دوك قلبي .... للشاعره موضي العبدالله

[شعاع]

دوك قلبي وش ابيبه وانـت كلـك دمـه
اجزم انـك لاحضنتـه مايعـوّد صوبـي
تدري ان الكون واهله عقب ذيك اللمـه
ماتساوي عقب انا واياك هـذرت نوبـي
شاخ في لـذة هـواك ولاوصـل للقمـة
قلبي اللي يحتري جيتك وقـت اغروبـي
كلما قرب شفق شمس النهـار اضمـه
بلسم يلثم جروحي ولا وصـل مطلوبـي
أه ياعمرٍ ذبل بك وارتـوى مـن همـه
يـارذاذ الغيـم تكفـى زد وبلـل ثوبـي
ياكبر جرحٍ سكن بي وانتشى من سمـه
وين ابلقى لي هروبٍ وانت دايم صوبـي
تدري وش زود ابصفاتك عن بقايا الأمـة
مجتمع فيك الحـلا والطيـب يامحبوبـي
لاتلوم الشعر لا منـه بكـى مـن زمـه
مابقت غير الحروف اللي تداري شحوبي
ياهـلا والشعـر تـوه يستثيـر الهمـة
وفي كنف حرفي تناثر عابقـات اطيوبـي
كلما شوفي نصا زولك شهـق للضمـة
يابعد حبي انا عشقـك غـدى مشروبـي
كثر مايعشق صغير السن لمسـة امـه
أعشقك ياشمس تضوي من سناها دروبي
انت اول من هـوى قلبـي وراح يخمـه
وانت آخر من لمس شمسي وضم هبوبي

[ثامر]

عشتي يامن العافيه والله اختي شعاع بس عندي سؤال بالنسبه للشاعره موضي العبدالله

من اي قبيله تنتسب لو تكرمتي

[شعاع]

هلا بالشيخ ثامر

الحقيقه مالي علم من اي قبيله هي انا اعجبتني قصيدته
وحطيتها .... وحفضا للحق الادبي كتبت اسمها ....


سؤال مقابل سؤالك :
هل هناك خطوط حمراء حول الشعار اللي يحط شعرهم بالمضيف
او هل هناك شعراء أو شاعرات يجب ان لا نقراء لهم