........ يوم مأساوي من أيــــــــام العطله ......... طحياتي ...

[عجايب بنت الشايب]

بسم الله الرحمن الرحيم



السلام عليكم ...........




كيف الحال يالأسود النائمه

نعم نائمه


اجل اللحين عطله وخير وفراغ


وهالمواضيع تقل احداً حالفن عليها ماتنزل .... الصفحه التالية .!!!


لمدة من الزمن .....

ياناس انا أهووول لا قمت اهاوش وأزعط ....

&& بالخير الشبث :7ayyoh: مبروك يالطيب وتستاهل كل خير &&


&& بالخير طنخان:7ayyoh: عوده مباركه .. مابغييت ... &&






تصدقون عاد ..... ادري بتقولون بدت تحتسي


لا والله جد .... انا بصراحه فكرت تفكير جدي بجد :puzzled:

أني أودع المضائف وأصير ضيفه

لأني فعلاً ضيفه طال بقائها ....

المضائف لقبيلة شمر .... أنا وش حاشرني بين العرب

يمكن عندهم أسرار .. يبون يقولونها بينهم

وأنا قاطتن وجهي وسطهم ....

لا وأضحك معهم وقاعدتن بدكة السوالف .. بعد .. من زين الطبايع

((شين وقوي عين ))


على قولتهم .....


والناس تقول بعد ....(( ياغريب كووون اديب ))


و (( يابخت من زار وخفف ....))


وأحس ماعاد عندي حماس .....>>> (( ولا يهون فتح ...!! ))


ولا حولي أحد يحمس .... >>>>>(( ولا يكبس ..!! ))


صحيح الأقلام المميزه وااااااجد بس مدري وش بلاهم ....


راااااكدييييين


-----------------------


مــــــــــــــــــاعلينــــــــــــــــ ـا

أنســـــــــــــــوا اللي قلته فوق ....... >> طيب امسحييه :(


واسمعوا الصااااااعقه .... :a: >> تو ماقلت شيء يالاخو ...



اولاً .. عندي سؤال ( أنتم تحسبوني أضحك لاقلت غنمنا ..؟؟))

ترى بجـــــــد ابوي طعس .. عنده حلال ....


وياويله اللي يسبهن ولا يتقرف منهن

ويافرحته لاقلنا له بنروح معك ..


مايبقى شيء من أنواع الرفاهيه الا يسويه لنا


طبعاً مانروح الا بالربيع الصيف أستحاله













إلا مــــــــــــــــره وحده ......:smileyb:






وآآآآآآآآآآآآآآآآآآآآآه ياناس من ذيك المره .........





قبل كم يوم .... أشترى أبوي (( مرتبل )) ...... يعني غرفه للراعي


ومضبطه ومزينه ...... وفارشها زين ....

عباره عن مطبخ وغرفه للراعي ومجلس ومن برى دكه


يعني الرجال ( الأخ أبوي ) مبسوووووط على الأخييييييييير .....

ويوم جا العصر طبعاً عطله الناس نااايمه

ويقول :

يالله تروحون معي بنتعشى عندها ومتحمس مرررره


بالنسبة لي أنا مطنقره ...


وقايمه من النوم اهاوش مقوميني متاخره للصلاة


وامي مدري وش عندها يمكن حرييييم

والكبار بعد نفس الشيء مشغولييين

المهم

أن ابوي تحطم ...... بالعربي


(( لم يجد ماكان يريد ويتمنى ))


ومااحد تفاعل معه ...!!!!

يوم جا الليل واستوعبت السالفه

وأنـــــــــــا اتحسف ....

وأنقهررررررر .... والله الدمعه في عيني

وأحلف لأروح معه الصبح بكره علشان خاااطره

وأقول لخواتي .. ويقولن : أستحاله نروووح حرررررر

وأعطيهن وأغريهن بالفلوس والهدايا ....


المهم جمعت نص البيت

و النص الثاني ... مكتوب على جباههم (( نأسف ... النوم سلطان ))


و يجي الساعه سبع ونص

الصبح و الشمس حاااره

(( يالليل الليل من ذا اللحين ))

واقول : يبه متى نرجع ؟

قال : الساعه 12 الظهر تماماً


(( ياويل قلبي ..... عــــــــــز الحر سكرة الموت ))


المهم ...

ونتوكل على الله

انا بحوش بيتنا مت من الحر ...

بس قاعده اتمتم

وااااصلي والله معاكي وااااصلي واحنا وراااااكي

وااااصلي والله يحميكي .....الخ


ويوم ركبنا الخط بالددسن

ولا الله وتقعد رسونا تومي = تفتر


وشف عاد المنظر والشمس بحضنك والعباءة سوداء تمتصص الحرارة

** للمعلومه اكره شيء لبوي التغييمه مايطيقها


و مطبات التراب شيء شيء



لو معي علبة لبن .. يمدي الزبده طلعت ....:chinese:



بصراحه .......


أحس اني رايحه ........



لسجون جونتانامو ..!!:smileyb:



وابــــــــــــــــــوي فااااالها مستانس ويقصد

ويعلمنا


هذي غنم فلان

وهذي ابل الفلان

وهذا مراحنا قبل


(( طيب زين زين أنا وش دخلني بأرعى عندهم ..؟؟ ))



وبينما نحن نسييير بحفظ الله

الا يلف ابوي وقربع

بغينا نطييير

وش فيك ؟؟ وش فيك ؟؟

ويطير النوم

علامك يبه ؟؟


ويوقف على الخط وينزل ......


ويااخذ الجركل اللي طايح ..:(


وحذفه بالصندوق


بغينا نموت علشان جركل

صدق الشاعر يوم قال :

احبك حب البدو للجراكل .......... وحب الهنود للسياكل ..


## فيه نظرية لأبوي ان الجركل اذا شفته لاتخليه ....

إما

1- تستفيد منه كله

او

2- تستفيد من غطاه لا ضاع غطاء جركلك

او

3- تقصه من النص وتحوله لحوض تكب الشعيرب فيه .....


ثلاث فوائد يجب عدم نسيانها ......


المهم

ونوصل

ونقعد نبالغ في المدح وتهبل والله يازينها

بطراااانه يايبه

والله انك تعرف تصمم ...

و يازين فرشتها


ونقعد نصورها بالجوال ... علشان نوريها اللي ماراحوا

وابوي في قمة الونااااااسه :d:


المهم على قولة ابوي ماراح نطول

بيشيل له كم غرض

وبيعطي الهنود غراضهم

وبيوصيهم ونرجع






بس ...



المفاجأة .... الوايت فاضي .....:a:


ولا بد ان والدي العزيز يروح يروي = يعبيه ماء



علشان الغنم ماتهلك بالليل

والآن


الساعه عشر وعشر ........(( يعني عشرين خخخخخ ))


والشمس .... تفوووووووح

وروسنا تطبخ ....

وننتظر ابوي

وننتظر ....

وننتظر


ونشرب ماء بارد

ونشرب ماء بس احتر



والساعه تمشي


وننتظر


ويوصل ابوي


تصدقون لو تـــــأخر شوي

كان تدرون وش بيصير ...؟؟




بتطلع لي عــــــكـــــــره مثل الضب ....:a:




خلاص الجلد احترق ... وجفاف .... ومتفطر ... وشمس

خلاص ضب مقعد عليه برقع n)

ناقص عكره وتكمل السالفه ......


ونرجع البيت .....


واول مادخلت سجود شكر

على نعمة المكيف...... والماء ابارد ... والفازيلن ......



وكل ذا لعيون الأخو الفاضل أبوي ...!!


ومن زين الطبايع بالليل سهره عند وحده من الجماعه كااااشخه

ورااايحه

ورااااازه

اقول بقلبي



مايدرون وين كنت اليوم الساعه 12 الظهر .......


ادري

ادري

طولت

عادي:chinese:

عادي:chinese:



اخيــــــــــــــــــــراً

............((( *** شكر وتقدير *** ))) ....................


الى كلاً من :

* مخترع المكيف

*مخترع البراد

* مخترع الفازلين

* مخترع المكياج

* مخترع واقي الشمس


------------------------------

وشاكره صبركم


طحياتي .........

-----------------------------

[المطنوخ]

لا اله الا الله

اول شي وقبل أي حرف

س/ليش مواضيعك ذات رائحه خروفيه؟؟

مو القصد ان مواضيعتس عن الخرفان بس ليه ان قربت لمواضيعتس اشم فيها ريحة معزى ضاربة ظهورهن الشمس؟:)


اصبري ابي اتمرخ بوزالين لان موضوعتس يجيب المشق :)



وهالمواضيع تقل احداً حالفن عليها ماتنزل .... الصفحه التالية .!!!

والله يا كلي ولا لتس حلفان علي يالديره اللي جيت منها ان ليلة روحتي للمطار ان صبيب من المطر يالله من فضلك ويوم اقبلت الطياره على الكويت وانا اسمع تقل صوت خيشة عيش تنتثر على صحن(( تخيلوا الصوت )) وانا افتح الدريشه واليا والله الغبار يلفح الطياره..!!:(

يعني بالله اكثر من هالاحباط هذا وشو؟
وتبين مني اني اكتب موضوع

انا زين ما دمجت مواضيع الفله كلها بموضوع واحد وخليت الدعوة زمبليطه من الضيدز:)

الله يجزاتس خير خليتينن افضفض عن مابقلبي من هموم تهم البشريه والسلنتح من الزقرت



لا والله جد .... انا بصراحه فكرت تفكير جدي بجد

أني أودع المضائف وأصير ضيفه

لأني فعلاً ضيفه طال بقائها ....

المضائف لقبيلة شمر .... أنا وش حاشرني بين العرب

يمكن عندهم أسرار .. يبون يقولونها بينهم

وأنا قاطتن وجهي وسطهم ....

لا وأضحك معهم وقاعدتن بدكة السوالف .. بعد .. من زين الطبايع

((شين وقوي عين ))

يعني مادري تبينا الحين نقولتس لاوالله يا اخت كلي بكم اعجاب انتي الداخله وحنا اللي نطلع ولا وش حنا لولاتس ولا تبينا نبتسي عندتس

اقول

وااااهملالي

اقول اقعدي مير خلينا نكسب اجر ونتصدق عليتس بتسم رد بهذا
انتي اصلا عضو منتدب من منتديات الصفاة وحراج الغنم فا لاتسوين لي فيها يعني ذربه يالشريطيه:)





وبينما نحن نسييير بحفظ الله

الا يلف ابوي وقربع

بغينا نطييير

وش فيك ؟؟ وش فيك ؟؟

ويطير النوم

علامك يبه ؟؟


ويوقف على الخط وينزل ......


ويااخذ الجركل اللي طايح ..


وحذفه بالصندوق


بغينا نموت علشان جركل

صدق الشاعر يوم قال :

احبك حب البدو للجراكل .......... وحب الهنود للسياكل ..


## فيه نظرية لأبوي ان الجركل اذا شفته لاتخليه ....

إما

1- تستفيد منه كله

او

2- تستفيد من غطاه لا ضاع غطاء جركلك

او

3- تقصه من النص وتحوله لحوض تكب الشعيرب فيه .....

هههههههههههههههههههههههههههههههههههههههه ههههههههههههههههههه
هههههههههههههههههههههههههههههههههههههههه هههههههههههههههههههههه
هههههههههههههههههههههههههههههههههههههههه هههههههههههه

حسبي الله عليتس

آآآبو من علمتس التصوير المجازي

والله يالو موضوعتس خلا من هالفقره تسان مالوه ثمره
هههههههههههههههههههههههههههههههههههههههه ههههههههههههههههههه

اجل ابوتس طلع جي أم اصلي



والله يالود ودي ارد وان خذيت راحتي ماولله تقرين ردي الا بثلاث ايام ماجاني خبر<---طرت علي ومارديته:)


لكن اللي يجبر بخاطري اني اول ضحايا ريحة موضوعتس المعزائيه يالشريطيه

وانا اهقى ان شخصيتس وشخصيه ابوخليف تحمل نفس الانزيمات:)



هالموضوع بكل فخر واريحيه <--والله مادري وين مكانهاا بس قلت لعل وعسى تكون هذا مكانها


هالموضوع بمثبت بضروس الشبث الذهب وعقبه راح نحجز لوه على الطيران السيلاني الى متحف الفله كي يرقد آمنا مطمئنا وسائر بلاد المسلمين<---ثأثير العودة من السفره

[عجايب بنت الشايب]

لا اله الا الله

محمد رسول الله

كلن توقعته يرد اول واحد الا انت

يمكن ..... مسويه حاجه اليوم انا زينه ....:chinese:






س/ليش مواضيعك ذات رائحه خروفيه؟؟

العرق وانا اختك دساس ....




اصبري ابي اتمرخ بوزالين

:p: طافت علي الوازلين قلت خلني اقوول فازلين يمكن مايعرفون غيره :p:





والله يا كلي


لا يااختك لا تحلف ادري ادري......




انا زين ما دمجت مواضيع الفله كلها بموضوع واحد

جــــــــــــــــــرح لسلنتح الحجاج ...:g:







يعني مادري تبينا الحين نقولتس لاوالله يا اخت كلي بكم اعجاب انتي الداخله وحنا اللي نطلع ولا وش حنا لولاتس ولا تبينا نبتسي عندتس

اقول

وااااهملالي


:chinese: يااخي يعنني وش اسوي ......:chinese:








والله يالو موضوعتس خلا من هالفقره تسان مالوه ثمره

الله واكبر اللحين موضوع تقوول ذا ......:puzzled:





لكن اللي يجبر بخاطري اني اول ضحايا ريحة موضوعتس المعزائيه يالشريطيه

يــــــــــا حظي .....اللحين :d: اقووول ...... من كثر من يدخل




وانا اهقى ان شخصيتس وشخصيه ابوخليف تحمل نفس الانزيمات:)

عاد وش درا لا جا الليل احس ان الارواح تتلاقا فوق الطعوووس

ترجـــــــــــع .....






هالموضوع بمثبت


ماقصرت والله يجزاك خير .... وهالموضوع والله مايستاهل لانه اصلاً موهب موضوع

مويصيييغ وماله هدف ......

وتبي بعد الل يشوفه ..... ناوي تمصخرني؟؟:(


انتظر علي .....

ان مارحت .....>> تراني جاده

اذا هونت عن الرحيل......

ابشر بموضوعن منا زينه ......
>> يقال ماعندك خبر عنه ......









طنخان :7ayyoh:

كيف الحال ؟؟

اموت واعرف وين سافرت ؟؟ حب الشفايه في قلوبنا


مرورك دهن عود .....



سلمت ....



طحياتي ......

[أبو فهد]

كيف الحال يالأسود النائمه


المعذرة شباب تسان قصدها ناعمة بس خانها الكيبورد :) <<< لامتا بنرقع





اجل اللحين عطله وخير وفراغ



لآخر مرة خبرت العطلة يوم كان ابوي يعطيني فسحة :) هالحين ما عاد فيه عطلة هالحين إجازة و محسوبة بالشعرة عليك و يالله المستعان







أني أودع المضائف وأصير ضيفه

لأني فعلاً ضيفه طال بقائها ....



وش الطاري و انا مدري بس لعبت بي الوساوس و الهواجيس بليلة ظلمة و مع شبة النار و ضو القمر و البرد الأليم و العود في يدي و انكت على الرمل بيتين و اكتب بكل معاني الألم و أقول آه آه يالحنين <<<< تراه ذابحه البرد موب من شيّن ثاني :)





ترى بجـــــــد ابوي طعس .. عنده حلال ....



هو كل من عنده حلال صار طعس طيب المكيرش وش يصير طعس التحدي :)






قبل كم يوم .... أشترى أبوي (( مرتبل )) ...... يعني غرفه للراعي


هههههههههه اجل مرتبل ها <<<< يسمونه بورتبل يا هانم لا و مترجمتها بعد :)





* مخترع المكيف

*مخترع البراد

* مخترع الفازلين

* مخترع المكياج

* مخترع واقي الشمس



نسيتي مخترع الجراكل :)


إلا على طاري الفازلين ماهوب الليا يستعملونه الشغالات :puzzled:




مشالله مغامرة شيقة و قوية و فريدة ( أخت عزيزة ) من نوعها



إلا على فكرة هي غرفة الرعي للراعي و لا للخراف :) <<<< صح يا خراف



خراف بكسر الخاء يعني خرفان لاحد يقولي خراف بفتح التاء يعني محصول النخل :)





حلولات الددسن مع الدرقنة بهب الخبوت ( الدرقنة = صوت مدربى الروس ) :)




---------------------------------------------------------------------------


كلي بكم إعجاب رجتس الله رجة اللبن



موضوع شي خيالي



منتهى التشويق و الروعة



اللهم ارحم شيباننا و شيباتنا ( لولاهم لما تكلمنا بذا )



شكرا و الف شكر على رحابة الصدر و لا تقاطعين





----------
تحياتي
أبو رشيد

[الشبث]

اول شي حز بصدري بداية كلامك

وياليتك ماكتبتيه علشان اقراء موضوعك وانا رايق

وعلشان اضحك واصج اللي حولي




ماعلينا مانتي رايحه اذا لنا خاطر وبس





انا برد وردي بوجهه للقراء الثانين وليس لكاتبة الموضوع

والله يالربع لو سالوني عن المواضيع اللي تمنيت لو انا كاتبها

لكان هذا الموضوع وغالبية مواضيع اختنا ك . ب . ا من اختياري




موضوع جميل

مرح

وقصه سهله على القارئ

واللي اكثر من كذا اسلوب التشويق عند الكاتبه الرائع ام قرون ( بخربها هههههه )




وشاكرين لاخونا المطنوخ تثيته لهالموضوع





وتقلدوا تحيتي

[عجايب بنت الشايب]

شقردي


:7ayyoh:








هو كل من عنده حلال صار طعس طيب المكيرش وش يصير طعس التحدي :)



شو المكيرش ؟؟ ترى منكم نستفيد ؟؟:chinese:




هههههههههه اجل مرتبل ها <<<< يسمونه بورتبل يا هانم

قلت لك منكم نستفيد والله انا اسميه مرتبل

واهلي بعد .... تبيني اطيعك واخلي اهلي ؟؟:chinese:









إلا على طاري الفازلين ماهوب الليا يستعملونه الشغالات :puzzled:

لا ذاك الوازليييين اللي قاله طنخان

ياااااااانه يدهن من قلب ....





---------------------------------------------------------------------------



كلي بكم إعجاب رجتس الله رجة اللبن


بس مايطلع زبـــــد .....!!:d:




موضوع شي خيالي

وأنت اخيــــــــــــييل ...>> تبيتقول شيء زيين ....:chinese:




منتهى التشويق و الروعة

ليش وش قالولك . قافلة الخير ......؟؟:(





8
8
8


شقردي .....



حيااا الله تعقييب مروووع :puzzled:


يفوق الرائع



طحياتي ......

[عجايب بنت الشايب]

الشبث


:7ayyoh:




اول شي حز بصدري بداية كلامك

حتى انـــــــــا



وياليتك ماكتبتيه

ليـــــش؟؟



علشان اقراء موضوعك وانا رايق

خلاص بأمسحه ...



وعلشان اضحك واصج اللي حولي

خلاص بأرجعه ....علشان مااخذ ذنب اللي حولك ...:d:








والله يالربع لو سالوني عن المواضيع اللي تمنيت لو انا كاتبها

لكان هذا الموضوع وغالبية مواضيع اختنا ك . ب . ا من اختياري

أحرجتني ...... شهادة أعتز فيها .....





واللي اكثر من كذا اسلوب التشويق عند الكاتبه الرائع ام قرون ( بخربها هههههه )


:puzzled: ماكنا كويسين ياعم ....:puzzled:





:d:




وشاكرين لاخونا المطنوخ تثيته لهالموضوع

مايقصر ولد ابوه .....خيره سابق ....:d:






وتقلدوا تحيتي

تشرفنا .....



مرورك مشرف اخي الفاضل ...



وسلمــــــــــــــت .....:d:

[شريف روما]

ياجماعة اشم ريحة غنم ؟! ههههههههههههههه


على طاري الحلال يا ك ب أ ليه ماتذبحين ذبيحة بسلامة المطنوخ ورجعتوه من السفر والذبيحة الثانية لان حضرتي انا صاحب السمو وامير المضايف المفدى راح اتكرم واحضر العشى اتعشي وامشي :)


انا اقول مافيه طلعة من المضايف واقعدي لا انادي تعاليل تمردغتش (( تمردغتس )):)


اي صح نسيت اقول وعليكم السلام << جزاني الله خير :)

[نافع بن طواله]

مشغول

والموضوع طويل


عاد متعى أدخل مره ثانيه وهل أتذكر أرجع لهالموضوع ولا لأ مايندرى


على العموم الشباب ماقصروا



طنخان شف هالبنت


تر نص حتسيه صحيح <<<<< ما يدري وش قاعده تقول

[شموخ]

اولاً .. عندي سؤال ( أنتم تحسبوني أضحك لاقلت غنمنا ..؟؟))
ترى بجـــــــد ابوي طعس .. عنده حلال ....

طيب وش معنى طعس :(


ياعمري انتي والله ياسوالفك تهبل :thumb: ...

الله يخلي لك ابوك ومادام تخرجتي روحى معه للغنم كل ضحويه هههههههههههه


تحياتي
شموخ

[عجايب بنت الشايب]

الزقروطــي


:7ayyoh:



ياجماعة اشم ريحة غنم ؟! ههههههههههههههه

:puzzled: قالها غيرك عااااادي :puzzled:



على طاري الحلال يا ك ب أ ليه ماتذبحين ذبيحة بسلامة المطنوخ


:surprised من قال انه مسافر لي شهر وانا اشوفه بذا ......!!!







انا اقول مافيه طلعة من المضايف واقعدي لا انادي تعاليل تمردغتش (( تمردغتس )):)

ان شاء الله عمي ..:( >> ترى لانوت ما يردها شيء...:chinese:




ابـــــــــــــــو زقرط ابــــــــــــــوه


الله حيوووووووه


مرورك فله معتاد عليه


لاتقاطع ......



طحياتي .........

[عجايب بنت الشايب]

نافع بن طواله



:7ayyoh:



مشغول

لا شوف يمكن السماعه طايحه ......:tongue:






عاد متعى أدخل مره ثانيه وهل أتذكر أرجع لهالموضوع ولا لأ مايندرى


وش يقربلك عثمان جعفر الطواله .......:chinese:



على العموم الشباب ماقصروا


فــــــــــــــــــــــزعه ..؟؟:puzzled: هي ...؟؟




ابو طواله ولا تهوووون هدلاء



حيك الله من طول الغيبات رجع ولا قراء شيء

عادي

طلتكم تكفي ....:)




طحياتي .......

[عجايب بنت الشايب]

شموخ

:luvlove: مرررررررررحبا :luvlove:





طيب وش معنى طعس :(

عيب مره وش كبرك ماتعرفين طعس ...


بس وش اقووول ياجيل النيدو


اسمعي

طعس هي الجيل الصغير اللي له رمل ويكون خالي من الحجارة وناعم

دائماً .. نتمرغ عليه ونتدربى .... يومنا صغار

انتم يومم صغار بس انا الى الان :)








شمووووووووخه حياك الله مرورك عثـــــل




طحياتي ..........

[الفاضي]

طاااااااااااااااااااااط


فضفض هنا



ابوي طعس

والله والحلا اصبري شوي ابي انزل هواء الكفرات عشان نطس به :):)


عاد تصدقون اني مستغرب منكم نوب تنسعرون وانواع الردود والمواضيع ونوب لا والله ما نلقى الرد انتم وين تطسون:)<<<<علم روحك خخخخخ

ومدام الدعوى عن المأسي والمصايب
انتظروا مأساتي مع التريله الي مغرزه بوسط رشاش مزرعتنا ومحمله 25 طن:a:

يالله طاااااااااااو
ابي اطس اصلح قهوة الشيبان

[مشــــعل]

المضائف لقبيلة شمر .... أنا وش حاشرني بين العرب

يمكن عندهم أسرار .. يبون يقولونها بينهم

وأنا قاطتن وجهي وسطهم ....

لا وأضحك معهم وقاعدتن بدكة السوالف .. بعد .. من زين الطبايع

((شين وقوي عين ))


تري اللي يميزنا ان اللي يعاشرنا يصير واحدن منا:thumb:



وبينما نحن نسييير بحفظ الله

الا يلف ابوي وقربع

بغينا نطييير

وش فيك ؟؟ وش فيك ؟؟

ويطير النوم

علامك يبه ؟؟


ويوقف على الخط وينزل ......


ويااخذ الجركل اللي طايح ..:(


وحذفه بالصندوق


بغينا نموت علشان جركل

صدق الشاعر يوم قال :

احبك حب البدو للجراكل .......... وحب الهنود للسياكل ..


## فيه نظرية لأبوي ان الجركل اذا شفته لاتخليه ....

إما

1- تستفيد منه كله

او

2- تستفيد من غطاه لا ضاع غطاء جركلك

او

3- تقصه من النص وتحوله لحوض تكب الشعيرب فيه .....


ههههههههههههههههههههههه

عندنا وعندكم خير
فطنتينا بشايبنا

يعطيتس العافيه

[عجايب بنت الشايب]

الفــــــــــــــــــــاضي


الله حيوووووووووووووه


ننتظر جديدك واكييييد(( ان شاء الله ))


أنه تمام





مرورك مروووووع


طحياتي .......

[عجايب بنت الشايب]

مشـــــــــــــــــــــعل الغفيلي


شرفتنا يالأجودي



وشيباننا .... حركاتهم النص كم وااااااااجد

بس هذا غيض من فيض >> مدري فيض من غيض

المهم

غيض وفيض .....!!!!!

خخخخخخخخخخ




أسعدتنا ولا تقاطعنا ......



طحياتي ..........

[سنين]

كلي بكم اعجاب

يامرحبا فيك . ترى المحل محلك <<< خخخخخ عاد تقوله كلش راعية البيت

اقول كلي تراني حبيت شمر من المضايف ولا قبل مالي احتكاك فيهم .. بس عز الله انهم فلللللللللللله ..

اصلا احيان اقول ليت شمر هللي :)

هههههههههههههههه

والله ياكلي يوم قريت لخواتي موضوعك .. قالوا كنها تقول سوالفنا ..خصوصا فرحة ابوي لا رحنا معه ..معقول السيناريو واحد عند كل الشيبان .


عالعموم يعطيك العافيه ونستينا الله يونسك بالعافيه


سنين

[عجايب بنت الشايب]

8
8

سنيـــــــــــــــــــن الله حيهااااا


احجرتيني .....


وكلامك على اسي ياستي .......



وشرفتني قرائتك لموضوعي فكيف بردك يالاجوديه



وشيباننا طقم الله يكافي نفس الماركه ......




لاتقاطعين يالغاليه ......


طحياتي ........

[قـــوت]

اما الساعه ثنعش بالبران يالله عفوك ورحمتك


والعكره والجركل < رهيبات

ياكلي امتعتينا وفتحتي شهيتنا

[عجايب بنت الشايب]

8
8

آخر العنقووووووووووووووود

الله حييييييييييييييييييييييها

والله

مرحبتين يخزي العين


وين الناس ؟؟

بعدين وش فتحت نفسيتك له .... تبين تاكلين لحم ضبان ؟؟

واويلااااااااااااااااه ... منكن يالصعيديات



حياك الله على كل حال ولعيون بابتي تبرد علينا الشمس .....




وطحيــــــــــــــــاتي ........

[البارق99]

هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه ههههههههههههههههههههههههاااااااااااااااا اااااااااااااااااااااااااااااااااااااااا اااااااااااااااي اه وتسبدي

الله يلعن شياطينك انتي مجنونه ولا من السويد00000اثري الفايروس منتشر عندكم بعد سالفة هالجراكل

انا مره ارسلني الوالد الفجر قال اطلع للبعارين والغنم هات الذبيحه وحليب البعارين عندنا غداء لضيف قلت طيب الراعي عندوه جراكل للحليب ولا لا قال لا ماعندوه بس البارح بوه لوه قيلتن حدرن منا بالشعيب رح لمكانهم تلقى على اثرهم جراكل00000يععععععععععع طيب جراكلهم اخاف ان به بلى قال لا انا معلم الراعي وحاط عندوه فيري وديتول ينظفهن الا وغشنا000000

انا ودي احط دراسه لها المشكله لان بعض الجراكل مايصلح تستخدم مره ثانيه فيها ماده تتحلل وتصير سامه

ك.ب.ا.وش رايك ندرس المشكله ونعيفهم بالجراكل000





(((((((((((((((((((قرارتس اللي قلتيه في بداية موضوعتس))))))))))))))))

مررررررررررررررررررررررررررررررررررررررر رررفوووووووووووووووووووووووض النقاش فيه ولا نوافق على اعتزالك00


يالربع نبي نجمج لنا جاهيه ونروح لديرة كله بنا اعجاب ونتطلبه تكفين لاترحلين عننا ترى الفله بدونتس ممله0

[الفوووحي]

يالله لا تبلانا الناس تروح تصيف وتوسع صدره وانتي للبران :g:


لا يالبخيله ماجبتي لنا زبد ولبن وخاثر بالشنينه <<<<< حول فلافل بالزعتر حول بعض :)


عافيه خلق الظهر من يروح الضب وهو الضب يفح مدري ينفخ من الحر :)


ك . ب . أ لاتعودين البر ثاني مره ترا مو جين :)


تحياتي لك ...

[عجايب بنت الشايب]

8
8

أنت أحسن واحد قرا الموضوع >> بدأ النفاق مع العضو البارق



وموضوعك بخصوص الجراكل . كوم باعيد النظر فيه .......



وانتظرني .......

خخخخخخخخخخخخخخخخخخ

مرورك يالاجودي ..... شرف للموضوع وراعيته ........



طحيــــــــــــــــــاتي

[شهـد]

ههههههههههههه
هههههههههههههههههههه ياحليلك والله..

بس عاد بيني وبينك مع شده الحر والتعب عاد فيها وناسه صح والا لا؟

هههههههههه
ههههههههههههههههه

زين يوم انك بالعزيمه مافضحتي نفسك وقلتي لهم اني انطبخت طبخه اليوم الظهر

هههههههه

يعطيك العافيه على هالموضوع الحلوووووو

[عجايب بنت الشايب]

بسم الله

الفوووووووحي من وين طلعت لي ...ز انا كنت أرد على البارق ومافيه أحد

أقوووووووول .. وش لابس ...؟؟



أثـــــــــــــــــره انت ....!!؟؟



المهم


كيـــــــــــــــــفي . .... أبــــــــــــوي وأبي أدلعه >> خووووش دلع


وابي أبـــــــــــر فيه ........


وهذا اللي يحبه


يعدين لاعد تسب الضب >> صارت بينهم ميانه معرفه


ايـــــــــــــــــــــه ولا مو عاجبك فتى البرااان = الاخ الضب ...:)




فوووووووووحي .......مشكوووووووووووووووور

مرووووووووووووووورك معطررررررررررررررررر



طحياتي ..........

[عجايب بنت الشايب]

شـــــــــــــــــــــــهوووووووده

هلا والله يالغاليه ومانبي مسياااااااار نبي إقـــــــــــــامه دائمه بالمضائف عامه

وبالفله خااااااااااااصه

تيب ؟؟


وبعدين وين الوناسه الله يرحم والديك .... ؟؟؟
اقووووولك

لو اني تأخرت شوي بالبر


كان طلعت لي عكــــــــره يابنت الحلال ..!!


عوووووووذه الله لايعيدها

والله لايحرمنا مرورك العطر اللي تقل دهن عوووود



مرحبا درزن



طحياتي ......