المساعد الشخصي الرقمي

مشاهدة النسخة كاملة : بشير اللويش - استلم جيتك بالمحاوره



عبدالله الجعيثن
24-12-2005, 22:18
باسمي واسم اخوي بشير اللويش ( الراسي ) نرحب بالصفوف

وعل وعسى ان نمتع الجميع



ياسلامي على اللّي حاش عزٍ وطيب = وارتقى للمعالي لين عدّى سحابه

يابشير اللويشي خبّرن يالعريب = باستشيرك .. وودي من لسانك إجابه[/poem]





الغازي .. عبدالله الحعيثن

بشير اللويش
24-12-2005, 22:28
""""

""

كما قال اخي عبدالله .... أهلا بالجميع

استلم يابوغازي



يابوغازي هلابك .. عد شوف المغيب = مرحبا ياهلابك ياعشير الذرابه

يالجعيثن جوابي حاضرٍ لك واجيب = هات علمك .. وفكّر لايغرّك سرابه



......

...

..
الراسي

ثامر
24-12-2005, 22:29
ابو جعيثن صح لسانك وسجلن من ضمن الصفوف


ياسلامي على اللّي حاش عزٍ وطيب = وارتقى للمعالي لين عـدّى سحابـه

يابشير اللويشـي خبّـرن يالعريـب = باستشيرك .. وودي من لسانك إجابه


هلله وابشر حتى ربعي الي تخبر ماسكات الصفوف معي

المشرف العام
24-12-2005, 22:32
الله الله ..

صح لسانكم ..

ومعكم بالصف :)

بشير اللويش
24-12-2005, 22:33
.....

هلا ياثامر


هيّن ... يجي لك يوم ... وتشوفني ماسك الصفوف


لكن ماهو معك .... يجي لك يوم

سعدنا بحضورك

......

...

(( يالربع هالبليّه ... وين شايبنا ابوغازي عنه ؟ .. الظاهر مايفكني منه الا هو )



الراسي

عبدالله الجعيثن
24-12-2005, 22:33
^
^
^
على هون يالغالي

ايه هذي الهقوه...بس انتبه للهجمات المرتده

بشير اللويش
24-12-2005, 22:38
"""""

هلا ابوسلطان الكبير ... وصح بدنك

....

...

عبدالله وشقصدك ؟؟

لاتنسى

انتبه للعمق ،،

ترى الهجوووووم عنيف


الراسي

ثامر
24-12-2005, 22:40
والله يابو سلطان انا معك قلبا وقالبا لكن تخبر ابو جعيثن ماسك على مميسيك والله اقدر لكن ابشر شوين معك وشوين معه


يابوغازي هلابك .. عد شوف المغيب = مرحبا ياهلابـك ياعشيـر الذرابـه

يالجعيثن جوابي حاضرٍ لك واجيـب = هات علمك .. وفكّر لايغرّك سرابـه

عبدالله الجعيثن
24-12-2005, 22:44
خــلللللوها



يابوسلطان قللي في صديق غريب=كل ماجيت ازوره يختفي خلف بابه

عالي الاصل وافي دون شك وريب = بس طبعه تغيّر صار كله غرابه

...

عبدالله الجعيثن
24-12-2005, 22:50
هلا ابوسلطان الكبير

شف لنا ابن نبهان هو ومناظره يعدل الكرفونات


سررررررى

بشير اللويش
24-12-2005, 22:58
.....

..


حتّى حنّا ... نقول .... خلوووووها



وقتنا قد تغيّر من زمانٍ كئيب = اندثر في زمنّا ... طيبها والحبابه

لاتعجّب .. ووضّح يارفيقٍ .. لبيب = صاحبك وين داره ؟ كان تبغى الاجابه


الراسي

بشير اللويش
24-12-2005, 23:04
...

..

هالمره ياثامر ... مسموح

مزوووح ... تجي وتروح

الا مامعك فذّة " مميسك على ابن جعيثن " ؟


وارده لك بعدين
الراسي

عبدالله الجعيثن
24-12-2005, 23:13
سيبـــــــــــووووها




صاحبي بالمضايف بس ماهو قريب = حول بيت الرويتع ياعشير الذيابه

من يحطن بوجهه وافضح اسم الصحيب = وانشر اللي اعرفه وين قضى شبابه

بشير اللويش
24-12-2005, 23:22
....

..

كمان زيّه هادا اللي يقول سيبوها


حول بيت الرويتع كل شهمٍ حبيب = ماهو اللي تخفّى .. لالفوه القرابه

مايفكك بعيد .. ومايفكك قريب = كان هرجك فضحته في دروب الكآبه


الراسي

عبدالله الجعيثن
24-12-2005, 23:31
استلم



صاحبي كان قرم وشيخ فلّه عجيب = صار شيخ التكاسي والقسايم عثابه

صار يلبس (جيفنشي) ويتعطر بطيب = عقب حبشوش صندل ريحته في ثيابه


..

بشير اللويش
24-12-2005, 23:43
....

..


عبدالله ... خليك بعيد عن الوسط .... ترى السماويه احلا

حبشوش ... عقبه جفنشي ... قمة التناقض ... الله عليك ياعبدالله

،،،،

،،

بالرغم من الصفوف ماهناش ( بس المشرف العام ، ومشرف المحاوره ) .... لكن الله يخارجنا

.......

....

..


يارفيقي علامك ؟ ليه ماتستجيب ؟ = قلت لك لاتأثم وانتبه للطلابه

صاحبك ماتغيّر بس .. فديو كليب = استمع للاغاني ،، ثم ضيع صوابه


الراسي

سلطان الشمري
24-12-2005, 23:45
الله الله .
..
....
.....
........



ايه هذي الامسيه صدق.. والله رائعين

الله لايحرمنا منكم ..


.
.
.
شعراء من طراز ثقيل ونادر جدااا



صحت قلوبكم


وانا ماني بالصفوف .. كلكم غير شكل مار .. شكلي ابي اجلس هنااااااااااااااك واستمتع


احترامي

بشير اللويش
24-12-2005, 23:48
....

..

ماعليك زود يانبراس

وكل الشكر لك على حضورك


بس لاتنسى اخوك ... خلك بصفي


الراسي

عبدالله الجعيثن
24-12-2005, 23:51
الراسي

ماعندك احد واذا مافيه تشجيع ماتحمس

نبرااس...هلا يالغالي شرفنا حضورك


خلووووها..والله من قلّهم

سلطان الشمري
24-12-2005, 23:54
والله يابشير انك غاااااااااااالي ..حيل


وغلاك من غلا ناااايف.. (غمزه)

.
.
.
بس الغازي تخبر شايبن لنا واخاف انه يرتفع معه السكر ونبلش بوه لاجل هيك خلن بعيد :)

عبدالله الجعيثن
24-12-2005, 23:55
العوض في شبيهك قبل وقت المشيب = انت سيف مجرب عز منهو غزابه

واختم اللي بديته في سلامي ياذيب = للصفوف التحيه ذخرنا والمهابه

..

بشير اللويش
24-12-2005, 23:57
::::

...


ياعلك سالم يابوغازي

يكفيني فخر مجاراتي لك


......

...


نبراس .... مثلك عارف مانبتلش به

وانا اشهد انك صويدز .... عبدالله عليه الصدقه

ونذل عليه من السكر

تسلم .. ويسلم نايف اللي غلاّني بك بزووود


الراسي

بشير اللويش
25-12-2005, 00:03
،،،،،

،،،

،،


وانت تبقى عضيدي بالزمان الصعيب = مايهمّن زماني .. لو تسنن حرابه

والسلام الختام .. بريح مسكٍ وطيب = للمضايف واهلها .. كل جنسٍ وطابه

...

.

الراسي

بتول آل علي
25-12-2005, 00:18
خساره

ما وصلنا الا على السلام الاخير :)


لكن الجزالة و الاستمتاع يضل هو هو

حين يكون نتاج هذه الاسماء العملاقة



صح لساااانكم جميع

الدهور

الشامخه
25-12-2005, 00:33
ماحالفني الحض اخوني الحضور بالبدائه بس بجد استمتعت بتصفح


تلك الحروف التي علت التعانق القمم


رائع اخي عبدلله


واخي بشير


لافض فوكم


ولاشلت ايديكم



تقبلوا اجمل التحايا





اختكم





الشاااااااااااااااااااااااااااامخه

سنجار
25-12-2005, 01:20
عبدالله وبشير

يعطيكم العافيه ...أمتعتونا بهذه المحاوره

ولو اني مالحقت الا على تاليه(تسجيل)

بأنتظار الجايات

سرحــان
25-12-2005, 02:10
بشيرررررررررررررر............................عبداااااا اااااااالله



هلاوالله بالشعار


وعساكم على القوه


معكم بالصف

ابن جشعم
25-12-2005, 06:52
خلوووووووووووووووها


يعطيكم العافية شباب


ترونن صاف معكم بالصف



امتعونا وخشوا بالهميق شوين:)

عبدالله شبنان
25-12-2005, 11:32
ياسلاااااااااااام عليكم

من زمان ماشفت محاوره ممتعه بالنت مثل هاذي

صح لسانك ياعبدالله وصح لسانك يابشير

ولاهنتوا

هاني العجل
25-12-2005, 12:37
صحت السنكم .. اتحفتونا بالابداع

ابو مرشد
25-12-2005, 14:36
.....

هلا ياثامر


هيّن ... يجي لك يوم ... وتشوفني ماسك الصفوف


لكن ماهو معك .... يجي لك يوم

سعدنا بحضورك

......

...

(( يالربع هالبليّه ... وين شايبنا ابوغازي عنه ؟ .. الظاهر مايفكني منه الا هو )



الراسي


اخي الراسي اي و الله صدقت ابو غازي وينه انا سألت عنه كثير لا كن قطع


العاده يومين موجود

اذا كنت تعرف محله علمني :)


اخوك ابو مرشد

لسّاع
25-12-2005, 19:08
صح صح ألسنكم كل منكم صحيب== ان قريته قرايه وان كتبته كتابه

ساكن الخرج ذيب وساكن الشرق ذيب==يعني ابغى اختصرها كل ابوكم ذيابه


اتحفتوونا ولو ان جيتنا متأخره :)




سلااااامي

لسّاع

علي الشهراني
26-12-2005, 01:43
عماااااااااااااااااااااااااااااااالقه


وعلى الوزن الثقيل



عبدالله وبشير


امتعتونا


بهذه المحاااااااااااوره


الله لا يهينكم جميع


دمتم بود



علي الشهراني


جريح الحـــــــــــــــــــــــــــــــــرف

نافع بن طواله
26-12-2005, 08:59
صاحبي بالمضايف بس ماهـو قريـب
..................................... حول بيت الرويتـع ياعشيـر الذيابـه

من يحطن بوجهه وافضح اسم الصحيب
..................................... وانشر اللي اعرفه وين قضى شبابـه



أما أنا ماني لبيب الإشاره

وفهمي على قد حالي


هو منهو ؟؟؟؟؟؟؟؟؟؟؟؟؟؟؟



تابعت وتمتعت


عبدالله وبشير

حضور متأخر مني

لي منكم كل العذر والسموحه

ابو هدلاء

متفاائل
27-12-2005, 15:46
ليتني حول عبدالله وبيدي عسيب = ودي امسجره وشبه تقل سد بابه
مايعرف طبع ربعه ياعجب ياعجيب = بس هذا طبيعٍ-ن فيه مبطي غدابه
الشفايه تحرق القلب ولا تطيب = تدري انه علينا الزم من اكل وشرابه


مقدي به
صح لساني:)

حضور متأخر على

هذه الامسيه الرائعه جداً بين عملاقي الشعر

ابن جعيثن والراسي صح لسانكم على هذا الابداع

ابوغازي نبي راع الشبك تله بهذا تكفى :)

شموخ
30-12-2005, 19:28
للأسف ماحالفني الحظ لحظور هالمحاوره بس بجد رائعه :thumb:

طلعوا شعار القلطه :)

صح لسانكم ولاهنتوا ..

تحياتي
شموخ