خالد الشمري
24-04-2006, 08:01
نزل الشاعر الكبير ردهان بن عنقا وهو من الغفيله من سنجاره من شمر بجوار الشاعر المعروف محدى الهبداني وهو من قبيله عنزه واخذ مده وهو عنده وكانو نازلين مكان يقال له (المبدّد) ويوم انتهى المقيض قال ردهان الرخصه يامحدى .. قال محدى وين تبي .. قال ردهان ابي ربعي .. قال محدى لاتروح ياردهان باكر تغزاكم عنزه ويبي يجي ذلولك مع دبش شمر ويبي يجيونكم عنزه مثل (الغيوم) وتظهر عليك (نجيمات القايله) ..
قال ردهان ماندري باكر منهو تطلع عليه (نجيمات القايله )
وبعد مده قام الشيخ الفارس المشهور نجرس الزيدان الجرباء وغزى على عنزه وخذى حلالهم ..وبهالمناسبه قال شاعرنا الكبير ردهان بن عنقا هالقصيده ويسنده على محدى الهبداني ..يقول ردهان :
ياراكب ٍ حمراء نقضنا ضرابه=من ساس هجن ٍ كل ابوهن ضرايب
إلى طّقه المشعاب حدري بابه= كثر صريخ ٍ على الجاش الضرايب
تلفي محدى(1) شوق جالي عذابه=ياريف من مسّه حبال الركايب
قل بيني وبينك ياعشيري طلابه=على المبدّد(2) يوم حنا قرايب
بيني وبينك غوقة ٍ به طلابه= والناس بالغلطات مخطي وصايب
وقف الخيال ماوطانا سحابه(3)=جانا لفيظ ٍ حادياته حقايب
ونجومك اللي تذكر الظهر غابه(4)=عسى سعدكم كل الايام غايب
حنا إلى نوى الشيخ مثل الذيابه= ندور بأطراف النجوع النهايب
وانتم الى نوى الشيخ ........= جني ويصدر النياق الغرايب
...........حاتم يطيّر ترابه= مايكرهنّه لابسات العصايب
الى شافه الحاشي وقع في لبابه= حميم هرش ٍ حادياته هبايب
حمل الجمل شاله قعودي وجابه = وقفا يزفزف به عطيب الضرايب
كم عودة خلاك تنثر زهابه = بمفرع الوديان وهاك الجنايب
نجرس (5)عسى نجرس طويل شبابه = خيّال شقح ٍ الى نثرن الجنايب
1ـ محدى المقصود به هو الشاعر المعروف محدى الهبداني وهو من قبيله عنزه
2ـ المبدد المقصود به المكان اللي جاور به ردهان محدى
3 ـ يقصد بوقف الخيال عندما ذكر محدى ان الغيوم تبي تجيكم
4ـونجومك اللي تذكر قصد به قول محدى نجيمات القايله
5ـ نجرس هو الفارس المشهور الشيخ نجرس الزيدان الجرباء
رحمة الله عليهم جميعا
اشكر الاخ ابو نواف الجرباء على التصحيح وبارك الله فيه
قال ردهان ماندري باكر منهو تطلع عليه (نجيمات القايله )
وبعد مده قام الشيخ الفارس المشهور نجرس الزيدان الجرباء وغزى على عنزه وخذى حلالهم ..وبهالمناسبه قال شاعرنا الكبير ردهان بن عنقا هالقصيده ويسنده على محدى الهبداني ..يقول ردهان :
ياراكب ٍ حمراء نقضنا ضرابه=من ساس هجن ٍ كل ابوهن ضرايب
إلى طّقه المشعاب حدري بابه= كثر صريخ ٍ على الجاش الضرايب
تلفي محدى(1) شوق جالي عذابه=ياريف من مسّه حبال الركايب
قل بيني وبينك ياعشيري طلابه=على المبدّد(2) يوم حنا قرايب
بيني وبينك غوقة ٍ به طلابه= والناس بالغلطات مخطي وصايب
وقف الخيال ماوطانا سحابه(3)=جانا لفيظ ٍ حادياته حقايب
ونجومك اللي تذكر الظهر غابه(4)=عسى سعدكم كل الايام غايب
حنا إلى نوى الشيخ مثل الذيابه= ندور بأطراف النجوع النهايب
وانتم الى نوى الشيخ ........= جني ويصدر النياق الغرايب
...........حاتم يطيّر ترابه= مايكرهنّه لابسات العصايب
الى شافه الحاشي وقع في لبابه= حميم هرش ٍ حادياته هبايب
حمل الجمل شاله قعودي وجابه = وقفا يزفزف به عطيب الضرايب
كم عودة خلاك تنثر زهابه = بمفرع الوديان وهاك الجنايب
نجرس (5)عسى نجرس طويل شبابه = خيّال شقح ٍ الى نثرن الجنايب
1ـ محدى المقصود به هو الشاعر المعروف محدى الهبداني وهو من قبيله عنزه
2ـ المبدد المقصود به المكان اللي جاور به ردهان محدى
3 ـ يقصد بوقف الخيال عندما ذكر محدى ان الغيوم تبي تجيكم
4ـونجومك اللي تذكر قصد به قول محدى نجيمات القايله
5ـ نجرس هو الفارس المشهور الشيخ نجرس الزيدان الجرباء
رحمة الله عليهم جميعا
اشكر الاخ ابو نواف الجرباء على التصحيح وبارك الله فيه