المساعد الشخصي الرقمي

مشاهدة النسخة كاملة : هدف حياتي ـــــــ طلع تـسـلل !



مصيول
08-09-2006, 06:23
:59:







سلام عليكم دار قومن مسلمون ــــــ انتم السابقون ونحن اللاحقون <<< سلامات :puzzled:





والله ياللمضايف وحشه !!


تسيف ان الواحد مايغيب ويرجع الا وكل شينن ماهو على لونه ـــــ افلقني ان فهم الزقروطي !
الا على طاري الزقروطي ـــــــ

تقل اني قريت له موضوع بالفله ـــــــــــ واختفى من ردت عليه :puzzled: !!









و المطنوخ وش عنده مدهر هالايام !

اشوفه شغال مسابقات ـــــــ


ويقولون وعلى ذمه من يقول ــــــــــ انه يبي يقلب الفله تصاميم:surprised !






طنخان ــــــــ

اسمع ياطويل العمر ـــــــ عندي لك راي مايخورش الميا !


مسابقه على اسم الفله !

خل كل عضو من اعضاء الفله والمضايف ككل ــــــ

يكتب موضوع ـــــــ ويحط حيله به !!


وهي مسابقه وحده كل شهر !

والـموضوع صاحب اكبر نسبة تصويت من الاعضاء ـــــــــــ
ونسبة تصويت من لجنة الحكم ـــــــ يعلن عنه !

طبعاً التصويت بنزاهه :)





ـــــ طع شور من اذا شار استخار كل مستشار على شوره ــــــ >> هذي تسيف قلت به :smooch:


تقل اني مضيع مضيف الاقتراحات ـــــــ :)!











يالربع ـــــــ انا ياواحدن طقت تسبدي

وبوخت كليتي

وانفقعت مرارتي





تسيف الدنيا كل ماله تضيق !


والنفسيات مدحدره !!


والله انه ضاقت بي ـــــــ وانا اشوف ناس متخرجين من نفس تخصصاتنا ومتوسدين الشهاده !



والواسطات شغاله ـــــ !


والمشكله ان تخصصاتهم قويه ــــــــ ومطلوبه !












بس مشكلتنا ان خيرنا لغيرنا !!

ايام حرب اسرائيل على لبنان ـــــــــ كنت جالس عند قناة نيو تي في اللبنانيه

وكانو يناقشون الحرب
وضيفهم لبناني ــــــــ اذكر انه يدخن على الهوا :) بس ماعرف اسمه !


فقال كلمه قسما بالله انه رفعت ضغطي ــــــــ وانهميت منه هم ماهو بسيط !


كان يسب حكام العرب بأخلاق ـــــــــ ويهزأهم بأحترام !


فقاله المقدم ــــــ الملك عبدالله بن عبدالعزيز اعلن تبرعه امس بـــ خمس مئة مليون دولار من المملكه للبنان !!



فا ضحك وقال بالحرف الواحد ـــــــ خمس مئة مليون شو بتساوي

اذا كان مابتبني لك كزنو بألب لبنان!!!






طيب لعن ابو حيكم ياصار هذا ردهم !


شعب السعوديه اولى بهالخمس مية مليون !!




والله يالو توزع علينا كفتنا !













المهم اني تضايقت ــــــ من هالواقع الكئيب !
والمستقبل المظلم !




وقلت ياولد ــــــ مافيه احلى من الاعمال الحره

ابي اتجر مثل خلق الله ــــــــ !


بس المشكله خابرن نفسي ــــــــ ماسرح مع الغنم !


جلست اقرا جريده والهم يخالجني ـــــــ وهي طيح عيني على خبر

عن بعير مبيوع بـــ 6ملايين !




وهن يتناقزن عيوني ــــــــ وياخذن اللفه ويرجعن !

هذا هو صحيح ولا حتسي جرايد !!!




واسأل ــــــ الا والله حتسيهم ماعليه غباار !!







انتم تشوفون هاللي اشوفه ـــــــ !



تشوفون عمل هالبدوان !!



كل يوم صاقعينن ناقه بــ ستمية الف ــــــ ولا قعود بــ ثمان مية الف !!



والمطمه دحدرو بالملايين ــــــ هذا جمل مسيوم بــ سته مليون !


والثاني حاده راعيه بــ اربعه مليون !!



قسم بالله لحست مخ !!




يعني بالله البعير الواحد يسوى له 18 بي ام ـــــ واربع دداسن :) !



المشكله يقولك مزيون ــــــــ يعني ماهو سبيق ويبي يسابق عليه !

ويكسب من وراه !


بس يغزه بالشبك ـــــــ ويداري عليه تقل حدا عياله !؟



ياولد ـــــ بدوان وبلشانين بخايش هالفلوس !!






والمصيبة يتفلسفون عليك ــــــ

يجيب بكرتين ويصفهن بجنب بعض ــــــــ

ويقول هذي بــ 8 الاف والثانيه بــ ثمان مية الف !؟



اشطف ــــــــــ سلامات !



وش الفرق بينهن يالحبيب ؟




يقول شف هذي خشمه احلى من هذيتس ـــــــ وكتوفه مرتفعات !


ومن تشوف خشمه الا والذبان ـــــــ
بس خلوني ساكت !!







تحريته يقول شف براطمه ولا شفايف باسكال :) :)



الوكاد مع دوراني بين هالمزين <<< عبدالعزيز مسك خط :surprised





لقيت واحد معوو جيب شاص ـــــــ محمل برسيم :d:


يمار هذا خشم ابو خليف ـــــــ !




وشلونك طيب ــــــ وشلون شايبك وعجوزك ـــــــ
وشلون من يعز عليك




ومن هالحتسي !



يوم فترن حنوكه ــــــ قال امش نبي نتقهوى !؟




وصلنا خيمته ـــــ

وتقهوينا من هاكالبغداديات ـــــ اللي طعم قهوتهن تقل عسل <<< افلقني :tongue:






هاه يامصيول بشر عساك توظفت ؟

قلت والله يابو خليف ـــــ على حطت يدك !؟



قال ايه اخبرك ـــــــ لاتهوش ولاتجمع رضم


قلت وشوو ـــــــ !


قال يعني رجالن مانت راعي مشاكل ! >>> ياحبي له لاقام يرقع 





سألته وانت يابو خليف ــــــــ وش بدل هاكالحال ماشاءالله لهالحال !



قال أي حال ـــــــ !



قلت علينا ؟


وين الددسن الــ78

وشو هالجيب ـــــــ اللي بس ودك تراعيله !





وهو يدلي يرشن بغسول الكاسات والفناجيل ـــــــــ ويقول قل اعوذ برب الفلق !!






وبعد شد وجذب ــــــ وشيل وحط



علمن بالصحيح ــــــ يقول انا ياطويل العمر طحت لي بشغله على كيفك !





قمت اشري وابيع من المزاين !

يعني بالعربي تاجر مزاين !!



قلت يابن الحلال هالخبول مايحتسون الابالملايين !


وانت اخبر اللي عندك !




على الله ـــــــ ثم معاش التقاعد !!



قال يابن الحلال اسمع ــــــــ !







تشوف هاكالناقه ـــــــ اللي مسيومه بـــ ثمان مية الف !



قلت ايه قال انا بايعه ـــــــــ قبل ست شهور بــ سبعين الف !

واللحين شف سعره ــــــ الضعف ثلاث مية مره !

قلت انت صادز ولا تمزح !!؟



قال أي وربي ـــــــ



قلت لاحول ــــــــــ
اما لوانت صابرن عليه هالشهور ـــــــــ كان جايبتن لك صفقه !


اكيد انك متضايق على بيعته !



قال لوتدري بكم انا شاريه ــــــ ماقلت هالحتسي !


هاه ــــــــ بكم انت شاريه !







قال جود قلبك ـــــ :surprised !



خذيته بــ الفين !!



قلت وش الفينه ــــــــ ماخبر دون الثلاثه الا الجرب !

قال وصلت خير ــــــ


هذي اشتريته جربا ــــــــ



وداويته وزينته ــــــــ وضبطت عيونه ولمعتهن وزبرقته من الى !

ولو بيدي احط له عدسات زرق ــــــــ ماقصر !



وليا خلصت ــــــ بعثناه لسوريا شهر كامل !

مشروع تسمين !!





وبعده نعطي خبر لعملائنا ـــــــ
يشيعون بالمجالس ـــــــــ ابو خليف عنده ناقتن مزيونه مسيومه بكذا !


<<<ولا شغل هوامير الاسهم !







قلت اجل دعواهم هاللون !

قال وصلت خير !














قلت طيب يابوخليف ـــــــ وش رايك بالشراكه 


قال والله انه مبروكه ــــــ بس معك ماهقيت :d: >> اخس يالمروح !





قلت يابن الحلال انا عصاك اللي ماتعصاك ـــــــ ويمينك اللي تعينك !








قال تــم !




ومنه ادهرنا ــــــ وصرنا وكيل معتمد للمزاين !


وفتحنا فروع ــــــــ بكل دول العالم !


واسسنا وكالة قطع غيار للمزاين ــــــــــ واللذي منه !

واستعنا بخبراء وجراحين تجميل ـــــــ على مستو العالم !






الين مافسقنا ــــــــ


وقلت ياولد شغل ام الف والفين ــــــ وبعه بسبعين هذي مرحله تجاوزناه !


خلاص نبي ندحدر مع اهل الملايين !




نبي ابو مليون ـــــــــ نبيعه بــ تسعه مليون !

وجزمنا ــــــــ هاكالجزمة اللي الله اعلم به !




وقمنا نقردن اهل لجنات التحكيم ـــــــ ونهديهم من حليب الخلفات !


الى ان سلكت امورنا ــــــــ وذاع صيتنا !


وادهر ابو خليف ــــــــ وصار مايحتسي الا بالاملايين !








ياما جيت ابو خليف له يوم !


قلت اسمع ياطويل العمر ــــــــ عندي لك راين طيب !

وبأذن الله يبي يعجبك


واقترحت نشري كل المزاين ـــــــ اللي بالسوق !



المعروض للبيع ــــــــ واللي ماهو معروض !!



وبالعربي هذي هي صفقة العمر يابو خليف !


ولحظته كل من بغى مزاين ـــــــ ماله الا حنا !



ونبي نصقعهم بالسعر ــــــــ دبل !








قال هاه خلن افكر ـــــــــ واستخير واردلك !




قلت ماهو وقت التفكير موسم المزاين مابقى عليه شئ !

والحفل مايطووول ـــــــــ اجزم بس !








قال قدااااام








وشرينا المزاين المشهوره ــــــــ وحطينا ماورانا ودوننا به !





ومن زود الحرص ــــــ قمنا نسرح بهن حنا !


ابو خليف معه ذوود ـــــــ وانا معي ذود !









وبحدا الايام دورت لي ظلال وانا سراح ـــــــ وحطيت راسي وكبسته نومه !


وماقوم الا على صياح ابو خليف ـــــــ وهو يفزع وينتخي !







وافزع ـــــــــــ والا وش تفزع !


يامار ولا تسعين جمل ـــــــــ كل واحد متعوتلن برقبة الثاني !







من امهات ابو 9 مليون !



وابوخليف ـــــــ بينهن يبي فرق بس ماحولك احد!







وبعد ست ساعات ـــــــــ تفرقن !

الا واكثر من ستين بعير مفطسات !!



واللي سلمن ـــــــــ ماهن بعيداتن عن المووت !


اللي مفضوختن عينه ــــــ واللي مقطوعتن اذنه !


واللي خربت تسريحته !


يعني لو نبي نبيعهن ـــــــــ مايصلن الالفين !





الوكااد ماعينا خير !!



وابو خليف ارتفع ضغطه ـــــــــ وصارت علومه علوم

قال وين باقي النياق !


قلت جفلن وهجن ـــــــ يم شبكهن !




تبعناهن ـــــــــ وكأن القدر يقول ـــــــ للقراده بقيه !









جينا السريع الا واكثر من 15 حادث ـــــــ سببهن البعارين !


الا وهمي !!



تفقدت النياق المصدومات ــــــــ الا واغلا ثلاث نياق عندنا ماهن معهن !




قلت الحمدلله ـــــــــ الثلاث نياق هذولي يبي يجبن لنا فوق العشرين مليوون !












شدينا للشبك ــــــــ





ومن وصلناه ـــــــ شفت اللي مابعمري شفتووه !!!













منظر غريب ــــــــ


بل وربي كئيب !


لناظره مريب !














اغلى ثلاث نياق ــــــــ تسابقن للماء !!


والنتيجه ـــــــــــ








الصور تعبر اكثر من الكلام احيانا ــــــــــــــ !

















http://www.mzayan.com/vb/images/uploads/63_208014352179e6419e.jpg


http://www.mzayan.com/vb/images/uploads/63_208014352179e30d50.jpg














فانفجر ابو خليف باكيا ــــــــ !

ومالقى غيري ــــــ ينفس به !





ودلى لنا مطارح انا وياوو بهاكالطعوس !!


لا فزاع ولا مفرق !؟







مادرينا الا والدوريات محاصره المكان ـــــــــ وقوات الامن الخاصه فوق الضلعان !؟


والــ اف بي أي ــــــــ جاء من امريكا فزااع !!








وقبضوا علينا بتهمة القتل غير العمد :) ــــــــ
لأصحاب السيارات اللي على السريع !؟




وطالبونا بالديه ـــــــــ وخذو كل ماورانا ودوننا !!


















وقمنا نتسهي ـــــــــ لاهذي ولاهذيتس !! :7ayyoh:

أبو فهد
08-09-2006, 16:36
هذي قصة و لا رواية و لا فلم هندي



ما بقى إلا تجيبون طقاقات و كليبات و تقلبونها مهيجن :)



الشي اللي ماخذن مخي شلون دحدرت هالنياق على هالتوانك




----------
تحياتي
أبو رشيد

المطنوخ
08-09-2006, 17:10
هههههههههههههههههههههههههههههههههههههههه هههههههههههههه

هههههههههههههههههههههههههههههههههههههههه ههههههههههههههه


انا من شفت دينا البرسيم سافطه برى الفله دريت انك جاي وجايبن العيد معاك ههههههههههههههه

اجل تقول ابوخليف نطق بكلمة مليون؟:)

لعنبوا ابليسك هذا لو اجيب لوه 4 بروفيسورات منشان يعلمونه نطق كلمة مليون مايقدرون تبيه يقول ملايين ولا بس يشوف عددهن؟:)

اخبر مره نشدوا ابوخليف عن كلمة مليون قال محد يُوِن:puzzled: (يحسب يقولون لوه منهو اللي يون):)

يااااقوم يهالتجره

يارجل اشهد بالله انه عين عزيز هكالاشهب

هههههههههههههههههههههههههههههههههههههههه هههههه

الا هاللي يتسابدزن على هالتانكي هههههههههههههههههههههههههههههه

ماماتن من هالماء؟ يقولون انهن شردزن بوه:)


جيت ويامحلاها جيه يامصيول

واقتراحك مثل برطم الناقه ام 2000 :)


وبعدين والله انك صادز

يارجل معي واحدن من الربع هاويهن ودبل قاعة تسبدي ليا سير علي يمسك الريموت ويحطه على الواحه :)

لا والمصيبه انه يا شاف المزاين يقول الله يازينه يامشالله عليه حرام تقل شايفن غرنوق اطخم:)

مير انت الحين الله يرحمك

انت ماتعرف ابوهاجر والمخروووم يبون يجونك الحين يتلولسون بلهاتك:)


مير فك عمرك

وموضوعك هذا تروه مثبت الياما الله يفرج ازمتكم اما تبون تعطّون ولا بكيفكم وعقبه ابي ارسله لسوريا لمشروع التسمين وعقبه ارسله يم المتحف


لاخلا ولاعدم مصيول باشا

عجايب بنت الشايب
08-09-2006, 17:12
آآآآآآآآآآآآآآ ه ياستبدي من الضح ولا من البتسي ...!!!؟؟


وووووااااااويييييلي يامصيول جبتها على الجرح حسبي الله على بليسك .....



الاوله .....

انــــــــنا قاااااااادرين ونتبرع في إعادة بناء لبنان ..... ومانب قادرين نوظف هالتماسيح

اللي كرفت ودرست ......

ولا بعد إذا وظفوهم ....... وظفوهم على 2500 يقولون الميزانيه ما تكفي توظيف رسمي

مافيه الا بند محو الاميه ولا بند 1500 ....

طيب ليش مايتبرعووون لميزانية التعليم .....


موهب الاقربووون اولى بالمعروووف

ترى اذا جا الجد

حتى بالدين وبالشرع (نفس الشيء) مايصيـــــــــــر هالكلاااااام



المهم مانيب مكثره من هالحكي ......



لأني نااويه أنطلق على العام بموضوع كهذا ....!!! :)




والثانيه


انت تشوف اللي أشوفه ؟؟

هالبعارييين

صارت اغلى مننا ......

يعني

لو المهر عندنا خمسين الف وخواتي سته بيصير المجموع 300 الف


يعني تحصل سعر ناااقه وحده



تزوجك بنات الجماعه كلهم .....




قهرررررررررررر

يعني نمر على ام شدوووق =براطم

ويقول ابوي ترى ذي اغلى منك ...


قهرررررررررررررر


لا وازيدك من الشعر بيت


واحدن من معارف ولد عم جارتنا ..!!:)


بايعن ناقته بخمس ملااااييين

كااااااااش في الأمارات

و شراله ثلاثة طعش علبة تيب

ويربط فلوووسه ويسري لأهله

والاهو منقلب ومحتركتن فلووووسه


طبعاً بدوي ... مايعرف بنووك ولا حوووواله

يعني مومصدق انه يخلي فلوووسه بالأمارات

ويصبح بالسعودية يلقاها بالبنك اللي جنبه

وشلوووووووون ؟؟


أقولك بدوي ...... والنعم :)





انا سندرت راسك ...

طحياتي .....

قـــوت
10-09-2006, 04:41
من حصل شين يستاهله:)

ابو ياس المدهر
11-09-2006, 22:23
.... ألا واعزااااااااا:g: :g: ااااااااهـ ...



تصدق اني قمت امسح دميعاتي بطرف شماااغي :g:



الا يا شراكة الندم :110r:




هذه مثل شراكه ابو ملوح وابو شريدح






وقمنا نتسهي ـــــــــ لاهذي ولاهذيتس !!



اما نتسهي :) :) :) :) :thumb: :thumb:




:)







:good1: :good1: :d:




,,,,,,

الفاضي
12-09-2006, 15:22
طاااااااااااااااااااااااط



الفاضي وصل



وقسم بالله رووووووووووووووووووعه
موضوووووووووووع خيااااااااااال

وربي تححححححححححححححححححفه


طااااااو<<<<يبي يقرا الموضوع مره ثانيه لانه جااز له

شموخ
12-09-2006, 22:53
مصيول هنا :) وحديث عن الإبل ...


شكل فيه واحد منكم منحوس ونحس الثاني معه :) مير معوضين خير في نياقكم :)



وبعدين والله انك صادز
يارجل معي واحدن من الربع هاويهن ودبل قاعة تسبدي ليا سير علي يمسك الريموت ويحطه على الواحه

لا والمصيبه انه يا شاف المزاين يقول الله يازينه يامشالله عليه حرام تقل شايفن غرنوق اطخم

المطنوخ أخاف انه خالي خويك هههههه فعلا فيه عشاااااااااق وعشقهم جنوني بعد للإبل فيه خال لي متيم بحب الإبل يسمع هناك ناقه مزيونه يروح يدورها لو باأخر الدنيا ويشوفها وان جازت له اشتراها وبعد ماتحسنت شركة الاتصالات وكسبت أجر فيه ودخلت خدمه الوسائط صارت كل رسائل جواله صور نياق يرسلون له زملاءه الصور :) وبعد الاستفسار عن مواصفات الناقه المزيونه وهالعشق الجنوني اللي الظاهر ماعشق زوجته مثل عشقه لنياقه :) قال


تكون الاذن متجه الى الخلف بمعنى خرعى :) يعني ماهي مشانيف :) وراسها كبير الحجم و تكون رقبتها طويله ( حشا بنت ماصارت ناقه ) :) وسنامها متجه للخلف والعرقوب مدري كيف شكله له مواصفات بعد :tongue: لكل قطعه بحسم الناقه مواصفات حتى الوبر قصير ومعقود يعني مفلفل مثل شعر بعض الناس :) يقول اذا كانت هذه المواصفات موجوده تهبل تجنن يخور قدام الناقه ....


تحياتي
شموخ

تــرحــاَل
14-09-2006, 16:04
هههههههههههههه تصدق عاد جبتها عالجرح على قولة كلي بكم اعجاب

ههههههههههههه
اذكر قريت خبر على ما اعتقد بجريدة الرياض
فيه بعير اسود وكبير كانه ديناصور

ومطلوب ب 000 900
وراعيه رافض يبيعه الا بمليون!!

المهم المفاوضات معه تمت لمدة ثلاث ايام
وماطلعو بنتيجه راحو وخلووه

ومن بكرا الصبح طلع لشبك بعيره
وحصلوه متكوم بحدا الزوايا .. ويقولون على تكومته :(

اللهم لاشماته ياربي :)



يعني بالله البعير الواحد يسوى له 18 بي ام ـــــ واربع دداسن !

ههههههههههه

اخوي الصغير شاري له الوالد بي ام

وشاف واحد بالتلفزيون معه ناقه من شافه قعد يضحك من كل قلبه !!

ويوم حطو معه مقابله قال الناقه هذي مسيومه ب ثمان ميه وستين الف !!

وهو يتصفط وجه اخوي ونقعد نحط عليه
رح بع سيارتك واشرلك ناقه :tongue:

ومن ذاك اليوم لليوم وهو مبغض سيارته ههههههههه

اسفه على الاطاله

الفاضي
15-09-2006, 04:42
^
^
^
تسان ما يبي البي ام خليه يرسله لي بالبسامي:):)

طااااو

المخاوي
15-09-2006, 14:15
مصيول :7ayyoh:

أرى الابداع يسيل من حروفٍ تخطها خطاً :)

وكأني أرى القرادة تحوفك حوفاً :)




تحريته يقول شف براطمه ولا شفايف باسكال

ياشيخ حرام عليك ظلمت الناقه :d:



هدف يجبرنا ان نرفع له الرايه :thumb:


ترفع نسخه للتميز :goooood:

تــرحــاَل
15-09-2006, 14:36
^
^
^
تسان ما يبي البي ام خليه يرسله لي بالبسامي

طااااو

تبدل راس براس بالجيب :) :)

مصيول
15-09-2006, 15:49
هذي قصة و لا رواية و لا فلم هندي

ما بقى إلا تجيبون طقاقات و كليبات و تقلبونها مهيجن

الشي اللي ماخذن مخي شلون دحدرت هالنياق على هالتوانك

ياحي الله ابو رشيد

انت تشوف :)
ههههههههه

دحدرتبهن القراده ياخوك :)

مصيول
15-09-2006, 16:06
هههههههههههههههههههههههههههههههههههههههه هههههههههههههه

هههههههههههههههههههههههههههههههههههههههه ههههههههههههههه


انا من شفت دينا البرسيم سافطه برى الفله دريت انك جاي وجايبن العيد معاك ههههههههههههههه


متى علمك به الدينا !؟
حجرو عليه مبطي ـــــــــ وعلمي بهم يبيعونه بالمزاد العلني




اجل تقول ابوخليف نطق بكلمة مليون؟

بالويل ــــــــــ تحريته كذا مره يجيب العيد



لعنبوا ابليسك هذا لو اجيب لوه 4 بروفيسورات منشان يعلمونه نطق كلمة مليون مايقدرون تبيه يقول ملايين ولا بس يشوف عددهن؟
اخبر مره نشدوا ابوخليف عن كلمة مليون قال محد يُوِن (يحسب يقولون لوه منهو اللي يون)

هههههههههههههههههه

سنايدي حيلك به ـــــــــ <<<< مغلن عليه :)

علمي به بالحجز ــــــ وحاطينه انفرادي !!

يقولون انه هلوس ـــــــ وضربته اكزيما باعصاب المخ :)
وطقن فيوزاته





يااااقوم يهالتجره
يارجل اشهد بالله انه عين عزيز هكالاشهب

هههههههههههههههههههههههههههههههههههههههه هههههه

عزالله انه يعمله ـــــــ ولا هي بعيدتن عليه :surprised




الا هاللي يتسابدزن على هالتانكي هههههههههههههههههههههههههههههه

ماماتن من هالماء؟ يقولون انهن شردزن بوه



عينن ماصلت على النبي :)
حسبي الله على ابو خليف
تسان قرده يعدي !!





جيت ويامحلاها جيه يامصيول

الله يسلمك ـــــــ ويبقيك !
وابعدونا عن الرسميات :)



واقتراحك مثل برطم الناقه ام 2000

عزالله اني ادري انك الا تحوسه :)



وبعدين والله انك صادز
يارجل معي واحدن من الربع هاويهن ودبل قاعة تسبدي ليا سير علي يمسك الريموت ويحطه على الواحه

لا والمصيبه انه يا شاف المزاين يقول الله يازينه يامشالله عليه حرام تقل شايفن غرنوق اطخم

والله ياعرف لك واحد ـــــــــ انه مايفطر الا اذا افطرت ناقته الفلانيه !

والمشكله بس يتمقله !!






مير انت الحين الله يرحمك

اللهم امين



انت ماتعرف ابوهاجر والمخروووم يبون يجونك الحين يتلولسون بلهاتك

الله يحييهم ــــــــ تسان الدعوا قهوه وماقهوه ارحبوووو :)

بس الدين ممنوع والزعل مرفوع :) :)





وموضوعك هذا تروه مثبت الياما الله يفرج ازمتكم اما تبون تعطّون ولا بكيفكم وعقبه ابي ارسله لسوريا لمشروع التسمين وعقبه ارسله يم المتحف

ايابعد خشمي والله

خمشك ><



لاخلا ولاعدم مصيول باشا

انست وشرفت ـــــــــ ونوعا ما ثقلت برنس طنيخ :)

مصيول
15-09-2006, 16:19
آآآآآآآآآآآآآآ ه ياستبدي من الضح ولا من البتسي ...!!!؟؟


وووووااااااويييييلي يامصيول جبتها على الجرح حسبي الله على بليسك .....

هههههههههههههههههه

شوفي عاد ـــــــ تدعين علي على ابو خليف
ان شاءالله على المشرف العام بكبروه :)

الا بليسي ـــــــ اوعاا هه ! <<< يتمتع بحصانه مصيوليه :)





الاوله .....

انــــــــنا قاااااااادرين ونتبرع في إعادة بناء لبنان ..... ومانب قادرين نوظف هالتماسيح

اللي كرفت ودرست ......

ولا بعد إذا وظفوهم ....... وظفوهم على 2500 يقولون الميزانيه ما تكفي توظيف رسمي

مافيه الا بند محو الاميه ولا بند 1500 ....

طيب ليش مايتبرعووون لميزانية التعليم .....


موهب الاقربووون اولى بالمعروووف

ترى اذا جا الجد

حتى بالدين وبالشرع (نفس الشيء) مايصيـــــــــــر هالكلاااااام



المهم مانيب مكثره من هالحكي ......



لأني نااويه أنطلق على العام بموضوع كهذا ....!!!

ههههههههههههه
الا جزمتي بس !!

انتبهي لاتقطعين رزق لبنان :)



لا والله الا حيلتس بهم ـــــــــ وعندتس لهم !

ابد انا وراك ـــــــ ومعاك قلبا وقالبا :) !!






والثانيه


انت تشوف اللي أشوفه ؟؟

هالبعارييين

صارت اغلى مننا ......

يعني

لو المهر عندنا خمسين الف وخواتي سته بيصير المجموع 300 الف


يعني تحصل سعر ناااقه وحده



تزوجك بنات الجماعه كلهم .....

اوف اما لو الشرع يحلل اكثر من اربعه :) <<< ناوي يخربه !

كان ماخلي بالشعب السعودي عوانس :)




قهرررررررررررر

يعني نمر على ام شدوووق =براطم

ويقول ابوي ترى ذي اغلى منك ...

عزالله ماتسذب :)




قهرررررررررررررر


لا وازيدك من الشعر بيت


واحدن من معارف ولد عم جارتنا ..!!


بايعن ناقته بخمس ملااااييين

كااااااااش في الأمارات

هذي اللي ماهي تجرتنا :)



و شراله ثلاثة طعش علبة تيب
8
8
عادتهن :)




ويربط فلوووسه ويسري لأهله
مطنوخ




والاهو منقلب ومحتركتن فلووووسه


طبعاً بدوي ... مايعرف بنووك ولا حوووواله

يعني مومصدق انه يخلي فلوووسه بالأمارات

ويصبح بالسعودية يلقاها بالبنك اللي جنبه

وشلوووووووون ؟؟


أقولك بدوي ...... والنعم


ههههههههههههههه

ههههههههههههههههه

خياش الرز والشعير تشكي :) :)







انا سندرت راسك ...

سيري عاد لاتقاطعين ـــــــــ بس بعد سنه :) :)

رحم الله من زار وخفف :tongue:
طحياتي .....

مصيول
15-09-2006, 16:22
من حصل شين يستاهله

الا القراده ـــــــــ هي اللي تحصلك :)

والمشكله بيني وبينها سالفة عشق عميااااا :)