوله وقال تعال هينا يالحبيب !رحت لمه وانا منحرج وربي مالها داعي هالمواقف
وجلست عنده الا وذاك ابو شنب يوم طمر علي وقال وش قضيتك يالحبيب !! طبعا ً يقولها وهو مستانس ويتبسم !!
قلت له لا ابد بس قاطع إشاره قدام الدوريات ... انا على بالي مسوي جريمه وأقولها وكلي ثقه ومسوي فيها عربجي عليهم
ناظر فيني نظره حاقده وبعدين ناظر في اللي جالسين اخوياه وتبسم شوي وقال انثبر !!!!!
انا عرفت اني ولا شي عنده . صحيح ارتفع ضغطي منه وقلت لازم اعرف من كل واحد وش قضيته !!
أول واحد يقول انه موقف على شان مضاربه ؟؟ طيب كم لك بالتوقيف قال لي 60 يوم يعني شهرين يعني معقوله شهرين على شان مضاربه
الثاني يقول مسكوني وانا سكران ومعي حبوب وحشيش ...< عيني عليه بارده
الثالث مدمن مخدرات رايح في خبر كان هذاك الآدمي ماشفت بحياتي مثله اكيد مخه مافيه ولا فيوز سليم كلها ضاربه من الادمان الله لا يبلانا
حتى لدرجة انه قذر ومريض انا من يوم شفته جزمت ان فيه ايدز عسى الله يعفي عننا ..
الرابع سميته العاشق الولهان ,, الرابع قضيته كان مسوي موعد غرامي مع خويته ولمى صار الموعد طب عليها من فوق سور البيت الا اخوانها جالسين بالحوش وشافوه ومسكوه وعلى طول سلموه للشرطه
كان محترم جداً وشكله خايف الله يعينه ويستر عليه
الخامس مسوي جرايم لا تعد ولا تحصى والمشكله انه ساحب معاه اثنين اللي هم السادس والسابع
الثامن متهم بسرقة كيابل كهرباء وسرقة علك وبييبسي وضرب هندي صاحب بقاله ؟؟؟ طبعا ً هذا جريمته غريبه وغامضه ؟؟؟
التاسع ما ادري وش مسوي بس المهم انهم خذوه من عندنا وبعد ساعه تقريبا ً جابوه لنا وقال انهم خذوا له كم صوره ويمكن يودونه لسجن الحاير !! طبعا ً هو فرحان ويقول والله ودي انسجن مره وحده وارتاح !!
العاشر باكستاني قضيته مستأجر سياره وصدم عليها ولا عليها تامين ومطالبته الشركه بالتسديد والمسكين ماعنده وله اكثر من شهر وهو بالتوقيف !!! لامتى ما ادري الله يعينه المشكله ان هالشله الفاسده خربوه !!
الحادي عشر كان نام من يوم دخلت التوقيف الين طلعت وهو نايم ؟؟ اتوقع ان جريمته النوم ؟؟؟
الثاني عشر والثالث عشر جرايمهم غامضه ولا حبوا انهم يردون علي انا واسألتي !! تحفظات شخصيه
هذي المصايب اللي شفتها بعيوني وفعلا ً كل واحد يقول قضيته اللي عليه انا اكش منه واستغرب وهو يقولها وعادي وبالعكس فرحان مسكين على باله هذي المرجله ,, انا قطعة الاشاره وحقدت على نفسي
المشكله داخل التوقيف مافي اعاشه حكومية . كل واحد يصرف على نفسه وكلهم يعرفون هالشي . الا انا على نياتي .
الحلوه اني دخلت التوقيف ولا اذكر ان بمخباتي الا خمس ريال ومعاي بطاقة الصراف ولا كنت عامل حسابي اني بتوقف هاليوم ولا كان اخذت لي بطنيه ومريت صراف وسحبت فلوس ورحت لمهم
يعني اخوي قارء الموضوع اذا بغيت تقطع اشاره اعمل حسابك لكل هذا ,, واذا بغيت نصيحتي وتبي تعز نفسك على طول لا تخالف قوانين المرور لأن وربي يجيك عسكري ماعنده الا سادس ابتدائي ولا يعرف يكتب اسمه حتى ويتكلم عليك
وربي الشغله ماتسوى .
جابوا الفطور ( فول وعدس - ياربي لك الحمد والشكر ) انا طبعا ً صاكني الجوع توني قايم ولا اكلت شي قلطت معهم وافطرت وعلى بالي انه اعاشه حكوميه واثاري الحكومه مادرت عننا ..
المستغرب في الموضوع انهم كل ما قام واحد يقول (((( دام خواكم )))) يعني كل واحد معجب بالثاني ووده تطول المده معاه ؟؟
انا كل ما قام واحد وقال دام خواكم اقول لا انشاء الله ما يدوم خخخخخخخخخ
بصراحه عالم غريب وامورر كثيره ملخبطه وحوسه
اقول للعسكري بعد ماطلعوني الساعه اثنين الظهر ليش ماقلت لي على شان اصرف فلوس وانا جاي .. ويناظر فيني بطرف عين ويقول يعني ماتدري ؟؟؟
لعنبو حيك وش يدريني شايفني خريج سجون تقولي الكلام هذا والله تخلف لأبعد الحدود ....
اتمنى الفائده لجميع القراء
وانصح اخواني الشباب بعدم قطع الاشاره وعدم مخالفة انظمة المرور ابدا ً
ودااام خواكم
اخوكم السجين
سعد العنزي