الثمالي
19-08-2006, 23:38
احبة الاحساس واعذب الجلاس
اليكموها تائة اخرى لكنها تائة منام او لعلها بعض احلام اليقظه
قذفها نزف شاعر واسكنها نسائم البوح المفضوح ... فلعها ان ترتقي سلم الاعجاب
............... ..................... .....................
هيض على القصيد وهاض بي جشي=قمت ابني اجزل بيوت الشعر واركانه
من هاجس ٍ مع عسام الليل بي دش ِ=صوب على عين قلب الحب نيشانه
لي صاحب ٍ بالحشى ممسي ومتعشي=يحب ممسى الخفوق وشب نيرانه
العام.. انا خابره سارح بله طرشي=يحوفهن حوف الام لبعض ورعانه
وانا ...مع الطرش رجلي بالخلا تمشي=تبرا..تراعي خطاها ..خطو كرعانه
كني خريش ٍ ندفها نادر ٍ نشي=نثر غلبها وخلى الظهر عريانه
تلوي على القشع...مير القشع مغتشي=ماهو يتقي من اللي صك جنحانه
البارحه ..جاتني ثم نثرت عفشي=وانا عيوني بحلوى النوم كحلانه
يامرحبا ياهلا يالـ(طش)يالـ(رش ِ)=يامنوة اللي كبيده منك جربانه
تعال..خل الحيا واجلس على فرشي=وعطني علوم الثمر خوخه ورمانه
وعطني علوم الفياض وزهر ماحشي=هم...سرحوا فيه اهل الذود رعيانه
وعطني علوم السنا والبرق والطش ِ=اليا امطرت...هي تروي جدب قيعانه
واعطيك انا عهد...يا ذا العلم لاخشي=واصك من دون سرك عشر بيبانه
قالت : عساك العنى يانادر العشي=من عام الاول وانا بالحيل وجعانه
من عقب قلبي صخر اضحى لكم هش ِ=يلعب به السوس سوس الحب باردانه
والله ..لادمي فؤادك من سهم رمشي=الين حتى تجف عروق دمانه
تذكر..!! جرحت الخفوق وقلت لي بأمشي=مديون ..جابه زمانه لأييد ديانه
تحياتي
ا ل ن ا د ر
اليكموها تائة اخرى لكنها تائة منام او لعلها بعض احلام اليقظه
قذفها نزف شاعر واسكنها نسائم البوح المفضوح ... فلعها ان ترتقي سلم الاعجاب
............... ..................... .....................
هيض على القصيد وهاض بي جشي=قمت ابني اجزل بيوت الشعر واركانه
من هاجس ٍ مع عسام الليل بي دش ِ=صوب على عين قلب الحب نيشانه
لي صاحب ٍ بالحشى ممسي ومتعشي=يحب ممسى الخفوق وشب نيرانه
العام.. انا خابره سارح بله طرشي=يحوفهن حوف الام لبعض ورعانه
وانا ...مع الطرش رجلي بالخلا تمشي=تبرا..تراعي خطاها ..خطو كرعانه
كني خريش ٍ ندفها نادر ٍ نشي=نثر غلبها وخلى الظهر عريانه
تلوي على القشع...مير القشع مغتشي=ماهو يتقي من اللي صك جنحانه
البارحه ..جاتني ثم نثرت عفشي=وانا عيوني بحلوى النوم كحلانه
يامرحبا ياهلا يالـ(طش)يالـ(رش ِ)=يامنوة اللي كبيده منك جربانه
تعال..خل الحيا واجلس على فرشي=وعطني علوم الثمر خوخه ورمانه
وعطني علوم الفياض وزهر ماحشي=هم...سرحوا فيه اهل الذود رعيانه
وعطني علوم السنا والبرق والطش ِ=اليا امطرت...هي تروي جدب قيعانه
واعطيك انا عهد...يا ذا العلم لاخشي=واصك من دون سرك عشر بيبانه
قالت : عساك العنى يانادر العشي=من عام الاول وانا بالحيل وجعانه
من عقب قلبي صخر اضحى لكم هش ِ=يلعب به السوس سوس الحب باردانه
والله ..لادمي فؤادك من سهم رمشي=الين حتى تجف عروق دمانه
تذكر..!! جرحت الخفوق وقلت لي بأمشي=مديون ..جابه زمانه لأييد ديانه
تحياتي
ا ل ن ا د ر