مشــــعل
01-06-2006, 18:23
بسم الله الرحمن الرحيم
الله حيهم:)
واعذرونا على الغياب
الشاعر خضير الصعيليك الاسلمي الشمري
شاعر غني عن التعريف ودائما عندما نقوم بذكر شعراء شمر
لاشك ان خضير يكون بالمقدمه
خضير لوه قصه رائعه يوم ياخذ الثار لمقتل اخوه شعيب
وهناك من يقول انه هي سبب جلوتوه للجزيره
لان اللي نعرفوه ان خضير حدر للجزيره وخذا عند الشيخ عبد الكريم الجربا فتره وبعده
انتزح غاد وقاصر الاكراد لوه فتره وعقبه نكس
مالكم بالطويله يقولون ان خضير كان غايب عن ربعوه بلوه مشوار
يامار اكا اليوم متجمعين عيال عموه وعندهم لهم ربعٍ اخرين ببيت الشعر
يقولون يامار اكا البنت تروي ماء اليامار "قربته" كبيره ولاتقوى تشيله لحاله
الوكاد يوم ملته وهي تعجز تشيله وهي تجي يامار في شباب جالسين ماهم بعيدين عنه
وهي تروح يمهم قالت ياعيال ابيكم تعاونوني على القربه ابيكم تحطونه على ظهري
قالوا مايخالف وليتهم ماقالوه
يوم حطو القربه على ظهره وهي يجي اكا المقرود منهم وهو ياخذ طرف ثوبه من تحت وهو ينشبوه بالقربه
يامار بنت الحلال مانتبهت يوم قامت ومشت له مسافه وهي تحس انه مكشوفه من ورا
يامار الرجال ببيت الشعر يشوفونه هو يقوم اكا الرجل قال يابنت استري روحتس
قالت كان لوه رجال وهم يسترونوه
وهو يسمعون هالحتسي اخوانه وعيال عمه
وهي تثور الذبحه وهم يتذابحون بالبيت المهم وقع منهم قتلى ومن ضمن القتلى كان شعيب اخو خضير
وخضير كان غايب وهم يجون رجال الصلح ويصلحون بينهم يامار الي يعرفون ذباحوه يدفعون عنوه الديه
واللي مايعرفون ذباحوه يدفعون من عندهم الي يقدرون
ومن ضمن اللي مايعرفون ذباحينهم كان شعيب اخو خضير
المهم ان خضير رجع وعلموه بالسالفه وقالو ان اخوك شعيب مانعرف ذباحوه
قال خضير انا اعرف اللي ذبحوه قالو عين خير ياخضير انت ماحضرت الذبحه
قال خضير والله اني اعرف ذباح اخوي
"يامار فيه ناس يعرفهم خضير لوه خلاف معاهم وشك انهم هم ذباحين اخوه"
المهم ان خضير قرر ان ياخذ ثار اخوه شعيب وهو يروح لعيال عموه ينخاهم يبيهم يفزعون معوه
وهو يعيون قال ياخضير انت ماعندك اثبات عليهم مار اقبل الديه وعين خير
وهو يزعل عليهم خضير "وقصد بهم قصيده يسبهم مار ماعرفه"
المهم ان خضير مشى عليهم لحالوه وسبحان الله وهو ينصروه الله عليهم وياخذ ثاروه ويذبح من يذبح منهم
يقولون يوم رجع خضير لبيتوه بالليل اليامار مستانس وهو يجلس يحمس القهوه بالمحماسه
اليامار من زود الوناسه مانتبه ليدوه وهو يحرق يدوه بالمحماسه
يقول خضير:
البارحه ياشعيل ياحيـل ابـا الحيـل=والعين عـن نـوم المخاليـق فـره
لا غملجـة لاكـن فيهـا سمالـيـل=والـلا النويفـج لايعـه عقـب ذره
من الهجس والهاجوس والعدل والميل=وقالـت مالـي بـه بلتنـي بشـره
لاجن نجـوم الليـل مثـل القناديـل=واكهب على الميزان نجـم المجـره
غديت مثـل مـدوه الرجـم بالليـل=دليـل قــوم ضيعـتـه المـغـره
ولاضاق صدري قمت احوف المعاميل=وكيس الشقيـري فاتحيـن مصـره
ودنيت محماس وكفـي خـذا ميـل=بريـة مـن سـوق صنعـاء مقـره
ياماحـلا صبـه بربـط الفناجـيـل=دولابـةٍ كـنـك بسـلـك تـجـره
وشربت مـن بكـره ثلاثـة فناجيـل=وخذيت مـن زيـن الغلاويـن جـره
مزيـت مايكـوي قلـوب المغاليـل=لـو ان شربـه ماذكـر بـه مسـره
احد عشـاه البـر ومفطـح الحيـل=واحد عصيـده يلعـط الكبـد حـره
واحـد يلاعـب لابسـات الخلاخيـل=واحـدٍ عجـوز ذاق منهـا المضـره
يالله تعدلهـا عـن الضلـع والميـل=ولا تميلهـا علـى النـاس مــره
يقولون عقبه ان خضير زعل على عيال عموه وانتزح للجزيره يوم هو يقول:
عديت راس الرجم وارمي بالاصوات=واطارد الصرح الممرد مـع البيـد
يابو جري ربعي مع الربع الاموات=رجايهم راجـاي مـوت الاكاريـد
الشخب ماينكس لضرعه الى فـات=والسيل مايضـرب طريقـه تسانيـد
وعقبه نهج لعبد الكريم الجربا يوم يمدحوه بالقصيده المشهوره ومايحتاج ذكره لانه معروفه
يوم هو يقول باوله:
ياشيخ انا جيتك على الفطر الشيب=قزان مـن دار المحبيـن دبـاب
وعقبه انتزح للاكراد وقاصرهم وعشق وحده من بناتهم وذكره بقصيده طويله
يوم بغى يرجع يقول به:
ياصاحبي مامن نصيبٍ يرجوين=لابالشباب ولابعد عارضي شاب
وديارنا عن دار الاكراد ناحين=كلٍ تنحر دار حيـه والاقـراب
ذكرنا نبذه من كل قصيده عشان مانضيق على الموضوع واللي يبيهن كاملاه حنا حاضرين
اسمحو لنا على القصور
الله حيهم:)
واعذرونا على الغياب
الشاعر خضير الصعيليك الاسلمي الشمري
شاعر غني عن التعريف ودائما عندما نقوم بذكر شعراء شمر
لاشك ان خضير يكون بالمقدمه
خضير لوه قصه رائعه يوم ياخذ الثار لمقتل اخوه شعيب
وهناك من يقول انه هي سبب جلوتوه للجزيره
لان اللي نعرفوه ان خضير حدر للجزيره وخذا عند الشيخ عبد الكريم الجربا فتره وبعده
انتزح غاد وقاصر الاكراد لوه فتره وعقبه نكس
مالكم بالطويله يقولون ان خضير كان غايب عن ربعوه بلوه مشوار
يامار اكا اليوم متجمعين عيال عموه وعندهم لهم ربعٍ اخرين ببيت الشعر
يقولون يامار اكا البنت تروي ماء اليامار "قربته" كبيره ولاتقوى تشيله لحاله
الوكاد يوم ملته وهي تعجز تشيله وهي تجي يامار في شباب جالسين ماهم بعيدين عنه
وهي تروح يمهم قالت ياعيال ابيكم تعاونوني على القربه ابيكم تحطونه على ظهري
قالوا مايخالف وليتهم ماقالوه
يوم حطو القربه على ظهره وهي يجي اكا المقرود منهم وهو ياخذ طرف ثوبه من تحت وهو ينشبوه بالقربه
يامار بنت الحلال مانتبهت يوم قامت ومشت له مسافه وهي تحس انه مكشوفه من ورا
يامار الرجال ببيت الشعر يشوفونه هو يقوم اكا الرجل قال يابنت استري روحتس
قالت كان لوه رجال وهم يسترونوه
وهو يسمعون هالحتسي اخوانه وعيال عمه
وهي تثور الذبحه وهم يتذابحون بالبيت المهم وقع منهم قتلى ومن ضمن القتلى كان شعيب اخو خضير
وخضير كان غايب وهم يجون رجال الصلح ويصلحون بينهم يامار الي يعرفون ذباحوه يدفعون عنوه الديه
واللي مايعرفون ذباحوه يدفعون من عندهم الي يقدرون
ومن ضمن اللي مايعرفون ذباحينهم كان شعيب اخو خضير
المهم ان خضير رجع وعلموه بالسالفه وقالو ان اخوك شعيب مانعرف ذباحوه
قال خضير انا اعرف اللي ذبحوه قالو عين خير ياخضير انت ماحضرت الذبحه
قال خضير والله اني اعرف ذباح اخوي
"يامار فيه ناس يعرفهم خضير لوه خلاف معاهم وشك انهم هم ذباحين اخوه"
المهم ان خضير قرر ان ياخذ ثار اخوه شعيب وهو يروح لعيال عموه ينخاهم يبيهم يفزعون معوه
وهو يعيون قال ياخضير انت ماعندك اثبات عليهم مار اقبل الديه وعين خير
وهو يزعل عليهم خضير "وقصد بهم قصيده يسبهم مار ماعرفه"
المهم ان خضير مشى عليهم لحالوه وسبحان الله وهو ينصروه الله عليهم وياخذ ثاروه ويذبح من يذبح منهم
يقولون يوم رجع خضير لبيتوه بالليل اليامار مستانس وهو يجلس يحمس القهوه بالمحماسه
اليامار من زود الوناسه مانتبه ليدوه وهو يحرق يدوه بالمحماسه
يقول خضير:
البارحه ياشعيل ياحيـل ابـا الحيـل=والعين عـن نـوم المخاليـق فـره
لا غملجـة لاكـن فيهـا سمالـيـل=والـلا النويفـج لايعـه عقـب ذره
من الهجس والهاجوس والعدل والميل=وقالـت مالـي بـه بلتنـي بشـره
لاجن نجـوم الليـل مثـل القناديـل=واكهب على الميزان نجـم المجـره
غديت مثـل مـدوه الرجـم بالليـل=دليـل قــوم ضيعـتـه المـغـره
ولاضاق صدري قمت احوف المعاميل=وكيس الشقيـري فاتحيـن مصـره
ودنيت محماس وكفـي خـذا ميـل=بريـة مـن سـوق صنعـاء مقـره
ياماحـلا صبـه بربـط الفناجـيـل=دولابـةٍ كـنـك بسـلـك تـجـره
وشربت مـن بكـره ثلاثـة فناجيـل=وخذيت مـن زيـن الغلاويـن جـره
مزيـت مايكـوي قلـوب المغاليـل=لـو ان شربـه ماذكـر بـه مسـره
احد عشـاه البـر ومفطـح الحيـل=واحد عصيـده يلعـط الكبـد حـره
واحـد يلاعـب لابسـات الخلاخيـل=واحـدٍ عجـوز ذاق منهـا المضـره
يالله تعدلهـا عـن الضلـع والميـل=ولا تميلهـا علـى النـاس مــره
يقولون عقبه ان خضير زعل على عيال عموه وانتزح للجزيره يوم هو يقول:
عديت راس الرجم وارمي بالاصوات=واطارد الصرح الممرد مـع البيـد
يابو جري ربعي مع الربع الاموات=رجايهم راجـاي مـوت الاكاريـد
الشخب ماينكس لضرعه الى فـات=والسيل مايضـرب طريقـه تسانيـد
وعقبه نهج لعبد الكريم الجربا يوم يمدحوه بالقصيده المشهوره ومايحتاج ذكره لانه معروفه
يوم هو يقول باوله:
ياشيخ انا جيتك على الفطر الشيب=قزان مـن دار المحبيـن دبـاب
وعقبه انتزح للاكراد وقاصرهم وعشق وحده من بناتهم وذكره بقصيده طويله
يوم بغى يرجع يقول به:
ياصاحبي مامن نصيبٍ يرجوين=لابالشباب ولابعد عارضي شاب
وديارنا عن دار الاكراد ناحين=كلٍ تنحر دار حيـه والاقـراب
ذكرنا نبذه من كل قصيده عشان مانضيق على الموضوع واللي يبيهن كاملاه حنا حاضرين
اسمحو لنا على القصور