بحث عن قصيدة للظلماوي

[محمد الزبيلي]

مساكم الله بالخير ياشباب عندي استفسار عن قصيدة للظلماوي وكان به احد عنده عنه علم ياليت يذكره لنا كامله والقصيدة به بيت يقول،،،،،،،،،


نجد حلاته يوم هيضات برزان=====يوم الطنايا واليه كل ديره

وتقبلوا فائق الاحترام،،،،،،،،،،،،،،،،:) ،،،،،،،

[شريف روما]

هلابك يالزبيلي

فزّعت قوقل لكن طايح الحظ اخذلن :)


انطر باقي الاخوان اكيد راح يفيدونك

[محمد الزبيلي]

الله يعطيك العافيه ياخوي يالزقروطي والزقرت انشالله بهم بركه وفزعتك معي ترى عدي لاقي القصيدة،،،،،،،،،

[عبدالله 100]

هل فعلاً هذي للظلماوي
وإن صحت فإن الظلماوي لم يدرك السقوط بالتأكيد
فتحمل على انتقاده ..

نرجوا من الشعار المهتمين بذلك افدتنا

[المفضلي11]

الظلماوي على ما اظن حظر سقوط برزان

لأنه يروي لي واحد ( صلبي ) انه رأى الظلماوي في لينه عند الشنيفي وان الشنيفي لم يكرمه وقصد به قصيده هجاء.. ولا اعلم عن صحة رواية هذا الصلبي

والشنيفي هو منصوب لأبن سعود على لينة بعد ان بسط نفوذه على الجزيرة العربية..

على العموم ننتظر من يفزع لنا ومن الابيات باين عليها قصيده رائعه جدا جدا

[ولد البدو]

عاش الظلماوي في زمان حكم محمد العبدالله الرشيد لجبل شمر 1289- 1315هـ وتوفي بعده على الارجح في اواخر حكم عبد العزيز المتعب بن رشيد لحائل 1315- 1324هـ

المرجله



المرجله بيره بعيد المجاذيب
على بعض ناس ٍ عسير ٍ متله
حشته ونشته يا نحاز الاجانـيب
حيثك مثل حر ٍ ضرب له حـبلّـــــــه
حشته بعدواتٍ بروس المراقيب
لا غبت يا حمض الكبود المغلــــه
ياطير شلوى ما لقي بك عذاريـب
لو تستحي ما تجمع الطيب كلـــــه
إنت الذي تلفي عليك المراكيب
حين ٍ غلا يا مير واحيان ذ لـه
يا مير طيبك ما لقي له حواسـيب
ظلما وغدر وتايه ٍ مستد له
يا بو اليتامى والأرامل ومن عـيب
وابو لمن صار العصا ثالث ٍ لــــــه
لا جا يتوكى فوق عوج المصالـــــــيب
لامال وقته صرت إنت ولد ٍ له
تكفي محاليب ٍ وتملى محاليـــــب
كبد تيبسها وكبد ٍ تبلـــه
مده رهن لولاك ما قلت يا كليب
ولا قول شب النار : صر موقد ٍ له
في ليلة ٍ تجدع سواة المشاهـيب
نسرية ٍ تلصق خلـــــيل ٍ لخله
نطعن بعزك يا حصان الاطاليب
عسى اللي يجمع حزمتك ما يفله
يالجوهر النارينز يالمسك ياطيب
يا عنبر ٍ مع ناقله ما يملـه
إن كان هرجي به عليكم عذاريـب
سامح عسى من عقبك لألف حلـه
ولا انسى حمودٍ راس حصن المطاليب
لا خالف المسمار بالقاز تلـه