المساعد الشخصي الرقمي

مشاهدة النسخة كاملة : زيارة الأمير سلطان بن عبدالعزيز للطلبه السعوديون بأمريكا وقصيدة عبدالله بن طواله



نافع بن طواله
13-02-2006, 00:57
قبل ثلاث إلى أربعة شهور زار صاحب السمو الملكي الأمير / سلطان بن عبدالعزيز الولايات المتحده في أحد إجتماعات الأمم المتحده هناك

واستغل وجوده هناك لمقابلة أبناءه الطلبه السعوديون هناك حيث قام التلفزيون السعودي بتغطية تلك الأحداث والمقابلات مع الطلبه وعائلاتهم وأطفالهم كما اطلع على معانات الكثير منهم وعمل على تهوين تلك المعانات جزاه الله خيرا

وفي هذا الموضوع أرفق لكم مقطع من مونتاج التلفزيون السعودي رغم أن هذا المقطع تم إختصاره

وهو قصيده لخالي / عبدالله بن مسير بن طواله ( وهو أحد أعضاء المضايف )

ولا يخفاكم من هو عبدالله وذلك من خلال المواضيع التي تحدثت عن معاناته مع السجون الامريكيه وسياسة التطفيش التي عاناها من خلال كفاحه ودراسته هناك

http://www.tunweer.com/mm/Nafee/nafee2.wmv

للتحميل هنا (http://www.tunweer.com/mm/Nafee/nafee2.wmv)


وهاهي القصيده كامله هنا


قلوب ٍ ذبحها البعد



يا سيدي وان بغيت ابدى وش ابدابه=مشاعر ٍمالها وصف يناسبها
القلب ملهوف والاشواق لهابه=وصْوَر الاقراب بيدينا نقلبها
وفي طلتك كل فرح ٍ نوخ ركابه=على قلوب ٍ ذبحها البعد واتعبها
جيتك سلطان تشريف فرحنابه=الفرحه اللي على العالم نفوز بها
لمسه حنونه من ابو الخير نحضابه=لفته كريمه أمير الطيب جاد ابها
خليت هالدار كنه نجد وهضابه=كن البختري تثنى في جوانبها
ياسيدي مر وقت ٍ ماهتنينا به=عسرات الايام ورتنا عجايبها
فجأه طلعنا بلد للشر وارهابه=ندعم هل الشر ونلبي مطالبها
وتغير الكون لين انّه غدا غابه=وتكالبت مع مصاعبها مصايبها
وكل مع الحقد قام يصفي حسابه=ثمٍّ علينا سهام الحقد صوبها
وتلاطم الموج بالمركب وركابه=وقلنا عسى الله يستر من عواقبها
سرتوا بنا في امان الله وحجابه=بعقل وثبات وعزيمه نافذين ابها
بلا زوابع يثيره ناعق غرابه=وبلا تصاريح كل من جا يكذبها
اثبتوا انا بلد للخير طلابه=ونجانب اللي مبادئنا يجانبها
يا سيدي كم علينا تنبح كلابه=ومن فضل ربي ترانا مانحسّبها
عيالكم مانطيع ابكم ولا نابه=في حاسدين ٍ ترابطنا يعذبها
مادام الاهداف والغايات تتشابه=والشعب واحد ودولتنا نهيم ابها
والفكر والنهج والتوجيه منسابه=وعاداتنا من مصب الدين نجلبها
ليه نتحزب ونبلش في تحزّابه=يالعن الاحزاب لابو من تحزبها
ومن قال الاصلاح حنا اللي بدينا به=المصلح الله وابو تركي سبايبها
من قبل مية سنه والنار شبّابه=ناس ٍ تعارك وتذبح في جنايبها
ظهر معزي وطفا الشر واسبابه=واضفى الشريعه وحارب من يحاربها
واليوم دولتنا عظيمه وانتباها به=متوجهه للنمى والخير يجذبها
حنا فدا ديرة آل سعود وترابه=حنا فدا الدين والدوله وحاجبها
وحنا فدا شايب ٍ يمشي بمشعابه=ربى عياله على السنه وواجبها
وفدا عجوز ٍ تقوم الليل مرتابه=ترجي ضناها عسى الله مايخيبها
وفدا هنوف ٍ تكد الراس بخضابه=تشوم لافعالنا اللي دوم تعجبها
قطعنا الاميال لاجل العلم وكتابه=ننهل من العلم لو كدرت مشاربها
من لايروم المعالي ويش يبغابه=ومن لايذب الطويله لايعذربها
الحر يدرك طريداته بمخلابه=والزمل تدحم على الما في مناكبها
وفي طلتك كل فرح نوخ ركابه=على قلوب ذبحها البعد واتعبها

..=الطالب / عبدالله بن مسير بن طواله

أطلال
13-02-2006, 14:37
فـجـأه طلـعـنـا بـلــد لـلـشـر وارهـابــه
.......نـدعـم هــل الـشــر ونـلـبـي مطالـبـهـا

.
.
.

ومن قال الاصلاح حنا اللـي بدينـا بـه
.........المصـلـح الله وابــو تـركـي سبايـبـهـا


صح لساااانه .. وهون الله عليه ..


الفاضل .. نافع الطواله


كل الشكر لنقلك ..


تقديري ..


.
.


أطلاااال

عبداللة
17-02-2006, 11:27
الغالي ابو طواله
مساك الله بالخير
بيض الله وجهك وكفيت ووفيت

وماقصرت انك نزلته بالمضايف المبروكه لانه ماهو عندي هذا المقطع وجاني خبر ان الربع شافوه وانا ماشفته .

وبالنسبه لمضايفنا مضايف شمر انا عضو فيها من فتره طويله ومتابع جيد لها وهذا شرف لي ... وكنت اخاف اشارك التزم بالردود وانا ظروف الدراسه ماتساعدني والكيبورد حقي ماكان عربي ولو تلاحظ حتى اسمي بالتاء المربوطه وناقل هم انكم تنقدون على كتابتي

لكن احب ابلغك انت واهل المضايف اني فيكم جدا فخور واماري فيكم جميع زملائي هنا اللذين اعجبتهم المضايف
واتمنى من الله الرحيم الودود ... ان يديم عليكم هذا الترابط والتآلف و يجمعكم على الخير و الموده دائما ولا يحرمنا من ابداعاتكم .

الغالي نافع : مفاجأه طيبه افرحتني فيها واتمنى انها ترتقي الى ذائقة كل من يقرأها
هذا ولك مني كل الحب والتقدير


عبدالله بن مسير

عبداللة
17-02-2006, 11:34
اختي الشاعره اطلال

مرور كريم من اخت كريمه لاعدمنا وجودها

وابشرك انتي وجميع اعضاء المضايف ان اموري من هين الى اهون والحمدلله

تحياتي لك اختي العزيزه




عبدالله بن مسير

بنت الشمال
17-02-2006, 15:30
صح الله لساااان الاخ عبدالله بن مسير .. وهون الله عليه ..

.
.

الفاضل .. نافع الطواله

نقل موفق .. كل الشكر والتقدير ..


أطيب المنى
بنت الشمال ..

نافع بن طواله
18-02-2006, 18:47
وصْور الأقراب بيدينا نقلّبها
وصْور الأقراب بيدينا نقلّبها
وصْور الأقراب بيدينا نقلّبها
وصْور الأقراب بيدينا نقلّبها
وصْور الأقراب بيدينا نقلّبها
وصْور الأقراب بيدينا نقلّبها
وصْور الأقراب بيدينا نقلّبها


عبدالله الله يعينك وراح الكثير ومابقى إلا القليل

الاصمعي
18-02-2006, 21:58
الله الله عليك يابن مسير

قصيدة بمنتهى الجزالة

قصيدة شاملة كاملة لم يترك شاعرها كلام لناقد ولا منفذ لحاقد

الف صح لسان الشاعر عبدالله

وتسلم على اتحافنا بهالجزلة يبو طوالة

تحياتي

المشرف العام
18-02-2006, 23:52
ماشاء الله عليك اخي عبدالله

قلت فأجدت

وهوّن الله عليك ما انت به

.
.
وإن شاء الله نفرح بعودتك لاهلك وناسك

.
.
برايفيت :
اخوي نافع .. عذرا على التاخير :(

سرحــان
19-02-2006, 02:44
قطعنـا الامـيـال لاجــل العـلـم وكتـابـه
ننهـل مـن العلـم لـو كـدرت مشاربهـا

مـن لايـروم المعـالـي ويــش يبغـابـه
ومــن لايـــذب الطـويـلـه لايعـذربـهـا

الـحــر يـــدرك طـريـداتـه بـمـخـلابـه
والزمل تدحـم علـى المـا فـي مناكبهـا

وفـي طلتـك كــل فــرح نــوخ ركـابـه
علـى قـلـوب ذبحـهـا البـعـد واتعبـهـا




تسلم والله ياعبدالله

وصح لسانك وانشالله ترجع لنا سالم

الف شكر ابو طواله

دمت بخير

بتول آل علي
19-02-2006, 15:25
أخي الفاضل
نافع بن طواله



لا تأتينا سوى بالجزل الثمين ...!!!!

ألف ألف صح لسااانك اخونا عبدالله

و الله يعينك على الغربة و ان شاء الله تأتي ثمارها قريبا ...!!!!




أختكم

الدهور

نافع بن طواله
20-02-2006, 00:30
الشاعره


الأطلال




أكتفي بالترحيب بك


ولا يفتى ومالك في المدينه


أي مادام عبدالله رد عليك لا يحق لي الرد بغير الترحيب

نافع بن طواله
20-02-2006, 00:31
بنت الشمال


حضورك تشريف ٍ فرحنابه




ولا تنسينا بالدعاء

نافع بن طواله
20-02-2006, 00:39
الغالي ابو طواله
مساك الله بالخير
بيض الله وجهك وكفيت ووفيت

وماقصرت انك نزلته بالمضايف المبروكه لانه ماهو عندي هذا المقطع وجاني خبر ان الربع شافوه وانا ماشفته .

وبالنسبه لمضايفنا مضايف شمر انا عضو فيها من فتره طويله ومتابع جيد لها وهذا شرف لي ... وكنت اخاف اشارك التزم بالردود وانا ظروف الدراسه ماتساعدني والكيبورد حقي ماكان عربي ولو تلاحظ حتى اسمي بالتاء المربوطه وناقل هم انكم تنقدون على كتابتي

لكن احب ابلغك انت واهل المضايف اني فيكم جدا فخور واماري فيكم جميع زملائي هنا اللذين اعجبتهم المضايف
واتمنى من الله الرحيم الودود ... ان يديم عليكم هذا الترابط والتآلف و يجمعكم على الخير و الموده دائما ولا يحرمنا من ابداعاتكم .

الغالي نافع : مفاجأه طيبه افرحتني فيها واتمنى انها ترتقي الى ذائقة كل من يقرأها
هذا ولك مني كل الحب والتقدير


عبدالله بن مسير


آسف طمرت ردك

لكن بما أن الموضوع موضوعك وانا مجرد وسيط بينك وبين المضايف

والحمدلله قرينا لك مشاركه


على العموم إستعد هناك خطط لعمل لقاء مطوّل معاك بخصوص حياتك وقصة سجنك ولازم تفتح لنا قلبك للأسئله

فيصل اللويش
20-02-2006, 01:15
قطعنـا الامـيـال لاجــل العـلـم وكتـابـه
ننهـل مـن العلـم لـو كـدرت مشاربهـا

مـن لايـروم المعـالـي ويــش يبغـابـه
ومــن لايـــذب الطـويـلـه لايعـذربـهـا

الـحــر يـــدرك طـريـداتـه بـمـخـلابـه
والزمل تدحـم علـى المـا فـي مناكبهـا

وفـي طلتـك كــل فــرح نــوخ ركـابـه
علـى قـلـوب ذبحـهـا البـعـد واتعبـهـا




صح لسانك ياعبدالله

وشكرا من القلب لك يانافع




اخوك... فيصل اللويش

بشير اللويش
20-02-2006, 02:19
،،،

،،

اخي العزيز ... نافع

شكرا لاتحافنا بهذا الخبر

،،،،

،،

وقد ابدع واجاد عبدالله ... في حبك القصيده


كيف لا ... وشاعرها عبدالله

والمعني بها ... من اهم ولاة الامر


.................

....

عقبال العوده الحميده ان شاء الله ياعبدالله

دمتم بخير

الراسي

ريم شمر
20-02-2006, 17:22
قصيده مميزه وكلمات مؤثره
صح لسان اخونا عبدالله بن مسير ورد غربته وسهل له امره
وسندعوا له ولكل اخ مسلم الزمته الظروف ان يجاور اهل الكفر والظلم


تسلم يابو هدلا ء

تعودنا منك ماتجيب الا كل طيب

مو غريبه عليك ودمت بخير وسعاده

نوف الفهد
21-02-2006, 02:15
الله الله الله

فعلاً ساعات الرد يخدش جمال القصيدة

ما أقدر أقول غير صح الله لسان شاعرها مليون

ولاهانت يمينك يانافع

دمت بود

نــ بنت الفهد ــوف

عبداللة
21-02-2006, 10:14
اختي العزيزه بنت الشمال ... صح بدنك ...

مرورك غالي من اخت غاليه ... جزاك الله خير على دعائك


عبدالله بن مسير

عبداللة
21-02-2006, 10:28
اخوي الغالي الاصمعي ... شكرا لإطرائك و قرائتك التحليليه للقصيده ... فعلا حسستني انك قرأتها بتمعّن

تقبل خالص تحياتي ...


عبدالله بن مسير

عبداللة
21-02-2006, 10:35
مشرفنا الغالي ابو سلطان ... حنا فعلا مدينين لك بهذه المضايف العظيمه ... وهذه القصيده عساها توفي بعض من الدين .

جزاك الله خير على دعائك ... ولك مني كل التقدير


عبدالله بن مسير

عبداللة
21-02-2006, 10:41
هلا و غلا باخوي سرحان ... صح بدنك ... اسعدني مرورك يالغالي

جزاك الله خير على دعائك بالرجوع .




عبدالله بن مسير

عبداللة
21-02-2006, 10:51
شاعرتنا الغاليه الدهور ... ماهنا غربه وحنا نتصفح مضايف شمر ونقرأ مواضيعكم وكتاباتكم


شكرا على اطرائك .



عبدالله بن مسير

عبداللة
21-02-2006, 10:54
شاعرنا الكبير فيصل اللويش ... صح بدنك و يكفي هالقصيده فخر مرورك عليها

تقبل تحياتي .



عبدالله بن مسير

عبداللة
21-02-2006, 10:57
الشاعر الكبير الراسي بشير اللويش ... ماجبنا شي يالغالي ... هذا من بعض ماعندك .

هذا ولك خالص تحياتي



عبدالله بن مسير

عبداللة
21-02-2006, 11:00
الشاعره الغاليه ريم شمر ... صح بدنك يا طيبه وما هنا غربه وحنا معاكم بالمضايف .

جزاك الله خير على دعائك .



عبدالله بن مسير

عبداللة
21-02-2006, 11:04
اختي الشاعره نوف الفهد ... مرورك كريم ... وردك ماخدش القصيده ... بالعكس اضاف لها الشيء الكثير .

شكرا عزيزتي .



عبدالله بن مسير

فيصل حمود
21-02-2006, 13:26
الأخ / نافع بن طواله

قصيده جزله ورائعه وصح لسان الأخ عبدالله المسير والله يوفقه بدراسته ويرجعه لنا بالسلامه بشهادة الدكتوراه انشالله.

تحياتي لك

أم نــــــــــواف
21-02-2006, 22:48
قطعنـا الامـيـال لاجــل العـلـم وكتـابـه = ننهـل مـن العلـم لـو كـدرت مشاربهـا
مـن لايـروم المعـالـي ويــش يبغـابـه = ومــن لايـــذب الطـويـلـه لايعـذربـهـا
الـحــر يـــدرك طـريـداتـه بـمـخـلابـه = والزمل تدحـم علـى المـا فـي مناكبهـا




قطعنـا الامـيـال لاجــل العـلـم وكتـابـه = ننهـل مـن العلـم لـو كـدرت مشاربهـا
مـن لايـروم المعـالـي ويــش يبغـابـه = ومــن لايـــذب الطـويـلـه لايعـذربـهـا
الـحــر يـــدرك طـريـداتـه بـمـخـلابـه = والزمل تدحـم علـى المـا فـي مناكبهـا



الله الله

عز الله إنك صدقت اخوي الشاعر عبدالله


كفووووو والله .. والشياهين ماترضى غير بالمنزل العالي وأنا أختك

صح لسانك وسلم بنانك

وحفظك الله لعيون من تقلّب صورهم


وربّي قصيدتك مؤثره جداً وقويّه إلى حد الإنبهار


ماقول غير " لله درّك من بطـــــــل ماشاء الله عليك "

نشدّ جميعنا على يدك مشجعين فأنت تمثّلنا أبناء عمومتك

شكرا لك اخوي نافع على التنويه


وأعاده لكم سالم غانم بما يصبو اليه بإذن الله


وبالتوفيق

المهرة
24-02-2006, 06:34
قصيدة رائعة /

صح الله لسانك /
قصيدة وافيه

والف نعم فيك


دمت بخير
اختك / المهرة

عبداللة
24-02-2006, 11:06
مشرفنا الغالي فيصل الحمود ... صح بدنك ... والجزل والله مرورك ... و الله يسمع منك ويجزاك خير .

تحياتي لك .




عبدالله بن مسير

عبداللة
27-02-2006, 07:58
اختي الغاليه شاعرتنا الكبيره ام نواف ... ياهلا والله وغلا فيك ... اسعدني مرورك وافرحتني جدا اشادتك بالقصيده اللي تعتبر بالنسبه لي شهاده عظيمه من شاعره عظيمه بقامة ام نواف ...

بصراحه يالغاليه كلامك قد ماافرحني واثلج صدري .. الا انه حسسني بالمسؤليه اكثر خصوصا اذا تذكرت انكم ماترضون بالشي الهين ...

اختي الضيغميه ام نواف ... كلامك والله مازاد اصراري الا اصرار ... ومازاد عزيمتي الا عزيمه ... اما البطوله فهي الانتماء لكم ومعرفتكم ومعزتكم ... ويكفيني فخر بانكم ابناء عمومتي وسندي وعزوتي .

وجزاك الله خير على دعواتك .



عبدالله بن مسير

عبداللة
27-02-2006, 08:08
شاعرتنا الغاليه المهره ... نعمة حالك يالوافيه ... روعة القصيده عندي من روعة مرورك

تقبلي تحياتي




عبدالله بن مسير

نافع بن طواله
24-03-2006, 15:48
الله الله عليك يابن مسير

قصيدة بمنتهى الجزالة

قصيدة شاملة كاملة لم يترك شاعرها كلام لناقد ولا منفذ لحاقد

الف صح لسان الشاعر عبدالله

وتسلم على اتحافنا بهالجزلة يبو طوالة

تحياتي


ألف أهلا وسهلا يالاصمعي


الف شكر على تفاعلك ووجودك

نافع بن طواله
17-04-2006, 21:02
ماشاء الله عليك اخي عبدالله

قلت فأجدت

وهوّن الله عليك ما انت به

.
.
وإن شاء الله نفرح بعودتك لاهلك وناسك

.
.
برايفيت :
اخوي نافع .. عذرا على التاخير :(


برايفت ردا على برايفتك

عذرا مثلك عذرك

نافع بن طواله
17-04-2006, 21:15
قطعنـا الامـيـال لاجــل العـلـم وكتـابـه
ننهـل مـن العلـم لـو كـدرت مشاربهـا

مـن لايـروم المعـالـي ويــش يبغـابـه
ومــن لايـــذب الطـويـلـه لايعـذربـهـا

الـحــر يـــدرك طـريـداتـه بـمـخـلابـه
والزمل تدحـم علـى المـا فـي مناكبهـا

وفـي طلتـك كــل فــرح نــوخ ركـابـه
علـى قـلـوب ذبحـهـا البـعـد واتعبـهـا




تسلم والله ياعبدالله

وصح لسانك وانشالله ترجع لنا سالم

الف شكر ابو طواله

دمت بخير



العفو أبو رجا

وآسف على التأخير

نافع بن طواله
19-04-2006, 10:49
أخي الفاضل
نافع بن طواله



لا تأتينا سوى بالجزل الثمين ...!!!!

ألف ألف صح لسااانك اخونا عبدالله

و الله يعينك على الغربة و ان شاء الله تأتي ثمارها قريبا ...!!!!




أختكم

الدهور
الدهور آل علي


حضور له وزنه


ثقيل صاحبه خفيف على قلوبنا


ألف أهلا وسهلا

نافع بن طواله
19-04-2006, 10:57
قطعنـا الامـيـال لاجــل العـلـم وكتـابـه
ننهـل مـن العلـم لـو كـدرت مشاربهـا

مـن لايـروم المعـالـي ويــش يبغـابـه
ومــن لايـــذب الطـويـلـه لايعـذربـهـا

الـحــر يـــدرك طـريـداتـه بـمـخـلابـه
والزمل تدحـم علـى المـا فـي مناكبهـا

وفـي طلتـك كــل فــرح نــوخ ركـابـه
علـى قـلـوب ذبحـهـا البـعـد واتعبـهـا




صح لسانك ياعبدالله

وشكرا من القلب لك يانافع




اخوك... فيصل اللويش


شكرا لك

ياقلبي

سيف الدولة
27-04-2006, 11:13
نافع بن طواله


بارك الله فيك على طرح هذه القصيده وصح لسان قائلها


ويستاهل راعي الموقف اللي قيلت فيه من أجله