المساعد الشخصي الرقمي

مشاهدة النسخة كاملة : هنا قصائد ( شمّر )



بتول آل علي
27-05-2006, 00:49
دعونا نفتح المجال هنا

لجمع القصائد التي قيلت في ( شمّر )

لتكون مرجعا لكل باحث عنها

بالمناسبة

أتمنى تلافي كل قصيدة غير معروف شاعرها

أو كُتبت باسم مستعار لغير الإناث

.


أختكم

الدهور

بتول آل علي
27-05-2006, 00:51
( شـ مّـ ر )

لـ / ضحوي الأسلمي

هنا

http://www.shmmr.net/vb/showthread.php?t=37890


الليله.. هذي.. غير عن.. كل ليله
..................................... ودي أولعها.. قصيد.. ومثايل


بسوق شعري ..وأمتدح لي قبيله
........................... شمر هل الطولات ..وأهل.. الفعايل


ياربعي ..اللي صيتكم.. ينثي له
.............. ................هذا الدهر ..وإن مر.. ذكر القبايل


هزيتوا ..الكون الرحيب ..وهويله
.............................فيما سبق.. يامسويين ..الهوايل


والغيم طاريكم.. غصب.. ينحني له
.........................ينزل معاه.. سهيل.. بالكف ..شايل


مدة يديكم ..دوم.. ماهي.. بخيله
..........................كن الصخا.. رجال.. وانتم.. سلايل


انتم معارك حرب.. ياهي.. طويله
.............................. انتم سوالف عز.. انتم جمايل


انتم نبات الطيب ..انتم حصيله
...........................انتم ..يامكثركم بوقت ..الصمايل


انتم.. على من عال ..نار وفتيله
...........................انتم حكايا مجد.. ترقى الطوايل


انتم زمان ٍ ..ماحصل فيه.. ميله
..........................مافيكم سنافي.. زمانه.. تمايل


تاريخكم باللي مضى ..من يشيله
.............................ثقيل.. لكن غير كل.. الثقايل


منهو جهلكم ..يالطنايا ..هبيله!!
....................وشلون يجهل ..في ..عيال الحمايل


ولو قيل نعم ونعم ..والله قليله
......................في واحد ٍ ربعه.. سناعيس حايل


لبيه.. ياحايل.. ومن ينتمي.. له
........................ياارض ٍ ..غلاها ملتوي بالنحايل


كل ٍ سمع فيه.. وتمنى.. يجي له
..................متشوق.. لسلمى ..واجا.. والنفايل


وكل شمري..بااطرافها ..ينعي له
.........................يكفيك لاجيته ..وشفت الدلايل


قبل الصياني ..ينطحك حب.. هيله
.........................ماصك بابه ..بالمسا.. والقوايل


يعطيك قبل انك تجي ..وتحكي له
...........................عمايله.. تاج بروس.. العمايل


أنا اشهد ان الجود ..نعمه فضيله
..................وحنا كسبنا الجود.. وزين الخصايل


لكن قبل ماانهي ..القصيد وجزيله!!
.................شوفوا بااخر بيت.. وش كنت قايل:


شمر قبيله؟؟.. إيييييييييه.. شمر قبيله
..........مثل القبايل؟؟.. لا.. لا.. غيررررر القبايل


.

بتول آل علي
27-05-2006, 00:59
هنا

دواس البراهيم

و ( شمّر خوالي كلهم باللقا كبار )

http://www.shmmr.net/vb/showthread.php?t=36920

سـلام منـي للزيـازم والاحــرار
سـلامً احلـى مـن مناظـر صلالـه
سـلام منـي للنشامـى والاخـيـار
اهل الكرم والطيـب واهـل الشكالـه
يالربع انا بذكر هل الصيـت والجـار
اهـل العلـوم الغانمـه فـي مقالـه
ولاهو قصورً ( بالقبايل ) هل الكـار
العـز يكسـى منهـو اللـي عنالـه
والحر يرفع هامته عـن هـل العـار
والا (( القبايـل )) تستحـق الجمالـه
بذكر (( تميم )) اللي لهم زين الاخبار
مـن عهـد جـدان النبـيّ وخوالـه
بذكر (( تميم )) اللي حمو در الاقطار
بأمر الـذي ينشـيء مناشـي خيالـه
بذكر (( تميم )) اللي لهم حلو الاذكار
الكامـل الله ثــم ربـعـي كمـالـه
حنا (( تميم )) اللي لنا عشق الاخطار
ناطـى علـى راس المعـادي عدالـه
ثم نزعج الصـوت الملبـي بالاكبـار
الله واكـبـر ثــم جــل جـلالـه
سبحان ربـي خالـق الجـن والنـار
ومفـرقً مابـيـن عـقـل وثمـالـه
حنـا هـل العقـل الملبـي بالاذكـار
مـدح النبـي نلنـاه حـب ودلالــه
وقت الخطر حنـا مجانيـن واشـرار
وحنا على المجنـي سيـوف وخبالـه
وحنا نفوق الجن لـو صـار ماصـار
نجلي همـوم اللـي نصانـا ظلالـه
وانا علـى قولـي معـرب يالاخيـار
لابد ما نصف الرجـل مـن خوالـه
(( شمر )) خوالي كلهم باللقى كبـار
اهـل الفعـول الشامخـات بجزالـه
من حد صنعاء ليـن تاصـل لسنجـار
انشد هل العرف وتعرف (( الطواله ))
صغيرهـم بالعـرف تلقـاه بيـطـار
وكبيرهـم بالـعـز يبـنـي جبـالـه
وختامها كان الفخر جـرم واضـرار
سجلني ( مجرم ) في سجل الظلالـه
تذهل سجلات الفخـر كـل الابصـار
قاله (( بن براهيـم )) بقـافً طرالـه


.

بتول آل علي
27-05-2006, 01:08
للشاعر / حماد الخريصي

.

أي والله وجهك تحتمي به طـنايا".........."من دور سالم لين يوم القيامــــه
وأنتم شيوخ الباديه ..والقرايــــــا".........."زيزوم زينين المحازم الزامـــــــــــه
أن ثار عج محصّنــات الســــبايـا".........."خيالكم يثني بتاللـــي الجهامـــــه
ياهلهلـن بالكون بيض الصبــــايا".........."كم شيخ قوم (ن) ماتهنــا بمرامـه
ثقال المراز وطيبين المـــــــــزايـا".........."الجود منكم يستمــــد الكـــرامـــه
كم أغتنت منكم يدين(ن)عــرايا"........." تصبح حفا وتمسي تسّيح أيدامـــه
مامثلكم يوم العطا بالعطايــــــــا".........."سحب تعافي من شكى من أسقامه
ماقلتها وشفي وراها العنـــــــايا".........."ويفداكم اللي مايثمـــن كلامـــــــه
الآّ أن لاصكت علي البرايـــــــــــا".........." أرجى فزعكم يافهود الزعامــــه
مثل السيوف اللي تحامي قفايا"........."لايفرح المبغض وولد الهـــلامــــه
واليوم كني في وساع الثنايــــا".........."أمرح خلا وأرقى براس العـــدامـه
مادام أنا بوجهك ولابه خفـــــايا ".........."وجيه الحرار ولا وجيــه النعـــامـه
يالمانعي حنت براس ضــــــمايا".........."بكار القصيد وصاحبتها الغتامـــه
مفلاه ياخالص فياض الحنـــــايا"........."اطلقت مقهوره وهجت أحيامـــــه
تبي عليكم من وفاها ووفايـــــا".........."حيث أنت ملفاها بساعة عزامــه
ياشيخ ياللي مالقيبك ردايـــا".........."ولا بساسك من حكوبه غشامــــه
خلايف صفوق المحزم دهــايا"........"ومثلك ورثها من خوال وعمــــــــامــه
وأنتم يابن شلال ربع قـــــصايا".........." نبراس مجد وراس ياشيخ هاــمه
عصا نبي الله لروس الحيـــايا".........."ترعابكم عوص النضا بالعــــــدامــه
عاداتكم ..ثنواتكم ..أن تعـــايا".........."وهداتكم ياراس ..هام... الشهامه
قبلي يقولونه رجال السرايــــا"........." شمر جزورن(ن) والسيافا سنامه

.

بتول آل علي
27-05-2006, 01:09
للشاعره / كبرياء شمرية

.

الصمت أبلغ من كثير الملامه @ @
اذا جرح قلبك عزيزٍ وغالي

الجرح يبرى بس جرح الكرامه @@
ما يندمل مهما تطول الليالي

قلته وانا ماني بزرقا اليمامه @@
لكن ورثته من عزيز الرجالي

ابوي رمزا لمرجله والشهامه @@
تشهد له الايام فأول وتالي

من سالف اجداده رفيع مقامه @@
وفي شمر المنسب ذياب العيالي

عدوهم يبشر بذل وندامه @@
وضيوفهم تبشر بنحر الجمالي

احفاد حاتم ماتجيهم رخامه @@
تاريخهم شامخ شموخ الجبالي

من اشجع الي يلبسون العمامه @@
ومن زود عزتهم يميل العقالي

من قابله يفرض عليه احترامه @@
متواضع وطيب وصدره شمالي

ربيت في حبه وطاعة كلامه @@
الصارم الحاني والاب المثالي

احب توجيهه واحب اهتمامه @@
ويالله عساي ارضيه في كل حالي

هو نور قلبي فالزمان وظلامه @@
وألقا معه دايم أجابة سؤالي

لو لاه ماصار لقصيدي علامه @@
ولابلغ في العين حد الكمالي

ولاصارت أثياب الاصاله وسامه @@
وأرضيتبه عمي وأبويه وخالي


.

بتول آل علي
27-05-2006, 01:11
للشاعر / رشيد العمير

.

هاض الخفوق وستنفر الشعر الأشواق
.......................................................والناطـق الرسمـي جـاب الخبايـا
جاب القصيد اللى لـه البـال تـواق
.....................................................وصفت حروف الشعر مثل السرايـا
عرق الضما ذكرتني بذكر الأشـواق
......................................................أللي لهـا فـي وسـط قلبـي بقايـا
ذكرتني حب لجـا وسـط الأعمـاق
...................................................وارسل على صدري سهـوم المنايـا
ياطيـر ياللـي بالجناحيـن خـفـاق
........................................................وصـل سلامـي وحملـه بالثنـايـا
ياطيـر عجـل لاتونـى بالخـفـاق
.........................................................اليـوم يومـك ماتفـيـد المطـايـا
ارحم غريـب دمعـه اليـوم دفـاق
....................................................من حر جمر موجسـه فـي حشايـا
هذي وصاتي طر بها عبـر الآفـاق
......................................................تحمل بهـا حبـي وصافـي التحايـا
لروضـة فيهـا عريبيـن الأعـراق
.......................................................نـاس غلاهـم سـاكـن بالحنـايـا
مر الرجال أللي بها طيب الأخـلاق
........................................................مداتهـم بالعسـر جـزل العطـايـا
وخص العضيد أللي له القلب يشتـاق
..................................................شوق الخلوج أللي تشـوف المطايـا
ونص الشمال وصبحه وقت الاشراق
.....................................................وسلـم علـى شمـر عيـال الطنايـا
وديار حاتم مرويـة حمـر الأعنـاق
.......................................................أفعالهـم باطيـب مـاهـي خفـايـا
يالله عسى وبل مـن المـزن دفـاق
.....................................................يمطر على سلمـى وجـا والقرايـا
وبل حقـوق يرتكـم مثـل الاطبـاق
..................................................وسط المخيـل أللـي تشـع السنايـا
أقولهـا والقلـب عاجـل بالاخفـاق
.......................................................وده يشـوف اليـوم ذيـك القـرايـا


.

بتول آل علي
27-05-2006, 01:17
و القصيدة الأشهر للشاعر / ناصر القحطاني

.


الشمس غابـت وكـل ٍ دوّر سراجـه
والشوق جمّر محـرّ الشـوق لاجمّـر

دام اتجاهـك شمـال مودعـك حاجـه
سلّم على حايـل وسلّـم علـى شمّـر

قدامك الخافـق اللـي ينشـد علاجـه
كنـه معلّـق علـى بـرزان ومسمّـر

وانت تعرف يا بعد حيي مـن تواجـه
بيضان الافعـال لامـن الزمـن سمّـر

ان ضاقوا أعنف من البحـر وامواجـه
وان راقو اركد من الخرمـان لا عمّـر

كم صيت بيت ٍ عتق في الباب مزلاجـه
وكم شيخ اماره قبـل تعيينـه مومـر

وكم حاتمـي ٍ تكفـيّ فلّـة احجاجـه
وش لون للضيف لو عن ساعده شمّر ؟

وان مـر تاريخهـم متلبـس ٍ تاجـه
كم عاشق ٍ كيّف وكـم حاسـد ٍ زمّـر

في جو ٍ اغلى على الرجلي الى داجـه
من ديرة السادس ومن ديـرة معمّـر

كنّه الا اهـدى لـه البـراق فجاجـه
خلت غرير ٍ ضحك ومن الخجل حمّـر

توارثـو حرثـه وتمتـيـر ديبـاجـه
ركابة الجيـب مـن ركابـة الضمّـر

الودّ لا غرس بدري صعـب مخراجـه
والله ولا الـذّ واحلـى منـه لا ثمّـر

ادخل على اللي تطوف البيت حجاجـه
من ناقص ٍ عند مـدح الغيـر يتذمّـر

والمدح لو كان في الرديـان للصاجـه
ويقال عمّر بلـد بالعـون مـا عمّـر

والذّم لـو زاد فـي الطيـب تولاجـه
لا احرق ولا اغرق ولا عمّر ولا دمّـر

ماني بمتحسب بشعـري علـى حاجـه
الا اني اروح مـا غنيـت فـي شمّـر


.

نسايم ليل
29-05-2006, 11:47
وقصيدة خليف الجهيلي وينها

شريف روما
29-05-2006, 12:54
تسلمين والله مجهود رائع الف شكر

نسايم ليل
الاخت بتول قالت خل نجمع ماقالت تجمع بروحه
يعني دوريها اذا لقيتيه حطيه اهنيه



تحياتي

أجا
29-05-2006, 17:36
بتول آل علي

(( الدهــــور ))


مجهود مميز

تسلم يمينك وماقصرتي

وننتظر الاخوان

بتول آل علي
30-05-2006, 22:59
الأخت الفاضلة
نسايم ليل


كما قلت و كما وضّح أخي الزقروطي
فالموضوع مفتوح للجميع ليضعوا فيه ما بدا لهم من قصائد قيلت في ( شمّر )
و ليس الموضوع مخصصا لي أنا فقط
كما أنني لم و لن أستطيع حصر كل ما قيل لوحدي

كل الشكر على اهتمامك



الدهور

بتول آل علي
30-05-2006, 22:59
أخي الفاضل
الزقروطي


كل الشكر لك أخي
و شكرا أكثر على توضيحك
لا عدمناك



الدهور

بتول آل علي
30-05-2006, 23:00
أخي الفاضل
أجا


الله يسلمك
و شكرا على التحفيز
لا عدمناك



الدهور

أم نــــــــــواف
01-06-2006, 01:09
ملف مميّز ودســــــــــم جداً غاليتي بتول

ملف فُتح ولن يكتمل " لو بقى من شمّر طفلٍ غرير " بإذن الله


شكرا لك على وفاءك


ولن يقصّر الأعضاء بمد يد المساعدة للإضافة ملفنا هذا :


كمشاركة منّي قصيدة الطنايا لشاعرنا الأخ

" فيصل الللويش " :


شمر ليامنه سمك عجهـا وثار
=نفرح ليامـن لولشـن الهلاهيـل
اليا زعلنا تمتلـي صدورنـا نـار
=واليا ضمينا ماروى كبودنا سيـل
واليا ركبنا ماتخرعنـا الاخطـار
=واليا جلسنـا مانخـاف المقابيـل
تصغر لنا وتشوفنا بعينهـا كبار
=واليا انتخينـا كالحـرار الابابيـل
واليا كبرنا بعينها صاروا صغـار
=قل لابرهه وشهو خذا بغزوة الفيل
لاعجعجت ثرنا لها عـج وغبـار
=وان دندنت موالها نزيـد ترتيـل
وان كشفت عن ساقها والقدم حار
=والله نقـط ارواحنـا كالمقاتـيـل
لادلهمت في ويلها نزيد iiالاصـرار
=جينا نزيد الويل في وسطها iiويـل
جينا وجنايزنا على ظهور iiالامهار
=رحنا وتركناهـا تجـر iiالمواويـل
حنا الطنايـا يامسوسـة iiالافكـار
=شامن لنا من يلبسـن الخلاخيـل
وقافاتنا عجزت تسولفها iiالاشعـار
=من كثرها ماله وصوف iiوتماثيـل
لو كان للطولات والمـوت iiتجـار
=تجارها حنا ولـو يطفـح iiالكيـل
حنا لها وحنا من اهلهـا iiليـادار
=مقضب رحاها ولولشن iiالقناديـل
وساع الطعون منومسينك iiيالاخبار
=كبار الصحون مدلهيـن المعاميـل
للقرم بعيون السناعيـس iiمقـدار
=والخرب ماله غير مس iiالمفاتيـل
واليا رفع راسه نقول أش iiيا****
=ناطا على خـده برجليننـا حيـل
حتى يعرف الحق ويسوق iiالاعذار
=حنا الطنايـا معقليـن iiالمهابيـل
قولوا لحاتم مابغيته تـرى iiصـار
=صرنا حواتم طي ذباحـة iiالخيـل
يشهد لنا ذيبٍ عوي فوق له iiغـار
=والموقده وتاريخنا وتشهد iiالعيـل
ماهو قصورٍ بالقبايـل iiوالاحـرار
=جيلٍ وساعه وكل ساعه لها iiجيـل
والحين زال الشر بسيوف iiالاخيار
=وصرنا لبوفيصل فهدنا iiرجاجيـل
يابجاد هات من الحطب واوقد النار
=واترك سناها يلمحه طرقي iiالليـل
يمكن يسير تالـي الليـل iiخطـار
=يلقى بياض الوجه يامذبح iiالحيـل
وانفخ لها خل جمرها منـه iiيغـار
=ثغر المهاة وغيبة الشمس iiوسهيل
زين لنا كيفٍ يونس هـل iiالكـار
=كيفٍ ينومس للسهـر iiوالتعاليـل
واياك تنسى زعفـرانٍ iiومسمـار
=والبن زين حمسته واطحن iiالهيـل
دقه بنجرٍ يسمعه ضيـفٍ iiوجـار
=نجرٍ يصوت للنشامـا iiالحلاحيـل
للكيف قرم ودله وجمـر iiوبهـار
=وعيال ماتتعب يديهـا iiالفناجيـل
عطها النشاما واختر لصبها iiقصار
=من شان ماترفع يديها iiالرجاجيـل
وصبه لاواليد الطنايـا iiوسنجـار
=شمر ليا عدوا قـروم iiومشاكيـل
شمر ليا منه سمك عجهـا iiوثـار
=نفرح ليامـن لولشـن iiالهلاهيـل
.

فالح الناهي
02-06-2006, 09:32
بسم الله



أنا من اللي عزهــم يشبه الشمس.. أحرار طي وعزوتي شمريه
نسمع بعال الصوت لو ننطق همس..والمدح ماهو بالطنايا خطيه
أمجادنا باليوم وأمجــــــــــادنا بأمس..ماهزته بعض النفوس الردية

ولايكفي ولكن..........

مساء الخيرر للجميع

واشكر اختي ( بتول آل علي ) على هذا المجهود

الرااائع

قرأة ماكتبتي

ولدي الكثير الكثير من القصائد التي قيلت في شمر

لي ولغيري وللبعيد وللقريب

ولكن حبيت اشارك في هذه القصيدة التي قيلت في أحد

إجتماعات عشائر قبيلة شمر كنت أصغر الحاضرين سناً ولكن قلتها يمكن لقافه أو لإنتمائي القوي والمتين لهذه القبيلة الشامخة والغاليه

اليكم القصيدة

...

...


سميت بأسم العزيز الباري=ربٍ بلوجات الضماير داري
وأستغفره عن كل ذنبٍ صبته=والذنب يفعل مثل فعل الضاري
ومن بعدها شعري تناشا مزنه=يسوقها جاشٍ سواة الذاري
شعرٍ نضمته من كنيني غالي=ماسيق لأطماع النفوس إجباري
لجل الرجال اللي لهم ماريه=لا جيب لعلوم المراجل طاري
شمر .. وشمر مثل نجمٍ مشرف=كم تايهٍ روّح بنجمه ساري
من قبل حاتم والكرم بدياره=وشمٍ على طيٍ وأهلها جاري
شمر هلي أهل الوفاء والشيمه=أهل العلوم اللي تقال جهاري
الأسلمي حلو النبا والملقا=أهل اللحيسه حي عزوة ضاري
أهل الحمية لازحم جانبهم=عز الذليل وسلوة الخطاري
ولاجيت لعلوم الكرم وسلومه=تلقا القصايد في ذرى سنجاري
ريف الضعيف اللي يعرف المنصا=كسّاية اللي من زمانه عاري
وعبده هل العز العزيز الشامخ=سيف ليا ناش المحاني فاري
كبود الزمل عبده هلي وربوعي=بهم أتعزوى وأفتخر وآماري
أقولها مكبور وأدري قاصر=عن علم شمر متعبين القاري
شبٍ ترعرع في كنايف عبده=شرهٍ على علم الطنا ويباري
شيٍ طغا والا الطنايا كله=رجالهم للجود كله شاري
وصلاة ربي عد حرفٍ يقرا=على رسول الله عزيز الجاري
وتمت بذكر الله عزيزٍ باري= ربٍ بلوجات الضماير داري



وسلامتكم

بتول آل علي
04-06-2006, 00:01
أختي الغالية جدا
أم نـــواف


شكرا على هذه الإضافة المميزة
و ( طنايا ) أبو طلال
تستحق أن تبروز هنا بالفعل

لا عدمنا هذا الحضور و التفاعل





الدهور

بتول آل علي
04-06-2006, 00:03
استاذي الراقي
فالح الناهي


شكرا للطيف كلماتك
...
مشاركتك هنا أثرت المكان
فلا تحرمنا بكل جديد .. !!!

فلا غنى لنا عنه

.






أنا من اللي عزهــم يشبه الشمس.. أحرار طي وعزوتي شمريه
نسمع بعال الصوت لو ننطق همس..والمدح ماهو بالطنايا خطيه
أمجادنا باليوم وأمجــــــــــادنا بأمس..ماهزته بعض النفوس الردية

.

مدهش





الدهور

مشــــعل
04-06-2006, 13:48
يعطيتس العافيه يابتول

فكره اكثر من رائعه

وانشالله لنا رجعه

سلمتي اختي

السرعوفي
04-06-2006, 14:58
شكرا اختي الدهور , فكرة رائعه تحياتي للجميع ... !!!

نايف الجهيلي
05-06-2006, 01:48
اختـــــــــــي / بتـــــــــــــــــــــــــول ,,,,

يعطيك العافيه على هالمجهود المتميز والافكار الرائعه

ولا هنتي ,,

ان شاء الله ان هالفكره في استجواب سريع من الكل ويعطيك العافيه مره ثااااانيه..

تحيـــــــــــــــــــــاتي ,,

احـمد الـطـرقي
05-06-2006, 07:32
يعطيك العافيه شاعرتنا الراقيه بتول


مجهووود رائع


منك ومن الاخوه


تحياتي

اخوكم
احمد الطرقي

بشير اللويش
08-06-2006, 23:09
....

..


لله درك يافالح الناهي

أنا من اللي عزهــم يشبه الشمس.. أحرار طي وعزوتي شمريه
نسمع بعال الصوت لو ننطق همس..والمدح ماهو بالطنايا خطيه
أمجادنا باليوم وأمجــــــــــادنا بأمس..ماهزته بعض النفوس الردية


....

..


وشكرا لك يابتول


الراسي

بتول آل علي
11-06-2006, 23:42
للشاعر / مبارك الشوباش الشمري


يادارنا جيناك بالوزن الثقيل= وصبيان شمر خابرين افعالها

شمر حماة الدار بالسيف الصقيل=ومشغول ابن ليلى سلاح قتالها

ياجت تهزع والسعد معها يميل =والعز لو هو بالكواكب فالها

تاتي مداريعٍ جحافلها تهيل = ومثل النيازك بالدجا سلالها

الياركبنا الخيل تسمع له صهيل = تشدا شواحيف بموج شالها

يكفيك زيد الخيل منا يا هبيل=والا الجنايز فوق شهب اذيالها

حنا ذرا المظهود يا جا والدخيل= وعين الحريب النوم مايهنى لها

وعند القبايل قدرنا ما هو قليل= دام الكرم والجود منا جالها

وعاداتنا دك المعاند والقبيل =وضرب يدن الموت دون جبالها

لعيون من قرنه مثل ذيل الأصيل =مثل الدرق صكوا عليك اشبالها

ومنا صلاة ما لمع برق بليل= على بشير الخير ختم رسالها

بتول آل علي
11-06-2006, 23:43
الأخوة الأحبه


مشعل الغفيلي
السرعوفي
نايف الجهيلي
أحمد الطرقي
بشير اللويش



لكم الشكر ... و الورد ... !

وجودكم حافز لابد منه




أختكم
الدهور

هاني العجل
20-06-2006, 09:26
مرحبا بتول .. الف شكر لنقاء قلبك .. يعطيك العافيه




بصراحه انا كان ودي ارد على الموضوع من بدايته بس شفت الأغلبيه عكس رأيي وفضلت الصمت واليوم احس انه صار لازم اقول وجه نظر بسيطه اتمنى ان تتسع لها الصدور ... ( ليسى كذلك ما أردتم )



اتمنى ان لا اطلب للعوده هنا بخصوص هذا الرد .. .. اما شمر فهي انفاسي



.

.

هايس الشمري
20-06-2006, 19:45
الدهور





فكرة جميلة





سلمت و دمت



هذه من القصائد الرائعة لشاعرنا / مشعل العبدالله



ويـن حيـلك يا قصيـدي ؟ / وين عـزمـك يالخيـال ؟!!= جاك عـّـز ٍ قد طلبـته / سلسلة /ثم سلسلة

~

فـلّ سبحات القصايد / فـلّ سبحات المـحـُـال= و(دوك) تاريخ الطنايا / ويل منهو يجهلــه ..!!

~

دوك تاريخ ٍ تسيــّـد / للمعـّزة / والرجـال= ودوك فعل ٍ ما يبـاعـد / عن دروب المرجلــة

~

طبعنا نرقـى معـزّه / ثم نشـرب بالدلال= بــُن عـز / وبــُـن صيـت / ولا ارتوينـا ( فنجلــه )

~

من يبيـنا له مشينا / ومن نخانا ما ينال= غيـر كلمـة جاااك كلـّـي / وغيـر كلمـة (ازهلــه)

~

ولو يمـيـل الـدرب عنـّـا / كل ميـله ( بالعقـــال )= شمـّـريّ ٍ ما يهــزّه / هـزّ كون ٍ بأكملـه

~

مجدنا يبـقى زلال ٍ / في زلال ٍ / في زلال= وإن أمرنـا صار فعل ٍ زلـزلــه / ثم زلزلــه

~

إن ( طنينا ) ما رضينـا / بأي قول وبأي حااال= نمشي بفووق السحايب / ما مشينا بأسفله

~

وإن عطينا بكفّ يمنى / ما درت كـف ّ الشمال= ما اصعبـه لامن طلبنا / ولا عطينا ما اسهله

~

لالمحنا زول طرقي / فــزّ قـلب / وزااان بـــال= ماعرفنــا وين دربـه / و(استحيـنا) نسألـــه

~

المـهم إنـّـه يقـرّب / ثم يبشـر بالجزااال= يا هلا بـه عد فعل ٍ / لا نخاااانا نفعلـــه

~

ولو لقى طفل ٍ بشمـّـر / يملكه نفس السؤال= كيف طفل ٍ في سنينه / ما يمـلّ المسهله ؟!!

~

طيبنا يومه وصلنا / هو تشرّف بالوصـال= بالكـرم نخجـل كريــم ٍ / لا عطيــنا نخجــلــه

~

من سنـد يمنـاااه (شمـّـر) / ينتظر لـه طيـب فــال= ومن عطـى للصـد (وجــِـهـَـه) ماعلينا نهملـه ..!!

~

اسأل التاريخ عنــّـا / واسأل ظهــور الليــال= واسأل الخيـل الأصايل / عن عـزوم ٍ تصهلــه

~

مانهاب اقصى الصعايب / لارقيــنا للجبــــال= وإن بغيــنا شي ناصل / بإذن ربـّـي يجعــله

~

لو يجيــنا المووت صرنا / إمتثــال ٍ / في امتثـــال= ما نخاف ولا نعــود / ولا نعـيش بمهـزلــه

~

مالها الاّ يدينـا / لا انثنـت رووس الحبــال= في بحرنـا / كل ميــل ٍ / بالحشيـمه نغـسـلــه

~

شف أثرنا يوم رحنـا ما يخااالف للعـــدال= وننهـل علوم ٍ أصايــل / لا بغيــنا ننهــلـــه

~

ومايلااام اللي تفـاخــر بالطنايـــــا / والرجـــال= دامهـم عـزّ ومعــزّه / وهم أساس المرجلــه


مشعل العبـدالله

نايف الجهيلي
22-06-2006, 10:59
اختــــــــي / بتـــــــــــــول ... بعد الشكر والتحية , وفي هذه المناسبة الغالية علينا ,, احببت

المشاركة في هذة الفكرة الجميلة والاكثر من رائعة .. بقصيدة من القصائد الجميلة :

بــــ ( شمــــر ) وهي لأخي الشاعر / نواف الجهيلي.. وأتمنى أن تنال على أعجابكم,,ورضائكم،، حيث يقول:


الا يالله يالـوالــــي الا يا عــالمـن بالـغيـــــــــــب ## الا ياجـاعـــل جـيـوشــه عقب مهـــــزام منتصـــره

بعـــد ذكـــر الولــي ربـي أرد لنـاشــدي واجيــب ## اذا هـــو جـاهـلـن فــعـل الطنـايا (دوك) مختصـــره

انا ربعــي كبار صحــون وساع طعــون كله طيـب ## (ولوا) بسيـوفهم نـجد(ن) وسيـف الغيـر يا قصــره

رقاه العـــيط اخـو جـوزاء ومن ذيبــن تروح لذيـــب ## شيخــن كان حاميــها زمـانن ما خفـى عصـــــره

ويوم شانت لهم نجد(ن)جفوها محاربين العـيب ## وعقب نجد (ن) بعد شاخوا جهة الشام والبصـره

وحكـم منــا صنــاديد الرشيـــد ولا بهـم تكـــذيـب ## حــوال القـــرن ســادوا به ولا حاكـم زحم قصــره

تناخــت دونهـم كـل القبــايل طامـع (ن)ومـجيــب ## ولا فـادة بيـــارقـهـم كـسـرهــم وأعتـــلا نصــــره

وعــدوان(ن) هو القـايد بضفــراء يـوم جتنـا النيـب ## تبــي ترعـى مراعينـا حماهـا صبحهـا وعصــــره

وضــاري راعـي الفـزعات والنـخـوات والتـوجيــــب ## حمو سلمى حمو سلمى أقول القول وأختصـره

بنـا حـكـام وشيـوخن نسبهـم ما دخلـه الريـــــب ## دوام الـحـال مـحالـي وراع العـــــرف يا بصــــــره

وكـم من شيـخ (نجدعبه)ودمـه من بغاه ايشيـب ## وكــم من كـون فـزنا به كـثير(ن) ما حـد يحصـره

شـهد لـفعالـنا عـدانا جـمعنــا الـعنف والتـرحيــب ## نـعز الـخوي ونراعــي حقــوق الضيـف والقصــره

سـلالة حـاتـم(ن) حنـا شـربنـا مـجدنـا الـعجيــب ## وصـعـب الـعين للـحاجــب تعـلى لو ثنـى خصـره

وحـدها مـوحـدها كــلام(ن) ما يبــي تـعقيــــــب ## ونـعم(ن) باهـل الـعـوجا تـــــذل الـضـد وتـحصـــره

قصـدته وانا هـضبــاوي نعـــذب خيلنـا تـعـذيــــــب ## ســودان الـروس سيـــافا .. نهجـر الذل ونخصـره

وصــلاة الله علــى محمـد شفيـع الامـه الحبيــب ## عـدد جيش العـرب كله.. خليـج وشامـه ومصـره


ووووســــــــــلامـتـكــم...

للشـــاعــر / نـــواف الجهيـــلـي...

ابن هذيل
22-06-2006, 12:48
قصيده للشاعر رشيد نهير العمودي الشمري

ياخليف حدتني على بعض الأوضاع ..$.. ناسٍ تمس الحبـل مـن فـوق يدهـا

ناسٍ من النعمـة محاميـل وشبـاع ..$.. وليـا سمعـت علومـهـا تنتقـدهـا

ناسٍ على راسـه معمـه ومركـاع ..$.. تبي المغازي مـار ربـك ضهدهـا

ناسٍ تناجينـا علـى زنـد وكـراع ..$..عجزت أعرف أحوالها من حسدهـا

ناسٍ كلت سبـع المذاكيـر بالصـاع ..$.. مـدري شعـاه بليـس والا ولدهـا

وعديت عنهم يالجهيلـي بالأصبـاع ..$.. يامـا وقفـت بنمـرةٍ مـا بعـدهـا

وانا طبيب وعـارفٍ كـل الأوجـاع ..$..عارف عمى عين المريض ورمدهـا

عندي خرز داب ومصبـة ومقـلاع ..$.. وأكوي مريض الرأس وأقول عدهـا

وأقرأ واحجم عن السبب خمسة أنواع ..$.. وأنفخ بقـروه والمريـض يحمدهـا

وان طولت أقف لها واضرب القـاع ..$.. يا مـا يعـوم غبارهـا مـع زبدهـا

وأنا من اللي يـا تناخـوا بالأفـزاع ..$.. هاضت صناديد العرب مـن زهدهـا

شمر ليا شان اللغـى والدخـن ثـاع ..$.. روس الحـرار تعدهـا وتهبـدهـا

شمر ودايع نجد شمـر هـل البـاع ..$.. شمر هل النامـوس شمـر وحدهـا

شمر هـل الـردات ياخليـف بتـاع ..$.. شمر حمول الخيـل شمـر سندهـا

شمر ليا قالوا زعيم العـرب ضـاع ..$.. كـل الدلايـل تاخـذه مـن ولدهـا

شمر هل الجولات يا صكـت القـاع ..$.. شمر تعـدل المايلـه مـن سعدهـا

شمر طعونه تقصف العمر ووسـاع ..$.. يا جـردت بسيوفهـا مـن غمدهـا

شمر على دور النبي ذكرهـم شـاع ..$.. صالوا وجالوا واحتموا عـن بلدهـا

شمر ليا صكوا على القـوم مطـلاع ..$..كم من زعيـمٍ سابقـه مـن لكدهـا

شمر زهـو زهيـد للمـوت قطـاع ..$.. شمر تمس مـن العـوارف عقدهـا

شمر تقود القوم مع كـل الأوسـاع ..$.. شمـر تشـب بنارهـا مـن وقدهـا

شمر زحازيح الجبـل مابـه اسـاع ..$.. شمر هل الجـولات يثبـت عددهـا

شمر خلف عقبان وصقـور وسبـاع ..$..شمـر تدلـه بالمـعـادي كـردهـا

شمـر طنايـا طرفـة العمـر بيـاع ..$.. شمـر تخـز عقابهـا مـن لبدهـا

شمر ليا دكت علـى القـوم تنـزاع ..$.. شمـر سلايـل لابـةٍ مـا بعـدهـا

شمر تعلـت يـوم شالـع وشـلاع ..$.. شمـر تبـث زروعهـا وتحصدهـا

شمر ليا هـاز الوطـن كـل طمـاع ..$.. شمـر رواق البيـت شمـر عمدهـا

شمر هل الفزعـة مغاويـر الإبـداع ..$..شمر بهـا التاريـخ قـال وحمدهـا

شمر ليا منـه غـدا السيـف لمـاع ..$..والرمـح والشلفـاء تـدور بجندهـا

يصير لـه بالقيـض جنـة ومربـاع ..$..وكنـه تسـاوق بالسحايـب رعـدها

شمر مكارمهم جزيـلات ووسـاع ..$.. شمر مقر الكيف لـه مـن شهدهـا

شمر خبرها الذيب والذيب ما جـاع ..$..واللـي ذبـح للذيـب وفّـا وعدهـا

هـل الربـاع مزبنـة كـل مرتـاع ..$.. اللي تصون سلومهـا مـن جهدهـا

يا خليف شمـر عايزيـنٍ بالأزمـاع ..$.. ياخليف شمـر خاسـرٍ مـن نقدهـا

وإسلم سلمت من الملامهوالأوجـاع ..$.. يا شاعـرٍ روس المعالـي صعدهـا

نافع بن طواله
25-06-2006, 01:31
الدهور


لاتلوميني أقول الدهور لأني قديم حيل ومن زمان مادخلت




على العموم ألف ألف شكر على هذا الجهد


وبخصوص المشاركه لا يحضرني غير هذين البيتين اليتيمين على حد علمي ولا أعلم قائلهما




الشمري شبرك عن شبره قصر %% ياناشد ٍ عن شمر ٍ وأفعالها
الشمري نجم ٍ على راسك حدر %% نجم ٍ يهدّم عاليات جبالها

بتول آل علي
25-06-2006, 02:45
مرحبا بتول .. الف شكر لنقاء قلبك .. يعطيك العافيه




بصراحه انا كان ودي ارد على الموضوع من بدايته بس شفت الأغلبيه عكس رأيي وفضلت الصمت واليوم احس انه صار لازم اقول وجه نظر بسيطه اتمنى ان تتسع لها الصدور ... ( ليسى كذلك ما أردتم )



اتمنى ان لا اطلب للعوده هنا بخصوص هذا الرد .. .. اما شمر فهي انفاسي



.

.



إلا مطــــلوب للعــداله :)

فأنا شخصيا ما فهمت قصدك ... !!!!

.

لكني على ثقة أن النقاء يسكنكم جميعا



لك الشكر

الدهور

بتول آل علي
25-06-2006, 02:49
الأحبه الأوفياء


هايس الشمري
نايف الجهيلي
هذيل
نافع بن طواله



كل الشكر لما أتحفتمونا به
و لكم خالص الود




أختكم
الدهور

خالد ابو الوليد
25-06-2006, 04:34
الفاضلة بتول الف شكر على الفكرة ولاكن لماذا توقفو الاخوان عن المشاركة القصايد كثيرة ومن يحفضها كثير .... ارجو من الاخوه اكمال مسيرت بتولنا الفاضلة انا سوف اشارك في قصيدة المرحوم منصور الرمالي لاني حافضها كلها ... سوف تكون المشاركة القادمة دمتم بخير

بتول آل علي
25-06-2006, 23:04
أخي الفاضل
خالد أبو الوليد


شكرا لهذا التفاعل
و بانتظار قصيدتك الموعوده

و مشاركات بقية الأعضاء



أختكم
الدهور

ابن هذيل
28-06-2006, 14:04
السلام عليكم ورحمة الله وبركاته

..

هذه قصيده في غاية الروعه للشاعر الكبير وشاعر القلطه المعروف // ذيب العمودي الشمري .





يا لايمـن ذيـب بولائـه لشمّـر
انا اشهد انك من حساب المطافيق
شمر غلاهم داخـل القلـب ثمّـر
يسري ويجري في عروق المعاليق
يا لايمـي فـي جابتـك لاتطمّـر
عطني مجال اعطيك للعلم تصديق
ترى هجن شمـر تلقـب بضمّـر
من زود ما تقطع بعيد الطواريـق
عدوهـم يقفـي فـؤاده مسمّـر
شمر مفاتيح الفرج ساعة الضيق
كم عرش حاكم من سببهم تدمّـر
خلوا على قبره تنـوح القرانيـق
لاهازهم راعي الضمير المجمّـر
ينساق لو هو بالصعيبات ما سيق
وأمارهم ما صاحبوا مـن تومّـر
يوم السعد قدامهم لـه تشاعيـق
(( ولو تستعاد امجادهـا وتعمّـر
ردي شمر قدوتـن للمخاليـق ))
يا لايمـي كـف القـاء لاتنمّـر
مالك على ماضي التواريخ تعليق
منقول....................

الأنيق
29-06-2006, 23:32
مشكوره اختي بتول العلي على الكم الهائل من القصائد.
ولد السيافا

عنزي خواله شمر
30-06-2006, 06:38
السلااااام عليكم

الليـلـه.. هـــذي.. غـيــر عـــن.. كـــل لـيـلـه
..................................... ودي أولعها.. قصيد.. ومثايل
بـســوق شـعــري ..وأمــتــدح لــــي قـبـيـلـه
........................... شمر هل الطولات ..وأهـل.. الفعايـل
يـاربـعـي ..الــلــي صـيـتـكـم.. يـنـثــي لــــه
.............. ................هذا الدهر ..وإن مر.. ذكر القبايـل
هـزيـتــوا ..الــكــون الـرحــيــب ..وهـويــلــه
.............................فيما سبـق.. يامسوييـن ..الهوايـل
والـغـيـم طـاريـكـم.. غـصــب.. يـنـحـنـي لــــه
.........................ينزل معاه.. سهيـل.. بالكـف ..شايـل
مــــدة يـديـكــم ..دوم.. مــاهـــي.. بـخـيـلــه
..........................كن الصخا.. رجـال.. وانتـم.. سلايـل
انـتــم مـعــارك حــــرب.. يــاهــي.. طـويـلــه
.............................. انتم سوالف عـز.. انتـم جمايـل
انـتــم نــبــات الـطـيــب ..انــتــم حـصـيـلـه
...........................انتـم ..يامكثركـم بوقـت ..الصمايـل
انـتــم.. عـلــى مـــن عـــال ..نـــار وفتـيـلـه
...........................انتم حكايـا مجـد.. ترقـى الطوايـل
انـتــم زمـــان ٍ ..مـاحـصــل فــيــه.. مـيـلــه
..........................مافيكـم سنافـي.. زمانـه.. تمـايـل
تاريـخـكـم بـالـلـي مــضــى ..مــــن يـشـيـلـه
.............................ثقيـل.. لكـن غيـر كـل.. الثقايـل
مـنـهــو جـهـلـكـم ..يـالـطـنـايـا ..هـبـيـلــه!!
....................وشلـون يجهـل ..فـي ..عيـال الحمـايـل
ولـــو قــيــل نــعــم ونــعــم ..والله قـلـيـلـه
......................فـي واحـد ٍ ربعـه.. سناعيـس حـايـل
لـبـيـه.. يـاحـايـل.. ومــــن يـنـتـمـي.. لــــه
........................يـاارض ٍ ..غلاهـا ملتـوي بالنحـايـل
كـــل ٍ سـمــع فـيــه.. وتـمـنـى.. يـجــي لـــه
..................متشـوق.. لسلـمـى ..واجــا.. والنفـايـل
وكــــل شمري..بـااطـرافـهـا ..يـنــعــي لـــــه
.........................يكفيـك لاجيتـه ..وشـفـت الـدلايـل
قـبــل الصـيـانـي ..ينـطـحـك حــــب.. هـيـلــه
.........................ماصـك بابـه ..بالمسـا.. والقـوايـل
يعـطـيـك قـبــل انـــك تـجــي ..وتـحـكـي لـــه
...........................عمايلـه.. تـاج بـروس.. العمـايـل
أنـــا اشـهــد ان الــجــود ..نـعـمــه فـضـيـلـه
..................وحنـا كسبنـا الجـود.. وزيــن الخصـايـل
لـكــن قـبــل مـاانـهـي ..الـقـصـيـد وجـزيـلــه!!
.................شوفـوا بااخـر بـيـت.. وش كـنـت قـايـل:
شـمــر قبـيـلـه؟؟.. إيييييييـيـيـه.. شـمــر قبـيـلـه
..........مـثـل القبـايـل؟؟.. لا.. لا.. غـيـررررر القبـايـل


رابط الموضوع الاصلي
http://www.shmmr.net/vb/showthread.php?t=38471

قديم الشوق
30-06-2006, 19:36
أختي الغالية / الدهور ..

مساء الخير

وألف شكر على هذا الموضوع الجميل والرائع

ومن يعرف شمّر ورجال شمر يعتبر أن ماقيل فيهم _ ولو كثر _قليل بحقهم

فهم والله نعم الرجال وتاريخهم بمافيه ماضيهم وحاضرهم أكبر من أن يسطّر في قصائد

ولكن لي ملحوظتين على الموضوع :

الملحوظة الأولى تتعلق بطلبك استبعاد القصائد التي ذيلت بأسماء مستعارة

ولا أدري مالهدف !!

فالموضوع موضوع مدح قبيلة عريقة كـ شمّر فما الفرق أن يمدحها شاعر معروف أوشاعر غير معروف

بل على العكس فقد لايعرف هذا الشاعر إلا من خلال هذه القصيدة

فمدح قبيلة كـ شمّر هو الذي يضيف للشاعر ولن يضيف لها الشاعر شيئا ً سواء كان معروفا ً أم لا

فتاريخ القبيلة العريق وأيامها وأخبارها أكبر من أي شاعر

ولكن تمنيت أن لم أشاهد هذا الاستثناء الذي جعل الشعراء أصحاب الاسماء المستعارة بالنسبة لغيرهم

( كاليهود بالنسبة للنازيين !!)

الملحوظة الثانية تتعلق بقصيدة الشاعر المبدع / ناصر القحطاني

وبالتحديد هذا البيت :

كم صيت بيت ٍ عتق في الباب مزالجـه
وكم شيخ اماره قبـل تعيينـه مومـر

فقد ورد به خطأ مطبعي في قافيته الأولى

والصحيح :

كم صيت بيت ٍ عتق في الباب (مزلاجه)
وكم شيخ اماره قبـل تعيينـه مومـر

كذلك هناك خطأ غير مقصود في قصيدة الشاعر / فالح الناهي

وبالتحديد في هذا البيت :

وأستغره عن كل ذنـبٍ صبتـه
والذنب يفعل مثل فعل الضـاري

والصحيح كما هو معلوم :

(وأستغفره) عن كل ذنـبٍ صبتـه
والذنب يفعل مثل فعل الضـاري

وللجميع خالص تحياتي وتقديري


قديم الشوق

بتول آل علي
30-06-2006, 22:46
الأخوة الأفاضل


هذيل
الأنيق
عنزي


شكرا لكم هذا التفاعل و التشجيع
لا عدمنا تواجدكم الراقي


.


أخي الفاضل

قديم الشوق


بالنسبة للأخطاء الإملائية فشكرا على التنبيه
و سأقوم بتصحيحها بإذن الله

أما بالنسبة للأسماء المستعارة
فنحن لم نمنع الكتابة بأسماء مستعارة في المنتدى بالرغم من
محاولاتنا للكتابة بالأسماء الصريحه .

و لكن في هذا الموضوع بالذات لم أستثني الأسماء المستعارة
إلا لهدف قد يكون عرفه البعض و قد يكون خفي عن البعض الآخر ...!!!

فهذا الموضوع ليس للتقييم و إنما هو موضوع أقرب ما يكون للتوثيق
و الأسماء المستعارة لا تجتمع و التوثيق في قالب واحد و ذلك حفظا للحقوق
خصوصا أننا على الشبكة العنكبوتية نفتقر لمقوّمات حفظ الحقوق
فأقلها .... أن نحفظها باسمها الحقيقي ... !!!

و هذا هو هدفي الوحيد و قد خصصت به هذا الموضوع بالذات دون سواه
لأنه كما ذكرت موضوع توثيقي


شكرا على تفاعلك الراقي



الدهور

قديم الشوق
01-07-2006, 02:01
الأخوة الأفاضل


هذيل
الأنيق
عنزي


شكرا لكم هذا التفاعل و التشجيع
لا عدمنا تواجدكم الراقي


.


أخي الفاضل

قديم الشوق


بالنسبة للأخطاء الإملائية فشكرا على التنبيه
و سأقوم بتصحيحها بإذن الله

أما بالنسبة للأسماء المستعارة
فنحن لم نمنع الكتابة بأسماء مستعارة في المنتدى بالرغم من
محاولاتنا للكتابة بالأسماء الصريحه .

و لكن في هذا الموضوع بالذات لم أستثني الأسماء المستعارة
إلا لهدف قد يكون عرفه البعض و قد يكون خفي عن البعض الآخر ...!!!

فهذا الموضوع ليس للتقييم و إنما هو موضوع أقرب ما يكون للتوثيق
و الأسماء المستعارة لا تجتمع و التوثيق في قالب واحد و ذلك حفظا للحقوق
خصوصا أننا على الشبكة العنكبوتية نفتقر لمقوّمات حفظ الحقوق
فأقلها .... أن نحفظها باسمها الحقيقي ... !!!

و هذا هو هدفي الوحيد و قد خصصت به هذا الموضوع بالذات دون سواه
لأنه كما ذكرت موضوع توثيقي


شكرا على تفاعلك الراقي



الدهور

أختي الكريمة / الدهور

من قال لك أختي الفاضلة أن الاسماء المستعارة غير موثقة !!

فأنا مثلا ً موثق اسمي لدى وزارة الثقافة والاعلام بالمملكة العربية السعودية

ولدي مايثبت ذلك مسجلا ً في أوراق رسمية

وقد يكون البعض مثلي في ذلك

ولكن سامحك الله

وتقبلي خالص تحياتي

قديم الشوق

بتول آل علي
02-07-2006, 22:16
نعم أخي الفاضل

قديم الشوق


فليسامحني الله فجلّ ما أردته هو حفظ حقوقكم ... !!

و عذرا لكل من أساء فهم مقصدي و أوّله حسبما يرى

و لن أجادل حول ذلك أكثر فـ " إنما الأعمال بالنيّات "



الدهور

عمر خريص
05-07-2006, 01:59
اختنا الرائعة جدا الشاعرة بتول (الدهور)
فكرتك الرائعة توثق لهذا التراث الجميل في بابه هذا
واقول .. ونعم الفكرة ومن فكر واقدم عليها
هكذا مثلما اعهدناك متألقة في كل ماتقومين به .. وفقك الله ورعاك

بتول آل علي
06-07-2006, 22:18
أخي الفاضل
عمر خريص


هذا الاسم ليس غريبا عليّ البته ...!!!
فإن كان من أعرف ... فهنيئا لنـا قبل أن أقول مرحــبا به ... !!!

و إن كان الأمر مجرد تشابه أسماء ...
فمرحبــا بك أيضا، و وجودك شرف في كلتا الحالتين


شكرا لنبل مشاعرك أيها الوافي


أختك
الدهور

بتول آل علي
06-07-2006, 22:18
عسا الحيا يسقي جوانب ارميثـان
عسا المطر يسقيه من كـل غيمـه
عدن الشمر حاميه شقـح الالـوان
أهل الوفاء وهل اليديـن الكريمـه
تاريخهم يرفع علىروس الازمـان
يوم القتال أو يوم هـاك الهزيمـه
يوم الحصان ويوم غيبات الأذهـان
ويوم الشداد أيمس من فوق ريمـه
قصيرهم يرقا علـى راس مابـان
يوم القصير الـه مقامـن وقيمـه
قصيرهم عشرين عـام الـي الآن
في وسط شمر كاسبيـن الغنيمـه
نرعا زماليق الحيـا كـل ميـدان
الجار شمر مـا تحـب الظليمـه
العازمي يرفع لهـم كـل نيشـان
ما ينسون أهـل العقـول السليمـه
شمر مطوعت العدا في زمن كـان
في حد مرهف هز خصمن خصيمه
حفظ لها مجدان ومرجع بالاو طان
شجره عريقه باصل ماحدن يظيمه
امنزحين الضـد ذربيـن الإيمـان
شمر بعيده عـن جميـع الذميمـه
شمر لها بالفعـل برهـان برهـان
تشهد هبايب نجـد وحـلا نسيمـه
وتشهد لها بابطالها اجبال بـرزان
اخيول شمـر للمواقـف حطيمـه
شمر الي من الخصم جاه شيطـان
وضـد شمـر راح حالـه يتيمـه
هذا وأنا موفيت شمـر بـالأوزان
يستاهلون المدح مـا هـي نميمـه
هذي ترى شمر الي ثـار بركـان
سحبِن من البركان يرهق حميمـه
يقولها منـه ربوعـه لهـا شـان
عوازم يحمون وضحـى وسيمـه




الشاعر / بركة عياده عيد الكريباني

سنجار
10-07-2006, 01:30
شكرا بتول

على هذا الملف الرائع

والذي يزخر بهذه الدرر الغاليه والتي قيلت في شمر

وشكرا للأخوان الذين أتحفونا بما لديهم من أشعار

واضافوها في هذا الملف..

وان شا الله اول ماأجد ابيات في هذا المجال

سوف أساهم معكم في هذا الموضوع..

تقبلو تحياتي وشكري...

عمر خريص
11-07-2006, 00:29
أخي الفاضل
عمر خريص


هذا الاسم ليس غريبا عليّ البته ...!!!
فإن كان من أعرف ... فهنيئا لنـا قبل أن أقول مرحــبا به ... !!!

و إن كان الأمر مجرد تشابه أسماء ...
فمرحبــا بك أيضا، و وجودك شرف في كلتا الحالتين


شكرا لنبل مشاعرك أيها الوافي


أختك
الدهور
شكرا لك اختي المبدعة (الدهور)
p2l نعم انا من تعرفين .. ولازلت اوطن لنفسي موطى قدم في مضارب شمر
تحياتي لك

بتول آل علي
13-07-2006, 01:56
استاذي الفاضل

سنجار

شكرا على المرور و التشجيع

و بانتظار ما يجود به قلمك

.

الاستاذ الكاتب و الإعلامي
عمر خريص

لكم سرّني حقا أن أجدكَ هنا بعد طول هالسنوات
صدق إن النت صغيره ... !!! :)

ألف أهلا و سهلا بك عدد بلا مدد

لنا كل الشرف بانتماء هذا الفكر النيّر لنا ..!!!




.

أختكم
الدهور

ابن جشعم
05-09-2006, 01:20
مشكوره على هذا الجهد اخت بتول آل على


تحياتي

نواف
07-12-2006, 22:14
فكره بالحييييييل رائعه

صدى الشمال
08-12-2006, 22:22
منصور بن سعدي الرمالي
يانجم
http://shmmr.net/vb/showthread.php?t=38973










عبدالعزيز بن طلال الصقيري
إغليتس
http://shmmr.net/vb/showthread.php?t=34478







منصور الرمالي
أمر مرمر
http://shmmr.net/vb/showthread.php?t=34534







بركات الشريف
ينصح ابنه (مالك)
http://shmmr.net/vb/showthread.php?t=34160






محمد القاضي
في وصف القهوه
http://shmmr.net/vb/showthread.php?t=34159








وهنا بعض قصائد الشاعر منصور الرمالي
http://www.altanaya.net/vb/showthread.php?t=1444

اياد السخني
11-12-2006, 22:15
الاخت الشاعرة بتول ال علي

مجهود رائع وفكرة ولا اروع

تحياتي

ريال الفسحه
14-12-2006, 21:31
مجهود اقل مايقال عنه روعه وعطاء لامحدود جئتكم حامل

معي قصيده للشاعر ناصر محمد القحطاني وهي مشهوره

وبقبيلتنا شمر اتمنى انه ماذكرت ولكم الشكر




الشمـس غابـت وكـل ٍ دوّر سراجـ=هوالشوق جمّر محـرّ الشـوق لاجمّـر
دام اتجاهـك شمـال مودعـكحاجـه=سلّم على حايـل وسلّـم علـى شمّـر
قدامك الخافـق اللـي ينشـد علاجـه=كنـه معلّـق علـى بـرزان ومسمّـر
وانت تعرف يا بعد حيي مـن تواجـه=بيضان الافعـال لامـن الزمـن سمّـر
ان ضاقوا أعنف من البحـر وامواجـه=وان راقو اركد من الخرمـان لا عمّـر
كم صيت بيت ٍ عتق في الباب مزالجـه=وكم شيخ امـاره قبـل تعيينـه مومـر
وكـم حاتمـي ٍ تكفـيّ فلّـة احجاجـه=وش لون للضيف لو عن ساعده شمّر ؟
وان مـر تاريخهـم متلبـس ٍ تـاجـه=كم عاشق ٍ كيّف وكـم حاسـد ٍ زمّـر
في جو ٍ اغلى على الرجلي الى داجـه=من ديرة السادس ومـن ديـرة معمّـر
كنّـه الا اهـدى لـه البـراق فجاجـه=ضحكت غرير ٍ ضحك ومن الخجل حمّر
توارثـو حرثـه وتمتـيـر ديبـاجـه=ركابـة الجيـب مـن ركابـة الضمّـر
الودّ لا غرس بدري صعـب مخراجـه=والله ولا الـذّ واحلـى منـه لا ثـمّـر
ادخل على اللي تطوف البيـت حجاجـه=من ناقص ٍ عند مـدح الغيـر يتذمّـر
والمدح لو كان في الرديـان للصاجـه=ويقال عمّـر بلـد بالعـون مـا عمّـر
والـذّم لـو زاد فـي الطيـب تولاجـه=لا احرق ولا اغرق ولا عمّر ولا دمّـر
ماني بمتحسب بشعـري علـى حاجـه=الا اني اروح مـا غنيـت فـي شمّـر

اختي بتول ........لاهنتي

بدر بن عبدالمحسن
20-01-2007, 05:09
مشكورة اختي بتول على فكرتك الرائعه


شمـــــــــــــــــــر هلــــــــــــــــــــي


اعجبتني هذه القصيده فحبيت ان انقلها لكم والتي اتمنى ان تحوز على رضاكم واستحسانكم ,,,


,,,
,,
,

تكفيـن قومـي يالقوافـي مقابـيـس
وأشفي ضمير ٍ صـاح غـل الخفايـا

::

يندب على حـظ ٍ طريـح المحابيـس
عشريـن عـام ٍ والـبـلاوي معـايـا

::

تحفر بيار الجـور بأقـوى المتاريـس
ولاتاقـف أبـدن ولاتقـول الكفـايـا

::

كنه علـى ذبحـي تـدق ال****يـس
والموت الأحمـر شـاح كفنـه فدايـا

::

يالعنبوهـا حالتـن لــي لوالـيـس
تشبـك يدينـي دون علـمـي قفـايـا

::

وأنـا زعيـم العـز قـرم السناعيـس
مايرهـم لعـزي نسـيـس الشقـايـا

::

شمر هلي شمـر شيـوخ المجاليـس
شمـر خيـول المجـد لشمـس رايـا

::

شمر لهود الخيـل فـوق التضاريـس
شمـر زبـون اللـي زبنهـا بجلايـا

::

شمـر حمايـا بالطنـايـا نوامـيـس
شمر ((كرم)).... شمر جزال العطايـا

::

شمر ((فخر)) يعمي عيون المناجيـس
شمـر صناديـد الحـرايـب قـوايـا

::

شمر من أجله درِِس الجـود تدريـس
شمر ((سلام))...و((حرب)) شمر بلايا

::

شمر جنون السيف بأقـوى الفراريـس
شمـر تبيـع العمـر بسـم المنـايـا

::

شمر شمـول الطيـب لطيـب تلبيـس
شمـر حلـوف العهـد شمـر وفايـا

بدر بن عبدالمحسن
20-01-2007, 14:17
حنا قروم المجد حنا السناعيس ,,,




ياجاهل ٍ بالمعرفـه العـن أبليـس=وإلاّ على راسك تدور المصايـب
حنا الطنايا كاسبيـن النواميـس=حنا الطنايـا كاسبيـن العصايـب
حنـا نحـل مشربكـات اللواليـس=حنا الطنايـا متعبيـن الركايـب
حنا مناوي مرهفـات الأحسايـس=وحنا هوانـا بالأمـور الصعايـب
يومن همك بالغنـاء والمراويـس=وحنا لنا بالمجـد حـق و طلايـب
حنا قروم المجد حنـا السناعيـس=المجد مع دم الشراييـن ذايـب
تزهر بأسامينا بياض القراطيـس=وبوجودنـا يستبشـرن السحايـب
ارزاقنا ماهـي بغـش وتدليـس=يوم ان علم مـورد الخـد خايـب
وش عاد لو قالو يدينـا مفاليـس=الرزق عند اللي يديـر الهبايـب
واقدامنا عدت وعار التضاريـس=وجباهنا تعشـق سمـوم اللهايـب
وصدورنا تغلى هموم وهواجيـس=لا طوحن بالصوت شقر الذوايـب
لعيون خدرات العيون النواعيس=نارد حياض الموت والخوف غايب
واليا جبرنا الكسر نضبط له القيس=واليا كسرنا العظم ماهو بطايـب
وهبه من الله ماخذينـاه تدريـسس=بحان قسـام العطـا و الوهايـب

بدر بن عبدالمحسن
20-01-2007, 14:20
شمر طنايا طي ,, شمر جبالها ...


هذه القصيده للشاعر المبدع / علي المحيا


يـاالله ياعـالـم بخـافـي حوالـهـا
رافـع سماهـا دون شــدة حبالـهـا
بستـة ليالـي ركـز الأرض والسمـا
يقـدر ولا يعسـر وربــي قوالـهـا
اودع بهـا الوديـان والرجـم والجلـد
عقب الجلـد نصـب نوايـف رمالهـا
وطشر نجوم الكـون والثانـي القمـر
تشـوف بالظلمـا قـديـح اشتعالـهـا
وعزل نهـاره عـن ظلامـه بقدرتـه
وارسـل مليكـه ثـم رسـى اجبالهـا
واظهر لنا شمس(ن) غشى الخلق نورها
وليا اكسفـت حـال الخلايـق بجالهـا
فضله كثيـر بـس نطلـب بـه الثنـا
وحبل الثنـا لاينقطـع عـن اوصالهـا
ثم(ن) خلق آدم وحـوى مـن الثـرى
ونفـخ بهـم مـن روح جـلا جلالهـا
وصـاروا بجنـات النعيـم وتوافقـوا
عن شجرة(ن) شينه منعهـم اوصالهـا
وحداهـم ابليـس اللعيـن بطريقـتـه
ودهور انفـوس(ن) مطمئنـه بحلالهـا
وجازاهـم الخالـق وفـرق لشملـهـم
من طـاع راي ابليـس هـذا جزالهـا
حـوى بشـرق الأرض وآدم بغربهـا
وكل(ن) قصد للوجـه الآخـر اقبالهـا
آدم ينـام الليـل والصـبـح يبـتـدي
يبـي يشوفـه مـار دون اعتجالـهـا
وحوى تدوس الليل والصبـح بالسـرى
مـن لهفتـه مـا لـذة النـوم جالهـا
وتقعد على كوم البـرد فـي طريقهـا
وتشكـي سمـوم القيـض واعزتالهـا
وتقابلـوا عقـب المسافـات والعـنـى
وتعارفـوا بالشاهقـه مـن اجبالـهـا
ويا قـادر(ن) فـي ذا تقـدر لحيرتـي
بشاكيـك شربـاك العزيـزه وحالهـا
ياسـيـدي ياهقـوتـي يامضـنـتـي
يـا مشتكـى عينـي ويـا مرتكالهـا
بشاكيـك الا يالله مـن جـور وقتـنـا
دنيـا تصفقنـا علـى مـا طرالـهـا
والحـظ يندبـنـا وبقـعـا تحوفـنـا
دنيـا تحدتـنـا وسـكـر مجالـهـا
بالله ياللـي بـك غـيـره ومـقـدره
خلـك فطـيـن بحالـنـا وشبدالـهـا
لولا الحسد والحقـد ماصـار وضعنـا
مثـل فلسطيـن الـذي شفـت حالهـا
بس بكـلام النـاس نسعـى لجهدهـا
ولااحد(ن) وقف معها ولااحد(ن) سعالها
ماجور ياقلـب(ن) تدهـورت بالقهـر
وعزي لنفس(ن) خبـث الوقـت بالهـا
قبل امس وانا عنـد ربعـي وعزوتـي
واليوم بديـار(ن) صعيـب(ن) منالهـا
وباكر على الدوحـه وعقبـه لغيرهـا
والله علـيـم بحالـتـي وش نوالـهـا
امشي وانا مالي قرايب علـى ارضهـم
والروح مـن ماشفـت قـرب زوالهـا
ذكـرت حكـم الله بـاول قصيـدتـي
مـن هـب للقبلـي يديـر لشمالـهـا
هـو دايـر الأفـلاك يقـدر يديرهـا
ويطفي لهب كبـد(ن) يزيـد اشتعالهـا
تايه ولا ضل لي وطـن يااهـل الوفـا
لي الولـي والـروح هـي واعمالهـا
والله لو انـه علـى مـا مضـى لنـا
عـن نزلكـم حالـي لدنـي ارحالهـا
واعـزي الـروح الغريمـه بـودكـم
واقـول روح مضيعـه وش غدالـهـا
ماهـو ردى فيكـم ولا اسـب فعلكـم
يا لعنبـو نفـس(ن) غواهـا بحالهـا
قلته وانـا راسـي تزايـد بـه الطنـا
ومن سيد كـل النـاس ماهـم رذالهـا
أنا لابتي هم خيـرة الخلـق والبشـر
عقب الصحابـه لابتـي هـم اجزالهـا
زوبع هلي غلبا هـلا العـف والنقـى
وشمـر خيـار القـوم شمـر ثقالهـا
شمـر هـلا الـردات شمـر بوقتهـم
شمـر علـى كـل القبايـل افعالـهـا
ولو هي تعود امجـاد شمـر وعزهـا
شمـر علـى كـل الخلايـق ظلالهـا
شمر هلا النوهات شمرهـلا الخطـى
شمـر طنايـا طـي شمـر اجبالهـا
شمر اعفاف العرض شمر هلا الخـوي
الفكر صخرهـا ولا احـد(ن) قوالهـا
من غير قاصـر بالقبايـل وحضرهـا
منهم مثل شمـر علـى مـا مضالهـا
إذا الناس ارض(ن) وهم شمر رجومها
ومهما زمـوا بالـزود شمـر اجبالهـا
وإذا الناس غيم(ن) زام واستنزل البرد
شمـر بحـر مـا ضايقـه باحتمالهـا
وإذا الناس غيم زام بالجـو وانتهـض
شمـر نجـوم ولا وصـل مستوالهـا
والله لـولا لابتـي ضـايـع الـوفـا
ومحمـد العونـي سبقـنـي وقالـهـا
ويقـول فجحـان الفـراوي بجودهـم
منهم مثل شمـر رخيـص(ن) حلالهـا
أحبهـم واحــب منـهـو يحبـهـم
وابغض من ابغضهـم ولانـي بحالهـا
ويامـن يهجعنـي ويجبـر مصيبتـي
ويامـن يـرد للنفـس معنـى سؤالهـا

بدر بن عبدالمحسن
20-01-2007, 14:22
سكران انا بغبار خيل الطنايا



ياربعنا مايعتذر كود غلطــان .....
وانا عجزت القى خطا في خــطايا

ان قلتوا ماتعوذت شــيطان ....
. نفسي لاني شفت ســـود النـوايا

قدامكم ربي بلاني بمن شان .....
فعله معي لين اظلمت بي ســمايا

زل وكتمت وزل وازددت كتمان ....
. وازداد في غيه وجاني بــلايا

اعطيته الصافي من العلم خلصان .....
من غير ما اسال من معاه ومعايا

وان كان هو من رشفة ابليس سكران .....
سكران انا بغبار خيل الطنايا

عاداتها تقبل تقل مالها ارسان .....
وعاداتنا نهدي ضحانا ضـحايا

من مثل شمر علقوا يوم الاكوان .....
ارواحــــــــهم عقد بجيد المنايا

حنا الضياغم والزقاريط نيشان .....
في جبهتي زاد المزايا مـــزايا

وانا ولد عافت سلايل كحيلان .....
على اسم جدي والاسامي وصـايا

ياشين يوم الطيب نجر وضيفان ....
. منا العطايا تستمد العطـايا

ياشين يوم العز خيل وفرسان .....
ربعي عصا موسى وربعك حيايــا

ويومك قنعت بسقف واهي وجدران .....
الضيغمي للشمس حث المطايا

لاانته بجنبي طيب اوعز او شان ....
. ولاانته بقدامي ولا انت بـــورايا

الله بلاني بك ولاني ببلشان .....
لاشك ودي ينطـــحوني قوايا

فهد عافت

بدر بن عبدالمحسن
20-01-2007, 14:23
(((( سناعيس ))))


هذه القصيدة للشاعر <فواز السهلي>
يمدح بها قبيلة (شمر) حيث يقول ::

سناعيس ومقدمهم طلال
سيف الهند بتار العتاري

سناعيس اليا وردوا صيام
يسقون العدو كأس المراري

سناعيس اليا كثر الطريح
أحد ميت وأحد يثاري

سناعيس وما معهم قصير
كود رماحهم هي والهواري

سناعيس أهل طاس ودرع
ومن الجوخ خالطها ****ي

سناعيس أهل جيش وخيل
سناعيس أهل عكف الشباري

سناعيس الى بار العميل
الى سرابهم قالوا عثاري

سناعيس اليا صاح الصياح
ركبوا من على قب المهاري

وسلاااااااااااااااااامتكم !!!!!!!!!

بدر بن عبدالمحسن
20-01-2007, 14:26
حايل وأهل حايل غلاهم لحاله . .




حايل وأهل حايل غلاهـم لحالـه

ساكن بقلبي ماتغيـره ألازمـان

حايل من البلـدان قلبـي لجالـه

لا داخل الدولة ولا برا الأوطـان

حايل عروس المملكة في شمالـه

ولا يلقي له شبه حتـى بلبنـان

قلبي عشق ضلعانها مع سهالـه

أجاء وسلمى ونفدها وأم سلمـان

دار يا عل السيل والخيـر فالـه

دار الكرم والجود للمجد عنـوان

دار بهلهـا كـل علـم تنـالـه

عز الله أنه بالكـرم فعلهـا بـان

دار سبقنـي ناصـر يـوم قالـه

دار عشقها وقلبه معلق ببـرزان

والدوسرية بأهلها ويش قالـة ؟

يومه تمنى مسكنه ذيك الأوطـان

وأيضا العنزي يوم يمدح خوالـه

يقول شمر هم ذرا كـل بلشـان

كلٍ سبقني فـي جميـل المقالـه

ولا نوفيه بالمدح ببيوت وأوزان

وهي شرفت في دورها من عناله

عز الله أنه ترفع الراس يافـلان

أن جيت له زوار جولـك عيالـه

كلٍ يقول أبغاك ضيفي مـن الآن

جود وكرم مع خف نفس وشكاله

وللضيف عند عيالها قدر مع شان

ولا أقول أنا باق القبايل هزا لـه

ولا أقول بالأجواد سب ونقصـان

وأختامها رسول رب الجـلا لـه

صلوا عيه عداد ما كايـن كـان






شعر : صلاح بن ربيع الرمالي الشمري

بدر بن عبدالمحسن
20-01-2007, 14:29
يمدح فيها قبيلة شمّر

يقول الشاعر صالح السهلي




ياشعر جيت ومدهلك فكري .. ولد عَمْ القصيد
فكرٍ تحرّضه المراجل / والكريم الاجودي

وانا مني بـ( الشاعر الراحل / طلال ابن الرشيد )..
شاعر كبير بعين شعري .. بس : توي مبتدي!!

ولو ان جمهوري ثمانين الف قل وش بستفيد؟
لو ما كتبت الشعر في ( شمّر ).. وانا من مولدي ؛

( وانا.. وابوي .. وجدي نهيّر .. وابونا الشيخ : زيد )..
منزالنا مابين .. حايل / والمضيّح وَ ( الجدي )..*


من طيبهم حتى الغلا .. اصبح مع الفتره يزيد
حبٍ ورثته من جدودي وآبورثه ولدي


يا ( سيف ) .. قل لبيه : واسمع , مايجيك إلا الأكيد :
..( شمّر كذا من خلقت الدنيا ولا فيهم ردي )!!

وإن شفت ( ذيب الشمري ).. اللّي بفزعتنا يشيد ..
قل له : وعِم الطيب ؛ لن الطيب فيهم يقتدي

ربعك هل الطولات.. يوم الجوع / والوقت الشديد
كم خاطرٍ على سنا نيرانهم جا مهتدي

والطفل فيهم من صغر سنّه وهو توه ولِيد
يستقبل ضيوفه مع الترحيب بالطبع الهدي


مايَقدعون ضيوفم إلا من التمر الفريد
ولايبهّرون دلالهم إلا من الهيل الندي

مايذبحون إلا السمين / ومايمدون الزهيد
( متوارثين الحاتميّه / والعطاء السرمدي )..

وإن عالت العيّال كن قلوبهم قطعة حديد
مايرجعون إلا بعد مايكسرون المعتدي

حريبهم لـ( التهلكه ).. اقرب من حبال الوريد
ورصاصهم ياهلَّ كنّه من مراديم بردي

يا ( سيف ) هذا الصدق .. والا الكذب ملعون الكديد
ماهو لنا وحنا ( بني عامر ).. مع العمر المدي

تاريخنا حافل مابين الأمس / واليوم المجيد
واطفالنا ترضع لبنها موت .. ماترضع ثدي

يالله عسى طيب ( السهول ).. يدوم والطيّب رصيد
وعسى ( طنايا العز ).. ذخري ياتحرّيت سندي

.. ( شمّر ).. هل الرايات / والأيات .. والذكر الحميد
واللي ذخرته عن لساني .. عَمدْ ذاخره ليدي

يستاهلون الطيب / خصم العيب .. مافيهم نقيد
ذولا : ( بعد حيّي ).. مني غلطان ياقلت : بعدي

ومع كل طلعت شمس اكررها / واكررها .. واعيد :
( شمّر كذا من خلقت الدنيا ولافيهم ردي )

خطيره شمر
20-01-2007, 23:56
الله الله ياسناعيسسس .............. rooose2

بدر بن عبدالمحسن
21-01-2007, 03:07
يقول الشاعر / خفيج بن عبدالله بن رمال الشمري



جينا محل الجشعمي واف الأشبـار
عبداللطيف اللـي تعـلا اشبـوره

من اول نسبهم ما بهم شط شبشـار
اهل الثنى والمجد من اول عصوره

جدّ لجـدّ مـا بهـم واحـد خـار
عسـى مبانيهـم تعـدّل جسـوره

ناصر حكم بالهور ليا خشم سنجـار
واصغوا وزكوا له بليـا مشـوره

وساد العراق وتكّزهـليث الأنمار
الجشعمي ما صـار مثلـه بـدوره

وكم من عقيد ذوّقه سم الأمـرار
وغيث ٍ لجارهـمثل هاتف مطوره

ليا قطّبوا سِرد الرّمك والدّخن ثار
ضديدهم لازم يـذوق المـروره

يعـل عـود راح منهـم للأبـرار
بالجنّة العليـا يقطِّـف زهـورهـ


ويقول في قصيدة اخرى


يامرحبـا بعـداد مـا هـل همّـال
اليـا نثرنـه زاجـرات الرواعـيـد

بالشيخ ابو منصور كسّـاب الأنفـال
شيخ ٍ ولد شيخ ٍ مضى لـه مواريـد

جدّه تمركز بالحساء يـوم الأفعـال
يوم الصيال ودور وقـت المجاريـد

وثامر تبيـن يـوم للرمـز زلـزال
واسس لنا بالقـاع رسـم ومجاويـد

وجدهـالثانـي للمناعيـر مـدهـال
عليه ثكلات النضـى لـه مواريـد

على غدير الشيخ سوّس لـه اميـال
بخشم الرعن تأتيه الأنضى جهاديـد

وساد العراق القشعمي طلق الاشبـال
وساقوا له الجزيه على كيف ما يريد

واصغوا وزكوا له شغاميم الابطـال
بالسيـف طـوّع ناقليـن البواريـد

بالسيف الارخـم اودع النـاس ذلال
وذلت له صعول الرجال الصناديـد

القشعمـي جبـار وللـراي فـتـال
حلحيل صعصيع يخيـف الاضاديـد

يفعـل ويرسـي وللثقيـلات شيـال
وجـد ٍ لجـد ٍ يكسبـون التحاميـد

تاريخهم مفهـوم بماضـي الاجيـال
من قشعـم الاول لضيغـم معاويـد

ولبو ربيعة معدّل الشيل لـى مـال
اليا اصفرن مزن الرجال الرواعيـد

من خشم سنا زاغ مـن غيـر دلال
من ايمن خميس مشيط وذيك الجلاميد

وزاعت جهامتهم على غرب وشمال
واقفت جهامتهم كما جايـل الصيـد

ونجد نفضوها وغربن مع شفا الجال
جالن وزاعن مع صحاري هكالبيـد

ومروا جبل سلمى وفاتوا على الفـال
وتمركـزوا بـوادي ٍ لـه مسانيـد

بين الجبال اللي لهن مجـد وظـلال
وتحالفـوا مـا بينهـم بالمواكـيـد

وتحالفوا مـا بينهـم بـرد الاقـوال
زوبـع وعبـدة واسلـم بالتـراديـد

وزتوا بهيـج زتـت تطنـي الحـال
وخلى جباله والنخـل شمـخ الغيـد

واقفى غشيش وينثر الدمـع هـلال
وفض للعراق وقال مابـه مقاعيـد

وزوبع وعبده واسلـم لهـم تمثـال
يوم الرمـاح ودور وقـت المهانيـد

ومن زارهم اسقـوه سـم ٍ وسـلال
وعنهم كبير الجمـع يحيّـد تحاييـد

واليا وتوهم مـن الاضاديـد عيّـال
عادات شمـر يزهمـون الاضاديـد

هذا ونختمه علـى حسـن الاعمـال
تنشر علمنـا يـوم ناشـد وتنشيـد

تركي الاسلمي
21-01-2007, 04:07
قصيدة حمود العبيد الرشيد بعد انتهاء معركة الصريف المجيدة:


عزاه ياقلب من العام ملهود====ولا جت علوم الغزو ينساح باله
وإلى ابطوا الطرشان تلقاه منكود====مثل الغليث اللي يحسب لياله
والله لولا حبكم يافتى الجود===لا حج بيت الله واصلي قباله
يالله يالي للمخاليق معبود====يالواحد اللي كل حي يساله
تجعل سهمنا يمت الضد مقيود====بسلامت اللي وافيات خصاله
عبدالعزيز اللي على الحرب والكود===يصبر كما تصبر عرايب اجماله
من العام غزاي على خير وسعود====ماديرة الا بناية ضلاله
الله يعين الخيل ويقوي القود====عليه لاسنه تعلى رحاله
واللي فتق فتق وهو كان مسدود=== مثل الجمل يقطع بزوره شماله
وان مامضى شي ترا الحكي مردود====وانشد بريدة وانشد اللي حواله
واللي تمنى الحرب ماهو بمردود====من حربنا ماحصل الى الرزاله
ترا حربنا مثل البحر مابه زود====الغبه الي موجها فوق جاله
داخله مفقود وطالعة مولود====مهبلك يالي خابره وتعناله
وشعندنا يالربع لدعيج وحمود====وعريب دار يوم تطرد شغاله
يقول مالي يوم اجي نجد مقصود===الا الامير احوله من اجباله
وابوه مكبر فزته يافتى الجود===وابوه لهو حالمه كيف قاله
هو مادرى ان جبالنا الحمر والسود===عين على الطلاب ف يكل حاله
وابوه مانا خابره يطلب العود ====ولا عندنا له قالتن به مقاله
غره سلاحة خمسة الاف بارود==== ومطير وسبيع ويامٍ صياله
مثل الحبوش اللي يسوقون محمود===واهلكهم الباري بعزة جلاله
نقلهم الله يوم جو حول ابوالدود====من دمهم هكى الطعاميس ساله
حاموا عليهم بالبواريد وفرود====ومبارك نجاه ربه لحاله
ماله شبيه كود فرعونا العود====اللي نجى والقوم غرقت قباله



تحياتي للجميع

سليل العز
22-01-2007, 15:58
شمر :throb:
أُحبكم
أيها
الطيبون
:
:
الدهور
باركك الرب..

سالم
28-01-2007, 09:07
بتول .. !!

فكره رائعه .. تواصل أروع .. يعطيك العافيه .. !!

ماننحرم