المساعد الشخصي الرقمي

مشاهدة النسخة كاملة : القصــــيده الـــشـــبابيــه



الصامــــل
21-12-2005, 20:19
بسم الله الرحمن الرحيم

يـــثــيـــــرالمـــواجــــع


جبنا الدفاتر واطبعي يامطـــابـع = مثايلٍ ماهيب يادان دانه
خطي على بيض الصحايف واتابــــع = هيض القلوب المشفقات المصانه
مثايلاٍ يطرب لها كل سامــــــــــــــــع = واللي يقدمها لسانه احصــــــانه
يدفع احساسي للمواجيب دافـــــــع = وان حضرت يالله بك الاستــعانه
يشدني وضعاً يثير الــمواجـــــــــــــع = قلته وصمتي عنه مثل الخــــيانه
عشنا وعايشنا الدهر والـــطبايـــــــع = حتى خذينا للتجارب ضمــــــانه
مذاهبٍ شتا وناسٍ تنـــــــا و ع = كلاً مخصص له لحن واسطو انه
لاكن كل المشكله جيل طـــــــــــا لــع = امضيعين المرجله والامانه
دايم مواترهم اطيسها تلامـــــــــــــــع = ومنزلينه لين زان ازحــــفــــــانه
واطيبهم اللي في الجلنطات بـــــا ر ع = ومسجله عالي ويمضغ البـــــــانه
يقفي ويقبل والربع في التقــــــــاطـــع = حيوه ياحلوه وحلو اروغـــــــــانه
وقفايهم وقبالهم بالـــــــــــــــشــوارع = ومضايقين افلان ولا فـــــــــلانه
والاكل عند اهل المطاعم كــــــوارع = ولا من الربيان هاتوا اسمــــــانه
وان غلق المصروف مافيه مانــــــــع = اخذوا طواقينا اهنيا ارهـــــــــانه
يابن الحموله لاتخاو المخـــــــــاد ع = تراك في دربه بتلقى المهـــــــانه
ويابن الحموله لاتخيب الروابــــــــــع = اللي هقينا فيك وانت التكـــــــــانه
خلك مع اللي للفضائل أيـــــــســـارع = يصير لك بين النشامى مكـــــــانه
اللي تجافى اجنوبهم بالمضـــاجـــــــع = يرجون رحمة ربهم وعفيـــــــانه
بوجيههم نور من النور ســــــاطـــــع = وقلوبهم فيها الامن واليــــــــــــانه
الليل قضه بين ساجد وراكــــــــــــــع = اكسب رضى الله لاتفيد اعصيــانه
ستر العذارى بالعبي والبــــــراقـــــع = لاكن وش سترالولد في زمــــــانه
وسلامتك يلي للاشعار سامــــــــــــع = ياطيبن شان اهل الطيب شــــــانه
تمت وصلى الله على خير شــــافـــع = نبينا اللي بلغ اطهــــر ديــــــــانه


الشــــاعــر/ هذال ماضي السبيعي

صلفيق ابو قناة
21-12-2005, 22:59
وان غلق المصروف مافيه مانــــــــع = اخذوا طواقينا اهنيا ارهـــــــــانه


:thumb:

ههههههههههه وصلت لرهن الطواقي:goooood:


تصوير عجيب لأحوال بعض الشباب هدانا الله وإياهم للطريق المستقيم

وقبل ختم القصيدة رسم صورة جميلة ومحببه للنفوس لتكون الهدف والمبتغى لكل شاب طموح للمعالي!

صح لسانك يالسبيعي وحياك الله بين أخوتك

شام
22-12-2005, 00:11
القصيدة الشبابية .. كالأغنية الشبابية ..
صرعة وموضة .. والحل .. على رأي أخوتنا المصريين ( الجمهور عاوز كده )
لا أعتقد أن الجمهور يريد هكذا ... ولكن مفروضة على الجمهور هذه الفنون ..
سواء القصيدة أو الأغنية أو حتى الأعمال المسرحية والسينمائية ..و مجالات الأدب كلها ..
ولكن أرى بارقة نور في الأفق من خلال الأقلام الواعدة ..
حياك الله أخي السبيعي ... وبارك بك ..
الله يعطيك العافية ..

عبدالله الأسلمي
25-01-2007, 20:05
لاكن كل المشكله جيل طا لع ####امضيعين المرجله والامانه

الصامل صح لسانك والله لايهينك