المساعد الشخصي الرقمي

مشاهدة النسخة كاملة : دلال على جمر الغضا مستديره



حائل ديرتي
25-12-2005, 13:04
يالنوري الغالي بشكيلك الحـــــــــال = وبنتخيبك ياوسيع البصيـــــــــــره
ياما حلا البراد ياكنت رحـــــــــــال = في تلعة والسيل تسمع هديــــــــره
بها الخزامى ياللي من الجال للجــال = وقليقلان وشيح وربلة كثيــــــــره
والذود يرعى والقطا أجوال وأجوال = وشوف الحباري والخباري كثيره
وبيت مروبع للرجاجيل مدهــــــــال = ودلال على جمر الغضا مستديره
وجيب جديد للثقيلات حمّـــــــــــــال = ابو شنب ياخوك ماحلا صفيـــره
وخوة رجال مابهم عز الأنـــــــــذال = أهل المصالح والعلوم الشريـــره
دنيا بها للعقل حشمه ومنـــــــــــزال = تنعاف دام الذيب يدرى حميــــره
هذا الزمان اللي بها العفن رجـــــال = تنعاف دام الذيب يدرى حميــــره
وناس تكّشخ مامعه باقي ريــــــــال = ولا تلبس من الخام إلا حريـــــره
دنياه دين بدين ياطيب الفــــــــــــال = ويروح يومه ماتعدى سريــــــره
ماداج بالمسجد نسى يوم الأهــــوال = في ساعة فيها الكواكب نثيـــــره
وختامها رحمتك في كل الأحــــوال = ويالله تجعلنا بخير وستيـــــــــره

المسعودي
25-12-2005, 21:55
مشكوووور يابعدي

لكن ياليت تقولنا من هو الشاعر

وجزاك الله خير

السرعوفي
25-12-2005, 23:30
قصيده رائعه , شكرا اخي حائل ديرتي ... تحياتي

المشرف العام
29-12-2005, 00:35
تسلم ولا هنت

ياليت .. اسم الشاعر ؟

ثامر
29-12-2005, 02:57
الاخ الفاضل ديرتي حائل عفاك الله على هذه القصيده الطيبه وعذرا اني قمت بتنسيق القصيده بالمنسق الشعري

فـارس الحـرف
23-02-2006, 15:01
تسلم رائعه كروعة ناقلها