المساعد الشخصي الرقمي

مشاهدة النسخة كاملة : الفاضي + تريله البطاطس = ((انواااااااع المنااااااكح))



الفاضي
01-09-2006, 04:12
طاااااااااااااااااااااااط

سلالالالالالالالالالالالالالالالالالالام عليكم

بالخييييييييييييييير يالربعاااااات
بالخييييييييييير يالربع<<<وش عنده صاير الفاضي وذف ويعترف بقاعده ليديز فرست خخخخ

وش نونكم
وش اخبااااركم

انا يا ربي لك الحمد بخير وصحه سلامه
لا وبعد تروا عويناتي دايم هنا بس مسبط ما اقول شي :)<<<<<فاضي ما عليك شرهه


اليوم انا جايب لكم حتوته حلوه صارت لي قبل ثلاث اسابيع تقريبا

وهي صدزيه 100% يعني مابه تبهير او فبركه صحفيه خخخخخخ

والقصه كله انوااااااع المنااكح والمصااااااااااااايب الي صارت لي بيوم واحد
واتحدى اي واحد يجنه مصايب كثر مصااايبي:g: :g:

للمعلوميه اذا انت مستعجل لا تشوووووفك عيني هنااااااا
لان الموضووووووع طويييييييييييل وملينااااااااااااااااااان مناااااااااكح:) :)


تبون ننهج للقصه :):)

الي يبي يرفع يده
مشالله كلهم يبون القصه:)

يالله مشينا


القصه بعنوان


الفاضي وتريلة البطاطس هع هع

هذا يا طويلين العمر صار عندنا موسم بطاطس
والحمد لله كان الموسم ممتاز :)
يا راعين الاسلاف من هالحين تروا ماعندي سلف خخخخخخ

الوكاد انه صار برنامجي اليوم كالتالي
اقوم من النوم حروه المغرب واطلع ادور لي عيشه باقرب مطعم وبعده اطلع لم مصطفى بالاسترااحه
وتكوووه هنااااك وهستره
عاد استراحتنا مشالله علينا اطلب تجد
تبي بلاي ستيشن به
تبي دش ودوري اوربي به
تبي انترنت دي اس ال سرعه 512 به:)
تبي دخان وشيشه به:)
تبي بلوت وكنكان به:)
تبي عود والات عزف وطرب به:)<<<<على بالنا فرقه موسيقيه:):)
تبي حلقات ذكر :)ما يقصر جارنا كل يومين مسير علينا الله يجزاوه خير:)
تبي جهاز مكالمات او جهاز مراسلات وازحف يا وطن وسوالف اص اص اص اقطمممم ولا نفس به:)<<<< اتحدى البنات كانهن اذا فهمن شي خخخخخ
تبي هندي يصلح لك اطلق كبسه بحايل به:)

يعني مشالله علينا ما يحتاااج كل شي به:):)<<<<حاطين لوحه على الاستراحه مكتوب عليه اطلب تجد وبين قوسين ((به))

مالكم بالطويله وهي قصيره<<<<<<<<تروكم ما دخلتوا بالزبده خخخخخ

اني اذا جت الساعه تقريبا 2 بالليل ادعس النومه بالاستراحه الى وقت الفجر
وبعده ادق سلف للمزرعه

ومعي كعادتي فطوري المعتاد وهو علك اكسترا الاخضر :):)<<<فاهم الرجيم غلط

اوصل للمزرعه واشيك على الشغل واسجل الحموله وارجع للبيت تقريبا الساعه 11 او 12 الظهر وادعس النومه مره ثانيه
شغله سهله صح
ومابه تعب لكن المقروووود مقروووووود:)
حدى الاياااام ما نمت زين نمت الساعه 12 وقمت الساعه 4 وطلعت كعادتي للاستراحه
ويوم جت حزت النومه مار مامن نوووووم
ياولد يا عدل يا بدل ابي اغفي لو ربع ساعه مار مااااش النوم مجافينن

على طاري مجافينن
=====================================================
توصيه شراء لراعين الاسهم :):)
اشتروا بالكهرب والاتصالات والسبب
ان الكهرب ركبوا مقوي حول بيتنا والاتصالات ركبوا لي خط الدي اس ال :)<<<<مبروك :الله يبارك بك:thumb:
=====================================================

نرجع لموضوعنا
الوكاد قدر الله علي اني اروح مواصل للمزرعه لا وبعد جيعااااان ما تعشيت اكالليله :g: :g:
واوصل للمزرعه يمار نص الهنود ماهم به اخذهم المقااول حقهم ومادري وين رايحن بهم والي عندي حول 16 بسسس
وهم اول حول الــ30 هندي:)
عاد اكاليوم الشغل زايد ونحتاج عمال اكثر هذا اول المناكح


سجلوا عندكم

مواصل+جيعان+العمال ناقصين+حرررررر قصدي مووووت حرررر=الاخلاق تجاريه

اي والله وشغل مع العمال وكرف وحالتنا حاااله يمار ماش كلخته ما بي حيل<<<الي يسمعك يقول مشتغلن معهم مانت واقفن فوق روسهم خخخخخخخ
يوم شفت الوضع كذا قت ما بدهااااش خلن ازبن للجيب واسدح النومه :a: :a:
واركب السياره واشغل المكيف يوم جانن البراد :):) وانا ارتخي للمعلوميه السياره شاص يعني غماره وحده:):)
والله واخذ وضعيت التسفط :)<<<<عنده مرونه غير طبيعيه
واحشر نفسي بالغماااااره واسفط رجليني واعكف راسي ياما خذيت وضعيه تساعد اقل شي بالنومه
لاني امووووووت ولا انام وانا جاالس هههههههههه

يوم غفيت الا وحدى الهنود يطق القزاز علي :g: :g:
ياليل الليل:g: يقول الماء خلص ونبيك توصلنا للمزرعه الثانيه عشان نجيب ماااء :):)
قلت الله لا يهينك دقه كعاااابي مالي بك شغل:) لاحظوا ان الاخلاق تجاريه الى هالحين
وهو يطس وارجع للنومه ويوم غفيت مره ثانيه ويجينن واحد ثاني يقول نبي ماء :):)
وانا اكرشه قلت هذيك المزرعه طسسس يمه
القهر ان المزرعه الثانيه قريبه مره وحنا بوسط رشاش المزرعه الاولى يعني مشوار نص ساعه روحه ونص ساعه رجعه :):)

وارجع للمره الثالثه احاول اانام ويوم توسطت بالنوووومه وهو يجينن العامل الفكوك مره ثالثه يقول نبي ماء مره ثانيه يمار ما بدهاااااااااااش وانواااااااع التشويت بوسط الرشاش:thumb: لكن تبون الصدز ذليت عقب ما توطيته يعني لو هو مفزع عيال عمه الــ16 علي وش يبون يسوون بي:) :)
قسم بالله يخلونن كفته وكبه محشيه ومعهن فتوش :tongue: :tongue: <<<الى هالحين ماثر عليه الجوع

طبعا النومه ماهي حااااصله ابد لذلك خضعت للامر الواقع وكنسلت النومه من راسي ورحت جبت ماء لهم
طبعا الاخلاق صارت تجاريه اس ثنين

بس قسم بالله لو تشوفون شكلي اكاليوم تسان تضحكووووون يا تموتون
وواحد نيم داخل سياره وش تتوقعوون راح يكون شكله
العيون واارماااااات وحمررررر
ووالشوشه طاااايره بالهواااااء<<<<شوشته طويله :):)
والثووووووب متسفط ياما هو قايل اااااااامين
والحااااله حااااااله
الظهر متكسر والركب لهن صوت اذا مشيت :)

هالحين بلشنا بالجوووووع صارت الساعه 12 وانا ما كليت شي
امممممممم وش نسوي وش نسوي قلت مالي الا اطلع لاقرب قريه غدينن ادور لي مطبخ والا بقاله احصل لي عيشه عندهم بس اانا متكسر ومابي حيل اروح هناك واحس انه بعيده مادري ليه

مع اني اكالحين يوم اتعلم السواقه احسه قريبه بالحيل خخخخخخخخخخخ

وبعد التفكير قررت ان ارفع رايه لا للجوووع نعم للرجيم
لاني يوم حسبته قلت كل ساعتين وارجع لميمتي واتغدى عنده واكبس النوووووووومه
لكن زي ما يقول المثل تجري الرياح بما لا تشتهي السفن:):) وهذي اول مره أأمن بمثل:)

لان حساباتي طلعن غلط لاني خصمت 3 ساعات من الحسبه:tongue: :tongue: وبدال ما اخلص الساعه 2 اخلص الساعه 5 العصر:tongue: :tongue:

صبرنا ويسره ربكم وجت الساعه 5 وخلصوووو العمال تحميل الثلاجه بالبطاااطس:)


سجلووو عندكم

مواااصل 24 ساعه +جيعاااااااان مرررررره وحده +به عرس خويي لازم احظره بس ما الظاهر:)+ابوي يدق علي يقول خلاص تعال وانا ماسكه معي عناد ماني متحركه الا ياما تحرك التريله من هنا +امي تدق علي تقول تعال بسرعه ابيك تدينن يم خالتك :)+ اخوي يدق علي يقول ولده الصغير ماسكه معه الايشوفن وبس له صياح:) :)


يعني الاخلالالالالالالاق ماهو تجاريه الا تجاريه وتجميع وكل شي بعد يعني لو تقول لي سلام عليكم قلت اصصصصصص ولا كلمه هههههههههه

المهم قدر الله ان التريله تحرك
وفجأأأأأأأأأأأأأأأأأأأأأه ومن غيرر ميعاااااااد ومن غيرررررررر توقع ومن غير ما نحس الا والتريله مغرزه بطرف الرشاش لان نصه طييييييييين ما نشف
تعرفوووووووون وش معنى طييييييييييين:g: :g: :g: قايل لكم انواااااع المناااكح
يعني انس انه تطلع بغير الجر جبنا الحراثه وربطناااااااه بالتريله وسحبنااااااه وطلعت
المهم انا قلت لراعي التريله ادعسسسسسسسسسسس لاخر شي لا تهدي ابد لانك ان هديت كلينا هوااااااااااااااااااااااااااا:g: :g: :g:
الكمخه راعي الحراثه وراعي التريله يوم قربوا من اخر الرشاش وهم يهدووووون وعلى طوووووول غرزت التريله :g: :g: تحسبووووووونه عاد رفع رجله عن النبص لالالالالا دعس عليه يااااااما دق الدفرنسسسسس بالارض والكفرااات قامن يلعبن بالهوااااااااااااااااااااااا:g: :g: :g:

تخيلوا بالله الوضع معي
تريله مغرزه بوسط طين وحمولته اكثر من 25 طن:a: :a: بالله عليكم وش يبي يطلعه :):):)
لا بعد تبون اقهركم زياده:)
باقي اقل من مترين وتطلع التريله من الطين ومن الرشاش كله:g: :g:
لا والطين بعد ناشف شوي وصاير قاسي يعني ما تقدر تبعده خصوصا بعد ما رصته التريله بالارض:g: :g:

لا وزود عليه انك مواااااصل وجيعااااااان يعني التفكير عندك يسااااوي صفر مكعب وهذا يؤدي الى ان نسبه الذكاء راح تكون سالب مليوووووووووووون:) :)



ماهو بس هذا
اضف عليه ان فوق راسك 16 هندي كل واحد عنده حل اغبي من حل خويه :):)

واحد يقول خله يرجع بالتريله وراء:g: والثاني يقول خله يمشي بالتريله قدام ولا يخلي الكفر يدور :g::g: والخااااثر منهم يقول ليه ما يمشي قدام وش نوحه واقف :g: :g:

طبعا انا جالس على كبووووت السياره وهي شغاله:a: :a: يعني جالس لى صاج محطوط على ناااار:g: :g:


لكن وش اسوي منقهرررررررررر :g: :g: كل ما اقول تسنعت صارت مشكله ثانيه

جالس افكر وشلوووون نطلع التريله + وشلون ارجع للبيت + وشلون اناااام + وش الوجبه الي راح تسد جوعي:) :)

وطبعا ما فيه فكره تطراء على راس اي مخلوق الا وسويته
سحبنا التريله بحراثتين بدون فايده
سحبناااااه بشيول من النوع الكبيييييييييييييييييييييير بس عجز عنه <<<اكيد يبي يعجز عنه تريله حمولته 25 طن بطين وش يبي يطلعه:) :)
حطينا رضم وبحجر تحت الكفر بدووووون فايده
حاولنا نحفر عن الدفرنس ما قدرنا
حاولنا نفصل الثلاجه((التيدر ))عن الراس لكن بدون فايده لانه تنزل تحت بالطين والسبب الحمووووووله 25 طن ماهي لعبه :):)

فكرنا ننزل الحموله بس ماااااااااش يبي لنا اكثر من ساعتين وحنا ننزل واذا نزلنا راح يخرب البطااطس
خصوصا اننا مشغلين الثلاجه عليه
قلنا طيب خلنا نخفف من الحموله شوي ونسحبه برضوووووه ماااااااااش:g: :g:


اقولكم كل الافكار سويته لكن بدون فايده
اللهم فكره وحده فكرت به بس ما قدرت انفذه لان ما حولي شي:) :) وهي السناااااسل او السلالالالالاسل
:):) والا لو هن عندي تساااان مبطي مطلعه :thumb: :thumb:


سجلوووا عندكم

مواااااااااااصل+ جيعاااااااااان بعنف +الاخلالالالاق خرباااانه +الشوشه طايره +الجوالات مابه شحن بطاريه+الثوووب صاااار خريطه من الطين:) :) + هنود يرفعون الضغط هو وافكاارهم:) :) + هذا غير الشيبان الي يمرون من عندنا ويوقفون ويتشفون ويقولون افكااااار من جنب القده :g:

تصدقون واحد من الشيبان وقف بجنبي معه زي موتري قالي ليه ما تسحبه يا ملى الغنيمه بجيبك تروه يطلعه :a: :a: قلت ماهي مشكله خلنا نسحبه بجيبك اول

يوم طق الحوله وقااال هاااااه اخاااف يخرب الجيب:) :) وهو يعشق ويمشي :thumb: :thumb:


بالله كم تتوقعووووون الساعه وصلت وحنا نحاول ونعاافر بالتريله ياما طلعت:):)

وقسم بالله اني راجع للبيت والساعه حول 1 بالليل :a: :a: :a: لاحظوا راجع يعني ما وصلت :g: :g:
احسبوا حساب الطريق وحساب الوقفه عند المطعم وحساب الرجعه للبيت

بالعربي ما نمت الا الساعه 4 الفجر :) :)

للمعلوميه رجعت للبيت والتريله ما طلعت:) :) :)

لكن ما رجعت الا بعد ما تاكدت ان التريله راح تطلع 100% وحل غير قاااابل للنقاااااش بتاتا البته:thumb:
يعني طالعه طالعه:thumb: :thumb:

قوووولوووووو وشلوووووووووووون:) :)



ماني قايل لكم
انتم فكرووووووووا وشلووووووون طلعت االتريله من هالتغريزه؟؟؟:) :)

يالله يا اهل الفله
اخبركم ذياااااابه قولوا وشلون تتوقعووووون اني طلعته
انا ما راح اقولكم الحل الا يوم الخميس الجااااااي
يعني معكم اسبووووووووع كاااااااااامل:) :) فكرووووووووووو زي ما فكرت
يفضل ان تفكرون وانتم جيعااانين ومواااااصلين اكثر من36 ساعه زيي:a: :a:



خااااص لابو سلطان

بالله حط موضوعي بشريط المواضيع المميزه خخخخخخخخخخ:) :)


وااااااااسفين على الاطاااااااااااله لكن وش اسوي من مصيبه لمصيبه

للمعلوميه مره ثاانيه القصه واقعيه 100% وغير مزوره او مزود به او مبهره :thumb: :thumb:

تقبلووووووووووووا تحيااااااااتي

الفاضي الذكي
طاااااااااااااو

غاده
01-09-2006, 09:45
:tongue:
!

!

!

!

!


الله يرجك :d: انواع التنسيم عالي المستوى بالخطوره

مافي امل باالعلاج نهااااااااااااااااااااااااااااااائي :)

غاده
01-09-2006, 10:01
المنااكح 00 حروه 00 عيشه 00 وسوالف اص اص اص اقطمممم ولا نفس به

يمار ماش كلخته <<< ايطالي ؟؟

واسفط رجليني00 العامل الفكوك

تحسبووووووونه عاد رفع رجله عن النبص لالالالالا دعس عليه يااااااما دق الدفرنسسسسس بالارض

وكتثيررررررررررررررررررر :g: تعبت وانا اقتبس :g:

قرئت اربع مواضيع بالعام بردودها صفحتين وهنا لي اكثر من نص ساعه :puzzled: ابي افهم اشياء ماقدرت :puzzled:

المخاوي
01-09-2006, 10:29
اثريني ولا شي عندك :7ayyoh:

يالله اني داخلن عليك لاتقردن مثل هالمقرود :p:

تصدق لو مانت فاضي تسان مانقردت :)



أجل هلاسبوع الجاي باذن الله نتجه لاسهم الزراعه >> يطبل :)




ومعي كعادتي فطوري المعتاد وهو علك اكسترا الاخضر <<<فاهم الرجيم غلط

يقولون طلع دينماركي :a:




لا وزود عليه انك مواااااصل وجيعااااااان يعني التفكير عندك يسااااوي صفر مكعب وهذا يؤدي الى ان نسبه الذكاء راح تكون سالب مليوووووووووووون

يعني منسب تحت وكسرت خط الدعم الفولادي :biggrin:



قوووولوووووو وشلوووووووووووون
ماني قايل لكم
انتم فكرووووووووا وشلووووووون طلعت االتريله من هالتغريزه؟؟؟


اكيد رجعوا ال14 عامل الباقين وطلعوا التريلالالالالالا :puzzled:

لي نكسه بعد ماتغدى لني جويعااااااااااااااااان :001b:

ابو خليف
01-09-2006, 11:17
مواااااااااااصل+ جيعاااااااااان بعنف +الاخلالالالاق
خرباااانه +الشوشه طايره +الجوالات مابه شحن
بطاريه+الثوووب صاااار خريطه من الطين + هنود يرفعون الضغط
هو وافكاارهم + هذا غير الشيبان الي يمرون من عندنا ويوقفون ويتشفون
ويقولون افكااااار من جنب القده


ههههههههههههههههههههههههه
هههههههههههههههه
كان انتحرت وارتحت

أبو فهد
01-09-2006, 13:20
لاحظوا مع هالصيفية الواحد شغال انقرية و كداده و شريطية و دلالين و مقاولين و كلش


و الفاضي شنوحك يمو انك فاضي لو انك بمتسانك تسان اجيب معي طراحة و الفها بسيم و أحطها بالغمارة على اليمين تحت مرتبة الراكب





اقوم من النوم حروه المغرب واطلع ادور لي عيشه باقرب مطعم وبعده اطلع لم مصطفى بالاسترااحه
وتكوووه هنااااك وهستره
عاد استراحتنا مشالله علينا اطلب تجد
تبي بلاي ستيشن به
تبي دش ودوري اوربي به
تبي انترنت دي اس ال سرعه 512 به
تبي دخان وشيشه به
تبي بلوت وكنكان به
تبي عود والات عزف وطرب به<<<<على بالنا فرقه موسيقيه
تبي حلقات ذكر ما يقصر جارنا كل يومين مسير علينا الله يجزاوه خير
تبي جهاز مكالمات او جهاز مراسلات وازحف يا وطن وسوالف اص اص اص اقطمممم ولا نفس به<<<< اتحدى البنات كانهن اذا فهمن شي خخخخخ
تبي هندي يصلح لك اطلق كبسه بحايل به



و يوم ان كل هالعلوم عندك وش عليك من البطاطس و التريلة صدق مقرود






ماني قايل لكم
انتم فكرووووووووا وشلووووووون طلعت االتريله من هالتغريزه؟؟؟


يتجمعون هل المضايف و بنفخة وحدة و بتاشيرة من ابو سلطان و هي عند البيت لاحظ موب على حد نطلعها من التغريزة


و إذا هل المضايف بيتغلون فمشالله عندك 16 هندي و على قولة المثل الشعبي


أربعة شلو الجمل و الجمل ما شلهم :)


هذول 16 يعني 4 جمال



بعدين وش هالتريلة اللي تشيل 25 طن ما فيه يبوي غلطان بعدها صبة حشا بطاطس




و لك من عندي حل نهائي وهو أنكم تجيبون كنورين و تربطونهم بسلاسل و امش يبو رمش


يسحبون ابو ابوها



و سلامتك






-------------
تحياتي
أبو رشيد

صلفيق
01-09-2006, 14:29
الجوع والسهر معمي بصيرتك ياملا النويفج ..

ياخوي انت بالمزرعة ( وضمن حدود تغطية الأرسال ) ، كله دقت رقم ويجيك ( كرين ) يرفعك انت وجيبك وال16 هندي مع التريلة وبطاطسك ب one load .

أبو فهد
01-09-2006, 14:43
يخوي قمت اهوجس و اقول لنفسي كم وجه ضاجك حاطوه لنا بهالموضوع و طلعن يالربع مكثر من الحروف اللي كاتبهن :)


يبيلها مسابقة اللي يعد كم وجه بهالموضوع لوه كشة من المطنوخ مقانا يا قماعة





----------
تحياتي
أبو رشيد

المطنوخ
01-09-2006, 15:17
جيت ابي ارد امس لكن ذليت من كثر النحس الموجود والقراده بهالموضوع

فا جبت مطوع قرى على هالموضوع وقال معك 15 دقيقه ترد وتنحاش لاني جمدت مفعول القراده لاتجيك ياما ترد

قلت اكيد يامطوع قال ابدا <---قاله وهو يتحيزم ببشيتوه على خصره يبي الفركه قبل لا ارد:)



هههههههههههههههههههههههههههههههههههههههه ههههههههههه
هههههههههههههههههههههههههههههههههههههههه هههههههههههه
هههههههههههههههههههههههههههههههههههههه ههههههههه

فويضي الله يقطع مشوارن تعرفه يهالفكوك

تدري لو انا اكبر مكرافه ورايحن معك ولا لي شغل بأي شين اني راميك بشوزن يالفكوك

اعنبوا ابليسك والله جتن ضيقه من هالظروف اللي تكرفست على راسك



والله يالو ماهن بطاط

يالو هن سبايك ذهب ماوقفت هالوقفه لكن الحين استخلصت فايده من هالموضوع

انك مكرااااافة

حسبي الله عليك تسان ما دبل تسبدي الا الهنود اللي يدزعدونك من النوم وانت على غفوتك واساسا وضعيتك بالنوم ماهي مساعدتك لكن من الكرف تأقلمت ويجون هاللوق وينخرون مخك بطلباتهم:)


والله يالفكوك اني حاولت اعرف وشلون لكن قلت فيه اصحاب اختصاص ولهم باع طويل من الخبره

كـ عبدالعزيز ببيع الجح

فا قلت اخلي لهم الجواب :)

اجل تقول اسبوع؟

يالله وهذي تثبيت احلى اسبوع وبعدها لاحلى اجازه عقب هالتعب ...اجازه في ربوع متحف الفله

وهذا أيضا شعار من ابورشيد هدية مقدمه لكل موضوع جميل وتحفه ورائع ومجرم وابن .......<--الحماس ومايسوي:)
http://godfather81.jeeran.com/12345567.jpg

لاخلا ولاعدم يافضفض
ومن الحين سوف تبدأ شرارة الحب بيننا:smooch:

لكن عاد بيني وبينك.... ماتسلفن ياجدي؟:smooch:

الوقت المتبقي للأنحياش حسب كلالم المطوع...

2 ثانية

بااااااااااااايو النحشه:a:

عجايب بنت الشايب
01-09-2006, 15:46
http://www.uaewomen.net/images/smilies/part1/12%20(2).gif

أبو فهد
01-09-2006, 16:37
^
^

^
^

^
^
^



شنوح هالوغيدة اللي تناقز و لا تقز قارصنها عقرب و هي تدح ( تلعب الدحة ) :)

وشنهو اللي محجوز


شاليه على البحر و لا فترينه بسوق نسائي :)

المطنوخ
01-09-2006, 16:44
خااااص لابو سلطان

بالله حط موضوعي بشريط المواضيع المميزه خخخخخخخخخخ


من عيوني

كم عندي فضفض

أبو فهد
01-09-2006, 16:47
^
^
^


فضفض تحرى ليلة القدر



المطنوخ يا بعيد الهقاوي غن يا من هواه عزه و أذلني :)






-----------
تحياتي
أبو رشيد

الفاضي
01-09-2006, 21:48
طااااااااااااااط


الفاضي المقروود عااااااد


بسم الله الرحمن الرحيم منين طلعتي لنا يا غيداء
انتي حيه؟؟
حمدلله على السلامه وطالعه من الشر خخخخخخ

ايه انا نسيت اقولكم تحروا النسخه المعربه قصدي المترجمه :)
عشان بعض الناس عليهم قل فهم :) خخخخخخ

----------------
المخاااوي

يااهلالالالالالابووووو يا هلالالابو

ايه عليك بالزراعيااات ترهن خاثرات خصوصا شركه سابك خخخخخخخ

وبالنسبه للعلك لا ماعليك تسذب هو الي به يقولون شحمه خنزير وهذا هو الي محليه هههههه
لا تصدق عاد امزح
والله يالغالي ما اضنه دينمركي لكن ازهله اذا افطرت بكرا مالك الا الي يشوف وش هو من لحيه

رحه تغد عشان تفكر زين مع اني ما اظن وراك سنع هههههههه

----------------

هلالالالا والله بذيب شراف قصدي ابو خليف<<<مبرمج على المعلوامت القديمه خخخخ

ترن فكرت انتحر بس ماش ابليس حريص يبي يكسف بي
لعب بي قال اصبر شوين مادريت انه يبي يسوي بي هالون :)

--------------

شقردي الله يهديك المثل يقول 4 شالوا الجمل
بس ما قالوا 16 شالوا التريله؟؟؟؟؟

والا لو طاري عليهم بس طاري ان يبي يصير موقف زي الي صار لي كان ما قالوا هالسالفه هههه


وبالنسبه للحموله من يقوله يالغالي
انت احسبه هالحين
2300 كيس بطاطس من الخياش الصفر حلووووو
وكل كيس وزنه اكثر من 12 كيلوووو:thumb:

احسبه وقلي كم الناااتج هو اكثر من 25 طن والا لا ؟
بعدين هذي ثلالالالاجه ماهي لعبببببببه خخخخخخخخ

واما الخشش والله مادري احسهن كثار بس وش تسوي
المثل يقول
اززززززحف تنحف خخخخخخ

======

هلا بصليفيدز

والله يالغالي سالفه الكرين حت براسي من قال ماجت وهي من اواااائل الافكااااار
اول شي اقرب كرين يبي له اكثر من 3 ساعااااات عشان ياصل عندي :a: :a:
وانا ابي حل سرررررررريع:)
وثانيا
القرااده يا بعد حيي ما تخلي اهله:)
لانتي اتصلت على ثنين كلهم يقولون خرباااااناااااااااااات والثالث قال انا طالع بشغل بس انت
دق علي بعد ساعتين:) :)

وخلال هالساعتين قطعن المطشيات مابهن بطاريه :g: :g:

يعني تلفت على وجه اصبح ههههه

==========



الجميع قياااام

القوااا التحيه على الشيخ المطنوووووووخ:)


ومنك احلى تثبيته يابو طنخه :):)

والله يالمنطوووخ ماهي قصة كرف بالعكس انا اكسل واحد بالبيت لكن القصة ومابه مسكت عنااااد
يا انا يالتريله :) وما فيه حل ثالث لو اجلس شه عنده مطلعه مطلعه<<<يا شينه اذا مسكت عناد معه:)


ومن الحين سوف تبدأ شرارة الحب بيننا

لكن عاد بيني وبينك.... ماتسلفن ياجدي؟

اسمح لي قايل فوق الدين ممنوع والزعل مرفوض <<<وش دخله هالسالفه:)

اما الحل بزعمي مافيه احد راح يجااوب عليه
لكن ننتظر من هنا للخميس


احلى تحيه لاحلى ابو طنخه

========

انتي يا راعيه الحجز

مده الحجز يوم واحد بس والا تاخذين غرامه وهي
نحطك بموقف زي موقفي:):)

========================


وتقبلووووووووووووا تحياتي الكبر مقروود هنا

فض فض

طاااااااو

مناكد
01-09-2006, 22:00
هالكوابيس ماتجي اللا اللي ينام باليومين والثلاثه متواصلات...




فيا ابني لا عاد تنام واجد...لا بالمرة الثانيه تجيب العيد بأهلك...




سلام...

.

الفاضي
01-09-2006, 22:03
منااااااااااكد ووجع

هالحين اقولك سالفه صدزيه تقولي تنااااام
اخيييييييييه بسسس
وانا اول قايل ان مناكد هو الي يبي يحله
اثريك طلعت من جنبه :) اخيييييييييه بسسسسس

الفاضي
01-09-2006, 22:37
ما اقول الا يا ملا الموليه الي توليبكم

هالفكوك الي قايل لكم ان موضووووووعي دردشه منهو يالله هنااااااااك انقلعووووووووا
لا تشوف عيني واحد منك والا اقول لابو طنخه يحذفه <<<<زعل هالخبل خخخخخ


طااااااااااااو

المطنوخ
01-09-2006, 22:59
ايا دزليلين الحيا

ياراعين الشاتات <--يعني قولتن ياراعين التتن:)


عندكم موضوع تشتتون فيه مالقيتو الا هالموضوع المثبت؟؟


اي رد شاتي بعد ردي راح يعم على كل الردود الشاتيه السابقه ويصلب راعيه على كبوت شفر ال تي زد الساعه 2ونص الظهر

عجايب بنت الشايب
01-09-2006, 23:46
فكرنا ننزل الحموله بس ماااااااااش يبي لنا اكثر من ساعتين وحنا ننزل واذا نزلنا راح يخرب البطااطس
خصوصا اننا مشغلين الثلاجه عليه

اولاً مع هذه الكلمات قل وبصوت بيني وبين نفسي .!!

الله يسلــــــــــــم لنا غنمنا لاثلاجه ولاحاجه وتنزل من نفسها ......

---------------------

الله يستر علييييييك .......!!

انت بأختصار .... رجالاً سنافي .. وودك وودك بس اهوى ضـــدك ..

يكفي لأنك تحملت المعاناة ...... اللي ****** >> (عنك ياكنترول) مايتحملها .!!

-----------

الحلول

أتــــــــــــوقع .... بالرغم من أني ماقد سقت تريله ,,,,,

بس اتوقع اني اول من يسووق وايت لو سمحو لنا بالسواقه

اتوقع ...

يمكن

اجتمعوا ابو هنود ... ورفعوا التريله .....!!


او


كبيتوا تراب .. على الطين ونشف ...!!


او


همست في اذن التريله وقلت : اطلعي ياملعونة العصب ذا الليله وبتطلع .....!!


او


حطيتوا حدر الكفـــــــــر خشـــــــــــــــــــــب صفائح خشب تمشي عليه التريله >> (حل منطقي ومجرب)


او


بلغتـــــــــوا الشرطــــــه على أساس ان الشرطه في خدمة الشعب ...!!




وسلاااااااامتك وتعييييش تاكل غيرها

ويامال العافيه ......



وعسى مرضي شيبانه بالجنه ......


طحياتي ......

المشرف العام
01-09-2006, 23:57
/


http://www.shmmr.net/vb/images/image_host/image/m7jooz_shmmr.gif

مرّ ابو سلطان من هنا >>>>>>>>>>>>> :goooood:

شموخ
02-09-2006, 03:22
تصدقون واحد من الشيبان وقف بجنبي معه زي موتري قالي ليه ما تسحبه يا ملى الغنيمه بجيبك تروه يطلعه قلت ماهي مشكله خلنا نسحبه بجيبك اول

يوم طق الحوله وقااال هاااااه اخاااف يخرب الجيب وهو يعشق ويمشي

ههههههههههههههههه

هههههههههههههه

ياشين الجوووع والتعب يعمي البصيره :)

تحياتي لك
شموخ

قـــوت
02-09-2006, 09:25
اممممممممممممممم

يمكن جففتو الطين بإستشوار :p:


اتوقع خليت الهنود يدفونه من ورا :) والحراثات تجره من قدام :) وانت السواق :)
او

نزلتو الحموله و طلعتوا التريله < يعني البطاطس خرب

او

ماعندي حلول خلاص اذا طرا علي حل ابي ارجع :smileyb:

الفاضي
02-09-2006, 16:02
طاااااااااااااااااااااااااط


المقيريد وصل مره اخرى


هلا بكلي بكم اعجاب
بالنسبه لحلولك ماش طلعتي تمرشين
احسن فكره قلتيه الخشب مع انه جربته ولا نفع:):)

بص تصدقين فكره رفع النهود زينه
ابي اجربه المره جايه تساني انقدرت:):)

--------------------------
ابو سلطان
ياهلالالالالالالالابووووووووووو ياهلالالالالالالالالالالالالالالابوووووو وو
يالله حيوووووووووه
متى تبي تحط موضوعي بالمميزات :) :)

------------

شمخمخ

انا اشهد انه يعمي البصيره:)
لكن الي قاهرن الى هالحين الشايب الي يقول اسحبه بموترك ويوم قلت اسحبه انت بموترك قال اخاف يخرب وزين:)

ليه يعني موتري مكتوب عليه صد الخراب :) :)
والله ياهم تهااويل هالشيبااااااااان


---------------------------

اخر العننقووووود

لا جففنا الطين ولا جبنا استشوار مع انه فكره خاااااثره بس ما حولنا كهرب :):)
بعدين انتي سفيهه يدفون التريله سفيهه والا خبله ؟؟؟؟؟

وبالنسبه لتنزيله البطاااااطس صمي خشمك
اخلي التريله مغرزه ولا انزل البطاااااطس:) :) :)


فكرووووووووووووا زين


طاااااااااااااو

عجايب بنت الشايب
02-09-2006, 21:44
نسمتوا من الكفـــــر ؟؟ >> ليش ددسن هي ؟؟


المهم


اهاااااااا



يمكن يمكن فكيتوا راس التريله عن التيدر ( هو التيدر؟) هذي اللي ورى ....

والله لو تدري وش يسميها ابوي ؟؟ خخخخخخخخخخخخخخخخخخخخخخخخخخخ



يسميه ( ........ التريله )



المهم




يمكن فصلتوهن ثمن جبتو راس تريله ثانية وربطتوه به

بس بجهه معاكسه


وسحبتوه .....



مدري انفك رااااسي .....بصراحه



بس مصره اجيب حلول


لو أدفع كل شهاداتي >> ياهملالي يالدختر





انجــــــــــــــــــز ولا ترى بتلقى موضوعك بالارشيف .!!>> عصبت !!



طحياتي ........

الفاضي
02-09-2006, 22:00
طاااااااااااط


يسميه ( ........ التريله )


هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه ههههههههههههههه

خلاص خلاص وصلت خخخخخخخخخخخخخخخخخخ

ابوتس قسم بالله ان ابوتس خااااثر <<<والله لو هو شاهي



التنسيم ونسمنا وما نفع




يمكن فصلتوهن ثمن جبتو راس تريله ثانية وربطتوه به

بس بجهه معاكسه


وسحبتوه .....

وييييييييييين ويييييييييييييييييييييييييين وش هالحل

اذا قصدك اننا نسحب الراس لحاله ما نستفيد
لاننا نقدر نفصل الراس ويطلع سلام سلام
بس حنا نبي التيدر يطلع

واذا قصدك نسحب التيدر اسمحي لي حراام والله انك تخرجتي
سفيهه انتي نسحب التيدر سحب ؟؟؟؟؟؟؟؟

اساسا الي ماسكه من قدام الراس واذا فصلنا لازم يكونن به الرجلين الي يطلعن منه بالارض

بالعربي خلتس خطاء بخطاء خخخخخ
بعدين
انتي فاضيه مثلي صح؟:):)

لذلك فكري ياما تجيكي الوضيفه مع اني اتوقع انك بتعجزين وانتي ما توضفتي

طااااااااااااو
لذلك وش وراكي

عجايب بنت الشايب
02-09-2006, 23:13
اذا قصدك اننا نسحب الراس لحاله ما نستفيد
لاننا نقدر نفصل الراس ويطلع سلام سلام
بس حنا نبي التيدر يطلع

8
8

لا ياطويــــــــــــــل الشنب (لأن ماطويل العمر الا الشيطان )


أقصد لافصلتوا الراس عن التيدر تجيبون راس ثااااني ....

و تركبونه بالتيدر ....!!

بس على جنب علشان مايغرز الراس بعد ....!!

قـــوت
03-09-2006, 01:13
بعدين انتي سفيهه يدفون التريله سفيهه والا خبله ؟؟؟؟؟



طيب مافيه خيار ثالث ؟؟؟ :ezpi_blus



حل جديد انكم تكونوا حطيتوا ما على الطين اللي عند الكفرات واللين ماصار زي عجينه اللقيمات :) بعدين صار سهل عليكم تشيلون الطين وتحفرون مسافه كبيره وطلعتوا تريلتكم :)

^
^
^
هو انا جبت العيد :) :)

المطنوخ
03-09-2006, 14:58
انا اتوقع انك جبت ساحر وطلع التريله بالسحر:)


او اتوقع انك دغدغت التريله مع ابطه الين قامت توخر عنك الين طلعت:)


او اتوقع انك جبت مغناطيس كبير وجيت قدام التريله وقمت تركض وهي تطير وراك بفعل الجذب:)


او اتوقع انك جبت ريشه وحكيت خشم التريله وهي عطست عطسه من قوته رجعت ورى وطلعت من الطين:)



عساني جبت الحل؟

عجايب بنت الشايب
03-09-2006, 15:24
8
8

هههههههههههههههههههههههههههههههههههههه

انا اقوول حنـــــــــا من طالعين عليـــــــــــــــه ...!!!؟؟؟

أبو فهد
03-09-2006, 16:15
إليكم آخر هقواتي و هفواتي بالموضوع


يخوان الفاضي حلها و صحى من نومتوه أكا ضرب أبو هنود و لقى نفسه يحلم :) و حقد عقب هالسالفة و قال لا أبرد تسبدي باهل الفلة و ملحقاتها






لانوه ليالي العيد تبين من عصاريها ( اللي ينشدن عن هالمثل باخذ منه رسم و وسم :) )





-----------
تحياتي
أبو رشيد

الفاضي
05-09-2006, 05:37
8
8

لا ياطويــــــــــــــل الشنب (لأن ماطويل العمر الا الشيطان )


أقصد لافصلتوا الراس عن التيدر تجيبون راس ثااااني ....

و تركبونه بالتيدر ....!!

بس على جنب علشان مايغرز الراس بعد ....!!


وانتي سفيهه ؟؟؟؟؟
تبين نبلش بتريله ثانيه :) :)

لا يا حيي حلتس غلط في غلط

حاولي مره ثانيه

طااااو

الفاضي
05-09-2006, 05:40
طيب مافيه خيار ثالث ؟؟؟ :ezpi_blus



حل جديد انكم تكونوا حطيتوا ما على الطين اللي عند الكفرات واللين ماصار زي عجينه اللقيمات :) بعدين صار سهل عليكم تشيلون الطين وتحفرون مسافه كبيره وطلعتوا تريلتكم :)

^
^
^
هو انا جبت العيد :) :)


طااااااااااااااااااط


انتي ما عمرتس سمعتي بالمثل الي يقول زود الطين بله:):)

انتي طبقتي المثل بحذافيره

لا يا حيي جوابتس خطاء اس عشره

حاااااولي

طاااااااو

الفاضي
05-09-2006, 05:41
انا اتوقع انك جبت ساحر وطلع التريله بالسحر:)


او اتوقع انك دغدغت التريله مع ابطه الين قامت توخر عنك الين طلعت:)


او اتوقع انك جبت مغناطيس كبير وجيت قدام التريله وقمت تركض وهي تطير وراك بفعل الجذب:)


او اتوقع انك جبت ريشه وحكيت خشم التريله وهي عطست عطسه من قوته رجعت ورى وطلعت من الطين:)



عساني جبت الحل؟


طااااااااااااط

هلا بصاااحب الافكاااااااار الذهبيه

انت حول الجواب الصدزي
حاول مره ثانيه
ترك مانت بعيد


طااااااو

الفاضي
05-09-2006, 05:43
إليكم آخر هقواتي و هفواتي بالموضوع


يخوان الفاضي حلها و صحى من نومتوه أكا ضرب أبو هنود و لقى نفسه يحلم :) و حقد عقب هالسالفة و قال لا أبرد تسبدي باهل الفلة و ملحقاتها






لانوه ليالي العيد تبين من عصاريها ( اللي ينشدن عن هالمثل باخذ منه رسم و وسم :) )







-----------
تحياتي
أبو رشيد



بالخيييييييييييير يا ولد

مناكد
05-09-2006, 09:48
يالفاضي...

اذا كان انه صحيح ماهو حلم...

وتقول الخشب مانفع...


ماله الا انكم تحفرون للكفرات وتحطون تراب يابس...

أو

ترفعون التيذر من الخلف بالشيول (او تدفونه) ويمكن الحراثه تساعد بالسحب من الأمام...


أو


بهالحلول مجتمعه...

(شيول+حراثتين+16 هندي)...



الله يرحم ايام العايدي مع اللبيد وعرق المظهور والحمل تقريباً 14 طن غير وزن السياره...
ولا حراثه ولا شيول...

ماهنا الا خشب التغريز...

ولكن السواق ماكان ابو هنود!!!

.

غاده
05-09-2006, 17:05
مافي حل غير سوبر مان وبات مان يتعاونوا ويسحبوها

:) سهل صح ياحيي <<< اتحداك تقول ياحيي للبناني ولا فلطسيني


شوف ايش يرد عليك شو عملت الك انتا التعبان والحيه مو انا :) ؟



يمكن تختلف بس تبين طريقه نطقها بالحايلي :)

عجايب بنت الشايب
08-09-2006, 00:53
جا الخميس وراح .... يامال الريح في كبد العدو

ولا عرفنــــــــــــــــــا وش الحل ......


بالخير ياعرب ..... عودوا الى حيث ما كنتم ماحولكم علماً صاحي ....!!!







يالليل الليل

الفاضي
08-09-2006, 02:06
يالفاضي...

اذا كان انه صحيح ماهو حلم...

وتقول الخشب مانفع...


ماله الا انكم تحفرون للكفرات وتحطون تراب يابس...

أو

ترفعون التيذر من الخلف بالشيول (او تدفونه) ويمكن الحراثه تساعد بالسحب من الأمام...


أو


بهالحلول مجتمعه...

(شيول+حراثتين+16 هندي)...



الله يرحم ايام العايدي مع اللبيد وعرق المظهور والحمل تقريباً 14 طن غير وزن السياره...
ولا حراثه ولا شيول...

ماهنا الا خشب التغريز...

ولكن السواق ماكان ابو هنود!!!

.

هلا والله بخالي ابو فايد

لا والله يالغالي ماهو هالون طلعت التريله
بعدين العايدي يابعد حيي غير
احسن بالف مره من هالفنس الله يكرههن ما ينفعن ولا بقرش:):)
بس حقات خطوط

وبعدين زي ماقلت السواق من جنبه

الفاضي
08-09-2006, 02:15
طاااااااااط

اقول غيداء هناااااااااااا انتي وحلتس الي مثل وجهك


وانتي بعد يا كلتس
وش معجلتس على الحل ؟؟؟؟؟


بس صدز طلعتوا كمخ خخخخخخ

الحل هوووووووو


وبكل بساطه


مرت من عند المزرعه ثلاجه ثانيه لنفس الشركه ولحقته ووقفته:):)
ونزلنا البطاطس من التريله الاولى وحطيناااااااوه بالتريله الثانيه
والتريله الاولى راحت للمكان الي تبي تروح له التريله الثانيه وبسسسسسسسس:):):)


بالله ماهو حل ما يخرش الميه:):)


طااااااو

غاده
08-09-2006, 04:17
تترك العالم تفكر

وتجيب حلول يمين وشمال وهذي اخرتها ؟؟



واكشن وتفكير وتوقعات


وحل ما يخرش المي :tongue:


اممممممممممممم يعطيك ا لعافيه :)

مصيول
08-09-2006, 05:10
مرت من عند المزرعه ثلاجه ثانيه لنفس الشركه ولحقته ووقفته
ونزلنا البطاطس من التريله الاولى وحطيناااااااوه بالتريله الثانيه
والتريله الاولى راحت للمكان الي تبي تروح له التريله الثانيه وبسسسسسسسس


هههههههههه

مع اني مامكنت موضوعك من اوله الا اني تحمست مع الردود :) !

ياربي لك الحمد والشكر ــــــــــ يقولون من يشوف مصيبة غيره تهون عليه مصيبته :) :)


الله يونسك بالعافيه ــــــــ

ابن جشعم
08-09-2006, 05:51
يدق علي يقول خلاص تعال وانا ماسكه معي عناد ماني متحركه الا ياما تحرك

ياحليلك..............وش سالفة ماني متحركه...ليه ماتحركين يامللي..:smooch:

الفاضي
08-09-2006, 06:09
^
^
^

اكفشششششششششششششششششششش

الله يلعن بليسك يابو سليمان يعني ما لقيت الا هالعجنه
ياخي خطاء برطمي قصدي كيبوردي ههههههههههه



مصيول

حياك ربي
واهم شي الموضوع اعجبك

تحياتي